Ana səhifə »  Ədəbiyyat »  “Hələ ədəbiyyatda özümü şagird hesab edirəm”
A+   Yenilə  A-
“Hələ ədəbiyyatda özümü şagird hesab edirəm”

VARİS: Ümumbəşəri ideyalar ümummilli ideyaların içindən keçir
“YA ƏDƏBİYYAT”ın bugünkü müsahibi tanınmış yeni nəsil yazıçısı Varisdir.
Bu gün Azərbaycanda və ölkə hüdudlarından kənarda yetərincə tanınan yeni nəsil yazıçımız Varis öz məhsuldarlığı ilə seçilir: onun Bakıda 10, İstanbulda 3, Moskvada 2, Daşkənddə 2, Torontoda 1 kitabı işıq üzü görüb. Üzümüzə gələn il İstanbulda, Nyu-Yorkda və Bişkekdə yeni kitabları çıxacaq. Varis Azərbaycan Mədəniyyət və Turizm Nazirliyinin təsis etdiyi ədəbiyyat ödülü olan “Qızıl kəlmə”yə layiq görülüb; iki romanına teleserial çəkilib; Rusiya Yazıçılar Birliyinin “İlin yazıçısı” müsabiqəsinin diplomantıdır; “Yanvarın 13 günü” əsəri nüfuzlu “Beynəlxalq Moskva Ədəbi Ödülü”nün “şort-list”inə daxil edilib, “3+1” hekayələr toplusu Varşavada keçirilən Slavyan Ədəbi Festivalının və UNESCO-nun təsis etdiyi “Adam Miskeviç Medalı”nın nominantıdır; “21” esselər toplusu isə Antuan de Sent Ekzüperi (Fransa) ödülünün nominantıdır... Bunlar Varis Yolçuyevin ədəbi uğurlarının tam olmayan siyahısını təşkil edir. Əlbəttə, hər bir yazar üçün ən böyük ödül oxucu məhəbbəti, oxucu diqqətidir. Müsahibimizlə söhbətə də məhz bu məqamdan başladıq:
- Varis müəllim, siz ölkədə kitabları ən çox oxunan yazarlardansınız; əsərləriniz ölkə hüdudlarından kənarda da yayımlanır, oxunur. Özəlliklə, gənclər əsərlərinizə böyük maraq göstərirlər. Sizcə, bu, nədən qaynaqlanır?
- Təşəkkür edirəm. Əlbəttə, yazıçı öncə öz oxucu auditoriyasını tanımalı və istədiyini onların istəklərinin gözünə qatmalıdır. Doğru deyirsiz ki, mənim əsas oxucu auditoriyam gənclərdən ibarətdir. Rahatlıqla deyə bilərəm ki, gənclərin nə ilə nəfəs aldıqlarını bilirəm. İkincisi, yəqin, dünyada məhəlli ədəbiyyatçıların daha çox sevildiyi sizə bəllidir. Yəni “öncə özümünkü, sonra əcnəbi”... - Statistik azərbaycanlı oxucu üçün Londonda baş verən olaylardan öncə Yasamaldakı olay daha maraqlıdır, elə deyilmi? Bütün ümumbəşəri ideyalar ümummilli ideyaların içindən keçir, bu, aksiomdur. Belə bir fəlsəfi deyim də var: “Milli olmayan bəşəri ola bilməz”.
Təsadüfi deyil ki, mənim Azərbaycanda sevilən romanlarımda mental azərbaycançılıq var, olaylar Azərbaycanda cərəyan edir. Oxucu bəhs olunan yerləri gözləri önündən keçirə bilir, qəhrəmanların yaşantılarını özünün, tanış-bilişinin yaşantılarında görə bilir...
Onu da deyim ki, ən çox satılan kitabın bestseller adlandırılması hazırda bestseller adlı yeni ədəbi janr yaradılmasına zəmin olub. Bu janra üz tutan yazıçı öncədən romanının şöhrət qazanacağına, yaxşı satılacağına əmin olur. Janrın qızıl qaydaları var ki, onlardan ən vacibi, ilk andan oxucunu cəlb edərək, axıradək oxumağa məcbur etməkdir; ikincisi, sözçülüyə və uzunçuluğa yol verməməkdir; üçüncüsü, bədiiliyin informasiya və sənədliliyə söykənən publisistikaya keçidlərlə zənginləşdirilməsidir...
Uzun sözün qısası, biz də bildiyimiz işlə məşğuluq və bəlkə də, məhz bu amil qeyd edilən uğurlara yol açır...
