Ana səhifə »   »  Alim, ictimai xadim, elm təşkilatçısı
A+   Yenilə  A-
Alim, ictimai xadim, elm təşkilatçısı

Torpaqşünaslıq və ekologiya elmləri sahəsində tanınmış alim, AMEA-nın aqrar məsələlər üzrə müşaviri, Bakı Dövlət Universitetinin torpaqşünaslıq kafedrasının müdiri, akademik Qərib Şamil oğlu Məmmədovun anadan olmasının 70 ili tamam olub.
1947-ci il yanvar ayının 6-da Ermənistan SSR-in Amasiya rayonunun Yeniyol kəndində dünyaya göz açan Qərib Məmmədov orta təhsilini kənd məktəbində başa vurduqdan sonra 1966-cı ildə Lenin adına Azərbaycan Dövlət Pedaqoji İnstitutunun coğrafiya-biologiya fakültəsinə qəbul olmuşdur. Seçdiyi yolun hamar olmayacağını bilsə də, o, tələbəlik illərindən elmə böyük həvəs göstərmiş, institutu fərqlənmə diplomu ilə bitirdikdən sonra bir müddət Azərbaycan Kənd Təsərrüfatı Nazirliyinin Elmi-tədqiqat Eroziya Bölməsində laborant, 1972-ci ildən bu günə kimi elmi fəaliyyətini Azərbaycan Milli Elmlər Akademiyasının Torpaqşünaslıq və Aqrokimya İnstitutu ilə bağlamışdır. Qərib müəllim institutun Torpaqların aqroekologiyası və bonitirovkası laboratoriyasının kiçik, baş elmi işçisi, laboratoriya rəhbəri işləmiş, 1994 -2000-ci illərdə institutun direktoru, eyni zamanda, “ixtisaslaşdırılmış müdafiə” və “elmi” şuralarının sədri olmuşdur. O, hazırda da bu elmi müəssisədə Torpaqların aqroekologiyası və bonitirovkası laboratoriyasının müdiri kimi fəaliyyət göstərməkdədir.
1978-ci ildə “Mil düzünün qərb hissəsinin otlaq torpaqlarının aqroekoloji xarakteristikası və bonitirovkası” mövzusunda dissertasiya işini müdafiə edərək, kənd təsərrüfatı elmləri namizədi elmi dərəcəsini almış Qərib Məmmədov elmi fəaliyyəti, apardığı tədqiqat işləri, əldə etdiyi nailiyyətlərlə təkcə respublikamızda deyil, xarici ölkələrin elmi dairələrində də tanınır, onun əsərlərinə çoxsaylı istinadlar edilir. Qeyd edək ki, akademik doktorluq dissertasiyasını 1991-ci ildə Dnepropetrovsk Dövlət Universitetində “Azərbaycanın kənd təsərrüfatı və meşə altında olan torpaqlarının ekoloji qiymətləndirilməsi” mövzusunda müdafiə etmişdir. Alim 1992-ci ildə ekologiya ixtisası üzrə biologiya elmləri doktoru elmi dərəcəsini və professor elmi adını almışdır.
Qərib Məmmədov rəhbər vəzifələrdə çalışdığı müddətlərdə də elmlə əlaqəsini kəsməmiş, torpaqşünaslıq elminə bir çox yeniliklər gətirmişdir. Azərbaycanda torpağın ekologiyası, relyefin plastikası nəzərə alınmaqla torpaq xəritəsinin tərtibi, torpağın bonitirovkası, demək olar ki, akademik Qərib Məmmədovun adı ilə bağlıdır. Torpaq örtüyünün aerokosmik şəkillərlə tədqiqi, onlardan alınan zəngin informatik materialın analizi işi onun sayəsində xeyli inkişaf etmişdir. Alim Azərbaycanın torpaq ehtiyatları və onlardan səmərəli istifadə olunması, torpaqların ekoloji qiymət xəritəsinin tətbiqi, iqtisadi qiymətləndirilməsinin elmi əsasları, münbitliyinin konseptual və riyazi modelləşdirilməsi, aqroekoloji xüsusiyyətlərinin və bonitirovkasının müasir metodlarla öyrənilməsi, Azərbaycanın ekoloji problemlərinin sistem halında tədqiqi konsepsiyasının işlənilməsi, ölkənin torpaq kadastrının rayonlaşdırılması və monitorinqi, məkan məlumatlarının idarə olunması və torpaq inzibatçılığı, torpaqların eko-etik problemləri və onların həlli yolları və s. sahələrdə elmi araşdırmaların müəllifidir.
