Ana səhifə »  Analitik »  Prezident İlham Əliyevdən Serj Sarkisyana dərs
A+   Yenilə  A-
Prezident İlham Əliyevdən Serj Sarkisyana dərs

Azərbaycanın dövlət başçısı BMT-nin Baş Assambleyasının 72-ci sessiyasının açılışında parlaq çıxışı ilə Ermənistan prezidentinin yalanlarını ifşa etdi
Məlumdur ki, Azərbaycan özünün ardıcıl şəkildə həyata keçirdiyi xarici siyasətində daim milli maraqlardan çıxış edir, eyni zamanda qlobal miqyasda əməkdaşlığın möhkəmlənməsinə öz töhfəsini verməyə çalışır. Azərbaycan Prezidenti İlham Əliyev xarici ölkələrin, nüfuzlu beynəlxalq təşkilatların yüksək səviyyəli rəsmiləri ilə görüşlərində, qlobal əhəmiyyət daşıyan mötəbər tədbirlərdəki çıxışlarında ölkəmizin ədalətli mövqeyini qətiyyətlə diqqətə çatdırır. Bu baxımdan Prezident İlham Əliyevin sentyabrın 20-də Nyu-Yorkda BMT-nin Baş Assambleyasının 72-ci sessiyasının açılışındakı çıxışı da xüsusilə xarakterikdir. Azərbaycanın dövlət başçısı parlaq çıxışında vurğulayıb ki, BMT-nin mühüm islahatlarından biri Təhlükəsizlik Şurasının qətnamələrinin icra mexanizminin yaradılması olmalıdır. BMT Baş Assambleyasının tribunasından Azərbaycanı dünyaya sosial-iqtisadi cəhətdən uğurla inkişaf edən, qlobal miqyasda mədəniyyətlərin yaxınlaşmasına böyük töhfə verən ölkə kimi təqdim edən Prezident İlham Əliyev eyni zamanda diqqəti ölkəmizin ən ağrılı problemi olan Dağlıq Qarabağ münaqişəsinə yönəldib.
Prezident İlham Əliyev Ermənistanın azərbaycanlılara qarşı soyqırımını faktlarla diqqətə çatdırdı
Azərbaycan dövlətinin xarici siyasət kursunun strateji prioritetlərindən birini Dağlıq Qarabağ münaqişəsinin beynəlxalq hüquq normaları - ölkəmizin ərazi bütövlüyü əsasında həll olunması təşkil edir. Bu istiqamətdə ölkəmiz özünün bütün diplomatik resurslarından istifadə edir, qətiyyətli mövqe nümayiş etdirir. Azərbaycan Respublikasının Prezidenti İlham Əliyev istər beynəlxalq təşkilatlar səviyyəsində çıxışlarında, istərsə də müxtəlif bəyanatlarında ölkəmizin öz qətiyyətli mövqeyindən bir addım da geri çəkilməyəcəyini ifadə edir və münaqişənin həllinin zəruriliyini vurğulayır. Prezident İlham Əliyev həm də konkret və prinsipial mövqe nümayiş etdirərək ölkəmizin münaqişənin sülh yolu ilə həllinə tərəfdar olduğunu, bunun üçün isə Ermənistanın konstruktiv mövqedən çıxış etməsinin vacibliyini dünya ictimaiyyətinin diqqətinə çatdırır. Prezident İlham Əliyevin BMT Baş Assambleyasının 72-ci sessiyasındakı çıxışı da bu əhəmiyyətli məqamlarla yadda qaldı. Dövlətimizin başçısı BMT-nin yüksək tribunasından bir daha Ermənistanın işğalçılıq siyasətini ifşa etdi və Ermənistanın faşizmini, azərbaycanlılara qarşı soyqırımını faktlarla diqqətə çatdırdı: “25 ildən çoxdur ki, Ermənistan Azərbaycanın 20 faiz ərazisini - Dağlıq Qarabağı və ölkəmizin digər 7 rayonunu işğal altında saxlayır.
Dağlıq Qarabağ Azərbaycanın əzəli və tarixi torpağıdır. Ermənistanın təcavüzü nəticəsində Azərbaycanın beynəlxalq səviyyədə tanınmış ərazisinin təxminən 20 faizi işğal altındadır. Bir milyondan artıq azərbaycanlı qaçqın və məcburi köçkün vəziyyətinə düşüb. Ermənistan azərbaycanlılara qarşı Ermənistanda, Dağlıq Qarabağda və Azərbaycanın digər 7 rayonunda etnik təmizləmə siyasəti həyata keçirib.