- Doğru deyirsiz. Gəlin bu məqamda oxucularımıza “Yazıçıların 2016-cı il Beynəlxalq Nyu-York Konfransı” barədə qısaca bilgi verək. Bəlli olduğu kimi, dünya ədəbiyyatının böyük olaylarından hesab edilən bu konfransda ABŞ nəşriyyatlarına, ədəbi agentlərə və redaktorlara sizin “Yetmiş yeddinci gün” romanınızın “sinopsis”i təqdim və tövsiyə edildi ki, bu da Azərbaycan ədəbiyyatı adına özünəməxsus bir uğurdur...
- Çağdaş dünya ədəbiyyatında nəsrin yerini və perspektivlərini müzakirə edən, eləcə də yazıçıyla ədəbi agent və redaktor arasında körpü yaratmağa xidmət göstərən, rəsmən “Writers Digest Annual Conference” adlanan bu konfransda Matyu Kuin Martin, Fil Seqston, Emili Libert, Qabriela Pereyra, Libbi Kadmor kimi tanınmış ədəbiyyat mütəxəssisləri tərəfindən “Tarixi roman üçün tədqiqat”, “Dinamik xarakterlərin yaradılması”, “Uğurlu müəllif olmağın sirləri”, “Dram janrı çağdaş dönəmdə”, “Xorror və detektiv ədəbiyyat bu gün” kimi maraqlı seminarlar keçirildi, “Müəlliflər üçün marketinq strategiyası” adlı çox yararlı təlim baş tutdu. Şübhəsiz, konfrans çərçivəsində ən diqqətçəkən məqam “pitçinq” - uğur qazanacağı ehtimal edilən nəsr əsərlərinin ədəbi agentlər və redaktorlar üçün təqdimatı oldu. Bu il ilk dəfə Nyu-York Konfransının “pitçinq” siyahısına MDB məkanını təmsil edən yazıçıların da əsərləri daxil edilmişdi: Aleksandr Qritsenko, Andrey Aksyonov, Nataliya İmpris, Simon Bebel, Saşa Kruqosvetov, Vladimir Şatakaşvili, Viktoriya Balaşova və mənim. Amerika ədəbi agentlərinə və redaktorlarına mənim Bakıda və İstanbulda çap edilən, Moskvada çapa hazırlanan “Yetmiş yeddinci gün” romanım təqdim edildi. Qeyd edim ki, “pitçinq” hüququ əldə etmiş bütün “sinopsis”lər “Writers Digest Annual Conference - 2016”nın rəsmi kataloquna salınaraq daha böyük arealda yayılmaq imkanı qazandı. Konfransın MDB üzrə agenti Lyn Menkenin verdiyi açıqlamaya görə, keçmiş Sovet İttifaqı yazarlarının əsərləri fərqli təəssürat axtaran Amerika ədəbi agentlərinin və redaktorlarının böyük marağına səbəb oldu. Demək, üzümüzə gələn il yaxşı təkliflər gözləməyə dəyər...
- Bildiyim qədər, siz özünüz “Yetmiş yeddinci gün”ü ən çox sevdiyiniz əsəriniz hesab edirsiniz. 77-ci gün nə baş verir ki?...
- Bu romanda Qarabağ müharibəsinin yataq xəstəsinə çevrilmiş bir qazisinin 14 yaşlı yeniyetmə oğlundan söz açılır. Tay-tuşlarından fərqli olaraq dənizlə, günəşlə söhbətləşən bu oğlanın çoxlu arzusu var: atası tezliklə sağalsın; qonşuları küçəni az zibilləsinlər ki, süpürgəçi işləyən anası zillət çəkməsin; dostu ilə velosiped almaq üçün yığdıqları bəlli məbləğ tez düzəlsin ki, onların da velosipedi olsun; evlərində kirayənişin qalan tələbə qızın diqqətini cəlb edə bilsin və s... Onların qonaq otaqlarında qalın cildli bir kitab var, hər gün yeniyetmə o kitaba toxunmaq istəyəndə nəsə ona mane olur. Gah atası çağırıb harasa yollayır, gah anası çağırıb iş buyurur, gah dostu gəlir... Nəhayət, bir gün o, kitabı açıb vərəqləməyə macal tapa bilir və ilk diqqətini çəkən də bu sözlər olur: “Yetmiş yeddi gün günəşin çıxmağını seyr etsən, 77-ci gün ömrünə əbədi günəş doğacaq”. Yeniyetmə xeyli tərəddüddən sonra qərara gəlir ki, 77 gün dalbadal günəşi qarşılasın.
Üzərində uzun illər çalışdığım bu mürəkkəb strukturlu romanda Stalin repressiyasının dəhşətləri də yer alıb. Yeri gəlmişkən onu da qeyd edim ki, bu romanın İstanbul nəşri Türkiyənin Yozqat Bozok Dövlət Universitetində dərs vəsaiti kimi təsdiqlənib.
- Adətən bir yazıçının bu suala özünəməxsus və fərqli cavabı olur: soruşmaq istərdim ki, şəxsən sizi yazmağa vadar edən nədir? Gününüzün neçə saatını yazmağa ayırırsınız? Özünüz mütaliə edirsinizmi?
- Kitab mübaliğəsiz olaraq ən böyük sərvətdir. Məncə, yazmaq yazıçının missiyasıdır. Yazıçı divarın o biri üzünü, tavanın üstünü, döşəmənin altını görə bilir. İlahi qüvvə yazıçıya bir söz pıçıldayır, yazıçı isə bu sözü minlərə, milyonlara çatdırır. Yazılarım beynimdə daim “qövr eləyir”. - Mən beynimdə əsəri tam hazırladıqdan sonra vərəqlərə köçürürəm. Yazıçı üçün yazmaq onun var oluşudur. O ki qaldı oxuya, hər bir peşəkar yazıçı eyni zamanda yaxşı oxucu olur. Ədəbi proses(lər)i izləməyən, ədəbi tendensiyalara bələd olmayan, ədəbiyyatşünaslıqdan baş açmayan, dünyagörüşü və fəlsəfi savadı olmayan ən istedadlı şəxs belə, yaxşı yazıçı ola bilməz. Günümün müəyyən hissəsini oxuya həsr edirəm. Həm bayraqdar yazıçıları, həm ədəbi olaya çevrilmiş istənilən yerli əsəri oxumağa çalışıram. Klassiklərə də dönə-dönə üz tuturam; amma təkcə bədii ədəbiyyat oxumuram. Fəlsəfə və siyasi ədəbiyyatlar da “oxu menyum”da öz yerini alır. Hazırda Orxan Pamukun “Beynimdəki qəribəliklər” romanını, Vasiliy Rozanovun “Apokalipsis” fəlsəfi traktatını, Əli Həsənovun “Azərbaycan geosiyasəti” dərsliyini, Marta Bekin “Uğur formulası” toplusunu paralel oxuyuram. Eyni zamanda, ərəbəsilli ünlü Amerika sosioloqu Nassim Talebin “Qara qu quşu” əsərini oxumağa başlamışam. - Avstraliya kəşf edilənədək köhnə dünyanın insanları təcrübələrinə əsaslanaraq, əmin idilər ki, qu quşları ancaq ağ olur. İlk qara qu ilə qarşılaşma ornitoloqları hədsiz təəccübləndirdi. Ancaq bu əhvalat başqa səbəbə görə önəmlidir. Bu əhvalat sübut etdi ki, bizim bilgilərimiz nə qədər dar çərçivəli, səthi və nisbidir. Bir müşahidə min illərin aksiomunu yox etdi..! “Qara qu quşu sindromu”, təbii ki, Qarabağ savaşı, iqtisadi böhran, mənəvi deqradasiya adları altında bizim də yaşamımıza nüfuz etməkdədir; bununla belə, qara qu quşları axı barmaqla sayılası qədərdir. Çoxu isə ağ qulardır. - Demək, qara rənglərə təslim olmamağımız gərəkdir. Gərəkdir ki, ruhdan düşməyək, inamımızı itirməyək, fərdi qələbələrimizə doğru daim yürüyək..!
Fərdlərin qələbəsi isə ümumxalq gücünün əsasını, özülünü təşkil edir.
- Elədir. Varis müəllim, siz vaxtı ilə ustad Xalq yazıçısı İsmayıl Şıxlıdan dərs almısız. Sizin bir yazıçı kimi yetişməyinizdə rolu olan yazıçılardan söz açmağınız maraqlı olardı...
- Atam Musa Yolçuyev dövrünün tanınmış ədəbiyyatşünası, ədəbiyyat tənqidçisi olub. Zamanında Sumqayıt şəhərində ardıcıl olaraq, tanınmış şair-yazıçılarla tələbələrin görüşünü təşkil edər, yeni kitabların müzakirələrini həyata keçirərdi. 4-cü sinifdə oxuyarkən bu görüşlərə mən də qatılmağa başladım.
Nəriman Həsənzadə, Əzizə Cəfərzadə, Nüsrət Kəsəmənli, İsa İsmayılzadə ilə görüşlər yaddaşımda dərin iz buraxıb. Bu görüşlər və evimizdəki kitablar məndə ədəbiyyat sevgisi oyatdı. Deyim ki, mərhum yazıçımız İsi Məlikzadənin “Küçələrə su səpmişəm” adlı povestlər kitabı ədəbi zövqümü ilk olaraq formalaşdırmağa yardımçı olub. BDU-da oxuyarkən Xalq yazıçısı, unudulmaz ustad İsmayıl Şıxlı ilə görüşüm, hekayələrimi bəyənib mənə uğurlu yol diləməsi və onları yazdığı resenziya ilə 90-cı illərin əvvəlində “Ulduz” jurnalında dərc etdirməsi isə ədəbiyyata gəlişimdə həlledici rol oynadı. Yeri gəlmişkən, yazıçı kimi formalaşmağımda BDU-da mənə dərs demiş əziz müəllimlərim Samət Əlizadənin, Əzizə Cəfərzadənin (o dünyaları gözəl olsun!) və Kamal Abdullanın təlqin etdiyi ədəbiyyat sevgisinin də rolu az olmayıb...
- Və beləliklə, bir də baxdınız ki, ədəbi proseslərin içindəsiniz, artıq yalnız oxucu, görüş iştirakçısı deyil, özü yazan, görüşü keçirilən bir yazıçısınız...
- Gözümü açan gündən kitabların arasında olmuşam. Evimizdə 3 min kitablıq kitabxana var idi. Öncə kitablarla oynayırdım, sonra şəkillərinə baxırdım, daha sonra da... oxumağa başladım. Beləcə, içimdəki kitab sevgisi ilə baş-başa qaldım. 6-7 yaşımda dəftərxana kitabçasını kəsib kitab düzəltdim, adı belə idi: “Varisin romanları, hekayələri, şeirləri, poemaları, felyetonları, pyesləri”... Bax onda atam anama dedi ki, oğlum yazacaq. Bilirsiniz, atam mənə Varis adını qoyanda söyləyib ki, istəyirəm oğlum ədəbiyyatımızın keçmişdəki nəhəng simalarının varisi olsun. Əlbəttə, hələ ki, varislikdən söhbət gedə bilməz, hələ ədəbiyyatda özümü şagird hesab edirəm; amma hədəflərim çox böyükdür. Böyük hədəfləri vurmağa köklənməyən insan heç kiçiklərini də vura bilməz, deyə düşünürəm!
- Siz, eyni zamanda, beynəlxalq miqyasda erməni yalanlarına qarşı özünəməxsus təbliğat aparırsınız. Bu istiqamətdə gördüyünüz işlərdə nə kimi yeniliklər var? Son dəfə on minlərlə erməninin şikayəti ilə Rusiyada “Yaş əsgər çəkmələri” adlı əsərinizə qadağa qoyulduğu barədə xəbər yayılmışdı...
- Soyuq savaşda ədəbiyyat böyük önəm daşıyır. Mən də bundan maksimum yararlanmağa çalışıram. Bir neçə fakt gətirəcəyəm. - Türk dilində kitabların yayıldığı çox böyük coğrafi ərazidə yetərincə populyarlıq qazanan, “1000 kitap.com” portalının reytinqində 50.000 adda bədii kitab arasında ötən ilin əvvəllərində 52-ci pilləyədək yüksələn, nüsxələri hətta Böyük Britaniyada yerləşən ünlü Birmingem Universiteti tərəfindən istənilən “Son məktub” romanımda Xocalıda qana boyanan bir sevgi tarixçəsi yer alıb. Amerikada psixoloji və fəlsəfi romanlar kateqoriyasından çıxaraq ABŞ və Kanadada maraqla qarşılanan “Metamorfoza” romanımda Mübariz İbrahimovun hətta meyitinin əllərini bağlayan erməni əsgərlərinin qorxaqlığı bir millət kimi erməniləri xarakterizə edərək diqqət önünə gətirilib. Rusiyada elektron kitab formatında əhatəli oxucu auditoriyası toplayan, hazırda böyük tirajla çapa hazırlanan “Əzilmiş fotoşəkillər” romanımda 1989-cu il Sumqayıt olaylarının erməni izlərinə toxunulur... Türk Dünyası Mədəniyyətinə Dəstək Fondunun sifarişi ilə Qırğız Respublikasında çapa hazırlanan “Bir ovuc torpaq” romanım isə büsbütün Qarabağ savaşından bəhs edir - bizə qarşı başladılan, elan olunmamış savaşdan...
Əslində, Qarabağ mövzusu hər bir əsərimin içindən keçir. Hətta 2013-cü ildə Özbəkistanda fantastik (126 000!) tirajla çıxan “Sonuncu ölən ümidlərdir” adlı sırf sevgi romanımda da Qarabağ savaşında ata-baba torpağını itirənlərimizin ağrı-acılı yaşamı barədə məqamlar var...
- Çox vacib bir missiya həyata keçirirsiniz. Bu, hər birimizin borcudur - hər kəs öz çapında, öz sahəsində daşı daş üstə qoymalıdır ki, haqsızlığa divar olaq, haqqa arxa!.. Demək, qələmlə mübarizəniz davam edir...
- Əlbəttə. Özü də get-gedə daha da təkmilləşərək..! 2015-ci ildə ermənilərlə mübarizəni azərbaycanlı-erməni miqyasından çıxararaq beynəlxalq müstəviyə keçirmişəm. 1918-ci ildə ermənilərin Qubada türklərlə yanaşı yəhudiləri də qətliama məruz qoymaları barədəki “Xrizantema dəstəsi” adlı hekayəm “Ümumdünya Dağ Yəhudiləri Konqresi”nin internet səhifəsində “tövsiyə olunan ədəbiyyat” statusu alıb. 2016-cı ildə 200.000-ə yaxın erməninin faşist ordusunun tərkibindəki legionda vuruşaraq ruslara güllə atması barədəki “Qar uçqunları” adlı hekayəm isə Rusiyanın ünlü “Proza.ru” ədəbiyyat portalında dərc edilərək, reytinq qazanıb. Bu əsərlər həm yəhudilərə, həm ruslara, həm də digər xalqlara ermənilərin tək türkün deyil, hamının düşməni olmasını təlqin edir...
- Bu yaxınlarda bir neçə nüfuzlu beynəlxalq ödülə nominantlığınız barədə də xəbərlər aldıq...
- Bəli. “3+1” audio-kitabına görə Varşavada keçirilən “Slavyan Ədəbiyyatı Festivalı”nın UNESCO ilə birgə təsis etdiyi Adam Mitskeviç medalına nominant oldum. Habelə, “21” esselər topluma görə Antuan Sent Ekzüperi (Fransa) ödülünün nominantı oldum. “Yanvarın 13 günü” adlı romanım isə nüfuzlu Beynəlxalq Moskva Ədəbi Ödülünün “şort-list”inə daxil olaraq, finalçılar sırasına yüksəldi. Yeri gəlmişkən, bu münasibətlə “Yanvarın 13 günü” ünlü “Müasirlər və klassiklər” seriyasından çap olunaraq, dünyanın 23 ölkəsində satışa çıxarıldı. Qürur duyuram ki, həmin əsərdə Azərbaycanla bağlı dünya oxucusuna çatdırmaq istədiyim vacib informasiyalar var. Burada Şuşanın erməni qəsbkarları tərəfindən vəhşicəsinə talan edilməsi barədə faktlarla yanaşı, Şərqin böyük sufi şairi və övliyası Seyyid Nigari Qarabağinin timsalında Qarabağın yerli türk mədəniyyətinin beşiyi olmasından, erməni snayperinin gülləsinə tuş gəlib görmə qabiliyyətini itirdikdən sonra paralimpiya hərəkatına qoşularaq olimpiya çempionluğu qazanan İlham Zəkiyevin timsalında Azərbaycan xalqının yenilməzliyindən, xristian dini mərkəzinin Vatikan kitabxanası və Roma katakombalarının bərpası üçün bütün xristian dünyasına nəticəsiz müraciətindən sonra müsəlman inanclı Azərbaycanın birinci xanımı Mehriban Əliyevanın sayəsində bu problemin yüksək səviyyədə həlli epizodu ilə Azərbaycanın humanizm və tolerantlığından söz açılır.
- Türkiyənin “Voir Magazine” dərgisi sizi eşq romanları yazan söz sərrafı, Rusiyanın “Rossiyskiy kolokol” dərgisi isə aforizmlər ustası adlandırır. Bəs özünüz necə fikirləşirsiniz?..
- Qiymət verən bütün oxucularıma, tənqidçilərə minnətdarlığımı bildirirəm. Nə deyə bilərəm?
- Son vaxtlar sosial şəbəkələrdə geniş rəğbət görən “Özünün ən güclü zərbələrini yaşadığın zamanın ən zəif vaxtına saxla”, “Bu dünyada müvəqqəti qədər daimi olan heç nə yoxdur”, “Bəzilərinin sinəsində ürək, bəzilərində ət parçası yerləşir”, “...Bilirsiz, əslində, insan bütün yaşamı boyu bu yaşamın sirlərini öyrəndiyini zənn edir... ancaq dünyadan köçən anda anlayır ki, sən demə ölməyin sirlərini öyrənibmiş..!” - bu və bu kimi aforizmlərin rəğbət görməsi həyati, səmimi və xəlqi olması ilə bağlı ola bilər...
Və ən nəhayət, nə qədər ənənəçi sual olsa da, bu müsahibəmizin son sualını vermək istərdim: Oxucularımızı yaxın zamanlarda nə ilə sevindirəcəksiniz?
- Üzümüzə gələn il bir neçə ölkədə kitablarım çıxacaq. Bakıda isə “A.M.İ.N” adlı sayca 11-ci romanım işıq üzü görəcək. Bu ilin sonu, gələn ilin əvvəli xalqımıza inanılmaz bir töhfə verməyin də bir addımlığındayam. Beynəlxalq səviyyəli bu uğurum, yəqin ki, ədəbiyyatımızın, eləcə də Azərbaycanımızın dünyada daha da tanınması işinə bir töhfə olacaq. Nədir? - hələ sirr olaraq qalsın. - İnşallah, gerçəkləşəndə, ictimaiyyətimizi bilgiləndirərik.
Həmsöhbət oldu: Əkbər QOŞALI
“YA ƏDƏBİYYAT”

 
  • Oxunub:  125340  |  
  • Tarix:  15-12-2016  |  
  •    Çap et   |  

Qəzetin son buraxılışı

Prezident İlham Əliyev: Azərbaycan bu sınaqdan da şərəflə və az itkilərlə çıxacaq

04 Aprel 22:45
Heydər Əliyev Mərkəzinin binası üzərində Fransa bayrağı videoproyeksiya olunub
04 Aprel 20:55
Operativ Qərargah: Azərbaycana yerüstü və hava nəqliyyatı yolu ilə giriş-çıxış, yerli hava uçuşları tam şəkildə dayandırılır
04 Aprel 20:37
TƏBİB səhiyyə işçilərini könüllü əməkdaşlığa dəvət edir
04 Aprel 18:28
Milli Televiziya və Radio Şurasına yeni üzv təyin edilib - SƏRƏNCAM
04 Aprel 18:16
Kütləvi İnformasiya Vasitələrinin İnkişafına Dövlət Dəstəyi Fonduna yeni İcraçı direktor təyin edilib
04 Aprel 17:50
Təhsil Nazirliyinin yeni "Qaynar xətt" xidməti fəaliyyətə başlayacaq
04 Aprel 17:36
Vətəndaşlar üçün SMS icazə sistemindən istifadə qaydaları ilə bağlı videotəlimat hazırlanıb
04 Aprel 17:31
Deputat: Dövlətimiz tərəfindən vaxtında atılan addımlar nəticəsində ölkəmizdə koronavirusa yoluxmalar minimum həddədir
04 Aprel 17:17
Milli Məclis yanında Toponimiya komissiyasının yeni tərkibdə ilk onlayn iclası keçirilib
04 Aprel 16:22
Yeni Azərbaycan Partiyası Əmək və Əhalinin Sosial Müdafiəsi Nazirliyi ilə birgə ahıllara, tənhalara sosial xidməti davam etdirir
04 Aprel 15:37
Azərbaycanda koronavirusa daha 78 yoluxma faktı qeydə alınıb
04 Aprel 14:21
Deputat: Azərbaycan koronavirusla mübarizədə təsirli tədbirlər görməyi bacaran ölkələr sırasındadır
04 Aprel 14:02
Səməd Seyidov: AŞPA həmməruzəçiləri Dağlıq Qarabağda keçirilmiş qondarma “seçkiləri” tanımadıqlarını bildiriblər
04 Aprel 13:57
Ailə, Qadın və Uşaq Problemləri üzrə Dövlət Komitəsi Koronavirus pandemiyası ilə mübarizə çərçivəsində keçiriləcək Virtual Hakatona qoşulur
04 Aprel 13:30
DİN xüsusi karantin rejimi şəraitində vətəndaşları maraqlandıran məsələlərə aydınlıq gətirib
