Ana səhifə »  Ədəbiyyat »  Heydər Əliyev və milli söz sənətimiz
A+   Yenilə  A-
Heydər Əliyev və milli söz sənətimiz

Ümummilli lider Heydər Əliyev dövlət qayğısının milli mədəniyyətə təsirini özünün bütün müasirlərindən daha dərin və yaxşı təsəvvür edirdi. Elə bu səbəbdən də Ulu öndərin Azərbaycanda ali hakimiyyətə rəhbərlik etdiyi az qala 40 illik bir vaxt ərzində xalqımızın ədəbi-mədəni yaradıcılığına hamilik Onun rəhbərlik fəaliyyətində əsas prioritet sahələrdən biri olmuşdur. Dahi öndər öz xalqının ictimai-siyasi təbiətini və dövlətçiliyə həssas münasibətini çox gözəl bilirdi. Ulu öndər onu da bilirdi ki, dövlətçilik mədəniyyəti bütün mədəni fəaliyyət tiplərinin, maddi və mənəvi mədəniyyət formalarının əsasında durur. Məhz buna görə də, öz dövlətçilik tarixi olmayan millətlərin özəl və müstəqil mədəniyyət tarixləri də olmur.
Ötən yüzilin 70-ci illəri Azərbaycan tarixinin əlamətdar dövrlərindən biridir. Ümummilli liderimizin Vətənimizə 1969-82-ci illəri əhatə edən birinci rəhbərliyi dövründə həyata keçirilən mədəniyyət tədbirlərini yada salsaq, bu gün də heyrətlənirik; bu qısa zaman parçasının elm və mədəniyyət, ədəbiyyat və incəsənət tədbirləri, müxtəlif mərasimlərlə və yubiley təntənələri ilə zənginliyi qəlbimizi milli iftixar və qürur duyğuları ilə riqqətə gətirir.
Ümummilli liderimiz Heydər Əliyevin cəsarətli və zəngin dövlətçilik fəaliyyəti son iki minillik Azərbaycan mədəniyyətinin, demək olar ki, bütün mərhələlərini ehtiva etmişdir. Nizami, Nəsimi, Xətai, Füzuli, Vaqif, Mirzə Fətəli Axundzadə, Mirzə Ələkbər Sabir, Mirzə Cəlil, Cəfər Cabbarlı, Səməd Vurğun, Rəsul Rza və onlarla başqalarının adlarını çəkərkən, onların mədəniyyətimiz tarixindəki xidmətlərindən bəhs edərkən, qeyri-ixtiyari olaraq, Ulu öndəri də anmalı və xatırlamalı oluruq. Çünki yuxarıda qeyd etdiyimiz dahi şəxsiyyətlərin tariximizdəki yerinin və rolunun müəyyənləşməsində, onların ad-sanının və şöhrətinin dünyaya yayılmasında Heydər Əliyevin bir dövlət rəhbəri və mədəniyyət hamisi kimi misilsiz xidmətləri olmuşdur. Dahi mütəfəkkir Hüseyn Cavidin milli yaddaşımıza və mənəviyyatımıza qaytarılmasında isə Ümummilli liderimizin xidmətləri təkcə bizim çox minillik tariximizdə deyil, ümumiyyətlə, dünya və insanlıq tarixində nadir hallarda rast gəlinən hadisələrdəndir. Məhz buna görə də, böyük sənətkarın 130 illik yubiley təntənələri müstəqil Vətənimizdə və dünya miqyasında geniş şəkildə qeyd olunduğu bir vaxtda minnətdar və qədirbilən xalqımız hər iki dahi oğlunun adını qürurla qoşa çəkir: Heydər Əliyev və Hüseyn Cavid!..
Zəmanəmizin görkəmli elm və təfəkkür sahiblərindən biri, akademik Mahmud Kərimov dahi sənətkarın 130 illik yubileyi münasibəti ilə “Hüseyn Cavid yaradıcılığı çağdaş təfəkkür işığında” mövzusunda keçirilən beynəlxalq elmi konfransdakı dərin məzmunlu məruzəsində aşağıdakıları vurğulamışdır: “Məlum olduğu kimi, Stalin repressiyasının qurbanlarından olan Hüseyn Cavid keçən yüzilliyin 50-ci illərinin ikinci yarısında bəraət alsa da, onun bir vətənpərvər şəxsiyyət və dahi sənətkar kimi həqiqi mənada bəraət alması Azərbaycan xalqının başqa bir dahi oğlunun - Ulu öndər Heydər Əliyevin adı və fəaliyyəti ilə bağlıdır. Ötən əsrin 60-cı illərinin sonunda respublika hakimiyyətinə gəlmiş Heydər Əliyev Sovet İttifaqının ən geridə qalmış respublikalarından biri olan Azərbaycanı qısa müddətdə hər sahədə qabaqcıllar sırasına çıxarmağa nail oldu. Əlbəttə, mədəniyyət və ədəbiyyat sahəsi də bu baxımdan istisna deyildi. Böyük klassiklərin, o sıradan Cavidin də ədəbi irsini yüksək qiymətləndirən Ümummilli lider 1981-ci ildə qəbul etdiyi qərarla Cavid əsərlərinin daha geniş yayılmasına və təbliğinə, eləcə də, cavidşünaslığın yeni yüksək mərhələyə qalxmasına əlverişli zəmin yaratmış oldu”.
