Ana səhifə »  Analitik »  Azərbaycana qarşı “qara piar” kampaniyası haradan və necə idarə olunur?
A+   Yenilə  A-
Azərbaycana qarşı “qara piar” kampaniyası haradan və necə idarə olunur?

Azərbaycan iqtisadi inkişafına, sosial-siyasi sabitliyə, beynəlxalq müstəvidə əldə etdiyi nüfuzuna və mövqeyinə görə güclü, qüdrətli bir dövlətə çevrilib. Bu pozitiv inkişaf tendensiyası ölkəmizdə bütün sahələrin paralel tərəqqisini təmin edir. Eyni zamanda, dövlətin xüsusi qayğı və diqqəti sayəsində dinamik inkişaf tempinə malik olan sahələrdən biri də idman sektorudur. Azərbaycanda idmanın inkişaf etdirilməsi istiqamətində görülən genişmiqyaslı işlər nəticəsində ölkəmiz Avropanın idman mərkəzlərindən birinə çevrilib. Ölkəmizin birinci Avropa Oyunlarına ev sahibliyi etmək iddiasını ortaya qoyması və namizədliyini rəsmi şəkildə irəli sürməsinin arxasında da məhz Azərbaycanın inkişafı, müasir infrastrukturu və təhlükəsizliyin təmin olunduğu sabit ölkə olması amili dayanır.
Bunlarla yanaşı, Azərbaycan ilk Avropa Oyunlarını Yay Olimpiya Oyunları səviyyəsində keçirmək əzmindədir. Bakıda birinci Avropa Oyunları ilə əlaqədar həyata keçirilən infrastruktur layihələri, yeni idman arenalarının inşası, mövcud obyektlərdə əsaslı yenidənqurma işlərinin aparılması, atletlər kəndinin hazırlanması, digər çoxsaylı tədbirlərin əlaqələndirilməsi və qısa müddətdə reallaşdırılması görülən işlərin miqyası barədə konkret təsəvvür yaradır. Yerli və xarici ekspertlər də bu qənaətdədirlər ki, iyunda Bakıda keçiriləcək birinci Avropa Oyunları Azərbaycanın və Avropanın idman tarixində əlamətdar hadisə olacaq. Birinci Avropa Oyunlarının əhəmiyyətindən bəhs edərkən, o da qeyd edilməlidir ki, bu yarışma Azərbaycan reallıqlarının nümayişi və təbliği baxımından xüsusi əhəmiyyət kəsb edəcək.
Azərbaycana qarşı “qara piar” kampaniyası NED təşkilatına həvalə edilib
Lakin bütün bunlara rəğmən, cari ilin iyun ayında paytaxt Bakıda keçiriləcək ilk Avropa Oyunları ərəfəsində anti-Azərbaycan dairələr və erməni lobbisi yenə də Azərbaycana qarşı “qara piar” kampaniyasında fəallaşıblar. Bu kontekstdə birinci Avropa Oyunları ilə bağlı spekulyasiya xarakterli çağırışlar diqqət çəkir. Bu çağırışların yayımlandığı media qurumlarına, eləcə də, bəyanatların məzmununa nəzər saldıqda görünür ki, kampaniyanın arxasında Qərbdəki islamofob, ermənipərəst dairələr durur. Aparılan araşdırmalara görə, Azərbaycana qarşı bu “qara piar” kampaniyası “National Endowment for Democracy” (NED) təşkilatına həvalə edilib. Azərbaycan ictimaiyyətinə bəllidir ki, bu təşkilat ölkəmiz daxilində illeqal fəaliyyətə malik olan “beşinci kolon”a maliyyə dəstəyi verməklə təxribatçı və dağıdıcı planlar üzərindən hərəkət edir.
