Ana səhifə »  İqtisadiyyat »  Xəzər hövzəsi regionunda həyata keçirilən qlobal layihələr yeni əməkdaşlıq platformaları yaradıb
A+   Yenilə  A-
Xəzər hövzəsi regionunda həyata keçirilən qlobal layihələr yeni əməkdaşlıq platformaları yaradıb

Prezident İlham Əliyev: Biz şadıq ki, Türkmənistan nefti Bakı-Tbilisi-Ceyhan boru kəməri ilə nəql edilərək əməkdaşlığımızı möhkəmləndirir
Sıx ikitərəfli münasibətlər quran Azərbaycan və Türkmənistan, eyni zamanda, regional və qlobal əhəmiyyət daşıyan bir çox məsələlərdə də oxşar mövqelərdən çıxış edirlər. Hər iki ölkənin çoxtərəfli platformada daim bir-birinə dəstək nümayiş etdirmələri yaxşı nümunədir. Azərbaycan və Türkmənistan BMT, İƏT, MDB, Qoşulmama Hərəkatı və digər beynəlxalq qurumlar çərçivəsində bir qayda olaraq konstruktiv mövqe ortaya qoyurlar.
Müstəqillik illərində özlərinin iqtisadi-maliyyə imkanlarını əhəmiyyətli dərəcədə genişləndirən Azərbaycan və Türkmənistan, həmçinin Xəzər hövzəsi regionunda böyük regional və qlobal əhəmiyyət daşıyan transmilli layihələrin həyata keçirilməsinə sanballı töhfələr verirlər. Bu baxımdan iki qardaş ölkənin bir sıra transmilli enerji və nəqliyyat layihələrində səylərini əlaqələndirmələri xüsusi önəm daşıyır. Xəzər hövzəsi regionunun iki mühüm dövlətinin enerji və nəqliyyat sahələrində fəaliyyətlərini bir-biri ilə uzlaşdırmaları regional əməkdaşlığın və təhlükəsizliyin möhkəmlənməsi üçün yeni imkanlar açıb.
Azərbaycan və Türkmənistan regionun nəqliyyat-tranzit imkanlarını artırmaq üçün öz fəaliyyətlərini bir-biri ilə əlaqələndirirlər
Azərbaycanla Türkmənistan arasında iqtisadi əməkdaşlığın gündəliyində nəqliyyat sektoru xüsusi yer tutur. Bu da ölkələrimizin əlverişli coğrafi mövqedə yerləşmələri ilə əlaqədardır. Qədim İpək Yolunun üzərində yerləşən hər iki ölkə Avropa ilə Asiya arasında Orta Dəhlizin vacib seqmentlərini təşkil edirlər və həm Şərq-Qərb, həm də Şimal-Cənub marşrutlarından bəhrələnmək imkanlarına malikdirlər. Azərbaycan və Türkmənistan bundan yararlanmaqla regionda geniş əməkdaşlıq platformaları yaratmaq və əlbəttə ki, özlərinin qeyri-neft sektoru üzrə gəlirlərini artırmaq istəyirlər. Hər iki ölkə geniş potensiallarına əsaslanaraq regionda bəhs olunan dəhlizlərin funksionallığının artırılmasına, taariflərin optimallaşdırılmasına, təhlükəsizliyin təmin olunmasına böyük siyasi iradə göstərirlər. İndiyədək həm Azərbaycan, həm də Türkmənistan qeyd olunan məsələlərlə bağlı mükəmməl hüquqi bazanın yaradılmasını hədəfləyən çoxsaylı sənədlər qəbul ediblər. Qeyd edək ki, Azərbaycan Prezidentinin Türkmənistana səfəri çərçivəsində ancaq nəqliyyat sektoruna aid səkkiz sənəd imzalanıb. Həmçinin Türkmənistan Prezidenti Qurbanqulu Berdiməhəmmədovun bu günlərdə respublikamıza baş tutan rəsmi səfəri çərçivəsində “Azərbaycan Respublikasının Nəqliyyat, Rabitə və Yüksək Texnologiyalar Nazirliyi yanında Dövlət Mülki Aviasiya Agentliyi ilə Türkmənistanın “Türkmənhavayolları” Agentliyi arasında Protokol”, “2008-ci il 19 may tarixli Azərbaycan Respublikası Hökuməti ilə Türkmənistan Hökuməti arasında beynəlxalq avtomobil əlaqələri haqqında Sazişə əlavə və dəyişikliklərin edilməsi haqqında Protokol” imzalanıb. Azərbaycan Respublikası Hökuməti ilə Türkmənistan Hökuməti arasında 2019-2021-ci illər üçün ticarət-iqtisadi Əməkdaşlıq Proqramında da iki ölkə arasında nəqliyyat sahəsində əməkdaşlığa dair müddəalar öz əksini tapıb. Sənəddə vurğulanıb ki, tərəflər dəmir yolu, avtomobil yolu, dəniz və hava əlaqəsi sahəsində qarşılıqlı faydalı əməkdaşlığı inkişaf etdirir, milli daşıyıcıların fəaliyyəti və iki dövlətin mövcüd tranzit potensialından və infrastrukturundan səmərəli istifadə edilməsi üçün əlverişli şərait yaradırlar. Proqramda nəqliyyat sahəsində beynəlxalq sahəvi təşkilatlar çərçivəsində aktiv qarşılıqlı fəaliyyət göstərilməsinin, kommunikasiya və rabitə sahəsində birgə layihələrin həyata keçirilməsinə yardım göstərilməsinin zəruriliyi xüsusi qeyd olunub.
Azərbaycan və Türkmənistan regionun nəqliyyat-loqistik imkanlarının genişləndirilməsinə hesablanan hüquqi bazanı möhkəmlətməklə yanaşı, praktiki müstəvidə də birgə çalışmalar həyata keçirirlər və mövcud infrastrukturun modernləşdirilməsini davamlı olaraq diqqət mərkəzində saxlayırlar. Prezident İlham Əliyev Türkmənistanın dövlət başçısı Qurbanqulu Berdiməhəmmədovun bu günlərdə respublikamıza səfəri çərçivəsində mətbuata verdiyi Bəyanatında bu amilə diqqət çəkərək vurğulayıb: “Həm Türkmənistanda, həm də Azərbaycanda nəqliyyat infrastrukturuna çox böyük diqqət yetirildiyini nəzərə alaraq, biz bu infrastrukturun modernləşdirilməsi yolunda praktiki olaraq paralel addımlayırıq”.
Həm Azərbaycan, həm də Türkmənistan öz ərazilərində beynəlxalq əhəmiyyət daşıyan magistralların müasir standartlar səviyyəsində yenidən qurulması istiqamətində böyük iş həcmi yerinə yetiriblər. Son 16 ildə Azərbaycanda təxminən 16 min kilometr avtomobil yolu tikilib, 443 körpü istifadəyə verilib. Bu gün Azərbaycanın çox böyük yük təyyarəsi parkı var. Ölkə ərazisi o qədər böyük olmasa da, respublikamız yeddi beynəlxalq hava limanına malikdir və bunların hər biri işlək vəziyyətdədir. Hava limanlarının altısında beynəlxalq uçuşlar da həyata keçirilir. Respublikamız Xəzərdə ən güclü dəniz donanması qurub - 260 gəmidən ibarət donanma Xəzərdə yükdaşımaların təşkili üçün xüsusi rol oynayır. Oxşar layihələr həmçinin Türkmənistanda reallaşdırılır. Qazaxıstan-Türkmənistan-İran dəmir yolunun istismara verilməsi, Asiya bazarlarına çıxmaq üçün Aşqabad avtobanının tikintisi və digər layihələr buna misaldır.
