Ana səhifə »  Müəlliflər »  Avropa Oyunlarının ecazkar açılışı, yaxud birinci ledinin duası: Qoy Tanrı Azərbaycanı hər zaman qorusun!
A+   Yenilə  A-
Avropa Oyunlarının ecazkar açılışı, yaxud birinci ledinin duası: Qoy Tanrı Azərbaycanı hər zaman qorusun!
Yazdı: Hikmət BABAOĞLU

Qədim Bakının ən yeni tikililəri
Xeyli vaxtdır ki, qədim Bakı şəhəri həyəcanla, səbirsizliklə böyük bir hadisəni gözləyirdi. Ən qədim tikilisinin yaşı eramızdan əvvəl VIII əsrə qədər uzanan ən qədim qayaüstü rəsmlərinin yaşı, pitoqrafik yazılarının yaşı beş min illik tarixə dayanan bu şəhər ən müasir tikililər və qurğulara bəzənərək xoş bir həyəcan və intizar içində idi. Nəhayət, iyun ayının 12-də buna son qoyuldu. Hər bir azərbaycanlının və Azərbaycansevərin həyəcanla gözlədiyi o gün gəlib çatdı. Əslində, iyunun 12-nə qədər Azərbaycan Avropa Oyunları kontekstində öz siyasi-ictimai, beynəlxalq münasibətlərində müəyyən bir mərhələni artıq arxada qoymuşdu. Bəlkə, bir qədər yorulmuşdu, amma çox qürurlu idi. Çünki Avropa Oyunları kampaniyasından Avropa Oyunlarının başlanğıcına qədər olan müddətdə Azərbaycan həm dostlar qazanmaq, həm də düşmənlərini yenidən tanımaq baxımından xeyli faydalı təcrübə əldə etmişdir. İyun ayının 12-də artıq hər bir azərbaycanlının daxilində bir inam, daxili bir qənaət var idi. Biz artıq kimin kim olduğunu və hansı məqsədə xidmət etdiyini dəqiqləşdirmiş, yəqin etmişdik. 12 iyunda biz hamımız möhtəşəm bir açılış gözləyirdik. Doğrudan da, belə bir açılışın şahidi olduq.
Leksik fondumuzda münasib söz tapa bilmədim...
Açılış mötəşəm idi... Yox, bu söz gördüklərimizi tam ifadə etmədi... Açılış möhtəşəm və gözəl idi... Yox? yenə olmadı... Açılışı ifadə etmək üçün leksik fondumuzda sözlər axtardım. Məqsədim tək bir sözlə bu açılışın məndə yaratdığı təəssüratı ifadə etmək idi. Ancaq mən bu sözü tapa bilmədim. Ona görə də hesab etdim ki, bəlkə, bu məqalə ilə, birinci Avropa Oyunlarına həsr etdiyim bu yazı ilə oradakı təəssüratlarımı ifadə edə bilərəm.
Möcüzəli dekorasiya
70 minlik böyük bir tamaşaçı auditoriyasının səbirsizliklə gözlədiyi an gəlib çatdı. Birinci Avropa Oyunlarının açılış mərasimi başladı. İlk baxışda, səhnənin ortasında qurulmuş dekorasiya çox sadə, həm də çox zövqlü bir dekorasiya kimi görünürdü. Ancaq hələ heç kimin bu dekorasiyanın altında gizlənən möcüzələrdən xəbəri yox idi və hər dəfə dekorasiya dəyişib açılış mərasimi ilə bağlı yeni bir səhnə təqdim olunanda hər bir azərbaycanlının, eləcə də, xarici qonaqların gözlərində maraq, təəccüb və heyranlıq əks olunurdu. Bu da məndə bir azərbaycanlı kimi qürur yaradırdı.
Əqlin, intellektin və Vətənə sevginin vəhdəti
Mərasimdəki kompozisiyalar başa çatdıqdan sonra mən bu səhnəni təşkil edənlərin ağlına, sadəcə, heyran qaldım. Sonra fikirləşdim ki, təkcə ağılla, soyuq məntiqlə bu cür səhnələr, dekorasiyalar, kompozisiyalar yaratmaq olmaz. Çünki bu cür səhnələri təşkil etmək üçün burada mütləq emosiya, sevgi və səmimiyyət lazım idi. Sonra başa düşdüm ki, bunların hamısı bir yerdə olmasa idi, açılış mərasimi bu cür maraqlı və ecazkar alınmazdı. Mərasimi Alim Qasımovun sehrli səsi dualarla başlatdı və həmin sehrli səs o dualarla mərasimi bitirdi. Bu iki səs arasında isə Azərbaycan yeni bir tarix yaşadı. Orada olan 70 min tamaşaçının hər biri Azərbaycanı yenidən tanıdı və kəşf etdi.