“APA Analitik Mərkəzinin” məlumatına görə, bir müddət bundan öncə mərkəzi fiqur NED olmaqla Azərbaycanla bağlı xüsusi layihə hazırlanıb: “Hazırda layihə təsdiq mərhələsindədir və yaxın günlərdə onun açıqlanması nəzərdə tutulur. 2 il müddətində həyata keçiriləcək layihəyə artıq külli miqdarda vəsait ayrılıb. Sənədin preambula hissəsində açıq şəkildə bildirilir ki, “Azərbaycana öz davranışlarına görə yerini göstərmək zamanı gəlmişdir”. Bu ayın əvvəlində “Freedom House” təşkilatının sabiq rəhbəri Devid Kramer, ABŞ-ın Azərbaycandakı keçmiş səfiri Riçard Kozlariç, “5-ci kolon”un parlaq nümayəndələrindən olan və hazırda Amerikada yaşayan Elmar Şahtaxtinski də daxil olmaqla bir qrup şəxsin ABŞ dövlət katibi Con Kerriyə müraciət ünvanlaması ilə layihənin ilkin konturları ictimaiyyətə açıqlanıb. Onun qapalı hissəsinə gəldikdə, konqresmen və senatorlar da daxil olmaqla 100 nəfər tanınmış ictimai-siyasi xadimdən imzalar alınması, Konqresdə dinləmələr təşkil edilməsi ilə yanaşı, Azərbaycana qarşı sanksiyaların tətbiqi, vətəndaşlarımızın səyahət imkanlarının məhdudlaşdırılması, bank hesablarının dondurulması və digər istiqamətlərdə tədbirlərin reallaşdırılması təşəbbüsü irəli sürülür. Sənədə əsasən, Azərbaycanda bu məqsədlərə dəstək verən təşkilat qismində “milli şura” adlandırılan qurumun cəlb olunması planlaşdırılıb. Lakin məsələ ilə bağlı ən maraqlı məqam ondan ibarətdir ki, kampaniyanın əsas fəaliyyət mərkəzi rolunu ABŞ-ın dövlət katibi Con Kerrinin Konqresdəki ofisi oynayır”.
Ermənipərəst və islamofob mövqeyi ilə seçilən Con Kerri əsas fiqur kimi...
Göründüyü kimi, “qara piar” və təzyiq kampaniyasının episentrində məhz ermənipərəst ABŞ Dövlət katibinin xidmətləri və direktivləri dayanır. Əlbəttə, bu, təəccüblü görünmür, çünki Con Kerri öz ermənipərəst və islamofob mövqeyini daha öncə dəfələrlə aşkar şəkildə nümayiş etdirib. C.Kerri digər bir neçə senatorla birlikdə hələ 1990-cı ildə SSRİ rəhbəri M.Qorbaçova ünvanladıqları məktubda onu Dağlıq Qarabağ problemini “Qarabağ xalqının Sovet dövləti çərçivəsində gələcək siyasi və mədəni mənsubiyyətini seçmək hüququnu tanımaqla həll etməyə” çağırırdı. 2012-ci ilin sentyabrında Kerrinin erməni zabitini qətlə yetirməkdə təqsirli bilinərək Budapeşt məhkəməsi tərəfindən məhkum olunmuş Azərbaycan Ordusunun zabiti Ramil Səfərovun Azərbaycana gətirilməsinə münasibəti də onun ermənipərəstliyinin bariz nümunəsi kimi səciyyələndirilə bilər. “Mən Azərbaycanın Ramil Səfərovu qaytarmasından, onu əfv etməsindən, hərbi rütbəsini yüksəltməsindən və qəhrəmana çevirməsindən şokdayam”, - deyə o bildirmişdi. Göründüyü kimi, ABŞ dövlət katibi Con Kerrinin Azərbaycana qarşı qərəzli və qeyri-obyektiv münasibətinin kökü hələ 90-cı illərə gedib çıxır.
Beynəlxalq hüquq-müdafiə təşkilatları təzyiq qrupları rolunda...