Ermənistan Xocalıda azərbaycanlılara qarşı soyqırımı törədib. Xocalı soyqırımı 10-dan artıq ölkə tərəfindən rəsmən tanınıb. 1992-ci il fevralın 26-da Ermənistan Xocalının 613 dinc sakinini, o cümlədən 106 qadın və 63 uşağı qətlə yetirərək, hərbi cinayət törədib. Bəşəriyyətə qarşı bu dəhşətli cinayəti törədən hərbi kriminallardan biri Ermənistanın hazırkı prezidentidir”.
Ermənistan despotik və orta əsrlər rejiminin idarə etdiyi, korrupsiyaya uğramış, uğursuz dövlətdir
Sirr deyil ki, Azərbaycan Dağlıq Qarabağ münaqişəsinin beynəlxalq hüquq normaları əsasında həlli istiqamətində fəallıq göstərsə də, Ermənistan qeyri-konstruktiv mövqe və təxribatçı hərəkətlər nümayiş etdirməklə danışıqlar prosesini pozmağa çalışır. Ermənistan rəhbərliyi Dağlıq Qarabağ münaqişəsinin həlli ilə bağlı bu günə kimi irəli sürülmüş təşəbbüslərin reallaşmasına əngəl törədir, bu məqsədlə bütün vasitələrdən istifadə edir. Başqa sözlə, işğalçı ölkə sülh təşəbbüslərinə qarşı çıxmaqla sülh istəmədiyini nümayiş etdirir və mövcud status-kvonun saxlanması üçün hər bir vasitəyə əl atır. ATƏT-in Minsk qrupunun münaqişənin beynəlxalq hüquq norma və prinsipləri çərçivəsində həllini ehtiva edən təklif və təşəbbüsləri də məhz işğalçı Ermənistanın destruktiv mövqeyi nəticəsində reallaşmayıb. Həmçinin, beynəlxalq münasibətlərdə müşahidə olunan ikili standartlar münaqişənin illərdir davam edən həlsizliyinin başqa bir səbəbidir. Bununla belə, Azərbaycan dəfələrlə bəyan edib ki, sülh danışıqları sonsuza qədər davam edə bilməz və yekun həllə xidmət edən konkret addımlar atılmalıdır. Prezident İlham Əliyev də sözügedən çıxışında bildirib ki, status-kvo dəyişməlidir: “Ermənistan status-kvonun dəyişməz qalması üçün əlindən gələni edir, substantiv danışıqların qarşısını alır. ATƏT-in Minsk qrupunun həmsədrləri - Fransa, Rusiya və ABŞ dəfələrlə bildirmişlər ki, status-kvo qəbuledilməzdir.
Sual verilir: necə olur ki, despotik və orta əsrlər rejiminin idarə etdiyi bu cür korrupsiyaya uğramış, uğursuz dövlət uzun illər ərzində beynəlxalq hüququ pozmağa, BMT-nin Təhlükəsizlik Şurasının qətnamələrinə və dünyanın aparıcı ölkələrinin bəyanatlarına məhəl qoymamağa müvəffəq olur? Buna cavab isə ikili standartlardır. Təcavüzkara heç bir beynəlxalq təzyiq göstərilmir, Ermənistan diktatorluğuna heç bir beynəlxalq sanksiya tətbiq edilmir. Bu siyasətə son qoyulmalıdır”.
Ermənistanın növbəti təxribatının nəticələri onlar üçün daha ağrılı olacaq
İşğalçı Ermənistan cəzasız qaldıqca, ona qarşı beynəlxalq hüquq çərçivəsində sanksiyalar tətbiq olunmadıqca Sarkisyan hakimiyyəti öz terrorçu siyasətini davam etdirir. Prezident İlham Əliyevin də vurğuladığı kimi, təcavüzkara münasibətdə bu cür siyasət təkcə ədalətsizliyi nümayiş etdirmir, eyni zamanda, Ermənistan diktatorluğunda elə bir illüziya yaradır ki, sanki onlar öz terror siyasətini bundan sonra da davam etdirə bilərlər. Ona görə də, atəşkəs rejiminin tətbiq olunmasına baxmayaraq, erməni tərəfi təxribatlarından əl çəkmir. Xatırlatmaq yerinə düşər ki, belə təxribatların biri də ötən ilin aprel ayında baş vermişdi. Amma o zaman Azərbaycan Ordusu bu təxribatların cavabını layiqincə verdi. Nəticədə Ermənistan silahlı qüvvələri 200-ə yaxın hərbçi, çoxsaylı texnika itirib, həmçinin 2000 hektara yaxın ərazi, o cümlədən Lələtəpə və Talış yüksəklikləri geri qaytarılıb, silahlı qüvvələrimiz on minlərlə hektar əraziyə nəzarət etmək imkanı qazanıb.
