Ana səhifə »  KİVDF »  Bölgələrdə yeni iş yerlərinin açılması dövlət siyasətinin mühüm prioritetlərindəndir
A+   Yenilə  A-
Bölgələrdə yeni iş yerlərinin açılması dövlət siyasətinin mühüm prioritetlərindəndir

Azərbaycanın regionlarında yüksək əməktutumlu iş yerlərinin yaradılması əhalinin səmərəli məşğulluğunu təmin edib
Bu gün ölkəmizin iqtisadi inkişaf sahəsində təcrübəsi mütərəqqi nümunə kimi səciyyələndirilir. İnkişaf milli modelini formalaşdıran Azərbaycan təcrübəsinin spesifik xüsusiyyəti ondan ibarətdir ki, həyata keçirilən çoxşaxəli və məqsədyönlü islahatlar sayəsində bütün sahələrin paralel inkişafı təmin olunub, gələcək tərəqqi üçün etibarlı zəmin formalaşdırılıb. Ümumiyyətlə, uzunmüddətli perspektivdə müstəqil Azərbaycanın strateji inkişaf paradiqmalarının əsasını dayanıqlı inkişafı təmin etmək üçün siyasi və iqtisadi islahatların mütəmadi surətdə paralel aparılması təşkil edir. Bütövlükdə isə, ölkəmizin inkişafını əks etdirən statistik göstəricilər iqtisadi siyasətin olduqca səmərəli olduğunu təsdiqləyir.
Qeyd etmək lazımdır ki, son 14 ildə Azərbaycan dünya miqyasında dinamik inkişaf edən ölkələr sırasında yer alıb. Milli iqtisadiyyatımız 3 dəfədən çox artıb, o cümlədən qeyri-neft sektoru 2,8 dəfə genişlənib. 2004-cü ildə Azərbaycanın strateji valyuta ehtiyatları cəmi 1,8 milyard dollar həcmində idisə, hazırda bu göstərici 42 milyard dollara çatıb. Yəni respublikanın valyuta ehtiyatları 14 il ərzində 23 dəfə artıb və bu, adambaşına düşən valyuta ehtiyatlarının həcminə görə dünya miqyasında avanqard göstəricidir. Ayrıca, iqtisadiyyatın sosialyönümlülüyünün təmin edilməsi sayəsində son 14 ildə respublikamızda maaşlar beş, pensiyalar səkkiz dəfədən çox artıb. On dörd il ərzində iqtisadi göstəricilərimiz də ümumi inkişafımızın uğurlu dinamikasını əyani şəkildə göstərir. Azərbaycan Respublikasının Prezidenti İlham Əliyev “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının dördüncü ilinin yekunlarına həsr olunan konfransda çıxışı zamanı qeyd edib ki, iqtisadiyyat 14 il ərzində 3,2 dəfə artmışdır: “Hesab edirəm ki, bu, dünya miqyasında rekord göstəricidir. Qeyri-neft iqtisadiyyatımız isə 2,8 dəfə artmışdır. Bu, onu göstərir ki, bizim iqtisadi inkişafımız, sadəcə olaraq, neftin, qazın istehsalı ilə bağlı deyil. Bizim iqtisadi inkişafımız çoxşaxəlidir. Ona görə qeyri-neft sektorunun 2,8 dəfə artması aparılan islahatların nəticəsidir. Sənaye sahəsində 2,6 dəfə artım var, kənd təsərrüfatında 1,7 dəfə. Qeyri-neft ixracımız 4,1 dəfə artmışdır”.
Bütün bunlara paralel olaraq son 14 il ərzində ölkəmizdə 1,9 milyon iş yeri yaradılıb ki, onlardan 1,4 milyonu daimidir. 2017-ci ildə isə 177 min daimi iş yeri açılıb. Yeni iş yerlərinin açılması regionları da əhatə edir. Daha dəqiq desək, regionların sosial-iqtisadi inkişafına dair Dövlət proqramlarından irəli gələn vəzifələrin yerinə yetirilməsi nəticəsində bölgələrdə əhalinin məşğulluğunun təmin olunması, yeni iş yerlərinin açılması istiqamətində mühüm nailiyyətlər əldə edilib.