Bütövlükdə, iki dost dövlət Əfqanıstan-Türkmənistan-Azərbaycan-Gürcüstan-Türkiyə nəqliyyat və ticarət dəhlizinin yaradılmasını nəzərdə tutan Lapis Lazuli marşrutunun, eləcə də Xəzər dənizi-Qara dəniz beynəlxalq nəqliyyat dəhlizinin yaradılmasına böyük töhfələr veriblər. Hər iki ölkənin Xəzər sahillərində böyük yükaşırma imkanlarına malik limanlar inşa etməsi regional və qlobal əməkdaşlığın dərinləşməsi baxımından böyük əhəmiyyət daşıyır. Azərbaycanın Ələtdə yaratdığı Bakı Beynəlxalq Dəniz Ticarət Limanı Kompleksi Xəzərdə beynəlxalq daşımalar üçün yeni imkanlar açıb. Liman 400 hektar ərazini əhatə edir və 12 yanalma körpüsünə malikdir. Limanın yükaşırma qabiliyyəti 15 milyon tondur. Tranzit yüklərin həcmi artarsa, qısa müddət ərzində limanın yükaşırma imkanları 25 milyon tona çatdırıla bilər. Türkmənistanın Xəzər sahilində inşa etdiyi limanda isə ildə 20 mln. ton yükün qəbul edilməsi və emalı üçün bütün şərait yaradılıb. Burada neft tankerlərindən yük gəmilərinə qədər bütün növ gəmilər qəbul olunur. Prezident İlham Əliyev bildirib ki, iki ölkənin əsas limanları əlaqələndirilmiş şəkildə fəaliyyət göstərir. “Bu gün bizim əsas limanlarımız əlaqələndirilmiş, uzlaşdırılmış şəkildə işləyir və ərazilərimizdən keçən yükləri artırmağa imkan verir. Biz digər ölkələrə də öz tranzit potensialımızı təqdim edirik. Hesab edirəm ki, bu gün biz həmin potensialın möhkəmləndirilməsi barədə mühüm qərar qəbul etmişik. İnfrastruktur imkanlarının təmin edilməsi və yük axınının artırılmasına şərait yaradılması üçün əlavə tədbirlər görüləcək”, - deyə dövlətimizin başçısı vurğulayıb.
Azərbaycan və Türkmənistan üzərindən keçməklə Avropa ilə Asiya arasında ən qısa bağlantı yaradan Orta Dəhlizin funksionallığının artırılması baxımından respublikamızın moderatorluğu ilə inşa olunan Bakı-Tbilisi-Qars (BTQ) dəmir yolu xüsusi önəm daşıyır. 2017-ci ildə tamamlanan BTQ-nin tikilməsi ilə respublikamız nəinki Şərq istiqamətindən, eyni zamanda, Cənub və Şimal istiqamətlərindən də bu yola yükləri cəlb edə bilib. Mütəxəssislər çox doğru olaraq BTC-ni Çin-Qazaxıstan-Xəzər-Azərbaycan-Gürcüstan-Türkiyə yolu kimi səciyyələndirirlər. Eyni zamanda, Türkmənistandan da BTC vasitəsilə yüklərin daşınmasına başlanıb.