Görkəmli alim həmin tarixi qərarın millətimiz və tariximiz üçün əhəmiyyətini dərindən təhlil edərək, o dövrün son dərəcə qiymətli və müqayisə olunmaz dövlət sənədində əlahiddə vurğulanmış bir bəndə diqqətimizi yönəldərək fikrini davam etdirmişdir: “Həmin tarixi qərarda H.Cavidin Sibirdə məzarının tapılması və nəşinin qalıqlarının Azərbaycana gətirilməsi, Naxçıvanda məqbərəsinin ucadılması, Bakıda və Naxçıvanda ev-muzeylərinin açılması haqqında göstərişləri verilmişdir.
1993-cü ilin sentyabrında Azərbaycan Milli Elmlər Akademiyasının ziyalıları ilə görüşündə Heydər Əliyev Cavidlə bağlı fəaliyyətini belə xatırlayırdı: “...Böyük filosof-şairimiz, dramaturqumuz Hüseyn Cavid həbs olundu, uzun illər əsərləri qadağan edildi. Ancaq tarix hər şeyi öz yerinə qoydu. Hüseyn Cavidin cənazəsi də Sibirdən öz vətəninə gətirildi, onun adı da yüksəldi. Ancaq təəssüf edirəm ki, 1981-ci ildə Hüseyn Cavidin 100 illiyi haqqında Kommunist Partiyasının qəbul etdiyi qərarı Azərbaycanda 10 il ərzində həyata keçirmədilər... İndi Hüseyn Cavidin əsərləri xalqa hava-su kimi lazımdır. Təkcə ədəbi baxımdan deyil, həm də fəlsəfi, elmi baxımdan lazımdır. Lakin bu əsərlər lazımi səviyyədə nəşr olunmuşdurmu?” (“Ədəbiyyat” qəzeti, 9 noyabr 2012-ci il).
Akademik Mahmud Kərimov Heydər Əliyev və Hüseyn Cavid dühalarının həmahəngliyini, bir-birini tamamlamasını elmi cəhətdən müqayisə edərək bu dahiyanə birliyin misilsiz ümummilli əhəmiyyət daşıdığını vurğulayır: “1996-cı ilin oktyabrında Hüseyn Cavidin məqbərəsinin açılışında söylədiyi nitqdə Heydər Əliyev bu yolda sərf etdiyi titanik səyləri təvazökarcasına belə ümumiləşdirirdi: “Üç il yarımdır ki, Azərbaycanın dövlət müstəqilliyini möhkəmləndirmək, ölkəmizin ərazi bütövlüyünü bərpa etmək, respublikamızı Ermənistan təcavüzündən qurtarmaq üçün əlimdən gələni əsirgəmirəm və bu yolda gecə-gündüz çalışıram”.
1995-ci ilin iyununda Hüseyn Cavidin məqbərəsinin və ev-muzeyinin yaradılmasına həsr edilmiş müşavirədəki nitqini üç böyük işin həyata keçirilməsi istiqamətində quran Ümummilli liderimiz bu işlərin hamısının müstəsna əhəmiyyəti olduğunu qeyd etmiş, Cavid məqbərəsinin, ev-muzeyinin və abidəsinin açılışını bir nömrəli vəzifə kimi əlaqədar təşkilatlar üzərinə qoymuşdur. Yalnız bundan sonra qısa bir müddət ərzində Heydər Əliyevin şəxsi nəzarəti və qayğısı altında nəhəng işlər görülmüş və özünün müəyyənləşdirdiyi kimi, böyük şairin anadan olmasının ildönümündə - 1996-cı ilin oktyabrında Naxçıvanda Hüseyn Cavidin məqbərəsi bütün gözəlliyi və əzəməti ilə xalqın gözü qarşısında ucalmışdır.
