Ana səhifə »  Mədəniyyət »  Nəsillərə qalan miras
A+   Yenilə  A-
Nəsillərə qalan miras
“Cavad xan” filminin yaradıcı heyəti “Yeni Azərbaycan”a danışdı
Bu il Azərbaycan kinosu 111-ci ilini qeyd etdi. Yubiley münasibətilə iyulun 31-də Heydər Əliyev Sarayında möhtəşəm tədbir keçirildi. Həmin gün Azərbaycan ictimaiyyətinin böyük səbirsizliklə gözlədiyi “Cavad xan” filminin premyerası da reallaşdı.
Qeyd edək ki, milli kinomuzun yeni inkişaf mərhələsi Prezident İlham Əliyevin “Azərbaycanda kino sənətinin inkişaf etdirilməsi haqqında” 2007-ci il 23 fevral tarixli Sərəncamından sonra başladı. Dövlət qayğısının nəticəsi olaraq bu gün Azərbaycan kinosunun maddi-texniki bazası möhkəmləndirilir. Bu istiqamətdə atılan məqsədyönlü addımlar davamlılıq təşkil edir. Məhz bu tədbirlərin nəticəsidir ki, son zamanlar yüksək keyfiyyət, süjet xətti və rəngarəngliliyi ilə Azərbaycanın kino sənayesində özünəməxsus yer tutan filmlər ərsəyə gəlməkdədir. Yenicə təqdimatı keçirilən “Cavad xan” tarixi filmi də məhz bu qəbildəndir. Odur ki, bütün bu meyarları nəzərə alaraq Azərbaycan tarixi filmlər silsiləsində özünəməxsus yer tutacağına böyük ümidlər bəslənilən “Cavad xan” bədii filmini ərsəyə gətirən yaradıcı şəxslərin ekran əsəri haqqında təəssüratlarını dinləmək yerinə düşər.
İlk qonağımız uzun illər bundan öncə qələmə aldığı “ölüm zirvəsi” romanının motivləri əsasında ekranlaşdırılan filmin ssenari müəllifi, Xalq şairi, publisist Sabir Rüstəmxanlıdır. “Qələmə alarkən demək istədiyinizi ekran işində görə bildinizmi” sualını Sabir Rüstəmxanlı belə cavablandırdı: “ölüm zirvəsi” romanı təxminən 70 illik bir ömrü əhatə edir. Film isə romanın son fəsilləri əsasında çəkilib. Bilirsiniz, ssenari ilə hazır material arasında müəyyən fərqlər olur. Belə ki, söz mənimdir, göz isə rejissorun. çəkiliş prosesində bir sıra xırda texniki problemlər də oldu. Görmək istədiyim hər şey, təbii ki, filmdə yoxdur. Amma bu, Cavad xan haqqında kifayət qədər məlumatı olan birinin fikridir. Bütün bunları bir kənara qoyub, tamaşaçı kimi deyə bilərəm ki, şübhəsiz, film Azərbaycan kinosunun uğurlu əsərlərindən biridir. Güman edirəm ki, tarixi filmlər arasında layiqli yerini tutacaq”.
