Ana səhifə »  İqtisadiyyat »  2017-ci ildə transmilli nəqliyyat dəhlizlərinin yaradılması istiqamətində önəmli addımlar atılıb
A+   Yenilə  A-
2017-ci ildə transmilli nəqliyyat dəhlizlərinin yaradılması istiqamətində önəmli addımlar atılıb

Prezident İlham Əliyev: Hesab edirəm ki, Bakı-Tbilisi-Qars dəmir yolunun açılışı nəinki ölkəmiz üçün, bölgə üçün, dünya üçün önəmli hadisə olmuşdur. Bu yol Bakıdan başlanır
Azərbaycanın regional və qlobal miqyasda nüfuzunu artıran, proseslərə təsir etmək iqtidarında olan önəmli aktora çevrilməsini şərtləndirən bir sıra mühüm amilləri sadalamaq mümkündür. Bunların içərisində, heç şübhəsiz ki, energetika amilini xüsusi qeyd etmək lazımdır. Azərbaycan iqtisadiyyatı on illər boyu neft amili ilə sıx bağlı olub və respublikamızda neft-qaz hasilatı, emalı sahəsində zəngin ənənələr formalaşıb. Müstəqillik illərində Ümummilli lider Heydər Əliyevin işləyib hazırladığı yeni neft strategiyasının uğurla reallaşdırılması ölkəmizin hərtərəfli inkişafını təmin edib. Azərbaycanı fərqləndirən əsas cəhətlərdən biri ondan ibarətdir ki, ölkəmiz malik olduğu üstünlüklərdən, o cümlədən də zəngin neft-qaz resurslarından başqa dövlətlərə qarşı təzyiq vasitəsi kimi istifadə etməyib. Prezident İlham Əliyevin nümayiş etdirdiyi belə konstruktiv siyasi iradənin nəticəsidir ki, özünün enerji müstəqilliyinə nail olan respublikamız bu gün Avropanın enerji təhlükəsizliyinin təmin olunmasında mühüm rol oynayır.
Lakin Azərbaycanın qlobal əməkdaşlığa verdiyi sanballı töhfələr yalnız enerji sektoru ilə məhdudlaşmır. Son illərdə əlverişli coğrafi mövqedə yerləşən respublikamız həmçinin dünyaya özünün geniş nəqliyyat imkanlarını təqdim edir. Qədim İpək Yolunun üstündə yerləşən Azərbaycan həm ölkədaxili ictimai-siyasi sabitlik baxımından, həm də quru və su sərhədlərinə malik olmasına, eləcə də iqtisadi resurslarına görə beynəlxalq tranzit daşımaları üçün kifayət qədər cəlbedici məkandır. Bu baxımdan nəqliyyat-yol infrastrukturunun dünya standartlarına uyğun səviyyədə yenilənməsi Azərbaycanın istər Şimal-Cənub, istərsə də Şərq-Qərb dəhlizlərində tranzit ölkə kimi mövqeyini daha da gücləndirməyə xidmət edir.
Azərbaycan artıq tarixə dönən 2017-ci ildə də hər iki istiqamətdə ölkənin milli maraqlarına və qlobal əməkdaşlığın dərinləşməsinə hesablanan işləri davam etdirib. Belə ki, ötən il həm energetika, həm də nəqliyyat sahəsində tarixi hadisələr baş verib.
“Azəri-Çıraq-Günəşli” kontraktının müddətinin uzadılması bundan sonra uzun illər ərzində hasilat səviyyəsinin sabit qalmasına imkan verəcək
Məlum olduğu kimi, Ümummilli lider Heydər Əliyevin çox böyük uzaqgörənliyi, müdrikliyi və cəsarəti sayəsində 1994-cü ilin 20 sentyabrında dünyanın transmilli şirkətləri ilə Xəzərin Azərbaycan sektorunda karbohidrogen ehtiyatlarının işlənməsinə dair imzalanan “Əsrin kontraktı” ölkəmizin energetika tarixində yeni bir parlaq səhifə açdı. Ölkəmizdə neft-qaz sənayesinin “Əsrin kontraktı” ilə başlayan sürətli inkişafı milli iqtisadiyyatımızın və bütövlükdə Azərbaycanın inkişafının əsas mənbəyi rolunda çıxış edib. Ötən 23 il ərzində “Əsrin kontraktı” çərçivəsində “Azəri”, “Çıraq”, “Günəşli” yataqlarından 436 milyon ton neft hasil edilib.
