Ana səhifə »  KİVDF »  Regionlara gələn turistlər Novruz şənliklərinin fəal iştirakçılarına çevriliblər
A+   Yenilə  A-
Regionlara gələn turistlər Novruz şənliklərinin fəal iştirakçılarına çevriliblər

Bayram günlərində Qusar rayonunda yerləşən “Şahdağ” Turizm Mərkəzinin xidmətlərindən gün ərzində orta hesabla minə yaxın turist faydalanır
Məlum olduğu kimi, bir sıra inkişaf etmiş ölkələrin milli iqtisadiyyatında turizm sektoru mühüm yer tutur. Yeni şəraitdə qeyri-neft sektorunun üstün inkişafına nail olmağı hədəfləyən Azərbaycan da ölkəyə daha çox sayda turist cəlb etmək üçün məqsədyönlü siyasət həyata keçirir. Son illərdə bütün respublika boyu müasir turist yerləşdirmə obyektləri istifadəyə verilib, yeni turist marşrutları açılıb. Paralel şəkildə qanunvericilik bazası qabaqcıl dünya təcrübəsi nəzərə alınmaqla təkmilləşdirilib, ölkəyə gəlib-getmə qaydaları sadələşdirilib, ASAN viza sisteminin tətbiqinə başlanılıb. 2016-cı il 6 dekabr tarixli müvafiq Fərmanla təsdiqlənən milli iqtisadiyyat və onun 11 aparıcı istiqaməti üzrə strateji yol xəritələrindən biri də məhz turizm sektorunu əhatə edir. Bəhs olunan strateji sənəddə respublikamızın turizm potensialından daha səmərəli istifadə edilməsi məqsədilə yaxın, orta və uzummüddətli perspektiv üçün konkret hədəflər müəyyənləşdirilib.
Eyni zamanda, Azərbaycanda 2004-cü ildən bəri uğurla reallaşdırılan regionların sosial-iqtisadi inkişafına dair müvafiq Dövlət proqramları çərçivəsində bütün respublika boyu aparılan genişmiqyaslı quruculuq-abadlıq işləri, infrastruktur təminatının möhkəmləndirilməsi sayəsində paytaxt Bakı ilə bölgələr arasında fərq minimuma enib. Bütün bu amillər, həmçinin möhkəm daxili sabitlik ölkəmizin turist cəlbediciliyinin getdikcə artmasına müsbət təsir göstərir.
2018-ci ilin əvvəlindən ölkəyə gələn xarici vətəndaşların sayında 12,3 faiz artım müşahidə edilib
Qeyd edilən müsbət reallıqlar fonunda ölkəmizə gələn turistlərin sayı ilbəil artır. 2017-ci ildə respublikamıza 2,7 milyon turist təşrif gətirib ki, bu da əvvəlki ildəkindən təxminən 20 faiz çoxdur. Respublikamıza təşrif gətirən xarici turistlərin sayında artım dinamikası cari ilin əvvəlindən də yüksək olaraq qalmaqdadır. Mədəniyyət və Turizm Nazirliyindən verilən məlumata əsasən, cari ilin yanvar-fevral aylarında ölkəyə gələn xarici vətəndaşların sayında 2017-ci ilin müvafiq dövrü ilə müqayisədə 12,3 faiz artım müşahidə edilib. 2018-ci ilin yanvar ayında Azərbaycana 185 913, fevral ayında isə 166 161 nəfər xarici vətəndaş təşrif gətirib. Cari ilin iki ayı ərzində ölkəmizə gələn xarici vətəndaşların ümumi sayında Rusiya, Gürcüstan, Türkiyə və İran vətəndaşlarının xüsusi çəkisi daha çox olub.
Novruz bayramı günlərində “Şahdağ” Turizm Mərkəzində böyük qələbəlik yaşanır
Artıq gözəl bir ənənəyə çevrilib: Hər il xalqımızın əziz bayramı Novruz ərəfəsində ölkəmizə gələn turistlərin sayı əhəmiyyətli dərəcədə artır. Bu baxımdan 2018-ci ilin Novruz bayramı da istisna təşkil etmir.
Bayram günlərində şimal bölgəsinə, o cümlədən Qusar rayonuna gələn turistlərin sayı xeyli artıb. Novruz bayramı münasibətilə elan olunan qeyri-iş günlərində “Şahdağ” Turizm Mərkəzinin xidmətlərindən gün ərzində orta hesabla minə yaxın turist faydalanır. Burada dincələn qonaqların əksəriyyətini yerli turistlər təşkil etsə də, ziyarətçilər arasında xeyli sayda əcnəbilər də var.
“Şahdağ” Turizm Mərkəzinin satış və marketinq şöbəsindən bildirilib ki, hər il olduğu kimi, bu il də turizm mərkəzində bayram günlərində qonaqların istirahətini təmin etmək məqsədilə müvafiq hazırlıq işləri həyata keçirilib. Novruz bayramı ilə əlaqədar turizm mərkəzində martın 26-dək davam edəcək bayram proqramı və şənliklər hazırlanıb. Bu il bayram günləri üçün Turizm Mərkəzində yerləşən hotellərdəki yerlərin 80 faizdən çoxu əvvəlcədən sifariş verilib.
Rusiyada fəaliyyət göstərən turizm şirkətinin nümayəndəsi Timur Əhmədov bildirib ki, onların şirkəti vasitəsilə hər həftə Dağıstan Respublikasından Qusara onlarla turist gəlir: “Bizim şirkətə müraciət edən turistlər “Şahdağ”dan çox razı qalırlar. Burada xidmət səviyyəsi yüksəkdir. Kanatlar, xizək yolları turistlərin ürəyincədir. Həm də bizə məsafə baxımından çox yaxındır. Buna görə də tez-tez gəlirik”.
Turizm mərkəzi Novruz günlərində də müxtəlif əyləncələrlə qış istirahətini və aktiv istirahəti sevənlərin könlünü oxşayır. Xizək və snoubord sürmə ilə yanaşı, aeroxizək və kvadrosikl turları, ziplayn, peyntbol, at üstündə gəzinti, uşaqlar üçün kirşələr, buz meydançası kimi 13 növ qış əyləncəsi qonaqların ixtiyarındadır.
Bayram günlərində Quba rayonuna gələn turistlər isə daha çox Qəçrəş istirahət zonasına üz tutublar. Quba Turizm İnformasiya Mərkəzindən verilən məlumata görə, bayram günlərində rayona gələn turistlərin sayı adi günlərdəkindən 50-60 faiz çox olub. Gücləndirilmiş iş rejimində çalışan mərkəzdə “qaynar xətt” yaradılıb. Əcnəbi və yerli turistlər 24 saat ərzində (070) 530-76-70 nömrəsinə zəng edərək istirahət mərkəzləri, turizm marşrutları barədə ətraflı məlumat ala bilərlər.
III Beynəlxalq Tərəkəmə Çərşənbəsi folklor festivalı turistlərin böyük marağına səbəb olub
Novruz ərəfəsində regionlarda keçirilən bayram tədbirləri, festivallar yerli və xarici turistlərin böyük marağına səbəb olur. Ağsu rayonunun ən iri yaşayış məntəqələrindən olan Gəgəli kəndində III Beynəlxalq Tərəkəmə Çərşənbəsi folklor festivalı bu baxımdan daha yaddaqalan olub. İsmayıllı Regional Mədəniyyət və Turizm İdarəsindən verilən məlumatda bildirilir ki, Həqiqət Musayev adına Gəgəli kənd ümumi orta məktəbinin Tərəkəmə Folkloru Araşdırma və Təbliğat Qrupu və MİRAS Mədəni İrsin Öyrənilməsinə Kömək İctimai Birliyi tərəfindən keçirilən festivala Azərbaycan Respublikası Mədəniyyət və Turizm Nazirliyi, Ağsu rayon İcra Hakimiyyəti, AMEA Folklor İnstitutu, AzGranata MMC və Allprint MMC təşkilati dəstək veriblər.
Martın 19-da start götürən və üç gün davam edən III Beynəlxalq Tərəkəmə Çərşənbəsi folklor festivalında 500 nəfərə yaxın insan iştirak edib. Onların arasında Türkiyə, Gürcüstan, Rusiya və İrandan gələn nümayəndələr və folklor qrupları da olub.
Festivalın ilk günündə çıxış edən MİRAS Mədəni İrsin Öyrənilməsinə Kömək İctimai Birliyinin sədri, tarix üzrə fəlsəfə doktoru Fariz Xəlilli, Ağsu rayon İcra Hakimiyyətinin başçısı Ənvər Seyidəliyev, Türkiyənin Qars Universiteti Kültür İdarəsinin müdiri Çetin Adıgüzel, Dərbənd Azərbaycan Dövlət Dram Teatrının direktoru Firdovsi Əkbərov, “Dostlar üçün Gürcüstan” Assosiasiyasının prezidenti Tamara Basilaşvili tədbirin Azərbaycanın, ümumən türk dünyasının adət-ənənələrinin təbliğində, dünya xalqları arasında mədəni əlaqələrin qurulmasında və genişləndirilməsində, bəşəri dəyərlərin öyrənilməsində əhəmiyyətindən danışıblar.
Sonra tədbir folklor qruplarının çıxışları ilə davam edib. Gəgəli kənd ümumi orta məktəbinin nəzdindəki Gəgəli Tərəkəmə Folkloru və Araşdırma və Təbliğat Qrupunun, Ağsu Xançobanı folkloru ansamblının, Dərbənd Azərbaycan Dövlət Dram Teatrı kollektivinin, MİRAS Musiqi qrupunun, “İncilər” Milli geyim nümayişi dəfiləsinin, Gürcüstanın “Sameba” ansamblının, İsmayıllı rayonu Lahıc folklor qrupunun, İran Qadınlar Dəf folklor qrupunun rəhbəri Şəhla Nəzəri Əfşarın, Ağsunun Bico kəndindən Aşıq Amilin və digərlərinin çıxışları iştirakçılar tərəfindən böyük maraqla qarşılanıb.
Festivalda iştirakçılar ayrı-ayrı ölkələrin adət-ənənələri ilə tanış olmaq, kənd mətbəxinin təamlarını dadmaq, qurşaq atmaq və sair imkanlar da qazanıblar. Orta əsr Ağsu şəhəri və Mehrəvan qalasında aşkar edilən arxeoloji tapıntılar, Gəgəli kəndində toxunan palaz və kilimlər və sair iştirakçılarda böyük maraq doğurub.
Qeyd edək ki, türk obalarında axır çərşənbə günündə bir sıra adətlər mövcuddur və bu adətlərdən ən əsası insanların, eləcə də ev heyvanlarının iki odun arasından keçirilməsi ilə bağlıdır. Bu adət Azərbaycanın Şirvan bölgəsinin Oğuz türk obalarından olan Gəgəli kəndində ən yaxşı şəkildə günümüzədək gəlib çatıb. Ağsu rayonunun ən böyük kəndi Gəgəli türk dünyasının tarixi obalarından olan Axtaçının yaşayış məskənlərindəndir. Əhalisi tarixən qışlaq, yaylaq və yazlıq torpaqlarında maldarlıqla məşğul olan bu əski tərəkəmə obasının bəzi folklor nümunələri özünəməxsusluğu ilə seçilir. Axır çərşənbədə oturma adəti və insanlarla yanaşı, heyvanların da çərşənbə tonqalından keçirilməsi adətinin təhlili bu obanın timsalında əski türklərdə axır çərşənbə mərasiminə böyük önəm verildiyini göstərir.
Şəkidə keçirilən rəngarəng bayram tədbirləri iştirakçılara xoş ovqat bəxş edib
Şəkidə keçirilən Novruz tədbirlərində yerli və xarici turistlər fəal şəkildə iştirak ediblər və əsl bayram sevinci yaşayıblar. Şəki Regional Mədəniyyət və Turizm İdarəsindən verilən məlumata görə, baharın gəlişi və Novruz bayramı münasibətilə Şəki şəhərindəki “Yuxarı baş” Dövlət Tarix-Memarlıq Qoruğunun ərazisində ümumşəhər bayram şənliyi keçirilib. Bayram tədbiri XVIII əsrə aid nadir tarixi-memarlıq abidəsi olan Şəki xanlarının sarayının həyətində mədəniyyət işçilərinin hazırladığı bədii proqramla başlanıb. Şəhər rəhbərliyi, ictimaiyyətin nümayəndələri və şəhərin qonaqlarının, yerli və xarici turistlərin iştirak etdikləri tədbirdə musiqi və rəqs kollektivləri maraqlı konsert proqramı ilə çıxış ediblər.
Bayram tədbiri daha sonra qədim memarlıq abidəsi olan “Qala divarları”nın həyətində davam etdirilib. Bayram tonqalı alovlandırıldıqdan sonra kəndirbaz və pəhləvanlar öz məharətlərini nümayiş etdiriblər. Novruzun personajları olan Kosa və Keçəl məzəli zarafatları ilə bayram iştirakçılarına xoş ovqat bəxş ediblər.
Sonra bayram iştirakçıları qoruğun ərazisindəki V-VI əsrlərə aid Dairəvi məbədin həyətində qol güləşçilərinin yarışını, qədim adət-ənənələrdən sayılan xoruz döyüşünü izləyib, Şəki şəhər 2 və 4 saylı uşaq musiqi məktəblərinin, tarix-diyarşünaslıq muzeyinin qarşısında isə şəhər 3 saylı uşaq musiqi məktəbinin folklor və rəqs kollektivlərinin maraqlı konsert proqramına tamaşa edib, çay süfrəsinə qonaq olub, Novruz təamlarından dadıblar. Bayram tədbiri daha sonra XVIII əsrə aid tarixi memarlıq abidəsi “Yuxarı Karvansaray” mehmanxana kompleksinin həyətində uşaq incəsənət məktəbi kollektivinin hazırladığı rəngarəng konsert proqramı ilə davam edib.
Mübariz ABDULLAYEV

 
  • Oxunub:  6630  |  
  • Tarix:  23-03-2018  |  
  •    Çap et   |  
Get Adobe Flash player
Aparılan iqtisadi islahatlar nəticəsində Azərbaycanın maliyyə imkanları əsaslı şəkildə artıb

24 İyun 16:28
Əlyazmalar İnstitutunda Nəsiminin 650 illik yubileyinə həsr olunan konfransı keçirilib
24 İyun 16:14
Azərbaycan ilə Bolqarıstan arasında əlaqələrin inkişaf perspektivləri müzakirə olunub
24 İyun 15:44
Çingiz Hüseynzadə Ruhidil Qurbanlı və Abdulla Əl-Məşayxi ilə görüşüb
24 İyun 15:41
“Organic Food Festival 2019”a 3 gündə 10 mindən çox ziyarətçi qatılıb
24 İyun 15:36
Azər Badamov: Dövlət başçısının imzaladığı sərəncamlarda sosial ədalət və inkluzivlik təmin edilir
24 İyun 15:33
Şeyxülislam Allahşükür Paşazadə Azərbaycan və Avstriya prezidentlərinə minnətdarlıq məktubu ünvanlayıb
24 İyun 15:27
BMT baş katibinin müavini: “ASAN xidmət” modeli digər ölkələr üçün gözəl nümunədir
24 İyun 15:26
Pekində Nizami Gəncəvi Beynəlxalq Mərkəzinin 17-ci ali səviyyəli toplantısı işə başlayıb
24 İyun 15:22
Dini radikalizmlə mübarizədə maarifləndirmənin böyük rolu var
24 İyun 15:16
Azərbaycan BMT-nin xüsusi mükafatına layiq görülüb
24 İyun 15:04
Nicat Hacızadə: Minimum əməkhaqqının artımı ölkədə iqtisadi aktivliyə müsbət təsir göstərəcək
24 İyun 14:32
"Dinlərarası və sivilizasiyalararası əməkdaşlıqdan bəşəri həmrəyliyə" mövzusunda beynəlxalq konfransın Vyana Bəyannaməsi
24 İyun 14:27
DİN-də naziryanı əməliyyat müşavirəsi keçirilib
24 İyun 14:23
Azərbaycanda bu günədək 595,2 hektaradək sahədə taxıl biçini aparılıb
24 İyun 14:19
Azərbaycanın və Monteneqronun Baş nazirlərinin görüşü olub
24 İyun 14:12
“Qarabağ” muğam qrupu Belçikada silsilə konsertlərlə çıxış edib
24 İyun 13:57
Bolqarıstan Baş Nazirinin müavini ümummilli lider Heydər Əliyevin məzarını və Şəhidlər xiyabanını ziyarət edib
24 İyun 13:54
Dövlət Gömrük Komitəsinin rəhbərliyi Gəncə, Göygöl və Daşkəsəndə vətəndaşları qəbul edib
24 İyun 13:48
Azərbaycanda ilk dəfə olaraq minimum əmək haqqı yaşayış minimumunu üstələyir
24 İyun 13:47
Cüdoçularımız “Minsk 2019”un dördüncü gününə qələbələrlə başlayıblar
24 İyun 13:15
Bakıda Birləşmiş Millətlər Təşkilatının dövlət xidmətləri üzrə mükafatlandırma mərasimi keçirilib
24 İyun 12:22
Xarici diplomatlar DOST mərkəzi ilə tanış olublar
24 İyun 12:18
“Azərbaycan Hava Yolları” QSC ilə “Bakı 2019”un Əməliyyat Komitəsi arasında tərəfdaşlıq sazişi imzalanıb
24 İyun 12:16
Moskvada Bakı-Tbilisi-Qars dəmir yolu xətti ilə yükdaşımalara dair müzakirələr aparılıb
24 İyun 12:06
“Əmlakını qeydiyyata al və mülkiyyətinə sahib ol” kampaniyası Kürdəmirdə
24 İyun 11:52
Şamaxıda Nəsiminin 650 illik yubileyinə həsr edilən elmi sessiya keçirilib
24 İyun 11:42
Qida təhlükəsizliyi sahəsində çalışmaq istəyən məzunlarla görüş olub
24 İyun 11:38
Monteneqronun Baş Naziri ulu öndər Heydər Əliyevin məzarını və Şəhidlər xiyabanını ziyarət edib
24 İyun 11:31
“Olimpiya Mədəniyyəti və Təhsil Proqramı” çərçivəsində təlimlər davam edir
24 İyun 11:25
Azərbaycan və Ermənistan qoşunlarının təmas xəttində növbəti monitorinq keçiriləcək
24 İyun 11:19
Azərbaycanın Birinci vitse-prezidenti Mehriban Əliyeva BMT Baş katibinin müavini Liu Cenmin ilə görüşüb
24 İyun 11:06
Rəhman Mustafayev: Fransa qanunlarına zidd olaraq qəbul edilmiş sənədlərin ləğvi ilə mühüm məhkəmə presedenti yaranıb
24 İyun 10:58
Müəllimlərin işə qəbulu üzrə sənəd qəbulu başlayır
24 İyun 10:52
Bakıda BMT-nin Dövlət Xidmətləri Forumu işə başlayıb
24 İyun 10:50
Müdafiə Nazirliyi: Cəbhənin bəzi sahələrində atəşkəs rejimi ara-sıra açılan atəşlə pozulub
24 İyun 09:47
Dünya Neft Konqresinə səsvermədə Azərbaycan ikinci olub
23 İyun 21:11
Sabah Bakıda Ümumdünya İrs Gənc Peşəkarlar Forumu öz işinə başlayacaq
23 İyun 21:04
Monteneqronun Baş naziri Azərbaycana rəsmi səfərə gəlib
23 İyun 20:10
Akrobatika gimnastlarımız "Minsk 2019"da üçüncü medalı qazanıblar
23 İyun 19:17
Rüstəm Orucov Avropa Oyunlarında Azərbaycana altıncı medalı qazandırıb
23 İyun 19:06
Hidayət Heydərov ikinci Avropa Oyunlarında bürünc medal qazanıb
23 İyun 17:40
BMT-nin Dövlət Xidmətləri Forumu "ASAN xidmət"in intellektual məhsul kimi digər ölkələrə ixrac edilməsinə ciddi töhfə verəcək
23 İyun 17:12
Azərbaycan nümayəndə heyəti AŞPA-nın yay sessiyasında iştirak edəcək
23 İyun 14:27