Qərib Məmmədovun apardığı tədqiqatlar öz əksini 700-ə yaxın elmi əsərdə, o cümlədən çoxsaylı kitablarda, 30 metodik tövsiyə və kitabçada, 36 müəlliflik şəhadətnaməsi və patentdə, 5 səmərəli təklifdə, 20-dən çox dərslik və dərs vəsaitində, 30 monoqrafiyada tapmışdır. Akademikin əsərləri təkcə torpaqşünaslığın deyil, bu sahəyə yaxın olan ekologiya, torpaq coğrafiyası, torpaq kadastrı və monitorinqi, geodeziya və yerquruluşu, meşəçilik, aqroekologiya, meliorasiya və digər elmlərin inkişafında əvəzsiz rol oynamışdır. Akademik həmçinin dəfələrlə dünyanın müxtəlif şəhərlərində, tanınmış elm mərkəzlərində keçirilmiş beynəlxalq simpozium, konqres və konfranslarda elmi məruzələrlə çıxış edərək Azərbaycanı layiqincə təmsil etmişdir.
Qərib Məmmədovun elmi əsərləri içərisində monoqrafiyalar xüsusi yer tutur. Mütəxəssislər onun “Azərbaycan torpaqlarının ekoloji qiymətləndirilməsi” monoqrafiyasını torpaqşünaslıq tariximizin dəyərli əsəri kimi qəbul edirlər. Burada kənd təsərrüfatı və meşəaltı, eləcə də digər torpaqların, landşaft komplekslərinin ekoloji qiymətləndirilməsindən, torpaq örtüyü strukturunun və tərkiblərinin bioekoloji, torpaq kadastrının ekoloji xüsusiyyətlərindən, Azərbaycan torpaqlarının aqroistehsal qruplaşması problemlərindən, respublika ərazisinin təbii və kənd təsərrüfatı əsasında rayonlaşdırılmasından və sair məsələlərdən bəhs edilir. Akademikin dəyərli əsərlərindən biri də “Azərbaycanda torpaq islahatı: hüquqi və elmi-ekoloji məsələlər” monoqrafiyasıdır. Burada torpaqların münbitliyinin bioekoloji qiymətləndirilməsinin metodik əsasları, kənd təsərrüfatı yerlərinin və meşə sahələrinin torpaqlarının bonitirovkası, aqroistehsal qruplaşma məsələləri, ayrı-ayrı landşaft komplekslərinin səmərəli istifadəsi məqsədilə bioloji xüsusiyyətləri nəzərdən keçirilmişdir. Akademik əsərdə torpaq islahatının və onun həyata keçirilməsi prosesində meydana çıxmış yeni hüquqi münasibətlərin əsas problemlərini şərh etmişdir.
Mütəxəssislər yaxşı bilirlər ki, lüğət üzərində işləmək, onu nəşrə hazırlamaq çox çətin bir prosesdir və yalnız təmənnasız olaraq elmin inkişafı barədə düşünən alimlər bu işə vaxt ayırırlar. Bu mənada Qərib Məmmədovun çoxşaxəli yaradıcılıq fəaliyyətində lüğətçilik xüsusi yer tutur. Alimin bu sahədə ilk təcrübəsi 2004-cü ildə “Elm” nəşriyyatında işıq üzü görmüş “Torpaqşünaslıq və aqrokimya terminləri lüğəti” olmuşdur. Düzdür, 1956 və 1962-ci illərdə rusca-azərbaycanca oxşar lüğətlər nəşr olunmuşdu, ancaq həmin lüğətlərin müasir dövrün tələblərinə cavab verməməyi, eləcə də terminlərin ingilis dilində anlamına böyük ehtiyac duyulması akademik Qərib Məmmədovun bir neçə alimlə birgə rusca-azərbaycanca-ingiliscə torpaqşünaslıq və aqrokimya terminləri lüğətini hazırlaması ilə nəticələnmişdir. Qeyd edək ki, 5500-dən artıq termindən ibarət olan bu lüğət əsasında akademikin elmi redaktorluğu ilə 2008-ci ildə “Torpaqşünaslıq və aqrokimya terminlərinin izahlı lüğəti” nəşr olunmuşdur. Burada torpaqların genezisinə, təsnifatına, xəritəçiliyinə, deqradasiyasına, münbitliyinə, meliorasiyasına, rekultivasiyasına, torpaq örtüyünün strukturuna, aqrofizikasına, kimya və mineralogiyasına, biologiyasına, aqroekologiyasına, bonitirovka və kadastrına, aqrokimya, aqrotexnika və əkinçiliyin əsaslarına aid şərhlər və izahatlar verilmişdir. Bu lüğət hazırda da torpaqşünaslıq, ekologiya, aqrokimya, kənd təsərrüfatı və biologiya sahələrində çalışan elmi işçilər, mütəxəssislər, ali məktəb tələbələrinin stolüstü kitabıdır.