2017-ci il sentyabrın 14-də isə müstəqil Azərbaycanın həyatında daha bir əlamətdar hadisə baş verdi. Bəhs olunan tarixdə Bakıda, Heydər Əliyev Mərkəzində Xəzər dənizinin Azərbaycan sektorunda “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəliş edilmiş və yenidən tərtib olunmuş Sazişin imzalanması mərasimi keçirildi. Bu Sazişin imzalanması ilə böyük ehtiyatlara malik “Azəri”, “Çıraq”, “Günəşli” yataqlarının işlənilməsində yeni mərhələ başlayıb.
Biz yuxarıda “Əsrin kontraktı”nın müstəqillik illərində ölkəmizin inkişafında oynadığı mühüm rol barədə qısa söhbət açdıq. “Əsrin kontraktı”nda olduğu kimi, Xəzər dənizinin Azərbaycan sektorunda “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəliş edilmiş və yenidən tərtib olunmuş Sazişdə də Azərbaycanın milli maraqları maksimum dərəcədə nəzərə alınıb.
Respublikamızın gələcək inkişafı baxımından bəhs olunan Sazişin böyük önəmi var. Prezident İlham Əliyev Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasındakı nitqində vurğulayıb ki, 2017-ci ildə energetika sahəsində tarixi hadisələr baş vermişdir. Onlardan biri “Azəri-Çıraq-Günəşli” yatağı üzrə kontraktın müddətinin 2050-ci ilə qədər uzadılması məsələsidir. Bu, bizə imkan verəcək ki, bundan sonra uzun illər ərzində - ən azı 2050-ci ilə qədər hasilat səviyyəsi sabit qalsın.
Beləliklə, Azərbaycanın neft sektoruna xarici investorlar tərəfindən bundan sonra da böyük həcmdə sərmayə qoyulacaq. Burada söhbət on milyardlarla dollardan gedir. İnvestisiyalar iqtisadiyyatın bütün sahələrinə öz müsbət təsirini göstərəcək, yeni iş yerlərinin, yerli müəssisələrin yaradılmasına təkan verəcək. Bundan başqa, neft hasilatının sabit saxlanması Azərbaycanın iqtisadi inkişafının planlaşdırılmasına və neft amilindən asılılığın daha da azaldılmasına şərait yaradacaq. Yeni müqavilənin əhəmiyyətindən bəhs edən dövlət başçısı vurğulayıb: “Azəri-Çıraq-Günəşli” kontraktının müddətinin uzadılması bizə sərmayədən başqa digər önəmli dividendlər gətirir. İlk növbədə, SOCAR-ın payı 11 faizdən 25 faizə artırılır. Mənfəət neftinin 75 faizi Azərbaycan tərəfinə qalacaq. Deyə bilərəm ki, bu da gənc, müstəqil ölkə üçün xarici investorlarla neft sahəsində əldə edilmiş ən gözəl nəticədir”.
Yeni Saziş çərçivəsində “Azəri-Çıraq-Günəşli” neft yatağının işlənilməsi uzunmüddətli dövrü əhatə edəcək. Sənədə əsasən, xarici investorlar tərəfindən ölkəmizə 3,6 milyard dollar həcmində bonus ödəniləcək. Nəzərdə tutulan bonus birinci tranşı cari ildə ödənilməklə səkkiz il ərzində tam şəkildə ölkəmizə çatdırılacaq. Bundan başqa, SOCAR-ın “AzAÇG” şirkəti podratçı kimi kontraktın icrasında iştirak edəcək.
