Ana səhifə »  KİVDF »  Regionlarda pambıqçılığın inkişafı həm iqtisadi, həm də sosial əhəmiyyət daşıyır
A+   Yenilə  A-
Regionlarda pambıqçılığın inkişafı həm iqtisadi, həm də sosial əhəmiyyət daşıyır

Cari ildə respublika üzrə 22 rayonda 132,5 min hektar sahədə pambıq əkini həyata keçirilib və 260 min ton məhsul tədarükü gözlənilir
Ölkəmizdə aqrar sektorun inkişafı istiqamətində aparılan uğurlu siyasət öz bəhrəsini verməkdədir. Belə ki, kənd təsərrüfatında innovativ metodların, qabaqcıl təcrübənin tətbiqi, ixracyönümlü məhsul istehsalının təşviq edilməsi, azad sahibkarlığın hərtərəfli şəkildə dəstəklənməsi, fermerlərə subsidiyalar, güzəştli kreditlər verilməsi, texnika və gübrələrlə təminatın gücləndirilməsi, bölgələrdə dövlət vəsaiti hesabına müasir infrastrukturun yaradılması, həmçinin regionların sosial-iqtisadi inkişafına dair müvafiq Dövlət proqramları çərçivəsində məqsədyönlü tədbirlərin həyata keçirilməsi son nəticədə respublikamızda aqrar sektorun keyfiyyətcə yeni inkişaf mərhələsinə çıxmasını təmin edib. Respublikamızdan ənənəvi bazarlara və Körfəz ölkələrinə yüksək rəqabət qabiliyyətinə malik meyvə-tərəvəz ixracının artması, eləcə də ölkədə bir sıra istiqamətlər üzrə ərzaq məhsullarına olan tələbatın sırf daxili istehsal hesabına təmin edilməsi bunu bir daha təsdiqləyir.
Son illərdə bütün ölkə üzrə aqrar sektorun inkişafından söhbət açarkən pambıqçılıq sahəsində əldə olunan uğurları da xüsusi qeyd edə bilərik. Azərbaycanın bir sıra bölgələri üçün ənənəvi təsərrüfatçılıq sahələrindən olan pambıqçılıqda torpaq mülkiyyətçilərinin gəlir imkanları kifayət qədər böyükdür. Bu məhsulun satışı ilə bağlı hər hansı bir problem yoxdur. Dünya bazarlarında pambıq birjalarda satılır və istehsalçı ölkələrə böyük həcmlərdə valyuta qazandırır. Azərbaycan da Prezident İlham Əliyevin təşəbbüsü ilə regionlarda pambıqçılıq sahəsində ənənələri dirçəltməklə yeni iqtisadi şəraitdə ölkədən qeyri-neft məhsullarının ixracının genişləndirilməsini hədəfləyib. Prezident İlham Əliyev cari ilin mart ayında Bərdədə Onun Sədrliyi ilə keçirilən pambıqçılığın inkişafına dair respublika müşavirəsindəki nitqində bildirib ki, 2015-ci ilin sonlarından etibarən ölkədə pambıqçılığın inkişafı ilə ciddi məşğul olunub, 2016-2017-ci illərdə müşavirələr keçirilib. “2017-ci ildə pambıqçılığın inkişafı ilə bağlı Dövlət Proqramı qəbul edildi, biz bu işlərlə planlı şəkildə məşğul olmağa başladıq və bu gün gözəl nəticələr haqqında danışa bilərik. İki il ərzində Azərbaycanda pambığın tədarükü 35 min tondan 207 min tona çatmışdır. Yəni biz iki il ərzində pambığın yığımını altı dəfə artıra bilmişik. Bu da son hədd deyil”, - deyə Prezident İlham Əliyev vurğulayıb.
Pambıqçılığın inkişafı, eyni zamanda, ölkənin regionlarında əhalinin sosial rifahının yüksəlməsinə təkan verən amillərdən biri sayılır. Belə ki, pambıqçılığın inkişaf etdirilməsi sayəsində bölgələrdə yeni iş yerləri açılır və iqtisadi aktivlik artır. Prezident İlham Əliyev pambıqçılığın əmək tutumlu sahə olduğuna diqqət çəkərək deyib: “Biz pambıqçılığın inkişafı ilə bağlı, eyni zamanda, on minlərlə yeni iş yeri yaratdıq. Bütövlükdə son illərdə pambıqçılıqla məşğul olan insanların sayı 200 minə yaxınlaşır. Bu insanların böyük əksəriyyəti işləmirdi, ancaq bu gün işlə təmin olunurlar. Əlbəttə ki, bu, xüsusən bölgələrdə işsizliyin aradan qaldırılması istiqamətində çox ciddi sosial sahədir. Mən əvvəlki çıxışlarımda da bunu qeyd etmişəm, bu gün də qeyd etmək istəyirəm, bizim üçün pambıqçılığın inkişafında əldə edilmiş nəticələr arasında məhz sosial amil ön plandadır. İş yerlərinin yaradılması əsas vəzifəmizdir, biz buna da nail ola bilmişik”.