Bunlardan başqa, Qərib Məmmədov həmmüəllifliklə 2005-ci ildə “Altıdilli izahlı ensiklopedik coğrafiya terminləri lüğəti” və 2008-ci ildə Mahmud Xəlilovla birgə üç dildə “Ensiklopedik ekoloji lüğət” hazırlamışdır. Sonuncu əsər öz sanbalı və irihəcmliliyi ilə fərqlənir. Akademik Həsən Əliyevin 100 illiyinə ithaf olunan bu nəşrə ekologiya və təbiəti mühafizəyə aid 6500-ə qədər termin və anlayış daxil edilmişdir. Lüğət ilk dəfə olaraq ekologiya, torpaqşünaslıq və geologiya, coğrafiya, botanika və zoologiya kimi ayrı-ayrı elm sahələri üzrə tərtib edilmişdir.
Qərib Məmmədov elmi fəaliyyəti ilə yanaşı, həm də ictimai xadim kimi tanınır. O, I çağırış Azərbaycan Respublikası Milli Məclisinin deputatı seçildikdən sonra millət vəkili kimi hər zaman seçicilərinə, dövlətimizin daxili və xarici siyasətinə, humanizm prinsiplərinə sədaqəti ilə seçilmişdir. Deputat olduğu müddətdə Milli Məclisin “Ekologiya məsələləri üzrə” Daimi Komissiyasının, həmçinin Azərbaycan-Çin Parlamentlərarası dostluq qrupunun üzvü, millət vəkili kimi Azərbaycan Respublikasının Torpaq Məcəlləsi, dövlət torpaq kadastrı, torpaqların monitorinqi və yerquruluşu, torpaq icarəsi, torpaq bazarı və digər əlaqədar qanunvericilik aktlarının qəbul edilməsində əhəmiyyətli rol oynamışdır. Bununla yanaşı, Qərib Məmmədov bitki karantini, bitki mühafizəsi, toxumçuluq, balıqçılıq, meliorasiya və irriqasiya, seleksiya nailiyyətləri, ətraf mühitin mühafizəsi və s. haqqında qanunların müzakirəsində də yaxından iştirak etmişdir.
Tanınmış alim, həmçinin ölkəmizin ictimai-siyasi həyatında da fəal iştirak edir. O, regionun və ölkəmizin ən böyük siyasi təşkilatı olan, Azərbaycan cəmiyyətinin qabaqcıl nümayəndələrini öz sıralarında birləşdirən Yeni Azərbaycan Partiyasının (YAP) aktiv üzvü kimi YAP-ın fəaliyyətində yaxından iştirak edib. Qərib Məmmədov hazırda da YAP Yasamal rayon təşkilatı sədrinin birinci müavini kimi bu istiqamətdəki fəaliyyətini uğurla davam etdirir.
Məlum olduğu kimi, müstəqillik dövründə Ümummilli lider Heydər Əliyevin rəhbərliyi ilə ölkəmizdə aqrar islahatların və onların mühüm tərkib hissəsi olan torpaq islahatlarının aparılması, bunun əsasında kənd təsərrüfatının inkişafı, Azərbaycan əkinçisinin torpaq mülkiyyətçisi olması arzusunun, nəhayət, reallaşması, torpağa münasibətdə tarixi ədalətin bərpa edilməsi və yeni torpaq-əkinçi münasibətlərinin formalaşması müasir tariximizin ən önəmli səhifələrindən biridir. Bu “səhifə”nin yazılmasında Qərib Məmmədovun da məxsusi xidmətləri olmuşdur. O, Azərbaycan Respublikasının Prezidenti Heydər Əliyevin 25 iyun 1997-ci il tarixli Sərəncamı ilə əvvəl Dövlət Torpaq Komitəsinin, 18 aprel 2001-ci il tarixli Sərəncamı ilə isə Azərbaycan Respublikasının Dövlət Torpaq və Xəritəçəkmə Komitəsinin sədri vəzifəsinə təyin edilmişdir. Ümummilli liderin torpaq islahatlarının həyata keçirilməsi ilə bağlı siyasəti Qərib Məmmədovu özünüifadə üçün, bəlkə də, ən doğru ünvana yetirmişdi. Alimin rəhbər işçi kimi uğurlu fəaliyyəti ölkə Prezidenti İlham Əliyev tərəfindən də yüksək qiymətləndirilmiş və o, Dövlət Torpaq və Xəritəçəkmə Komitəsinin sədri kimi fəaliyyətini 2015-ci ilə kimi davam etdirərək, dövlətin torpaq və aqrar siyasətinin həyata keçirilməsində, eləcə də torpaq ehtiyatlarının səmərəli istifadəsi və mühafizəsi sahəsində müvafiq idarəetmənin təmin edilməsində mühüm rol oynamışdır. Torpaq kadastrı, yerquruluşu və torpaq tədqiqatları, bələdiyyə əraziləri və xəritələrinin verilməsi, kartoqrafiya, geodeziya və topoqrafiya işləri Qərib Məmmədovun rəhbərliyi ilə çox uğurla həyata keçirilmişdir. O həmçinin respublikamızın dövlət sərhədlərinin delimitasiya və demarkasiyası məsələlərində bilavasitə iştirak etmişdir.
