A+   Yenilə  A-
Sənaye məhəllələrinin formalaşdırılması regionların sosial-iqtisadi mənzərəsini köklü şəkildə dəyişəcək

Prezident İlham Əliyev: Hər bölgədə, hər rayonda müasir sənaye potensialı yaradılacaq
Qısa müstəqillik tarixində Azərbaycanın nail olduğu hərtərəfli və dinamik inkişafı həmçinin sənaye sektorunda qazanılan uğurların timsalında da izləmək mümkündür. Ölkəmizdə Prezident İlham Əliyevin siyasi iradəsi sayəsində sənaye quruculuğu dövlət siyasətinin prioritet istiqamətlərindən biri kimi müəyyənləşdirilib. Bu strateji kursa uyğun olaraq son 15 ildə respublikamızda çoxlu sayda elm tutumlu, innovativ yanaşmalara əsaslanan sənaye müəssisələri yaradılıb və hazırda onlar uğurla fəaliyyət göstərirlər. Sənaye quruculuğuna göstərilən davamlı diqqətin və hərtərəfli dəstək tədbirlərinin nəticəsidir ki, müstəqil Azərbaycan dünya kosmos ailəsinin azsaylı üzvlərindən birinə çevrilib. Hazırda ölkəmiz orbitdəki peyklərini milli kadrlar vasitəsilə uğurla idarə edir və yeni peykini orbitə çıxartmağa hazırlaşır. Müdafiə təyinatlı müəssisələrdə buraxılan müxtəlif növ sənaye məhsullarının həm Milli Ordunun tələbatını ödəməsi, həm də xarici bazarlara çıxardılması son dərəcə qürurverici haldır. Bütövlükdə, son 15 ildə respublikamızda sənaye istehsalı 2,6 dəfə artıb.
Hazırda isə respublikamızda sənaye inkişafı ilə bağlı yeni hədəflər müəyyənləşdirilib. Aparılan məqsədyönlü siyasətin nəticəsi olaraq 2017-ci ildə və cari ilin əvvəlindən bəri milli iqtisadiyyatımızda ən yaxşı inkişaf göstəriciləri məhz sənaye sektorunda, o cümlədən də qeyri-neft sənayesində qeydə alınıb. Prezident İlham Əliyev Nazirlər Kabinetinin 2018-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasındakı nitqində ölkədə qeyri-neft sənayesinin təxminən 10 faiz artmasını gözəl göstərici kimi səciyyələndirərək qətiyyətlə vurğulayıb ki, sənayeləşmə siyasəti Azərbaycanda bundan sonra da davam etdiriləcək.
Azərbaycanın sənayeləşmə siyasətində yeni mərhələyə - regional sənaye quruculuğuna start verilib
Son illərdə sənaye xəritəsinin regionlara doğru genişlənməsinə istinadən deyə bilərik ki, Azərbaycanda sənaye quruculuğunda yeni mərhələ başlayıb. Prezident İlham Əliyevin müvafiq fərmanları ilə təsdiqlənən regionların sosial-iqtisadi inkişafına dair müvafiq Dövlət proqramları çərçivəsində qurulan güclü infrastruktur sayəsində bölgələrdə də sənaye quruculuğu üçün münbit şərait yaranıb. Sənaye müəssisələrinin effektiv fəaliyyət göstərməsi üçün yaxşı yollar, generasiya gücü, su, qaz təminatı əsas şərtlərdəndir. İndi bütün bunlar ölkənin bölgələrində var. Belə ki, regionların infrastruktur təminatı paytaxt Bakıdan və digər iri şəhərlərdəkindən heç də geridə qalmır. Bütövlükdə, perspektivdə respublika miqyasında üçü regionlarda olmaqla 4 sənaye mərkəzinin (Bakı, Sumqayıt, Gəncə və Mingəçevir) yaradılması nəzərdə tutulub. Prezident İlham Əliyev “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının dördüncü ilinin yekunlarına həsr olunan konfransdakı nitqində ölkədə regional sənaye quruculuğu ilə bağlı ciddi mesajlar verib. “Hər bölgədə, hər rayonda müasir sənaye potensialı yaradılacaq”, - deyə dövlət başçısı vurğulayıb.
