Ana səhifə »  KİVDF »  Turizmin inkişafı istiqamətində atılan addımlar davamlı xarakter daşıyır
A+   Yenilə  A-
Turizmin inkişafı istiqamətində atılan addımlar davamlı xarakter daşıyır

Bundan əvvəlki aylarda olduğu kimi martda da ölkəmizə gələn xarici turistlərin sayında artım müşahidə edilib
Ölkəmizdə digər sahələr kimi turizmin inkişafı istiqamətində də ardıcıl tədbirlər həyata keçirilir. İstər bu tədbirlərin reallaşdırılması, istərsə də qurulan yeni infrastruktur, bölgələrdə tikilən iaşə obyektləri, yaradılan yüksək xidmət öz növbəsində yerli turistlərlə yanaşı, xarici turistlərin də regionlarımıza daha çox maraq göstərməsinə səbəb olur. O cümlədən dövlətimizin göstərdiyi davamlı diqqət və qayğı bu sahənin daha da inkişaf etməsinə imkan yaradır. Bu məqamda onu da xüsusi olaraq vurğulamaq yerinə düşər ki, ölkəmizdə “Turizm haqqında” qanunun qəbul edilməsi ilə yanaşı, turizm sektorunun inkişafı ilə bağlı bir neçə Dövlət Proqramı da uğurla yerinə yetirilib. Dövlət başçısının imzaladığı müvafiq sənədlərə əsasən respublikamızda elektron viza sisteminin tətbiqi həyata keçirilir. Eləcə də ölkəmizdə turizm sektorunun inkişafı ilə bağlı yaxın, orta və uzunmüddətli dövrü əhatə edən Strateji Yol Xəritəsinin təsdiqlənməsi də bir daha göstərir ki, Azərbaycanda turizmin inkişafı yaxın gələcəkdə daha da sürətləndiriləcək.
Yeri gəlmişkən, Novruz bayramı ilə əlaqədar olaraq bölgələrimizə turistlərin gəlişində artım müşahidə olunub. Məsələn, bayram tətili ilə əlaqədar İsmayıllı rayonuna turist axını xeyli artıb. Xarici turistlər əsasən Rusiya Federasiyasından və Avropa ölkələrindən olublar. Verilən məlumata əsasən bayram günlərində rayondakı istirahət mərkəzləri ilə yanaşı, kənd evlərinə də maraq çoxalıb. Rayon mərkəzində yaxın zamanlarda yeni 3 ulduzlu hotel açılacaq ki, bu da gələn turistlərin artmasına səbəb olacaq. Ümumilikdə bayram günlərini rayonda istirahət mərkəzlərində və kənd evlərində keçirənlər keçən ilə nisbətən 10 faizdən çox artıb.
Bayram günlərində şimal bölgəsinə, o cümlədən Qusar rayonuna gələn turistlərin də sayı xeyli artıb. Belə ki, “Şahdağ” Turizm Mərkəzinin xidmətlərindən gün ərzində orta hesabla iki minə yaxın turist faydalanıb. Novruz bayramı münasibətilə elan olunan qeyri-iş günlərində “Şahdağ” Turizm Mərkəzində dincələn qonaqların əksəriyyətini yerli turistlər təşkil etsə də, ziyarətçilər arasında xeyli sayda əcnəbi də olub. Martın 25-nə olan məlumata görə, son altı gündə turizm mərkəzi 10 mindən çox qonaq qarşılayıb.
Onu da qeyd edək ki, Novruz bayramı ilə əlaqədar turizm mərkəzində tətil günlərinin sonuna qədər davam edən bayram proqramı və şənliklər hazırlanıb. Bayram günləri üçün turizm mərkəzində yerləşən hotellərdəki yerlərin 70-80 faizdən çoxu əvvəlcədən sifariş verilib. Hər il olduğu kimi, bu il də bayram günlərində turizm mərkəzində qonaqların istirahətini təmin etmək məqsədilə müvafiq hazırlıq işləri görülüb.