Qərib Məmmədov komitə sədri kimi fəaliyyəti dövründə ölkəmizdə həyata keçirilən torpaq islahatının nəticələrini özündə əks etdirən “Azərbaycanın torpaq ehtiyatlarından səmərəli istifadənin sosial-iqtisadi və ekoloji əsasları”, “Heydər Əliyev torpaq islahatları regionların sosial-iqtisadi inkişafının əsasıdır”, “Azərbaycanda aqrar islahatlar: tənəzzüldən ərzaq təhlükəsizliyinə doğru”, “Azərbaycanda Heydər Əliyevin aqrar islahatları” və digər sanballı əsərlər yazmışdır.
Dövlətin mühüm strateji prioritetlərindən olan ərzaq təhlükəsizliyinin təmin edilməsi üçün ehtiyat torpaqların əkin dövriyyəsinə daxil edilməsində, Oğuz-Qəbələ-Bakı su kəmərinin keçdiyi ərazilərin, eləcə də qaçqın və məcburi köçkünlərə həyətyanı torpaq sahələrinin yerquruluşu qaydasında ayrılmasında, Bakı-Tbilisi-Ceyhan və Bakı-Tbilisi-Ərzurum boru kəmərlərinin layihələndirilməsində Dövlət Torpaq və Xəritəçəkmə Komitəsinin sədri kimi Qərib Məmmədovun xidmətləri əvəzsiz olmuşdur.
O, istər komitə sədri, istərsə də AMEA Aqrar Elmlər Bölməsinin akademik-katibi kimi ölkə Prezidenti İlham Əliyevin sərəncamları ilə qəbul edilmiş Dövlət proqramlarının (Azərbaycan Respublikası regionlarının 2004-2008, 2009-2013 və 2014 -2018-ci illər sosial-iqtisadi inkişafı Dövlət proqramları, “Azərbaycan Respublikasında ekoloji cəhətdən dayanıqlı sosial-iqtisadi inkişafa dair Milli Proqramı”, “Azərbaycan Respublikasında yay-qış otlaqlarının, biçənəklərin səmərəli istifadə olunması və səhralaşmanın qarşısının alınmasına dair Dövlət Proqramı”, “Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər Planı”, “2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı” və s.) həyata keçirilməsində yaxından iştirak etmişdir. Qərib Məmmədov komitə sədri olarkən icrasında mühüm rol oynadığı iki nəşr layihəsini xüsusilə qeyd etmək lazımdır. Bunlardan biri Azərbaycan Respublikasının Milli Atlası, digəri isə “Cənubi Qafqaz. 1903-cü il” xəritəsidir.
Azərbaycan Respublikasının Prezidenti İlham Əliyev cənabları Milli Atlasın nəşrinin ölkəmiz üçün əhəmiyyətini nəzərə alaraq 20 aprel 2011-ci il tarixli Sərəncam imzalamışdır. Həmin Sərəncamla Qərib Məmmədov redaksiya heyətinin məsul katibi təyin olunmuşdur. 2014-cü ildə çap olunan Milli Atlas xüsusi növ kartoqrafik əsər olaraq, yüksək elmi səviyyəsi, böyük həcmi, məzmununun və kartoqrafik xarakteristikasının tamlığı və detallığı, müxtəlif hissələrinin, ayrı-ayrı xəritələrinin bir-biri ilə tam şəkildə uzlaşması ilə digər analoji fundamental kompleks atlaslardan xeyli üstündür.
Nəşr edilməsində Qərib müəllimin yaxından iştirak etdiyi “Cənubi Qafqaz. 1903-cü il” xəritəsinin də dövlət əhəmiyyəti böyükdür. Xəritə Ermənistan Respublikasında olan coğrafi adların bütövlükdə azərbaycanlılara məxsusluğunu, İrəvan quberniyasının yaşayış məntəqə adlarının, demək olar ki, hamısının Azərbaycan-türk mənşəli olmasını aşkar şəkildə göstərir. Ermənilərin əsassız iddialarına sərt cavab olduğu üçün vətənpərvər alim və ictimai xadim xəritəni bir çox dövlət orqanlarına, bütün xarici səfirlik və nümayəndəliklərə göndərməklə yanaşı, ABŞ-da, Avropanın ayrı-ayrı ölkələrində onun təqdimatlarını keçirmişdir.
