Ana səhifə »  KİVDF »  Dövlət proqramlarının uğurlu icrası nəticəsində ölkəmiz sürətlə inkişaf edib
A+   Yenilə  A-
Dövlət proqramlarının uğurlu icrası nəticəsində ölkəmiz sürətlə inkişaf edib

Son 12 il ərzində həyata keçirilən quruculuq-abadlıq işləri şəhər, qəsəbə və kəndlərimizin sosial-iqtisadi inkişafına müsbət təsir göstərib
Son illər öz inkişafına görə fərqlənən, regionun lider dövləti olan Azərbaycan 2015-ci ili də uğurlarla başa vurub. Daha dəqiq desək, Ulu öndər Heydər Əliyev tərəfindən təməli qoyulmuş, Prezident İlham Əliyevin rəhbərliyi ilə davam etdirilən siyasət nəticəsində uğurla inkişaf edən müstəqil Azərbaycan dövlətinin ötən ildə də dinamik inkişafı təmin edilib, beynəlxalq mövqeləri daha da möhkəmlənib, ölkəmizdə iqtisadi və sosial proqramlar müvəffəqiyyətlə icra olunub. Təbii ki, əldə edilən uğurlarda regionların sosial-iqtisadi inkişafına dair Dövlət proqramlarının xüsusi payı var.
Prezident İlham Əliyevin bəyan etdiyi kimi, 2004-cü ildə qəbul edilmiş regionların sosial-iqtisadi inkişafına dair Dövlət Proqramı bütövlükdə tarixi hadisədir və tarixi nailiyyətdir. Bu illər ərzində ölkəmiz sürətlə inkişaf edib, Azərbaycanda geniş infrastruktur layihələri icra edilib. Belə ki, 2004-cü ildən bu günə qədər ölkəmizdə 25 elektrik stansiyası tikilib. Digər tərərfdən, 2004-cü ildə rayonlarda demək olar ki, qaz yox idi. Bu gün Azərbaycanda qazlaşdırma 90 faizə yaxınlaşır, bölgələrdə isə bütün şəhərlər 100 faiz qazlaşdırılıb. Hətta sovet dövründə heç vaxt qaz görməyən yerlərə də qaz xətləri çəkilir.
Eyni zamanda, son 12 il ərzində on min kilometrdən çox yol çəkilib. İçməli su layihələri bir çox şəhərlərdə artıq icra edilib, 24 saat fasiləsiz təmiz, beynəlxalq standartlara, Dünya Səhiyyə Təşkilatının standartlarına uyğun içməli su verilir. Dövlət başçısının bəyan etdiyi kimi, bu layihələr davam edir, davam edəcək. Bütün şəhərlərdə əhaliyə 24 saat fasiləsiz, təmiz içməli su verilməlidir.
Ötən 12 il ərzində sosial sahədə də genişmiqyaslı işlər görülüb. Sosial infrastruktur yaradılıb. Ümumiyyətlə, son 12 il ərzində həyata keçirilən quruculuq-abadlıq işləri şəhər, qəsəbə və kəndlərimizin sosial-iqtisadi inkişafına müsbət təsir göstərib. Bəhs edilən müddətdə üç minə yaxın məktəb, 600-ə yaxın xəstəxana tikilib, təmir edilib. Təkcə bölgələrdə 41 Olimpiya Mərkəzi tikilib. Maaşlar təxminən beş dəfə, pensiyalar yeddi dəfə artıb. 89 köçkün qəsəbəsi tikilib, 225 min insan yeni evlərə, mənzillərə köçürülüb. Digər istiqamətlər üzrə də nəticələr çox müsbətdir.
Yuxarıda qeyd etdiyimiz kimi, son 12 il ərzində əldə edilən uğurların fonunda 2015-ci il də ölkəmiz üçün nailiyyətlərlə yadda qalıb. Belə ki, ötən il ümumi daxili məhsul, sənaye istehsalı və qeyri-neft sənayesi artıb, ölkəyə investisiya qoyuluşunun həcmi yüksəlib, sosial obyektlərin inşası uğurla təmin edilib. Bütün istiqamətlərdə sürətli inkişafın davam etməsi, tikinti-quruculuq və abadlıq işlərinin həyata keçirilməsi əhalinin sosial, mədəni-məişət şəraitinin yüksəlməsinə geniş imkanlar açıb, ölkəmizi regionda lider dövlətə çevirib. Eyni zamanda, ardıcıl olaraq həyata keçirilən layihələr şəhər, qəsəbə və kəndlərimizi gözəlləşdirir ki, bu inkişafı cənub bölgəsinin, o cümlədən Astara rayonunun timsalında da aydın görmək mümkündür.