Buraya ilk dəfə gələn Bəhreyn vətəndaşı Şahraban Husan KİV-ə açıqlamasında kompleksdəki qiymət və xidmətlərdən razı qaldığını söyləyərək bildirib: “Biz Bəhreyndən qrup halında gəlmişik. Səkkiz gündür ki, Azərbaycandayıq. Bakıdan sonra Qusara gəldik. Buranın təbiətini, qarlı havada kanatla gəzintini, xizəkdə sürüşməyi çox bəyəndim. “Şahdağ” Turizm Mərkəzindən sonra istirahətimizi Qəbələdə davam etdirəcəyik”.
Səudiyyə Ərəbistanından olan Yusif Abdulqani də Azərbaycanın turizm məkanlarında ilk dəfədir ki dincəldiyini deyib. “Turizm mərkəzinin dağlarla əhatə olunması göz oxşayır. Kompleksdəki xidmətlər yüksək səviyyədədir. Qusarı çox bəyəndim. İnsanları qonaqpərvər, təbiəti gözəldir. Azərbaycana yenə gələcəyəm”, - deyə əcnəbi qonaq bildirib.
Bayram günlərində bu rayona gələn çoxsaylı yerli turistlərdən biri də Asim Mustafayevdir. Qusarda belə bir müasir istirahət mərkəzinin olmasının onu çox sevindirdiyini vurğulayan A.Mustafayev deyib: “İndi xarici ölkələrə getməyə ehtiyac yoxdur. Mən dünyanın bir çox ölkələrində olmuşam. Müqayisə edəndə görürsən ki, burada yaradılan şəraitlə yanaşı, xidmətlərin səviyyəsi də yüksəkdir. Gördüklərim müsbət fikir söyləməyə əsas verir”.
Turizm mərkəzi Novruz günlərində də müxtəlif əyləncələrlə qış istirahətini sevənlərin könlünü oxşayıb. Xizək və snoubord sürmə ilə yanaşı, aeroxizək və kvadrosikl turları, ziplayn, peyntbol, at üstündə gəzinti, uşaqlar üçün kirşələr, buz meydançası kimi 13 növ qış əyləncəsi qonaqların ixtiyarına verilib.
“Şahdağ” Turizm Mərkəzində qış mövsümü martın sonunadək davam edəcək. Bayram günlərində Quba rayonuna gələn turistlər isə daha çox Xınalıq və Qəçrəş istirahət zonalarına üz tutublar.
Turist axını Qubada da qeydə alınıb. Belə ki, Quba Turizm İnformasiya Mərkəzindən AZƏRTAC-a verilən məlumata görə, bayram günlərində rayona gələn turistlərin sayı adi günlərdəkindən 50-60 faiz çox olub. Gücləndirilmiş iş rejimində çalışan mərkəzdə “qaynar xətt” yaradılıb.
Bayram tətili günlərində Şəki şəhərinə gələn turistlərin də sayında xeyli artım müşahidə olunub. Məlumat üçün bildirək ki, turistlərin ən çox üz tutduqları tarixi məkanlardan biri də rayondakı “Yuxarı Baş” Dövlət Tarix-Memarlıq Qoruğunun ərazisidir. Bu ərazidə yerləşən muzey və karvansaralar, XVIII əsrə aid dünya əhəmiyyətli nadir tarixi-memarlıq abidəsi - Şəki xanlarının sarayı, həmçinin ötən il istifadəyə verilən “ABAD” Keramika və Tətbiqi Sənət Mərkəzi yerli və xarici turistlərin daha çox marağına səbəb olur. Qeyri-rəsmi məlumata görə, tətil günlərində qoruğun ərazisinə 10 mindən çox turist gəlib.
Qoruğun direktoru Təranə Abdullayeva bildirib ki, bayram günlərində şəhərin qonaqlarının əksəriyyətini yerli turistlər, həmçinin müxtəlif turizm turlarının iştirakçıları təşkil edib. Əcnəbi turistlər arasında isə ruslar və Çindən gələnlər çoxluq təşkil edib.
T.Abdullayevanın dediyinə görə, bayram günlərində şəhərə turist axınını nəzərə alaraq, qoruğun ərazisindəki bütün muzeylərin, o cümlədən Xan sarayının qapıları səhər saatlarından axşamadək qonaqların üzünə açıq olub. Turistlərə xidmət göstərmək üçün Şəki xanları sarayının yaxınlığında, qədim qala divarları ilə əhatələnən geniş yaşıllıq ərazidə asudə vaxt və istirahət guşəsi yaradılıb. Turistlər burada dincəlib, milli geyimdə foto çəkdirib, Şəki şirniyyatları ilə samovar çayına qonaq olublar. Uşaqlar üçün müxtəlif attraksionlar quraşdırılıb. Turistlər Novruz bayramı münasibətilə qoruğun ərazisində, eləcə də şəhərin ayrı-ayrı məhəllələrində təşkil edilən şənliklərdə iştirak edib, xalqımızın qədim adət-ənənələri ilə yaxından tanış olublar.
Qoruğun direktoru bildirib ki, Şəkiyə turist axınının artmasının əsas səbəblərindən biri də turistlərə göstərilən xidmətin keyfiyyəti ilə bağlıdır. Şəki mətbəxinin özünəməxsusluğu, rəngarəngliyi turistləri daim özünə cəlb edir. Onlar milli yeməklərdən olan Şəki pitisinə, paxlavaya, müxtəlif çeşiddə şirniyyat növlərinə böyük maraq göstərirlər. Qoruğun ərazisində olan sənətkarlıq emalatxanaları da daim turistlərin xidmətindədir.
Ağcabədi rayonundan olan Camal Əliyev KİV-ə açıqlamasında bildirib ki, o, Novruz tətili günlərini müəllim həmkarları ilə birlikdə Azərbaycanın qədim diyarlarından olan Şəkidə keçirməyi qərara alıb. Hər dəfə Şəkiyə gələndə bir qayda olaraq, mütləq Xan sarayını ziyarət etdiyini vurğulayan ağcabədili qonaq deyib: “Şəki ölkəmizin mühüm turizm mərkəzlərindən birinə çevrilib. Azərbaycanın digər bölgələri kimi, bu şəhərdə də tarixi-mədəni irsimizin qorunmasına yüksək diqqət və qayğı göstərilir. Şəki xanlarının sarayı ölkəmizin ən möhtəşəm memarlıq abidələrindəndir. Ona görə də hamıya məsləhət görürəm ki, imkan tapan kimi Şəkiyə gəlsinlər, Azərbaycan memarlığının nadir incilərindən olan bu gözəl sarayı ziyarət etsinlər”.
Azərbaycana Hollandiyadan qonaq gələn Jeron Homan da Şəkinin çox gözəl təbiətə malik olduğunu bildirib: “Sevinirəm ki, bu gözəl şəhərə bayram günlərində gəlmişəm. Hər yerdə şən əhval-ruhiyyə hiss olunur, insanların üzü gülür. Gözəl adət-ənənələriniz var. Şəhərin sakinləri çox qonaqpərvər və istiqanlıdırlar, turistlərlə çox gözəl ünsiyyət qururlar. Xan sarayının şəbəkə pəncərələri mənim çox xoşuma gəldi. Ölkənizə yenə də gəlməyi düşünürəm”.
Onu da vurğulamaq yerinə düşər ki, Azərbaycanın turizm potensialı bu gün dünyada olduqca böyük şöhrət tapıb. Bu səbəbdəndir ki, artıq xarici mətbuat səhifələrində də Azərbaycanın turizm mərkəzləri və potensialı ilə bağlı zaman-zaman mühüm məqalələr dərc olunur. Qətərin “Qalf Tayms”, “al-Arab”, “Lusail”, “al-Raya”, “Peninsula”, “al-Şarq”, həmçinin Livanın “əl-Cümhuriyyə”, “Cedarnyus”, “Menanyus24”, “Alarabiyya”, “Naharnyus”, “Lebanese nyus” və “Alseyasa” qəzetlərində də Azərbaycanın turizm potensialından bəhs edən məqalələr dərc edilib.
Məqalələrdə paytaxt Bakının qədim və müasir tikililərinin, Xəzər dənizinin gözəl sahilyanı ərazilərinin, valehedici qarlı dağların Azərbaycana gələn turistləri məftun etməsindən, ölkəmizin turizm potensialının inkişafından, bu sahədə yaradılan infrastrukturdan danışılır.
Yazılarda ölkəmizin tarixi məkanlarından, turistik yerlərindən söhbət açılır, Bakının, Qusarın, Qəbələnin gəzməli-görməli yerləri barədə məlumat verilir, qeyd edilir ki, Bakı dünyada dəniz səviyyəsindən aşağıda yerləşən yeganə paytaxt, üstəlik ən böyük belə şəhərdir. Xəzər dənizinin sahilində yerləşən Bakı bu dənizin hövzəsindəki ən böyük şəhər statusunu da daşıyır. Buradakı müasir binalar şəhərin qədim arxitekturası ilə vəhdət təşkil edir.
Məqalələrdə bildirilir ki, Azərbaycandakı tikililər müxtəlif üslubların möhtəşəm harmoniyasıdır. Bu binalarda yüz illər ərzində baş vermiş mədəni dəyişikliklər əks olunur. Ölkənin hər yanında minarələrdən tutmuş mozaikalara, orta əsrlərə aid tikililərdən müasir dövrün nümunələrinədək müxtəlif binalara rast gəlinir. Bundan başqa, Azərbaycanın hər bölgəsinin özünəməxsus xüsusiyyəti var.
Həmçinin yazılarda Qusar şəhərindəki Heydər Əliyev Mərkəzi və rəsm qalereyası, eləcə də Şahdağ Qış-Yay Turizm Kompleksi barədə məlumat verilir.
Ölkəmizdə turizmin inkişafından danışarkən onu da bildirmək yerinə düşər ki, Azərbaycan iki yaşa qədər uşaqlarla səyahət etmək üçün ən yaxşı ölkələr siyahısına daxil edilib. Rusiyanın “Tutu.ru” vahid səyahət servisi 2018-2019-cu illərdə alınmış aviabiletləri təhlil edərək belə qənaətə gəlib ki, iki yaşa qədər uşaqları olan valideynlər əsasən ölkə daxilində, xüsusilə də Moskva və Sankt-Peterburqa səyahət edirlər. Belə valideynlərin 12 faizi yaxın xaricə, o cümlədən Azərbaycan, Moldova, Gürcüstan, Tacikistan, Özbəkistan və s. səyahət edirlər. İki yaşınadək uşaqla uzaq xaricə səyahətə çıxanlar isə yalnız 12 faiz təşkil edir.
Pərviz SADAYOĞLU

 
  • Oxunub:  4230  |  
  • Tarix:  28-03-2019  |  
  •    Çap et   |  
Get Adobe Flash player
Yüksək dövlət qayğısı ilə əhatə olunan Azərbaycan mətbuatı özünün inkişaf dövrünü yaşayır

21 İyul 13:40
Gənclər və İdman naziri: Olimpiya Festivalına 6750 bilet satılıb
21 İyul 12:49
Avropa Gənclər Yay Olimpiya Festivalının Əməliyyat Komitəsi mətbuat konfransı keçirib
21 İyul 10:35
Ermənistan silahlı qüvvələri atəşkəs rejimini 17 dəfə pozub
21 İyul 09:48
XV Avropa Gənclər Yay Olimpiya Festivalının tennis yarışları start götürüb
21 İyul 09:46
Avropa Gənclər Yay Olimpiya Festivalı ilə əlaqədar polis gücləndirilmiş iş rejiminə keçib
20 İyul 21:11
AOK: Avropanın güclü yeniyetmə idmançıları Bakıda mübarizəyə hazırdırlar
20 İyul 19:53
Azad Rəhimov: XV Avropa Gənclər Yay Olimpiya Festivalı atletlər və idman həvəskarlarının xatirəsində xoş izlər buraxacaq
20 İyul 18:15
Avropa Olimpiya Komitəsinin prezidenti Yanes Kosyançiç: Bakı festivalın təşkilinə tam hazırdır
20 İyul 17:37
Daxili İşlər naziri Əlahiddə Çevik Polis Alayında sıra baxışı keçirib
20 İyul 16:18
IX Beynəlxalq Multikulturalizm Yay Məktəbi Oğuzda işini davam etdirir
20 İyul 15:25
UNESKO-nun baş direktoru Medianın Müdafiəsi Qlobal Fondunun yaradılmasını alqışlayıb
20 İyul 15:20
Yeni çağırış Avropa Parlamentində nümayəndə heyətləri təsdiqlənib
20 İyul 15:13
Müdafiə naziri: Ali Baş Komandanın qarşımızda qoyduğu ən əsas tapşırıq yüksək döyüş hazırlığıdır
20 İyul 14:24
Sevinc Hüseynova: Yeni Azərbaycan Partiyası gənclərin inkişafını daim diqqət mərkəzində saxlayır
20 İyul 14:20
Rauf Əliyev: Azərbaycanın xarici siyasəti, regional və qlobal miqyasda əməkdaşlığın möhkəmlənməsinə xidmət edir
20 İyul 14:17
İlham Məmmədov: Ölkəmizin uğurlu sosial dövlət modeli formalaşdırılıb
20 İyul 14:13
Azərbaycanın dövlət büdcəsinə 6 ayda daxilolmalar 10 milyard manatı keçib
20 İyul 14:07
XXX Ümumdünya Yay Universiadasında medal qazanan Azərbaycan idmançıları və məşqçiləri üçün mükafatların məbləği müəyyən edilib
20 İyul 14:02
Qəbələ Beynəlxalq Musiqi Festivalı yenidən sənətsevərlərin görüşünə gələcək
20 İyul 13:53
Bakıda keçiriləcək XV Avropa Gənclər Yay Olimpiya Festivalını 345 media nümayəndəsi işıqlandıracaq
20 İyul 13:51
Bakıda və Abşeron yarımadasında hava dəyişkən buludlu olacaq, yağmursuz keçəcək
20 İyul 13:48
Prezident İlham Əliyev Avropa Olimpiya Komitələrinin prezidentini qəbul edib
20 İyul 13:46
YAP Naxçıvan səhər təşkilatının üzvlərinin sayı 18 min nəfəri ötüb
20 İyul 13:42
YAP Babək rayon təşkilatında görülən işlər və qarşıda duran vəzifələr müzakirə edilib
20 İyul 13:01
Ağdaşda heyvandarlıqla məşğul olan fermerlərə təlim keçirilib
20 İyul 12:57
Tələbə yay məktəbinin iştirakçıları ilə görüş
20 İyul 12:54
Qara metallar və onlardan hazırlanan məmulatların ixracı artıb
20 İyul 12:45
Əmək və Əhalinin Sosial Müdafiəsi Naziri Uşaq Bərpa Mərkəzində göstərilən reabilitasiya xidmətlərinə baxış keçirib
20 İyul 12:37
Azərbaycan, Gürcüstan və Türkiyə kənd təsərrüfatı sahəsində əməkdaşlığı müzakirə edib
20 İyul 12:34
Elman Məmmədov: Qaçqın və məcburi köçkünlərə davamlı və hərtərəfli qayğı göstərilməsi Azərbaycan hökumətinin fəaliyyətində mühüm yer tutur
20 İyul 10:21
Xarici İşlər naziri Elmar Məmmədyarov Çinin ölkəmizdəki yeni səfiri ilə görüşüb
20 İyul 10:17
Avstraliyanın Rusiyadakı səfirinə Dağlıq Qarabağ münaqişəsi barədə məlumat verilib
20 İyul 10:15
Azərbaycan Vaşinqtonda keçirilmiş dini azadlıq üzrə konfransda fəal iştirak edib
20 İyul 10:12
Leyla Abdullayeva: Erməni lobbi qruplarının əsassız fəaliyyəti Azərbaycan ilə Avstraliya arasında inkişaf etməkdə olan münasibətlərə xələl gətirə bilməyəcək
20 İyul 09:43
Ermənistan silahlı qüvvələrinin bölmələri atəşkəs rejimini 19 dəfə pozub
20 İyul 09:39
“Skolkovo” İnnovasiya Mərkəzinin və St.Gallen Universitetinin professorlarının iştirakı ilə dövlət orqanlarının rəhbər şəxsləri üçün təlim keçirilir
20 İyul 09:36
Yüksək dövlət qayğısı ilə əhatə olunan Azərbaycan mətbuatı özünün inkişaf dövrünü yaşayır
20 İyul 09:31
Nəsimi rayonunda jurnalistlərlə görüş keçirilib
20 İyul 09:29
Azad söz azad cəmiyyətin təməl daşıdır
20 İyul 09:26
