A+   Yenilə  A-
Arye Qut və onun Azərbaycan sevgisi: “Bunu özümün həyati missiyam hesab edirəm”

Azərbaycan Milli Məclisinin deputatı, Xalq yazıçısı Elmira Axundova israilli məşhur politoloq Arye Qut haqqında “Arye Qut və onun Azərbaycana sevgisi: “Bunu özümün həyati missiyam hesab edirəm” sərlövhəli məqalə hazırlayıb. AZƏRTAC məqaləni təqdim edir.

X X X

“...Ermənistan Azərbaycanın işğal edilmiş ərazilərində etnik təmizləmələr aparıb. Bu əməliyyatların ən qeyri-insani olanı Xocalı şəhərində törədilib. Erməni silahlı dəstələri 1992-ci il fevralın 26-da Azərbaycanın Xocalı şəhərində insanlığa qarşı dəhşətli cinayət – Azərbaycanın dinc mülki əhalisinə qarşı soyqırımı aktı törədiblər. ...Xocalı şəhərinin mülki əhalisinin qəsdən kütləvi şəkildə məhv edilməsi yalnız bir səbəbdən həyata keçirilirdi – bu insanlar hamısı azərbaycanlılar idi. Azərbaycan və onun xalqı cəhənnəm əzabı ilə üzləşdi – onlar misli görünməmiş işgəncə və iztirablara məruz qaldılar. Xocalı şəhəri Azərbaycan ərazilərinin işğalının və orada etnik təmizləmənin, qəddarlığı ilə insanı şoka salan vahimə və qorxu hissi yaradılmasının növbəti mərhələsi oldu. Bu, təkcə bütöv bir nəslin faciəsi deyil, həm də bəşər tarixində ən dəhşətli cinayətlərdən biridir...

Lakin Xocalı soyqırımı aktı Azərbaycan xalqını ruhdan sala bilmədi, onun başqa xalqlara münasibətdə humanistliyini və tolerantlığını dəyişə bilmədi. Azərbaycan xalqı sıx birləşərək öz inkişaf yolunu inamla davam etdirdi...”.

Bu sözlər hansısa yerli miqyaslı forumda bir azərbaycanlı jurnalistin və ya alimin çıxışından sitat deyil. Bu, İsraildə çıxan nüfuzlu ingilisdilli “The Jerusalem Post” qəzetində dərc olunmuş məqalədən bir parçadır. Beynəlxalq münasibətlər sahəsində tanınmış ekspert, “Cəmiyyət üçün beynəlxalq layihələr” adlı qeyri-hökumət təşkilatının rəhbəri, Bakı Beynəlxalq Multikulturalizm Mərkəzinin İsraildə nümayəndəliyinin rəhbəri, jurnalist və ictimai xadim Arye Qut İsrailin müxtəlif kütləvi informasiya vasitələrində bu qəbildən olan çoxsaylı məqalələr dərc etdirib.

Arye Qut barəsində belə deməyə tam haqqımız var ki, bu insan “öz karyerasını özü yaradıb”. O, özünün inadkarlığı, istedadı və son dərəcə əməksevərliyi sayəsində, bir də öz mərdliyi, vətənpərvərliyi, özünün birinci Vətəninə böyük sevgisi sayəsində həm İsrailin, həm də Azərbaycanın siyasi dairələrində özünəyetərli, nüfuzlu və hörmətli şəxsiyyətə çevrilib. Etnik azərbaycanlıların heç də hamısı xarici ölkələrdə daimi yaşamağa gedəndən sonra Azərbaycan üçün israilli Arye Qutun gördüyü qədər iş görməyib. Amma gəlin hər şey barədə növbə ilə danışaq...

X X X

...2000-ci ildə Arye valideynləri ilə bərabər Azərbaycandan İsrailə köçdü. Onlar Yerusəlimin yaxınlığında yerləşən Beyt Şemeş şəhərində məskunlaşdılar. Bir qədər əvvəl Arye Qutun anasının qohumları orada məskunlaşıblar. Gənc Arye İsrailə köçəndən üç ay sonra artıq ivrit dilində danışmağa başladı. Bundan dərhal sonra iş axtarmağa, naməlum mühitdə yeni həyat şəraitində özünü tapmağa çalışdı. O vaxt 25 yaşı vardı. Arye Bakıda BDU-nun beynəlxalq münasibətlər fakültəsində oxuyub, bakalavriatı və magistraturanı bitirib, hətta ən istedadlı məzunlardan biri kimi bir il bu universitetdə müəllimlik edib. İsraildə Arye Azərbaycana aid dissertasiya müdafiə etmək niyyətində idi. O hələ Bakıda ikən “Azərbaycan və Şimali Atlantika Müqaviləsi Təşkilatı (NATO)” mövzusunda elmi iş yazmışdı. İsraildə bu mövzu qəribə təsir bağışladı, Aryenin gələcək elmi rəhbəri hətta Azərbaycanın məhz harada yerləşdiyini bilmirdi. Lakin o, Aryenin elmi işi ilə tanış olmağı vəd etdi. Onlar yenidən görüşəndə elmi rəhbəri dedi: “Sənin çox maraqlı dissertasiya mövzun var, yaxşı yazılıb. Onun üzərində işləyəcəyik”.

