Ana səhifə »  Müəlliflər »  Möhtəşəm bağlanış, yaxud sən Azərbaycanın övladısan, Avropa Oyunları
A+   Yenilə  A-
Möhtəşəm bağlanış, yaxud sən Azərbaycanın övladısan, Avropa Oyunları
Yazdı: Hikmət BABAOĞLU

Ruh haqqında danışarkən deyirlər ki, o var. Biz onu görmürük, əlimizlə toxuna bilmirik, heç şəklini də görməmişik. Amma hamımız hiss edirik ki, var. İnsanın ruhu ona harda qovuşursa, hansı torpaqda, hansı yerdə insan dünyaya gəlirsə, ora insanın vətəni hesab olunur. Çünki insanın doğulduğu yer, əslində, onun ruhunun dünyaya gəldiyi və fiziki bədənə qovuşduğu yerdir. Ona görə insanlar doğulduğu yerləri unuda bilmirlər. Elə ona görə də insanın əsl vətəni onun doğulduğu yer hesab olunur. Bu məntiqlə yanaşsaq, Avropa Oyunları Azərbaycanda doğuldu. Onun vətəni Azərbaycandır və Avropa Oyunları Azərbaycanın övladıdır. 
Elə bu Oyunların ruhunu da, standartlarını, keyfiyyətini də Azərbaycan müəyyənləşdirdi. Bu ruh sülh, ədalət, barış kimi Azərbaycan xalqına xas olan keyfiyyətlər üzərində formalaşdı.
17 günlük həyəcan, ömürlük qürur və fəxarət...
17 gün çəkən həyəcandan sonra, nəhayət, iyun ayının 28-i gəlib çatdı. Azərbaycan xalqı çox böyük həyəcan və qürurla, eyni zamanda, fəxarətlə izlədiyi bağlanış gününə çatdı. Yenə də Bakı Olimpiya stadionu sonuncu oturacağına qədər dolu idi. Yenə də 70 minə qədər tamaşaçının möhtəşəm alqış sədaları altında Avropanın 50 ölkəsini təmsil edən idmançılar Bakı Olimpiya stadionuna daxil oldular. Hər kəs açılışda olduğu kimi, yenə də möcüzələr gözləyirdi. Açılış zamanı, bəlkə, insanlarımızda bir qədər nigarançılıq var idi: “Bu Oyunlar necə başa çatacaq?” “Azərbaycan idmançılarının uğurları hansı səviyyədə olacaq?” “Bizi dırnaqarası dostlarımızın, yəni anti-azərbaycançı mərkəzlərin daha hansı sürprizləri gözləyir?” kimi ...! Ancaq artıq bağlanış mərasimində bu nigarançılıq arxada qalmışdı. Hər bir azərbaycanlının gözündə qürur, azərbaycanlı olmağın, Avropaya nümunə olmağın böyüklüyü, fəxarəti var idi. Eyni zamanda, hər bir azərbaycanlının gözündə Azərbaycanı, tariximizi, mədəniyyətimizi təmsil etməyin, dünyaya nümayiş etdirməyin bir məmnunluğu var idi. Əlbəttə, bu qürurun, bu məmnunluğun bir səbəbi də ondan ibarət idi ki, 50 ölkənin milli komandası içərisində Azərbaycanın milli komandası qeyri-rəsmi komanda hesabında ikinci yeri tutmuşdu. Cəmi 9 milyon 600 min əhalisi olan Azərbaycan Avropanın köklü idman ənənələri olan 70, 80 milyonluq xalqlarından öndə idi. Bu da hər bir azərbaycanlıda xüsusi bir fəxarət hissi yaradırdı. Avropa Oyunlarının bağlanış mərasimində də yüksək səviyyədə estetik zövq və mükəmməl təşkilatçılıq nümayiş etdirildi. Azərbaycan bağlanış mərasimində də açılış mərasimində olduğu kimi, həm öz milli, etnik mədəniyyətini dünyaya nümayiş etdirdi, həm də oradakı xüsusi personajlar və süjetlər vasitəsilə Avropaya bir növ mədəniyyət və siyasət ismarıcları göndərdi. Bağlanış mərasimindəki səhnə süjeti əsas etibarı ilə Simurq quşunun üzərində qurulmuşdu.