Prezident İlham Əliyev BMT Baş Assambleyasında çıxışı zamanı bildirib ki, Azərbaycan münaqişənin sülh yolu ilə həllinə sadiqdir. Dövlət başçısı vurğulayıb ki, beynəlxalq ictimaiyyət erməni terrorizmini və faşizmini dayandırmalıdır. Cənab Prezident qeyd edib ki, əgər erməni hərbi təxribatı davam edərsə, Azərbaycan öz əhalisini müdafiə edəcək: “Ötən ilin aprelində Ermənistan şəhər və kəndlərimizə hücum edərək, təmas xəttində növbəti hərbi cinayət törətdi. Bu hücum nəticəsində 6 dinc azərbaycanlı qətlə yetirildi, onların sırasında bir uşaq da var idi. Bundan əlavə, 26 mülki şəxs yaralandı. Yüzlərlə evlərimiz dağıdıldı.
Azərbaycan öz vətəndaşlarını müdafiə etməli oldu. Uğurlu əks-hücum nəticəsində Azərbaycan 3 işğal olunmuş rayonda - Ağdərə, Füzuli və Cəbrayılda bir neçə əraziləri azad etdi və öz bayrağını azad edilmiş ərazilərdə qaldırdı. Ermənistan rəhbərliyi bu dərsi yaddan çıxarmamalıdır. Əks təqdirdə, Ermənistanın növbəti təxribatının nəticələri onlar üçün daha ağrılı olacaq”.
Yalnız azad və müstəqil olduqda, ölkənin taleyi öz xalqının əlində olduğu halda uğur əldə etmək olar
Əlbəttə, Azərbaycan beynəlxalq sülhün və təhlükəsizliyin möhkəmləndirilməsində və qorunmasında, davamlı inkişaf və demokratikləşdirmə prosesində BMT-nin vacib rol oynadığını qəbul edir. Bununla belə, təşkilatın Ermənistan-Azərbaycan, Dağlıq Qarabağ münaqişəsi ilə bağlı qəbul etdiyi qətnamələrin imperativ xarakter daşımaması, təcavüzkarın cəzalandırılması yönümündə heç bir real addımın atılmaması təəssüf hissi doğurur. Ona görə də Azərbaycan bəşəriyyətin üzləşdiyi problemlərin həllində BMT-nin fəaliyyətini daha da gücləndirmək məqsədilə təşkilatda islahatların aparılmasının zəruriliyini daim bildirir. Məhz buna görə də rəsmi Bakı BMT-nin XXI əsrdə olacaq təhdid və problemlərə qarşı mübarizə apara bilməsi üçün təşkilat daxilində islahatların həyata keçirilməsi ilə bağlı illər öncə təkliflər irəli sürüb. Azərbaycan hesab edir ki, bu islahatların həyata keçirilməsi təşkilatın müasir dövrdə baş verən proseslərə və inkişafa adekvat fəaliyyət göstərməsini, yeni yaranmış qlobal risklərə operativ cavab verməsini, sülh və təhlükəsizliyin təmin olunmasına daha effektiv dəstək verməsini təmin etməlidir. Sessiyada Prezident İlham Əliyev bu məsələnin zəruriliyini diqqətə çatdırıb. Sonda isə dövlətimizin başçısı bir daha vurğulayıb ki, Azərbaycan bundan sonra da özünün müstəqil siyasi kursuna sadiq qalacaq: “Azərbaycanın uğurlu inkişafı bir daha göstərir ki, yalnız azad və müstəqil olduqda, ölkənin taleyi öz xalqının əlində olduğu halda uğur əldə etmək olar. Azərbaycan xalqının ən böyük xoşbəxtliyi ondan ibarətdir ki, biz xalqımızın milli maraqlarına əsaslanan müstəqil siyasət aparan müstəqil ölkədə yaşayırıq”.
Serj Sarkisyan ağlını itirib, yaxud yalan erməni xislətidir
Beləliklə, müşahidələr göstərir ki, Prezident İlham Əliyevin parlaq çıxışının əsasını təşkil edən tutarlı arqumentləri və dərin təhlillərə əsaslanan fikirləri olduqca yüksək qarşılanıb. Əlbəttə ki, bu yaddaqalan çıxış fonunda Ermənistanın dövlət başçısı Serj Sarkisyanın yalan üzərində qurulan çıxışı olduqca sönük təsir bağışladı. Qısa şəkildə ifadə etsək, S.Sarkisyanın çıxışının leytmotivini yalan, yenə də yalan təşkil edirdi.