Heydər Əliyevin böyük cəsarət nümayiş etdirib Hüseyn Cavidi Azərbaycan mənəviyyatına və mədəniyyətinə qaytarması bədii təfəkkürdə də güclü əks-səda verdi. Məhz buna görə də, XX yüzil Azərbaycan ədəbiyyatında Cavid obrazına dəfələrlə müraciət edilməsi, əlbəttə, təsadüf deyildi. Xüsusən, müstəqilliyin qazanılmasından sonra, 90-cı illərdə bu mövzuya sıx-sıx müraciət olunduğunu söyləmək olar. Amma altmışıncılar və Cavid xüsusi bir mövzudur. Milli istiqlalı çoxlarının ağlı kəsmədiyi və arzulamağa belə cəsarət etmədiyi zamanlarda bu poetik gənclik Cavid sevgisini ürəklərində yaşatmağa və aydın lirikanın səsi ilə söyləməyə cəsarət etmişdilər. Çağdaş nəsillərin azadlıq arzuları və cəsarətləri o illərin yenilməz gəncliyinin bənzərsiz mərdliyindən və rəşadətindən doğulmuşdur desək, yanılmarıq.
Həqiqətən də altmışıncıların lirikasında bədii ideal timsalı olan sənətkar obrazlarından söz açarkən dahi Hüseyn Cavidi anmamaq mümkün deyil. Öncə söyləməliyik ki, ömür yolu amansız faciə nəticəsində kəsilmiş şairin xatirəsi gənclik üçün hədsiz dərəcədə əziz və müqəddəs idi. Bu pleyadanın alovlu nümayəndələri Hüseyn Cavidi misilsiz bir ustad, mənəvi ata və saf milli ideal kimi öz qəlblərində əzizləyirdilər. Onlar bir çox şeirlərində açıq-aşkar olmasa da, xəyalən, müəyyən sətiraltı mənalarla və işarələrlə ötən yüzilin ən tragik dahilərindən birinə müraciət edirdilər. Amma Hüseyn Cavid və Əhməd Cavad adının uzun müddət qəti qadağalar mühasirəsində saxlanması onlara birbaşa ithaflar yazmağa, şeirlər həsr etməyə imkan vermirdi. Düzdür sonralar, xüsusən 80-ci illərdəki məlum hadisələrdən sonra Hüseyn Cavid obrazına açıq müraciət etmək imkanları genişləndi. 60-cı illərdə isə belə bir ictimai-siyasi şərait heç kimin yuxusuna belə girməzdi. Elə bu səbəbdən də bəxtsiz dahi haqqındakı 60-cı illərdə yazılmış və talenin bir möcüzəsi kimi işıq üzü görmüş nadir əsərləri layiqincə və mərdcəsinə qiymətləndirməliyik. Belə nadir əsərlərdən biri yeniyetməlik çağlarından “Cəsarət - ürəyin istedadıdır” deyən və son nəfəsinə qədər öz sözünə sadiq olan Xəlil Rza Ulutürkə məxsusdur. “Hüseyn Cavidə” adlanan şeirində gənc şair həqiqətpərəstlik və ədalətpərəstlik duyğularını cilovlaya bilməyərək, sanki bütün dünyaya, yerə-göyə, təbiətə və iqlimlərə üsyan edirdi:
Qəlbin od, şeirin od!
Ömrün-günün od!
Özün buz məzarda!
Bu necə işdir?
Bəs necə olub ki, o buz dağları
Sənin atəşindən əriməmişdir?!
Gənc və alovlu Xəlil Rzanın düz yarım əsr əvvəl yazdığı manifest səciyyəli, poetik amalı təqdir və təkid edən miniatür əsərlərindən daha bir nümunə - “Şəlalə kimi” dördlüyündə oxuyuruq:
Şəlalə - dağların
mərd övladıdır.
Qır bütün sədləri!
Şəlalə tək qır!
İldırım - buludun,
tufan - dənizin,
Cəsarət - ürəyin
istedadıdır!
Altmışıncıların sənət və sənətkar haqqındakı görüşləri, təbii ki, həyatdan və insana münasibətdən doğurdu. Düzdür, onların hələ təsəvvür və qənaətlərində müəyyən dərəcədə maksimalizm də mövcud idi. Buna baxmayaraq, mənəviyyatı hər şeydən uca tutmaqda, məslək və əqidə yolundan dönməməkdə, milli namus və qürura sədaqətdə bu gənclik heç nəyə güzəştə getməzdi. Əli Kərim, Məmməd Araz, Fikrət Qoca, Xəlil Rza Ulutürk və digər altmışıncıların lirik qəhrəmanını, heç bir mübaliğəsiz, ideal mücəssəməsi adlandırmaq olardı.
