Heydər Əliyev
yeni azerbaycan logo

Ana səhifə / / Azərbaycançılıq ideologiyası Vətən müharibəsi dövründə də milli birliyimizin təmin olunmasında əsaslı rol oynadı

Azərbaycançılıq ideologiyası Vətən müharibəsi dövründə də milli birliyimizin təmin olunmasında əsaslı rol oynadı

19.01.2021 [08:59]

Ekspertlərin fikrincə, dünya azərbaycanlılarının milli məfkurə ətrafında birləşməsi xalqımızın düşmənə qarşı qətiyyətli mübarizəsini şərtləndirən strateji amillərdən biridir
Əsası Ulu Öndərimiz Heydər Əliyev tərəfindən qoyulan azərbaycançılıq ideologiyası milli dövlətçiliyimizin inkişafında xüsusi əhəmiyyətə malikdir. 1993-cü ilin iyununda xalqın təkidli tələbi ilə hakimiyyətə qayıdan Ümummilli Liderimiz Heydər Əliyev Azərbaycan dövlətinin bütövlüyünü, insanlarımızın vahid məfkurə ətrafında birləşməsini təmin etdi. Bununla yanaşı, azərbaycançılıq ideologiyası milli birliyimizin formalaşdırılmasında da təməl prinsipə çevrildi. Ulu Öndər Heydər Əliyevin yaratdığı bu milli ideoloji konsepsiya o dövrdə kövrək, yeni əldə olunmuş müstəqilliyimizin, suverenliyimizin qorunmasında mühüm tezis olmaqla yanaşı, xaricdə yaşayan həmyerlilərimizin də milli dövlətçiliyin inkişafındakı yerini müəyyənləşdirdi. Bu ideoloji xəttin 2003-cü ildən etibarən Prezident İlham Əliyev tərəfindən uğurla davam və inkişaf etdirilməsi isə milli birliyimizin daha da möhkəmlənməsinə öz töhfəsini verdi. 2020-ci ildə işğal altndakı torpaqlarımızın azad edilməsi uğrunda aparılan Vətən müharibəsi bu dediklərimizi bir daha təsdiqləyir. Ötən il sentyabrın 27-dən başlayan Vətən müharibəsi zamanı Azərbaycan xalqı bir yumruğa çevrilərək bütün sferalarda düşmənə qarşı mübarizədə böyük əzmkarlıq nümayiş etdirdi. Bu fəaliyyətə özünəməxsus töhfələr verən xaricdə yaşayan azərbaycanlıların apardıqları mübarizə isə bu mənada, xüsusilə seçildi.
Məsələ ilə bağlı fikirlərini bölüşən Milli Məclisin deputatı Müşfiq Məmmədli bildirib ki, azərbaycançılıq ideologiyası müasir milli inkişaf tariximizin ən mühüm komponenti kimi çıxış etməklə xalqın vahid milli məfkurə ətrafında birləşməsini təmin edib. 1990-cı illərin əvvəllərində Sovet imperiyasının çöküşü ilə kommunizm ideyalarının fiaskoya uğradığını dilə gətirən millət vəkili deyib ki, yaranan ideoloji boşluq bir sıra fəsadların meydana çıxması ilə yanaşı, milli birliyə və həmrəyliyə də zərbə vururdu. Məhz həmin dövrdə Ümummilli Lider Heydər Əliyevin xalqı azərbaycançılıq ideologiyası ətrafında birləşdirməsi müasir inkişafımızın təməlini qoydu: “Bugünkü rakursdan qiymətləndirmə apardıqda, milli ideologiyamızın bizə verdiyi töhfələr əvəzsizdir. Azərbaycançılıq ideologiyası, ilk növbədə, xalqımızın vahid milli məfkurə ətrafında birləşməsini təmin etdi. Bu isə öz növbəsində, milli dövlətçiliyimizin möhkəmlənməsinə xidmət etməklə yanaşı, milli və dini kimliyindən asılı olmayaraq, hər bir Azərbaycan vətəndaşının dövlətçiliyin inkişafındakı rolunu təyin etdi. 1995-ci ildə qəbul edilmiş dövlət Konstitusiyasında milliyyətindən, dinindən, irqindən asılı olmayaraq, hər bir Azərbaycan vətəndaşının qanun qarşısında bərabər olması bunu qanunvericiliklə də təsdiqləmiş oldu”.
Millət vəkilinin fikrincə, atılan bu addımlar kompleks şəkildə həm də diaspora quruculuğuna mühüm töhfələr vermiş oldu. Onun sözlərinə görə, azərbaycançılıq ideologiyası milli mənsubiyyəti, milli-mənəvi dəyərləri qoruyub saxlamaqla yanaşı, onların ümumbəşəri dəyərlərlə sintezindən, inteqrasiyasından bəhrələnir: “Bu isə milli dəyərlərimizin bəşəri təbliğində müstəsna rol oynayır. Bu gün Azərbaycan dövlətinin hər bir vətəndaşı, o cümlədən xaricdə yaşayan həmyerlilərimiz öz dövlətinin inkişafı, milli vəhdətin və birliyin qorunub saxlanılması, daha da gücləndirilməsi üçün vahid amal uğrunda mübarizə sərgiləyir. Bu mübarizədə azərbaycançılıq ideologiyası xalqımız üçün bir çətir altında bir yumruq kimi birləşmənin vahid formuluna çevrilməyi bacardı. Ulu Öndər Heydər Əliyev hər zaman deyirdi ki, dünyanın hansı nöqtəsində yaşamağından asılı olmayaraq hər bir azərbaycanlı öz dövlətinin maraqlarını qorumalıdır. Bu gün xarici dövlətlərdə nümayiş etdirilən birlik məhz ideoloji birliyimizdən doğan uğurumuzdur”.
Millət vəkili onu da vurğulayıb ki, 2020-ci ilin ən əsas tarixi hadisəsinə çevrilmiş işğal altındakı torpaqlarımızın azad edilməsi xalqımızın milli birliyinin, həmrəyliyinin gücünü bir daha nümayiş etdirdi. Hələ 2020-ci ilin yayında Ermənistan-Azərbaycan dövlət sərhədinin Tovuz rayonu istiqamətində ermənilərin törətdikləri hərbi təxribatların qarşısının Azərbaycan Silahlı Qüvvələri tərəfindən uğurla alınması zamanı Azərbaycan diasporasının nümayəndələri xarici ölkələrdə bir sıra kütləvi aksiyalar keçirərək ölkəmizə dəstəklərini nümayiş etdirdilər. Bununla onlar həm də yaşadıqları ölkələrin Azərbaycanın haqq işinə dəstək verməsində əsaslı rol oynamış oldular. Eləcə də diaspora üzvlərimizin nümayiş etdirdiyi milli birlik illərdir ki, təbliğ olunan “erməni lobbisinin gücü” mifini də darmadağın etdi. Təbii ki, sərhədlərimizdən kənarda həmyerlilərimizin nümayiş etdirdiyi bu birlik məhz ideoloji birliyimizdən doğan uğurumuzdur. “Həmin dövrdə ölkəmizin haqq səsini dünyaya çatdıran, erməni təcavüzünün ifşasına yönəlik dinc aksiyalar keçirən soydaşlarımız yaşadıqları ölkələrdə erməni lobbisini və terror qruplarını ifşa etdi. Bu, azərbaycançılıq ideologiyasının milli birliyimizin formalaşmasındakı, milli həmrəyliyimizin təmin edilməsindəki təntənəsidir”, - deyən M.Məmmədli 2020-ci ilin sentyabrın 27-dən noyabrın 10-na qədər davam edən Vətən müharibəsi dövründə də xaricdə yaşayan diaspora nümayəndələrimizin fəaliyyətinin yüksək qiymətləndirilməli olduğunu söyləyib.
Onun sözlərinə görə, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin işğal altındakı torpaqlarımızın azad edilməsi uğrunda başlatdığı haqq savaşına tam dəstək verən xaricdə yaşayan azərbaycanlıların böyük əksəriyyəti aparılan əks-hücum əməliyyatlarında iştirak etmək üçün müraciətlər etdi, eləcə də sosial şəbəkələrdə həm ermənilərin, həm də onlara havadarlıq edən bir sıra xarici mərkəzlərin apardıqları çiırkin yalan kampaniyalarına qarşı mübarizə apardı: “Şükürlər olsun ki, xalqımızın apardığı haqq savaşı qalibiyyətlə nəticələndi və torpaqlarımız azad edildi. Qələbədən sonrakı mərhələdə də diaspora üzvlərimiz milli birliyin qorunması istiqamətində atdıqları addımlarla seçilirlər. İnanıram ki, azərbaycançılıq məfkurəsinin işığından bəhrələnən hər bir vətəndaşımız, o cümlədən xaricdə yaşayan həmyerlilərimiz Qarabağın yenidən qurulmasına da öz töhfələrini verəcəklər”.
Milli Məclisin deputatı Ramil Həsən də milli ideologiyamızın xalqımızın birliyində, həmrəyliyində böyük rol oynadığını dilə gətirib. Onun sözlərinə görə, hələ 2001-ci ildə keçirilmiş Dünya Azərbaycanlılarının Birinci Qurultayı zamanı tarixi nitq söyləyən Ulu Öndər Heydər Əliyev Azərbaycan diasporasının fəaliyyətinin inkişaf proqramını diqqətə çatdırmışdı. Millət vəkili bildirib ki, Ümummilli Lider Heydər Əliyev dünya azərbaycanlıları arasında milli birliyin və həmrəyliyin təmin edilməsi, Azərbaycan dövləti ilə dünya azərbaycanlılarının əlaqələrinin möhkəmləndirilməsi, qarşıya çıxan problemlərin həllində səylərin birləşdirilməsi zərurəti, Azərbaycan dilinin və milli-mənəvi dəyərlərimizin qorunub saxlanılması, inkişaf etdirilməsi haqqında öz fikirlərini söyləmişdi. Ulu Öndər Heydər Əliyevin apardığı siyasi kursu uğurla davam və inkişaf etdirən Prezident İlham Əliyevin də bütün xarici səfərlərində diaspora nümayəndələrimizlə görüşdüyünü, onları narahat edən məsələləri dinlədiyini vurğulayan R.Həsən deyib ki, bu, xaricdə yaşayan azərbaycanlılarla sinxron fəaliyyətin qurulmasında əsaslı rol oynayıb: “İşğal altındakı rayonlarımızın azad edilməsi uğrunda sentyabrın 27-də başlanan Vətən müharibəsi bir daha bəzi reallıqları üzə çıxarmış oldu. Bu müharibədə hər kəsin dövlət və torpaq uğrunda səfərbər olaraq bir yumruğa çevrilməsi məhz azərbaycançılıq ideologiyasının tarixi uğuru idi. Ulu Öndərimizin bizə miras qoyduğu azərbaycançılıq ideologiyası düşmənə qarşı mübarizədə bütün sferalarda milli birliyin təmin edilməsinə yol açdı. Bu mənada, xaricdə yaşayan həmyerlilərimizin davranışları da alqışa layiqdir. Ölkəmizə qarşı aparılan anti-Azərbaycan fəaliyyətin qarşısında səddə çevrilən, keçirdikləri kütləvi aksiyalar vasitəsilə ölkəmizin öz ərazi bütövlüyü uğrunda mübarizə apardığını dünya ictimaiyyətinin diqqətinə çatdıran diaspora nümayəndələrimiz birmənalı şəkildə Prezident İlham Əliyevin apardığı siyasəti dəstəkləməklə hər bir azərbaycanlının bu ümummilli məsələdə vahid fikirdə olduğunu təsdiqlədilər. Bu, qələbənin təminatında olduqca mühüm bir amilə çevrildi”.
Ramil Həsən onu da vurğulayıb ki, Vətən müharibəsində əldə edilmiş qələbə tarixi zəfərdir və bu zəfərdə hər bir azərbaycanlının payı var. Müharibədən sonrakı dövrdə bəzi antimilli mərkəzlərin bu qələbəyə kölgə salmaq, onu kiçiltmək arzuları da fiaskoya məhkumdur. Çünki hər bir azərbaycanlı aparılan bu kampaniyaların erməni havadarları tərəfindən aparıldığını anlayır və ona qarşı mübarizə aparır: “Xaricdə yaşayan diaspora nümayəndələrimiz müharibədən sonrakı dövrdə sosial şəbəkələr vasitəsilə xalqımıza yönəlik təhdidlərə qarşı əzmlə mübarizə aparırlar. Diqqət yetirsək, bəzi xarici mərkəzlərin ortaya atdıqları yalan və əsassız fikirlərin əks-arqumentlərlə darmadağın edilməsi, istər Azərbaycanda yaşayan, istərsə də sərhədlərimizdən kənarda yaşayan insanlarımızın bu məsələdə güzəştsiz mövqe tutmaları bir daha milli birliyimizin möhkəmliyinin göstəricisidir. Bu gün ərazi bütövlüyü təmin edilmiş, regionun siyasi-iqtisadi güc mərkəzinə çevrilmiş Azərbaycan özünün yeni inkişaf mərhələsini yaşamaqdadır. Güclü Azərbaycan həm də güclü Azərbaycan diasporası deməkdir. Bunun üçün isə, milli birliyimizi qorumalı, azərbaycançılıq ideologiyasının bizə təlqin etdiyi yolu mənimsəməli, onu daha da inkişaf etdirməliyik”.
Pərviz SADAYOĞLU

Paylaş:
Baxılıb: 582 dəfə

Xəbər lenti

Hamısına bax

Xəbər lenti

Xəbər lenti

Sosial

Bayram sonrası....

28 Mart 11:23

Analitik

Siyasət

Siyasət

Siyasət

Xəbər lenti

Siyasət

Növbəti təxribat

28 Mart 10:05

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31