Ulu Öndər Heydər Əliyevin qətiyyəti sayəsində ermənilərin qədim Qəbələ ilə bağlı məkirli planlarının qarşısı alındı
20 İyul 09:23
“Şəhərdən kəndə” aqroekoturizm layihəsi çərçivəsində Şəkiyə mediatur təşkil edilib
20 İyul 09:21
YAP Qazax rayon təşkilatının yaradılmasının 26-cı ildönümü münasibətilə tədbir keçirilib
20 İyul 09:19
ADAU-da 2-ci Beynəlxalq Yay Məktəbi uğurla başa çatıb
19 İyul 20:14
Elmar Məmmədyarov: Təşəbbüskarı olduğumuz layihələr Avropa ilə Asiya arasında əlaqələrin genişlənməsinə töhfə verəcək
19 İyul 20:11
“Azərbaycan milli mətbuatı 144 il: müasir gəncliyin gözü ilə” mövzusunda tədbir keçirilib
19 İyul 20:06
Azərbaycanda Paralimpiya hərəkatının təbliğində mətbuatın rolu danılmazdır
19 İyul 19:59
Dövlət Neft Fondu media nümayəndələrini mükafatlandırıb
19 İyul 19:55
Prezidentin Mətbuat Xidmətinin məlumatı
19 İyul 17:52
Vüqar Rəhimzadə: Dövlətçilik maraqları şəxsi maraqlardan öndə dayanmalıdır
19 İyul 17:49
Ali Məhkəmənin sədri və kollegiya sədrləri bölgələrdə vətəndaşları qəbul ediblər
19 İyul 17:48
Pərvin Kərimzadə: “Yay məktəbləri” partiyamızın gənc fəalları üçün həm təcrübə, həm də bilik mənbəyidir
19 İyul 17:41
Vergilər naziri Qəbələdə vətəndaşları qəbul edib
19 İyul 17:33
Azərbaycan Ordusunun zabiti Çin Hərbi Akademiyasını qızıl medalla bitirib
19 İyul 17:27
Mobil qeydiyyat kampaniyası çərçivəsində 4 minə yaxın mənzillərin çıxarışı hazırlanıb
19 İyul 16:57
Akademik Məmmədağa Şirəliyevin 110 illiyi qeyd ediləcək
19 İyul 16:53
Səudiyyə Ərəbistanı Krallığının Ədliyyə naziri “ASAN xidmət”lə tanış olub
19 İyul 16:44
Azərbaycan Dillər Universitetində media nümayəndələri mükafatlandırılıb
19 İyul 16:27
“Qadın və uşaq hüquqları media müstəvisində” mövzusunda konfrans keçirilib
19 İyul 16:22
ABŞ-ın Azərbaycanda yeni hərbi attaşesi təyin olunub
19 İyul 16:15
AHİK-in sədri “Elm və sülh səfiri” beynəlxalq fəxri adına layiq görülüb
19 İyul 15:46
Azərbaycan hərbçiləri “Beynəlxalq Ordu Oyunları 2019”da iştirak edəcəklər
19 İyul 15:31
DİN Baş Əməliyyat və Statistik İnformasiya İdarəsinin tabeçiliyindəki orqanlarda vakant vəzifələrə müsabiqə elan edir
19 İyul 15:25
Prezident İlham Əliyev Qətərin Bələdiyyə və Ətraf Mühit nazirini qəbul edib
19 İyul 15:10
Milli Arxiv İdarəsində İmadəddin Nəsimin 650 illiyinə həsr edilmiş tədbir keçirilib
19 İyul 15:08
Eldəniz Səlimov: XV Avropa Gənclər Olimpiya Festivalının Bakıda keçirilməsi ölkəmiz üçün qürurvericidir
19 İyul 14:44
Rusiyalı qonaqlar Bakı Slavyan Universitetində
19 İyul 14:35
Avropa Gənclər Yay Olimpiya Festivalında Azərbaycan milli komandasının bayraqdarı müəyyənləşib
19 İyul 14:33
Nazirlər Kabinetində Əhalinin Siyahıyaalınmasına Yardım üzrə Mərkəzi Komissiyanın iclası keçirilib
19 İyul 13:50
Müdafiə Nazirliyinin nümayəndələri veteranlarla görüşüblər
19 İyul 13:38
Hərbi Prokurorluqda əməliyyat müşavirəsi keçirilib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
HAVA HAQQINDA