Açılış mərasimində dörd müqəddəs ünsür, yaxud Tanrıçılıq inanc sisteminin təzahürləri
Olimpiya məşəlini gətirən idmançımız onu torpağa gömdü. Od torpaqda yenidən oyandı, qalxdı, hava ilə qovuşdu. Sonra isə Xəzər dənizinin üzərində alovlanmağa başladı. Beləliklə, biz dünyanın ən qədim dini olan Tanrıçılıq dininin müqəddəs dörd ünsürünün bu prosesdə insanlara, tamaşaçılara təqdim olunduğunun şahidi olduq və bu, eyni zamanda, insanın yaradılışının başlanğıcını simvolizə edirdi. Burada həm milli, dini inanc sistemi, həm bəşərin yaranmasını simvolizə edən ezoterik bilgiləri özündə əks etdirən mükəmməl sistem var idi. İnsanın yaradılışında iştirak edən dörd komponent və ən qədim inancımız Tanrıçılıqda olan həmin dörd komponent - od, su, hava və torpaq komponenti var idi. Bəlkə də, Tanrıçılıqla bağlı süjeti təsadüfi saymaq olardı. Ancaq...bu barədə bir qədər sonra... Bu, əlbəttə ki, milli olmaqla bərabər, eyni zamanda, dünyəvi idi. Bu qədər uğurlu başlanğıcdan sonra növbəti kompozisiyanın nə olacağı haqqında təxminlər irəli sürməyə çalışdım, ancaq, doğrusu, xəyal gücüm buna yetmədi. Çünki ümumavropa əhəmiyyətli bu idman bayramını bundan daha möhtəşəm, daha məzmunlu, daha gözəl başqa hansı kompozisiya ilə izah edib təqdim etmək olardı?
Novruz bayramı süjeti, idman və yaradılış dastanı
Sən demə, başqa bir sürpriz varmış. Bu mərhələdə isə növbəti kompozisiya Azərbaycanın ən qədim milli bayramı olan Novruzla bağlı oldu. Əslində, əbədiyaşarlıq rəmzi olan yaşıl səmənini meydana gətirən bahar qız səmənini torpağa qoydu və buradan həyat cücərməyə başladı. Bu, bütün dünyada qəbul olunan və kosmik təqvimlə üst-üstə düşən yaz gecə-gündüz bərabərləşməsini xatırlatmaqla, yeni həyatın, yeni eranın başlanmasını xatırlatmaqla bərabər, eyni zamanda, insanların daim əbədiyaşarlıqla bağlı xəyallarını özündə əks etdirən bir süjet idi. Doğrusu, mən heç vaxt Novruz, səməni və əbədiyaşarlıq triadasını bu qədər vəhdətdə görə bilməmişdim. Bu süjetdə, eyni zamanda, qədim dastanlarımızdan olan “Yaradılış” dastanı da var idi. Bundan sonra biz torpaqdan yaranan “Adəm”i gördük. Bu, əslində, insanın yenidən doğuluşu idi. Bu, bəşəriyyətin keçdiyi tarixi yolun qısa ensiklopedik xatırladılması idi. Yəni, əgər yenə ezoterik bilgilərə müraciət etsək və yaxud mifoloji dövrə müraciət etsək, Nuh peyğəmbərə qədər olan sivilizasiya və dünyanı su basdıqdan sonra əmələ gələn sivilizasiya tarixi qısa süjetdə bizə təqdim olunmuşdu. Bax burada insanların yenidən doğuluşu və müasir insan tipinə çatması mərhələsi özünü göstərirdi. Yəni, “homosapiens”in - düşünən insanın yaranması idi. Eyni zamanda, bu, bizim qədim türk dastanlarından olan “Yaradılış” dastanın süjetinin arxetipini xatırladırdı.
Üçüncü səhnə - əbədi sevgi və rəqabət...
