Heydər Əliyev
yeni azerbaycan logo

Ana səhifə / Elm / “Media və təhsil dialoqu” mövzusunda təlim-konfrans keçirilib

“Media və təhsil dialoqu” mövzusunda təlim-konfrans keçirilib

14.10.2016 [10:16]

Oktyabrın 13-də Bakıda “Media və təhsil dialoqu” mövzusunda təlim-konfrans keçirilib.
Təhsil Nazirliyindən AZƏRTAC-a bildiriblər ki, tədbirdə qurumun nümayəndələri, ali təhsil müəssisələrinin mətbuat xidmətlərinin rəhbərləri iştirak ediblər.
Tədbirin keçirilməsində məqsəd ali təhsil müəssisələri arasında media və təhsil münasibətlərinin möhkəmləndirilməsi, ictimaiyyətlə əlaqələr üzrə peşəkar vərdişlərin artırılmasıdır.
Təlimdə Bakı Dövlət Universitetinin kafedra müdiri Aynur Kərimova PR strategiyası mövzusunda təqdimatla çıxış edərək PR etikası və media-planların hazırlanması, daxili PR-in təşkili məsələlərindən danışıb.
Avropa İctimaiyyətlə Əlaqələr İnstitutunun Ekspertlər Şurasının üzvü Vəli Əlibəyov “Böhran vəziyyətlərdə kommunikasiya” mövzusunda çıxış edib.
Təhsil Nazirliyinin əməkdaşları ali təhsil müəssisələrinin veb saytlarının monitorinqinin nəticələrini açıqlayıb, həmin internet səhifələrinin təkmilləşdirilməsində yeni alətlərdən istifadə olunması qaydalarını diqqətə çatdırıb, həmçinin sosial mediada PR texnologiyaları mövzusunda təqdimatla çıxış ediblər.
Daha sonra Bakı Dövlət Universitetinin mətbuat və informasiya şöbəsinin müdiri Pərvanə İbrahimova, Azərbaycan Dövlət İqtisad Universitetinin marketinq və kommunikasiya departamentinin direktoru Rasim Şərifov çıxış edərək media əlaqələrinin qurulmasından danışıblar.

Paylaş:
Baxılıb: 1048 dəfə

Xəbər lenti

Hamısına bax

Xəbər lenti

Ədəbiyyat

Analitik

Siyasət

Xəbər lenti

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31