Hər halda ötən ilin nəticələri belə deməyə əsas verir. Bu nəticələrə keçməzdən öncə qeyd edək ki, rayon üçün 2015-ci ilin ən yaddaqalan hadisələrindən biri Azərbaycan Respublikasının Prezidenti İlham Əliyevin aprelin 11-də Astaraya növbəti səfəri olub. Səfər zamanı dövlətimizin başçısı 12 min nəfər əhalinin yaşadığı və 21 yaşayış məntəqəsini birləşdirən Deqədi-Pəlikəş avtomobil yolunun açılışını edib, müasir tələblər səviyyəsində qurulan, şəhərə xüsusi yaraşıq verən dənizkənarı park-bulvar kompleksi və “Astaraçay” MMC-nin çay emalı fabrikində yaradılan şəraitlə tanış olub, ictimaiyyət nümayəndələri ilə görüşüb. Səfərdən sonra Astara şəhər 2 nömrəli tam orta məktəb binasının əsaslı təmiri, 12 min nəfər əhalinin yaşadığı və 38 yaşayış məntəqəsini birləşdirən Taxtanəkəran-Miki, Taxtanəkəran-Toradi avtomobil yollarının tikintisi ilə bağlı Sərəncam imzalanıb.
Ümumiyyətlə, 2015-ci ildə rayonda tikinti-abadlıq və quruculuq sahəsində xeyli iş görülüb. 360 şagird yerlik Artupa kənd tam orta məktəbinin tikintisi başa çatdırılıb, 860 şagird yerlik Astara şəhər 2 saylı tam orta məktəb binasının əsaslı təmiri, Sım kənd tam orta məktəbi üçün yeni binanın tikintisi davam etdirilir.
Rayon ərazisindəki avtomobil yollarının təmiri, abadlaşdırılması işi də il ərzində davam edib. Hesabat ilində şəhərin prospekt və küçələrində tikinti-abadlıq işləri aparılaraq küvetlər təmizlənib, yol nişanları quraşdırılıb, binaların fasad hissəsi və dam örtüklərində təmir işləri görülüb. Rayon sakinlərini illərdən bəri narahat edən əsas problemlərdən biri şəhər əhalisinin içməli su ilə təminatının olmaması idi. 2015-ci ildə “Azərbaycan Respublikası regionlarının sosial iqtisadi inkişafı Dövlət Proqramı” çərçivəsində Xanbulançay su anbarından Astara şəhərinə içməli su xəttinin çəkilməsi ilə əhalinin narahatçılığına son qoyulacaq. Magistral su xəttinin 8 km hissəsində işlər tamamlanıb, hazırda burada xətt tikintisi davam etdirilir.
Eyni zamanda, ötən il rayonun qaz təchizatının və elektrik xətt təsərrüfatının, həmçinin telekommunikasiya qovşağı tərəfindən əhaliyə göstərilən rabitə xidmətinin yaxşılaşdırılması istiqamətində müvafiq addımlar atılıb.