Üçüncü kompozisiyada nə olacağını biz çox maraqla gözləyərkən birdən-birə bütün xalqlar üçün, bütün insanlar üçün əbədi mövzu olan və insanlığın yaşama səbəbi olan sevgi səhnəyə çıxdı. Yaşıl çəmənlərin içərisindən sevginin, məhəbbətin simvolu olan Məcnun meydana çıxdı və öz Leylisinə doğru irəliləməyə başladı. Beləliklə, Xəzər dənizi üzərindəki atəşi yandırdı. Bu səhnənin içərisində Tanrının insanlığa bəxş etdiyi ən munis, ən incə, ən ülvi hiss olan məhəbbət vardı.
Beş min illik dövlətçilik tarixinə səyahət, yaxud hər səhnə bir tarix səhifəsi idi
Bu epizod bitər-bitməz Azərbaycan xalqının tarixi keçmişinə qısa bir ekskursiya vardır. Biz o səhnə dekorasiyalarında Azərbaycanın 5 min illik tarixini dövrlər üzrə gördük. Hər bir azərbaycanlı, eləcə də, hər bir qonaq Azərbaycanın 5 min illik dövlətçilik tarixi haqqında qısa epizodik məlumatlar əldə etdi. Dairəvi sistem üzrə düzülmüş və dövrlər üzrə dövlətçiliyimizin xüsusiyyətlərini, xarakterini və sivilizasiyaların mərhələli olaraq əlamətlərini özündə əks etdirən dövlətçilik tariximizin qısa forması səhnədə görünməyə başladı. Şumerdən, Mannadan, Midiyadan başlamış Atabəylərə, eləcə də, müasir dövrə qədər. Hər kiçik səhnə, əslində, Azərbaycanın 5 min illik dövlətçilik tarixinin bir səhifəsi idi. Biz bunu bir neçə dəqiqə ərzində vərəqlədik. Bu insanda möhtəşəm bir duyğu yaradırdı və hər bir azərbaycanlı kimi mən də öz tarixi keçmişimlə, öz dövlətçilik tariximlə bir daha qürur duydum. Və Azərbaycan xalqının dövlət qurmaq istedadı, lider yetişdirmək istedadının köklərinin hardan gəldiyi bir daha hər birimizə bəlli oldu. Biz bir daha dərk etdik ki, Azərbaycan xalqı Heydər Əliyev kimi böyük lideri təsadüfən yetişdirməyib. Və bugünkü müstəqil Azərbaycan dövləti Azərbaycanın bu vaxta qədər qurduğu, yaratdığı dövlətçilik ənənələrinin davamı kimi meydana çıxıbdır. Ona görə də bu gün Azərbaycan müstəqil dövlət kimi bu qədər güclüdür. Ona görə də Prezident İlham Əliyev müstəqil dövlətimizi az qala bəzən bütün şərtlər əleyhimizə olduqda belə, məharətlə qoruya bilir. Lap elə Avropa Oyunları ərəfəsində olduğu kimi.
Mədəniyyətimizin beşiyi Qobustan qayaüstü rəsmləri...
Sıradakı səhnə sanki tariximizin yerdən baş qaldırmasını, doğuşunu əks etdirdi. Səhnə dekorasiyasının ortasından canlı Qobustan doğulurdu. Qayalar böyüdükcə, onların üzərində min illər öncə əcdadımızın yaratdığı mədəniyyət nümunələri öz əksini tapdıqca insanın ürəyi qürurla dolur, belə bir qədim mədəniyyətin davamçısı olmaqdan fəxarət hissi keçirirdi. Bu məqamda mən bir daha azərbaycanlı olmağımla fəxr etdim və əlbəttə, ən böyük Azərbaycanlı Ulu öndərimiz Heydər Əliyevin məşhur sözlərini xatırladım...
Buğa dünyanın tarazlığını qoruyan mifoloji inanc, yaxud güc və rəqabət simvolu kimi...
Növbəti səhnədən sonra düşünürdük ki, artıq dünyaya Azərbaycanın dövlətçilik tarixi haqqında, Azərbaycanın milli kimliyi haqqında kifayət qədər məlumat verilib. Amma kompozisiyanın tamamlanması üçün bu dəfə isə dövriyyəyə buğa girdi. Mifoloji düşüncədə yer kürəsinin güclü buğaların buynuzunun üstündə olduğu ilə bağlı bilgilər var. Hər nə qədər mifologiya dövrü bəşəriyyətin uşaqlıq dövrü adlandırılsa belə burada mütləq bir müdriklik var. Yəni ictimai fikrin, bilginin, elmin mənşəcə eyni mənbədən gəldiyini düşünsək, o zaman biz burada bütün xaqların mifoloji dünya görüşündə olan eyni süjetin kompozisiyada əksini tapdığını görə bilərik. Güc, rəqabət, idman və yarışma rəmzi olan buğanın meydanda görünməsi bir daha bizi nağıllar aləmindən qaytarmaqla yenidən gerçək həyatda bir idman hadisəsi üçün bura toplaşdığımızı xatırlatdı. Bax bu da tədbirin ümumi ovqatını, həmrəyliyini və ahənginin xoş niyyət üstündə qurulduğunu və birləşdirici vasitə kimi çıxış etdiyini göstərən kompozisiyalardan biri oldu.