Akademik Qərib Məmmədovun qazandığı elmi uğurlar, yüksək təşkilatçılıq qabiliyyəti həmişə ölkəmizdə və xaricdə yüksək qiymətləndirilmişdir. Elə bunun nəticəsidir ki, o, Beynəlxalq Ekoenergetika Akademiyasının akademiki, Beynəlxalq Torpaqşünaslar Cəmiyyətinin ömürlük üzvü, Rusiya Ekologiya Akademiyasının akademiki, Beynəlxalq “Neosfer” Akademiyasının həqiqi üzvü, Avropa Beynəlxalq Elmlər Akademiyasının akademiki (Avstriya), Rusiya Təbiət Elmləri Akademiyasının akademiki, Azərbaycan Respublikası Prezidenti yanında Ali Attestasiya Komissiyasının Ekspert Şurasının üzvü, Azərbaycan Torpaqşünaslıq Cəmiyyətinin prezidenti, Bioloji müxtəlifliyin genetik ehtiyatları üzrə Dövlət Komissiyasının üzvü, akademik Həsən Əliyev adına Ekologiya Fondunun sədri seçilmişdir. Alim 2002-ci ildə Azərbaycan Respublikası ilə Rusiya Federasiyası, eləcə də Azərbaycanla Gürcüstan Respublikası arasında dövlət sərhədinin delimitasiya və demarkasiyası üzrə dövlət komissiyalarının sədr müavini, 2004-cü ildə Milli Ensiklopediya Şurasının üzvü təyin olunmuşdur. O, 2010-cu ildən Respublika Elmi Tədqiqatların Təşkili və Əlaqələndirilməsi Şurasının üzvüdür. Qərib Məmmədov həmçinin SSRİ Xalq Nailiyyətləri Sərgisinin bürünc medalına, V.Dokuçayev adına medala layiq görülmüş, akademik Həsən Əliyev adına mükafat, fəxri diplom və medalla təltif olunmuş, Rusiya Təbiət Elmləri Akademiyasının qızıl medalı, 2012-ci ildə Avrasiya Araşdırma Rəy Mərkəzi tərəfindən keçirilən sorğunun nəticələrinə əsasən, respublikada torpaq islahatlarının aparılmasında və torpaq ehtiyatlarından səmərəli istifadəsində xidmətlərinə görə “Qızıl Kürə” Milli Mükafatı ilə təltif olunmuş, 2013-cü ildə isə Kembric Universitetinin sertifikatına və “Əsrin tanınmış alimi” Beynəlxalq diplomuna, eləcə də bir sıra nüfuzlu yerli və beynəlxalq təşkilatların mükafat və diplomlarına layiq görülmüşdür.
Azərbaycan Respublikasının Prezidenti İlham Əliyevin 17 yanvar 2011-ci il tarixli Sərəncamı ilə AMEA-nın strukturunda Aqrar Elmlər Bölməsi yaradılarkən bölmənin akademik-katibi vəzifəsi aqrar sahənin inkişafında rolu nəzərə alınaraq akademik Qərib Məmmədova həvalə edilmişdir. Akademikin rəhbərliyi ilə yeni iqtisadi münasibətlər və beynəlxalq inteqrasiya şəraitində milli kənd təsərrüfatı tədqiqatları sisteminin dinamik və proporsional inkişaf strategiyasının işlənib hazırlanması, elmi-texniki fəaliyyətin planlaşdırılması, təşkili və əlaqələndirilməsi uğurla həyata keçirilmişdir. 2016-cı ildə bölmə AMEA-nın Biologiya və Tibb Elmləri Bölməsinə birləşdirildikdən sonra Qərib müəllim AMEA-nın aqrar məsələlər üzrə müşaviri vəzifəsinə təyin edilmişdir. Bundan başqa, akademik Biologiya və Tibb Elmləri Bölməsinin büro üzvü, “Aqrar və ekologiya elmləri” jurnalının baş redaktorudur. O həmçinin 2000-ci ildən AMEA “Xəbərlər (biologiya elmləri seriyası)” jurnalının baş redaktorunun müavinidir.
Qərib Məmmədov elmi tədqiqatla yanaşı, kadr hazırlığına da hər zaman ciddi önəm vermişdir. O, respublikada torpaqşünaslıq, ekologiya və meliorasiya sahələrində yüksəkixtisaslı elmi kadrların hazırlanması işində yaxından iştirak edərək bu günə kimi 52 fəlsəfə doktoru, 11 elmlər doktoru hazırlamış, özünəməxsus məktəb yarada bilmişdir. Bu məktəbin yetirmələri respublikamızda, eləcə də xarici ölkələrin tədqiqat və tədris mərkəzlərində fəaliyyət göstərərək, öz nailiyyətləri ilə elmin inkişafına bu gün də sanballı töhfələr verirlər.