2017-ci ildə Cənub Qaz Dəhlizinin uğurlu icrası təmin edilib
2017-ci ildə energetika sahəsində Azərbaycanın fəal iştirakı ilə daha bir qlobal layihənin - Cənub Qaz Dəhlizinin uğurlu icrası təmin edilib. Resurs mənbəyi Xəzərin Azərbaycan sektorundakı zəngin “Şahdəniz” yatağı olan Cənub Qaz Dəhlizi 6 ölkədən keçməklə Avropa İttifaqı ölkələrinədək uzanacaq. Cənub Qaz Dəhlizinin təməli 2014-cü il sentyabrın 20-də Bakıda qoyulub. Layihənin reallaşdırılması, çox haqlı olaraq, gələcəyə baxış kimi dəyərləndirilir. Yeni enerji dəhlizi 3600 kilometr məsafədə uzanmaqla Bakı-Tbilisi-Ceyhanın uzunluğunu iki dəfə üstələyəcək. On illər boyu davam edəcək layihənin icrası nəticəsində dünyanın ən mürəkkəb və ən zəngin qaz-kondensat yataqlarından biri olan “Şahdəniz” yatağının ehtiyatlarının işlənməsi təmin olunacaq. Qeyd edək ki, “Şahdəniz” yatağında hasilatın pay bölgüsü haqqında müqavilənin müddəti 2048-ci ilə qədər uzadılıb. Bütövlükdə Azərbaycanın təsdiq edilmiş qaz ehtiyatları 2,6 trilyon kubmetrə bərabərdir. Proqnozlaşdırılan qaz ehtiyatlarımız isə 4-5 trilyon kubmetr səviyyəsindədir. Cənub Qaz Dəhlizi layihəsi dörd hissədən ibarətdir. Bura “Şahdəniz” yatağının işlənməsi, genişləndirilmiş Cənubi Qafqaz boru kəməri, Trans-Anadolu (TANAP) və Transadriatik (TAP) boru kəmərləri daxildir.
Azərbaycanın təşəbbüskarı olduğu Cənub Qaz Dəhlizi layihəsinin region dövlətlərinin və Avropa İttifaqı məkanı ölkələrinin enerji təhlükəsizliyi baxımından strateji önəmi son illərdə qlobal miqyasda müşahidə edilən arzuolunmaz proseslər, meydana çıxan yeni reallıqlar fonunda xüsusilə diqqəti cəlb edir. Yeni qaz dəhlizi Azərbaycanın Avropa İttifaqı ilə enerji təhlükəsizliyi sahəsində faydalı əməkdaşlıq əlaqələrinin daha geniş miqyasda inkişafı üçün etibarlı zəmin yaradır. Xüsusi olaraq vurğulamaq lazımdır ki, həyata keçirilən bu layihə Avropa ölkələrinə özlərinin qaz tədarükü mənbələrini şaxələndirmələrinə imkan verəcək. Qeyd edək ki, bir sıra hallarda enerji marşrutlarından istehsalçı və istehlakçı tərəflərə yönəlmiş təzyiq vasitəsi qismində istifadə olunmasının günümüzün reallığına çevrildiyi indiki dövrdə bu amil ölkələrin təhlükəsizliyi baxımından olduqca vacibdir.
Artıq 7 ölkə - Azərbaycan, Gürcüstan, Türkiyə, Yunanıstan, Bolqarıstan, İtaliya və Albaniya Cənub Qaz Dəhlizinin üzvüdür. Daha üç Balkan ölkəsi - Xorvatiya, Monteneqro və Bosniya-Herseqovina isə layihənin növbəti mərhələsində tərəfdaşlar sırasına qoşulacaq.
Layihə çərçivəsində nəzərdə tutulan işlər koordinasiya olunmuş beynəlxalq əməkdaşlıq sayəsində müxtəlif ölkələrdə həyata keçirilir. Ayrı-ayrı dövlətlər, müxtəlif transmilli şirkətlər və maliyyə qurumları arasında əməkdaşlıq təcrübəsi Cənub Qaz Dəhlizinin uğurla həyata keçirilməsini şərtləndirən əsas amillər qismində çıxış edir. Layihənin reallaşdırılmasına beynəlxalq komandanın bütün üzvləri tərəfindən güclü siyasi iradə göstərilir. Prezident İlham Əliyev layihə çərçivəsində işlərin yaxşı getməsindən məmnunluğunu ifadə edərək deyib: “Son məlumata görə, “Şahdəniz-2” layihəsinin icrası 99 faizə çatıbdır, demək olar ki, yekunlaşıb. Azərbaycanı Gürcüstanla birləşdirən Cənubi Qafqaz kəməri 93 faiz icra edilib və TANAP layihəsinin icrası 90 faizə bərabərdir. Bu, artıq onu göstərir ki, Cənub Qaz Dəhlizi reallaşıb”.
Biz Xəzər dənizinin Azərbaycan sektorunda “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəliş edilmiş və yenidən tərtib olunmuş Sazişin, eləcə də Cənub Qaz Dəhlizinin əsas parametrlərinə nəzər saldıq. Deyilənlərdən də bəlli olduğu kimi, energetika sahəsində bu iki önəmli layihə Azərbaycanın bundan sonra da uğurlu inkişafını təmin edəcək.