Məlumdur ki, regionların sosial-iqtisadi inkişafı ilə bağlı müvafiq Dövlət proqramlarının qəbul edilməsində əsas məqsəd bütün ölkə boyu tarazlı inkişafı təmin etməkdən ibarətdir. Əsasən yerli xammalla işləyəcək sənaye məhəllələrinin yaradılması qarşıya qoyulan strateji məqsədə çatmaq üçün ən optimal vasitələrdən biridir. Mütəxəssislərin qənaəti belədir ki, sənaye məhəllələrinin formalaşdırılması regionların sosial-iqtisadi mənzərəsini köklü şəkildə dəyişəcək. Bölgələrdə yeni sənaye obyektləri yaradılarkən xammal bazası və satış bazarı, yerli tələbat əsas götürülür ki, bu da nəqliyyat-daşıma, logistika xərclərinin və son nəticədə məhsulun maya dəyərinin azalmasında öz əksini tapır.
Qeyd olunan müsbət reallıqlar fonunda regionlarda sənaye məhəllələrinin və parklarının yaradılması geniş vüsət alıb. Bu kimi istehsal sahələrinin yaradılmasına dövlət tərəfindən həm siyasi, həm də maddi dəstək verilir. Belə ki, sənaye məhəllələri və parkları üçün infrastruktur təminatı bir qayda olaraq dövlət vəsaiti hesabına yaradılır. Bundan başqa, sənaye məhəllələrində və parklarında müxtəlif təyinatlı istehsalatlar qurulmasına sərmayələr yönəldən sahibkarlar vergilərdən azad olunurlar. Ümumiyyətlə, investorların sənaye məhəllələrinə və parklarına cəlb edilməsi məqsədilə reallaşdırılan təşviq tədbirlərinin miqyası kifayət qədər genişdir. Prezident İlham Əliyev ölkə miqyasında sənaye zonalarının və parklarının yaradılmasından məmnunluğunu ifadə edib. “Hesab edirəm ki, sənaye zonalarının, sənaye parklarının yaradılması artıq gözəl nəticələr veribdir. Bizim bir neçə sənaye zonamız artıq fəaliyyətə başlayıb. Sumqayıt Kimya Sənaye Parkı, Neftçala, Mingəçevir sənaye zonaları artıq fəaliyyətdədir”, - deyə dövlət başçısı Nazirlər Kabinetinin yuxarıda bəhs olunan iclasında bildirib.
Bu məqamda vurğulamaq yerinə düşər ki, “Azərbaycan İnvestisiya Şirkəti” Açıq Səhmdar Cəmiyyəti (ASC) ölkə üzrə sənaye quruculuğuna sanballı töhfələr verir. İndiyədək ASC-nin xətti ilə ölkə miqyasında sənaye müəssisələrinin yaradılmasına böyükhəcmli investisiyalar yönəldilib. AİŞ-dən verilən məlumata əsasən, qurum əczaçılıq, logistika, sənaye, o cümlədən də qida sənayesi sahələrində reallaşdırılan layihələrdə payçı qismində iştirak edir. Bildirilir ki, bu layihələrin ümumi dəyəri 1,2 mlrd. ABŞ dolları təşkil edir ki, bunun da 450 mln. ABŞ dolları xarici investisiyalardır. Qurumun reallaşdırdığı layihələr paytaxt Bakı ilə yanaşı, ölkənin bütün regionlarını əhatə edir. “Milk-Pro” zavodu, “Səba” və “Azərtoxum” müəssisələri, “Xəzər Beynəlxalq İnvestisiya Şirkəti” QSC də AİŞ-in payçı olduğu layihələrdəndir. AİŞ Masazırda yodlaşdırılmış və rafinadlaşdırılmış qida duzunun istehsalı üzrə “Azərbaycan Duz İstehsalat Birliyi” QSC, Sanqaçalda yeni logistik terminalın inşası məqsədilə yaradılmış “Sanqaçal Terminalı” QSC və Ağstafada aqrotexniki xidmətləri kompleks şəkildə həyata keçirən “Ağstafa Aqroservis” MMC-də payçı qismində iştirakını uğurla yekunlaşdırıb. Bundan başqa, AİŞ 2016-cı ildən başlayaraq ölkənin əczaçılıq məhsullarına olan tələbatının ödənilməsi, bu sahədə idxaldan asılılığın azaldılması, ixrac potensialının artırılması və dərman məhsullarının keyfiyyətinin yaxşılaşdırılması məqsədi ilə əczaçılıq sahəsində də layihələr həyata keçirməyə başlayıb. AİŞ-dən verilən məlumata əsasən, indiyədək ölkə üzrə 25 rezidentin qeydiyyata alındığı 5 sənaye parkı və 4 sənaye məhəlləsi yaradılıb.