Transmilli enerji layihələrində uzunmüddətli əməkdaşlıq yaxşı nəticələr verir
Azərbaycanla Türkmənistan enerji sektorunda fəal əməkdaşlıq edirlər ki, bu da təbiidir. Xəzər sahillərində yerləşən hər iki ölkə zəngin karbohidrogen ehtiyatlarına malikdir. Qardaş ölkələrin enerji siyasəti üst-üstə düşür. Belə ki, həm Azərbaycan, həm də Türkmənistan sabit neft-qaz təchizatçısı ölkələridir, o mövqedən çıxış edirlər ki, enerji amili heç bir halda istehsalçılar və istehlakçılar üçün təzyiq vasitəsinə çevrilməməlidir, bu sahədə əməkdaşlıq insanların rifahına və regionların çiçəklənməsinə xidmət göstərməlidir. Qeyd edək ki, iki ölkənin enerji sektorunda əməkdaşlığı uzunmüddətli xarakter daşıyır. Artıq ortada yaxşı nəticələr var. Hazırda Türkmənistan Azərbaycanın fəal təşəbbüsləri ilə yaradılan şaxələndirilmiş enerji marşrutlarından istifadə edir. İki ölkə arasında enerji sektorunda qarşılıqlı əməkdaşlığın dərinləşməsi baxımından Bakı-Tbilisi-Ceyhan əsas ixrac boru kəmərinin rolunu xüsusi vurğulaya bilərik. 2002-ci ildə Azərbaycan xalqının Ümummilli Lideri Heydər Əliyevin davamlı səyləri nəticəsində “Əsrin müqaviləsi”ndə nəzərdə tutulan, lakin çoxlarının əfsanə və ya kağız üzərində kəmər hesab etdiyi əsas neft kəmərinin - Bakı-Tbilisi-Ceyhanın təməli qoyulub. Qlobal əhəmiyyət kəsb edən kəmər Azərbaycanın enerji dəhlizinə çevrilməsi istiqamətində mühüm addım idi. 2005-ci il mayın 25-də Azərbaycan Respublikasının Prezidenti İlham Əliyevin iştirakı ilə Bakı-Tbilisi-Ceyhan neft kəmərinin açılış mərasimi keçirilib, 2006-cı ildə Türkiyənin Ceyhan limanından Azərbaycan neftinin nəqlinə başlanılıb. Hazırda bu kəmər yalnız Azərbaycan neftinin daşınmasına xidmət etmir, qonşu dövlətlər, o cümlədən də Türkmənistan da bu ixrac marşrutundan bəhrələnirlər. Qonşu dövlətlərin Azərbaycanın şaxələndirilmiş nəql marşrutlarından istifadə etmələri çoxtərəfli regional əməkdaşlıq üçün yaxşı perspektivlər açır. Prezident İlham Əliyev 2018-ci ilin noyabr ayında Türkmənistana səfəri çərçivəsində dost ölkənin dövlət başçısı Qurbanqulu Berdiməhəmmədovla nümayəndə heyətlərinin iştirakı ilə geniş tərkibdə keçirilən görüşdə Azərbaycanın dost dövlət üçün özünün tranzit imkanlarını təqdim etməsindən məmnunluğunu bildirərək deyib: “Həm Türkmənistan, həm də Azərbaycan böyük təbii ehtiyatlara malik ölkələrdir. Əlbəttə ki, ölkələrimiz arasında energetika sahəsində əməkdaşlıq təbiidir. Azərbaycan Türkmənistanın enerji ehtiyatları üçün tranzit imkanlar təqdim edir. Biz şadıq ki, Türkmənistan nefti Bakı-Tbilisi-Ceyhan boru kəməri ilə nəql edilərək əməkdaşlığımızı möhkəmləndirir”.
Şübhə yoxdur ki, yenə də Azərbaycanın təşəbbüsü ilə həyata vəsiqə qazanan Cənub Qaz Dəhlizi çərçivəsində əməkdaşlıq iki ölkənin münasibətlərini daha yaksək pilləyə qaldıracaq. Azərbaycanın zəngin “Şahdəniz” yatağının ehtiyatlarının işlənməsinə və Avropanın mərkəzi ölkələrinə çatdırılmasına hesablanan Cənub Qaz Dəhlizi regional və qlobal əməkdaşlıq layihəsidir. Azərbaycan, Gürcüstan, Türkiyə, Yunanıstan, Bolqarıstan, Albaniya, İtaliyada Cənub Qaz Dəhlizinə üzv dövlətlərdir. Bundan başqa, artıq Xorvatiya, Monteneqro, Bosniya və Herseqovina ilə anlaşma memorandumları imzalanıb. Cənub Qaz Dəhlizi Məşvərət Şurası çərçivəsində nazirlərin toplantılarına Macarıstan, Rumıniya, Serbiya, San-Marino və Türkmənistandan olan nümayəndələrin də qatılması bu layihəyə maraq göstərən dövlətlərin sayının getdikcə artığını təsdiqləyir.
Mübariz ABDULLAYEV

 
  • Oxunub:  2610  |  
  • Tarix:  14-03-2020  |  
  •    Çap et   |  

Qəzetin son buraxılışı

Prezident İlham Əliyev: Azərbaycan 600 min işçini, o cümlədən fərdi sahibkarı dövlət hesabına maliyyələşdirəcək

10 Aprel 20:36
Prezident: Azərbaycan aparılan testlərin sayına görə dünyada 30-cu yerdədir
10 Aprel 20:34
Deputat: Təklif edilən paket postkoronavirus dövründə sahibkarların dövlət tərəfindən dəstəklənməsini nəzərdə tutur
10 Aprel 20:31
Azərbaycanda koronavirusa daha 65 nəfər yoluxub, 58 nəfər sağalaraq evə buraxılıb
10 Aprel 20:27
Azərbaycanda koronavirus pandemiyasının yaratdığı sosial-iqtisadi problemlərin həlli üçün 2,5 milyard manat vəsait ayrılıb
10 Aprel 20:22
Prezident: Mövcud qlobal pandemiya şəraitində Türk Şurası digər beynəlxalq təşkilatlarla əməkdaşlığa hazırdır
10 Aprel 20:18
Azərbaycan və Rusiya ombudsmanlarının onlayn görüşü olub
10 Aprel 18:28
ÜST-ün baş direktoru Azərbaycan hökumətinə və xalqına verdikləri töhfəyə görə təşəkkür edib
10 Aprel 18:13
Prezident İlham Əliyev: Türk Şurası ilk beynəlxalq təşkilatdır ki, COVID-19 pandemiyasına həsr olunmuş Zirvə görüşünü keçirir
10 Aprel 18:04
Yevlax: koronavirus pandemiyasına qarşı dezinfeksiya işləri davam etdirilir
10 Aprel 18:02
Maliyyə dəstəyi ilə bağlı qurumlararası məsələlərin əlaqələndirilməsi üzrə İqtisadiyyat Nazirliyində İşçi Qrup yaradılıb
10 Aprel 17:57
Prezident İlham Əliyev: Koronavirus xəstələri 20-dən çox dövlət xəstəxanasında müalicə olunurlar
10 Aprel 17:54
Milli Məclisin Gənclər və idman komitəsi insanları qanvermə aksiyasına qoşulmağa dəvət edir
10 Aprel 17:35
Prezident İlham Əliyevin təşəbbüsü ilə Türk Şurasının videokonfrans vasitəsilə fövqəladə Zirvə görüşü keçirilib
10 Aprel 17:26
Prezident: Ümumdünya Səhiyyə Təşkilatı Azərbaycanı pandemiyaya qarşı görülmüş tədbirlərə görə nümunəvi ölkə kimi dəyərləndirib
10 Aprel 17:18
Prezident İlham Əliyev: Koronavirus pandemiyası qlobal təhlükə olduğu üçün qlobal cavab tələb edir
10 Aprel 16:59
Azərbaycanın işğal olunmuş Dağlıq Qarabağ regionunda keçirilmiş qondarma “seçkilər” beynəlxalq ictimaiyyət tərəfindən qətiyyətlə pisləndi
10 Aprel 16:43
Elman Nəsirov: Azərbaycanda “5-ci kolon” milli xəyanətin klassik nümunəsidir
10 Aprel 16:33
YAP könüllüləri və ƏƏSMN-nin əməkdaşları tənha və ahıl vətəndaşlara müntəzəm olaraq sosial xidmət göstərirlər
10 Aprel 15:26
Gürcüstanda xüsusi karantin rejimində olan soydaşlarımıza ərzaq yardımı edilib
10 Aprel 15:20
Anar Məmmədov: Azərbaycan Hökuməti 2019-cu ildə qarşıda duran bütün vəzifələri uğurla icra edib
10 Aprel 15:15
Eldəniz Səlimov: Əfv, amnistiya, insanların səhvlərinin və xətalarının bağışlanılması Azərbaycan dövlətinin siyasətinin əsas tərkib hissəsidir
10 Aprel 14:48
Deputat: Bütün dünyanın koronavirusla mübarizə apardığı bir vaxtda bəzi qüvvələr Azərbaycanda gərginlik yaratmağa çalışırlar
10 Aprel 14:32
Emin Hacıyev: Xalq-iqtidar birliyi Azərbaycanın sabitliyinin, inkişafının qarantıdır
10 Aprel 14:19
Azərbaycan “Quru limanlar haqqında” Hökumətlərarası Sazişə qoşulub
10 Aprel 14:12
Kamran Bayramov: “Beşinci kolon” öz çirkli siyasi oyunlarını insanlarımızın taleyindən üstün tutduğunu aydın göstərir
10 Aprel 13:00
Cavid Osmanov: Radikal müxalifətin cəmiyyətimizdə heç bir dayağı yoxdur və bundan sonra da olmayacaq
10 Aprel 12:50
Sevinc Hüseynova: Azərbaycan hökuməti ötən il ərzində səmərəli fəaliyyət göstərib
10 Aprel 12:47
Milli Məclisin növbəti plenar iclası aprelin 17-də keçiriləcək
10 Aprel 12:44
Əfv Sərəncamı Azərbaycan dövlətinin humanizm siyasətinin daha bir nümunəsidir
10 Aprel 12:31
Prezident İlham Əliyev: Azərbaycan 600 min işçini, o cümlədən fərdi sahibkarı dövlət hesabına maliyyələşdirəcək
10 Aprel 12:22
Hərbi Hava Qüvvələrinin “MiQ-29” və “Su-25” təyyarələrinin cəlb olunması ilə taktiki-uçuş təlimi keçirilib
10 Aprel 12:00
Evdə qal və muzeylərə onlayn səyahət et!
10 Aprel 11:47
Naxçıvanda “Bərəkət Toxumçuluq” kompleksi istifadəyə verilib
10 Aprel 11:44
Rusiya XİN: Rəsmi Moskva Dağlıq Qarabağı müstəqil dövlət kimi tanımır
10 Aprel 11:35
DYP: Karantin rejimini pozduğuna görə 1359 nəfər məsuliyyətə cəlb edilib
10 Aprel 10:40
Prezident İlham Əliyevə minnətdarlıq məktubları gəlməkdə davam edir
10 Aprel 10:18
Azərbaycan neft bazarının 2022-ci ilədək tənzimlənməsi prosesinə qoşulub
09 Aprel 21:27
Yevlaxda yaşı 65-dən yuxarı olan tənha insanlara və aztəminatlı ailələrə ərzaq sovqatı paylanılıb
09 Aprel 20:10
Könüllülük fəaliyyəti mənəvi dəyərlər üzərində qurulur
09 Aprel 19:40
Maliyyə dəstəyinin göstərilməsi ilə bağlı müraciət qaydaları və vəsaitlərin köçürülməsi mexanizmlərin şərhi
09 Aprel 19:14
Beynəlxalq ictimaiyyət Azərbaycanın işğal olunmuş Dağlıq Qarabağ regionunda keçirilmiş qondarma “seçkilər”i qeyri-qanuni hesab edir
09 Aprel 18:46
Prezidentin Mətbuat Xidmətinin məlumatı
09 Aprel 17:50
“Heydər Əliyev siyasi məktəbini öyrənirik” gənc liderlər proqramının icrasına başlanılıb
09 Aprel 17:46
Dövlət Agentliyindən 8103 SMS icazə sistemindən sui-istifadə halları ilə bağlı xəbərdarlıq
09 Aprel 17:38
“Aşıq Şəmşir” Mədəniyyət Ocağından növbəti aksiya
09 Aprel 17:36
Tərtərdə 470-dən çox aztəminatlı ailəyə, tənha ahıl şəxslərə ərzaq yardımları təqdim olunub
09 Aprel 17:19
DSX-nin rəisi “Qazax” əlahiddə sərhəd diviziyasının hərbi hissə və bölmələrində xidməti-döyüş fəaliyyətinin təşkilini yoxlayıb
09 Aprel 17:08
Vışeqrad Qrupu ölkələrinin Xarici İşlər nazirlərinin Şərq Tərəfdaşlığı üzrə videokonfransı keçirilib
09 Aprel 17:06
Prezident İlham Əliyev: İnsanlar məsuliyyətli olmalıdırlar, özlərini, yaxınlarını, ailə üzvlərini qorumalıdırlar
09 Aprel 16:57
Milli Məclisin Müdafiə, təhlükəsizlik və korrupsiya ilə mübarizə komitəsinin onlayn iclası keçirilib
09 Aprel 16:42
Prezident İlham Əliyev koronavirusla mübarizənin gücləndirilməsi məqsədilə 97 milyon manat ayırıb
09 Aprel 16:24
Azərbaycanda 104 koronavirusa yoluxma faktı qeydə alındı, 1 nəfər öldü, 38 nəfər sağaldı - Operativ Qərargah
09 Aprel 16:17
Koronavirus və digər tənəffüs infeksiyalarından necə qorunmaq lazımdır?