Rayon İcra Hakimiyyətindən verilən məlumata görə, iqtisadi və sosial inkişafın əsas keyfiyyət göstəricisi olan ümumi məhsul və xidmətlərin həcmi 175 milyon 558 min manata çatıb. Bunun 6,4 faizi sənayedə, 40 faizi kənd təsərrüfatında, 26,4 faizi tikintidə, 25,2 faizi ticarət və nəqliyyat vasitələrinin təmiri üzrə xidmətlər sahəsində, 2 faizi nəqliyyat və anbar təsərrüfatında, 0,4 faizi informasiya və rabitədə olub. Orta hesabla bir nəfərə düşən ümumi məhsul buraxılışının həcmi 1680 manat təşkil edib. İnşaat işlərinin aparılması üçün 2015-ci il ərzində bütün maliyyə mənbələrindən əsas kapitala 48 milyon 827 min manat məbləğində vəsait yönəldilib ki, bunun 95 faizi tikinti-quraşdırma işlərinin yerinə yetirilməsinə sərf edilib. Əvvəlki ilin müvafiq dövrü ilə müqayisədə əsas kapitala yönəldilmiş vəsaitin həcmi 25 faiz artıb. Son illərdə rayonda 7264 iş yeri açılıb, bunun da 6593-ü daimi iş yeridir. İl ərzində rayonda 766 yeni iş yeri açılıb.
Hesabat ilində Əhalinin Sosial Müdafiəsi Mərkəzi tərəfindən 4 min 620 ailə üzvünü əhatə edən 923 ailəyə ünvanlı dövlət sosial yardımı ödənilib. Rayon Məşğulluq Mərkəzində 2015-ci il ərzində 345 nəfər işaxtaran qeyri-məşğul vətəndaş qeydiyyata alınıb, 280 nəfər müxtəlif idarə və müəssisələrdə işlə təmin olunub.
Eyni zamanda, 2015-ci ildə təhsil, səhiyyə və idman sahəsində uğurlar əldə edilib. Məlumat üçün bildirək ki, hesabat ilində rayon əhalisinə göstərilən tibbi xidmətin daha da yaxşılaşdırılması istiqamətində bir sıra tədbirlər həyata keçirilib, rayon Mərkəzi Xəstəxanası yeni tibbi cihaz və avadanlıqlarla təmin edilib. Kijəbə qəsəbə sahə xəstəxanasının təmiri başa çatdırılıb, Pensər kənd sahə xəstəxanasının təmiri davam etdirilir.
Turizm potensialına malik olan rayonda son illər ərzində görülən işlər nəticəsində bu sahənin inkişafı üçün geniş imkanlar açılıb. Rayonun uzaq dağ kəndləri yollarının asfaltlaşdırılması ilə tarixi, mədəni, təbiət abidələri ilə zəngin olan bu ucqar kəndlərə turistlərin axını başlanıb. Eyni zamanda, dəniz sahilində müasir tələblərə cavab verən park-bulvar tikilib ki, bu da rayona gələn turistlərin daha yaxşı istirahətinə əlavə imkanlar yaradır.
Verilən məlumata görə, 2015-ci il - “Kənd təsərrüfatı ili” ilə əlaqədar rayonda aqrar sahənin inkişafına diqqət artırılıb. Belə ki, rayonda sahibkarlığın inkişaf etdirilməsi məqsədilə fermer təsərrüfatlarına və fiziki şəxslərə Sahibkarlığa Kömək Milli Fondu tərəfindən 253 min manat dəyərində güzəştli kreditlər verilib. 765 nəfər kənd təsərrüfatı məhsulları istehsalçılarına ümumilikdə 105 min manat subsidiya verilib, fermer təsərrüfatlarına və fiziki şəxslərə 501 ton mineral gübrə güzəştli şərtlərlə satılıb.
Bununla yanaşı, rayonda yaradılmış çayçılıq təsərrüfatlarının ərazisi genişləndirilərək 343 hektara çatdırılıb, heyvandarlığın və çəltikçiliyin inkişafı üçün də müəyyən işlər görülüb, aqrar sektorun su ilə təminatı istiqamətində müvafiq addımlar atlıb. İl ərzində ümumilikdə rayon ərazisində 115 min 900 paqonometr suvarma və suötürücü kanallar, 4500 paqonometr Kollektor-Drenaj şəbəkəsi lildən təmizlənib. Rayonun Rudəkənar yaşayış məntəqəsində subartezian quyusunun qazılması başa çatdırılıb, Artupa və Maşxan kəndlərində quyuların qazılması işləri davam etdirilir.
Onu da vurğulamaq yerinə düşər ki, 2015-ci ili uğurla başa vuran rayonun gələcək sosial-iqtisadi inkişafı, tikinti-quruculuq və abadlıq işlərinin davam etdirilməsi məqsədilə vacib olan məsələlər də gündəmdədir. Rayon İcra Hakimiyyətindən verilən məlumatda deyilir ki, ilk növbədə rayon əhalisinin içməli su təminatı, Tüləküvan-Qəcimardə-Təngərüd yolunun əsaslı təmiri, qazlaşmayan kəndlərin qazlaşdırılması, Astara və Pensər çaylarında sahilbərkitmə işlərinin görülməsi, mövcud suötürücü kanalların vaxtında təmizlənməsi, əkin sahələrinin suvarılmasının tam təmin edilməsi, rayonun elektrik təsərrüfatının yenidən qurulması işinin davam etdirilməsi əsas məsələlərdəndir. Əlverişli təbii şəraiti olan rayonda sosial layihələrin icrası ilə turizmin inkişafı üçün geniş imkanlar yaranıb və 2016-cı ildə iş adamlarının bu sektora diqqət ayırmaları, investisiya yatırmaları, həmçinin rayonda sitrusçuluq, çayçılıq, tərəvəzçilik, çəltikçilik və yerli iqlim şəraitinə uyğun digər məhsulların istehsalının artırılması da qarşıda duran vacib məsələlərdəndir.
Nadir AZƏRİ

 
  • Oxunub:  11250  |  
  • Tarix:  25-02-2016  |  
  •    Çap et   |  
Get Adobe Flash player
Azərbaycan iqtisadi və siyasi cəhətdən tam müstəqil ölkədir

20 Aprel 18:49
Milli Məclisin deputatı Ukraynada bir sıra görüşlərdə iştirak edib
20 Aprel 18:48
Elektron Xidmətlərin Təşviqi üzrə İctimai Şuranın növbəti toplantısı keçirilib
20 Aprel 18:19
Aşıq sənətinin UNESCO-nun Qeyri-Maddi Mədəni İrs Siyahısına daxil olmasının 10 illiyi ilə bağlı tədbir keçirilib
20 Aprel 18:15
Balaxanı Tullantıların Zərərsizləşdirilməsi Poliqonunda indiyədək 12 mindən artıq ağac əkilib
20 Aprel 18:00
“Heydər Əliyev siyasi məktəbini öyrənirik” gənc liderlər proqramının icrasına başlanılıb
20 Aprel 17:55
Qobustan qoruğunda “açıq qapı” günü təşkil olunub
20 Aprel 17:53
“Olimpsport” jurnalının fəaliyyətə başlamasının 10 illik yubileyi qeyd olunub
20 Aprel 17:47
Rəşid Behbudov adına Azərbaycan Dövlət Mahnı Teatrında “Kitabın işığın olsun” adlı tədbir keçirilib
20 Aprel 17:44
Milli Məclisin deputatı sağlam qidalanma ilə bağlı regional simpoziumda iştirak edəcək
20 Aprel 17:40
Bəstəkarlıq təhsili almış ilk azərbaycanlı qadın Ədilə Hüseynzadəyə həsr edilən kitabın təqdimatı olub
20 Aprel 17:36
Brüsseldə NATO Parlament Assambleyasının 100-cü Rouz-Rout seminarı keçiriləcək
20 Aprel 17:33
Seçenov Universitetinin Bakı filialında “Açıq qapı” günü keçirilib
20 Aprel 17:30
Gömrük sistemində həyata keçirilən islahatlarla bağlı məlumat verilib
20 Aprel 16:27
Erl Litzenberqer: Amerikada təhsil alan azərbaycanlı tələbələrin sayının ildən-ilə artmasından qürur duyuruq
20 Aprel 16:19
YAP-ın təşkilatçılığı ilə Şəki şəhərində “Uğurlu sosial siyasətin yeni hədəfləri” mövzusunda regional müşavirə keçirilib
20 Aprel 15:54