Simurq quşu süjeti...
Simurq quşu Azərbaycan nağıllarının və əfsanələrinin əsas mifoloji süjetlərindən biridir. Təqdim olunan süjetdə dərin məzmun və milli -etnik fəlsəfə var idi. Çünki Simurq quşu insanları dardan xilas edən, onlara yardım göstərən, kim harada dara düşsə, ona qanadından tük verərək dar gündən onu xilas edən bir əfsanəvi quşdur. Eyni zamanda, Simurq quşu həyat ağacını səmadan yerə endirən, insanlara həyatı, yaşamağı öyrədən bir quşdur. Təsadüfi deyil ki, bu quşun “bilgi ağacı üzərində” oturduğu deyilir. Bu mənada, Azərbaycan Simurq quşu vasitəsi ilə bütün dünyaya nümayiş etdirdi ki, biz kim darda olsa, onun yanında olmağa hazırıq. Bu, bizim milli ruhumuzun əsas səciyyəvi keyfiyyətidir. Doğrudan da, hər bir azərbaycanlının, əlbəttə ki, müəyyən istisnalar ola bilər, düşüncəsinin alt qatlarında mütləq bir himayədarlıq, yardımsevərlik var. Bəziləri bunu, bəlkə də, İslam dininin tələbləri ilə əlaqələndirməyə çalışa bilərlər, amma, əslində, bizim yardımlaşma ruhumuzun, eləcə də, yardımlaşma ənənələrimizin daha qədim kökü var və bu, İslamdan çox-çox öncəyə gedib çıxır. Çünki Simurq quşu süjeti Azərbaycan fəlsəfi düşüncəsinə daxil olanda hələ İslam yox idi. 
Simurq quşu, Qarabağımız dardadır...
Biz bir daha nümayiş etdirdik ki, Simurq quşu qaranlıq dünyada olan Məlikməmmədləri dardan qurtarmaq üçün lazım olan anda necə yardım edirsə, bu gün Azərbaycan da, Azərbaycanın milli ruhu da buna hazırdır. Eyni zamanda, Azərbaycanın dünyadan gözlədiyi də budur. Bu gün bizim Qarabağımız qaranlıq dünyadadır, dardadır. Və biz dünyadan gözləyirik ki, ədalətli mövqe nümayiş etdirsin, Qarabağın qaranlıq dünyadan xilas olunmasına kömək göstərsin. Bax Simurq fəlsəfəsi vasitəsilə dünyaya çatdırılan ismarıc bundan ibarət idi. Simurq quşundan danışarkən mütləq atəşdən, alovdan danışmaq lazımdır. Çünki Simurq quşu həyat ağacının dalınca gedərkən oddan-alovdan keçir və ona görə də onun qanadları əbədi yanır. Ancaq bu quş öz yanmış külündən yenidən doğulur, o, əbədi yaşayır.
Zərdüştlükdən Alov qüllələrinə qədər... Yaxud qum rəssamının nağılı
Oddan doğulma hadisəsi isə səhnədə olduqca maraqlı bir komponentlə zənginləşdirilmişdi. Azərbaycanın ən qədim inanc sistemi olan atəşpərəstlik dini inanc sisteminin dualist fəlsəfəsi burada odla tamamlanaraq xüsusi mənaya bürünmüşdü. Çünki səhnəyə öncə atəşgah məbədinin maketi çıxdı və bunun üzərində qum rəssamı Simurq quşu hekayəsini dünyaya danışmağa başladı. Əlbəttə ki, ilk növbədə, o, həyat ağacını çəkdi. Bu, olduqca məzmunlu və vacib idi. Çünki həyat olmasa, digər başqa məsələlər də ola bilməzdi.
Buta ziddiyyəti, Buta vəhdəti...