Fikrət Qocanın “Uzaq şərqin üfüqlərində Cavidi xatırladım” şeiri ulu ustadın xatirəsinin təkcə 60-cı illərdə yox, sonrakı dövrlərdə də pleyadanın mənəvi-bədii fəaliyyətində mühüm yer tutduğunu göstərməkdədir. Altmışıncılar yaradıcılığa təzə başladığı və formalaşmaqda olduqları zamanlarla yanaşı, artıq boya-başa çatdıqları və öz estetik mövqelərini təyin etdikləri dövrlərdə də öz amallarının mənşəyinə bağlılıqlarını vurğulamaqdan usanmırdılar. Fikrət Qocanın şeiri Hüseyn Cavid iztirablarının hərarətinin soyumadığını, əksinə bu həsrətin illər keçdikcə alovlandığını nümayiş etdirir:
Təyyarədəyəm, göyləri fəth etmədə sürət,
Çərxi-fələyin sürətini ötmədə sürət.
Yay idimi, yer ox kimi atdı bizi ərşə,
Qaçqın günəşə çatmağa yerdən üzü ərşə.
Cavid, göy üfüqlərdə çiməndə səni andım.
Yandım, yenə andım.
Ötən yüzildə ulu Cavidimizə həsr olunmuş böyük şeirlərdən bəhs edərkən bir gözəl poetik nümunəni də yaddan çıxartmaq olmaz. Bu şeir də narahat sənətkarımız Fikrət Qocanın qələminə məxsusdur. Misal gətirmək istədiyimiz əsərin fövqəladəliyini təkcə böyük Cavidin amansız və dözülməz faciələri deyil, həm də bu müsibətlərin gözlənilməz və fövqəladə sonu, xalq qəlbindəki əks-sədası, şəhid sənətkarın dünyada misli görünməmiş və möcüzəli bir tərzdə Vətənə qayıdışı şərtləndirmişdi. Ulu öndərin misilsiz cəsarəti və fədakarlığı nəticəsində Azərbaycan xalqının dahi və nakam oğlu Hüseyn Cavidin cənazəsinin uzaq Sibirdən doğma vətəninə gətirilməsi və Naxçıvanda ana yurd torpağına qovuşması əsrlərin, tarixlərin, bəlkə də minilliklərin bir möcüzəsi idi. Məhz şeir mövzusunun özü, təkrarsızlığı və müqayisə edilməzliyi bu əsərin taleyini sanki əvvəlcədən müəyyən etmişdi. Bu şeirdə üç böyük obraz - Hüseyn Cavid, Ulu öndər və Azərbaycan bütün əzəməti, cəsarəti və tragizmi ilə üzvi surətdə birləşmişdir. “Cavid gəlib, aç qoynunu” şeirinin bədii səviyyəsi və dərəcəsi isə öz mövzusuna, ehtiva etdiyi məqsəd və mətləblərə tamamilə həmahəngdir:
Tale, nə gözəl gündü bu,
sən insafa gəldin
Qırx ildi gəlirdin, gəl,
a Cavid, səfa gəldin.
Cavidin Vətənə qayıdışı uzunmüddətli, ümid və iztirablarla dolub-daşan bir proses idi. Altmışıncılar özlərinin mərdanə və cəsur fəaliyyətləri ilə əzabkeş dahinin mənəvi qayıdışını təmin etmişdilər. Yenilməz gəncliyin hüdudsuz və azadlıq eşqi ilə qanadlanan təxəyyülü zamanın süni bölgüləri və milli yaddaşda yaratdığı sərhədlərlə barışa bilməzdi. Atəşin və istiqlal xəyallı gənclik “ruhu ilə həmvətən” (Ə.Vahid) olduqları və özlərinə ideal elan etdikləri varlıqla, şəxsiyyətlə daim bir yerdə, bir sırada idilər. Bu mənada 80-ci illərin əvvəllərində Cavidin fiziki qayıdışı öz mənşəyini Caviddən başlayan və taleyini əbədiyyən Cavidlə bağlayan pleyadanın aləmşümul qələbəsi idi. Və bu qəti qələbənin reallaşmasında altmışıncıların mənəvi-siyasi hamisi - Ümummilli liderimiz Heydər Əliyevin həlledici xidmətlərini etiraf etməmək insafsızlıq olardı. 60-cı illərin ədəbi-siyasi dissident hərəkatı ilə ürəkdən həmrəy olan Ulu öndər böyük Cavidimizə münasibətdə də onlarla həmfikir və məsləkdaş idi.