Azərbaycan əlverişli coğrafi mövqeyindən yararlanaraq malik olduğu tranzit-logistika imkanlarından daha səmərli istifadə etmək üçün nəqliyyat sektoruna çox böyük önəm verir, bu sahədə müasir infrastruktur yardılmasına böyük həcmlərdə sərmayələr yönəldir. 2004-cü ildən bu günə qədər Azərbaycanda 11 min kilometr avtomobil yolu tikilib, 6 beynəlxalq hava limanı istifadəyə verilib. Hazırda Azərbaycanın 20-yə yaxın yük laynerinin cəmləşdiyi çox böyük yük təyyarəsi parkı var. Respublikamız Xəzər dənizində ən böyük dəniz donanmasına malikdir - 270 gəmidən ibarət donanma Xəzərdə yükdaşımaların təşkili üçün mühüm rol oynayır. Bir neçə il bundan əvvəl Azərbaycan Xəzər sahilində böyük gəmiqayırma zavodu inşa etməyə nail olub. Bu zavodun texniki imkanları kifayət qədər genişdir və burada bütün növ gəmiləri istehsal etmək mümkündür.
Azərbaycanın tranzit imkanlarının genişləndirilməsi baxımından Ələtdə inşa olunan Yeni Bakı Beynəlxalq Dəniz Ticarət Limanı Kompleksinin əhəmiyyəti də kifayət qədər böyükdür. Bəhs olunan liman Bakı-Tbilisi-Qars dəmir yolu xətti ilə birlikdə Şərq-Qərb nəqliyyat dəhlizinin çox mühüm seqmentini təşkil edir. Yerləşdiyi ərazinin böyük üstünlüklərə malik olması sayəsində yeni liman Azərbaycanda nəqliyyatın təhlükəsizliyi məsələlərini uğurla həll etməyə, Bakını Xəzər hövzəsində çox müasir və böyük logistika, nəqliyyat mərkəzinə çevirməyə, Xəzəryanı ölkələr arasındakı əməkdaşlığı dərinləşdirməyə, Şimal-Cənub və Şərq-Qərb nəqliyyat dəhlizlərinin tam gücü ilə işləməsinə əlverişli imkanlar yaradır. Yeni limanın tikintisi üçün 400 hektar ərazi ayrılıb.
Hazırda limanın tikintisi uğurla gedir, artıq liman fəaliyyət göstərir. Limanın birinci fazası istifadəyə verildikdən sonra ildə 15 milyon ton yük və 100 min konteyner bu limandan keçəcək. İkinci mərhələsinin başa çatması nəticəsində isə Ələt limanının imkanları 25 milyon ton yükə və 1 milyon konteynerə çatacaq. Bu günlərdə Prezident İlham Əliyev Bakı Beynəlxalq Dəniz Ticarət Limanı Kompleksində Ro-Ro terminalının açılışında iştirak edib, kompleksdə görülən işlərlə tanış olub. İldə 60 minə yaxın TIR və ya 1,8 milyon ton yük qəbul etmək imkanında olan terminal ən müasir texniki tələblərə uyğun tikilib. Terminaldakı birinci körpünün illik yükaşırma qabiliyyəti 800 min ton, ikinci körpününkü isə 1 milyon tondur. Ro-Ro terminalı iki yanalma körpüsündən ibarətdir. Birinci körpünün uzunluğu 222 metr, ikinci körpünün uzunluğu isə 190 metrə yaxındır. Terminal daşımaların avtomobil-su və su-avtomobil seqmentlərində təkərli texnikanın daşınması üçün nəzərdə tutulur.
2017-ci ildə nəqliyyat sektorunda ölkəmizin fəal iştirakı ilə reallaşdırılan Bakı-Tbilisi-Qars (BTQ) dəmir yolunun açılması da mühüm tarixi hadisəyə çevrildi. Bakı-Tbilisi-Qars dəmir yolu strateji əhəmiyyətli layihədir. Uzunluğu təxminən 850 kilometr olan yolun 504 kilometri Azərbaycan ərazisindən keçir. Bakı-Tbilisi-Qars dəmir yolu Avropanı Asiya ilə birləşdirən ən qısa və etibarlı yoldur. Bu yol vasitəsilə birinci mərhələdə 5 milyon ton, növbəti mərhələdə 17 milyon ton, ondan sonra isə daha böyük həcmdə yüklərin daşınması nəzərdə tutulur.