Akademik Qərib Məmmədov həmçinin ayrı-ayrı illərdə Azərbaycan Dövlət Pedaqoji Universiteti, Azərbaycan Respublikasının Prezidenti yanında Dövlət İdarəçilik Akademiyası və Bakı Dövlət Universitetində pedaqoji fəaliyyətlə məşğul olmuşdur. O, 1980-ci illərdən etibarən Azərbaycan Dövlət Pedaqoji İnstitutunun (hazırkı Azərbaycan Dövlət Pedaqoji Universiteti) Coğrafiya fakültəsində “Torpaqşünaslıq”, “Torpaq coğrafiyası” və “Ekologiya” fənlərindən, 1998-2015-ci illərdə Azərbaycan Respublikasının Prezidenti yanında Dövlət İdarəçilik Akademiyasında “Torpaq islahatı”na və “Ekologiya məsələləri”nə həsr olunmuş mühazirələr oxumuşdur. Akademikin pedaqoji fəaliyyətinin xüsusi bir dövrü Bakı Dövlət Universiteti ilə bağlıdır. Məhz onun təşəbbüsü ilə 2004-cü ildə BDU-nun biologiya fakültəsində torpaqşünaslıq kafedrası, 2010-cu ildə isə ayrıca ekologiya və torpaqşünaslıq fakültəsi yaradılmışdır. Hazırda həmin fakültədə tələbələr bir neçə ixtisas üzrə, o cümlədən torpaqşünaslıq, ekologiya, aqrokimya, yerquruluşu və torpaq kadastrı ixtisasları üzrə bakalavr və magistr pillələrində təhsil alırlar. Akademik Qərib Məmmədov Torpaqşünaslıq kafedrası yaradıldığı tarixdən ona rəhbərlik edir. O həmçinin 2002-2006-cı illərdə Bakı Dövlət Universitetinin coğrafiya və biologiya fakültələrində Dövlət İmtahan Komissiyasının sədri olmuşdur. Alim 2015-ci ildə AMEA-nın Torpaqşünaslıq və Aqrokimya İnstitutunda Bakı Dövlət Universitetinin ekologiya və torpaqşünaslıq fakültəsinin Elm və Tədris Mərkəzinin yaradılmasının təşəbbüskarıdır. Akademik pedaqoji fəaliyyəti dövründə ali təhsil müəssisələri üçün bir çox dərslik və dərs vəsaitləri hazırlamışdır.
Şübhəsiz, Qərib Məmmədov kimi elmdə yüksək pillələrə çatmaq hər bir alimin arzusudur. Ancaq bu nəcib istəyi xalqın, dövlətin mənafeyi istiqamətinə yönəldib səmərəli nəticələr əldə etmək xüsusi istedad tələb edir. Qərib müəllimdə bu istedad uzunmüddətli və gərgin əməyin nəticəsi, zəhmətsevərliklə ortaya çıxmışdır.
Ulu öndər Heydər Əliyev elm xadimləri haqqında fikir səsləndirərkən deyirdi: “Hər bir alim qiymətlidir. Ancaq nəzəriyyəni təcrübə ilə birləşdirən, nəzəri fikirlərini tətbiq edə bilən və onlardan əməli nəticə gətirə bilən, cəmiyyətə, ölkəyə, xalqa konkret fayda gətirən insanlar alimlərin sırasında xüsusi yer tutur”. Bu mənada, akademik Qərib Məmmədov alimlər sırasında xüsusi yeri olan dəyərli ziyalıdır. Onun simasında alim, ictimai və dövlət xadimi, müəllim və elm təşkilatçısı kimi xüsusiyyətlər bir insan kimi sadəliyi, təvazökarlığı ilə üzvi şəkildə birləşmişdir. Qərib müəllim hansı vəzifədə çalışmasından asılı olmayaraq, həmişə nüfuz sahibi olmuş, insanların hörmət və ehtiramını qazanmışdır. İnanırıq ki, akademik Qərib Məmmədov bundan sonra da elmi-pedaqoji və ictimai fəaliyyətində yeni-yeni nailiyyətlərə, uğurlara imza atacaq.