Mənbə onu da əlavə edir ki, “İnsan hüquqları naminə idman” kampaniyası adlandırılan ikinci sənədə əsasən, Avropada hərəkətverici qüvvə rolunda beynəlxalq hüquq-müdafiə təşkilatları çıxış etməklə, habelə rəsmi dairələr, Avropa İttifaqı, Avropa Şurası, ATƏT və digər böyük beynəlxalq təşkilatlar cəlb olunmaqla Azərbaycana qarşı yeni “qara piar” layihəsinin icrasına başlanmışdır: “Sənəddə açıq şəkildə bildirilir ki, bu il və qarşıdan gələn illərdə Azərbaycanda birinci Avropa Oyunlarının, parlament seçkilərinin, “Formula 1” yarışmasının, İslam Həmrəylik Oyunlarının və digər mühüm beynəlxalq tədbirlər keçiriləcəyinə görə, dünya ictimaiyyətinin diqqəti ölkəmizə yönələcəkdir və bu fürtsətdən istifadə edilməklə Azərbaycana qarşı məcburetmə tədbirləri həyata keçirilməlidir”.
Məlumdur ki, Azərbaycana qarşı “qara piar” kampaniyasında həmin dairələr ayrı-ayrı ölkələrdə demokratik inkişaf səviyyəsini, insan hüquqlarının vəziyyətini araşdırdığı iddia edilən, lakin sözün əsl mənasında, təzyiq qrupu kimi çıxış edən təşkilatların xidmətlərindən istifadə edirlər. Bu kontekstdə “Human Rights Watch”, “Amnesty İnternational”, “Freedom House” kimi təşkilatların qərəzli, subyektiv mülahizələrə əsaslanan bəyanatları, hesabat və çağırışları xüsusi rol oynayır. Qərbdəki islamofob dairələrin kampaniyasında siyasi alət kimi çıxış edən bu cür təşkilatlar, əslində, ənənəvi fəaliyyətlərini davam etdirirlər. Məlumat üçün qeyd edək ki, cari il yanvarın 15-16-da Polşanın paytaxtı Varşavada beynəlxalq QHT-lərin görüşündə ermənipərəst “People in Need” (Çexiya), həmçinin, “Human Rights Watch”, “İnternational Media Support” (Danimarka), “Platform London”, “Netherlands Helsinki Committee”, “İndex on Gensorship”, “Article XlX”, “İnternational Partnership for Human Rights”, “YouAid Foundation” və digər təşkilatların nümayəndələri iştirak ediblər. Layihənin icrasına Sərhədsiz Reportyorlar, Avropada Stabillik Təşəbbüsü, İnsan Hüquqları və Biznes üçün Polşa Təşkilatı, Belarus Məlumat Ofisi və başqa qurumların cəlb olunmasının zəruriliyi rəyi ifadə edilib.
Mənbə məlumat verir ki, görüşdə Azərbaycana qarşı təşkil olunacaq kampaniyanın ilkin konturları müzakirə olunub: “Bildirilib ki, bu ilin iyununda Bakıda birinci Avropa Oyunlarının keçirilməsi beynəlxalq ictimaiyyətin diqqətini Azərbaycana yönəltmək və Xədicə İsmayılova, İntiqam Əliyev, Leyla və Arif Yunuslar, Anar Məmmədli və digərlərinin azad edilməsinə nail olmaq üçün əlverişli məqam yaradıb. Müzakirənin nəticəsi olaraq tərtib olunmuş ilkin layihədə kampaniyanın əsas məqsədi, çağırışı, kommunikasiya, Azərbaycanda, beynəlxalq miqyasda və internetdə fəaliyyətin əsas istiqamətləri, lazım olan resurslar öz əksini tapıb, habelə işçi qruplar müəyyənləşdirilib. Sənəddə qeyd olunub ki, kampaniyanın məqsədi - “hakimiyyət tərəfindən Azərbaycanın müsbət imicini yaratmaq üçün həyata keçirilən piar cəhdlərini məhv etməkdir”.