Yeri gəlmişkən, ölkədə əldə edilən uğurlardan Naxçıvan Muxtar Respublikasına da pay düşüb. Belə ki, Muxtar Respublikada 2007-ci illə müqayisədə 2017-ci ildə ümumi daxili məhsul istehsalı 5 dəfə, sənaye məhsulu 7,9 dəfə, əsas kapitala yönəldilən vəsaitlər 4,5 dəfə, kənd təsərrüfatı məhsulu 3,7 dəfə, nəqliyyat sektorunda yük daşınması 2 dəfə, informasiya və rabitə xidmətləri 3,1 dəfə, pərakəndə əmtəə dövriyyəsi 6,4 dəfə, əhaliyə göstərilən ödənişli xidmətlər 4,7 dəfə artıb. Əhalinin məşğulluğunun təmin olunması ilə əlaqədar 2007-ci ildən 2018-ci il yanvarın 1-dək Muxtar Respublikada 46 min 717 yeni iş yeri açılıb. Bunun da 84,7 faizi daimi iş yerləridir. Həyata keçirilən uğurlu siyasətin nəticəsi olaraq bu gün Muxtar Respublikada məşğul əhalinin sayı 2007-ci ilin sonu ilə müqayisədə 1,3 dəfə artaraq 235,5 min nəfərə çatıb. Yüksək əməktutumlu iş yerlərinin yaradılması əhalinin səmərəli məşğulluğunu təmin edib, bir işçiyə hesablanmış orta aylıq əməkhaqqı göstəricisi 416 manatı ötüb. 2007-ci ildə bu göstərici 153,9 manat səviyyəsində olub.
Naxçıvan Muxtar Respublikasında sosial-iqtisadi həyatın bütün sahələrində qazanılan uğurlar, yeni iş yerlərinin açılması, səmərəli məşğulluğun təmin edilməsi əhalinin rifah halını yaxşılaşdırıb, alıcılıq qabiliyyətini yüksəldib. Bunun nəticəsində 2017-ci ildə Muxtar Respublikanın pərakəndə ticarət şəbəkəsində satılmış məhsulların dəyəri 2007-ci illə müqayisədə 6,3 dəfə artaraq 1 milyard 596 milyon manatı ötüb. İstehlak malları üzrə satışın 9,2 faizi ticarət təşkilatlarının, 19,6 faizi kənd təsərrüfatı məhsulları bazarlarının, 17,2 faizi ərzaq, qeyri-ərzaq və qarışıq mallar satışı ilə məşğul olan yarmarkaların və 54 faizi fiziki şəxslərin payına düşüb. Satılmış məhsulların 50,5 faizini ərzaq, 49,5 faizini isə qeyri-ərzaq məhsulları təşkil edib.
Respublikanın digər bölgələrinə gəlincə, 2017-ci ildə Qazax rayonunda iqtisadiyyatın müxtəlif sahələrinə ümumilikdə 43,8 milyon manat, o cümlədən sənayeyə 26,5 milyon manat özəl sərmayə qoyulub. Əsasən yerli xammaldan səmərəli istifadə etməklə, sənaye müəssisələrinin yaradılmasına xüsusi diqqət yetirilib. Rayonda, eyni zamanda, konserv zavodu, tikinti materialları müəssisəsi də istifadəyə verilib. Hazırda isə elektrod zavodunun inşası davam edir və 2018-ci ildə başa çatdırılacaq. Ümumilikdə ötən il istifadəyə verilmiş müəssisələrdə 1177 yeni iş yeri yaradılıb.
“Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nda Qax rayonu üzrə həyata keçirilməsi nəzərdə tutulmuş tədbirlərin uğurlu icrası nəticəsində son 4 ildə rayonda 1960 yeni iş yeri açılıb. Açılan iş yerlərinin 1947-si daimidir. Əhalinin məşğulluğunun təmin edilməsində sahibkarlıq fəaliyyətinin genişləndirilməsi, kənd təsərrüfatının ənənəvi sahələrinin, həmçinin turizmin inkişaf etdirilməsi istiqamətində həyata keçirilən tədbirlərin böyük rolu olub. Ümumiyyətlə, regionların inkişafı sahəsində qəbul edilmiş Dövlət proqramlarında, həmçinin regionların sosial-iqtisadi inkişafına dair əlavə tədbirlərlə bağlı sərəncamlarda nəzərdə tutulmuş vəzifələrin icrası nəticəsində 2004-2017-ci illərdə Qax rayonunda 6149-u daimi olmaqla, 8101 yeni iş yeri açılıb.