Baş nazirin müavini Əli Əhmədov: Prezident İlham Əliyevin həyata keçirdiyi siyasətin əsas qayəsini insanların rifahının yaxşılaşdırılması təşkil edir
20 Aprel 15:25
Səfir: ABŞ Azərbaycanda aparılan islahatları dəstəkləyirik
20 Aprel 15:03
Əli Əhmədov: Azərbaycanda mövcud olan sabitlik insanların həyatı üçün böyük sərvətdir
20 Aprel 14:33
Türkiyə universitetləri ilə əməkdaşlıq Azərbaycanın inklüziv inkişafı barədə elmi ictimaiyyəti məlumatlandırmağa geniş imkanlar yaradır
20 Aprel 14:20
Professor Akkan Suver: Elmira Axundovanın əsərləri ulu öndər Heydər Əliyev ideyalarını dərindən mənimsəmək üçün əsaslı vəsaitdir
20 Aprel 14:19
Daxili işlər nazirinin birinci müavini Qubada vətəndaşların qəbulunu keçirib
20 Aprel 14:11
YAP-ın təşkilatçılığı ilə Şəkidə “Uğurlu sosial siyasətin yeni hədəfləri” mövzusunda müşavirə keçirilir
20 Aprel 14:06
Azərbaycan-Fransız Universitetinin gələcək superkompüterinin təqdimatı olub
20 Aprel 14:02
Dini Qurumlarla İş üzrə Dövlət Komitəsinin nümayəndələri əsgərlərlə görüşüblər
20 Aprel 13:53
Rauf Əliyev: Qarşıda duran bütün vəzifələr müvəffəqiyyətlə həyata keçiriləcək
20 Aprel 13:45
Baş nazirin müavini Əli Əhmədov Şəki şəhərində Ümummilli Lider Heydər Əliyevin abidəsini ziyarət edib
20 Aprel 13:17
Hikmət Babaoğlu: Mürəkkəb beynəlxalq və regional şərtlər daxilində ölkəmizin əldə etdiyi uğurlar anti-Azərbaycan şəbəkəni ciddi narahat edir
20 Aprel 13:07
Dövlət Dil Komissiyası yanında Monitorinq Mərkəzi publik hüquqi şəxsin strukturu təsdiqlənib
20 Aprel 13:03
YAP rayon təşkilatlarında görülən işlər və qarşıda duran vəzifələr müzakirə edilib
20 Aprel 12:59
Cavid Osmanov: Enerji sektorunda uğurlarımız davamlıdır
20 Aprel 12:57
Qadınlar İKT-də Beynəlxalq Gününə həsr olunan elmi-praktik konfrans təşkil ediləcək
20 Aprel 12:55
Sona Əliyeva: Azərbaycan reallığında birgəyaşayış nümunəsi dünya üçün örnəkdir
20 Aprel 12:50
Azərbaycan və Rusiya arasında pensiya təminatı sahəsində müqavilə layihəsi hazırlanır
20 Aprel 12:48
Tahir Rzayev: Bu gün iqtisadiyyatın şaxələndirilməsi istiqamətində ölkəmizdə davamlı addımlar atılır
20 Aprel 11:08
“Azərbaycan dilinin Orfoqrafiya Normaları” təsdiq edilib
20 Aprel 10:58
Milli Gimnastika Arenasında bədii gimnastika üzrə ikinci “AGF Junior Trophy” beynəlxalq turniri başlayıb
20 Aprel 10:49
Elçin Əhmədov: Anti-Azərbaycan qüvvələrin ölkəmizə təzyiq göstərmək, onu öz yolundan döndərmək cəhdləri əbəsdir
20 Aprel 10:44
Hanoyda OANA İcraiyyə Komitəsinin 44-cü iclası başa çatıb
20 Aprel 10:41
Ermənistan silahlı qüvvələrinin bölmələri sutka ərzində atəşkəs rejimini 21 dəfə pozub
20 Aprel 10:32
Azərbaycan iqtisadi və siyasi cəhətdən tam müstəqil ölkədir
20 Aprel 10:30
Sağlamlıq imkanları məhdud uşaq və gənclərin, sosial müəssisə sakinlərinin sərgisi təşkil olunub
20 Aprel 10:28
Azərbaycandakı diplomatik nümayəndəliklərin rəhbərləri Şamaxıya səfər ediblər
20 Aprel 10:26
Masallıda “Milli aktyorluq məktəbi” mövzusunda keçirilən mühazirə maraqla qarşılanıb
20 Aprel 10:22
YAP Səbail rayon təşkilatında Könüllülər Birliyinin təqdimatı keçirilib
20 Aprel 10:21
YAP Qubadlı rayon təşkilatı Gənclər Birliyinin V konfransı keçirilib
20 Aprel 10:16
Anti-Azərbaycan dairələr tərəfindən ölkəmizə qarşı aparılan “qara piar” kampaniyası heç bir nəticə verməyəcək
20 Aprel 10:13
BDU-nun Tətbiqi Riyaziyyat Elmi-Tədqiqat İnstitutunun keçirdiyi beynəlxalq konfransın əsərləri “Clarivate Analytics”də yerləşdirilib
20 Aprel 10:11
“France-24” kanalının saytında Naftalan nefti haqqında məqalə verilib
20 Aprel 10:10
“Nar” korporativ müştərilərinə ödənişsiz MiFi cihazını təqdim edir
20 Aprel 10:09
Azərbaycanın regionlarında əhalinin su təchizatının yaxşılaşdırılması diqqət mərkəzində saxlanılır
19 Aprel 21:36
İstanbulda Türkiyə-Azərbaycan-Türkmənistan enerji əməkdaşlığı müzakirə edilib
19 Aprel 21:33
Peşə təhsili pilləsinin bir səviyyəsindən növbəti səviyyəsinə keçid qaydası təsdiqlənib
19 Aprel 21:28
Bakı Dövlət Universitetinin Nizamnaməsi təsdiq edilib
19 Aprel 21:23
Azərbaycan “Equinor” üçün mühüm ölkədir
19 Aprel 21:17
Bakıda İran Ticarət Mərkəzi açılıb
19 Aprel 21:04
Anar Bağırov: Vəkilliyə qəbulla bağlı namizədlər üçün hər cür şərait yaradılıb
19 Aprel 21:01
Gənclər Fondunun yenilənmiş veb-səhifəsinin təqdimatı olub
19 Aprel 20:55
Bakı Metropolitenində Ümumdünya Əməyin Mühafizəsi Gününə həsr olunmuş seminar keçirilib
19 Aprel 20:53
Konstitusiya Məhkəməsi Plenumunun növbəti iclası keçirilib
19 Aprel 20:50
Bakıda “Qədim mətnlər və klassik mənbələr erməniçilik saxtakarlıqlarını və uydurmalarını ifşa edir” mövzusunda konfrans keçirilib
19 Aprel 20:45
Vüqar Rəhimzadə: Ölkəmizin uğurlu inkişafı antiazərbaycan qüvvələrin və “5-ci kolon”un çirkin kampaniyasına tutarlı cavabdır
19 Aprel 20:40
Mərakeş qəzeti Azərbaycanın əhalisinin sayının 10 milyona çatmasından bəhs edir
19 Aprel 20:37
Elçin Mirzəbəyli: Azərbaycana qarşı olan qüvvələr ölkə Prezidentinin böyük ictimai dəstəyə malik olmasından narahatdırlar
19 Aprel 20:27
Vyetnamın Baş naziri OANA İcraiyyə Komitəsi iclasının bir qrup iştirakçısını qəbul edib
19 Aprel 20:22
Ekspert: Ölkəmizin uğurları erməni lobbisini, anti-Azərbaycan qüvvələri və daxildəki “5-ci kolon”u ciddi narahat edir
19 Aprel 18:08
Maliyyə Nazirliyi və Maliyyə Bazarlarına Nəzarət Palatası fiziki şəxslərin problemli kreditləri ilə bağlı açıqlama yayıb
19 Aprel 18:05
Azərbaycan Ordusunun nümayəndələri NATO-nun çoxmillətli tibb təlimində iştirak edib
19 Aprel 17:57
Paşinyan hökumətində böyük korrupsiya qalmaqalı
19 Aprel 17:48
Azərbaycan və Rusiyanın təhsil müəssisələri arasında təcrübə mübadiləsinə dair müzakirələr aparılıb
19 Aprel 17:46
Seymur Orucov: Bakı şəhərində keçirilən “Formula 1” yarışına dünyada maraq ildən ilə artır

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
HAVA HAQQINDA