Eyni zamanda, ölkədə pambıq istehsalının artması digər sahələrin inkişafına da öz müsbət təsirini göstərir. Prezident İlham Əliyev bildirib ki, pambıqçılıq emal sənayesinə böyük təkan verir: “İndi pambıqtəmizləmə zavodları işləyir. Onların, əlbəttə ki, daha da böyük səmərə ilə işləməsi haqqında danışacağıq. Ancaq bu sahəyə də təkan verildi. Eyni zamanda, bunun yerli istehsala böyük dəstəyi oldu. Çünki biz indi özümüz həm pestisid istehsal edirik, Azərbaycanda heç vaxt pestisid istehsal olunmurdu. Keçən ildən başlayaraq pestisid istehsal etməyə başlamışıq. Bu il Sumqayıtda böyük gübrə zavodu fəaliyyətə başlayacaq. Özümüzü gübrələrlə təmin edəcəyik. Artıq Azərbaycanda suvarma texnikasının istehsalı təşkil olunub. Bu texnikanın istifadəsi nəticəsində biz məhsuldarlığı artıra bilərik. Mingəçevir şəhərində Yüngül Sənaye Parkı yaradılmışdır. Mən bu barədə əvvəlki müşavirələrdə öz sözlərimi demişəm, fikirlərimi bildirmişəm. Bütün lazımi tapşırıqlar verilmişdir. Bu ilin fevral ayında Mingəçevirdə Yüngül Sənaye Parkının iki yeni müəssisəsi fəaliyyətə başlamışdır. O müəssisələrdə 700-dən çox insan işləyir və 20 min ton iplik istehsal olunacaq. Bu da əvvəlki dövrdə istehsal olunan ipliyin, demək olar ki, yarısıdır. Əgər Azərbaycanda pambıqçılıq sürətlə inkişaf etməsəydi, bu müəssisələrə də ehtiyac qalmazdı. Çünki bu fabriklər ancaq daxili xammal əsasında uğurla fəaliyyət göstərə bilər”.
Yeri gəlmişkən, avqustun 15-də Salyan şəhər Heydər Əliyev Mərkəzində kənd təsərrüfatı naziri İnam Kərimovun iştirakı ilə ölkədə pambıq yığımına hazırlıq və qarşıda duran vəzifələrin müzakirəsinə həsr olunmuş respublika müşavirəsi keçirilib. Müşavirədə pambıq əkini həyata keçirilən rayonların kənd təsərrüfatı idarələrinin nümayəndələri, fermerlər, mexanizatorlar və mütəxəssislər iştirak ediblər.
Tədbirdə Prezident İlham Əliyevin iştirakı ilə bu il martın 26-da Bərdə rayonunda keçirilən pambıqçılığın inkişafı məsələlərinə dair respublika müşavirəsində verilmiş tapşırıqların icra vəziyyəti müzakirə olunub. Müşavirədə çıxış edən kənd təsərrüfatı naziri İnam Kərimov Prezident İlham Əliyev tərəfindən Azərbaycanda qeyri-neft sektoruna göstərilən yüksək diqqətin nəticəsi kimi aqrar sahənin yeni inkişaf mərhələsinə qədəm qoyduğunu deyib. Bununla da kənd təsərrüfatı sahəsində sosial-iqtisadi göstəricilər yüksəlib və respublikada bu sahənin inkişafı prosesində əhəmiyyətli uğurlar əldə edilib.
Nazir bildirib ki, kənd təsərrüfatı ölkənin sosial-iqtisadi və siyasi problemlərinin həllində, xüsusən də regionlarda yaşayan insanların məşğulluğunda müstəsna rol oynayır. Ölkənin ərzaq təhlükəsizliyinin təmin edilməsi, valyuta axınının qarşısının alınması, vətəndaşların keyfiyyətli və əlçatan kənd təsərrüfatı məhsulları ilə təminatı qarşıda duran əsas məqsədlərdəndir. Azərbaycanda pambıqçılığın zəngin tarixi ənənəyə və böyük potensiala malik olduğunu xatırladan kənd təsərrüfatı naziri pambıqçılığın inkişaf etdirilməsi ilə bağlı Prezidentin qəbul etdiyi qərarların, verdiyi tapşırıq və tövsiyələrin ölkəmizdə bu sahənin sürətli inkişafı üçün qısa müddətdə əlverişli şərait yaratdığını deyib.
İnam Kərimov çıxışında 2016-cı ildən başlayaraq Azərbaycanda pambıqçılığın inkişafı istiqamətində görülən kompleks tədbirlərə toxunub, pambıqçılıq sahəsində istehsal olunmuş məhsula görə subsidiya siyasətinin tətbiqindən danışıb, dövlətin dəstəyi ilə fermerlərin gübrə, maşın və texnika ilə təminatı sahəsində irimiqyaslı tədbirlər görüldüyünü deyib.