Bundan sonra Arye Qut universitetə sənədlərini verdi və bir neçə ildən sonra dissertasiya müdafiə etdi. Yekun variantda bu iş “Cənubi Qafqazda geosiyasi proseslərdə Azərbaycan amili” adlandı.

Təbii ki, cavan oğlan dissertasiya yazmalı, elmlə məşğul olmalı, amma eyni zamanda, özünü və ailəsini dolandırmaq üçün işləməli idi. Bundan əlavə, 2004-cü ildə Arye evləndi, bir oğlu oldu, indi oğlanın 13 yaşı var.

Arye Qut deyir: “2001-ci ildə işədüzəlmə agentliyinə sənədlərimi verdim. Üç gündən sonra mənə zəng edib soruşurlar: “Türk dilini bilirsinizmi?”- “Bəli, bilirəm”. – “Yaxşı bilirsiniz?” – “Yaxşı”. Məlum oldu ki, vafli istehsal edən aparıcı şirkətə türk dili üzrə mütəxəssis lazımdır. Zavodun sahibi məni qəbul etdi, gördü ki, mən yaxşı təhsil almışam, ona isə türk dilini bilən mütəxəssis lazım idi, çünki onlar Türkiyədə avadanlıq almışdı və türklərlə ticarət aparırdılar.

Mən həmin şirkətdə işə düzəldim və bir neçə ildən sonra orada beynəlxalq əməkdaşlıq sahəsində aparıcı vəzifələrdən birini tutdum. Paralel olaraq ictimai-siyasi fəaliyyətlə məşğul olmağa başladım. 2007-ci ildən 2013-cü ilə qədər Azİz Assosiasiyasının idarə heyətinin üzvü olmuşam. Bu təşkilatın mətbuat katibi kimi Azərbaycan KİV-ləri ilə işləməyə başladım. Azİz Assosiasiyasının Azərbaycanda irəliləməsi üçün az iş görməmişəm. Tədricən həm Azərbaycan, həm də İsrail mətbuatında məqalələr yazmağa başladım. İsraildə Xocalı problemini ilk dəfə qaldıranlardan biri mən olmuşam. Hazırda “Xocalıya ədalət!” beynəlxalq kampaniyası ilə fəal əməkdaşlıq edirəm...

Məndən soruşanda ki, bu işləri nə üçün görürəm, cavab verirdim ki, mənim ana tərəfdən babam Holokost dövründə təqribən 40 nəfərdən ibarət bütün nəslini itirib. O özü yalnız cəbhədə olduğuna və müharibənin son gününə qədər döyüşdüyünə görə xilas olub. Anamın nənəsi isə, Kiyev-Bakı qatarı ilə oranı tərk edib və beləliklə ölümdən qurtarıb. Məhz bu səbəbdən Xocalıda soyqırımı aktı mənim üçün şəxsi faciədir. Bilirsinizmi, tədricən mən anlamağa başladım ki, bu iş həyatda mənim missiyama çevrilir. Ermənistan-Azərbaycan münaqişəsi məsələsini qaldırmaq mümkün olan hər bir beynəlxalq forumda və ya konfransda çıxış etməyə çalışıram. Azərbaycan mənim vətənimdir və mən bu məsələdə kənarda qala bilmərəm...”

Bu gün Arye İsrail televiziyasının 9-cu və 10-cu kanallarının siyasi şərhçisi, İsraildə ən nüfuzlu ingilisdilli nəşr olan, hər səhər ABŞ Dövlət Departamentinin yüksəkvəzifəli məmurlarının masaları üstünə qoyulan “The Jerusalem Post” qəzetinin siyasi şərhçisidir. Bundan əlavə, onun məqalələri “Maariv”, “Makor Rişon”, “Ha-Aretz” qəzetlərində və başqa nəşrlərdə çap olunur. Arye, məsələn İsrail-Türkiyə, İsrail-İran münasibətləri kimi regional problemlərdən yazır, lakin Ermənistan-Azərbaycan münaqişəsi haqqında, Azərbaycan haqqında, onun qədim mədəniyyəti, tolerantlıq ənənələri, Azərbaycan multikulturalizm modeli haqqında İsrail televiziyasının birbaşa efirində xatırlatmaq üçün hər bir nəşrdən, hər bir imkandan istifadə etməyə çalışır.