Kampaniyaya ümumi nəzarət Vaşinqton və Londondan həyata keçirilir
Beləliklə, Azərbaycanda illeqal fəaliyyət göstərməyə çalışan “beşinci kolon”u dəstəkləyən anti-Azərbaycan dairələri ilk Avropa Oyunları ərəfəsində ölkəmizə qarşı “qara piar” kampaniyasını davam etdirir. ABŞ-da NED-in vasitəsilə reallaşdırılan kampaniya ilə Avropada start verilmiş layihənin koordinasiyasına dair razılaşmanın olduğu və ümumi nəzarətin Vaşinqton və Londondan həyata keçirildiyinə dair faktlar mövcuddur. Yuxarıda adı çəkilən mənbə qeyd edir ki, bu kampaniyaya məhz aprelin 20-də Londonda keçirilmiş tədbir zamanı start verilib: “Daha sonra onun əsas hərəkətverici qüvvəsi olan İMS təşkilatının mərkəzi ofisinin yerləşdiyi Kopenhagendə geniş təqdimat nəzərdə tutulsa da, sonradan həmin tədbirin “Article XIX”un təşkilatçılığı ilə dünən - aprelin 28-də Londonda keçirilməsi qərara alınıb. Həmçinin, əlavə sənədlərə əsasən demək olar ki, Azərbaycanla bağlı tədbirlər əsasən Gürcüstan vasitəsilə reallaşdırılacaq və Tbilisinin Azərbaycana qarşı qarayaxma kampaniyasında platsdarm rolu bir az da genişləndiriləcək”.
Transmilli media qurumlarının siyasi manipulyasiyası Azərbaycanın pozitiv beynəlxalq imicinə qarşı...
O da qeyd edilməlidir ki, “qara piar” kampaniyasında Əl-Cəzirə, BBC və Nordic Broadcastes mərkəz KİV-lər olmaqla transmilli media strukturlarının xidmətlərindən də xüsusi olaraq istifadə edilir. Həmin media qurumları dezinformasiya xarakterli məlumatları və subyektiv mülahizələrə söykənən - ittiham xarakterli fikirləri dövriyyəyə buraxmaqla “qara piar” kampaniyasına “töhfə”lər verir, bu məsələlərlə bağlı dünya ictimaiyyətini manipulyasiyaya məruz qoyurlar. Qeyri-obyektiv mülahizələrə tribuna verən transmilli media qurumları təzyiq qruplarının ruporu qismində çıxış edirlər.
Azərbaycan ictimaiyyəti “qara piar” kampaniyasına kəskin etiraz edir
Azərbaycan ictimaiyyətinin nümayəndələri - ekspertlər, vətəndaş cəmiyyəti təmsilçiləri, gənclər bu cür “qara piar” kampaniyasına kəskin etiraz edirlər. Politoloq Elşad Mirbəşiroğlunun sözlərinə görə, ilk Avropa Oyunları ərəfəsində Azərbaycana qarşı ABŞ dövlət katibinin Konqresdəki ofisindən idarə olunan “qara piar” kampaniyası, öz növbəsində, bir sıra məqamlardan xəbər verir: “Birincisi, bununla növbəti dəfə bəlli olur ki, müxtəlif ölkələrdə idarə etdikləri “beşinci kolon” vasitəsilə təxribatçı planlar reallaşdırmağa çalışan Qərbdəki, xüsusilə də ABŞ-dakı müəyyən dairələr erməni lobbisinin təsiri altındadır və onlarla sinxron fəaliyyət göstərir. Bu, hər şeydən öncə, “demokratiya”, “insan hüquqları” kimi məfhumları əldə bayraq etmiş Qərbin fəaliyyətinin gerçək mahiyyətini aşkar edir. İkincisi, faktlar göstərir ki, ilk Avropa Oyunları ərəfəsində Azərbaycana qarşı sistemli “qara piar” və təzyiq kampaniyası təşkil etməkdə iki məqsəd var: bunlardan biri Azərbaycanın müsbət beynəlxalq imicinə zərbə vurmaq, ikincisi isə, ölkə daxilində qeyri-qanuni, dağıdıcı fəaliyyət göstərən və himayə etdikləri “beşinci kolon”un nümayəndələrini müdafiə etməkdir”.