Müşavirədə Kənd Təsərrüfatı Nazirliyi yanında Bitki Sortlarının Qeydiyyatı və Toxum Nəzarəti üzrə Dövlət Xidmətinin rəisi İmran Cümşüdov “Pambığın intensiv texnologiyalar əsasında becərilməsi”, kənd təsərrüfatı nazirinin müşaviri Şöhrət Vəkilov “Cari ildə pambıq əkininin vəziyyəti”, “Aqrolizinq” Açıq Səhmdar Cəmiyyətinin sədri Seymur Mövlayev “Pambıqçılıqda texnika, gübrə və pestisidlərlə bağlı mövcud vəziyyət”, Dövlət Fitosanitar Xidmətinin rəisi Ələddin Eyvazov “Pambıq əkinlərində səmərəli bitki mühafizə tədbirlərinin təşkili” mövzularında çıxışlar ediblər.
Bildirilib ki, Dövlət Statistika Komitəsinin məlumatına əsasən, cari ildə respublika üzrə 22 rayonda 132,5 min hektar sahədə pambıq əkini həyata keçirilib. Aqrotexniki qaydada becərmə işləri davam etdirilir və mövsümün sonuna 260 min ton pambıq istehsalı gözlənilir. Ötən il isə tarlalardan 207,5 min ton məhsul yığılmışdı. Ümumiyyətlə, Azərbaycan Respublikasında pambıqçılığın inkişafına dair 2017-2022-ci illər üçün Dövlət Proqramında xam pambıq istehsalının 500 min tona çatdırılması qarşıya hədəf qoyulub.
Emal sənayesinin yaxşılaşdırılması və toxumçuluqla bağlı görülən işlərdən danışılarkən qeyd edilib ki, Ucar rayonunda illik emal gücü 40 min ton olan pambıq emalı zavodunun tikintisi başa çatmaq üzrədir. Zavodda digər emal məhsulları ilə yanaşı, ildə 20 min ton pambıq yağı və 2500-3000 ton lifsiz pambıq toxumu istehsal ediləcək. Bununla da lifsiz pambıq toxumu istehsal edəcək müəssisənin fəaliyyəti hesabına ölkədə pambıq toxumuna olan tələbat tam ödəniləcək.
Bundan başqa, 2021-ci ilədək Mingəçevir Sənaye Parkının nəzdində yüngül sənaye məhsulları istehsal edəcək 9 müəssisənin inşa olunması da nəzərdə tutulur. Artıq sənaye parkında iplik istehsalı üzrə iki müəssisə fəaliyyətə başlayıb.
Pambıq yığımına hazırlıqla əlaqədar “Aqrolizinq” ASC-nin regional nümayəndəliklərində mexanizatorlar üçün təlim kursları da təşkil olunub. Kursları bitirən mexanizatorlara sertifikat veriləcək və onlar pambıq yığımına cəlb olunacaqlar. Pambıq yığımı ərəfəsində ölkə üzrə 303 pambıqyığan kombayn var. Bu il “Aqrolizinq” tərəfindən ölkəyə Hollandiya istehsalı olan daha 100 ədəd pambıqyığan kombaynın gətirilməsi nəzərdə tutulur.
Qeyd edilməlidir ki, bu il pambıq tarlalarından daha çox məhsul götürülməsi nəzərdə tutulur. Məsələn, ötən il pambıq əkini sahələrindən 200 ton məhsul yığan Ağsu rayonundan olan fermer Tofiq Abdullayev cari ildə hər hektardan məhsuldarlığı 30 sentnerə çatdırmaqla 220 tonadək “ağ qızıl” istehsal etmək əzmindədir. Rayonun Qiyaslı kəndindən olan fermer T.Abdullayev göstərilən dövlət dəstəyinin rayonda ənənəvi sahə olan pambıqçılığın inkişafına güclü təkan verdiyini, özünün də bu sahəyə marağı olduğunu söyləyib. Fermer bildirib ki, hər hektardan 20 sentner məhsul 800 manatdan çox təmiz gəlir verir. Otuz sentner məhsul isə həm də növbəti ildə təsərrüfatı genişləndirmək, becərmə işlərini yüksək səviyyədə həyata keçirmək üçün bütün xərcləri ödəyir. Bu il 70 hektar sahədə pambıq əkdiyini bildirən fermer deyib: “Artıq sahələrdə üçüncü kompleks becərmə işləri başa çatıb. İndi hər kolda 15-20 qoza var. Becərmə tədbirlərində ailə üzvlərimizlə birgə 50 nəfərdən çox işçi qüvvəsi çalışır. Əminəm ki, zəhmətimiz hədər getməyəcək. Tarlalardan bol məhsul götürəcəyik”.

