Ümummilli lider Heydər Əliyevin anadan olmasının 95 illik yubileyi münasibətilə YAP Pirallahı rayon təşkilatının və 186 nömrəli məktəbin birgə təşkilatçılığı ilə məktəblilərin Heydər Əliyev Mərkəzinə ekskursiyası təşkil edilib.
YAP Pirallahı rayon təşkilatından AZƏRTAC-a bildiriblər ki, ekskursiya çərçivəsində iştirakçılara mərkəzin əməkdaşları tərəfindən ətraflı məlumat verilib. Məktəblilər Mərkəzdəki Heydər Əliyev Muzeyində olublar. Burada şagirdlər Ulu öndərin ömür yolunu əks etdirən eksponatlar, siyasi irsini təbliğ edən əyani vəsaitlərlə tanış olublar. Məktəblilər, həmçinin Azərbaycan xalçaçılıq məktəbini əks etdirən xalçalardan və milli geyimlərdən ibarət sərgilərə də baxıblar.