Politoloq əlavə edib ki, bəhs olunan “qara piar” kampaniyasında NED, “Freedom House”, “Amnesty İnternational”, “Human Rights Watch” kimi təşkilatların, eləcə də, bir sıra nüfuzlu beynəlxalq media təsisatlarının xidmətlərindən istifadə olunması təsadüfi deyil: “Çünki adlarını çəkdiyim təşkilatlar öz əməlləri ilə bundan öncə dəfələrlə sübut ediblər ki, onlar ermənipərəst dairələrdən, islamofob qüvvələrdən aldıqları direktivlər əsasında fəaliyyət göstərirlər və əsas etibarilə, müstəqil dövlətlərə qarşı təzyiq kampaniyasında istifadə edilirlər. Əslində, bu gün özünü dünyaya “demokratiya beşiyi”, “insan hüquqlarının müdafiəçisi” kimi təqdim edən Qərb, əsasən ABŞ bu cür qərəzli kampaniyalarla öz nüfuzunu sarsıdır, imicinə xələl gətirir. Azərbaycan ictimaiyyəti bütün bu qərəzli çağırışların, təzyiq kampaniyasının mahiyyətini yaxşı dərk edir və öz haqlı narazılığını bildirir”.
“Bakı 2015” Avropa Oyunlarına Dəstək Koalisiyasının koordinatoru, Beynəlxalq Münasibətlərin Araşdırılması Mərkəzinin sədri Rufiz Qonaqov isə bildirib ki, ABŞ dövlət katibinin Azərbaycana qarşı “qara piar” kampaniyasında rolunun olması çox təəssüfvericidir: “Bu hal, eyni zamanda, ABŞ kimi nüfuzlu bir dövlət üçün utancverici məqamdır. Azərbaycan ictimaiyyəti - ziyalılar, ekspertlər, media nümayəndələri bu cür halları yolverilməz hesab edir. Azərbaycana qarşı yönəlmiş bu cür kampaniyalar heç bir nəticə verməyəcək, ilk Avropa Oyunları yüksək səviyyədə keçiriləcək”.
YAP Gənclər Birliyi ofisinin koordinatoru Şəfəq Əhmədova deyib ki, birinci Avropa Oyunları ərəfəsində ölkəmizdə görülən yüksək səviyyəli hazırlıq işləri Azərbaycan əleyhinə olan bəzi destruktiv qüvvələri daha kəskin formada qıcıqlandırır: “Bu qüvvələr davamlı şəkildə Azərbaycanın iqtisadi, sosial, siyasi, humanitar və digər sahələrdə əldə etdiyi uğurları gözdən salmaq məqsədilə “qara piar” kampaniyası aparır. Xatırlatmaq istəyirəm ki, “Eurovision” mahnı müsabiqəsi ərəfəsində də qərəzli təbliğat aparılmışdı, bu gün - Avropa Oyunları ərəfəsində də buna rast gəlinir. Azərbaycanda keçiriləcək Avropa Oyunlarına hazırlıqla əlaqədar həyata keçirilən tədbirlər haqqında dezinformasiyalar yaymaqla, qərəzli, qeyri-obyektiv materiallar dərc etməklə ölkəmizin imicinə zərbə vurmağa cəhdlər edilir”.
Onun sözlərinə görə, bütün bunlara baxmayaraq, Azərbaycan dünyada böyük nüfuz sahibidir və yaradılan infrastruktur Avropa Oyunlarının ən yüksək səviyyədə baş tutması üçün bütün şəraitin mövcudluğunu göstərir. “Avropa Oyunlarına hazırlıqla bağlı ölkəmizdə qarşıya qoyulan bütün hədəflərə qısa zamanda nail olunub. Bütün bunlar əminliklə onu söyləməyə əsas verir ki, Azərbaycanda keçiriləcək I Avropa Oyunları öz möhtəşəmliyi ilə yaddaşlarda qalacaqdır”, - deyə o bildirib.