Salyan rayonunda bu il 7055 hektar sahədə pambıq əkilib. 2018-ci ildə 2016-cı ilə nisbətən 3,2 dəfə, yəni 4887,3 hektar çox sahədə pambıq əkini aparılıb. Pambıq əkini ilə əlaqədar olaraq 5995 nəfər işlə təmin edilib. Sahələrdə becərmə işləri davam edir və bol məhsul yetişib. “MTK-İK” MMC, “CTS-Aqro” MMC və “Salyan Kənd Təsərrüfatı” MMC ilə istehsalçılar arasında müqavilələr bağlanılıb və əkin aparılıb. Rayon sakinləri fərdi olaraq da pambıq əkməyə maraq göstərirlər. Belə ki, bu il 3085,6 hektar sahədə fərdi qaydada pambıq əkilib.
Tərtər pambıqçıları da bu ili yüksək göstəricilərlə başa vurmağı qarşıya məqsəd qoyublar. Belə ki, cəbhə bölgəsində yerləşən Tərtər rayonunda pambıqçılıqla məşğul olan fermerlər və torpaq mülkiyyətçiləri becərmə işlərini uğurla davam etdirirlər. Ötən il hektarın orta məhsuldarlığına görə respublikanın pambıqçılıq rayonları arasında ön sırada dayanan Tərtər pambıqçıları bu il həmin göstəriciləri daha da yüksəltmək niyyətindədirlər. Vurğulamaq lazımdır ki, bu il rayon ərazisində 3300 hektarda çiyid səpini həyata keçirilib. “MKT İstehsalat Kommersiya” MMC və “Azərpambıq” MMC ilə bağlanan müqaviləyə əsasən, pambıq istehsalçıları lazımi texnika, toxum, gübrə və kimyəvi preparatlarla tam təmin olunurlar. Sahələrə göstərilən düzgün aqrotexniki tədbirlərin nəticəsində yaxşı bitiş alınıb. Tarlalarda kultivasiya, seyrəltmə, gübrələmə, suvarma işlərinin, sofkaya, mənənəyə və digər zərərvericilərə qarşı dərmanlama tədbirlərinin vaxtlı-vaxtında həyata keçirilməsi bu il də məhsulun bol olacağından xəbər verir.
“MKT İstehsalat Kommersiya” MMC-nin Tərtər filialının direktoru Feruz Hacıyev tarlalarda işlərin yüksək keyfiyyətlə aparıldığını bildirib. Qeyd edilib ki, bu il 649 nəfər fermerlə 1667 hektar sahədə pambıq becərilməsi üçün müqavilə bağlanıb. Becərmə işləri bütün aqrotexniki qaydalara əsasən aparılır. Tarlaların vəziyyəti qənaətbəxşdir. Yaxşı çıxış alınıb, barlı kollar yetişib. Əminəm ki, bu il də məhsulumuz yüksək olacaq. Hazırda becərmə işləri ilə yanaşı, təxminən bir ay sonra başlanacaq pambıq yığımına hazırlıq da görülür. 8 ədəd pambıqyığan kombayn, 20 ədəd traktor və 40 ədəd qoşqu hazır vəziyyətə gətirilib.
Köçərli kənd sakini Cahangir Məmmədov bildirib ki, pambıqçılığın inkişafı ilə bağlı təşəbbüslərə böyük həvəslə qoşulub. Onun sözlərinə görə, dörd ildir pambıqçılıqla məşğuldur. Fermer ötən il 3 hektar sahədə pambıq becərib, yüksək məhsuldarlığa nail olub. Hər hektardan orta hesabla 45 sentner məhsul götürüb: “Qazancımız da yaxşı oldu. Bu il isə 12 hektarda pambıq becərmişəm. Hazırda son becərmə işləri aparılır. Hesab edirəm ki, hər hektardan orta hesabla 50 sentner məhsul götürəcəyik”.
Qeyd edək ki, 2017-ci ildə 3123 hektarda pambıq becərən Tərtər pambıqçıları tarlalardan 8419 ton məhsul tədarük ediblər. Bu, orta məhsuldarlığa görə ötən il respublika üzrə ən yüksək göstərici olub.
Kürdəmir rayonunda da pambıq istehsalında artım gözlənilir. Rayonun Bağman kənd sakini Vidadi Pirişova məxsus ailə fermer təsərrüfatı son illər pambıqçılıqla məşğuldur və cari mövsümdə 17 hektar sahədə “ağ qızıl” yetişdirir. Ailə fermer təsərrüfatı tarlada kompleks becərmə tədbirlərini vaxtında və yüksək keyfiyyətlə aparıb və artıq daban qozalar yetişməkdədir. Ötən il becərdikləri 13 hektar sahənin hər hektarından 25,5 sentner pambıq götürən ailə bu il daha çox - 35 sentner məhsul əldə etmək əzmindədir.
Qeyd olunmalıdır ki, bu il Beyləqan rayonunda 20 min ton pambıq istehsal olunacağı gözlənilir. Rayonun pambıq tarlalarında son becərmə işlərinin aparılması ilə yanaşı, məhsul yığımına hazırlıq da görülür.