Azərbaycan Milli Elmlər
Akademiyasının Rəyasət Heyəti

 
  • Oxunub:  18060  |  
  • Tarix:  10-01-2017  |  
  •    Çap et   |  
Get Adobe Flash player
Heydər Əliyev Fondunun vitse-prezidenti Leyla Əliyevanın bir qrup rusiyalı qadının məktubuna cavabı

12:24
17 Dekabr
Bakıda ikinci Avrasiya Hüquq Qurultayı keçirilir
12:16
17 Dekabr
ISESCO-nun baş direktorunun müavini: Naxçıvan təkcə İslam aləminin deyil, bütün dünyanın ən işıqlı şəhəridir
12:07
17 Dekabr
Beynəlxalq konfransın iştirakçıları Naxçıvanın tarixi abidələri ilə tanış olublar
11:48
17 Dekabr
Hikmət Babaoğlu: Azərbaycan Rusiya ilə daha dərin strateji münasibətlər qurmağa hazırdır
11:40
17 Dekabr
Dünya Azərbaycanlılarının Həmrəylik Günü münasibətilə “Açıq qapı günü” keçiriləcək
11:39
17 Dekabr
Heydər Əliyev Fondunun vitse-prezidenti Leyla Əliyeva “Cırtdan nağıllar aləmində” adlı ailəvi meqa-şouda iştirak edib
11:34
17 Dekabr
“Qadın sahibkarlığının inkişafı” mövzusunda üç günlük təlim keçirilib
11:27
17 Dekabr
Əmlak Məsələləri Dövlət Komitəsi kənd təsərrüfatı torpaqlarından səmərəli istifadə ilə bağlı Avropa təcrübəsindən yararlanır
11:24
17 Dekabr
Prezident İlham Əliyev Sabunçu rayonunda hərbçilərə yeni mənzillərin verilməsi mərasimində iştirak edib
11:08
17 Dekabr
“Dövlət qulluqçularının əməyinin ödənilməsi sistemlərinin qurulmasının əsasları” mövzusunda seminar keçirilir
10:57
17 Dekabr
Həndbol üzrə Azərbaycan kuboku yarışlarına start verilib
10:40
17 Dekabr
Səyyar “ASAN xidmət” davam edir
10:34
17 Dekabr
Müdafiə Sənayesi Nazirliyinin kollektivi ulu öndər Heydər Əliyevin məzarını və Şəhidlər xiyabanını ziyarət edib
09:51
17 Dekabr
Atəşkəs rejimi sutka ərzində 28 dəfə pozulub
09:22
17 Dekabr
Kiyevdə Dünya Azərbaycanlılarının Həmrəylik Günü münasibətilə təntənəli tədbir keçirilib
09:14
17 Dekabr
Oqtay Əsədov: Gürcüstanın bayramı Azərbaycanın bayramıdır
09:07
17 Dekabr
Salome Zurabişvili: Cənubi Qafqazda sülh və təhlükəsizlik bütün dünyaya lazımdır
09:05
17 Dekabr
Cavanşir Feyziyev: Azərbaycan Avropa İttifaqının Cənubi Qafqazda ən etibarlı tərəfdaşıdır
09:02
17 Dekabr
Azərbaycan Milli Məclisinin sədri Gürcüstan Prezidentinin andiçmə mərasimində iştirak edib
08:55
17 Dekabr
Marian Lupu: Azərbaycan ilə Moldova arasında əməkdaşlıq əlaqələri yüksək səviyyədədir
08:51
17 Dekabr
“Naxçıvan İslam Mədəniyyətinin Paytaxtı-2018”in bağlanış tədbiri keçirilib
08:45
17 Dekabr
Geoffreu Van Orden: Azərbaycan Avropanın regiondakı ən vacib tərəfdaşıdır
08:36
17 Dekabr
“Türk-İslam əxlaq fəlsəfəsinin qurucu memarları: Türküstandan Anadoluya irfan məktəbinin alimləri” II Beynəlxalq konfransı keçirilib
08:33
17 Dekabr
ADA Universitetinin əməkdaşları Lənkəran Dövlət Universitetində olublar
08:28
17 Dekabr
Naxçıvan Muxtar Respublikası Ali Məclisinin Sədri ISESCO-nun Baş direktorunun və TÜRKSOY-un Baş katibinin müavinləri ilə görüşüb
08:26
17 Dekabr
Heydər Əliyev Fondu uşaq evlərinin sakinləri üçün əyləncə proqramı təşkil edib
08:23
17 Dekabr
İranın informasiya və milli təhlükəsizlik naziri Bibiheybət məscid-ziyarətgah kompleksində olub
08:21
17 Dekabr
Milli Məclisin sədri Oqtay Əsədov Türkiyənin vitse-prezidenti Faiq Oqtayla görüşüb
08:18
17 Dekabr
Türkiyədə yaşayan azərbaycanlılarla görüş keçirilib
08:16
17 Dekabr
Gürcüstan və Türkiyə rəsmiləri regional layihələrin perspektivlərini müzakirə ediblər
16:37
15 Dekabr
Prezident Müdafiə Sənayesi Nazirliyinin bir qrup əməkdaşını təltif edib
16:33
15 Dekabr
Ziyad Səmədzadə: Azərbaycan Dayanıqlı İnkişaf Məqsədlərinə bir çox ölkələrdən daha tez nail olacaq
16:31
15 Dekabr
Suraxanı rayonunda keçirilən növbəti aksiya zamanı 500-dən çox ağac əkilib
16:28
15 Dekabr
AQTA nümayəndələri Şəkidə işlə təmin olunmaq üçün müraciət edən vətəndaşlarla görüşüblər
16:26