Narın sirri, narın müdrikliyi və narın quruluşundakı abstrakt məntiq
Sonda isə səhnəyə nar gəldi. Nar Cənub xalqlarının, Şərq xalqlarının düşüncə tarixində, mifoloji dünya görüşündə xeyli sayda müxtəlif məzmun kəsb edir. Yəni, burada həm zənginlik var, həm qırmızı olduğu üçün atəşi simvolizə edir. Həm sirr və həm intellekti simvolizə edir. Nar, eyni zamanda, bərk cismin fiziki xassəsini özündə göstərir. Çünki biz bilirik ki, bərk cisim göründüyü kimi bütöv deyil, kiçik hissəciklərdən, molekullardan, atomlardan, neytronlardan ibarətdir. Biz vahid bir narı görməklə bərabər, eyni zamanda, onun içərisində çox sayda tərkib hissələrini gördük. Böyük Nəsimi deyir ki, kainat zərrəciklərdən ibarətdir. Hər zərrəcik içərisində xəlq etmə qüdrəti daşıyır. Hər xəlq edən xaliq deyil. Nar Azərbaycanın milli simvolu idi. Əslində, dünyanı bir nara bənzətsək, ayrı-ayrı dövlətlər və ayrı-ayrı xalqlar da həmin bu narın içərisində olan o xırda dənəcikləridir. Yəni, bir daha Azərbaycan dünyaya ismarıc göndərdi ki, bizim taleyimiz birdir. Əslində, bir gəmidə üzən bir narın içərisində olan dənəciklərik və biz bu məkandan kənara çıxa bilmərik. Burada yaxşı, rahat, sülh və əməkdaşlıq içərisində yaşamaq üçün mütləq bir-birimizin mənafeyini qorumalıyıq. Hesab edirəm ki, bu da ən böyük ismarıclardan və mərasimin düşünülmüş təqdimatlarından biri idi. Bundan sonra isə biz yenidən Alim Qasımovun səsində yenə dualar eşitdik. Əslində, bu duaların ünvanı insanlığa idi, əlbəttə ki, ilk növbədə, Azərbaycana.
Azərbaycan musiqisi və “Sarı gəlin” ürəkləri bir daha fəth etdi
Bu prosesdə biz Azərbaycan xalqının estrada, klassik musiqisindən, xalq mahnılarından, lirik mahnılarından, milli musiqi alətlərindən xeyli sayda bəstələr dinlədik. O cümlədən, “Sarı gəlin” mahnısını iki dəfə eşitdik. Bütün bunlar Azərbaycanın nə qədər dərin keçmişə, dərin tarixə, dərin mədəniyyətə, dərin mənəviyyata, dərin intellektə, əqlə və dərin milli fəlsəfəyə, milli etikaya və estetikaya malik olduğunun göstəricisi idi.
Mehriban xanım Əliyevanın gözlərindəki qürur və məmnunluq, yaxud birinci ledinin duası: “Qoy Tanrı Azərbaycanı hər zaman qorusun!”
Bundan sonra biz birinci Avropa Oyunları Təşkilat Komitəsinin sədri Mehriban xanım Əliyevanın çıxışını dinlədik. Bir şeyi burada qeyd etməyi vacib hesab edirəm ki, Mehriban xanımın gözlərində həm qürur, həm əminlik, həm də məmnunluq var idi. Çünki dediyi hər cümlədən sonra 70 minlik auditoriya haqlı olaraq onu alqışlayırdı. Əslində, bu, Azərbaycan xalqı, eləcə də, auditoriya tərəfindən Mehriban xanımın bu prosesdə çəkdiyi əziyyətə verilən qiymət idi. Bu alqışlardan sonra isə Mehriban xanımın gözlərindəki o məmnunluq hissini görmək o qədər də çətin deyildi. Bütün bunların kulminasiyası onda oldu ki, Mehriban xanım öz çıxışında qeyd etdi ki, müstəqillik illərində əldə etdiyimiz uğurlar və nailiyyətlər nəticəsində bu gün burada, gözəl Bakıda Avropa Olimpiya hərəkatının tarixində yeni səhifə yazılır: “Bu səhifəni biz yazırıq. Azərbaycan xalqı yazır. Qoy Tanrı Azərbaycanı hər zaman qorusun!”.