Pambıqçılığa göstərilən diqqət və qayğının nəticəsidir ki, respublikanın digər pambıqçılıq rayonlarında olduğu kimi, Beyləqanda da pambıq əkinləri və məhsul istehsalı ildən-ilə artır. Belə ki, əgər rayon ərazisində 2016-cı ildə 4035 hektarda pambıq əkilmişdisə, 2017-ci ildə 8550 hektara, 2018-ci ildə isə 9560 hektara çatdırılıb. Builki pambıq əkinlərinin 3227 hektarı “Azərpambıq” MMC, 3870 hektarı “MKT İstehsalat Kommersiya” MMC, 750 hektarı “Kənd Təsərrüfatı” MMC ilə müqavilə əsasında becərilir. Tarlaların 802 hektarını fərdi qaydada mülkiyyətçilər və fermerlər tərəfindən əkilmiş sahələr, 911 hektarını isə innovativ təsərrüfat təşkil edir.
Yüksək məhsul əldə etmək üçün əkin sahələrində aqrotexniki becərilmə qaydalarına ardıcıl və düzgün əməl olunub, cərgələrarası becərmələr, alaq otlarına və zərərvericilərə qarşı kimyəvi mübarizə tədbirləri vaxtında aparılıb, bitkilər tələbata uyğun optimal müddətdə mineral gübrə və suvarma suyu ilə təmin edilib. Nəticədə yaxşı çıxış alınıb, barlı kollar yetişib. Bu isə məhsulun bol olacağından xəbər verir.
Rayonda pambıq yığımına 34 ədəd pambıqyığan kombayn cəlb ediləcək. Bütün texnikalar, o cümlədən traktor və qoşqular pambıq yığımı üçün hazır vəziyyətə gətirilib. Mövsümün sonuna rayon üzrə 20 min ton pambıq istehsalı gözlənilir.
Ucar rayonunda isə pambıq tarlalarında məhsulun 80 faizi maşınlarla yığılacaq. Belə ki, rayonun pambıqçıları artıq məhsul yığımına hazırlaşırlar. Cari mövsümdə 2500 hektarda “ağ qızıl” yetişdirən pambıqçılar sentyabrın əvvəllərindən tarlalara çıxacaq, ağır zəhmət bahasına yetişdirdikləri məhsulu son qozasınadək, itkisiz yığıb qəbul məntəqələrinə təhvil verəcəklər. Qeyd edək ki, yetişdirilən məhsulun 80 faizinin pambıqyığan maşınlarla, qalan 20 faizinin isə əl ilə yığılması nəzərdə tutulub. Bu məqsədlə ilkin olaraq 3 ədəd pambıqyığan maşın hazır vəziyyətə gətirilib. Əl ilə yığımda isə 350-400 nəfər işçi qüvvəsi səfərbər olunacaq. Cari mövsümdə rayonun, demək olar ki, bütün ərazilərində, xüsusilə daha çox pambıq əkilən Bərgüşad, Şahlıq, Lək, Xələc və bir sıra digər ərazi vahidlərində fermerlər, eləcə də fiziki şəxslər sahələrdən bol məhsul gözləyirlər.
Qeyd edək ki, pambıqçılığın inkişaf etdirilməsi, məhsulun keyfiyyətinin daha da yaxşılaşdırılması üçün mütəmadi olaraq sahələrdə bir sıra tədbirlər aparılır. Məsələn, pambıq sahəsində bol məhsulun əldə olunması üçün zərərvericilərə qarşı mübarizə tədbirləri olduqca mühüm əhəmiyyət daşıyır. Hacıqabul rayonunda “Aqrolizinq” Açıq Səhmdar Cəmiyyətinin mütəxəssisləri tərəfindən pambıq sahələrində monitorinq keçirilib. Sahələrdə aparılan monitorinqlər zamanı fermerlər pambıq sovkası və digər ziyanvericilərə qarşı nəzərdə tutulan dərman preparatlarının tətbiqi barədə ətraflı məlumatlandırılıblar.
Səhmdar cəmiyyətin Pestisid və mineral gübrələrin satışı və tədarükü şöbəsinin müdir müavini Vüsal Tağıyev pambıq sahəsində fermerlərə pambığın becərilməsi zamanı zərərvericilərə qarşı istifadə edilən pestisidlər və onların düzgün aqrotexniki qaydada tətbiqi barədə məlumat verib. Bildirib ki, bol məhsulun əldə olunması üçün müxtəlif mərhələlərdə zərərvericilərə qarşı mübarizə tədbirlərinin mühüm əhəmiyyəti var. Hazırkı mərhələdə isə əsasən pambıq sovkasına qarşı mübarizə tədbirləri aparılır. Pambıq sovkasının məhv edilməsi üçün, eləcə də tor gənəsi, mənənə və trips zərərvericilərinə qarşı “Aqrolizinq” Açıq Səhmdar Cəmiyyətinin anbarlarında lazımi preparatlar var. Fermerlər bu preparatları güzəştli şərtlərlə əldə edə bilərlər.