15 Dekabr
Dünya Azərbaycanlılarının Həmrəylik Günü ərəfəsində əsgərlər üçün bayram şənliyi təşkil edilib
16:19
15 Dekabr
Milli Məclisin sədri Gürcüstanda səfərdə olacaq
16:17
15 Dekabr
“China Daily”: Heydər Əliyevin səyləri nəticəsində Azərbaycan müasir ölkəyə çevrilib
15:55
15 Dekabr
Baş nazir Novruz Məmmədov Xalq rəssamı Tahir Salahovun 90 illik yubileyinə həsr edilən sərgi ilə tanış olub
14:32
15 Dekabr
Məlahət İbrahimqızı: Azərbaycan bir çox sahələrdə beynəlxalq əməkdaşlıq və dialoq platforması kimi özünü təsdiqləyib
14:00
15 Dekabr
Xalq artisti Emin Ağalarov Heydər Əliyev Sarayında geniş konsert proqramı ilə çıxış edib
13:50
15 Dekabr
Zahid Oruc: Bu görüşün Azərbaycanda keçirilməsi ölkəmizin nüfuzunun göstəricisidir
13:40
15 Dekabr
Politoloq: Ermənistanda bütün hakimiyyət siyasi korrupsiya ilə məşğuldur
13:15
15 Dekabr
Mərakeşin “Əl-İslah və ət-Tənmiyə” qəzeti: “Prezident Heydər Əliyev... Azərbaycan tarixində canlı xatirə”
13:09
15 Dekabr
Kamilə Əliyeva: Təhsil infrastrukturunun yenilənməsi davamlı xarakter daşıyır
13:08
15 Dekabr
Baş prokuror Xızı rayonunda vətəndaşları qəbul edib
13:00
15 Dekabr
Birinci Xəzər İqtisadi Forumu 2019-cu ildə Türkmənistanda keçiriləcək
12:57
15 Dekabr
ADNSU-da üçüncü startap və innovasiya festivalı keçirilir
12:55
15 Dekabr
Dekabrın 19-da ASK-nın V qurultayı keçiriləcək
12:45
15 Dekabr
BMT Baş Assambleyası humanitar təşkilatların əməkdaşlarına hücumları pisləyən qətnamə qəbul edib
12:32
15 Dekabr
“Şahdəniz” qaz-kondensat yatağından hasilata başlanmasından 12 il ötür
12:28
15 Dekabr
“Veçerni Nyu-York” qəzetində ulu öndər Heydər Əliyev haqqında məqalə dərc olunub
11:42
15 Dekabr
Heydər Əliyev Fondunun təşkilatçılığı ilə Tbilisidə Azərbaycan Xalq Cümhuriyyətinin 100 illiyinə həsr olunan konfrans və sərgi keçirilib
11:37
15 Dekabr
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 21 dəfə pozub
11:04
15 Dekabr
Teodor Meleşkanu: Rumıniya-Azərbaycan əməkdaşlığının mövcud regional imkanlar vasitəsilə möhkəmləndirilməsi vacibdir
11:00
15 Dekabr
Bakıda Parlamentlərarası İttifaqın Gənc Parlament Üzvlərinin 5-ci Qlobal Konfransı davam edir
20:24
14 Dekabr
Azərbaycan və Rusiya gömrük xidmətlərinin nümayəndə heyətləri arasında işçi görüş keçirilib
20:00
14 Dekabr
Sloveniyada Mehdi Hüseynzadənin anadan olmasının 100 illiyi münasibətilə tədbirlər keçirilib
19:38
14 Dekabr
Antidopinq mövzusunda maarifləndirici seminar keçirilib
19:07
14 Dekabr
Gömrük Komitəsində Azərbaycan Milli Antidopinq Agentliyinin nümayəndə heyəti ilə görüş keçirilib
18:54
14 Dekabr
Gələn il Moskvada Azərbaycanın iki şərab evi açılacaq
18:48
14 Dekabr
Autizm sindromlu uşaqlar haqqında filmin təqdimatı keçirilib
18:42
14 Dekabr
Azərbaycan ilə Türkiyə arasında beynəlxalq avtomobil daşımaları sahəsində protokol imzalanıb
18:36
14 Dekabr
Dini Qurumlarla İş üzrə Dövlət Komitəsinin Masallıda təşkil etdiyi ikigünlük seminar-müşavirə başa çatıb
18:28
14 Dekabr
Mədəniyyət nazirinin müavini UNESCO-da görüşlər keçirib
18:19
14 Dekabr
AIDA Argentinada fiziki məhdudiyyətli uşaqlara yardım göstərib
18:14
14 Dekabr
Moskvada Azərbaycan-Rusiya iqtisadi əməkdaşlıq məsələləri üzrə Hökumətlərarası Dövlət Komissiyasının iclası keçirilib
18:11
14 Dekabr
Nazir: TANAP Türkiyənin təbii qaza olan tələbatının problemsiz təminatına kömək edəcək
18:04
14 Dekabr
Kənd Təsərrüfatı Nazirliyinin tabeliyində “Aqrar tədarük və təchizat” Açıq Səhmdar Cəmiyyəti yaradılır
18:01
14 Dekabr
Azərbaycan muğamının UNESCO-nun siyahısına daxil edilməsinin 10 illiyi Berlində qeyd olunub
17:53
14 Dekabr
Azərbaycan hökuməti ilə USAID arasında əməkdaşlığın perspektivləri müzakirə olunub

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
HAVA HAQQINDA
Bakı
gündüz+5 +7
gecə+3 +5