Bu ifadədən sonra 70 min insanın “amin” sədaları ucaldı. Yazının əvvəlində təqdim edilən səhnələrin birinin Tanrıçılıqla əlaqəli olmasını təsadüfi saymadığımı bildirmişdim və hörmətli oxucuma bunun səbəbini bir qədər sonra açıqlayacağımı demişdim. Bunun izahı Mehriban xanım Əliyevanın Azərbaycan xalqına ünvanlanan duasında işlətdiyi Tanrı sözü idi. Qoy Tanrı Azərbaycan xalqını həmişə qorusun!
Öz böyük uğurunu xalqı ilə bölmək nəcabətliliyi
Əslində, Mehriban xanım burada öz təşkilatçılıq uğurunu Azərbaycan xalqı ilə bu xalqın bir övladı kimi bölüşdü. O qeyd etdi ki, bu tarixi biz yazırıq, Azərbaycan xalqı yazır. Bu təvazökarlıq bir daha 70 minlik auditoriya tərəfindən alqışlarla qarşılandı.
Təzahüratlar ictimai nəbzin göstəricisi kimi
Burada haşiyə çıxıb bir məsələni qeyd etmək istəyirəm: açılış mərasimində izlədiyimiz maraqlı proseslərdən biri 50 ölkəni təmsil edən milli komandaların səhnəyə gəlişi idi. Əslində, auditoriyanın reaksiyası Azərbaycan xalqının bu komandaların təmsil etdiyi ölkələrə münasibətini göstərirdi. Bu, bir növ, ictimai nəbz yoxlaması idi, sosioloji sorğu idi. Hər komandaya qarşı ayrı cür təzahürat olurdu. Ümumilikdə, təzahüratların hamısı xoş idi. Ermənistan komandası istisna olmaqla. Bütün komandalara qarşı bir səmimiyyət var idi. Əlbəttə ki, ən böyük təzahürat Türkiyə və Azərbaycan komandaları səhnəyə gələrkən oldu. Türkiyə milli komandasının Azərbaycan və Türkiyə bayrağı ilə səhnəyə daxil olması insanlarda ayrıca bir təəssürat, həyəcan yaratmışdı.
Protokol xidmətinin işçisi: “nağıllar aləmindəyəm”
Mənim sağ tərəfimdə adını çəkmək istəmədiyim bir ölkə prezidentinin protokol xidmətinin işçisi olan xanım əyləşmişdi. Mən deyərdim ki, bu xanım təkcə protokol xidmətinin işçisi deyil, həm də başqa missiya daşıyan bir xanım idi. Çünki o, auditoriyanın hər komandaya olan təzahüratına xüsusi reaksiya verirdi. Türkiyə komandası səhnəyə daxil olarkən azərbaycanlıların təzahüratını görüb öz həmkarı ilə göz-gözə gəlib gülümsədilər. Bu, əslində, Türkiyə-Azərbaycan dostluğunun bir daha hər şeydən ötə, hər şeydən üstün olduğunun göstəricisi idi. Eyni zamanda, Rusiya milli komandası səhnəyə daxil olarkən azərbaycanlıların təzahüratına da özünəməxsus reaksiya verdi. Mən xanımdan soruşdum ki, “necə oldu, açılış mərasimi xoşunuza gəldimi?” O isə bildirdi ki, mən bilmirəm real aləmdəyəm, yoxsa nağıllar dünyasında. Bax burada biz xanımla həmfikir idik. Mən də özümü nağıllar aləmində hiss edirdim.