2014-cü ildə Bakıda keçirilən humanitar forumda Arye Qut Azərbaycan Prezidenti İlham Əliyevə yaxınlaşıb onunla salamlaşdı və Azərbaycan Prezidenti ona dedi: “Arye, mən sizi yaxşı tanıyıram, sizin analitik məqalələrinizi tez-tez oxuyuram. Düzgün və ədalətli mövqe tutduğunuza görə sağ olun”.

X X X

...Əməksevər gəncin İsraildə karyerası yaxşı irəliləyirdi. 2009-cu ildə Arye İsraildə yüksək texnologiyalarla məşğul olan iri şirkətlərdən birinin aparıcı mütəxəssisi oldu. 2015-ci ildən Arye Qut “YR” şirkətinin Azərbaycan və Türkiyə ilə əlaqələr üzrə baş meneceri kimi məsul vəzifə tutur.

Arye deyir: “Biz Azərbaycana həm kənd təsərrüfatı, həm də yüksək texnologiyalar sahəsində yeni ideyalar, investisiyalar və kapital gətiririk. Biz kənd təsərrüfatı, səhiyyə, su ehtiyatlarının idarə edilməsi, yüksək texnologiyalar sahəsində innovasiyalar üzrə dünyada lider ölkə olan İsraildən ən yaxşı və ən müasir ideyaları Azərbaycana gətirməyə hazırıq”. Şirkətin rəhbərliyi Arye Qutun Azərbaycanın mənafelərinin müdafiəsinə yönəlmiş fəaliyyətinə böyük hörmətlə yanaşır və hətta onun Xocalı haqqında kitabının nəşrinə sponsorluq edib. 2016-cı ildə Arye və onun atası Əmir Qut Xocalı haqqında “Ağrı” adlı bədii-sənədli roman yazıblar. Bu kitabda İsraildə yaşayan və doktorluq dissertasiyası yazmaq üçün Azərbaycana gələn bir gənc barədə söhbət gedir. Oğlan Bakıda əslən Xocalıdan olan bir qıza vurulur və həmin qızın obrazı vasitəsilə Xocalının bütün faciəsi açıqlanır.

Romanın bütün bədii əsasını Əmir Qut fikirləşib, çünki o, vaxtilə Azərbaycan televiziyasının ictimai-siyasi proqramlar redaksiyasının aparıcı rejissoru olub, 2000-dən çox televiziya verilişi hazırlayıb, çoxsaylı ssenarilər yazıb və öz ssenariləri əsasında 50-yə yaxın sənədli film çəkib. Bir dəfə, atasının 80 yaşı tamam olan gün Arye ona Xocalı haqqında şərikli kitab yazmağı təklif edib. Əsərin bədii məziyyətlərinə görə Əmir, sənədli məqamlara görə Arye cavabdeh olmalı idi. “Ağrı” romanının redaktoru siyasi elmlər üzrə fəlsəfə doktoru, BDU-da bir neçə il Arye ilə birgə işləmiş Məhsəti Əliyevadır.

Sonradan həmin kitab ingilis dilinə tərcümə edilib, daha sonra Arye Böyük Britaniyada dilin daşıyıcısı ilə birlikdə kitabı redaktə edib. 2017-ci ildə Moldova Respublikasında Azərbaycanın Moldovadakı səfirliyinin və ölkəmizin böyük dostu, Moldova Respublikası İctimai Palatasının rəhbəri Aureliya Qriqoriunun dəstəyi ilə bu kitabın ilk təqdimatı keçirilib. 2018-ci ildə İtaliya senatının kitabxanasında romanın İtalyan dilində nəşrinin təqdimatı olub. Bu kitabın nəşrinə Azərbaycanın İtaliyadakı səfiri Məmməd Əhmədzadə çox kömək göstərib. Təqdimat mərasiminə İtaliyanın bütün yəhudi icması gəlmişdi. Onlar bu əsərdən şoka düşmüşdülər, çünki bu insanların çoxu Xocalı hadisələri barədə heç nə bilmirdi.