Neftçala Sənaye Məhəlləsi isə ölkədə yaradılan ilk sənaye məhəlləsidir. Xatırladaq ki, bəhs olunan sənaye məhəlləsi 2017-ci ildə Prezident İlham Əliyevin iştirakı ilə istifadəyə verilib. Dövlətimizin başçısının 2014-cü ildə Neftçalaya səfəri zamanı verdiyi tapşırığa və 2015-ci ilin fevralında imzaladığı müvafiq Sərəncama əsasən sənaye məhəlləsində yüksək standartlara cavab verən 7 istehsal sahəsi, ikimərtəbəli inzibati bina, texniki və köməkçi binalar tikilib. Hazırda Neftçala Sənaye Məhəlləsində 9 müəssisə və 1 kiçik sahibkarlıq emalatxanası fəaliyyət göstərir. Bəhs olunan sənaye məhəlləsinin yaradılmasına dövlət tərəfindən 20 milyon manatdan çox vəsait ayrılıb. Bütün infrastruktur məsələləri həll olunub, modullar inşa edilib və özəl sektora burada fəaliyyətə başlamaq üçün kreditlər verilib.
Regionlarda yaradılan sənaye məhəllələri dövlət-özəl sektor əməkdaşlığına yaxşı nümunədir
Ölkəmizdə dövlətin davamlı siyasi və maddi dəstəyi sayəsində fəaliyyət sferalarını genişləndirən milli sahibkarlar ordusunun təmsilçiləri özlərinin sosial məsuliyyətlərini dərk edərək məmnuniyyətlə müxtəlif layihələrə qoşulur, həmçinin yeni müəssisələrin yaradılmasına böyükhəcmli sərmayələr yönəldirlər. Regionlarda yaradılan sənaye məhəllələri dövlət-özəl sektor əməkdaşlığına yaxşı nümunədir. Özəl sektor güzəştli şərtlərlə aldığı kreditlər və öz vəsaiti hesabına Neftçala Sənaye Məhəlləsinə 45 milyon manat sərmayə yönəldib. Hazırda daha bir ünvanda - Masallıda növbəti Sənaye Məhəlləsinin tikinti işləri sürətlə aparılır. Sahibkarlar Sənaye Məhəlləsinə böyük maraq göstərirlər. Sənaye məhəllələri regionlarda sahibkarlıq fəaliyyətinin genişlənməsinə, yerli ehtiyatlardan səmərəli istifadə etməklə sənaye sahələrinin inkişafına, istehsal prosesinin təşkilində infrastruktur xərclərinin azaldılmasına, sahibkarlar arasında kooperasiya əlaqələrinin gücləndirilməsinə, idxalın əvəzlənməsinə, yerli məhsulun daxili və xarici bazarlara çıxarılmasına geniş imkanlar yaratdır.
“Azərbaycan İnvestisiya Şirkəti” ASC-dən verilən məlumata əsasən, Masallı Sənaye Məhəlləsində tikinti-quraşdırma, o cümlədən bütün zəruri infrastrukturun qurulması işlərinin birinci mərhələsi başa çatdırılıb, hazırda son tamamlama işləri həyata keçirilir. İlkin mərhələdə ümumi sahəsi 7500 m2-ə yaxın 3 istehsal sahəsi, texniki və köməkçi binalar istifadəyə veriləcək. Artıq sahibkarlar tərəfindən ümumi dəyəri 33 milyon manatdan çox olan 33 layihə təklifi təqdim olunub. İlkin olaraq Sənaye Məhəlləsində 4-ü mebel istehsalı, digərləri plastik məmulatlar, metal məmulatlar, tikinti materialları, kabel istehsalı və dulusçuluq məmulatları istehsalı olmaqla 9 layihə icra olunacaq. Daha bir Sənaye Məhəlləsinin təşkilinə Prezident İlham Əliyevin 25 iyul 2017-ci il tarixli müvafiq Sərəncamı əsasında Hacıqabul rayonunda başlanılıb. Yeni Sənaye Məhəlləsi 20 hektar ərazidə yaradılır.