Naxçıvanda kənd təsərrüfatı məhsullarının satış yarmarkasında bolluq və ucuzluqdur
23 İyun 13:44
BMT Baş katibinin müavini “ASAN xidmət” mərkəzində olub
23 İyun 12:45
İtaliyada İkinci Azərbaycan Film Festivalı başa çatıb
23 İyun 11:05
Heydər Əliyev Mərkəzinin parkında yoqa sessiyası təşkil olunub
23 İyun 10:28
“Huawei” şirkəti Azərbaycan ilə əməkdaşlığın genişləndirilməsində maraqlıdır
23 İyun 10:25
Azərbaycan idmançıları “Minsk 2019”un ikinci günündə 1 gümüş və 3 bürünc medal qazanıblar
23 İyun 10:23
23 iyun Azərbaycanda dövlət qulluqçularının peşə bayramıdır
23 İyun 10:19
“Minsk 2019”un üçüncü günündə atletlərimiz idmanın altı növü üzrə mübarizə aparacaqlar
23 İyun 10:16
Prezident İlham Əliyev: Azərbaycan özünün tarixi ilə qürur duyur
22 İyun 17:58
Azərbaycan millisinin ikinci Avropa Oyunlarında ilk medalını akrobatika gimnastlarımız qazanıblar
22 İyun 17:53
Daxili İşlər naziri Qubada vətəndaşların qəbulunu keçirib
22 İyun 17:50
İkinci Avropa Oyunlarında iştirak edən Azərbaycan idmançıları ilə görüş olub
22 İyun 17:46
FAO ilə Azərbaycanda kiçik və orta biznesin inkişafının dəstəklənməsi üzrə əməkdaşlıq genişlənir
22 İyun 17:42
“Minsk 2019”: Azərbaycan boksçusu ermənistanlı rəqibi üzərində inamlı qələbə qazanıb
22 İyun 17:37
Azərbaycanda bu günədək 522,7 min hektar sahədə taxıl biçini aparılıb
22 İyun 15:58
Sahil Babayev: Ölkəmizdə həyata keçirilən pensiya islahatı sosialyönümlü siyasətin nəticəsidir
22 İyun 15:55
Azər Badamov: Əhalinin sosial vəziyyətinin yaxşılaşdırılması istiqamətində atılan addımlar davamlı xarakter daşıyır
22 İyun 15:54
Azərbaycan Respublikası Prezidenti Administrasiyasının məlumatı
22 İyun 15:45
İsa Həbibbəyli: Dövlət başçısının sərəncamları elm və təhsil sahəsində çalışanların üzərinə böyük məsuliyyət qoyur
22 İyun 15:41
Vergilər Nazirliyində Beynəlxalq Valyuta Fondunun nümayəndələri ilə müzakirələr aparılıb
22 İyun 15:38
Vüqar Bayramov: Sərəncam sosial islahatlarda yeni bir mərhələ kimi qiymətləndirilməlidir
22 İyun 15:33
Tahir Rzayev: Azərbaycanın dinamik inkişafı regionların timsalında da özünü aydın şəkildə göstərir
22 İyun 11:36
Ermənistan silahlı qüvvələrinin bölmələri iriçaplı pulemyotlardan da istifadə etməklə atəşkəs rejimini 20 dəfə pozub
22 İyun 11:17
Əmək və Əhalinin Sosial Müdafiəsi Nazirliyi sistemində dövlət qulluğuna yeni qəbul olunan əməkdaşların andiçmə mərasimi olub
22 İyun 11:11
Respublikada 412,7 min hektar sahədə yazlıq bitkilərin səpini aparılıb
22 İyun 11:07
Bərdədə kənd yolları təmir olunur
22 İyun 11:05
Astarada turizmin inkişafı üçün lazımi şərait yaradılıb

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
HAVA HAQQINDA
Bakı
gündüz+32 +36
gecə+21 +25