Daha sonra filmin yaradıcı heyətinə, aktyorların potensialına və bir müəllif olaraq irəli sürdüyü təkliflərə toxunan S.Rüstəmxanlı bildirdi ki, əvvəlcədən aktyor heyətində kifayət qədər yıpranmış simaların olmamasını rejissora şərt qoyub: “Filmdə yeni simaların olması şərt idi. O ki qaldı Nürəddin Mehdixanlıya, onu Akademik Milli Dram Teatrından yaxşı tanıyırıq. Təəssüf ki, Azərbaycan kinosu sanki neçə illərdir onu görmür. Nurəddin Cavad xan haqqında olan poemamı illər uzunu müxtəlif tamaşalarda, tədbirlərdə oxuyub. Odur ki, başqa cür də təsəvvur edə bilmirdim. Bu rolu Nurəddin oynamalı idi. Milli Dram Teatrında tondem bir cütlük var. Nürəddin Mehdixanlı ilə Ramiz Novruzu əksər tamaşalarda birgə görmüşəm. Sisyanov roluna da Ramiz münasib idi. Filmin ağırlığının məhz bu iki rolun üzərinə düşəcəyini əvvəlcədən bilirdim. Onların hadisələrə münasibəti, tarixi faktlardan məlumatlı olmaları filmin uğurlu alınmasına zəmin yaradırdı. Kino sənayesi sahəsində böyük uğurlar qazanan Amerika filmlərinin çəkilişində belə hansısa problemlər ortaya çıxır, odur ki, yaradıcı heyətin işini uğurlu hesab edirəm. Fikrimcə, 4-5 ildən sonra kino sahəsində gərəkli olan texniki imkanlar özümüzdə də mövcud olacaq. Bunun üçün xarici mütəxəssislərə müraciət etməyə ehtiyac qalmayacaq. “Cavad xan”da son dərəcə təcrübəli aktyorlar ilə təcrübəsiz, kino işinə təzə gələn gənclərin maraqlı bir vəhdəti yarandı. Bu vəhdət də filmin uğurlu alınmasına səbəb oldu. Bilirsiniz, xüsusən də bədii filmlərdə aktyordan oynamaq tələb olunmur. Zaman oyun istəmir. Necə var elə də olmaq lazımdır. Amma elə yer də var ki, mütləq oyunçuluq tələb olunur”.
Filmə ekran ömrü verən “Anamın kitabı”, “Qayalarda qalan səs”, “Yaz yuxusunun işığı”, “Kleopatra” film-tamaşalarının, 7 seriyalı “Abbas və Gülgəz”, “Koroğlu” kimi bir çox film-dastanların, həmçinin, çoxsaylı sənədli filmlərin, teatr tamaşalarının quruluşçu rejissoru olan Rövşən Almuradlı isə ərsəyə gətirdiyi iş haqqında bunları dedi: “Aktyor seçimi birbaşa rejissorun prioritetidir. Filmin uğurlu alınması üçün gözəl bir ansambl yaradılmalıdır. Bu ansambla filmin ideya yükünü, rejissorun tələblərini, filmin son məqama çatmasını maksimum gücü ilə daşıya biləcək insanlar daxil olmalıdır. Hər hansı bir yaxşı və qeyri-adi aktyor ola bilər, amma o, ansamblı tamamlamaya da bilər. Aktyor seçimi birbaşa olaraq rejissor tərəfindən aparılsa da müəyyən mənada rəssam və operatorlar ilə məsləhətləşmələr də olur. Biz isə filmə Azərbaycan teatrlarından 60-dan artıq aktyoru cəlb etmişdik. Tarixi film olduğunu nəzərə alaraq tanınmamış simaların olmasına çalışdıq. Konkret portret sifətlər də var ki, ona mütləq təkrar olunmayan simalar çəkilməlidir. Amma, paralel olaraq aktyorun bacarığı da nəzərə alınıb”.

Xalq artisti Nurəddin Mehdixanlının kifayət qədər tanınan və sevilən sima olmasının bu kriteriyaya nə dərəcədə cavab verməsini isə rejissor belə əsaslandırıb: “Bir aktyor müxtəlif tarixi şəxsiyyətləri oynaya bilər. Əsas istedadlı və duyumlu olmasıdır. Onun üçün də Cavad xan obrazına Nurəddin Mehdixanlını uyğun gördük. Həmçinin, portret oxşarlığına və xüsusi istedadına görə Sisyanov obrazına Ramiz Novruz seçildi. Bu obraza başqa millətdən də aktyor çəkmək olardı. Amma öz aktyorlarımız kifayət qədər istedadlıdırlar və hər bir rolun öhdəsindən böyük ustalıqla gələ bilərlər”. çəkiliş prosesindən, texniki problemlərdən də söhbət açan Rövşən Almuradlı kinonun bir nömrəli probleminin maliyyəsizlik olduğunu dedi: “Ernst İnqmar Berqmanın gözəl bir sözü var. “Filmi insan çəkir və insanlar üçün çəkir”. Ən gözəl texnika ilə, ən qeyri-adi imkanlar ilə o yükü və ruhu gətirən insan yoxdursa, o film yox sayılır. Tam səmimiyyətimlə deyə bilərəm ki, belə bir tarixi filmin ərsəyə gəlməsində ilk növbədə cənab Prezident İlham Əliyevə minnətdar olmalıyıq”.