Maraqlı epizodlardan biri isə səhnədə yenə Azərbaycanın artıq milli fəlsəfi düşüncəsinin simvoluna çevrilmiş buta maketlərinin olması idi. Çox maraqlı idi ki, bütün hadisələr butanın kontekstində baş verirdi. Buta bir tamın ikiyə ayrılmış iki hissəsidir. Buta işığın və qaranlığın vəhdətidir. Buta, əslində, insan ömrünün pis və yaxşı günlərinin vəhdətidir. Əslində, bu dualist nəzəriyyə Zərdüştlükdən gələn Xeyir və Şər fəlsəfəsi üzərində qurulmuş bir nəzəriyyədir. Buta üzərində oyunlar o qədər maraqlı qurulmuşdur ki, burada sanki Azərbaycanın mənəvi mədəniyyətinin abidələri görünürdü.
Bakının ən qədim və müasir simvolları...
Bağlanış mərasimində maraqlı səhnələrdən biri isə Bakı şəhərinin həm çox qədim, həm də çox müasir bir şəhər olması ilə bağlı idi. Bunu təsvir edən ikilidən birincisi Bakı şəhərinin ən qədim tikilisi və simvolu olan Qız qalası, ikincisi isə Bakının ən müasir və yeni simvolu olan Allov qüllələri idi. Hər iki təsvirin, süjetin orada canlandırılması heç də təsadüfü deyildi. Çünki biz Qobustan yaradan, eləcə də, İçərişəhər inşa edən mədəniyyətin varisi kimi bu gün yeni simvollar yaratmağı da bacarırıq. Bax bu, Azərbaycan xalqının indiki mərhələdə də quruculuq fəlsəfəsinin, həyat eşqinin zirvə nöqtəsində olduğuna bir işarə idi. Hesab edirik ki, bu, Azərbaycanın keçmişi ilə gələcəyinin vahid kontekstdə təqdimatı idi. 
Həyat ağacından həyat bəxş edən anaya qədər...
Rəqs səhnələri də məzmun və estetik zövq etibarı ilə xeyli zəngin alınmışdı. Səhnədə rəqs edən üç qadın, üç ana obrazı var idi. Bunlar, əslində, Simurq quşu hekayətində anladılan “Həyat ağacı” əfsanəsinin real obrazları idi. Bəlkə də, elə prototipləri idi. Çünki həyatın, insanlığın mənşəyi anadır. Ona görə də, biz torpağa da, vətənə də, suya da ana deyirik. Bir sözlə, bəsləyici və qoruyucu nə varsa, hamısına biz ana deyirik. Bax bu da yenə qədim həyat ağacı fəlsəfəsinin müasir mərhələdə həyat verən ikinci bir canlı üzərindən əlaqələndirilməsi müasir milli düşüncənin bir təsviri idi.
Niyə təkrar “Sarı gəlin”?”
Bağlanış mərasimində biz yenə “Sarı gəlin” mahnısını eşitdik. Ancaq bu dəfə bir qədər fərqli aranjimanda, daha klassik, daha vokal bir formada. Biz bilirik ki, “Sarı gəlin” lirik mahnıdır. Amma mahnının o qədər zəngin məzmunu, zəngin melodik strukturu var ki, istəsəniz, bunu lirik, vokal və yaxud estrada kimi oxuya bilərsiniz. Yəni, biz ayrı-ayrı azərbaycanlı müğənnilərin ifasında “Sarı gəlin”in ən müxtəlif janrlarda ifasının şahidi olduq. Nəyə görə “Sarı gəlin” mahnısı iki dəfə açılışda, bir dəfə də bağlanışda səsləndirildi? Ona görə ki, mahnının süjetində və süjetin özünün arxetipində bir sevgi, bir nakam məhəbbət var. Bu mahnının tədqiqatçısı kimi deyə bilərəm ki, mahnıda həm də dünyəvi dinlərin nümayəndələrinin bir-birinə sevgisi var. Yəni, “Sarı gəlin” xristian-qıpçaq qızıdır, onu sevən Sinan, yaxud