Beləliklə, aydın olur ki, 60-80-ci illərin poetik prosesində reallaşan və dahi sənətkara ünvanlanan ithaflar sadəcə bir ədəbiyyat işi və hadisəsi deyildi. Cavid taleyi və tərcümeyi-halı, şəxsiyyəti və sənəti təkcə ədəbi obraz sərhədlərinə sığmayıb, eyni zamanda, ümummilli birlik və həmrəylik simvoluna çevrilirdi. Məhz o illərdə yenidən doğulan Cavidanə şeiriyyət isə yeni Azərbaycan şeirinin ilk parlaq səhifələri idi.
XX əsr Azərbaycan poeziyasının Cavid sevgisindən söz açarkən, onu da söyləmək yerinə düşər ki, hələ 70-ci illərin sonlarında Azərbaycanda və Özbəkistanda keçirilən mədəniyyət günlərinin təsiri altında Heydər Əliyev şəxsiyyətinə məftun olan özbək şair və yazıçılarını Ulu öndərin Hüseyn Cavidlə bağlı tarixi qərarı və hərəkətləri vəcdə gətirmişdi. Özbəkistanın xalq şairi Abdulla Aripov mədəniyyət günləri zamanı yazdığı məşhur şeirində “Heydər yurdu, Şərəf yurdu payıdar” deyə Ulu öndəri necə vəsf etmişdisə, 80-ci illərdə yazdığı ədəbi-publisist yazılarında da Onun misilsiz siyasi cəsarətini vurğulamaqdan zövq alırdı. Həmin dövrdə Heydər Əliyev cəsarətlərindən ruhlanan özbək ədəbi ictimaiyyətində repressiya olunmuş böyük özbək şairi Osman Nasirin nəşinin qalıqlarının da Sibirdən Vətəninə gətirilməsi arzusu və inamı xeyli güclənmişdi. Amma 1983-cü ilin noyabrında Özbəkistanın o vaxtkı rəhbəri Şərəf Rəşidovun qəfil ölümü bu arzunun reallığa çevrilməsinə imkan vermədi. Buna baxmayaraq, 80-ci illərdə Heydər Əliyev obrazı Hüseyn Cavid obrazı ilə qoşa və yanaşı olaraq Özbəkistan mədəniyyətinə yenidən daxil olurdu. Özbəkistanın bir sıra şairləri, o zamanlar alovlu şeirləri ilə xalq içərisində məşhur olan Əzim Suyun “Cavidi Vətənə qaytaran insan” obrazını sevə-sevə yaratmışdı. Məhz buna görə də, bu gün qardaş Mərkəzi Asiya respublikalarında, xüsusən Özbəkistanda Azərbaycan deyən kimi Heydər Əliyev dərhal yada düşdüyü kimi, Hüseyn Cavid söyləyərkən də Heydər Əliyev adı ürəklərdə əks-səda verir: Hüseyn Cavid və Heydər Əliyev!.. Bu birlik Azərbaycan xalqının mənəvi qüdrətinin tükənməzliyindən və milli iradəsinin yenilməzliyindən xəbər verən parlaq bir xüsusiyyətdir!..
Ulu öndərin Nizami Gəncəvi, Xaqani Şirvani, Şah İsmayıl Xətai, Məhəmməd Füzuli və başqa dahi klassiklərimiz haqqında söylədiyi kəlamlar bu gün də dillər əzbəridir. Məsələn, dahi öndər Nizami haqqında demişdir: “Tariximizin böyük səhifələrini, intibah dövrünün - XI-XII əsrlərdə Nizamini, Xaqanini, Fələkini, Məhsətini götürsək, onların hamısının yaradıcılığı geniş yayılmışdır. Ancaq təkcə bir cəhəti xatırlatmaq istəyirəm. Nizami Gəncəvinin 800 illiyi 1948-ci ildə keçirilmişdir. 1979-cu ildə biz Nizaminin ədəbi irsinin öyrənilməsi haqqında böyük bir qərar qəbul etdik. Nizami Gəncəvinin 840 illiyini böyük bir yubiley kimi qeydə edəndə bizə çox irad tuturdular ki, 840 il yuvarlaq tarix deyildir. Ancaq biz sübut etdik ki, Nizami Gəncəvi elə bir şəxsiyyətdir, tarixdə, dünya mədəniyyətində el bir iz qoyub getmişdir ki, onun yubileyi hər il keçirilə bilər”.