Sənaye Məhəlləsində özəl sektorun yaxından iştirakı ilə regionun iqtisadi potensialına uyğun olaraq ağır maşınqayırma, xüsusi vaqonqayırma, kompozit materiallar, plastik taralar, avtomobil və tikinti materiallarının istehsalı üçün avadanlıqların istehsalı müəssisələrinin yaradılması nəzərdə tutulur. Bu layihələr çərçivəsində 43 milyon manat investisiya yatırılması planlaşdırılır. Artıq “ATEF Sənaye Kompleksi” MMC Hacıqabul Sənaye Məhəlləsinin ilk rezidenti kimi qeydiyyata alınıb. Sənaye Məhəlləsində tikinti işlərinin birinci mərhələsini 2018-ci ilin III rübündə başa çatdırmaq nəzərdə tutulub. Hacıqabul Sənaye Məhəlləsində ilkin mərhələdə yüksək standartlara cavab verən və ümumi sahəsi 6100 m2 olan 4 istehsal sahəsi, 937,8 m2 sahəsi olan ikimərtəbəli inzibati bina, eləcə də texniki və köməkçi binalar istifadəyə veriləcək. 20,3 hektar sahədə yaradılan Sabirabad Sənaye Məhəlləsində yun tədarükü, pambıqtəmizləmə, taxta, plastik məmulatlar və tikinti materiallarının istehsalı, kənd təsərrüfatı məhsullarının emalı müəssisələrinin və logistika mərkəzinin yaradılması planlaşdırılır.
Yeni sənaye müəssisələri regionlarda əhalinin əmək bazarına çıxış imkanlarını artırıb
Son 15 ildə aparılan uğurlu siyasət həmçinin ölkədə müsbət demoqrafik vəziyyətin yaranması ilə nəticələnib. Respublikamızda əhali artır ki, bu da çox müsbət tendensiyadır. Ancaq ölkədə əhali sayının artması qarşıya yeni iş yerlərinin yaradılması ilə bağlı mühüm vəzifələr qoyub. “İş yerlərinin yaradılması Azərbaycanda daimi proses olmalıdır. İndi dünyada texnoloji inkişafın çox sürətlə getdiyini və bunun iş yerlərinin ixtisarına gətirib çıxardığını nəzərə alsaq, biz bu sahəyə çox böyük diqqət verməliyik ki, Azərbaycanda işsizlik daim aşağı səviyyədə olsun”, - deyə Prezident İlham Əliyev bildirib.
Qeyd edək ki, son 15 ildə respublikamızda 2 milyonadək yeni iş yerləri yaradılıb ki, onların da böyük əksəriyyəti daimidir. Həyata keçirilən məqsədyönlü tədbirlər sayəsində respublika üzrə işsizliyin səviyyəsini 5 faizədək aşağı salmaq mümkün olub ki, bu da dünyada ən yaxşı göstəricilərdən hesab olunur. Ölkədə iqtisadiyyatın sosialyönümlülüyünün təmin edilməsi, o cümlədən də son 15 ildə təxminən 2 milyon yeni iş yerinin yaradılması öz növbəsində yoxsulluğun 50 faizdən 5 faizədək aşağı düşməsi ilə nəticələnib. Azərbaycanın yoxsulluğun azaldılması istiqamətində əldə etdiyi nailiyyətləri statistik rəqəmlərdən də görmək mümkündür. Belə ki, respublikamızda milli iqtisadiyyatın sosialyönümlülüyünün təmin olunması nəticəsində əhalinin real gəlirlərinin orta illik artım tempi iqtisadi artım tempini orta hesabla 8,3 faiz bəndi üstələyib. Qeyd edək ki, hazırda Azərbaycanda yoxsulluq qlobal yoxsulluq səviyyəsindən 3 dəfə aşağıdır.
Eyni zamanda, ölkədə aparılan yeni sənaye quruculuğu ölkə üzrə fəal məşğul əhalinin əmək bazarına çıxış imkanlarının artmasına müsbət təsir göstərir. Prezident İlham Əliyev Nazirlər Kabinetinin bəhs olunan iclasındakı nitqində bu amilə diqqət çəkərək deyib: “Dövlətin dəstəyi ilə yaradılan müəssisələr həm iş yerlərinin açılmasına xidmət edir, həm yerli istehsalı gücləndirir”.