Diqqətə çatdırılıb ki, yarpaqların tökülməsi üçün istifadə olunan defoliantın və pambıq qozalarının açılmasının sürətləndirilməsi üçün istifadə olunan stimulyatorun alınması məqsədilə artıq yerli istehsal zavodu ilə müqavilə bağlanılıb və həmin preparatların tətbiqinə ehtiyac duyulan zaman Cəmiyyətin anbarlarında satışa çıxarılacaq.
Sonra preparatların tarlalarda tətbiqi əyani şəkildə nümayiş etdirilib. Fermerlərlə söhbət zamanı vurğulanıb ki, bu preparatlar respublikanın pambıq əkilən bütün rayonlarında tətbiq edilir və aqrotexniki qaydalara tam əməl olunduğu halda zərərvericilərə qarşı mübarizədə yüksək nəticəyə nail olunur. Pambıq sahələrində aparılan monitorinqlər zamanı qeydə alınan nəticələr də bunu deməyə əsas verir.
Fermerlər Əlifağa Nuriyev, Qabil Abdullayev və başqaları pambıq sahələrində bol məhsulun əldə edilməsi üçün zərərvericilərə qarşı istifadə olunan pestisidlərin və onların düzgün aqrotexniki qaydada tətbiqinin önəmini vurğulayıblar.
Yevlaxda isə “Aqrolizinq” Açıq Səhmdar Cəmiyyətinin Yevlax regional nümayəndəliyindəki təlim-tədris mərkəzində “Jonh Deere” markalı pambıqyığan kombaynları idarə edəcək mexanizatorlar üçün keçirilən təlim kursları başa çatıb və təlim kurslarını başa vurmuş mexanizatorlara sertifikatlar verilib. Bu münasibətlə avqustun 20-də təlim-tədris mərkəzində tədbir keçirilib. “Aqrolizinq” ASC-nin kadrların idarə edilməsi şöbəsinin müdiri Fərahim Əkbərov bildirib ki, sentyabr ayında pambıq becərilmiş 19 rayonda məhsul yığımına başlanılacaq. Pambıq yığımının vaxtında və tam itkisiz həyata keçirilməsi məqsədilə həmin rayonlardan 230 mexanizator təlimlərə cəlb olunub. Bir ay davam edən təlimlərdə mexanizatorlara “Jonh Deere” markalı pambıqyığan kombaynların idarə olunması, yol hərəkəti qaydaları, texniki qulluq, istismar zamanı təhlükəsizlik tədbirləri və digər sahələr üzrə məlumat verilib. Təlimlərin yekununda mexanizatorların biliklərinin qiymətləndirilməsi məqsədilə nəzəri və praktiki imtahanlar keçirilib. Vurğulayaq ki, imtahanlarda məqbul hesab edilən 160 mexanizatora sertifikatlar təqdim olunub. Təlimlərdə iştirak etməyən və eləcə də sertifikatı olmayan mexanizatorlar pambıq yığımında iştirak edə bilməyəcəklər.
Pərviz SADAYOĞLU

 
  • Oxunub:  2790  |  
  • Tarix:  28-08-2018  |  
  •    Çap et   |  
Get Adobe Flash player
Bu tarixi bilmək lazımdır və ya keçmişin dərsləri

19:58
20 Noyabr
İzmirdə Türkdilli Ölkələrin Parlament Assambleyasının Şura iclası keçirilib
17:45
20 Noyabr
“Son iclas” bədii-sənədli filmi Antalyada təqdim olundu
17:36
20 Noyabr
DOST Agentliyinin konsepsiyasının təqdimatı olub
17:30
20 Noyabr
Milli Məclisin iqtisadi siyasət, sənaye və sahibkarlıq komitəsinin iclası keçirilib
17:18
20 Noyabr
Deputat: Azərbaycan Prezidentinin Belarusa səfəri göstərdi ki, qarşılıqlı münasibətlərin böyük perspektivləri var
17:15
20 Noyabr
Azərbaycan nümayəndə heyəti AŞPA-ya gedir
17:14
20 Noyabr
Bakıda “Mənəvi dəyərlərin təbliğində dini təhsil amili” mövzusunda konfrans keçirilib
17:01
20 Noyabr
Dövlət Komitəsində məcburi köçkünlərlə növbəti görüş keçirilib
16:50
20 Noyabr
Kiçik və orta sahibkarlığın inkişafı sahəsində qanunvericiliyin təkmilləşdirilməsinə dair ictimai müzakirə keçirilib
16:49
20 Noyabr
Prezident İlham Əliyev hakimlərin və ədliyyə orqanları işçilərinin bir qrupunun təltif edilməsinə dair sərəncamlar imzalayıb