Ümummilli liderimizin Azərbaycan poeziyasının bənzərsiz korifeyi Məhəmməd Füzuli haqqında söylədikləri də qəlbimizə və yaddaşımıza əbədi möhürlənmişdir: “Qürur hissi ilə qeyd etmək istəyirəm ki, müstəqil Azərbaycan Respublikası və onun dövləti öz böyük oğlunun - böyük Füzulinin xatirəsini bu günün imkanları çərçivəsində qeyd etmək üçün əlindən gələni etmişdir. Eyni zamanda, onu da demək yerinə düşərdi ki, 500 il ərzində - Füzulinin sağlığında da, o həyatdan gedəndən sonra da Füzuli yaradıcılığı, Füzuli şəxsiyyəti haqqında bu qədər yüksək səviyyəli tədbirlər keçirilməmişdir. Füzulinin 400 illiyi də olub, 450 illiyi bizim nəslin vaxtında olub, indi 500 illik yubileyini başa çatdırırıq. Biz fəxr edə bilərik ki, bu 500 illik yubileydə Füzulini onun yaradıcılığının, şəxsiyyətinin layiq olduğu səviyyəyə çatdırdıq. Şübhəsiz ki, Füzuli elə bir şəxsiyyət, elə bir dahidir ki, onun haqqında xatirəsi ilə əlaqədar nə qədər çox iş görülsə də Füzulinin o səviyyəsinə çatmaq mümkün olmayacaqdır. Ancaq biz buna çalışmışıq, bu yolla getmişik və şübhə yoxdur ki, bu yolla getməkdə davam edəcəyik”.
Möhtərəm Prezidentimiz cənab İlham Əliyevin Azərbaycan mədəniyyətinə və milli söz sənətimizə yüksək qayğısı, həssas münasibəti Ümummilli liderimizin bu inamının və dövlətçilik ənənələrinin parlaq təzahürüdür.
Yaşar Qasımbəyli,
filologiya elmləri üzrə fəlsəfə doktoru, AMEA-nın baş elmi işçisi

 
  • Oxunub:  45120  |  
  • Tarix:  19-12-2012  |  
  •    Çap et   |  

Qəzetin son buraxılışı

Azərbaycanın dünyanın aparıcı iqtisadi qurumları ilə əməkdaşlıq əlaqələri daha da möhkəmlənir

25 Yanvar 19:52
Moskva Dövlət Beynəlxalq Münasibətlər İnstitutunun rektoru ADA Universitetində mühazirə oxuyub
25 Yanvar 19:45
Qafqaz Müsəlmanları İdarəsinin sədri “Bakı-Moskva: mədəniyyətlərin dialoqu” konfransının iştirakçıları ilə görüşüb
25 Yanvar 17:32
Saatlıda “Pambıqçılıq 2020: qarşıda duran vəzifələr” mövzusunda respublika müşavirəsi keçirilib
25 Yanvar 17:27
Prezident İlham Əliyev Davos Forumunda Azərbaycanın yeni hökumətinin prioritetlərini açıqlayıb
25 Yanvar 17:17
Əli Əhmədov: Beynəlxalq İqtisadi Forum gündən günə inkişaf edən Azərbaycanın və onun iqtisadiyyatının dünyaya açılması üçün gözəl bir imkandır
25 Yanvar 17:11
Deputatlığa namizəd Fatma Yıldırım Bərdə rayonunda şəhid ailələrini ziyarət edib
25 Yanvar 16:37
19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib
25 Yanvar 16:31
İnanıram ki, seçicilər gələcəyin partiyası olan YAP-ın namizədlərinə səs verəcəklər
25 Yanvar 16:28
Deputatlığa namizəd Elnur Rəhimovun seçicilərlə növbəti görüşü keçirilib
25 Yanvar 16:24
Prezident İlham Əliyev Avstraliya İttifaqının General-Qubernatorunu təbrik edib
25 Yanvar 16:22
"Seçkilərin yüksək səviyyədə keçirilməsində məntəqə seçki komissiyaları böyük məsuliyyət daşıyırlar"
25 Yanvar 16:17
Yevlax gəncləri “Könüllü qonaq” təşəbbüsünə qoşulublar
25 Yanvar 16:15
Deputatlığa namizəd Səməd Seyidov Qazax rayonunda seçicilərlə görüşlər keçirib
25 Yanvar 16:03
Ermənistan işğal olunmuş ərazilərimizdəki abidələri “bərpa” etmək adı altında erməniləşdirmə siyasəti aparır - BƏYANAT
25 Yanvar 15:59
Deputatlığa namizəd Aqiyə Naxçıvanlı Oğuz rayonu Bucaq kəndində seçicilərlə görüşüb
25 Yanvar 15:54
Prezident İlham Əliyev Türkiyədəki azərbaycanlı tələbələrin zəlzələ zonasından təxliyəsi haqqında tapşırıq verib
25 Yanvar 15:25
Pakistan portalı Azərbaycanda keçiriləcək parlament seçkiləri ilə bağlı məqalə yayıb
25 Yanvar 15:16
Azərbaycan deputatları AŞPA-nın qış sessiyasında iştirak edəcəklər
25 Yanvar 15:12
Bütün seçiciləri daha güclü Azərbaycan naminə partiyamızın namizədlərinə səs verməyə çağırıram
25 Yanvar 15:03
Deputatlığa namizəd Fatma Yıldırım Bərdənin Şatırlı, İkinci Nazırlı, Kürdborakı, Hacılı, Birinci Qazaxlar kəndlərində seçicilərlə görüşüb
25 Yanvar 14:56
Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır”
25 Yanvar 14:22
Azərbaycan Ordusunda Həzi Aslanovun 110 illiyinə həsr olunan silsilə tədbirlər keçirilib
25 Yanvar 13:25
Azərbaycan Prezidenti türkiyəli həmkarına başsağlığı verib
25 Yanvar 11:47
YAP-ın 11 saylı Qaradağ seçki dairəsindən namizədi Aydın Hüseynovun Ələt qəsəbəsinin sakinləri ilə görüşü keçirilib
25 Yanvar 11:29
Nazirlər Kabinetində icbari sığorta sahəsində qarşıda duran vəzifələr müzakirə edilib
25 Yanvar 11:26
Heydər Əliyev Mərkəzində “Onları Bakı və Moskva sevir” fotosərgisi açılıb
25 Yanvar 11:21
Dilarə Cəbrayılova: Azərbaycanın nüfuzlu Davos İqtisadi Forumu ilə fəal əməkdaşlığı ölkəmizin iqtisadi inkişafı üçün yeni imkanlar açıb
25 Yanvar 11:19
Fevralın 24-dən “Gənclər Paytaxtı 2020” müsabiqəsinin onlayn səsvermə mərhələsi start götürəcək
25 Yanvar 11:17
Vətəndaşlara Xidmət və Sosial İnnovasiyalar üzrə Dövlət Agentliyi Dünya İqtisadi Forumunda təmsil olunub
25 Yanvar 11:15
Dövlət Şəhərsalma və Arxitektura Komitəsində ötən ilin yekunları müzakirə olunub
25 Yanvar 11:12
Gənclərin İnkişaf və Karyera Mərkəzinin Samuxda və Göygöldə nümayəndəlikləri açılıb
25 Yanvar 11:09
Heydər Əliyev Fondunun təşkilatçılığı ilə UNESKO-nun baş qərargahında Azərbaycan xalçalarının sərgisi açılacaq
25 Yanvar 10:14
İcbari Tibbi Sığorta üzrə Dövlət Agentliyinin açıqlaması
25 Yanvar 10:08
Azərbaycanın dünyanın aparıcı iqtisadi qurumları ilə əməkdaşlıq əlaqələri daha da möhkəmlənir
24 Yanvar 18:11
Dövlət Komitəsinin sədri Sabirabadda məcburi köçkünləri qəbul edib
24 Yanvar 18:09
Yeni Azərbaycan Partiyasının Gəncədən olan 4 namizədinin gənclərlə görüşü keçirilib
24 Yanvar 17:43
Deputatlığa namizəd Kamran Bayramov Şəmkirin Mehrili və Abbaslı kəndlərində seçicilərlə görüşüb
24 Yanvar 17:43
Türkiyəli professor: "Azərbaycanda seçici, media və dövlət arasında əlaqə düzgün qurulub"
24 Yanvar 17:40
YAP tərəfindən deputatlığa namizədliyi irəli sürülmüş Niyazi Tağıyev seçicilərlə növbəti görüşünü keçirib
24 Yanvar 17:36
Yuli Qusman: "Parlament seçkilərindən sonra da Azərbaycanın demokratik inkişafı davam edəcək"
24 Yanvar 17:28
Mariya Zaxarova: "Parlament seçkilərinin nəticələri dost Azərbaycan xalqının rifahının yaxşılaşmasına xidmət edəcək"
24 Yanvar 17:26
“Bakı-Moskva: mədəniyyətlərin dialoqu” konfransı çərçivəsində “Mədəniyyətlərin dialoqu xalqların dialoqunun əsasıdır” mövzusunda dəyirmi masa keçirilir
24 Yanvar 17:19
Deputatlığa namizəd Ramil Həsən Ucarda seçicilərlə növbəti görüşlər keçirib
24 Yanvar 17:07
Energetika naziri Siyəzəndə, nazir müavinləri isə Qobustan və Cəlilabadda vətəndaşları qəbul ediblər
24 Yanvar 16:59
19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib
24 Yanvar 16:04
“YARAT”da yeni tamaşanın premyerası olacaq
24 Yanvar 15:57
Sabirabadlıların seçimi Əhliman Əmiraslanovdur
24 Yanvar 15:49
Heydər Əliyev Fondunun layihəsi olan “Balaca Şahzadə” növbəti dəfə repertuara salınıb
24 Yanvar 15:40
Deputatlığa namizəd Eldəniz Səlimov Xaçmazda seçicilərlə növbəti görüş keçirib
24 Yanvar 15:36
İmadəddin Nəsimiyə həsr olunmuş “Mənəm, mən...” tamaşası yenidən səhnədə
24 Yanvar 15:34
Seçicilər ümumxalq partiyası olan Yeni Azərbaycan Partiyasının namizədlərinə səs verəcəklər
24 Yanvar 15:31
Bakı məktəblilərinin beynəlxalq yarışlarda əldə etdiyi uğurların sayı artmaqdadır
24 Yanvar 15:26
MSK-nın Şəkidə keçirdiyi regional seminarda seçki mübahisələrinin həllinə dair məsələlər müzakirə olunub
24 Yanvar 15:22
Gəncədə seçki mübahisələrinin məhkəmə qaydasında həllinə dair regional müşavirə keçirilib
24 Yanvar 15:12
Ağdaşlılar YAP-ın namizədinə səs verəcəklər
24 Yanvar 14:51
YAP-ın namizədi Kamaləddin Qafarovun təhsil işçiləri ilə görüşü keçirilib
24 Yanvar 14:43
Deputatlığa namizəd Məşhur Məmmədov Masallı rayonu Xırmandalı kəndində seçicilərlə görüşüb
24 Yanvar 14:35
Fikrət Sadıqov: "Cəmiyyətdə seçkilərə maraq kifayət qədər yüksəkdir"
24 Yanvar 14:29
Yeni TV-də qonaq Yeni Azərbaycan Partiyasının 21 saylı Nəsimi ikinci seçki dairəsindən deputatlığa namizədi Məlahət İbrahimqızıdır (VİDEO)
24 Yanvar 14:20
Prezident İlham Əliyevin Davosda İsveçrənin Montrö şəhərinin meri ilə görüşü olub
24 Yanvar 14:15
Prezident İlham Əliyev Davosda “Equinor” şirkətinin baş icraçı direktoru ilə görüşüb
24 Yanvar 14:08
Şöhrət Barlas: "Parlament seçkilərindən yalnız müsbət gözləntilərim var”
24 Yanvar 14:04
Azərbaycanda qar ehtiyatlarının toplanmasında azalma tendensiyası müşahidə olunur
24 Yanvar 13:58
Prezident İlham Əliyev Davos Forumunun tribunasından Azərbaycan reallıqlarını dünyaya çatdırır
24 Yanvar 13:54
İnanıram ki, 2020-ci il fevral ayının 9-da seçicilərin əksəriyyəti Yeni Azərbaycan Partiyasının namizədlərinə səs verəcək
24 Yanvar 13:05
Elçin Əhmədov: Prezident İlham Əliyevin Davosdakı görüşləri Azərbaycanın yüksək beynəlxalq nüfuzunun əyani göstəricisidir
24 Yanvar 12:43
Deputatlığa namizəd Fatma Yıldırım növbəti görüşlərini Bərdə rayonunun mədəniyyət və səhiyyə işçiləri ilə keçirib
24 Yanvar 11:46
"Yeni parlamentdə Azərbaycanın daha da inkişafına töhfə verəcək insanların yer alacağına ümid edirəm"
24 Yanvar 11:29
Stefan Şennak: "Əminəm ki, Azərbaycanda parlament seçkiləri ədalət prinsipləri əsasında keçiriləcək"
24 Yanvar 11:15
Moldova MSK-sının və parlamentinin nümayəndələri Azərbaycanda seçkiləri izləyəcəklər

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
HAVA HAQQINDA