İndiyədək ölkə üzrə fəaliyyətə başlayan sənaye məhəllələrində və parklarında minlərlə əmək qabiliyyətli insan layiqli iş yerləri ilə təmin olunub. Məsələn, Sumqayıt Kimya Sənaye Parkındakı “Azərtexnoline” zavodunda 750 iş yeri açılıb. Sənaye Parkında 2018-ci ildə istifadəyə veriləcək istehsalatlarda daha 800 yeni iş yerinin açılacağı gözlənilir. Yuxarıda geniş bəhs etdiyimiz Neftçala Sənaye Məhəlləsində 500-dən çox daimi iş yerinin açılması üçün zəmin yaranıb. Hazırda tikintisi aparılan Masallı Sənaye Məhəlləsində 200 nəfər çalışır. Burada birinci mərhələdə 230, ümumilikdə isə 600-dən çox yeni iş yeri yaradılacaq. Hacıqabul Sənaye Məhəlləsində 850-dən çox iş yerinin yaradılması planlaşdırılır. Mingəçevir Sənaye Parkında yüngül sənaye, o cümlədən tekstil, ayaqqabı, tibbi kosmetika, iplik və digər növ məhsul istehsalı üzrə yerli xammal bazası əsasında 9 fabrikin yaradılması ilə 150-200 milyon dollar investisiya qoyuluşu nəzərdə tutulur. Yeni istehsalat yerli əhalinin məşğulluğunun təmin edilməsi baxımından da böyük əhəmiyyət daşıyır.
Mübariz ABDULLAYEV

 
  • Oxunub:  8070  |  
  • Tarix:  22-06-2018  |  
  •    Çap et   |  
Get Adobe Flash player
Mun Hi-sanq: Azərbaycan Koreya Respublikası üçün mühüm əhəmiyyət kəsb edir

17 Oktyabr 11:26
Çində Asiya-Afrika Gənc Sahibkarlar Forumu işə başlayıb
17 Oktyabr 10:52
Bakı Slavyan Universitetinin kollektivi ulu öndər Heydər Əliyevin məzarını ziyarət edib
17 Oktyabr 10:45
Bakıda Neonatologiya üzrə Beynəlxalq Konqres keçirilir
17 Oktyabr 10:36
Azərbaycan ilə Belarus 146 milyon dollarlıq ticarət əməliyyatları aparıb
17 Oktyabr 10:34
Uğurlu Azərbaycanımız uğrunda
17 Oktyabr 10:18
UNESKO-nun baş qərargahında Nəsiminin anadan olmasının 650 illiyi təntənə ilə qeyd edilib
17 Oktyabr 10:08
Kamran Bayramov: “Ermənistan Şahbaz Quliyevi və Dilqəm Əsgərovu əsirlikdə saxlamaqla beynəlxalq humanitar hüququ kobud surətdə pozur”
17 Oktyabr 10:02
YAP Abşeron rayon təşkilatında “Qarabağ Azərbaycandır və nida işarəsi” mövzusunda “dəyirmi masa” keçirilib
17 Oktyabr 10:00
YAP Binəqədi rayon təşkilatında “Qarabağ Azərbaycandır və nida işarəsi” adlı tədbir keçirilib
17 Oktyabr 09:58
STEAM layihəsinin tətbiq olunduğu məktəbə mediatur təşkil edilib
17 Oktyabr 09:56
YAP Gədəbəy rayon təşkilatının İdarə Heyətinin növbəti iclası keçirilib
17 Oktyabr 09:54
YAP Tərtər rayon təşkilatının geniş tərkibli Şura iclası keçirilib
17 Oktyabr 09:52
YAP Qaradağ rayon təşkilatı Gənclər Birliyinin təşkilatçılığı ilə “Qarabağ Azərbaycandır və nida işarəsi” adı altında yürüş-aksiya keçirilib
17 Oktyabr 09:51
EKOLOJİ PROBLEMLƏR ARADAN QALDIRILIR, ƏTRAF MÜHİT SAĞLAMLAŞDIRILIR
17 Oktyabr 09:49
Sabirabadda 50 min ədəd müxtəlif növ ağac əkiləcək
17 Oktyabr 09:47
“Uşaq Qaynar Xətt” xidməti artıq qısa nömrədə
17 Oktyabr 09:45