Elə həmin il Heydər Əliyev Fondunun vitse-prezidenti Leyla xanım Əliyevanın dəstəyi ilə beynəlxalq “Justice for Khojaly” kampaniyası çərçivəsində kitabın Azərbaycan dilinə tərcümə olunmasına kömək etdilər. 2019-cu il fevralın 25-də Bakı Kitab Mərkəzində, ertəsi gün Konqres-hollda Arye və Əmir Qutların kitabının rus, ingilis və Azərbaycan dillərində nəşrinin təqdimatı keçirildi. Təəssüf ki, Aryenin atası səhhəti ilə əlaqədar bu təqdimat mərasimlərində şəxsən iştirak edə bilmədi. Lakin oğlunun sözlərinə görə, Əmir müəllim özünü çox xoşbəxt hiss edir, çünki ahıl yaşına baxmayaraq (hazırda onun 82 yaşı var) Azərbaycana oğul borcunu qaytara bilib...

X X X

...2013-cü ildə Arye Qut “Cəmiyyət üçün beynəlxalq layihələr” adlı qeyri-hökumət təşkilatı yaratdı və iri ictimai-siyasi və media layihələrlə məşğul olmağa başladı. O, israilli jurnalistləri, İsrail KİV-lərinin və aparıcı İsrail telekanallarının nümayəndələrini, media aləmində tanınmış digər şəxsləri tez-tez ölkəmizə gətirir. Arye “Xocalıya ədalət!” beynəlxalq kampaniyası çərçivəsində həm İsraildə, həm də İsveçdə, Rusiyada, İtaliyada, Litvada, Moldovada, digər ölkələrdə çıxış edib.

O deyir: “Bəzən məndən soruşurlar: Arye, bütün bunları nədən ötrü edirsən, erməni təbliğatı ilə savaşırsan, riskə gedirsən? Cavab verirəm ki, mən bunu həyatda öz missiyam hesab edirəm. Əgər bunu edə bilirəmsə, əgər öz ölkəmdə və ya Avropanın hər hansı ölkəsində Azərbaycan barəsində ictimai rəydə nəyisə dəyişə bilərəmsə, həmişə bunu edəcəyəm.

Akko şəhərində keçirilmiş sonuncu aksiya barədə danışmaq istərdim. Hayfa yaxınlığında yerləşən bu kiçik şəhərdə əslən Azərbaycandan olanlar çoxdur. Mənim dostum, şəhərin azərbaycanlı dağ yəhudiləri icmasının rəhbəri Şirin Nexamiya Mixaeli ilə birlikdə Akko şəhərinin meri Şimon Lankrini Azərbaycanın əsl dostuna çevirdik, onu Azərbaycana gətirdik, Odlar Yurdunu ona göstərdik. Akkoda Azərbaycan dağ yəhudilərinin ən böyük icması yaşayır. Buna görə də Şirin Nexamiya Mixaeli öz gözləri ilə görüb yəqin etmək istəyirdi ki, yəhudilər burada çox rahat və tam tolerantlıq şəraitində yaşayırlar. Azərbaycana səfərimizdən əvvəl o mənə demişdi: “Əgər siz məni inandıra bilsəniz, biz Akkoda “Azərbaycan evi” tikəcəyik”. O, Azərbaycana gəldi, hər şeyi öz gözü ilə gördü və çox razı qaldı. İsrailə qayıdandan sonra o, həmin binanı tikməyə başladı. Bu gün mən fəxrlə deyə bilərəm ki, bizim İsraildə “Azərbaycan evi” var, bu ev fəalliyyətdədir, irimiqyaslı aksiyalar keçirir, əslən Azərbaycandan olanların hamısı üçün əsil evdir”.

İki ay bundan əvvəl məhz Arye Qut və Akko şəhərinin meri Şimon Lankri Xocalıda soyqırımı qurbanlarının Xatirə Gününün və “Justice for Khojaly” sənədli fotosərginin Heydər Əliyev Fondunun dəstəyi ilə keçirilməsi barədə təşəbbüs irəli sürdülər. Akko Bələdiyyə Şurasında təşkil olunmuş bu tədbirdə İsrail Knessetinin deputatları, o cümlədən “İsrail-Azərbaycan” Parlamentlərarası Dostluq Komissiyasının rəhbəri, “İsrail bizim evimizdir” fraksiyasının rəhbəri, 17-ci çağırış Knessetin deputatı, fövqəladə və səlahiyyətli səfir Yosef Şaqal, Akko şəhərinin və İsrailin şimalının baş ravvini Yosef Yaşar, İsrail dağ yəhudilərinin baş ravvini Yaniv Naftali və İsrail KİV-lərinin nümayəndələri iştirak ediblər. Arye Qutun komandasının gördüyü bütün bu genişmiqyaslı və dəyərli işlər İsraildə Azərbaycanın imicinin möhkəmlənməsinə, İsrail-Azərbaycan starteji əməkdaşlığının güclənməsinə yönəlib.