H.Cavidin ifadəsi ilə desək, Sənan isə bir müsəlman gəncidir. Bax bu fəlsəfə eşqin, məhəbbətin ölməzliyini özündə əks etdirməklə, bir növ insanlığın və sevginin hər bir dindən daha yüksəkdə olduğunu göstərir. Bax “Sarı gəlin” mahnısında olan fəlsəfə də bundadır. Böyük Hüseyn Cavid xristian qıza müsəlman oğlanın aşiq olmasından bir fəlsəfi dram yaradanda da məhz bunu düşünmüşdü. Əsas insanlığı, əsl məhəbbəti düşünmüşdü. Bu sadə arxetipi fəlsəfi dramaya çevirmək üçün Hüseyn Cavid Sənanı Ərəbistana göndərir, onu şeyx səviyyəsinə qədər qaldırır. İkinci personaj xristian - qıpçaq qızı olan Xumarı isə rahibə vəziyyətinə gətirməklə burada İslam və xristianlığın fəlsəfəsini açmağa çalışır. Əsas məqsədi isə insanlığı bütün dinlərdən yuxarı qoymaqdır. Din də insanlara xidmət etmək üçün yaradılıb ismarıcını insanlara vermək üçün bax belə bir fəlsəfi dram yaradıb. 
Biz bilirik ki, Azərbaycanın milli mədəniyyətinə, milli musiqisinə sahib çıxmağa çalışanlar çoxdur. Bəllidir ki, bu gün elə birinci Avropa Oyunları Təşkilat Komitəsinin sədri Mehriban xanım Əliyeva UNESCO-nun və İSESCO-nun xoşməramlı səfiridir və eyni zamanda, Azərbaycan mədəniyyətinin böyük himayədarı və qoruyucusudur. Azərbaycanın çoxsaylı maddi və mədəni nümunələrinin UNESCO-da pasportlaşdırılması məhz onun xidmətləridir. Bax burada biz həm də milli mücadiləmizin tərkib hissəsi olan, torpaqlarımızı işğal edən ermənilərə qarşı öz milli arqumentlərimizi gücləndirən əsaslar yaratmaq üçün 50 ölkənin iştirak etdiyi böyük bir auditoriyaya “Sarı gəlin”i bir daha Azərbaycan musiqisi, mahnısı kimi təqdim etdik. Beləliklə, Avropa Oyunları Azərbaycanda milli birliyin vəhdətinə, milli-mədəni nümayişin ən müasir mərhələdə ifadə formasına çevrildi.
Bağlanışdan bir gün sonra... yaxud Əliyevlər ailəsi milli ailə modelimizin səciyyəvi keyfiyyətlərini dünyaya layiqincə təqdim etdi
Avropa Oyunlarının bağlanışı mərasimindən bir gün sonra Azərbaycan Respublikasının Prezidenti İlham Əliyev xüsusi qəbul keçirdi. Bakının ən möhtəşəm hotellərindən birində baş tutan bu tədbirdə elə hadisələr baş verdi ki, hər bir azərbaycanlının ürəyində kövrək hisslər oyatmaqla bərabər, həm də bir qürur yaratdı. Bu tədbirdə biz, ilk növbədə, Azərbaycan Prezidentinin vətənpərvərliyini, millətinə, xalqına olan sevgisini bir daha gördük. Eyni zamanda, birinci ledinin Azərbaycan xalqına sevgisinin sonsuzluğunu gördük. Ən təsirli səhnə isə Azərbaycanın birinci ledisi Mehriban xanım Əliyevaya dövlətimizin ən ali mükafatı olan “Heydər Əliyev” ordeninin təqdim edilməsi idi. Əlbəttə ki, bu, rəsmi bir mərasim idi və yazıda bu hadisəyə toxunmamaq da olardı. Ancaq ali mükafat təqdim edilərkən Mehriban xanımın öz həyat yoldaşı Prezident İlham Əliyevlə qarşılıqlı münasibətləri, hesab edirik ki, Azərbaycan milli ailə modelinin ən nümunəvi süjetlərindən biri kimi yadda qaldı. