Ana səhifə »  KİVDF »  Azərbaycanda turizmin inkişafı ilə bağlı yeni layihələr həyata keçirilir
A+   Yenilə  A-
Azərbaycanda turizmin inkişafı ilə bağlı yeni layihələr həyata keçirilir

İstər bu layihələr, istərsə də respublikamızda keçirilən beynəlxalq tədbirlər nəticəsində ölkəmizə gələn xarici turistlərin sayı getdikcə artır
Hazırda öz inkişafına görə nəinki yerləşdiyi regionda, o cümlədən dünyada fərqlənən Azərbaycanda bütün sahələrdə uğurlar əldə edilir. İstər bu uğurlar, istərsə də respublikamızda həyata keçirilən beynəlxalq əhəmiyyətli tədbirlər öz növbəsində ölkəmizə gələn xarici turistlərin sayının artmasına təkan verir. Bu artım 2018-ci ilin birinci rübü və ondan sonrakı dövrdə də özünü göstərib. Məlumat üçün bildirək ki, bu ilin birinci rübündə ölkəmizə gələn xarici turistlərin sayı 12,5 faiz artıb.
Aprelin 9-da Azərbaycan Respublikasının Prezidenti İlham Əliyevin Sədrliyi ilə keçirilən Nazirlər Kabinetinin 2018-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasındakı nitqində bu məqama toxunan dövlət başçısı “Əgər biz əvvəlki illəri də nəzərə alsaq görərik ki, bu dinamikada ardıcıllıq var. Bunun da bir çox səbəbləri var - Azərbaycanda hökm sürən sabitlik, təhlükəsizlik, xalqımızın qonaqpərvərliyi, tarixi abidələrimiz, infrastruktur, 6 beynəlxalq aeroport, yollar, otellər. Əlbəttə ki, ölkəmizdə keçirilən beynəlxalq tədbirlər Azərbaycanı dünyaya təqdim edir. Onların arasında Avropa Oyunları, İslam Həmrəyliyi Oyunları, “Eurovision” müsabiqəsi və Formula 1 yarışları xüsusi rol oynayır. Çünki Formula 1 yarışlarının tamaşaçı auditoriyası yarım milyard insana bərabərdir. Bu yarışlar şəhərimizin mərkəzində keçirilir. Biz onu xüsusilə belə təşkil etmişik ki, şəhərimiz göstərilsin, bu yarışa baxan azarkeşlər təkcə o yarışı görməsinlər, şəhərimizin gözəlliyini, müasirliyini görsünlər və daha çox Azərbaycana turist kimi gəlsinlər”, - deyib.
Məlum iclasdakı nitqində Azərbaycanda turizmin inkişafının sürətlə getdiyini deyən dövlət başçısı bu sahə ilə bağlı yeni layihələrin olduğunu da bildirib: “Turizmlə bağlı bizim əlavə addımlarımız dəmir yolu ilə bağlıdır. Mən bu layihəni artıq bəyan etmişəm. Biz bu il Qəbələ şəhərinə dəmir yolu çəkməyə başlayırıq. Bu, o bölgəyə turist axınını təmin edəcək. Bu il Qusar rayonuna dəmir yolunun çəkilməsi ilə bağlı tədqiqatlar, sənədləşmə işləri, texniki-iqtisadi əsaslandırma aparılır. Yəqin ki, gələn ildən başlayaraq biz bu dəmir yollarını əsas turizm yerlərinə çəkəcəyik”.
Beləliklə, həyata keçirilən işlər, atılan addımlar öz bəhrəsini verməkdədir. Belə ki, bu ilin yanvar-may ayları ərzində Azərbaycana dünyanın 184 ölkəsindən 1 milyon 55,6 min və ya ötən ilin müvafiq dövrü ilə müqayisədə 10,1 faiz çox əcnəbi və vətəndaşlığı olmayan şəxs gəlib. Dövlət Statistika Komitəsindən bildirilib ki, gələnlərin 29,3 faizi Rusiya Federasiyası, 22 faizi Gürcüstan, 12,1 faizi İran, 11,3 faizi Türkiyə, 4 faizi Birləşmiş Ərəb Əmirlikləri, 2 faizi Ukrayna, 1,8 faizi İraq, 17,4 faizi digər ölkələrin vətəndaşları, 0,1 faizi isə vətəndaşlığı olmayan şəxslər olub. Gələnlərin 67,8 faizini kişilər, 32,2 faizini isə qadınlar təşkil edib. Əcnəbi və vətəndaşlığı olmayan şəxslərin 17,6 faizi yanvar, 15,8 faizi fevral, 26,2 faizi mart, 20,7 faizi aprel, 19,7 faizi isə may ayında ölkəyə gəlib.
Cari ilin yanvar-may aylarında Körfəz ölkələrindən (İran istisna olmaqla) Azərbaycana gələnlərin sayında daha çox artım müşahidə edilib. Ötən ilin yanvar-may ayları ilə müqayisədə ölkəmizə gələn Küveyt vətəndaşlarının sayı 6 dəfə, Bəhreyn vətəndaşlarının sayı 2,4 dəfə, Qətər və Səudiyyə Ərəbistanı vətəndaşlarının sayı 1,9 dəfə, İraq vətəndaşlarının sayı 1,5 dəfə, Oman vətəndaşlarının sayı 32,4 faiz, Birləşmiş Ərəb Əmirlikləri vətəndaşlarının sayı 6,8 faiz artıb. İrandan gələnlərin sayında 11,3 faiz azalma müşahidə edilib.
Beş ayda Avropa İttifaqına üzv ölkələrdən gələnlərin sayı 12,6 faiz artaraq 42,6 min nəfər, MDB ölkələrindən gələnlərin sayı 7,4 faiz artaraq 367,4 min nəfər olub. Ölkəmizə gələn əcnəbilər və vətəndaşlığı olmayan şəxslərin 59,9 faizi dəmir yolu və avtomobil, 39,2 faizi hava, 0,9 faizi isə su nəqliyyatından istifadə edib.
Onu da vurğulamaq yerinə düşər ki, paytaxt Bakıya və ölkəmizin bölgələrinə turist axını Ramazan bayramı günlərində də davam edib. Bu sırada Şəki də var. Məlumat üçün bildirək ki, Azərbaycanın qədim mədəniyyət məskənlərindən olan Şəki bu gün həm də regionun ən önəmli turizm mərkəzi kimi tanınmaqdadır. Şəki xanlarının sarayı, Kiş kəndindəki qədim alban məbədi, orta əsrlərə aid karvansaralar, tarixi-memarlıq abidələri, yerli sənətkarların əl işlərinin sərgiləndiyi “Sənətkarlar evi” turistlər üçün cəlbedici məkanlar hesab olunur.
Beləliklə, əvvəlki illərdə olduğu kimi, bu dəfə də Ramazan bayramı ilə əlaqədar tətil günlərində Şəkiyə gələn turistlərin sayında xeyli artım müşahidə olunub. Turistlərin ən çox üz tutduqları tarixi məkanlardan olan “Yuxarı Baş” Dövlət Tarix-Memarlıq Qoruğunun ərazisini bayram günlərində çoxlu sayda turist ziyarət edib. Bu ərazidə yerləşən muzey və karvansaralar, həmçinin XVIII əsrə aid dünya əhəmiyyətli nadir tarixi-memarlıq abidəsi Şəki xanlarının sarayı, sənətkarlıq emalatxanaları yerli və xarici turistlərin daha çox marağına səbəb olub.
Qoruqdan verilən məlumata görə, bayram tətili günlərində Şəkiyə gələn yerli və xarici turistlərin sayında nəzərəçarpacaq dərəcədə artım müşahidə olunub. Xarici turistlər arasında Avropa ölkələrindən, həmçinin Rusiya, Türkiyə, İran, İsrail və ərəb ölkələrindən gələnlər üstünlük təşkil edib.
Yeri gəlmişkən, bayram günlərində şəhərə turist axınını nəzərə alaraq, qoruğun ərazisindəki Şəki xanlarının sarayının, muzeylərin qapıları səhər saatlarından axşamadək qonaqların üzünə açıq olub. Turistlərə xidmət göstərmək üçün sarayın yaxınlığında, qədim qala divarları ilə əhatələnən geniş yaşıllıq ərazidə asudə vaxt və istirahət guşəsi yaradılıb. Turistlər burada quraşdırılan çadırlarda dincələ, milli geyimdə foto çəkdirə bilib, Şəki şirniyyatları ilə samovar çayına qonaq olublar. Uşaqlar da yaddan çıxmayıb, ərazidə onlar üçün müxtəlif attraksionlar quraşdırılıb. Faytonla, atla gəzintilər də gələnlərin böyük marağına səbəb olub. Turistlərin asudə vaxtlarının maraqlı keçməsi üçün qoruğun ərazisindəki tarixi abidələrin önündə tez-tez konsertlər təşkil olunub.
Turistlərə göstərilən xidmətlərə gəlincə, bildirilib ki, bu mövsümdən başlayaraq turistlərə bir neçə yeni xidmət növü də təklif olunub. Yenicə fəaliyyətə başlayan səyyar bələdçilər turistlərin arzusuna uyğun olaraq, onları şəhərin görməli yerləri, tarixi məkanları ilə tanış edib, otellər, restoranlar barədə məlumat veriblər. Xan yaylağına gəzintilərin təşkili də turistlərin böyük marağına səbəb olub.
Qoruğun ərazisində yerləşən “Sənətkarlar evi”ndə də bayram tətili günlərində xüsusi canlanma hiss olunub. Burada fəaliyyət göstərən şəbəkə ustası Hüseyn Hacımustafazadə və təkəlduz ustası Vəfa Mustafayevanın dediyinə görə, turistlər yerli sənətkarların əl işlərinə böyük maraq göstəriblər.
Ramazan bayramı münasibətilə elan olunan qeyri-iş günlərində Qubadakı istirahət mərkəzlərində dincələn turistlərin sayı isə ikiqat artıb. Bayram günlərində Quba rayonuna gələn turistlər daha çox Qəçrəş və Quba-Xınalıq istiqamətində yerləşən istirahət mərkəzlərinə üz tutublar.
Qonaqların əksəriyyətini yerli turistlər təşkil etsə də, ziyarətçilər arasında xeyli sayda əcnəbi də olub. Quba Turizm İnformasiya Mərkəzindən bildirilib ki, həmin günlərdə rayona gələn turistlərin sayı adi vaxtlardakından 50-60 faiz çox olub. Onlardan biri, almaniyalı turist Fritz Lange KİV-ə açıqlamasında deyib ki, biz Qubaya istirahət etmək, eyni zamanda, nadir quş növlərini araşdırmaq məqsədilə gəlmişik: “Burada ancaq dağlıq ərazilərdə yaşayan bir sıra endemik quşlar var. Qubaya bir həftəlik gəlmişik. Azərbaycanda olduğumuz müddətdə yalnız bir gün restoranda yemək yemişik. Digər günlərdə yerli mətbəx nümunələrinin dadına baxmışıq. Ölkənizin çox dadlı və özünəməxsus mətbəxi var”.
Ümumiyyətlə, Qubaya gələn əcnəbi turistlərin sayı hər il artır. Verilən məlumatlara əsasən, son illər ərəb ölkələrindən gələn qonaqlar çoxluq təşkil edir. Əcnəbi turistlər Qubanı təbiətinə, qonaqpərvər insanlarına və ləziz mətbəxinə görə seçirlər. Rayondakı istirahət mərkəzlərinin təmsilçiləri isə turistlərin buradan razı getmələri üçün əllərindən gələni edirlər.
Rayona gələn qonaqların çoxluğu nəzərə alınaraq, Quba Turizm İnformasiya Mərkəzi istirahət və bayram günlərində də fəaliyyət göstərib. Turistlərin rayonda istirahətini təmin etmək üçün “qaynar xətt” yaradılıb. Əcnəbi və yerli turistlər 24 saat ərzində (070) 530-76-70 nömrəsinə zəng edərək istirahət mərkəzləri, turizm marşrutları barədə ətraflı məlumat ala biliblər. Quba Turizm İnformasiya Mərkəzi tərəfindən turistlərə ödəniş əsasında nəqliyyat vasitəsi və bələdçi də təqdim olunub.
Zəngin flora və faunası, qədim və orta əsrlərə aid tarixi abidələri ilə tanınan İsmayıllı rayonu da istər yerli, istərsə də xarici turistlərin maraq göstərdiyi bölgələrdəndir. Təsadüfi deyil ki, rayona gələn turistlərin sayı ildən-ilə artır. Təkcə Ramazan bayramı günlərində rayona 5 mindən çox turist gəlib. Bu, ötənilki bayram günlərində gələn turistlərin sayından 15 faiz çoxdur.
İsmayıllı Turizm İnformasiya Mərkəzindən AZƏRTAC-ın bölgə müxbirinə bildirilib ki, bayram günlərində bütün turizm mərkəzləri, o cümlədən “Qız qalası”, “Qızıl qaya”, “Narniya” yerli və xarici turistlərlə tamamilə dolub. Xeyli sayda turist isə Xanagah, Aşağı Cülyan, Buynuz kəndlərində fərdi evlərdə qalıb.
Qeyd edək ki, İsmayıllıda 220-dən çox tarix və mədəniyyət abidəsi var ki, onlardan 32-si ölkə, qalanları isə yerli əhəmiyyətlidir. Dünya əhəmiyyətli Lahıc Dövlət Tarix və Mədəniyyət Qoruğu bu gün turistlərin maraq göstərdikləri əsas məkandır. Elə buna görədir ki, Ramazan bayramı günlərində Lahıca 3 min nəfərdən çox turist gəlib. Gələnlər arasında yerli turistlərlə yanaşı, Almaniyadan, Fransadan, İngiltərədən olan ziyarətçilər də var.

Bu məqamda onu da bildirək ki, artıq bütün bölgələrimiz, o cümlədən Azərbaycanın turizm məkanlarından biri olan cənub bölgəsi yay turizm mövsümünə tam hazırdır. Əvvəlki illərdən fərqli olaraq cənub bölgəsində yay turizm mövsümü bu ilin mart ayından başlanıb. Mədəniyyət və Turizm Nazirliyi və Lənkəran Turizm-İnformasiya Mərkəzinin əməkdaşlarından ibarət işçi qrupu bölgənin turizm və istirahət mərkəzlərində, çimərliklərdə monitorinqlər aparıb.
Bildirmək yerinə düşər ki, geniş turizm imkanlarına malik olan cənub bölgəsinin əsrarəngiz təbiəti, tarixi abidələri, milli mətbəxi, adət-ənənələri, folkloru rayona gələn turistlərin böyük marağına səbəb olub. Ölkəmizə gələn turistlərin ilk üz tutduğu məkanlardan biri də Lənkəran rayonudur. Turistləri buraya cəlb edən əsas amillər isə Lənkəranın dəniz, dağ və meşə ilə əhatə olunmasıdır.
Son illər rayona gələn turistlərin sayı nəzərəçarpacaq dərəcədə artıb. Bu ilin beş ayında Lənkəranda mehmanxana və mehmanxana tipli obyektlərdə qalan turistlərin sayı 8857 nəfər olub. Onlardan 10 faizi xarici turistlərdir. Bölgəyə ən çox turist İran İslam Respublikasından və Rusiya Federasiyasından gəlib.
Lənkəran Turizm-İnformasiya Mərkəzi cənub bölgəsinin turizm potensialının təbliği sahəsində müxtəlif tədbirlər həyata keçirib. Mərkəzin direktoru İlqar Əzimov bildirib ki, Lənkəranın turizm potensialını əks etdirən ingilis və Azərbaycan dillərində buklet, flayer və digər çap materialları hazırlanaraq sərgilərdə nümayiş etdirilib, turistlərə təqdim olunmaq üçün rayonda yerləşən mehmanxana və mehmanxana tipli obyektlərə, muzeylərə və Heydər Əliyev Mərkəzinə paylanılıb.
Eyni zamanda, rayonun turizm potensialını təbliğ edən orijinal flayer və təqvim, Lənkəranın turist marşrutu xəritəsi hazırlanaraq gələn qonaqlara verilib. Hazırda isə cənub bölgəsinin turist marşrutu xəritəsi üzərində iş gedir.
İlk dəfə olaraq Mərkəz tərəfindən Lənkəranda fəaliyyət göstərən otellərin ingilis və rus dillərində kataloqu hazırlanıb. Cənub bölgəsinin digər rayonları Lerik və Astara üzrə də bu tip çap məhsullarının hazırlanması planlaşdırılıb.
Ölkəmizin cənub bölgəsinin turizm potensialının beynəlxalq səviyyədə təbliğ olunması məqsədilə Mərkəz aprelin 5-7-də Bakıda keçirilmiş turizm və səyahətlər sərgisində bölgəni layiqincə təmsil edib. Sərgi çərçivəsində iştirakçılara yerli sənətkarlar tərəfindən hazırlanan milli suvenirlər təqdim olunub. Sərgidən sonra cənub bölgəsinin turizm məkanlarına maraq artıb, istirahət ocaqları və turlarla bağlı müraciətlər olunub. Xüsusilə əcnəbi turistlərin bölgəyə axını artıb.
İyunun əvvəlində İtaliyanın müxtəlif bölgələrini təmsil edən turist heyəti Lənkərana səfər edib. Lənkəran Turizm-İnformasiya Mərkəzi tərəfindən gələn qonaqlar üçün maraqlı turlar təşkil olunub.
Son illərdə ölkəmizə xarici turist axınını nəzərə alaraq turizm obyektlərində qonaqlara göstərilən xidmətin səviyyəsinin yüksəldilməsi mühüm rol oynayır. Bununla əlaqədar mütəmadi treninq və seminarlar təşkil olunur. Nəticədə respublikamıza, eləcə də bölgələrə səfər edən xarici turistlərin sayı ildən-ilə artır.
Xarici turistlərin ölkəmizə daxil olmalarını asanlaşdırmaq və qeydiyyatlarının təkmilləşdirilməsi ilə bağlı bir sıra normativ aktlar, o cümlədən mehmanxana və mehmanxana tipli obyektlərdə, turizm məkanlarında əcnəbi turistlərin qeydiyyatının yeni norma və qaydaları qəbul olunub.
İyunun 15-dən yeni turizm mövsümünün başlaması ilə əlaqədar olaraq əcnəbi turistlərin qeydiyyatında olan yeniliklərin tətbiqi ilə bağlı Lənkəran-Turizm İnformasiya Mərkəzi və Dövlət Miqrasiya Xidmətinin Regional İdarəsinin təşkilatçılığı ilə Lənkəranda fəaliyyət göstərən turizm obyektlərinin nümayəndələri üçün maarifləndirici tədbir təşkil olunub.
Mərkəz tərəfindən yerli sənətkarlıq növlərinin təbliği məqsədilə əl işlərinin sərgisi və cənub bölgəsinin turizm potensialını əks etdirən fotosərgilər maraqla qarşılanıb. Lənkəranda fəaliyyət göstərən bir sıra otellərdə Mərkəzin təşəbbüsü ilə yerli sənətkarların əl işlərinin satışına başlanılıb.
Ekoloji turizm növlərinin araşdırılması və milli parklarda müxtəlif turizm xidmətlərinin təşkili, sağlamlıq və ekstremal turizm növlərinin təbliği və inkişafı məqsədilə ekoloji turizm üçün əlverişli imkanları olan Hirkan Milli Parkı ilə əməkdaşlıq davam etdirilir. Milli Parkla yanaşı, turistlər üçün ekoturizm marşrutları üzrə gəzintilər də təşkil olunur.
Bölgə üçün yeni olan aqroturizmin inkişafı ilə bağlı işlərə də start verilib. Turistlər üçün çay plantasiyalarına və çay fabrikinə turlar təşkil edilir.
Hazırda Lənkəranda iki böyük turizm obyektinin tikintisi, Astaradakı dənizkənarı bulvarda genişləndirmə işləri davam etdirilir. Bütün bunlar isə cənub bölgəsinə daha çox turistin gəlməsinə səbəb olacaq.
Əsrarəngiz gözəlliyə, mülayim iqlim şəraitinə malik Astara rayonunda turizmin inkişafı üçün geniş imkanlar var. Rayonun Xəzər dənizi və Talış dağları ilə əhatə olunması, zəngin tarix və mədəniyyət abidələri xarici turistlərin daha çox marağına səbəb olur.
Lənkəran Regional Mədəniyyət İdarəsinin Astara rayonu üzrə baş məsləhətçisi Şadoğlan Bayramov bildirib ki, Astarada turizmin inkişafı həm təbii şəraitlə, həm də maddi-texniki bazanın olması ilə əlaqədardır. Rayonda fəaliyyət göstərən 13 turizm obyekti həm dəniz sahili boyu, həm də dağətəyi ərazilərdə yerləşir. Turizm obyektləri yay dövründə çimərlik, digər mövsümlərdə kənd və dağ turizminin inkişafına xidmət edir.
Ötən il Astara rayonuna gələn 6000 turistin 950 nəfərinin xarici vətəndaş olduğunu qeyd edən Ş.Bayramov bu ilin beş ayında rayona 1500 nəfərə yaxın turistin gəldiyini, onların 500 nəfərinin xarici turist olduğunu bildirib. Vurğulanıb ki, Rusiyadan Astaraya gələn turistlərin sayı ildən-ilə artır. İrandan gələn turistlərin sayı isə daha çoxdur. Astara ilə sərhəd olduğundan onlar üçün mövsümi turizm anlayışı yoxdur. Rayonda keçirilən mədəni-kütləvi tədbirlər də turistləri cəlb edir.
Öz növbəsində Astara şəhərində Xəzər dənizi sahili boyunca salınmış park-bulvar kompleksinin genişləndirilməsi, rayonun dağ kəndlərinə gedən yolların asfaltlaşdırılması turizmin inkişafı üçün geniş imkanlar açır.
Astarada turizmin inkşafı istiqamətində atılan addımlardan söz düşmüşkən, bir müddət öncə Regional İnkişaf İctimai Birliyinin (RİİB) təşkilatçılığı ilə “Tematik turların təşkilində turizm bələdçilərinin rolu” mövzusunda həyata keçirilən layihə çərçivəsində təlim iştirakçıları üçün Astara rayonunun Ərçivan qəsəbəsində yerləşən Həmid Abdulla hamamı və Gəzəndaş ziyarətgahına tematik tur təşkil edilib. Turizm bələdçiləri, həmçinin Ərçivan qəsəbəsindəki “Yanar bulaq”da, “LƏM” yay istirahət evində, Astara şəhərindəki dənizkənarı park-bulvar kompleksində, rayonun digər turizm obyektlərində olublar.
Turizmin inkişafı, həmçinin ölkəmizə gələn xarici turistlərin sayının artması istiqamətində ölkənin qərb bölgəsinə də davamlı addımlar atılır. Səfalı təbiəti və əlverişli turizm imkanları ilə seçilən Hacıkənd qəsəbəsində Azərbaycan ədəbiyyatının və tarixinin böyük bir hissəsini özündə əks etdirən “Nizami Gəncəvi: sələflər və xələflər” adlı parkın açılması da bu istiqamətdə atılmış addımlardan biridir.
Açılış mərasimində çıxış edən Gəncə Şəhər İcra Hakimiyyətinin başçısı Elmar Vəliyev son illər Gəncə şəhərində bir çox tarixi abidələrin bərpa edildiyini, yeni muzeylərin, mədəniyyət mərkəzlərinin yaradıldığını, görkəmli ictimai-siyasi, mədəniyyət xadimlərinin xatirəsinin əbədiləşdirildiyini, həmçinin şəhərin qədim tarixinin, zəngin mədəniyyətinin təbliği istiqamətində böyük işlər görüldüyünü diqqətə çatdırıb.
Bildirilib ki, ölkəmizin ən səfalı istirahət məkanlarından olan Göygöl Milli Parkına ötən il 40-a yaxın ölkədən çoxlu qonaq və turist gəlib. Xarici qonaqlar həm də Hacıkənddə olub, bu yerlərin füsunkar mənzərəsini seyr ediblər.
İcra Hakimiyyətinin başçısı qeyd edib ki, Hacıkənd qəsəbəsinin mərkəzində parkın salınmasında məqsəd bu ərazidə yaşıllıq və mikroiqlim mühiti yaratmaqla yanaşı, Azərbaycanın milli-mənəvi dəyərlərinin yaradılmasında və onların qorunmasında böyük xidmətləri olmuş şəxsiyyətləri, ictimai-siyasi və mədəniyyət xadimlərini, böyük filosofları, eləcə də tarixi qəhrəmanları təbliğ etmək, Gəncənin qədim Şərqin mədəniyyət mərkəzi kimi zəngin tarixi-mədəni irsə malik olduğunu bu bölgəyə istirahətə gələn yerli və xarici turistlərə göstərməkdir.
Məlumat verilib ki, bu məqsədlə parkda geniş tikinti işləri aparılıb. Parka suvarma sistemi çəkilib, burada ağac və gül kolları əkilib. Parkın yuxarı hissəsində postament üzərində dahi Azərbaycan şairi Nizami Gəncəvinin heykəli ucaldılıb. Abidənin qarşısında Nizami Gəncəvidən əvvəl və sonra yaşamış digər şair və yazıçıların, alim və filosofların, tarixi və əfsanəvi qəhrəmanların heykəlləri qoyulub.
Parkda əfsanəvi sərkərdə Əfrasiyab, müsəlman şərqinin ilk qadın şairəsi Məhsəti Gəncəvi, görkəmli şair və alimlər Ömər Gənci, Əbül-üla, Əsəd, Rəziyyə, Qivami Mütərrizi, Siti, Əbubəkr Gəncəvilər, Nizami Gəncəvinin xələfləri sayılan Doxtəri Xətibi Gəncə, Doxtəri Həkim Gav, Mühasib Gəncəvi, Mirzə Şəfi Vazeh, Şeyx İbrahim Qüdsi və Şeyx Zamanın, eləcə də Gəncənin yadelli işğalçıların istilasına qarşı inadla müqavimət göstərən Usta Bəndər kimi 17 görkəmli tarixi şəxsiyyətin heykəli ucaldılıb. Bir sözlə, görünən odur ki, ölkəmizdə turizmin inkişafı diqqət mərkəzindədir və bu istiqamətdə atılan addımlar davamlı xarakter daşıyır.
Nadir AZƏRİ

 
  • Oxunub:  3600  |  
  • Tarix:  30-06-2018  |  
  •    Çap et   |  
Get Adobe Flash player
Azərbaycanda sabitliyin möhkəmləndirilməsi dövlətin və hər bir vətəndaşın işi olmalıdır

15 Fevral 20:36
“Toplan” sahibsiz itlərə qayğı mərkəzinin növbəti hissəsinin təməli qoyulub
15 Fevral 20:21
Buzovnadakı psixonevroloji sosial xidmət müəssisəsinin yenidənqurmadan sonra açılışı olub
15 Fevral 20:19
Azərbaycan ilə Avropa İttifaqı arasında əməkdaşlıq məsələləri müzakirə edilib
15 Fevral 19:08
Əli Həsənov: Məişət zəminində yaşanan hər hansı insident Azərbaycan və çeçen xalqları arasında tarixən mövcud olmuş dostluq və qardaşlıq əlaqələrinə xələl gətirə bilməz
15 Fevral 17:52
Mediaya açıq Prezident: İlham Əliyev fikirlərini KİV-lə bölüşür
15 Fevral 17:47
Konstitusiya Məhkəməsi gənc hüquqşünasları könüllü fəaliyyətə dəvət edir
15 Fevral 17:46
Neftçalada özünüməşğulluq proqramı çərçivəsində yaradılmış təsərrüfatlara baxış olub
15 Fevral 17:41
Pərvin Kərimzadə: Dövlət başçısının imzaladığı sərəncamlar gənclərin elm və təhsil sahəsinə marağının artmasını stimullaşdıracaq
15 Fevral 17:38
Azərbaycanda yeni "ASAN Xidmət" mərkəzləri açılacaq
15 Fevral 17:34
Prezident İlham Əliyev Sabirabad və Salyan rayonlarında qış otlaqlarında meliorativ tədbirlərin davam etdirilməsinə 30 milyon manat ayırıb
15 Fevral 17:34
Eldəniz Səlimov: Demokratiya, söz azadlığı o demək deyil ki, hər kəs istənilən zaman başqalarını təhqir edə bilər
15 Fevral 17:32
Prezident İlham Əliyev Tovuzda yol tikintisinə 3,3 milyon manat ayırıb
15 Fevral 17:31
“ASAN xidmət” və Diasporla İş üzrə Dövlət Komitəsi xaricdəki vətəndaşlarımız üçün səyyar xidmətlər göstərəcək
15 Fevral 17:28
Bərdədə məcburi köçkünlər üçün ödənişsiz tibbi müayinə təşkil edilib
15 Fevral 17:24
Neftçalada kütləvi tibbi müayinəyə 65 min nəfərdən çox sakin cəlb olunacaq
15 Fevral 17:05
Göyçaya rəqabətqabiliyyətli və ixracyönümlü məhsulların istehsalı diqqət mərkəzində saxlanılacaq
15 Fevral 17:02
Əli Məsimli: Azərbaycan Avropanın enerji təhlükəsizliyində mühüm rol oynayacaq və qitəyə daha güclü inteqrasiya edəcək
15 Fevral 16:58
İnam Kərimov Kənd Təsərrüfatı Nazirliyinin xaricdə təhsil almış əməkdaşları ilə görüşüb
15 Fevral 16:57
İsmayıllıda əsas kapitala 6,7 faiz çox investisiya qoyulub
15 Fevral 16:44
Böyük Britaniya baş nazirinin ticarət elçisi Bakıda bir sıra mədəni tədbirlərdə iştirak etməyi planlaşdırır
15 Fevral 16:39
Vüqar Bayramov: Bu il ölkəmizin iqtisadi artım tempində daha yüksək faiz qeydə alınacaq
15 Fevral 16:21
“Nəsimi ili” ilə bağlı Özbəkistanda silsilə tədbirlər keçiriləcək
15 Fevral 16:16
Dövlət İmtahan Mərkəzinin Direktorlar Şurasının sədri Məleykə Abbaszadə Naftalanda vətəndaşları qəbul edib
15 Fevral 16:12
Bakıda Azərbaycanla Avropa İttifaqı arasında Yüksək Səviyyəli Nəqliyyat Dialoqunun ilk iclası keçiriləcək
15 Fevral 15:58
Azərbaycan Milli Paralimpiya Komitəsi ilə Bakı Nəqliyyat Agentliyi arasında anlaşma memorandumu imzalanıb
15 Fevral 15:40
Ötən il Yevlaxda 53,7 milyon manatlıq tikinti-quruculuq işləri aparılıb
15 Fevral 15:34
Professor Aygün Əttar: Azərbaycanın uğurlarının əsasını xalq-hakimiyyət birliyi təşkil edir
15 Fevral 15:15
ABŞ-ın Enerji Administrasiyası: Azərbaycan Cənubi Avropa üçün daha mühüm qaz tədarükçüsü olmaq niyyətindədir
15 Fevral 15:04
Gələn həftədən Elektron Kənd Təsərrüfatı İnformasiya Sisteminin tətbiqinə başlanacaq
15 Fevral 14:51
Ötən mövsüm ölkə üzrə 232,2 min ton pambıq istehsal olunub
15 Fevral 14:47
Milli Məclisdə “Ailə institutunun formalaşmasında qanunvericiliyin rolu” mövzusunda dəyirmi masa keçirilib
15 Fevral 14:38
Milli Kitabxanada növbəti kitab sərgisi akademik Arif Paşayevin 85 illiyinə həsr edilib
15 Fevral 14:25
Elman Məmmədov: Nikol Paşinyan hələ də nəticə çıxara bilməyib
15 Fevral 14:23
Təqaüdlərin artırılması tələbələrin sosial müdafiəsinin daha da yaxşılaşdırılması baxımından xüsusi əhəmiyyət daşıyır
15 Fevral 14:19
Ekologiya və təbii sərvətlər naziri Beyləqanda vətəndaşları qəbul edib
15 Fevral 14:16
“The Korea Times” qəzetində Azərbaycanın xarici işlər nazirinin müsahibəsi dərc olunub
15 Fevral 14:16
Bakı Dövlət Universitetində doktorantların sualları cavablandırılıb
15 Fevral 14:12
Ötən il Ali Məhkəmənin fəaliyyətinin təkmilləşdirilməsi və müasirləşdirilməsi istiqamətində mühüm işlər görülüb