Ekran əsərinin çəkilişlərinə ayrılan dövlət vəsaitinin 1 milyon 700 min manat təşkil etdiyini deyən Rövşən Almuradlı filmin gələcəkdə hər hansı bir nüfuzlu kino festivalda ölkəmizi təmsil edib-etməyəcəyinə də aydınlıq gətirib. Rövşən Almuradlının sözlərinə görə, bu, əsas şərt deyil: “Artıq dünya siyasi bir dumana bürünüb və bu, bütün sahələri əhatə edir. Yeni filmin hansısa bir nüfuzlu festivalda yer tutması mənim üçün əsas deyil. Mənim üçün yağı tapdağı altında qalan torpaqlarımız əsasdır. Təbii ki, beynəlxalq festivallara təqdimatı da nəzərdə tutulur. Amma yenə də, bu filmi birinci növbədə millətimin vətəndaşları üçün çəkmişəm”.
çoxsaylı televiziya tamaşalarında, həmçinin, teatr səhnəsində oynadığı rollarla tamaşaçıların ürəyində taxt quran Xalq artisti Nurəddin Mehdixanlı isə baş qəhrəmanı canlandırdığı “Cavad xan” filmi haqqında təəssüratlarını belə ifadə etdi: “Sevindirici haldır ki, filmin təqdimatı Azərbaycan milli kinosunun yaradılmasının 111 illiyinə təsadüf etdi. Uzun müddət idi ki, tamaşaçı Heydər Əliyev Sarayına film təqdimatı üçün yığışmırdı. Təbii ki, bu da millətin, xalqın öz tarixi ilə bağlı məsələlərə kifayət qədər ciddi önəm verməsindən irəli gəlirdi. Nə yaxşı ki, müstəqil Azərbaycan Respublikası quruldu. Və nə yaxşı ki, bu gün Azərbaycan xalqı və ziyalıları keçmişi ilə bağlı hadisələrə yenidən nəzər salır və onları film vasitəsilə yeni nəslə çatdırır. İşğaldan bəhs edən “Cavad xan” filmi bugünümüz üçün çox aktual mövzudur. Bu film indiki və gələcək nəsil üçün bir örnək olmalıdır. çünki, milləti uğrunda vuruşan hər bir kəs tarixdə qalır. Uzun illər ötsə belə, heç vaxt haqları itmir”.
Tarixi, vətənpərvər mövzularda çəkilən filmlərin vacibliyindən danışarkən N.Mehdixanlı iş adamlarımızın bu məsələlərə biganəliyindən də söhbət açdı: “Millətimizin kifayət qədər pul-para qazanan iş adamları var ki, dövlətimizin möhkəmlənməsinə, bu millətin özünü daha da dərindən tanımasına, bugünkü gəncliyin milli vətənpərvərlik ruhunda tərbiyə olunmasına xidmət edəcək layihələrə pul xərcləmək istəmirlər. Nə yaxşı ki, dövlətimizin başçısı millətinin tarixi və taleyi ilə bağlı olan mövzulara hər zaman böyük diqqət ayırır. Tam səmimiyyətimlə deyirəm ki, “Cavad xan” filmi cənab Prezidentimizin birbaşa Sərəncamı, diqqət və qayğısı sayəsində çəkildi. Bəzən bu sözləri deyəndə birmənalı qəbul