İmperializmin cəbbəxanası “Facebook”, “twitter” idman bayramına kölgə sala bilmədi
Sonda belə bir qənaət ifadə edə bilərik ki, hər şeyə rəğmən, Azərbaycan bacardı. Bu prosesdə virtual məkanda “Twitter”də bizə qarşı xüsusi kampaniya aparanları biz məğlub etdik. “Facebook”da bu kampaniyanı aparanları məğlub etdik. Azərbaycan xalqı öz birliyi, istedadı, eləcə də, gücü və təşkilatçılıq qabiliyyəti ilə isbat etdi ki, o, bundan daha böyük beynəlxalq tədbirləri keçirməyə qadirdir. Eyni zamanda, Azərbaycan xalqı mesaj verdi ki, biz intellektual bir cəmiyyətdə yaşayırıq, Azərbaycan dünyada baş verənləri dərk edir. Kimin hansı oyunu oynadığından xəbərdardır və Avropanın imperialist mərkəzlərində düşünülmüş, idarə olunan xaos Azərbaycanda keçməyəcək. Biz heç vaxt dini, etnik, siyasi, ideoloji qarşıdurma zəminində imperialistlərə alət olub vətəndaş müharibəsi çıxarmayacağıq. Biz mədəni xalqıq və biz o səhnədə sərgilənən tarixdən gələn o tarixi varisliyi yaşadan bir xalqıq. Hesab edirəm ki, bundan sonrakı mərhələdə biz avropalılarla daha asan dil tapacağıq. Çünki Azərbaycan xalqı öz milli gücünü nümayiş etdirdi və buna qarşı hörmətlə yanaşmağın vacib olduğunu lazımi ünvanlara çatdırdı.

 
  • Oxunub:  21390  |  
  • Tarix:  18-06-2015  |  
  •    Çap et   |  
Get Adobe Flash player
Milli Məclisdə 2019-cu ilin büdcə zərfinə daxil olan məsələlərin müzakirəsi davam etdirilib

20:15
15 Noyabr
Azərbaycan ilə Türkiyə arasında idman sahəsində əməkdaşlığın inkişafına dair fikir mübadiləsi aparılıb
20:12
15 Noyabr
İsveçrə və Azərbaycan arasında yüksək səviyyədə dialoq mövcuddur
20:07
15 Noyabr
XİN: Bako Saakyanın Fransaya səfəri oyuncaq qurumun beynəlxalq səviyyədə təşviqinə yönələn növbəti uğursuz cəhddir
20:02
15 Noyabr
Azərbaycan ərazisindən keçən nəqliyyat dəhlizlərinin əhəmiyyəti yaxın gələcəkdə artacaq
19:57
15 Noyabr
Nino Çikovani: Azərbaycan ilə Gürcüstan arasında iqtisadi münasibətlər çox yüksək səviyyədədir
19:54
15 Noyabr
Akademik Zərifə Əliyeva adına Milli Oftalmologiya Mərkəzinin Səyyar Klinikası Ədliyyə Nazirliyində aksiya keçirib
19:52
15 Noyabr
Vyanada müasir texnologiyaların dəmir yollarında tətbiqinə dair toplantı keçirilib
19:43
15 Noyabr
Siyavuş Novruzov: Müəyyən məsələlərlə bağlı dövlət büdcəsindən Milli Məclisə ayrılan vəsait artırılmalıdır
19:40
15 Noyabr
Əli Hüseynov: Qanunlara müvafiq dəyişikliklərin edilməsi onların normativ hüquqi aktlara uyğunlaşdırılması ilə bağlıdır
17:52
15 Noyabr
Narkotiklərlə Mübarizə üzrə 36-cı Beynəlxalq Konfransın gələn il Bakıda keçirilməsi ilə əlaqədar Təşkilat Komitəsi yaradılıb
17:47
15 Noyabr
Dağlıq Qarabağ bölgəsinin azərbaycanlı icması Bako Saakyanın Fransaya qanunsuz səfərini pisləyir
17:42
15 Noyabr
Böyük Azərbaycan şairi İmadəddin Nəsiminin 650 illik yubileyi qeyd ediləcək
17:37
15 Noyabr
AİDA və ADA Universiteti asiyalı və afrikalı diplomatlar üçün ölkəmizdə ixtisasartırma kursları təşkil edib
17:33
15 Noyabr
UNEC-də Türkiyə Universitetləri ilə əməkdaşlığa həsr olunan beynəlxalq konfrans
17:18
15 Noyabr