Deyilənlərdən də göründüyü kimi, Bakı-Tbilisi-Qars dəmir yolunun işə düşməsi ilə Azərbaycan üzərindən daşımaların həcmi əhəmiyyətli dərəcədə artacaq. Ölkəmiz yeni nəqliyyat arteriyası vasitəsi ilə uzaq Çindən Avropa ölkələrinə qədər müxtəlif dövlətlərdən yükləri qəbul etmək və onlara yük göndərmək imkanı əldə edəcək. Azərbaycanın Şərq-Qərb və Şimal-Cənub dəhlizlərinin kəsişməsində yerləşdiyini nəzərə alsaq, deyə bilərik ki, Bakı-Tbilisi-Qars dəmir yolunun önəmi yalnız 3 ölkənin maraqlarını təmin etməklə məhdudlaşmır və daha geniş coğrafiyada yerləşən ölkələr üçün də böyük əməkdaşlıq imkanları açır. Prezident İlham Əliyev layihənin qlobal əhəmiyyətinə diqqət çəkərək vurğulayıb: “Hesab edirəm ki, Bakı-Tbilisi-Qars dəmir yolunun açılışı nəinki ölkəmiz üçün, bölgə üçün, dünya üçün önəmli hadisə olmuşdur. Bu yol Bakıdan başlanır”.
Bakı-Tbilisi-Qars dəmir yolunun iqtisadi səmərəliliyi kifayət qədər yüksəkdir. Yeni dəmir yolu bağlantısı ilə yüklər 16-18 saata daşınacaq. Bakı-Tbilisi-Qars vasitəsilə həmçinin sərnişin daşımaları təmin ediləcək. İlkin mərhələdə BTQ ilə ildə 1 milyon sərnişin daşınacaq və sonrakı mərhələdə bu rəqəm 2 milyona çatdırılacaq.
Qeyd edək ki, Bakı-Tbilisi-Qars dəmir yoluna qlobal miqyasda böyük maraq var. Bu tarixi layihənin icrası Azərbaycanı beynəlxalq nəqliyyat mərkəzlərinin birinə çevirir. Təsadüfi deyil ki, yeni nəqliyyat bağlantısına qoşulmaq istəyən ölkələrin sayı getdikcə artır. Prezident İlham Əliyev vurğulayıb ki, ölkəmiz layihə çərçivəsində uğurlu əməkdaşlıq etməyə hazırdır: “Yol açılandan sonra qısa müddət ərzində - cəmi iki ay ərzində bir çox ölkələrdən Bakı-Tbilisi-Qarsa qoşulmaq haqqında bizə müraciətlər olmuşdur. Artıq bir neçə həmkarımla bu məsələni mən şəxsən müzakirə etmişəm. İndi müvafiq göstərişlər verilmişdir ki, bir çox ölkələrlə işçi qrupları yaradılsın və bu xəttə qoşulmaq istəyənlərin yük potensialı təhlil edilsin. Əlbəttə ki, biz bütün tərəfdaşlarla bu layihə çərçivəsində uğurlu əməkdaşlıq etməyə hazırıq”.
Azərbaycan Şimal-Cənub nəqliyyat dəhlizinin icrası istiqamətində də üzərinə düşən vəzifələri uğurla yerinə yetirir
Tranzit məkan kimi ölkəmizin mövqeyini gücləndirən həm də o cəhətdir ki, buradan Şərq-Qərb marşrutuna paralel Şimal-Cənub dəhlizi keçir. Ölkəmizin ərazisindən keçən bu dəhliz Hindistan, Pakistan, İran, Azərbaycan, Rusiya və Avropa ölkələrini birləşdirəcək.
Azərbaycan Şərq-Qərb marşrutunda olduğu kimi, Şimal-Cənub dəhlizinin yaradılmasında da üzərinə düşən bütün işləri yüksək səviyyədə yerinə yetirir. Bunu xüsusi olaraq diqqətə çatdıran Prezident İlham Əliyev vurğulayıb. “Şimal-Cənub nəqliyyat dəhlizinin icrası istiqamətində önəmli addımlar atılmışdır. Azərbaycan öz üzərinə düşən vəzifələri icra edib, İran sərhədinə qədər dəmir yolunun tikintisini təmin edib, eyni zamanda, dəmir yolu körpüsünü də inşa edib. Beləliklə, Azərbaycan öz ərazisində bu layihə üzrə bütün lazımi tədbirləri görüb və layihənin ümumi icrası ilə bağlı da öz töhfəsini verməyə hazırdır”.