YAP Gənclər Birliyi ofisinin koordinatoru Fərid Nəsibov isə deyib ki, Azərbaycan bir çox dünya əhəmiyyətli - mötəbər tədbirlərə ev sahibliyi etmişdir: “İlk Avropa Oyunlarının məhz Azərbaycanda keçirilməsi təsadüfi deyil. Demokratiya adı altında gizlənmiş ermənipərəst dairələr isə Azərbaycanın uğurlarını qəbul edə bilmir, ölkəmizə qarşı qarayaxma kampaniyası aparırlar. Bütün bu təzyiq cəhdlərinə baxmayaraq, Azərbaycan ilk Avropa Oyunlarına uğurla ev sahibliyi edərək daha bir möhtəşəm nailiyyətin altına imza atacaqdır”.
“Yeni Azərbaycan”ın
Analitik Qrupu

 
  • Oxunub:  44460  |  
  • Tarix:  29-04-2015  |  
  •    Çap et   |  
Get Adobe Flash player
Azərbaycanda sabitliyin möhkəmləndirilməsi dövlətin və hər bir vətəndaşın işi olmalıdır

15 Fevral 20:36
“Toplan” sahibsiz itlərə qayğı mərkəzinin növbəti hissəsinin təməli qoyulub
15 Fevral 20:21
Buzovnadakı psixonevroloji sosial xidmət müəssisəsinin yenidənqurmadan sonra açılışı olub
15 Fevral 20:19
Azərbaycan ilə Avropa İttifaqı arasında əməkdaşlıq məsələləri müzakirə edilib
15 Fevral 19:08
Əli Həsənov: Məişət zəminində yaşanan hər hansı insident Azərbaycan və çeçen xalqları arasında tarixən mövcud olmuş dostluq və qardaşlıq əlaqələrinə xələl gətirə bilməz
15 Fevral 17:52
Mediaya açıq Prezident: İlham Əliyev fikirlərini KİV-lə bölüşür
15 Fevral 17:47
Konstitusiya Məhkəməsi gənc hüquqşünasları könüllü fəaliyyətə dəvət edir
15 Fevral 17:46
Neftçalada özünüməşğulluq proqramı çərçivəsində yaradılmış təsərrüfatlara baxış olub
15 Fevral 17:41
Pərvin Kərimzadə: Dövlət başçısının imzaladığı sərəncamlar gənclərin elm və təhsil sahəsinə marağının artmasını stimullaşdıracaq
15 Fevral 17:38
Azərbaycanda yeni "ASAN Xidmət" mərkəzləri açılacaq
15 Fevral 17:34
Prezident İlham Əliyev Sabirabad və Salyan rayonlarında qış otlaqlarında meliorativ tədbirlərin davam etdirilməsinə 30 milyon manat ayırıb
15 Fevral 17:34
Eldəniz Səlimov: Demokratiya, söz azadlığı o demək deyil ki, hər kəs istənilən zaman başqalarını təhqir edə bilər
15 Fevral 17:32
Prezident İlham Əliyev Tovuzda yol tikintisinə 3,3 milyon manat ayırıb
15 Fevral 17:31
“ASAN xidmət” və Diasporla İş üzrə Dövlət Komitəsi xaricdəki vətəndaşlarımız üçün səyyar xidmətlər göstərəcək
15 Fevral 17:28
Bərdədə məcburi köçkünlər üçün ödənişsiz tibbi müayinə təşkil edilib
15 Fevral 17:24
Neftçalada kütləvi tibbi müayinəyə 65 min nəfərdən çox sakin cəlb olunacaq
15 Fevral 17:05
Göyçaya rəqabətqabiliyyətli və ixracyönümlü məhsulların istehsalı diqqət mərkəzində saxlanılacaq
15 Fevral 17:02
Əli Məsimli: Azərbaycan Avropanın enerji təhlükəsizliyində mühüm rol oynayacaq və qitəyə daha güclü inteqrasiya edəcək
15 Fevral 16:58
İnam Kərimov Kənd Təsərrüfatı Nazirliyinin xaricdə təhsil almış əməkdaşları ilə görüşüb