Regionlarda taxılçılıq təsərrüfatlarında payızlıq əkin prosesinə başlanılıb
16 Oktyabr 22:34
Prezident İlham Əliyev: Azərbaycanda aparılan islahatlar ardıcıl xarakter daşıyır
16 Oktyabr 22:29
Vergidən yayınmaq çox ciddi nəticələrə gətirib çıxarmalıdır
16 Oktyabr 22:18
Prezident İlham Əliyev: Hökumət qarşısında vəzifə qoymuşam ki, xarici dövlət borcumuzu ildən-ilə azaldaq
16 Oktyabr 22:13
Prezident İlham Əliyev: Qeyri-neft sənayemizin 15 faizdən çox artması dünya miqyasında rekord göstərici hesab oluna bilər
16 Oktyabr 22:09
Azərbaycan Prezidenti İlham Əliyevin yanında iqtisadi müşavirə keçirilib
16 Oktyabr 21:37
Lerik rayonunda Müstəqillik Günü münasibətilə yürüş keçirilib
16 Oktyabr 21:31
“Azərbaycan Dəmir Yolları” MDB və Baltikyanı ölkələrin Dəmir Yolu Nəqliyyatı Şurasının iclasında iştirak edir
16 Oktyabr 21:24
Astarada Dövlət Müstəqilliyi Günü bir sıra tədbirlərlə qeyd olunub
16 Oktyabr 21:18
Növbəti diplomatik uğur: Azərbaycan Prezidentinin tutarlı arqumentləri
16 Oktyabr 21:17
Dövlət İdarəçilik Akademiyasında Əhməd bəy Ağaoğlunun anadan olmasının 150 illiyi qeyd edilib
16 Oktyabr 21:14
Rektor Gülçöhrə Məmmədova İnşaat fakültəsinin birinci kurs tələbələri ilə görüşüb
16 Oktyabr 21:10
İsveçrədə keçirilən tədbirdə ölkəmizdə texniki tənzimləyicilərin beynəlxalq tələblərə uyğunlaşdırılmasından danışılıb
16 Oktyabr 20:59
Hərbi hissədə hazırlıq kursuna cəlb olunan heyətlə kütləvi tərbiyəvi tədbir keçirilib
16 Oktyabr 20:56
Azərbaycan Dövlət Pedaqoji Universitetinin tələbələri ilə görüş
16 Oktyabr 20:50
Sofiyada Nəsiminin həyat və yaradıcılığına həsr olunmuş ədəbi-bədii gecə keçirilib
16 Oktyabr 20:49
Təhsil Nazirliyi ilə Türkiyə Maarif Fondu arasında əməkdaşlıq istiqamətləri müzakirə edilib
16 Oktyabr 20:41
Rüstəm Cabbarov: Türk Şurasının tamhüquqlu üzvü olmaq Özbəkistanın xarici siyasətində tarixi bir addımdır
16 Oktyabr 20:34
Avropa İttifaqı: xarici siyasətin prioritetlərinə yeni baxış
16 Oktyabr 20:30
Mun Hi-sanq: Azərbaycan Koreya Respublikası üçün mühüm əhəmiyyət kəsb edir
16 Oktyabr 17:43
Azərbaycan və Türkiyə hüquqi sahədə səmərəli əməkdaşlıq edir
16 Oktyabr 17:42
2020-ci il üçün əmək miqrasiyası kvotasına dair təkliflər hazırlanıb
16 Oktyabr 17:39
İsmayıllı gənclərindən möhtəşəm yürüş
16 Oktyabr 17:34
Eldar İbrahimov: Ötən 10 il ərzində türkdilli dövlətlər arasında münasibətlər daha da güclənib
16 Oktyabr 17:31
Azərbaycan XİN Minsk qrupu həmsədrlərinin bölgəyə səfər marşrutuna münasibət bildirib
16 Oktyabr 17:21
Mirhəsən Seyidov: Türk Şurasının Bakıdakı Zirvə görüşü türk dünyası üçün yeni strateji inkişaf xəritəsi müəyyənləşdirdi
16 Oktyabr 17:18
Sevinc Fətəliyeva: Türkdilli dövlətlər arasında əlaqələrin daha da güclənəcəyi şübhəsizdir
16 Oktyabr 17:11
Politoloq: Azərbaycanın da yaxından iştirakı ilə türkdilli dövlətlərin əməkdaşlığının yeni platforması yaradılıb