Bakıda “Azərbaycanda tolerantlıq: dünən, bu gün, sabah” mövzusunda konfrans keçirilib
16:58
15 Noyabr
Bişkekdə “İslam müasir sivil dövlətdə” adlı ikinci beynəlxalq konfrans öz işinə başlayıb
16:52
15 Noyabr
İtaliyanın “Radio Atene” kanalında Azərbaycandakı multikulturalizm ənənələrindən danışılıb
16:42
15 Noyabr
Azərbaycan Prokurorluğunun nümayəndə heyəti antikorrupsiya strategiyalarına dair beynəlxalq konfransda iştirak edib
15:45
15 Noyabr
Azərbaycan-Rusiya dövlət sərhədinin demarkasiyası üzrə Birgə Komissiyanın 6-ci iclası keçirilib
15:34
15 Noyabr
Bu il ölkədən 201 min tondan çox kimya sənayesi məhsulları ixrac olunub
15:26
15 Noyabr
“Ölkəmizi tanıyaq”: Məktəblilər Qubada ermənilərin törətdikləri soyqırımı haqqında ətraflı məlumatlandırılıblar
15:23
15 Noyabr
Məlahət İbrahimqızı: Azərbaycan beynəlxalq miqyasda nüfuzunu əhəmiyyətli dərəcədə atrırıb
15:17
15 Noyabr
Nizami Gəncəvi adına Ədəbiyyat İnstitutunun 85 illiyi qeyd olunub
15:07
15 Noyabr
Fransada keçirilən İnternet İdarəçilik Forumunda Azərbaycanda innovativ iqtisadiyyatın inkişafından danışılıb
14:43
15 Noyabr
Bakıda “Kulturoloji paradiqmalar və yeniləşən Azərbaycan” mövzusunda beynəlxalq konfrans keçirilir
14:25
15 Noyabr
Milli Məclisdə 2019-cu ilin dövlət büdcəsi ilə bağlı müzakirələr başa çatıb
13:52
15 Noyabr
Bişkekdə MDB-nin iştirakçısı olan dövlətlərin sərhədlərinin təhlükəsizliyinə dair fikir mübadiləsi aparılıb
13:46
15 Noyabr
Los Ancelesdə Azərbaycan-Pakistan-Türkiyə dostluq münasibətlərinə həsr olunmuş tədbir keçirilib
13:36
15 Noyabr
AMEA-nın Geologiya və Geofizika İnstitutunun 80 illik yubileyi qeyd olunub
12:39
15 Noyabr
Bakıda “Caspian Ecology” IX Azərbaycan Beynəlxalq Ətraf Mühit Sərgisi çərçivəsində elmi konfrans işə başlayıb
12:34
15 Noyabr
Baş Qərargah rəisi hərbi oyunların idarəetmə məntəqələrinin fəaliyyətini izləyib
12:30
15 Noyabr
Milli Məclisdə dövlət büdcəsi zərfinə daxil olan sənədlərin müzakirəsi davam etdirilir
12:17
15 Noyabr
Alim Quliyev: İlin sonunadək manatın məzənnəsinin sabitliyi qorunacaq
12:10
15 Noyabr
Bakı Ali Neft Məktəbi və “British Council” təşkilatı əməkdaşlığı genişləndirir
12:04
15 Noyabr
Prezident İlham Əliyev Beynəlxalq Paralimpiya Federasiyasının prezidentini qəbul edib
12:01
15 Noyabr
Diasporla İş üzrə Dövlət Komitəsinin nümayəndə heyətinin Kaliforniyada görüşləri davam edir
11:45
15 Noyabr
Əli Əhmədov: Hədəfimiz odur ki, daha çox qadın sahibkarlığa cəlb olunsun
11:38
15 Noyabr
Hikmət Babaoğlu: “Teoxarus Avropa Parlamenti qarşısında hesabat verməlidir”
11:17
15 Noyabr
Prezident İlham Əliyev Təzəpir məscidinin ətrafında görülən abadlıq-quruculuq işlərinin icra vəziyyəti ilə tanış olub
11:13
15 Noyabr
Çili Azərbaycanda diplomatik nümayəndəlik açmaq barədə qərar qəbul edib
11:08
15 Noyabr
Bakıda “Vəkillərin rolu və müstəqilliyi: müqayisəli perspektivlər” mövzusunda beynəlxalq konfrans işə başlayıb
11:02
15 Noyabr
Heydər Əliyev Fondu şəkərli diabet xəstəliyindən əziyyət çəkən uşaqların insulin preparatları ilə təmin olunması istiqamətində layihələr həyata keçirib
10:58
15 Noyabr
Bu gün Milli Məclisdə büdcə müzakirələri sona çatacaq