09 Aprel 14:49
Nərimanov rayonunda yaşı 65-dən yuxarı 200 tənha insana ərzaq sovqatı paylanılıb
09 Aprel 14:46
Fuad Muradov: Rəhbərin ən dəyərli sərmayəsi onun komandasıdır
09 Aprel 14:23
Tədbirlər Planı əsasında sosial rifahın dəstəklənməsi istiqaməti üzrə 400 milyon manat vəsait nəzərdə tutulur
09 Aprel 14:13
Nizami rayonunda tənhalara, ahıllara və aztəminatlı ailələrə ərzaq yardımı paylanıb
09 Aprel 13:28
Azərbaycanda hərbi qulluqçuların sosial-məişət şəraitinin yaxşılaşdırılması istiqamətində ardıcıl və məqsədyönlü tədbirlər həyata keçirilir
09 Aprel 13:06
Əli Əsədov: İcbari tibbi sığortaya keçidi Azərbaycanın səhiyyə sahəsində tarixi islahat kimi dəyərləndirmək olar
09 Aprel 12:53
Baş Nazir: Azərbaycan dövlətinin gördüyü bütün tədbirlərin məqsədi xalqın sağlamlığını, ölkəmizin təhlükəsizliyini təmin etməkdir
09 Aprel 12:37
Türk Əməkdaşlıq və Koordinasiya Agentliyi Azərbaycanda iki min ailəyə ərzaq və təmizlik ləvazimatları paylayıb
09 Aprel 12:10
Əli Əsədov: Azərbaycanda koronavirusla mübarizə üçün kifayət qədər tibbi ləvazimat var
09 Aprel 11:53
Baş Nazir: 2019-cu il Azərbaycan üçün köklü islahatlar ili kimi yadda qalıb
09 Aprel 11:39
Milli Məclisdə Nazirlər Kabinetinin 2019-cu ildə fəaliyyəti haqqında hesabatı dinlənilir
09 Aprel 11:23
Milli Məclis Elman Rüstəmovun Mərkəzi Bankın İdarə Heyətinin üzvü vəzifəsinə təyin edilməsinə razılıq verib
09 Aprel 11:18
Sahibə Qafarova: Koronavirusla bağlı bütün tədbirlər dövlət başçısının nəzarətindədir
09 Aprel 11:15
Koronavirusla mübarizədə qətiyyətli addımlarına görə Prezident İlham Əliyevə çoxsaylı minnətdarlıq məktubları ünvanlanır
09 Aprel 11:12
Milli Məclisin növbəti plenar iclası işə başlayıb
09 Aprel 10:53
YAP “Münxendə Tarix və Hüquq Dərsi” adlı kitab hazırlayıb (FOTO)
09 Aprel 10:36
Azərbaycan Texniki Universiteti: 6000 tələbə onlayn dərslərdə iştirak edib

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
HAVA HAQQINDA
Bakı
gündüz+12 +16
gecə+6 +8