16:29
20 Noyabr
Baş nazir Novruz Məmmədov ATƏM-in Minsk konfransının ilk sədri ilə görüşüb
16:17
20 Noyabr
Vüqar Rəhimzadə: Yeni Azərbaycan Partiyasının hər bir üzvü bu günümüzün uğurlarının əsası olan Heydər Əliyev ideyalarının təbliğatçısıdır
16:13
20 Noyabr
AMEA-da Cümhuriyyət tarixinə dair dəyərli elmi-tədqiqat işləri aparılır
15:44
20 Noyabr
Azərbaycan BMT-nin Sivilizasiyalar Alyansı ilə əməkdaşlığı davam etdirir
15:35
20 Noyabr
Operativ məlumat: Ötən ilin eyni dövrünə nisbətən 26 min tondan çox pambıq tədarük edilib
15:25
20 Noyabr
Belarus KİV-ləri: Azərbaycan Prezidentinin Belarusa səfəri iki ölkənin strateji tərəfdaşlıq münasibətlərində yeni səhifələr açır
15:22
20 Noyabr
Firdovsi Umudov: Heyətdə gənclərə üstünlük verməyə çalışırıq
15:09
20 Noyabr
YAP Qubadlı rayon təşkilatında partiyanın yaranmasının 26 illiyi qeyd olunub
15:01
20 Noyabr
Hikmət Hacıyev: Prezident İlham Əliyevin Belarusa rəsmi səfəri ikitərəfli əlaqələrimizin strateji tərəfdaşlıq xarakteri daşıdığını bir daha təsdiq etdi
14:59
20 Noyabr
Nazir Əmir Mehmud Kiyani: Pakistan Azərbaycanla səhiyyə sahəsində əməkdaşlığa hazırdır
14:45
20 Noyabr
Moskvada MDB-yə üzv dövlətlərin təhlükəsizlik şuraları katiblərinin VI görüşü keçiriləcək
14:36
20 Noyabr
Şəhid anası: Birdəfəlik ödəmələrin verilməsi şəhid ailələrinə qayğının bariz nümunəsidir
14:32
20 Noyabr
Ukraynada Müslüm Maqomayevin xatirəsinə həsr olunmuş beynəlxalq müsabiqənin qalibləri müəyyənləşib
14:28
20 Noyabr
Nəcməddin Sadıkov: Azərbaycan müdafiə qüdrətinin artırılması məqsədilə Türkiyə ilə əməkdaşlığı genişləndirir
14:27
20 Noyabr
Nyu-Yorkda Amerika Azərbaycanlılarının Koordinasiya Şurası təsis edilib
14:24
20 Noyabr
Qarşılıqlı mədəni əlaqələr xalq diplomatiyasının ən mühüm vasitəsidir
14:21
20 Noyabr
Prezident İlham Əliyev Rusiyanın Jurnalistlər İttifaqının sədrini qəbul edib
14:16
20 Noyabr
Auditorlar Palatası Gömrük Komitəsi ilə əməkdaşlığa dair sənəd imzalayacaq
14:15
20 Noyabr
Məlahət İbrahimqızı: YAP milli siyasi iradəni təmsil edən və xalqımızın milli maraqlarını ifadə edən avanqard siyasi qüvvədir
14:12
20 Noyabr
Prezident İlham Əliyev Türkiyə Silahlı Qüvvələrinin Baş Qərargah rəisinin rəhbərlik etdiyi nümayəndə heyətini qəbul edib
14:08
20 Noyabr
Ziyafət Əsgərov: Azərbaycanın qazandığı uğurlarda Yeni Azərbaycan Partiyasının böyük rolu var
12:41
20 Noyabr
NATO PA-nın payız sessiyasında Ermənistanın işğalçılıq siyasətinin yaratdığı təhlükələrdən danışılıb
12:39
20 Noyabr
Vüsal Qasımlı Parisdə "Avrasiya həftəsi" tədbirində çıxış edib
12:07
20 Noyabr
İzmirdə Türkdilli Ölkələrin Parlament Assambleyasının Şura iclası işə başlayıb
11:59
20 Noyabr
İtaliyanın məşhur şirkəti mühəndislər komandası üçün BANM-dən 25 tələbə seçib
11:55
20 Noyabr
AZƏRTAC-ın fotomüxbirinin işləri nüfuzlu beynəlxalq mükafatlara layiq görülüb
11:50
20 Noyabr
“Bakutel” çərçivəsində ilk dəfə olaraq Xəzər İnnovasiya Konfransı keçiriləcək
11:04
20 Noyabr
Azərbaycan dövlətinin qazandığı böyük nailiyyətlərdə Yeni Azərbaycan Partiyası müstəsna rol oynayıb və bu gün də eyni missiya ilə çıxış edir
10:41
20 Noyabr
Seymur Orucov: Yeni Azərbaycan Partiyası ötən 26 ildə böyük və güclü siyasi qüvvəyə çevrilib
10:30
20 Noyabr
Azərbaycanın müdafiə naziri Türkiyənin və Gürcüstanın Baş Qərargah rəisləri ilə üçtərəfli görüş keçirəcək
10:04
20 Noyabr
Nyu-Yorkda Azərbaycan İrəvanı haqqında film Amerika ictimaiyyətinə təqdim edilib
09:59
20 Noyabr
Bertrand Sorre: Fransa “Dağlıq Qarabağ hökumətini” tanımır
09:55
20 Noyabr
Bu gün Azərbaycan millisi UEFA Millətlər Liqasının qrup mərhələsinin sonuncu oyunun keçirəcək
09:52
20 Noyabr
Azərbaycan Lüksemburq Beynəlxalq Bazarında təmsil olunacaq
09:48
20 Noyabr
Ümumdünya İrs Komitəsinin xüsusi işçi qrupunun ilk iclası keçirilib
09:42
20 Noyabr
Azərbaycan BMT-nin Sivilizasiyalar Alyansının 8-ci Qlobal Forumunda təmsil olunur
09:37
20 Noyabr
Ermənistan silahlı qüvvələri atəşkəs rejimini pozmaqda davam edir
22:11
19 Noyabr
Minskdə ticari-iqtisadi əməkdaşlıq üzrə Belarus-Azərbaycan hökumətlərarası komissiyasının iclası keçirilib
21:58
19 Noyabr
Moskvada Nəsiminin büstünün təntənəli açılış mərasimi olub
21:46
19 Noyabr
Yeni Azərbaycan Partiyasının yaradılmasının 26-cı ildönümü Yasamal rayonunda qeyd olunub
20:31
19 Noyabr
Diasporla İş üzrə Dövlət Komitəsinin nümayəndə heyətinin ABŞ-a səfəri davam edir
20:26
19 Noyabr
Berlində “Dinlərarası və sivilizasiyalararası dialoqdan əməkdaşlığa doğru” mövzusunda beynəlxalq konfrans keçirilib
20:20
19 Noyabr
Prezident İlham Əliyevin Belarusa rəsmi səfəri başa çatıb
17:54
19 Noyabr
YAP Qadınlar Şurasının təşkilatçılığı ilə “XXI əsr: Modern cəmiyyət-insan tərbiyəsində qadınların rolu” mövzusunda konfrans keçirilib
17:52
19 Noyabr
Hicran Hüseynova: Ölkəmizin qoşulduğu konvensiyalarda gender məsələsi də xüsusi yer tutur
17:49
19 Noyabr
Azərbaycan Mətbuat Şurası ilə Rusiya Jurnalistlər İttifaqı arasında əməkdaşlıq haqqında memorandum imzalanıb
17:39
19 Noyabr
Bu tarixi bilmək lazımdır və ya keçmişin dərsləri
17:34
19 Noyabr
Ekspert: Prezidentin Belarusa səfəri ölkələrimizin iqtisadi əlaqələrində yeni bir mərhələnin əsasını formalaşdırır
17:31
19 Noyabr
Nazir: TANAP Türkiyənin enerji mərkəzinə çevrilmə yolunda etibarlı addımlarla irəlilədiyinin bariz nümunəsidir
17:26
19 Noyabr
İtaliyalı diplomata azərbaycanlı məcburi köçkünlərin vəziyyəti ilə bağlı ətraflı məlumat verilib
17:25
19 Noyabr
İran XİN: Azərbaycan-İran əlaqələrinin inkişafı regionda sülhün davamlı olmasına xidmət edir
17:14
19 Noyabr
Filologiya problemləri üzrə elmi şuranın növbəti iclasında 27 dissertasiya mövzusu təsdiqlənib
17:04
19 Noyabr
Doqquz ayda Azərbaycanda 94,5 min daimi iş yerləri açılıb
16:59
19 Noyabr
İlham Məmmədov: Yeni Azərbaycan Partiyası ötən dövr ərzində ümumxalq partiyası statusunu daha da mohkəmləndirib
16:46
19 Noyabr
İstanbulda “Türk axını”nın dəniz hissəsinin inşasının tamamlanması ilə bağlı mərasim keçirilib
16:44
19 Noyabr
Beynəlxalq Telekommunikasiya İttifaqı Şurasına üzvlük Azərbaycan üçün yeni imkanlar deməkdir
16:22
19 Noyabr
Ülvi Quliyev: Cəmiyyətin aparıcı qüvvəsinə çevrilən gənclər ölkə həyatının bütün sahələrində fəal iştirak edirlər
16:17
19 Noyabr
Azərbaycan və Belarus prezidentləri mətbuata birgə bəyanatlarla çıxış ediblər
16:07
19 Noyabr
Ümummilli lider Heydər Əliyevin məzarını və Şəhidlər xiyabanını ziyarət
15:56
19 Noyabr
Ekspert: 2019-cu ilin dövlət büdcəsi növbəti ilin iqtisadiyyatında artım tempinə uyğunlaşdırılmış maliyyə sənədi kimi xarakterizə olunmalıdır

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
HAVA HAQQINDA