etmirlər. Bəs, biz bu filmin çəkilişi üçün kimə təşəkkür etməliyik? Əvvəlcədən köməklik üçün müraciət etdiyimiz 23 iş adamı “Cavad xan” filminin çəkilişinə 300 manat pul göndərmişdi. Əslində, bu, bir təhqir idi. Amma hər şeyi də dövlət başçısının üzərinə yıxmaq düzgün deyil. Sağ olsun, “Cavad xan” filminin ərsəyə gəlməsi üçün hər cür şərait yaradılmasını təmin etdi. Bəzi “vətənpərvər” iş adamlarımız isə öz tarixi məsuliyyətlərini hiss etmirlər. Əgər onlar özlərini həqiqətən bu millətdən sayırlarsa, tarixdə qalmaq istəyirlərsə, Hacı Zeynalabdin Tağıyevdən nümunə götürməlidirlər. Adını çəkdiyim şəxs milləti üçün gördüyü xeyriyyə işlərinin hesabına bu gün xalqın tarixində yaşayır. Bu gün müstəqil Azərbaycan dövləti həmin insanların küçələrə adlarını verir, şərəflərinə heykəllər ucaldır. çəkiliş üçün iş adamlarından birinə bizə at verməsi üçün müraciət etmişdik. Dedi ki, qardaşım, nə millət məsələsi, pulunu ver, atı apar. Sonradan gənclər və idman naziri Azad Rəhimova müraciət etdik, bizi təmənnasız olaraq atla təmin etdi. üstəlik, atın rayonlara daşınması üçün xüsusi bir maşın da ayırdı. Bu, mənim iş adamımın dövlətinə, millətinə münasibəti, bu da dövlət rəsmisinin. Bu kimi reallıqları nə üçün söyləməməliyik? Azərbaycan daxili işlər naziri cənab Ramil Usubovun göstərişi ilə daxili qoşunlar dörd ay gecə-gündüz filmin çəkilməsində yağışda, soyuqda bizimlə bərabər oldular. Nə üçün bu insanlara təşəkkür etməyək ki? Axı filmin ərsəyə gəlməsində bizə dəstək olan bu insanlar idi. Təqdimatda səslənən gurultulu alqışlar tək bizim üçün deyildi. Filmin ərsəyə gəlməsində xidməti olan sıravi vətəndaşdan tutmuş hər kəsə şamil olunurdu. Bunları ona görə ürək yanğısı ilə deyirəm ki, biz həqiqətən də böyük millətik. Əgər bizim gəncliyimiz öz tarixini, keçmişini, əsl milli qəhrəmanlarını tanımasa onlar üçün gələcəkdə çox çətin olacaq”.
Filmin yaradıcı heyətinin fəaliyyətindən danışan Xalq artisti “Kino” prodüser mərkəzinin işindən razılıq etdi: “Ssenarisi bütün ruhu ilə millətini sevən bir Xalq şairi Sabir Rüstəmxanlınındırsa, quruluşçu rejissoru təpədən-dırnağa qədər millətinə, torpağına, dövlətinə sədaqətli Rövşən Almuradlıdırsa və gözəl aktyor heyəti vardırsa, deməli, film uğurlu alınmalı idi. Demirəm ideal iş görmüşük. Amma, bu, millətimizə borcumuz idi ki, hər kəs borcunu qətrə-qətrə ödəməyə çalışırdı”.