04 Aprel 13:21
DİN: Jurnalistlər avtomobildən şəxsi məqsədləri üçün istifadə edə bilməzlər
04 Aprel 10:56
BMT-nin Azərbaycan nümayəndəliyi hökumətin COVID-19-la bağlı tədbirlərini alqışlayır
03 Aprel 21:01
icaze.e-gov.az portalının istifadə qaydası ilə bağlı videotəlimat hazırlanıb
03 Aprel 19:46
Hikmət Babaoğlu: Milli Məclisdə aparılan islahatlar səmərəliliyi daha da artıracaq
03 Aprel 15:53
Aydın Hüseynov: İqtisadi dəstək və sosial paket proqramlarının qəbulu dövlət büdcəsinin icrası ilə bağlı problem yaratmayacaq
03 Aprel 15:39
Prezident İlham Əliyev: Bakı-Sumqayıt yolu və bütün qovşaqlar iki aya, maksimum üç ay ərzində istifadəyə verilməlidir
03 Aprel 15:35
Dmitri Savelyev: Dağlıq Qarabağda seçkilər siyasi cəhətdən mənasız olmaqla bərabər, pandemiya dövründə təhlükəlidir
03 Aprel 14:30
Prezident İlham Əliyev Bakı-Sumqayıt yolunun genişləndirilməsi çərçivəsində görülən işlərlə tanış olub
03 Aprel 12:49
QHT-lərin koronavirusla mübarizəyə həsr olunan ümumrespublika onlayn konfransı keçirilib
03 Aprel 12:46
Türkiyə vətəndaşlarının ölkəyə gətirilməsi davam edəcək
03 Aprel 12:40
Pandemiya ilə mübarizədə dövlət dəstəyi proqramları: regional iqtisadiyyatların həcmi baxımından ayrılan vəsaitə görə Azərbaycan liderdir
03 Aprel 12:21
Füzuli rayonunda 14 ədəd subartezian quyusu qazılacaq – Sərəncam
03 Aprel 12:10
Azərbaycanda daha 43 nəfər koronavirusa yoluxdu, 6 nəfər sağaldı - Operativ Qərargah
03 Aprel 12:06
Vüsal Qasımlı: İnvestisiya fəallığının artırılması böhranla mübarizədə ən effektiv yoldur
03 Aprel 11:57
Əli Əhmədov: Hər kəsin vətəndaş mövqeyini və şəxsi məsuliyyətini ortaya qoyması zamanıdır
03 Aprel 11:46
Bakı polisi: Xüsusi karantin rejiminin pozulması hallarına qarşı tədbirlər davam etdirilir
03 Aprel 11:44
Xətai rayonunda Məzahir Rüstəmov və İnqilab İsmayılov küçələri yenidən qurulur
03 Aprel 11:08
Hikmət Babaoğlu: Bu ağır günlərdə birinci dərəcəli vətəndaşlıq borcumuz maksimum özünütəcriddir
03 Aprel 11:00
Rezin əlcəklərdən istifadə qaydası
03 Aprel 10:53
Mübariz Qurbanlı: Dövlət siyasətinin əsas məqsədi vətəndaşların təhlükəsizliyi və sağlamlığının təminidir
02 Aprel 20:16
Nazirlər Kabineti yanında Operativ Qərargah ölkədə hərəkət məhdudiyyətlərinin tətbiqi ilə bağlı Qərar qəbul edib
02 Aprel 20:07
Hüseyin Altınalan: Aprel döyüşlərində Azərbaycan həm hərbi, həm də siyasi sahədə qələbə qazandı
02 Aprel 20:05
Türkiyədə koronavirusla bağlı insanların maarifləndirilməsi məqsədilə serial çəkilir
02 Aprel 20:02
Neftçalada Aprel şəhidlərinin məzarları ziyarət olunub
02 Aprel 19:15
Mehriban Əliyeva: Aprel döyüşlərində Vətən uğrunda qəhrəmancasına həlak olmuş igid oğullarımızın əziz xatirəsi qəlbimizdə daim yaşayacaqdır
02 Aprel 17:21
Dəstək proqramları iqtisadi dayanıqlılığı və etibarlı sosial müdafiəni təmin edəcək
02 Aprel 17:18
YAP könüllülərindən həkim və polislərə dəstək (VİDEO)
02 Aprel 17:17
Gənclərdən "Evdə qal, ailəni, cəmiyyəti qoru" çağırışı (VİDEO)
02 Aprel 17:12