Ümumiyyətlə, bəllidir ki, bu gün az qala zərb-məsəl kimi işlədilən “erməni yalanı” ifadəsi təsadüfən yaranmayıb. Bu ifadə olduqları kimi görünmək istəməyən bədnam qonşularımızın dediklərini və heç bir insanlıq, hüquq norması gözləmədən etdikləri əməllərini ümumiləşdirmək məqsədilə formalaşıb. Həqiqətən də, erməni yalanını ayrıca götürülmüş bir fenomen kimi səciyyələndirmək mümkündür. Son onilliklərdə Dağlıq Qarabağ ətrafında baş verən hadisələrin xronologiyası bu qənaəti bir qədər də möhkəmləndirir ki, erməni yalanı tarixi hadisədir və sırf bədnam qonşularımızın mentalitetindən irəli gələn bir məsələdir. Mental dəyərlər isə gec dəyişir və yaxud heç dəyişmir, gen kodları kimi nəsildən-nəslə ötürülür. Tarixən yalana köklənən erməni xisləti də dəyişməyib - başqalarının gözünün içinə baxa-baxa yalan danışmaq, ağa qara demək milli adət halına keçib. Siravi Ermənistan vətəndaşından tutmuş işğalçı ölkənin rəhbərliyində təmsil olunan siyasətçilərə qədər əksər ermənilər yalan danışmaq xəstəliyinin ən azı simptomlarını daşıyırlar. Ölkənin prezidenti Serj Sarkisyan isə bu virusa elə dərəcədə yoluxub ki, o, yalan danışarkən artıq məkan və zaman ayrımını da müəyyənləşdirə bilmir. Hər halda BMT Baş Assambleyasının 72-ci sessiyasında o qədər mötəbər siyasətçilər, dövlət və hökumət başçıları qarşısında bu səviyyədə yalan danışan adamın əqli-durumunun normal olduğunu düşünmək sadəlövhlük olardı... S.Sarkisyan fərqinə belə varmır ki, BMT kimi mötəbər beynəlxalq qurumun Baş Assambleyasının tribunası baş aldatmaq, yalan üyütmək yeri deyil. Bütün dünyanın gözünü dikdiyi bu mötəbər tribunaya çıxan hər kəs məsuliyyətini dərk etməlidir. Ancaq diqqət edin, qarşınızdakı bir başqası yox, işğalçı Ermənistanın dövlət başçısı Serj Sarkisyandır. Onda isə etika və məsuliyyət yerli-dibli yoxdur.
Kimdir Serj Sarkisyan? Sualın cavabı Dağlıq Qarabağ hadisələrindən az-çox məlumatı olan hər kəsə bəllidir. Erməni ictimai fikrində “Dağlıq Qarabağ klanının təmsilçisi” kimi özünəməxsus tərzdə “şöhrət tapan” bu şəxs məhz insanlığa sığmayan hərəkətləri ilə - azərbaycanlılar yaşayan kənd və qəsəbələrdə müxtəlif çirkin əməllər törətməklə, əlini uşaqların, qadınların, qocaların qanına batırmaqla karyerasını qurub, Ermənistanın dövlət başçısı vəzifəsinədək yüksəlib. S.Sarkisyan kimi birisini ölkənin (oxu: forpostun - red.) prezidenti kürsüsünə əyləşdirmələri ermənilərin öz işidir. Ancaq Ermənistan cəmiyyəti ilə BMT öz miqyasına görə bir-birindən tamam fərqlənir. Söhbət S.Sarkisyanın məzlum hala saldığı ermənilərə deyil, dünya ictimaiyyətinə münasibətdən gedir.
S.Sarkisyanın çıxışına nəzər saldıqda aydın olur ki, o, yenə də erməni xislətinin əsiridir. Heç kəsə sirr deyil ki, S.Sarkisyan Dağlıq Qarabağ ətrafında baş verən hadisələrə, yaşanan faciələrə, dinc insanların öz doğma yurd-yuvalarından didərgin düşmələrinə görə birbaşa məsuliyyət daşıyır. O, BMT-nin yüksək tribunasından insan hüquqlarından dəm vurarkən qətlə yetirdiyi körpələrin iniltisini, qırılan taleləri, anaların fəryadlarını göz önündə canlandırmalı idi. Onun çıxışından isə bir daha bəlli olur ki, kor erməni təəssübkeşliyi bu adam üçün humanizm dəyərlərini tamam heçə endirib. Xalqının xoşbəxtliyini başqalarının bədbəxtliyi, terror üzərində axtaran S.Sarkisyanın Ermənistanın dövlət başçısı vəzifəsində ali dəyərlərə xidmət etdiyinə necə inanmaq olar? Bu, əsla mümkün deyil!