“Cavad xan” obrazının bəxş etdiyi mənəvi zənginlikdən söhbət açan N.Mehdixanlı bir daha dünyanın ən böyük millətinin övladlarından biri olduğunu hiss etdiyini ifadə etdi: “Millətimin qəhrəman oğulları olub. Torpağı üçün öz canı ilə bərabər övladlarının da canını qurban verməyi bacaran kişiləri olub və yəqin ki, onun hesabına 18 imperiya quran bir millətik. Akademik Opera və Balet Teatrında Sabir Rüstəmxanlının 50 illik yubileyi keçirilirdi. Mən də bu poemanı səsləndirmişdim. ümummilli liderimiz Heydər Əliyev də orada iştirak edirdi. O vaxt Ulu öndər Sabir Rüstəmxanlı ilə söhbət edəndə belə bir söz demişdi: “Bizim böyük tarixi faciələrimizlə bərabər böyük tarixi qəhrəmanlarımız da var. Biz o qəhrəmanları millətimizə tanıtmalıyıq”. Həmin Cavad xanın qəbrinin bərpası məhz Heydər Əliyevin zamanında oldu. Cavad xanın türbəsini də cənab İlham Əliyev tikdirdi. Bəli, Cavad xan bizə özgə deyil. Hər birimizin ulu babasıdır. Yəni o da torpağı uğrunda çalışıb-vuruşub. Bizim də gəncliyin payına 1988-ci ildən başlayan milli azadlıq hərəkatı düşmüşdü. Nəticə etibarı ilə Azərbaycan müstəqilliyinə qovuşdu. Cavad xan da deyirdi ki, bu, türk torpaqlarıdır. Türk torpağı olaraq da qalacaq. Biz də bu gün Cavad xanın arzularının yerinə yetdiyini göstərməkdən ötrü, Cavad xan kimi milli qəhrəmanlarımızın ruhunun ölməzliyini göstərməyə çalışırdıq. Mən Cavad xan rolunu oynamamışam. Sadəcə, Cavad xanın arzuları və yaşadıqları ilə mənim arzularım və yaşadıqlarım üst-üstə düşdüyündən mənə elə gəlir ki, ruhumuz bir-birini qəbul etdi və nəticədə ortaya belə bir iş çıxdı. özümü çox xoşbəxt hesab edirəm. Hansısa valideyn övladlarına villalar, maşınlar miras qoyarkən mənim övladlarıma qoyacağım miras onların hamısından dəyərli və qiymətlidir”.
TURANƏ
 
  • Oxunub:  16260  |  
  • Tarix:  08-08-2009  |  
  •    Çap et   |  
Get Adobe Flash player
Aparılan iqtisadi islahatlar nəticəsində Azərbaycanın maliyyə imkanları əsaslı şəkildə artıb

24 İyun 16:37
Azərbaycanın Energetika naziri Sankt-Peterburqda rusiyalı həmkarı ilə görüşüb
24 İyun 16:28
Əlyazmalar İnstitutunda Nəsiminin 650 illik yubileyinə həsr olunan konfransı keçirilib
24 İyun 16:14
Azərbaycan ilə Bolqarıstan arasında əlaqələrin inkişaf perspektivləri müzakirə olunub
24 İyun 15:44
Çingiz Hüseynzadə Ruhidil Qurbanlı və Abdulla Əl-Məşayxi ilə görüşüb
24 İyun 15:41
“Organic Food Festival 2019”a 3 gündə 10 mindən çox ziyarətçi qatılıb
24 İyun 15:36
Azər Badamov: Dövlət başçısının imzaladığı sərəncamlarda sosial ədalət və inkluzivlik təmin edilir
24 İyun 15:33
Şeyxülislam Allahşükür Paşazadə Azərbaycan və Avstriya prezidentlərinə minnətdarlıq məktubu ünvanlayıb
24 İyun 15:27
BMT baş katibinin müavini: “ASAN xidmət” modeli digər ölkələr üçün gözəl nümunədir
24 İyun 15:26
Pekində Nizami Gəncəvi Beynəlxalq Mərkəzinin 17-ci ali səviyyəli toplantısı işə başlayıb
24 İyun 15:22
Dini radikalizmlə mübarizədə maarifləndirmənin böyük rolu var
24 İyun 15:16
Azərbaycan BMT-nin xüsusi mükafatına layiq görülüb
24 İyun 15:04
Nicat Hacızadə: Minimum əməkhaqqının artımı ölkədə iqtisadi aktivliyə müsbət təsir göstərəcək
24 İyun 14:32
"Dinlərarası və sivilizasiyalararası əməkdaşlıqdan bəşəri həmrəyliyə" mövzusunda beynəlxalq konfransın Vyana Bəyannaməsi
24 İyun 14:27
DİN-də naziryanı əməliyyat müşavirəsi keçirilib
24 İyun 14:23
Azərbaycanda bu günədək 595,2 hektaradək sahədə taxıl biçini aparılıb
24 İyun 14:19
Azərbaycanın və Monteneqronun Baş nazirlərinin görüşü olub
24 İyun 14:12
“Qarabağ” muğam qrupu Belçikada silsilə konsertlərlə çıxış edib
24 İyun 13:57
Bolqarıstan Baş Nazirinin müavini ümummilli lider Heydər Əliyevin məzarını və Şəhidlər xiyabanını ziyarət edib
24 İyun 13:54
Dövlət Gömrük Komitəsinin rəhbərliyi Gəncə, Göygöl və Daşkəsəndə vətəndaşları qəbul edib
24 İyun 13:48
Azərbaycanda ilk dəfə olaraq minimum əmək haqqı yaşayış minimumunu üstələyir
24 İyun 13:47
Cüdoçularımız “Minsk 2019”un dördüncü gününə qələbələrlə başlayıblar
24 İyun 13:15
Bakıda Birləşmiş Millətlər Təşkilatının dövlət xidmətləri üzrə mükafatlandırma mərasimi keçirilib
24 İyun 12:22
Xarici diplomatlar DOST mərkəzi ilə tanış olublar
24 İyun 12:18
“Azərbaycan Hava Yolları” QSC ilə “Bakı 2019”un Əməliyyat Komitəsi arasında tərəfdaşlıq sazişi imzalanıb
24 İyun 12:16
Moskvada Bakı-Tbilisi-Qars dəmir yolu xətti ilə yükdaşımalara dair müzakirələr aparılıb
24 İyun 12:06
“Əmlakını qeydiyyata al və mülkiyyətinə sahib ol” kampaniyası Kürdəmirdə
24 İyun 11:52
Şamaxıda Nəsiminin 650 illik yubileyinə həsr edilən elmi sessiya keçirilib
24 İyun 11:42
Qida təhlükəsizliyi sahəsində çalışmaq istəyən məzunlarla görüş olub
24 İyun 11:38
Monteneqronun Baş Naziri ulu öndər Heydər Əliyevin məzarını və Şəhidlər xiyabanını ziyarət edib
24 İyun 11:31
“Olimpiya Mədəniyyəti və Təhsil Proqramı” çərçivəsində təlimlər davam edir
24 İyun 11:25
Azərbaycan və Ermənistan qoşunlarının təmas xəttində növbəti monitorinq keçiriləcək
24 İyun 11:19
Azərbaycanın Birinci vitse-prezidenti Mehriban Əliyeva BMT Baş katibinin müavini Liu Cenmin ilə görüşüb
24 İyun 11:06
Rəhman Mustafayev: Fransa qanunlarına zidd olaraq qəbul edilmiş sənədlərin ləğvi ilə mühüm məhkəmə presedenti yaranıb
24 İyun 10:58
Müəllimlərin işə qəbulu üzrə sənəd qəbulu başlayır
24 İyun 10:52
Bakıda BMT-nin Dövlət Xidmətləri Forumu işə başlayıb
24 İyun 10:50
Müdafiə Nazirliyi: Cəbhənin bəzi sahələrində atəşkəs rejimi ara-sıra açılan atəşlə pozulub
24 İyun 09:47
Dünya Neft Konqresinə səsvermədə Azərbaycan ikinci olub
23 İyun 21:11
Sabah Bakıda Ümumdünya İrs Gənc Peşəkarlar Forumu öz işinə başlayacaq
23 İyun 21:04
Monteneqronun Baş naziri Azərbaycana rəsmi səfərə gəlib
23 İyun 20:10
Akrobatika gimnastlarımız "Minsk 2019"da üçüncü medalı qazanıblar
23 İyun 19:17
Rüstəm Orucov Avropa Oyunlarında Azərbaycana altıncı medalı qazandırıb
23 İyun 19:06