15 Fevral 14:04
Mədəniyyət Nazirliyi ilə “British Council” arasında niyyət sazişi imzalanıb
15 Fevral 12:57
Saatlıda ötən il görülən işlər və qarşıda duran vəzifələr müzakirə olunub
15 Fevral 12:54
Malayziya-Azərbaycan parlamentlərarası əməkdaşlığının perspektivləri müzakirə edilib
15 Fevral 12:41
Bosniya və Herseqovinanın Rəyasət Heyətinin üzvü VII Qlobal Bakı Forumunda iştirak edəcək
15 Fevral 12:40
YAP Gənclər Birliyinin nümayəndəsi Moskvada «Единая Россия»nın gənc qvardiyaçılarının IX Qurultayında iştirak edib
15 Fevral 12:36
Təhsil naziri: Təqaüd sisteminin təkmilləşdirilməsi tələbələrin sosial müdafiəsinin daha da gücləndirilməsinə xidmət edir
15 Fevral 12:31
YAP Mingəçevir şəhər təşkilatının yaradılmasının 26-cı ildönümü münasibətilə tədbir keçirilib
15 Fevral 12:24
Bakı Ali Neft Məktəbində “Mühəndislər üçün biznes təhsili”nin növbəti dərsləri başlayıb
15 Fevral 12:22
Ötən il muxtar respublikada 1448 ton bal istehsal edilib
15 Fevral 12:21
Azərbaycan şirkətləri “Gulfood 2019” beynəlxalq qida sərgisində iştirak edəcək
15 Fevral 12:01
Azərbaycanda ilk dəfə rayon icra hakimiyyəti xidmətlərin asanlaşdırılması üçün vahid mərkəz yaradıb
15 Fevral 11:44
Reyhan Camalova ABŞ-da Beynəlxalq Elm və Mühəndislik Sərgisində Azərbaycanı təmsil edəcək
15 Fevral 11:30
Fevralın 15-i Beynəlxalq Uşaq Xərçəng Xəstəlikləri ilə Mübarizə Günüdür
15 Fevral 11:12
Əqli Mülkiyyət Agentliyi biznes sektorunun nümayəndələri üçün təlimlər təşkil edəcək
15 Fevral 11:07
Ötən gün 27 cinayətin üstü “isti izlər”lə açılıb
15 Fevral 11:03
Qusarda son üç ildə 3 min 238 hektar yeni fındıq bağları əkilib
15 Fevral 10:48
Azərbaycan İlahiyyat İnstitutunda Heydər Əliyev təqaüdü təsis olundu
15 Fevral 10:40
Hikmət Babaoğlu: Tələbələrin təqaüdlərinin artırılması Azərbaycan elminin inkişafında yeni üfüqlər açacaq
15 Fevral 10:22
Ceyhun Bayramov: Son sərəncamlar tələbələrin akademik göstəricilərinin yüksəldilməsi üçün atılan addımdır
15 Fevral 09:53
Ermənistan silahlı qüvvələrinin bölmələri sutka ərzində atəşkəs rejimini 23 dəfə pozub
15 Fevral 09:38
Prezident İlham Əliyevdən tələbə gənclərə mühüm dəstək
15 Fevral 09:37
Azərbaycanda dövlət-vətəndaş münasibətləri sağlam zəmində qurulub
15 Fevral 09:33
Azərbaycan xalqı Prezident İlham Əliyevə öz yüksək inam və etimadını qətiyyətlə nümayiş etdirir
15 Fevral 09:32
Xəzər rayon İcra Hakimiyyətində şəhid ailələri ilə növbəti görüş keçirilib
15 Fevral 09:31
Abbas İsmayılov: Xocalı soyqırımı kimi dəhşətli cinayətə göz yummaq böyük haqsızlıqdır, erməni faşizmini dəstəkləməkdir
15 Fevral 09:31
Xalq şairi Bəxtiyar Vahabzadəyə həsr olunan “Ustada sayğı gecəsi” adlı tədbir keçirilib
15 Fevral 09:29
Radikal müxalifət təmsilçiləri Azərbaycana qarşı aparılan çirkin kampaniyaların fəal iştirakçılarıdır
15 Fevral 09:28
“Xocalı - şahidlərin gözü ilə” sənədli-tarixi kitabı ingilis və rus dillərində nəşr olunub
15 Fevral 09:28
Bölgələrdə yeni uşaq bərpa mərkəzləri yaradılacaq
15 Fevral 09:27
Bakcell və ENGİNET “Təhlükəsiz İnternet günü” ilə bağlı təlimlər keçirib
15 Fevral 09:23
Azercell əməkdaşları bilik və təcrübələrini tələbələr ilə bölüşüblər
15 Fevral 09:23
Azərbaycanın regionlarında meyvəçiliyin geniş inkişaf potensialı var

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28
HAVA HAQQINDA