S.Sakisyan BMT Baş Assambleyasının tribunasından bəyan edib ki, Dağlıq Qarabağ ermənilərinin öz müqəddəratlarını təyin etmək istiqamətində atdıqları addımların qarşısını almaq məqsədilə Azərbaycan güc vasitəsinə əl atıb. Burada məntiq və yaxud ədalət haradadır? Axı havadarlarının göstərdiyi dəstək sayəsində Dağlıq Qarabağ da daxil olmaqla Azərbaycanın 20 faiz torpaqlarını işğal edən tərəf məhz Ermənistandır. Belə olan halda adını dövlət başçısı qoyan şəxs hansı haqla Azərbaycanı güc tətbiqində suçlaya bilər? Görəsən, S.Sarkisyan dünya ictimaiyyətinə bu qədərmi etinasız və sayğısızdır ki, faktları, reallığı belə açıq şəkildə təhrif edir?
S.Sarkisyan çıxışında yenə yalanlara “istinad” edərək həyasızcasına Azərbaycanın ermənilərə qarşı diskriminasiya apardığından, ermənilərin mədəni abidələrinin dağıdılmasından danışıb. Halbuki, Dağlıq Qarabağ hadisələri fonunda dinc insanların doğma yurd-yuvalarından ilk köçü məhz Ermənistandan başlayıb. Münaqişə nəticəsində 1 milyondan artıq azərbaycanlı ev-eşiyini itirərək qaçqın və köçkün vəziyyətinə düşüb. Ermənilərin işğal altına aldıqları ərazilərdə taladıqları sərvətlərin dəyəri milyardlarla dollarla ölçülür. Faktlar ortada ikən S.Sarkisyan hansı diskriminasiyadan danışır?
Ümumiyyətlə, S.Sarkisyanın BMT Baş Assambleyasının növbəti sessiyasındakı çıxışı onun dövlət başçısı statusu ilə qətiyyən bir araya sığmır. Bəhs olunan çıxış bir daha təsdiqləyir ki, S.Sarkisyan “Xocalı soyqırımını mən törətmişəm” stereotipindən hələ də yaxa qurtara bilməyib və ömrünün sonunadək bu təfəkkürdə qalacaq.
S.Sarkisyan BMT tribunasından BMT-yə qarşı
Qlobal miqyasda meydana çıxan münaqişələr bir qayda olaraq beynəlxalq hüquq normaları çərçivəsində həll olunur. Azərbaycan da o mövqedən çıxış edir ki, Ermənistanın işğalçılıq siyasəti nəticəsində yaranan Dağlıq Qarabağ münaqişəsi mütləq beynəlxalq hüquq normaları tətbiq edilməklə həllini tapmalıdır. Ölkəmiz xalqımızın xoş məramına əsaslanaraq münaqişənin həlli ilə bağlı ATƏT-in Minsk qrupu çərçivəsində aparılan danışıqlarda konstruktiv mövqedən çıxış edir və sülh prosesinə öz töhfəsini verməyə çalışır. Yeri gəlmişkən qeyd edək ki, ayrı-ayrı ölkələr, nüfuzlu beynəlxalq təşkilatlar da Azərbaycanın haqlı mövqeyini dəstəkləyən bəyanatlarla çıxış ediblər və mövcud status-kvonun saxlanmasının əleyhinə olduqlarını bildiriblər.
Bəs Ermənistan hansı mövqedən çıxış edir? S.Sarkisyanın yalan üzərində qurulan məlum çıxışından bəlli olur ki, bu ölkə qoşunların təmas xəttində işğal siyasəti nəticəsində yaranmış status-kvonu dəyişmək niyyətində deyil, sadəcə, imitasiya yolu ilə danışıqları sonsuzluğa qədər uzatmaq məqsədi güdür. S.Sarkisyan beynəlxalq birliyin iradəsinə qarşı çıxaraq bildirib ki, Dağlıq Qarabağın inkişafı naminə Ermənistanın həyata keçirdiyi layihələrə və proqramlara mane olmağa heç kəsin hüququ yoxdur. Deyəsən, indiyədək işğalçının cəzalandırılmaması S.Sarkisyanı o dərəcədə vəcdə gətirib ki, o, dünya birliyini təhdid etməyə belə özündə cəsarət tapıb. Belə çıxır ki, S.Sarkisyan hansı tribunadan çıxış etdiyinin belə fərqində deyil. Məlumdur ki, BMT-nin Təhlükəsizlik Şurası Azərbaycanın işğala məruz qalan ərazilərinin qeyd-şərtsiz azad edilməsi barədə 4 qətnamə qəbul edib. S.Sarkisyanın çıxışından isə bəlli olur ki, Ermənistan qonşu dövlətə qarşı ərazi iddialarından geri çəkilməyib və işğalçılıq siyasətini bundan sonra da davam etdirmək niyyətindədir. Bu, açıq-aşkar S.Sarkisyanın və onun forpost ölkəsinin beynəlxalq hüquq normalarına, o cümlədən də BMT-yə qarşı saymazlığının ifadəsidir.
Bu məqamda ekspertlər vurğulayırlar ki, Ermənistanın dövlət başçısının BMT Baş Assambleyasının növbəti sessiyasında baş-ayaq çıxış etməsi, beynəlxalq birliyi açıq-aşkar təhdid etməsi obyektiv reallıqla bağlıdır. Azərbaycanın regional güc faktoru kimi qəbul edilməsi, eyni zamanda, ölkəmizin beynəlxalq nüfuzunun artması öz növbəsində beynəlxalq təşkilatların Dağlıq Qarabağ münaqişəsinin həllinə diqqəti artırmalarına və konstruktiv mövqe sərgiləmələrinə müsbət təsir göstərib. Təsadüfi deyil ki, son vaxtlarda istər bir sıra iri dövlətlərin rəhbərləri, istərsə də nüfuzlu beynəlxalq təşkilatların təmsilçiləri tərəfindən status-kvonun dəyişdirilməsinə çağırışlar edilib.
Başqa bir mühüm məqam isə Azərbaycanın güclənməsi faktoru ilə bağlıdır. Məqsədyönlü siyasət sayəsində respublikamızın iqtisadi potensialı, maliyyə imkanları getdikcə genişlənir. Eyni zamanda, ölkəmizin hərbi qüdrəti artır. Bu gün Azərbaycan işğal altındakı torpaqlarını özünün güclü ordusunun köməyi ilə azad etmək iqtidarındadır. Elə Ermənistan prezidentinin kürkünə birə salan da budur. Yeri gəlmişkən, S.Sarkisyan məlum çıxışında ötən ilin aprelində baş verən dördgünlük aprel döyüşlərini xatırlamaq məcburiyyətində qalıb. Aprel döyüşlərində igid əsgərlərimizin göstərdikləri rəşadətə görə Azərbaycanı hansı arqumentlərlə günahlandırmaq mümkündür və yaxud S.Sarkisyanın bu xüsusda sərsəmləmələri kimdə ona qarşı rəğbət oyadacaq? Onun axıtdığı “göz yaşlarına” kim inanacaq?
Bəli, S.Sarkisyan və havadarlarına bir daha agah olsun ki, torpaqlarını azad etmək Azərbaycanın haqqıdır. S.Sarkisyan qorxursa, erməni əsgərləri, Prezident İlham Əliyevin vurğuladığı kimi, Azərbaycan torpaqlarından rədd olub çıxmalıdırlar.
“Yeni Azərbaycan”ın
Analitik Qrupu

 
  • Oxunub:  68610  |  
  • Tarix:  21-09-2017  |  
  •    Çap et   |  
Get Adobe Flash player
Baş nazirin müavini, YAP Sədrinin müavini-İcra katibi Əli Əhmədov 22 iyul - Milli Mətbuat Günü münasibətilə jurnalistlərlə görüşüb

23 İyul 20:39
Hakimlərin Seçki Komitəsinin iclası keçirilib
23 İyul 20:37
Dövlət Komitəsində Ağdamın işğal günü ilə bağlı tədbir keçirilib
23 İyul 20:23
Argentinalı və uruqvaylı jurnalistlərə ölkəmizdə mövcud olan dini vəziyyət barədə məlumat verilib
23 İyul 20:20
Azərbaycanın Xarici İşlər naziri Ekvatorial Qvineyanın dövlət katibi ilə görüşüb
23 İyul 20:15
Dağlıq Qarabağ bölgəsinin azərbaycanlı icması Ağdam rayonunun işğalının 26-cı ildönümü ilə əlaqədar bəyanat yayıb
23 İyul 20:13
İdlib qlobal geosiyasi kontekstdə: Türkiyə və supergüclərin mübarizəsi
23 İyul 20:10
“EYOF Bakı 2019”: Cəbrayıl Hacıyev Azərbaycana səkkizinci qızıl medalı qazandırıb
23 İyul 20:08
“Bakı 2019”: Ukrayna millisi idman gimnastikası üzrə komanda yarışlarının qalibi olub
23 İyul 20:04
DİN-in Baş Pasport, Qeydiyyat və Miqrasiya İdarəsi tabeçiliyində olan orqanlarda vakant vəzifələrə müsabiqə elan edir
23 İyul 20:02
Ailə, Qadın və Uşaq Problemləri üzrə Dövlət Komitəsinin sədri Komitə könüllüləri ilə görüşüb
23 İyul 19:59