Beləliklə, yeni iş yerlərinin açılması, əhalinin məşğulluğunun təmin olunması bu gün dövlət siyasətinin prioritet istiqamətlərindəndir. Yola saldığımız 2017-ci ildə Şamaxı rayonunda da bu istiqamətdə xeyli iş görülüb. Belə ki, keçən il Şamaxıda hamısı daimi olmaqla 2194 yeni iş yeri açılıb. Yeni iş yerləri sahibkarlığın inkişafına göstərilən dövlət dəstəyi, fermerlər üçün yaradılan əlverişli şərait, müxtəlif istiqamətli, əsasən də aqrar, xidmət, nəqliyyat və digər təyinatlı MMC-lərin fəaliyyətə başlaması nəticəsində yaradılıb. O cümlədən mövcud idarə, müəssisə və təşkilatların fəaliyyətinin bərpası və ya genişləndirilməsi, habelə yeni müəssisələrin açılması nəticəsində 180 nəfər daimi iş yeri ilə təmin olunub. Qeyd edək ki, rayonda təkcə 2017-ci ildə 30 məhdud məsuliyyətli cəmiyyət fəaliyyətə başlayıb.
Kürdəmir rayonunda isə ötən il 2038-i daimi olmaqla 2083 yeni iş yeri açılıb. Regionların sosial-iqtisadi inkişafına dair üçüncü Dövlət Proqramında bölgə üçün görüləcək işlərin həyata keçirilməsi, sahibkarlığın inkişafına dövlət dəstəyi bölgədə təzə iş yerlərinin açılmasına, əhalinin məşğulluğunun artmasına şərait yaradır. Yola saldığımız ildə daimi iş yerlərinin 126-sı fəaliyyəti bərpa edilən müəssisə və təşkilatlarda, 92-si mövcud müəssisə və təşkilatlarda, 41-i yeni yaradılan müəssisələrdə açılıb, 1779-u isə fiziki şəxslər tərəfindən yaradılıb. Qeyd edək ki, təkcə keçən il rayonda 4 aqropark yaradılıb ki, bu yerlərdə 200 nəfərdən çox işçi çalışır. Ötən il qurulan 2 hektar istixana təsərrüfatında da 60 nəfərədək insan işləyir.
Regionların sosial-iqtisadi inkişafına dair Dövlət Proqramının icrası, sahibkarlara göstərilən dövlət dəstəyi Ağsu rayonunda da yeni iş yerlərinin açılmasına, əhalinin məşğulluğunun artmasına imkan yaradır. 2017-ci ildə Ağsuda 1850 daimi iş yeri açılıb. Həmin iş yerlərinin 16-sı yeni yaradılan müəssisələrdə, 233-ü mövcud müəssisə və təşkilatlarda, 1601-i isə fiziki şəxslərdədir. Qeyd edək ki, aqrar sektorda aparılan islahatların, pambıqçılıq, baramaçılıq kimi ənənəvi sahələrin dirçəldilməsinin nəticəsi olaraq rayonda minlərlə mövsümi iş yerləri də yaranır. Təkcə pambıqçılıq sahəsində ötən il 1600 nəfər işçi çalışıb.
Ötən il Samuxda isə 1022-si daimi olmaqla 3 min 934 yeni iş yeri açılıb. Rayonda həyata keçirilən abadlıq-quruculuq işləri və kənd təsərrüfatı məhsullarının əkilməsi, becərilməsi və yığılması ilə əlaqədar olaraq 2 min 912 nəfər mövsümi işlə təmin edilib. Açılmış daimi iş yerlərinin 59-u yeni yaradılmış müəssisə və təşkilatlarda, 963-ü isə fiziki şəxslərin fəaliyyəti hesabına mümkün olub. Bununla yanaşı, ötən il rayonda 7 yeni müəssisə və təşkilat yaradılıb ki, onların da 3-ü kənd təsərrüfatı müəssisəsi, 2-si istehsal sahəsi, 2-si isə körpələr evi-uşaq bağçasıdır. Rayon üzrə məşğul əhalinin sayı ötən il ərzində 28 min 780 nəfərə çatıb. Məşğul əhalinin 7 min 511 nəfəri dövlət idarə, müəssisə və təşkilatlarında, 412 nəfəri qeyri-dövlət idarə, müəssisə və təşkilatlarda çalışanlar, 91 nəfəri hüquqi şəxs yaratmadan fiziki şəxs kimi sahibkarlıq fəaliyyəti ilə məşğul olanlar, 20 min 766 nəfəri isə fərdi əmək fəaliyyəti ilə məşğul olanlar olub.
Göründüyü kimi, bölgələrdə yeni iş yerlərinin açılması dövlət siyasətinin mühüm prioritetlərindəndir. Bu istiqamətdə görülən tədbirlər və mütəmadi olaraq yüksək əməktutumlu iş yerlərinin yaradılması əhalinin məşğulluğunu təmin edib.
Nurlan QƏLƏNDƏRLİ

 
  • Oxunub:  8280  |  
  • Tarix:  08-02-2018  |  
  •    Çap et   |  

Qəzetin son buraxılışı

Azərbaycan yüksək infrastruktur təminatına malik ölkəyə çevrilib

29 Yanvar 17:49
İstanbulda keçiriləcək Beynəlxalq Turizm və Səyahətlər Sərgisinə ölkəmiz də qatılacaq
29 Yanvar 17:46
Bakı limanı koronavirusla əlaqədar sanitar nəzarəti gücləndirib
29 Yanvar 17:40
Deputatlığa namizəd Ziyafət Əsgərovun seçicilərlə növbəti görüşü keçirilib
29 Yanvar 17:29
Sevinc Fətəliyeva: Medianın cəmiyyətin və dövlətin inkişafında rolu böyükdür
29 Yanvar 17:24
Tibbi ərazi bölmələri təsdiq edilib
29 Yanvar 17:16
YAP xalqın böyük etimadı ilə parlament seçkilərində növbəti dəfə inamlı qələbə qazanacaq
29 Yanvar 16:55
MSK-nın iclasında parlament seçkilərində “exit poll” keçirmək istəyən təşkilatların müraciətlərinə baxılıb
29 Yanvar 16:52
"Milli Məclisə seçkilərdə 292 namizəd mübarizəni dayandırıb"
29 Yanvar 16:43
Əli Əhmədov: AŞPA-nın qərar qəbuletmə mexanizmində anti-Azərbaycan alqoritmi var
29 Yanvar 16:37
Çinin “Huawei” şirkəti AZƏRTAC-la əməkdaşlığı genişləndirməkdə maraqlıdır
29 Yanvar 16:26
Sahibə Qafarova: Azərbaycan demokratik yolla öz inkişaf məqsədlərinə sadiqdir
29 Yanvar 15:55
Naqif Həmzəyev: Davos Forumu Azərbaycan reallıqlarını beynəlxalq ictimaiyyətə təqdim edir
29 Yanvar 15:31
Serj Sarkisyan barədə cinayət işinin materialları məhkəməyə göndərilib
29 Yanvar 15:24
Alman-Azərbaycan Xarici Ticarət Palatası ilə KOB sahəsində əməkdaşlıq müzakirə olunub
29 Yanvar 14:57
Əməkdar artist Timur Əsgərov Sankt-Peterburq Dövlət Akademik Mariya Teatrının səhnəsində
29 Yanvar 14:45
Treninqlər seçki proseduru barədə məlumatlandırılma baxımından önəmlidir
29 Yanvar 14:37
Bakı Ali Neft Məktəbi akademik Xoşbəxt Yusifzadə adına təqaüd təsis edib
29 Yanvar 14:34
Polis orqanları seçkilər zamanı asayişin təmin edilməsində mühüm rol oynayırlar
29 Yanvar 14:27
Cenevrədə Azərbaycan və Ermənistan Xarici İşlər nazirlərinin görüşü keçirilir
29 Yanvar 14:25
“Bloomberg”in saytında dərc edilmiş məqalədə Azərbaycana münasibətdə ikili standartlar qeyd olunub
29 Yanvar 14:00
2050-ci ilədək qlobal elektrik enerjisi istehsalının 25 faizini günəş enerjisi təmin edə bilər
29 Yanvar 13:50
YAP tərəfindən deputatlığa namizədliyi irəli sürülmüş Siyavuş Novruzov Şahbuz şəhər ictimaiyyətinin nümayəndələri ilə görüşüb
29 Yanvar 13:45
"Azərbaycanın seçki qanunvericiliyi beynəlxalq hüququn prinsiplərinə uyğun hazırlanıb"
29 Yanvar 13:02
Nərimanov birinci seçki dairəsi dairə seçki komissiyasında maarifləndirici treninqlər davam edir
29 Yanvar 12:50
Ümumi təhsil məktəblərində qış tətili ekskursiyaları təşkil olunur
29 Yanvar 12:48
Heydər Əliyev adına NEZ-də aparılan modernləşdirmə işlərinin gedişi müzakirə olunub
29 Yanvar 12:46
Fransalı yazıçı: Azərbaycan xalqının qəhrəmanlıq salnaməsindən bütün dünya xəbərdar olmalıdır
29 Yanvar 12:42
Moskvada XI Beynəlxalq Mstislav Rostropoviç festivalı keçiriləcək
29 Yanvar 12:19
Məntəqələrdə hərəkət məhdudiyyətli seçicilər üçün xüsusi panduslar quraşdırılacaq
29 Yanvar 12:12
“Qoca və Mələk” növbəti dəfə repertuara salınıb
29 Yanvar 11:58
Deputatlığa namizəd Fatma Yıldırım Bərdənin Divanlı, Qaradağlı, Güloğlular, Gərənə kəndlərinin seçiciləri ilə görüşüb
29 Yanvar 11:31
Əbu Dabidə İSESKO-nun İcraiyyə Şurasının 40-cı sessiyası işə başlayıb
29 Yanvar 11:20
Sabah seçki bülletenlərinin hazırlanması müddəti başa çatır
29 Yanvar 11:17
Konstantin Kosaçev: "Əminəm ki, seçkilər beynəlxalq norma və qaydalara uyğun keçiriləcək"
29 Yanvar 11:09
YAP-ın 120 saylı Cəbrayıl-Qubadlı seçki dairəsi üzrə deputatlığa namizədi Ceyhun Məmmədov Sabunçu və Nərimanov rayonlarında məskunlaşan məcburi köçkünlərlə görüşüb
29 Yanvar 10:50
ATƏT DTİHB seçki prosesinin bütün aspektlərini izləyəcək
29 Yanvar 10:40
Babək Rayon Baytarlıq İdarəsinin yeni binası istifadəyə verilib
29 Yanvar 10:39
Heydər Əliyev adına Azərbaycan Ali Hərbi Məktəbinə kursant qəbulu qaydaları
29 Yanvar 10:30
AŞPA-da “20 Yanvar” faciəsinin 30-cu ildönümünə həsr edilmiş konfrans keçirilib
29 Yanvar 10:25
Elmar Məmmədyarov ATƏT-in Minsk qrupunun həmsədrləri ilə görüşüb
29 Yanvar 10:20
Ermənistan silahlı qüvvələrinin bölmələri atəşkəs rejimini 22 dəfə pozub
29 Yanvar 09:46
Beynəlxalq aləmdə Azərbaycan multikulturalizm siyasətinin təbliğatı uğurla davam etdirilir
29 Yanvar 09:42
“Sevinirəm ki, Azərbaycanda fəaliyyət göstərmək xoşbəxtliyini yaşadım”
29 Yanvar 09:33
Azərbaycan yüksək infrastruktur təminatına malik ölkəyə çevrilib
28 Yanvar 17:59
Xırdalanın Heydər Əliyev prospekti yenidən qurulur
28 Yanvar 17:58
Deputatlığa namizəd Cavid Osmanov növbəti görüşünü Ağdaş şəhər seçiciləri ilə keçirib
28 Yanvar 17:56
Deputatlığa namizəd Məlahət İbrahimqızı seçicilərlə növbəti görüşlərini keçirib (VİDEO)
28 Yanvar 17:52
Deputatlığa namizəd Kamilə Əliyeva Balakən rayonun Kortala kəndində seçicilərlə görüş keçirdi
28 Yanvar 17:51
Deputatlığa namizəd Nizami Cəfərov Ağstafa rayonu Qırılı kəndində seçicilərlə görüşüb
28 Yanvar 17:49
Konstitusiya Məhkəməsi Aparatının ötənilki fəaliyyətinin yekunlarına dair hesabat iclası keçirilib
28 Yanvar 17:46
Ombudsmanın Şəki və Gəncə regional mərkəzləri tərəfindən seçki hüququ ilə əlaqədar tədbir keçirilib
28 Yanvar 17:34
İcbari tibbi sığorta tədbiq olunan 23 rayonun tibb müəssisələri üzrə 265 min 335 müraciət qeydə alınıb
28 Yanvar 17:14
Mədəniyyət naziri BMT-nin İnkişaf Proqramının Azərbaycandakı rezident nümayəndəsi ilə görüşüb
28 Yanvar 17:08
Azərbaycan ilə Qətərin prokurorluq orqanları arasında əməkdaşlığın perspektivləri müzakirə olunub
28 Yanvar 17:06
Qoşunların yeni tədris dövrünə hazırlığının yoxlanılması davam edir
28 Yanvar 16:58
Gözde Dizdar: "Azərbaycanda demokratik seçkilərin keçirilməsi istiqamətində ciddi addımlar atılıb"
28 Yanvar 16:46
Azərbaycanla Türkiyənin maliyyə bazarlarına qarşılıqlı investisiya yatırımları müzakirə olunub
28 Yanvar 16:29
“ASAN xidmət” mərkəzlərinə gün ərzində 2390 nəfər ilk dəfə müraciət edir
28 Yanvar 16:24
Nazirlər Kabinetində koronavirus epidemiyasına qarşı qabaqlayıcı tədbirlərin görülməsinə dair məsələlər müzakirə edilib
28 Yanvar 15:33
Gözdən əlil seçicilərin səs verməsi üçün Brayl əlifbası ilə bülletenlər çap olunacaq
28 Yanvar 15:13
Gəncə xanımları Pərvin Kərimzadəni dəstəkləyirlər
28 Yanvar 14:59
Yasamalda “Bizim həyət” layihəsi çərçivəsində abadlaşdırılan növbəti həyət sakinlərin istifadəsinə verilib
28 Yanvar 14:40
“Azərenerji” ilə Yaponiyanın “TEPSCO” şirkətinin əməkdaşlığının mövcud vəziyyəti müzakirə edilib
28 Yanvar 14:35
Müdafiə Nazirliyinin hərbi liseylərinə kursant qəbulunun qaydaları açıqlanıb
28 Yanvar 14:31
“Exit-poll” keçirmək istəyən təşkilatların akkreditasiyası üçün müddət sabah başa çatır
28 Yanvar 14:19
Vətəndaşlar əmin ola bilərlər ki, biz onları parlamentdə şərəflə təmsil edəcəyik
28 Yanvar 14:16
Deputatlığa namizəd Fatma Yıldırımın Bərdədə qadın seçicilərlə görüşü keçirilib
28 Yanvar 13:57
Prezident İlham Əliyev Davosda regional təhlükəsizliyin vacibliyindən danışıb
28 Yanvar 13:00
“Avropa Şurası ənənəvi nöqsanlarından qurtularaq yeni inkişaf yoluna başlamalıdır”
28 Yanvar 12:57
Aleksandr Şapiro Suliman: "Azərbaycanda keçiriləcək parlament seçkiləri aparılan islahatların davamıdır"

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
HAVA HAQQINDA
Bakı
gündüz+9 +13
gecə+4 +6