15 Fevral 16:57
İsmayıllıda əsas kapitala 6,7 faiz çox investisiya qoyulub
15 Fevral 16:44
Böyük Britaniya baş nazirinin ticarət elçisi Bakıda bir sıra mədəni tədbirlərdə iştirak etməyi planlaşdırır
15 Fevral 16:39
Vüqar Bayramov: Bu il ölkəmizin iqtisadi artım tempində daha yüksək faiz qeydə alınacaq
15 Fevral 16:21
“Nəsimi ili” ilə bağlı Özbəkistanda silsilə tədbirlər keçiriləcək
15 Fevral 16:16
Dövlət İmtahan Mərkəzinin Direktorlar Şurasının sədri Məleykə Abbaszadə Naftalanda vətəndaşları qəbul edib
15 Fevral 16:12
Bakıda Azərbaycanla Avropa İttifaqı arasında Yüksək Səviyyəli Nəqliyyat Dialoqunun ilk iclası keçiriləcək
15 Fevral 15:58
Azərbaycan Milli Paralimpiya Komitəsi ilə Bakı Nəqliyyat Agentliyi arasında anlaşma memorandumu imzalanıb
15 Fevral 15:40
Ötən il Yevlaxda 53,7 milyon manatlıq tikinti-quruculuq işləri aparılıb
15 Fevral 15:34
Professor Aygün Əttar: Azərbaycanın uğurlarının əsasını xalq-hakimiyyət birliyi təşkil edir
15 Fevral 15:15
ABŞ-ın Enerji Administrasiyası: Azərbaycan Cənubi Avropa üçün daha mühüm qaz tədarükçüsü olmaq niyyətindədir
15 Fevral 15:04
Gələn həftədən Elektron Kənd Təsərrüfatı İnformasiya Sisteminin tətbiqinə başlanacaq
15 Fevral 14:51
Ötən mövsüm ölkə üzrə 232,2 min ton pambıq istehsal olunub
15 Fevral 14:47
Milli Məclisdə “Ailə institutunun formalaşmasında qanunvericiliyin rolu” mövzusunda dəyirmi masa keçirilib
15 Fevral 14:38
Milli Kitabxanada növbəti kitab sərgisi akademik Arif Paşayevin 85 illiyinə həsr edilib
15 Fevral 14:25
Elman Məmmədov: Nikol Paşinyan hələ də nəticə çıxara bilməyib
15 Fevral 14:23
Təqaüdlərin artırılması tələbələrin sosial müdafiəsinin daha da yaxşılaşdırılması baxımından xüsusi əhəmiyyət daşıyır
15 Fevral 14:19
Ekologiya və təbii sərvətlər naziri Beyləqanda vətəndaşları qəbul edib
15 Fevral 14:16
“The Korea Times” qəzetində Azərbaycanın xarici işlər nazirinin müsahibəsi dərc olunub
15 Fevral 14:16
Bakı Dövlət Universitetində doktorantların sualları cavablandırılıb
15 Fevral 14:12
Ötən il Ali Məhkəmənin fəaliyyətinin təkmilləşdirilməsi və müasirləşdirilməsi istiqamətində mühüm işlər görülüb
15 Fevral 14:04
Mədəniyyət Nazirliyi ilə “British Council” arasında niyyət sazişi imzalanıb
15 Fevral 12:57
Saatlıda ötən il görülən işlər və qarşıda duran vəzifələr müzakirə olunub
15 Fevral 12:54
Malayziya-Azərbaycan parlamentlərarası əməkdaşlığının perspektivləri müzakirə edilib
15 Fevral 12:41
Bosniya və Herseqovinanın Rəyasət Heyətinin üzvü VII Qlobal Bakı Forumunda iştirak edəcək
15 Fevral 12:40
YAP Gənclər Birliyinin nümayəndəsi Moskvada «Единая Россия»nın gənc qvardiyaçılarının IX Qurultayında iştirak edib
15 Fevral 12:36