XV Avropa Gənclər Olimpiya Festivalında velosiped idmanı üzrə oğlanlar arasında yarışlar başa çatıb
23 İyul 19:55
Çin nümayəndə heyəti Yeni Azərbaycan Partiyasının üzvü Mübariz Abdullayevin ailəsinin qonağı olmuşdur
23 İyul 17:51
Azərbaycan ilə İsrail arasında daxili və ictimai təhlükəsizlik məsələlərində əməkdaşlığın inkişafı müzakirə edilib
23 İyul 17:45
Milli Mətbuat Gününə həsr olunmuş “Din və media” mövzusunda konfrans keçirilib
23 İyul 17:40
Oktyabrda Bakıda İslam Ölkələri Gənc Sahibkarlar Şəbəkəsinin 3-cü Baş Assambleyası keçiriləcək
23 İyul 17:32
Baş nazirin müavini, YAP Sədrinin müavini – İcra katibi Əli Əhmədov ölkəmizdə səfərdə olan Çin Kommunist Partiyası Mərkəzi Komitəsinin nümayəndə heyəti ilə görüşüb
23 İyul 17:29
Azərbaycan biznesə başlama üzrə dünyanın ən yaxşıları sırasına daxil ola bilər
23 İyul 17:25
Beynəlxalq İnformatika Olimpiadasının praktiki sessiyası işə başlayıb
23 İyul 17:10
Azərbaycan sülhməramlılarının bir qrupu Əfqanıstana yola salınıb
23 İyul 16:54
Yunan-Roma güləşçisi Xasay Həsənli əzmkar qələbə qazanaraq “EYOF 2019”un çempionu olub
23 İyul 16:32
“EYOF Bakı 2019”: Yunan-Roma güləşçimiz Elmir Əliyev komandamızın beşinci qızıl medalını qazanıb
23 İyul 16:11
Azərbaycan Banklar Assosiasiyasının Ekspert Qrupunun iclası keçirilib
23 İyul 16:10
ADA Universitetində XIII Bakı Yay Enerji Məktəbi başa çatıb
23 İyul 15:46
Samuxda kənd təsərrüfatı məhsullarının istehsalında artım qeydə alınıb
23 İyul 15:39
XI Qəbələ Beynəlxalq Musiqi Festivalında 11 ölkədən musiqiçilər çıxış edəcək
23 İyul 14:57
Eldəniz Səlimov: Azərbaycanla Çin arasında münasibətlər daha da genişlənir
23 İyul 14:53
Qaçqınların və Məcburi Köçkünlərin İşləri üzrə Dövlət Komitəsinin sədri vətəndaşları qəbul edib
23 İyul 14:49
Mübariz Qurbanlı: Sosial mediada dinlə bağlı yayılan yazılar bəzi hallarda bizi qane etmir
23 İyul 14:36
Gədəbəydə metodiki tövsiyələrin təqdimatı olub
23 İyul 14:24
Xanlar Fətiyev: Azərbaycan istənilən böyük və mötəbər yarışlara ev sahibliyi etməyə qadirdir
23 İyul 14:17
Həmkarlar təşkilatlarının xətti ilə hər il 100 mindən çox vətəndaşa istirahət etmək imkanı yaradılır
23 İyul 14:16
Robert Landa: Azərbaycan bu səviyyəli idman tədbirləri keçirilməsində zəngin təcrübəyə malikdir
23 İyul 14:11
TAP-ın İtaliya hissəsində boruların inşasına başlanılıb
23 İyul 14:03
Mübariz Qurbanlı: Ağdamda 17 məscidin dağıdılması ilə bağlı bizdə məlumatlar var
23 İyul 14:00
“Eternity-2019” təliminin yekun planlaşdırma konfransı keçirilib
23 İyul 13:55
Çin Kommunist Partiyası Mərkəzi Komitəsinin Beynəlxalq əlaqələr şöbəsinin müdiri Sonq Taonun başçılıq etdiyi nümayəndə heyəti Fəxri xiyabanda Ümummilli Lider Heydər Əliyevin məzarını ziyarət edib
23 İyul 12:40
XV Avropa Gənclər Olimpiya Festivalında velosiped idmanı üzrə qızlar arasında yarışların qalibləri müəyyən edilib
23 İyul 12:23
Artıq ödənilmiş vergilərin qalan məbləğləri 45 gün ərzində vergiödəyicisinə qaytarılır
23 İyul 12:13
Prezident İlham Əliyev Çinin Azərbaycanda yeni təyin olunmuş səfirinin etimadnaməsini qəbul edib