Təbii ki, Arye təkcə Ermənistan-Azərbaycan münaqişəsi mövzusu ilə məşğul olmur. O, öz ölkəsinin media aləmində tanınmış şəxslərini – jurnalistləri, yazıçıları, deputatları, ictimai xadimləri Azərbaycana gətirir, onlar Bakıda və regionlarda keçirilən ən müxtəlif mədəni-humanitar aksiyalarda iştirak edirlər.

Məsələn, bu yaxınlarda o, İsrailin tanınmış yazıçı və dramaturqu (yeri gəlmişkən, İsrailin məşhur baş nazirinin doğma qardaşı) İdo Netanyahu ilə birlikdə Bakıya gəldi, onun “Məna axtarışında” adlı pyesi Bakı Muğam Mərkəzinin səhnəsində istedadlı rejissor İlqar Safat tərəfindən tamaşaya qoyuldu. Biz onları Azərbaycan Yazıçılar Birliyində qəbul etdik, orada müasir ədəbi proses barəsində canlı fikir mübadiləsi apardıq, həmin gün axşam isə tam anşlaqla keçən premyeraya baxdıq.

Arye İsrailə qayıdandan dərhal sonra bu hadisə barədə “The Jerusalem Post” qəzetində məqalə dərc etdirdi, habelə İsrail televiziyasının 9-cu kanalının “Den” informasiya-analitik proqramında çıxış etdi. Arye Qutun interpretasiyasında hər bir hadisə Azərbaycanın müsbət imicinə xidmət edir. Məsələn, Netanyahunun pyesinin tamaşasını “The Jerusalem Post” qəzetində təhlil edən Arye yazırdı: “Azərbaycan bir sıra dinlərin və xalqların nümayəndələrinin vətəni olub və bu gün də belədir, dünyanın bir çox ölkələri üçün parlaq və gözəl multikulturalizm və tolerantlıq nümunəsidir. Mən, İsrail vətəndaşı olmaqla minnətdarlıq və qürur hissi ilə bildirirəm ki, Azərbaycan rəhbərliyi bu ölkədə yaşayan bütün icmaların, o cümlədən Azərbaycandakı yəhudi icmasının ənənələrinə və həyatına qayğıkeş və səmimi münasibət göstərir, dünyanın heç bir yerində yəhudi icmasına bu cür səmimi münasibət yoxdur”.

Şəxsən mənə Arye qısa məzmunlu bir post yazıb: “Azərbaycan haqqında həqiqətin populyarlaşdırılması və dünyaya çatdırılması üzrə komandamızın daha bir qələbəsi. Bizim işimiz İsrail KİV-lərində əksini tapmalı və müsbət qiymət almalıdır. Bu, Azərbaycanı səmimi qəlbdən sevən insanların işidir”. Mən də öz tərəfimdən əlavə edirəm: Arye Qut kimi insanların.

Arye beş dili – rus, Azərbaycan, ivrit, türk və ingilis dillərini sərbəst bilir, bunun sayəsində onun iştirak edə biləcəyi və iştirak etdiyi aksiyaların və konfransların diapazonu çox genişdir. Bu, İsrail mətbuatında dərc edilən yazılara da aiddir, Arye bu yazıları da müxtəlif dillərdə nəşr etdirir.

X X X

Bir neçə il bundan əvvəl Arye möhkəm xəstələnmişdi. Lakin o, öz xəstəliyinə kifayət qədər sakit və istehza ilə yanaşır, xüsusən ona görə ki, İsrailin parlaq təbabəti bu xəstəliyə qarşı uğurla mübarizə apara bilir. Arye, əlbəttə, qoçaq adamdır. O, iş tempini əsla azaltmayıb, əksinə, Ermənistan ilə münaqişədə Azərbaycanın haqq işini daha fəal, daha aktiv dəstəkləməkdə davam edir. Məsələn, bu il aprelin 11-dən 16-dək Arye Qutun təşəbbüsü ilə israilli və amerikalı jurnalistlər qrupu Azərbaycana gəlib, bu qrup iki gün cəbhəyanı zonada olub, Azərbaycan ordusunun əsgər və zabitləri ilə görüşüb, şəxsi heyətin yüksək intizamını və döyüş ruhunu öz gözləri ilə görüb. Təbii ki, Arye İsrail televiziyasının 9-cu kanalının birbaşa efirində çıxış edərək bu səfər barədə ətraflı məlumat vermək imkanını qaçırmayıb. Məsələn, o, öz həmvətənlərinə bildirib ki, israilli jurnalistlər Füzuli rayonunun erməni işğalçılar tərəfindən viran edilmiş Aşağı Əbdürrəhmanlı kəndində olublar.