Hazırda dəhlizin ayrı-ayrı hissələrinin tikintisi davam etdirilir. Ələt-Astara-İran İslam Respublikası ilə dövlət sərhədi avtomobil yolunun 31-ci kilometrliyindən başlayaraq Astarayadək inşa olunan yeni yolun bir çox hissəsində tikinti işləri artıq yekunlaşıb. Layihə çərçivəsində yeni yol 1-ci texniki dərəcəyə uyğun olaraq inşa olunur. Uzunluğu 204 kilometr təşkil edən Ələt-Astara-İran İslam Respublikası ilə dövlət sərhədi avtomobil yolunun dörd hərəkət zolaqlı olmaqla tikintisi 2018-ci ildə tamamlanacaq.
Şimal-Cənub nəqliyyat dəhlizinin mühüm bir seqmentini isə Azərbaycanın və İranın dəmir yolu xətlərinin birləşdirilməsi təşkil edir. Layihə çərçivəsində Azərbaycan 8,4 km dəmir yolu xəttinin çəkilməsini, hər biri 1050 metr olan 4 stansiya yolunun tikintisini həyata keçirməyi öz öhdəsinə götürmüşdü və ölkəmizin ərazisində bütün işlər yüksək keyfiyyətlə tamamlanıb. Hazırda Yalama-Astara dəmir yol sahəsində Şimal-Cənub dəmir yol nəqliyyat dəhlizi ilə ilk mərhələdə hər il beş milyon tona qədər yük daşımaq mümkündür. Proqnozlara görə, növbəti mərhələdə bu yüklərin həcminin 10-15 milyon tona qədər artacağı gözlənilir. Prezident İlham Əliyev bildirib ki, bu marşrutla böyük yüklərin daşınması gözlənilir və buna görə də mövcud olan dəmir yolu daha da yaxşı vəziyyətə gətirilməlidir: “Bu ilin investisiya proqramında Bakı-Yalama dəmir yolunun təmiri, yenidən qurulması məsələsi əksini tapıb. Bunu biz başlayırıq. Eyni zamanda, Bakı-Astara dəmir yolunun xüsusilə dənizə yaxın olan hissəsinin köçürülməsi məsələsi də öz həllini tapacaq. Yəni texniki-iqtisadi əsaslandırma hazırlanmalıdır. Bunun həm turizm üçün böyük əhəmiyyəti olacaq, çünki sahilin böyük hissəsi indi dəmir yolu infrastrukturu ilə zəbt edilib, eyni zamanda, mövcud yolla istədiyimiz qədər yükləri daşımaq mümkün olmayacaq”.
Mübariz ABDULLAYEV

 
  • Oxunub:  6870  |  
  • Tarix:  13-01-2018  |  
  •    Çap et   |  
Get Adobe Flash player
Azərbaycan ilə Türkiyə arasında münasibətlər bütün sahələrdə uğurla inkişaf edir

18:00
26 Aprel
Səbaildə Zərifə xanım Əliyevanın 95 illik yubileyi qeyd edildi
17:59
26 Aprel
Mirəli Seyidovun 100 illik yubileyi ilə bağlı tədbir keçirib
17:52
26 Aprel
YAP-ın Yevlax və Mingəçevir şəhər təşkilatlarının iştirkı ilə “700 min ağac əkək” kampaniyası çərçivəsində növbəti aksiya keçirildi
17:50
26 Aprel
Azərbaycan, İran və Rusiya elektroenergetika sistemlərinin birləşdirilməsi üzrə İşçi qrup yaradılacaq
17:49
26 Aprel
Səfir: Niderland-Azərbaycan əlaqələri yüksək səviyyədədir
17:47
26 Aprel
“XXI əsr” Təhsil kompleksinin şagirdləri “İKT-də qızlar” gününü “Azərkosmos”da qeyd etdilər
17:40
26 Aprel
Nizami Cəfərov: Azərbaycan və Türkiyə regionda böyük layihələr reallaşdırmaqla beynəlxalq müstəvidə mövqelərini daha da gücləndirirlər
17:38
26 Aprel
Dünyəvilik prinsiplərinə əsaslanan Azərbaycan multikultural dəyərlərini inkişaf etdirir
17:11
26 Aprel
Mingəçevir su elektrik stansiyası yenidənqurmadan sonra bu il istifadəyə veriləcək
16:57
26 Aprel
Azərbaycan nümayəndə heyətinin rəhbəri AŞPA-da anti-Azərbaycan qüvvələrə tutarlı cavab verib
16:56
26 Aprel
Sabah Bakıda Formula 1 Azərbaycan Qran-Prisi başlayır
16:40
26 Aprel
Yanvar-mart aylarında 28 min nəfərin su təchizatı fasiləsiz rejimə keçirilib
16:33
26 Aprel
AŞPA fəaliyyətində vaxtilə əsaslandığı qaydalara və prinsiplərə əməl etmir
16:26
26 Aprel
Musa Qasımlı: Azərbaycan-Türkiyə birliyinin böyük gələcəyi var
16:18
26 Aprel
Azərbaycan deputatı: "Korrupsiya hesabatı"nın əsas hədəfi bəzi ölkələri qaralamaqdır
15:41
26 Aprel
Formula-1 Azərbaycan Qran-Prisi öncəsi pit-yolu gəzintisi təşkil olunub
15:34
26 Aprel
Hikmət Babaoğlu: Türkiyə-Azərbaycan əməkdaşlığı regionun gələcəyi üçün olduqca faydalı perspektivlər yaradır
15:32
26 Aprel
YAP-ın gələcəyi gənclərə məxsusdur
15:23
26 Aprel
Yeni Baş nazir: ziyalı, sədaqətli, məsuliyyətli və peşəkar
15:11
26 Aprel
OPEC-in baş katibi Məhəmməd Barkindo Azərbaycana gələcək
15:05
26 Aprel
Fernando Alonso: "Bakı Şəhər Halqası F1 pilotları arasında öz rəğbətini qazanıb"
14:59
26 Aprel
Azərbaycan Prezidenti İlham Əliyevin Böyük Britaniyanın ticarət və ixracın təşviqi üzrə dövlət naziri ilə görüşü olub
14:56
26 Aprel
Nazir müavini: " Azərbaycan məhsullarına həm Gürcüstanda, həm də dünyada böyük maraq var”
14:55
26 Aprel
Cavid Osmanov: Kənd yollarının inşası turizmin, aqrar sektorun inkişafına, əhalinin sosial rifahının yaxşılaşmasına xidmət edir
14:51
26 Aprel
Azərbaycan Prezidenti İlham Əliyev Böyük Britaniyanın Avropa və Amerika məsələləri üzrə dövlət naziri ilə görüşüb
14:46
26 Aprel
Prezident İlham Əliyev Britaniya parlamentinin bir qrup üzvü ilə görüşüb
14:45
26 Aprel
Akademik Zərifə Əliyeva oftalmologiya elminə misilsiz töhfələr verib
14:43
26 Aprel
Milli QHT Forumu 11 aprel prezident seçkilərinin müşahidə edilməsi ilə əlaqədar yekun hesabatını açıqlayıb
14:40
26 Aprel
Azərbaycan Xalq Cümhuriyyətinin təhsil sahəsində ən mühüm tədbirlərindən biri məktəblərin milliləşdirilməsi olub
14:38
26 Aprel
Azərbaycan Prezidenti İlham Əliyevin Böyük Britaniyaya səfəri
14:35
26 Aprel
Multikulturalizm Mərkəzi Hindistanda Azərbaycan Xalq Cümhuriyyətinin 100 illiyinə həsr edilən tədbir keçirib
14:33
26 Aprel
Buxarestdə Avropa Xəbər Agentlikləri Alyansının növbəti konfransı keçirilir
14:23
26 Aprel
"İxtiraçılıq sahəsində nailiyyətlərə görə V Respublika Müsabiqəsi"nə 73 ixtira patenti təqdim olunub
14:21
26 Aprel
Nizami rayonunda akademik Zərifə xanım Əliyevanın əziz xatirəsi anılıb
14:00
26 Aprel
Elçin Əhmədov: Azərbaycan-Türkiyə dostluğu, həmrəyliyi və strateji tərəfdaşlığı bütün dünya üçün nümunədir
13:54
26 Aprel
Kərim Tahirov: Bu gün Mir Cəlal Paşayevin əsərləri dünyanın 50-dək kitabxanasında qorunur
12:49
26 Aprel
Bakı Slavyan Universitetində tələbə və magistrantların respublika elmi-praktik konfransı keçirilir
12:31
26 Aprel
Məlahət İbrahimqızı: Zərifə xanım Əliyevanın əziz xatirəsi daim Azərbaycan xalqının qəlbində yaşayacaq