23 İyul 12:09
BDU-nun məzunu müəllimlərin işə qəbulu imtahanlarında maksimum nəticə göstərib
23 İyul 12:05
Prezident İlham Əliyev Almaniyanın Azərbaycanda yeni təyin olunmuş səfirinin etimadnaməsini qəbul edib
23 İyul 12:00
Prezident İlham Əliyev İsveçrənin Azərbaycanda yeni təyin olunmuş səfirinin etimadnaməsini qəbul edib
23 İyul 11:57
Prezident İlham Əliyev Malayziyanın Azərbaycanda yeni təyin olunmuş səfirinin etimadnaməsini qəbul edib
23 İyul 11:51
Prezident İlham Əliyev Kolumbiyanın Azərbaycanda yeni təyin olunmuş səfirinin etimadnaməsini qəbul edib
23 İyul 11:17
“EYOF Bakı 2019”: Tennisçilərin fərdi yarışlarında otuzikidəbir final mərhələsinin görüşləri keçirilir
23 İyul 11:15
“EYOF Bakı 2019”: güləş yarışlarının sonuncu günündə yeddi idmançımız mübarizə aparır
23 İyul 11:13
Avropa Gənclər Olimpiya Festivalının atletika yarışlarının ikinci gününə start verilib
23 İyul 11:06
“EYOF Bakı 2019”: Bakı Su İdmanı Sarayında üzgüçülük yarışlarının ikinci gününə start verilib
23 İyul 11:02
XV Avropa Gənclər Yay Olimpiya Festivalında idman gimnastikası yarışları başlayıb
23 İyul 11:01
Hesablama Palatasının nümayəndə heyəti Nyu-Yorkda beynəlxalq toplantıda iştirak edib
23 İyul 10:56
DOST xidmətləri sırasına övladlığagötürmə üzrə xidmətlər də əlavə edilib
23 İyul 10:31
Ermənistan ordusu iriçaplı pulemyotlardan və snayper tüfənglərindən istifadə etməklə atəşkəs rejimini 18 dəfə pozub
23 İyul 10:24
“Azeri Light”ın bir barreli 65,34 dollara satılır
23 İyul 10:22
Neftin qiyməti bahalaşıb
23 İyul 09:38
Azərbaycan söz və mətbuat azadlığının yüksək səviyyədə təmin olunduğu ölkədir
23 İyul 09:35
Hikmət Babaoğlu: Media azadlığının təmin edilməsi və mətbuata qayğı keyfiyyətcə yeni KİV formalaşdırdı
23 İyul 09:34
Qurban Qurbanov: Azarkeşlərin inamını doğrultduğum üçün sevinirəm
23 İyul 09:32
Regionların elektrik enerjisi ilə təminatı gücləndirilir
23 İyul 09:30
Ağdamın Ermənistan silahlı qüvvələri tərəfindən işğalından 26 il keçir
22 İyul 21:54
Fərdi jurnalist yazıları müsabiqəsinin qalibləri mükafatlandırılıb
22 İyul 21:44
Litvanın və İordaniyanın Azərbaycandakı səfirlərinin diplomatik fəaliyyəti başa çatır
22 İyul 20:58
“EYOF Bakı 2019” XV Avropa Gənclər Yay Olimpiya Festivalının tennis yarışlarının ikinci günü başa çatıb
22 İyul 20:45
Azərbaycanın Gənclər və İdman naziri Slovakiya Baş Nazirinin müavini ilə görüşüb
22 İyul 20:41
Azərbaycan Prezidenti milli bayram münasibətilə misirli həmkarını təbrik edib
22 İyul 20:25
ATƏT-in İnsan Ölçüsü üzrə görüşündə Azərbaycanda insan hüquqlarının müdafiəsi ilə bağlı görülən işlərdən danışılıb
22 İyul 20:22
Məhkəmə-hüquq islahatlarının yeni mərhələsi
22 İyul 18:04
BDU-nun rektoru Milli Mətbuat Günü münasibətilə görüş keçirib
22 İyul 18:01
Qadın güləşçimiz “EYOF Bakı 2019”un gümüş medalına sahib olub
22 İyul 18:00
AzerTelecom Microsoft şirkətinin rəsmi tərəfdaşı oldu
22 İyul 17:59
Vergilər nazirinin müavini Qaxda vətəndaşları qəbul edib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
HAVA HAQQINDA