10:41
15 Noyabr
Qırğızıstan Prezidenti Türkdilli Dövlətlərin Xüsusi Xidmət Orqanları Konfransının XXI iclasının iştirakçılarını qəbul edib
10:32
15 Noyabr
15 noyabr – Dünya Fəlsəfə Günüdür
10:24
15 Noyabr
Ermənistan silahlı qüvvələrinin bölmələri sutka ərzində atəşkəs rejimini 26 dəfə pozub
10:21
15 Noyabr
Bakıda III Beynəlxalq Bankçılıq Forumu keçirilir
10:16
15 Noyabr
Bakıda Ümumdünya Antidopinq Agentliyinin Təsisçilər Şurasının və İcraiyyə Komitəsinin iclası keçirilir
19:00
14 Noyabr
Slovakiyanın Baş naziri Peter Pelleqrininin Azərbaycana rəsmi səfəri başa çatıb
18:21
14 Noyabr
Siyavuş Novruzov: Hazırda sosial sahədə aparılan islahatlar təqdirəlayiqdir
18:08
14 Noyabr
Nazir: Həyata keçirilən tədbirlər sığorta təminatı sisteminin inkişaf etdirilməsinə və sosial sığorta sisteminin potensialının tam gücləndirilməsinə imkan verəcək
17:58
14 Noyabr
Ağalar Vəliyev: 2019-cu ilin dövlət büdcəsi qarşıda duran mühüm vəzifələrinin layiqincə yerinə yetirilməsinə möhkəm zəmin yaradacaq
17:55
14 Noyabr
Sahil Babayev: Dövlət Sosial Müdafiə Fondunun 2019-cu il üçün xərcləri 3 milyard 928 milyon manat proqnozlaşdırılır
17:23
14 Noyabr
Dövlət Sosial Müdafiə Fondunun 2019-cu il üçün büdcəsi mövcud qanunvericiliyin tələblərinə uyğun hazırlanıb
17:23
14 Noyabr
Eldar İbrahimov: 2019-cu ilin dövlət büdcəsində kənd təsərrüfatının stimullaşdırılması daha dolğun nəzərə alınıb
17:17
14 Noyabr
Milli Elmlər Akademiyası BMT ilə əlaqələri gücləndirir
17:13
14 Noyabr
İsmayıllıda “Mənəvi dəyərlərimiz azərbaycançılıq ideologiyasının tərkib hissəsidir” mövzusunda seminar-müşavirə keçirilib
17:04
14 Noyabr
Moskvada “Xəzər dialoqu 2018” beynəlxalq iqtisadi forumu keçirilib
16:47
14 Noyabr
Beynəlxalq hüquq və öz müqəddəratını təyinetmə prinsipinin ermənisayaq təfsiri
16:41
14 Noyabr
Gündüz İsmayılov: Xurafat qüsurlu dini təbliğatın nəticəsidir
16:34
14 Noyabr
Azərbaycan və İtaliyanın hərbi-mülki əməkdaşlıq üzrə ekspertlərinin görüşü keçirilib
16:30
14 Noyabr
Bakıda MDB-nin iştirakçısı olan ölkələrin Daxili İşlər nazirliklərinin kadr aparatları rəhbərlərinin iclası işə başlayıb
16:28
14 Noyabr
Endryu Parsons: Azərbaycanda idmana və paralimpiya hərəkatına olan münasibət təqdirəlayiqdir
16:26
14 Noyabr
Sumqayıtda IV Uşaq Paralimpiya İdman Oyunlarının açılış mərasimi keçirilib
16:19
14 Noyabr
AMEA-da "Türkologiya" jurnalının fəaliyyətinə dair məruzə dinlənilib
16:04
14 Noyabr
Nazir: İnsanların sağlam ətraf mühitdə yaşamaq hüququnun təmin edilməsi ölkə rəhbərliyinin diqqət mərkəzindədir
15:51
14 Noyabr
Bəhruz Quliyev: Eleni Teoxarus Avropa dəyərlərini ekstremizm və separatizmlə əvəzləmiş katalizatordur
15:28
14 Noyabr
Diasporla İş üzrə Dövlət Komitəsinin nümayəndə heyəti Los-Ancelesdə bir sıra görüşlər keçirib
15:00
14 Noyabr
Türkmənistandan enerjidaşıyıcıların dünya bazarlarına çatdırılması üçün yeni marşrutlar yaradılır
14:58
14 Noyabr
Hərbi birliklər komanda-qərargah hərb oyunları çərçivəsində qarşıya qoyulan vəzifələri icra edirlər

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
HAVA HAQQINDA