Hidayət Heydərov ikinci Avropa Oyunlarında bürünc medal qazanıb
23 İyun 17:40
BMT-nin Dövlət Xidmətləri Forumu "ASAN xidmət"in intellektual məhsul kimi digər ölkələrə ixrac edilməsinə ciddi töhfə verəcək
23 İyun 17:12
Azərbaycan nümayəndə heyəti AŞPA-nın yay sessiyasında iştirak edəcək
23 İyun 14:27
Naxçıvanda kənd təsərrüfatı məhsullarının satış yarmarkasında bolluq və ucuzluqdur
23 İyun 13:44
BMT Baş katibinin müavini “ASAN xidmət” mərkəzində olub
23 İyun 12:45
İtaliyada İkinci Azərbaycan Film Festivalı başa çatıb
23 İyun 11:05
Heydər Əliyev Mərkəzinin parkında yoqa sessiyası təşkil olunub
23 İyun 10:28
“Huawei” şirkəti Azərbaycan ilə əməkdaşlığın genişləndirilməsində maraqlıdır
23 İyun 10:25
Azərbaycan idmançıları “Minsk 2019”un ikinci günündə 1 gümüş və 3 bürünc medal qazanıblar
23 İyun 10:23
23 iyun Azərbaycanda dövlət qulluqçularının peşə bayramıdır
23 İyun 10:19
“Minsk 2019”un üçüncü günündə atletlərimiz idmanın altı növü üzrə mübarizə aparacaqlar
23 İyun 10:16
Prezident İlham Əliyev: Azərbaycan özünün tarixi ilə qürur duyur
22 İyun 17:58
Azərbaycan millisinin ikinci Avropa Oyunlarında ilk medalını akrobatika gimnastlarımız qazanıblar
22 İyun 17:53
Daxili İşlər naziri Qubada vətəndaşların qəbulunu keçirib
22 İyun 17:50
İkinci Avropa Oyunlarında iştirak edən Azərbaycan idmançıları ilə görüş olub
22 İyun 17:46
FAO ilə Azərbaycanda kiçik və orta biznesin inkişafının dəstəklənməsi üzrə əməkdaşlıq genişlənir
22 İyun 17:42
“Minsk 2019”: Azərbaycan boksçusu ermənistanlı rəqibi üzərində inamlı qələbə qazanıb
22 İyun 17:37
Azərbaycanda bu günədək 522,7 min hektar sahədə taxıl biçini aparılıb
22 İyun 15:58
Sahil Babayev: Ölkəmizdə həyata keçirilən pensiya islahatı sosialyönümlü siyasətin nəticəsidir
22 İyun 15:55
Azər Badamov: Əhalinin sosial vəziyyətinin yaxşılaşdırılması istiqamətində atılan addımlar davamlı xarakter daşıyır
22 İyun 15:54
Azərbaycan Respublikası Prezidenti Administrasiyasının məlumatı
22 İyun 15:45
İsa Həbibbəyli: Dövlət başçısının sərəncamları elm və təhsil sahəsində çalışanların üzərinə böyük məsuliyyət qoyur
22 İyun 15:41
Vergilər Nazirliyində Beynəlxalq Valyuta Fondunun nümayəndələri ilə müzakirələr aparılıb
22 İyun 15:38
Vüqar Bayramov: Sərəncam sosial islahatlarda yeni bir mərhələ kimi qiymətləndirilməlidir
22 İyun 15:33
Tahir Rzayev: Azərbaycanın dinamik inkişafı regionların timsalında da özünü aydın şəkildə göstərir
22 İyun 11:36
Ermənistan silahlı qüvvələrinin bölmələri iriçaplı pulemyotlardan da istifadə etməklə atəşkəs rejimini 20 dəfə pozub
22 İyun 11:17
Əmək və Əhalinin Sosial Müdafiəsi Nazirliyi sistemində dövlət qulluğuna yeni qəbul olunan əməkdaşların andiçmə mərasimi olub
22 İyun 11:11
Respublikada 412,7 min hektar sahədə yazlıq bitkilərin səpini aparılıb
22 İyun 11:07
Bərdədə kənd yolları təmir olunur

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
HAVA HAQQINDA
Bakı
gündüz+32 +36
gecə+21 +25