16 Oktyabr 16:58
Azərbaycanda Dövlət Borcunun və Maliyyə Öhdəliklərinin İdarə Edilməsi Agentliyi yaradılıb
16 Oktyabr 16:54
Göyçay çayında selə qarşı mübarizə tədbirlərinə 7 milyon manat ayrılıb
16 Oktyabr 16:51
Koreya Respublikası Milli Assambleyasının sədri İçərişəhərlə tanış olub
16 Oktyabr 16:33
AMEA-da İpək Yolu Mədəni İrsinin Elmi Araşdırma Mərkəzi yaradılır
16 Oktyabr 16:30
Bütün Türkdilli dövlətlər birlik və bərabərliklərini qorumalıdır
16 Oktyabr 16:14
Bakı Beynəlxalq Media Konfransının iştirakçıları Quba Soyqırımı Memorial Kompleksini ziyarət edib
16 Oktyabr 16:09
Azərbaycan Avropa Şurasının daha bir müqaviləsinə imza atıb
16 Oktyabr 16:03
Naqif Həmzəyev: İlham Əliyev Azərbaycanın ərazi bütövlüyünü bərpa etmək əzmində olduğuna daha bir mesaj verdi
16 Oktyabr 16:00
Rəcəb Tayyib Ərdoğan: Soyqırımı görmək istəyən varsa, Dağlıq Qarabağda baş verənlərə baxsın
16 Oktyabr 15:57
Vüqar Rəhimzadə: Bakı görüşü türkdilli xalqların birliyinin daha da möhkəmlənməsinə yol açan tarixi hadisədir
16 Oktyabr 15:56
Gənclər Fondunun Müşahidə Şurasının növbəti iclası keçirilib
16 Oktyabr 15:52
Ukrayna Analitik Mərkəzinin rəhbəri: Azərbaycan Türk Şurasının Zirvə Görüşündə güclü nüfuza malik dövlət olduğunu bir daha sübut etdi
16 Oktyabr 15:48
Elçin Quliyev: “Qarabağ Azərbaycandır!” hərəkatı torpaqlarımızın azadlığı uğrunda mübarizədə əsas ideoloji faktorlardan biridir
16 Oktyabr 15:46
İradə İbrahimova: Balıqların qadağan olunmuş alətlərlə ovlanmasına qarşı aksiyaya başladıq
16 Oktyabr 15:43
Şəmkirdə “KOB Dostu” fəaliyyətə başlayıb
16 Oktyabr 15:22
9 saylı Binəqədi II seçki dairəsi dairə seçki komissiyasında ixtisaslaşmış kurslar davam edir
16 Oktyabr 15:20
Bələdiyyə seçkilərinin şəffaf və ədalətli keçirilməsi üçün ciddi hazırlıq işləri görülür
16 Oktyabr 15:05
Tərtərdə "Müstəqilliyimiz əbədidir" şüarı ilə keçirilən yürüşdə altı minə yaxın gənc iştirak edib
16 Oktyabr 15:03
Azərbaycanın dövlət müstəqilliyinin 28-ci ildönümü Səbail rayonunda qeyd olunub
16 Oktyabr 14:55
27 saylı Sabunçu ikinci dairə seçki komissiyasında maarifləndirmə kursları davam edir
16 Oktyabr 14:35
Koreya Respublikası Milli Assambleyasının sədri ulu öndər Heydər Əliyevin məzarını və Şəhidlər xiyabanını ziyarət edib
16 Oktyabr 14:33
NATO-nun bir çox proqramlarında Azərbaycan hərbçilərinin fəal iştirakı yüksək qiymətləndirilib
16 Oktyabr 14:31
Türkiyə Prezidenti: Türk Şurasının Bakıda keçirilən Zirvə Görüşü tarixi əhəmiyyətə malikdir
16 Oktyabr 14:27
Akademik İsa Həbibbəyli: Azərbaycanda alimə dövlət səviyyəsində qiymət verilir
16 Oktyabr 14:22
ADU-da Beynəlxalq Parlament Təqaüdü proqramı haqqında müzakirələr aparılıb
16 Oktyabr 14:20
Beynəlxalq Türk Akademiyasının Azərbaycan nəşrləri təqdim olunub

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
HAVA HAQQINDA
Bakı
gündüz+22 +26
gecə+16 +18