12:20
26 Aprel
“XX əsrdə türk-müsəlman xalqlarına qarşı soyqırımları” mövzusunda V Beynəlxalq elmi konfrans işə başlayıb
12:01
26 Aprel
Naxçıvanda icbari sığortalar sahəsində görülmüş işlər müzakirə olunub
11:58
26 Aprel
Son 14 ildə Azərbaycanda 30 elektrik stansiyası tikilib
11:51
26 Aprel
Tom Kristensen F1 Azərbaycan Qran-Prisinin üçüncü stüard hakimidir
11:50
26 Aprel
Xarici turistlər qaxlı sənətkarın hazırladığı milli suvenirlərə böyük maraq göstərirlər
11:45
26 Aprel
Bakıda IV Azərbaycan-alman-türk tibb konqresi keçirilir
11:40
26 Aprel
İsveçin ən məşhur tabloidlərindən biri Formula 1 Azərbaycan Qran-Prisindən yazır
11:34
26 Aprel
BANM Qazaxıstan-Britaniya Texniki Universiteti ilə memorandum imzaladı
11:32
26 Aprel
Millət vəkili: Azərbaycan inkişafa, Ermənistan isə məhvə gedir
10:40
26 Aprel
"Azərbaycan Türkiyə münasibətləri bundan sonra daha da möhkəmlənəcək"
10:36
26 Aprel
Ramiz Mehdiyev Rusiyanın "Şərəf" ordeni ilə təltif olunub
10:02
26 Aprel
Bu gün görkəmli yazıçı, böyük alim Mir Cəlal Paşayevin anadan olmasından 110 il keçir
10:01
26 Aprel
Cəbhə xəttində erməni silahlı qüvvələrinin təxribatı davam edir
09:56
26 Aprel
ABŞ Konqresində Azərbaycanın siyasəti təqdir olunub
09:35
26 Aprel
Sahibə Qafarova: İşğal altındakı şəhər və kəndlərimizin adlarının dəyişdirilməsi beynəlxalq hüquqa ziddir
09:30
26 Aprel
Elşad Həsənov: məcburi köçkünlərin əsas humanitar ehtiyacları doğma yurdlarına qayıtmaqdır
21:17
25 Aprel
İlham Əliyev: "Türkiyə-Azərbaycan qardaşlığının, dostluğunun çox böyük gələcəyi var"
21:16
25 Aprel
Ərdoğan: “Qarabağ münaqişəsi beynəlxalq hüquq prinsipləri çərçivəsində həll olunmalıdır”
21:15
25 Aprel
Ərdoğan Əliyevə söz verdi: 24 iyundan sonra...
21:13
25 Aprel
İlham Əliyev: "Bizim həyata keçirdiyimiz layihələr sabitliyi və təhlükəsizliyi möhkəmləndirir"
21:12
25 Aprel
Ərdoğanın sayəsində Türkiyə artıq böyük gücdür - Prezident
21:11
25 Aprel
İlham Əliyevlə Ərdoğanın görüşündə ilk yaşandı
21:08
25 Aprel
İlham Əliyev: "Türkiyə Qarabağ münaqişəsinin həllində Azərbaycanla bir yerdədir”
21:06
25 Aprel
"Bizim həyata keçirdiyimiz layihələr sabitliyi və təhlükəsizliyi möhkəmləndirir"
21:04
25 Aprel
“Qoy, düşmən ayaqları altında torpaqlarımızın necə yandığını hiss etsin”
21:02
25 Aprel
Prezident: "Türkiyə və Azərbaycan dünyada bir birinə ən yaxın olan ölkələrdir"
21:01
25 Aprel
Bryansk şəhərində "Birlikdə əldə edilmiş Böyük Qələbə" adlı Forum keçirilir
20:59
25 Aprel
"Dağlıq Qarabağ münaqişəsinin həllində Türkiyə qədər Azərbaycana dəstək verən ölkə olmayıb"
20:58
25 Aprel
Deputat: “Tanrı bu birliyi və birgəliyi əbədi etsin!"
20:56
25 Aprel
İlham Əliyev: Türkiyə və Azərbaycan dünya miqyasında bir-birinə ən yaxın ölkələrdir"
20:54
25 Aprel
“Prezidentin səfəri Azərbaycan-Türkiyə birliyini daha da möhkəmləndirəcək”
20:53
25 Aprel
Türkiyə KİV-ləri Prezident İlham Əliyevin Ankaraya səfərini geniş işıqlandırır

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
HAVA HAQQINDA