Təhsil naziri: Təqaüd sisteminin təkmilləşdirilməsi tələbələrin sosial müdafiəsinin daha da gücləndirilməsinə xidmət edir
15 Fevral 12:31
YAP Mingəçevir şəhər təşkilatının yaradılmasının 26-cı ildönümü münasibətilə tədbir keçirilib
15 Fevral 12:24
Bakı Ali Neft Məktəbində “Mühəndislər üçün biznes təhsili”nin növbəti dərsləri başlayıb
15 Fevral 12:22
Ötən il muxtar respublikada 1448 ton bal istehsal edilib
15 Fevral 12:21
Azərbaycan şirkətləri “Gulfood 2019” beynəlxalq qida sərgisində iştirak edəcək
15 Fevral 12:01
Azərbaycanda ilk dəfə rayon icra hakimiyyəti xidmətlərin asanlaşdırılması üçün vahid mərkəz yaradıb
15 Fevral 11:44
Reyhan Camalova ABŞ-da Beynəlxalq Elm və Mühəndislik Sərgisində Azərbaycanı təmsil edəcək
15 Fevral 11:30
Fevralın 15-i Beynəlxalq Uşaq Xərçəng Xəstəlikləri ilə Mübarizə Günüdür
15 Fevral 11:12
Əqli Mülkiyyət Agentliyi biznes sektorunun nümayəndələri üçün təlimlər təşkil edəcək
15 Fevral 11:07
Ötən gün 27 cinayətin üstü “isti izlər”lə açılıb
15 Fevral 11:03
Qusarda son üç ildə 3 min 238 hektar yeni fındıq bağları əkilib
15 Fevral 10:48
Azərbaycan İlahiyyat İnstitutunda Heydər Əliyev təqaüdü təsis olundu
15 Fevral 10:40
Hikmət Babaoğlu: Tələbələrin təqaüdlərinin artırılması Azərbaycan elminin inkişafında yeni üfüqlər açacaq
15 Fevral 10:22
Ceyhun Bayramov: Son sərəncamlar tələbələrin akademik göstəricilərinin yüksəldilməsi üçün atılan addımdır
15 Fevral 09:53
Ermənistan silahlı qüvvələrinin bölmələri sutka ərzində atəşkəs rejimini 23 dəfə pozub
15 Fevral 09:38
Prezident İlham Əliyevdən tələbə gənclərə mühüm dəstək
15 Fevral 09:37
Azərbaycanda dövlət-vətəndaş münasibətləri sağlam zəmində qurulub
15 Fevral 09:33
Azərbaycan xalqı Prezident İlham Əliyevə öz yüksək inam və etimadını qətiyyətlə nümayiş etdirir
15 Fevral 09:32
Xəzər rayon İcra Hakimiyyətində şəhid ailələri ilə növbəti görüş keçirilib
15 Fevral 09:31
Abbas İsmayılov: Xocalı soyqırımı kimi dəhşətli cinayətə göz yummaq böyük haqsızlıqdır, erməni faşizmini dəstəkləməkdir
15 Fevral 09:31
Xalq şairi Bəxtiyar Vahabzadəyə həsr olunan “Ustada sayğı gecəsi” adlı tədbir keçirilib
15 Fevral 09:29
Radikal müxalifət təmsilçiləri Azərbaycana qarşı aparılan çirkin kampaniyaların fəal iştirakçılarıdır
15 Fevral 09:28
“Xocalı - şahidlərin gözü ilə” sənədli-tarixi kitabı ingilis və rus dillərində nəşr olunub
15 Fevral 09:28
Bölgələrdə yeni uşaq bərpa mərkəzləri yaradılacaq
15 Fevral 09:27
Bakcell və ENGİNET “Təhlükəsiz İnternet günü” ilə bağlı təlimlər keçirib
15 Fevral 09:23
Azercell əməkdaşları bilik və təcrübələrini tələbələr ilə bölüşüblər
15 Fevral 09:23
Azərbaycanın regionlarında meyvəçiliyin geniş inkişaf potensialı var

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28
HAVA HAQQINDA