Arye Qut deyib: “Bir vaxtlar məşhur olan bu kəndin yerində son 27 ildə yalnız köhnə yaşayış məhəllələrinin xarabalıqları, dağıdılmış məktəb binaları və yaşayış evləri, həmçinin vəhşicəsinə dağıdılmış qəbiristanlıq qalıb. İsrailli jurnalistlər erməni işğalçılarının törətdiyi vandalizmi və qəddarlığı, məzarlara necə atış açmalarını öz gözləri ilə gördülər. Bu, dəhşətli mənzərədir, elə bil işğalçılar bu diyarda, hətta ölülərdən də qorxurdular... Jurnalistlər sonra məşhur Cocuq Mərcanlı kəndində oldular. İsraillilərin heç biri inana bilmirdi ki, cəmi bir neçə il bundan əvvəl burada erməni işğalçıları tərəfindən viran edilmiş Azərbaycan kəndi olub. Onların bu kənddə gördüyü real mənzərə bütün gözləntilərdən artıq oldu. Ön cəbhə xəttində yerləşən Cocuq Mərcanlı kəndi bu gün öz gözəlliyinə və yenidən qurulmuş infrastrukturuna görə Azərbaycan paytaxtındakı qəsəbələrin heç birindən, demək olar ki heç nə ilə fərqlənmir. Biz yerli sakinlərlə, uşaqlarla, məktəb direktoru Zəminə Həziyeva ilə söhbət etdik. Bu kəndlə bağlı bütün dəhşətli və qanlı hadisələr məktəb direktorunun taleyində əks olunub”.

Bir neçə il bundan əvvəl Arye Qutun xidmətlərini ona Azərbaycan Prezidenti İlham Əliyevin imzası ilə Fəxri Fərman təqdim olunması ilə qeyd edilib. İlham Əliyev bu diplomu çox nadir hallarda təqdim edir və o vaxta qədər bu diplom əcnəbi şəxslərə verilməmişdi. Arye Qutun sözlərinə görə, bu mükafat Azərbaycanın mənafelərinin beynəlxalq aləmdə təbliği işində onun kimi cavan oğlanın cüzi əməyinə verilən yüksək qiymətdir.

Mən isə düşünürəm ki, bu, Arye üçün bizim edə biləcəyimiz ən kiçik məsələdir. Əgər hər bir xarici ölkədə Arye Qut kimi bircə nəfər vətənpərvər nümayəndəmiz olsaydı, biz informasiya meydanında erməniləri çoxdan üstələyərdik. Lakin Arye kimi adamlar çox olmur, bəlkə min nəfərdən biri olar. Buna görə də biz ona hər vasitə ilə kömək etməli, onu dəstəkləməliyik. Sağ olsun Heydər Əliyev Fondu, sağ olsun Fondun vitse-prezidenti Leyla xanım Əliyeva, sağ olsun Heydər Əliyev Mərkəzinin direktoru Anar Ələkbərov. Arye bir sıra layihələrini məhz onların köməyi ilə həyata keçirə bilib, o cümlədən “Ağrı” kitabı Azərbaycan dilində nəşr edilib.
Qarşıda yeni ideyalar və niyyətlər, yeni sanballı aksiyalar var. Sənə cansağlığı arzu edirəm, əziz dost! Biz səninlə fəxr edirik və Azərbaycanda səni həmişə gözləyirik!

Elmira Axundova
Milli Məclisin deputatı,
Xalq yazıçısı.

 
  • Oxunub:  2730  |  
  • Tarix:  15-05-2019  |  
  •    Çap et   |  
Get Adobe Flash player
Azərbaycan Ordusu dünya miqyasında güclü ordular sırasındadır

26 İyun 18:50
AŞPA sessiyası çərçivəsində “Yeni çağırışlar və Azərbaycanda davam edən islahatlar” mövzusunda tədbir keçirilib
26 İyun 18:38
Sumqayıtda məhkəmə-hüquq islahatları müzakirə olunub
26 İyun 18:07
Füzuli rayonunun ictimaiyyəti Silahlı Qüvvələr Gününü hərbçilərlə birgə qeyd edib
26 İyun 17:43
Şəhid ailələrinin bir qrupu ilə görüş keçirilib
26 İyun 17:22
“Dünya irsi. Gənc Peşəkarlar Forumu” Qobustan qoruğunda davam edib
26 İyun 17:00
NATO-nun mənzil-qərargahında Azərbaycan Silahlı Qüvvələri Günü münasibətilə tədbir keçirilib
26 İyun 16:20
Prezident İlham Əliyev Cəmşid Naxçıvanski adına Hərbi Liseydə yenidənqurma işlərindən sonra yaradılan şəraitlə tanış olub
26 İyun 15:57
Silahlı Qüvvələr Günü Tbilisidə qeyd olunub
26 İyun 15:30
BMT-nin Dövlət Xidmətləri Forumu başa çatıb
26 İyun 15:23
Azərbaycan ilə BƏƏ arasında əməkdaşlıq təcrübəsinin formalaşması üçün imkanlar mövcuddur
26 İyun 14:06
Azərbaycan nümayəndə heyəti “ARMY-2019” Forumu çərçivəsində bir sıra görüşlər keçirib
26 İyun 14:04
AŞPA-nın yay sessiyasında Azərbaycanda qadın hüquqlarının qorunması sahəsində görülən işlərdən danışılıb
26 İyun 13:48
Azərbaycanın qaçqın və məcburi köçkün qadınlarının problemləri AŞPA-nın yay sessiyasında qaldırılıb
26 İyun 13:45
Pakistan Prezidenti Azərbaycanın bu ölkədəki səfirini qəbul edib
26 İyun 13:42
Ağsaqqallar Şurasının sədri: Azərbaycanın Silahlı Qüvvələri dünyanın ən güclü orduları sırasındadır
26 İyun 13:39
AŞPA-da azərbaycanlı deputat psixi xəstələrin hüquqlarının müdafiəsindən danışıb
26 İyun 13:36
“Səninlə fəxr edirik, Azərbaycan əsgəri!” aksiyasına yekun vurulub
26 İyun 11:52
Misir universitetlərinin tələbələri Azərbaycan dilinə böyük maraq göstərirlər
26 İyun 11:50
Azərbaycan atletləri “Minsk 2019”un altıncı günündə idmanın beş növü üzrə mübarizə aparacaqlar
26 İyun 11:48
Azərbaycan tolerant ölkədir və milli dəyərlərin qorunub saxlanılmasına böyük önəm verir
26 İyun 11:38
Dini Qurumlarla İş üzrə Dövlət Komitəsinin rəhbərliyi Şəki, Qəbələ və Oğuzda vətəndaşları qəbul edib
26 İyun 11:35
Birinci vitse-prezident Mehriban Əliyeva Silahlı Qüvvələr Günü münasibətilə Azərbaycan xalqını təbrik edib
26 İyun 11:07
Azərbaycan Ordusu dünya miqyasında güclü ordular sırasındadır
25 İyun 21:03
Ali hərbi rütbələrin təqdimetmə mərasimi keçirilib
25 İyun 20:52
Dövlət Komitəsində vətəndaşların növbəti qəbulu keçirilib
25 İyun 20:47
Azərbaycan nümayəndə heyəti İsveçrəyə səfər edəcək
25 İyun 20:44
Elmira Süleymanova: BMT-nin Dövlət Xidmətləri Forumu Dayanıqlı İnkişaf Məqsədlərinin müxtəlif aspektlərinə yönəlib
25 İyun 20:41
İyunun 26-da “ASAN xidmət” və "ASAN Kommunal" mərkəzlərində qeyri-iş günüdür
25 İyun 20:35
Monteneqronun Baş Nazirinin Azərbaycana rəsmi səfəri başa çatıb
25 İyun 20:31
Mübariz Qurbanlı: Azərbaycanın dövlət-din modeli dünya ölkələri üçün örnəkdir
25 İyun 20:17
Gədəbəy rayonunda ilk dəfə Milli Yaylaq Festivalı keçiriləcək
25 İyun 19:54
AŞPA-nın komitə iclasında azərbaycanlı deputatın məruzəsi qəbul olunub
25 İyun 19:38
AŞPA-da azərbaycanlı deputat İstanbul Konvensiyasından danışıb
25 İyun 19:35
AŞPA-da azərbaycanlı mülki girovların məsələsi müzakirə olunub
25 İyun 19:20
İsrail qəzeti: Azərbaycanda yəhudilər cəmiyyətin ayrılmaz bir hissəsi kimi qəbul edilir
25 İyun 19:15
Azərbaycan Milli Olimpiya Komitəsinin vitse-prezidenti Belarusun yerli kanalına xüsusi müsahibə verib
25 İyun 19:10
Bakı Şəhər İcra Hakimiyyəti: Çimərlik ərazilərinə giriş pulsuzdur
25 İyun 19:00
Polşanın Azərbaycandakı səfirinin diplomatik fəaliyyəti başa çatır
25 İyun 18:37
Monteneqronun Baş Naziri Heydər Əliyev Mərkəzi ilə tanış olub
25 İyun 18:29
Qazaxıstan Respublikasının Birinci Prezidentinin – Elbası Kitabxanasının direktoru Prezident Kitabxanasında olub
25 İyun 18:23
Baş Nazir Duşko Markoviç Monteneqronun Azərbaycandakı fəxri konsulluğunda olub
25 İyun 18:21
Heç kim kənarda qalmadan inklüziv və bərabər xidmətlərin göstərilməsi
25 İyun 18:15
Rauf Əliyev: Azərbaycan Ordusu işğal altında olan torpaqlarımızı azad etməyə tam hazırdır
25 İyun 18:05
Şəkidə “Müasir çağırışlar: dini durum və vəzifələr” mövzusunda regional konfrans keçirilib
25 İyun 18:00
Hüseynbala Mirələmov: Prezidentimizin uğurlu kadr islahatları dövlət idarəçiliyinin təkmilləşdirilməsinə xidmət edir
25 İyun 17:41
Azərbaycan və Monteneqro arasında iqtisadi əməkdaşlıq üzrə Birgə Komissiyanın yekunlarına dair protokol imzalanıb
25 İyun 17:37
Azərbaycan qadınları ictimai həyatın bütün sahələrində fəallıqları ilə seçilirlər
25 İyun 17:34
Terri Miller: Azərbaycan “İqtisadi Azadlıq İndeksi”ndə ən böyük irəliləyiş edən ölkədir
25 İyun 17:30
Naxçıvanda taxıl biçini mütəşəkkil aparılır
25 İyun 17:23
Dayanıqlı İnkişaf Məqsədlərinə nail olmaq üçün həssas qrupların sosial müdafiəsi ilə bağlı yeniliklər
25 İyun 17:20
Birinci vitse-prezident Mehriban Əliyeva görkəmli alim Şirməmməd Hüseynovun hüzr mərasimində iştirak edib
25 İyun 17:13
Səmərəli və məsuliyyətli dövlət qurumlarının inkişafı
25 İyun 17:09
Gövhər Baxşəliyeva: Sosialyönümlü sənədlərin hər biri Azərbaycan vətəndaşının rifahının yüksəldilməsinə xidmət edir
25 İyun 17:06
Qarabağ qazisi Kamil Musəvi İlahiyyat İnstitutunun tələbələrinə döyüş yolundan danışıb
25 İyun 17:02
Cavanşir Paşazadə: Əhalinin sosial müdafiəsinin gücləndirilməsi istiqamətində genişmiqyaslı tədbirlər uğurla davam etdirilir
25 İyun 17:00
Adil Əliyev: Azərbaycan Silahlı Qüvvələri NATO standartlarına cavab verən səviyyədə formalaşıb
25 İyun 16:51
Avropa Şurası kürsüsündən yalan və saxtakarlığın Ermənistanın real sifəti olması bəyan edildi
25 İyun 16:46
Çinin vitse-prezidenti: Nizami Gəncəvi Beynəlxalq Mərkəzinin keçirdiyi Qlobal Bakı Forumu çox əhəmiyyətlidir
25 İyun 16:36
Nəqliyyat, Rabitə və Yüksək Texnologiyalar naziri Oğuzda, nazirin birinci müavini Qəbələdə vətəndaşları qəbul edib
25 İyun 16:34
Gədəbəy rayonunun daha üç yaşayış məntəqəsinə təbii qaz verilib
25 İyun 16:21
Səməd Seyidov: Etnik təmizləmə aparan, monoetnik ölkə demokratiyadan danışa bilməz
25 İyun 16:12
İşçilərin məzuniyyət hüquqları barədə işəgötürənlərə ətraflı məlumatlar verilib
25 İyun 16:00
Çoxmənzilli binaların istismarına icazə verilməsinin sadələşdirilməsinə dair Fərmanın icrası davam etdirilir
25 İyun 15:55
Nazir: Azərbaycan və Monteneqro arasında mövcud olan ticarət əlaqələrinə yeni seqmentlər əlavə edilməlidir
25 İyun 15:51
UNEC-də vahid tələbə kartı tətbiq olunacaq
25 İyun 15:45
Prezident İlham Əliyev Ramil Usubovu Təhlükəsizik Şurasının katibi vəzifəsinə təyin olunması münasibətilə qəbul edib
25 İyun 15:41
“Moskva 24” telekanalı Rusiya Azərbaycanlı Gənclər Birliyinin 10 illiyinə həsr olunmuş tədbirdən reportaj hazırlayıb
25 İyun 15:22
Azərbaycan və Monteneqro arasında iqtisadi əməkdaşlıq üzrə Birgə Komissiyanın həmsədrlərinin görüşü olub
25 İyun 15:15
Milli Ordu: dövlətin güc, millətin qürur mənbəyi
25 İyun 15:13
Tanınmış alim və pedaqoq Şirməmməd Hüseynov son mənzilə yola salınıb

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
HAVA HAQQINDA