Yeni Azərbaycan Partiyası Əmək və Əhalinin Sosial Müdafiəsi Nazirliyi ilə birgə ahıllara, tənhalara sosial xidməti davam etdirir
02 Aprel 17:10
Heydər Əliyev Fondu “Həyatın dəyərlidir! Evdə qal, Azərbaycan!" sosial layihəsinə start verib
02 Aprel 17:07
Siyavuş Novruzov: Müasir tariximizdə ən uğurlu hərbi əməliyyatlardan olan Aprel döyüşləri Azərbaycan xalqının heç vaxt işğal faktı ilə barışmayacağını bir daha nümayiş etdirdi
02 Aprel 16:58
Azərbaycan Respublikası Milli Məclisinin Mətbuat xidmətinin məlumatı
02 Aprel 16:49
Sosial şəbəkələrdə koronavirusla bağlı həqiqətə uyğun olmayan məlumatlar yayan şəxs həbs olunub
02 Aprel 16:38
Çin COVID-19 pandemiyası ilə mübarizədə Azərbaycana yardım edib
02 Aprel 16:19
Azərbaycan XİN Kəlbəcər rayonunun işğalının 27-ci ildönümü ilə bağlı bəyanat yayıb
02 Aprel 16:14
Dağlıq Qarabağ bölgəsinin azərbaycanlı icması Kəlbəcərin işğalının 27-ci ildönümü ilə əlaqədar bəyanat yayıb
02 Aprel 16:08
Prezident İlham Əliyev: Aprel döyüşləri dövlətimizin, ordumuzun gücünü, xalqımızın birliyini, vətənpərvərliyini nümayiş etdirdi
02 Aprel 15:22
Ekspert: Ödənişlərin verilməsi Azərbaycanın sosial statusa malik dövlət kimi mövqeləşməsinə şərait yaradacaq
02 Aprel 14:40
Elçin Əhmədov: Aprel döyüşləri nəticəsində Ermənistanın “qüdrətli ordusu”nun yalnız mif olduğu sübut edildi
02 Aprel 13:24
Karantin rejimində vətəndaşların hansı hallarda evdən çıxa biləcəyi qaydalarına dair sənəd hazırlanır
02 Aprel 12:56
İbrahim Məmmədov: Azərbaycana tibbi maska istehsalı üçün xammal gətirilib
02 Aprel 12:26
Leyla Abdullayeva: Beynəlxalq ictimaiyyət Ermənistanın təşkil etdiyi qanunsuz “seçkilər”i qətiyyətlə pislədi və rədd etdi
02 Aprel 12:22
Operativ Qərargah: İnsanların ciddi şəkildə özünü təcridi üçün şərait yaradılıb
02 Aprel 12:18
Koronavirusa 41 yeni yoluxma halı qeyd olunub
02 Aprel 11:56
Yaqut Qarayeva: Xəstəlikdən qorunma yolu hər bir şəxsin özünü izolyasiya etməsidir
02 Aprel 11:19
Naqif Həmzəyev: Dövlətin dəstək proqramı “Biz birlikdə güclüyük!” şüarını bir daha təsdiqlədi
02 Aprel 11:00
Xərçəng xəstələrinə koronavirusla bağlı onkoloji tövsiyələr
02 Aprel 10:52
Yol polisi: Bu günədək 16 min 256 nəqliyyat vasitəsi ilə postlardan keçmək cəhdinin qarşısı alınıb
02 Aprel 10:45
Şanlı Aprel döyüşlərindən dörd il ötür
02 Aprel 10:32
Ombudsman əlilliyi olan şəxslərin hüquqlarının müdafiəsi ilə bağlı müraciət edib
02 Aprel 10:12
Kəlbəcərin işğalından 27 il ötür
01 Aprel 20:14
Şakir Rəhimov: Dövlətimiz pandemiyanın təsirini azaltmaq üçün zəruri tədbirlər görür
01 Aprel 20:05
Aydın Hüseynov: Azərbaycan dövləti bu proqramlarla özünün iqtisadi və sosial gücünü bir daha nümayiş etdirdi
01 Aprel 20:02
Sahib Məmmədov: Fəaliyyətini şəffaf quran, işçilərlə əmək müqavilələri bağlayan sahibkarlar dəstəkdən daha çox faydalanacaqlar
01 Aprel 19:59
Fikrət Yusifov: Dövlətdən öz zərərlərini bağlamaq üçün dəstək alan hər bir sahibkar daha dürüst olmağa borcludur

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
HAVA HAQQINDA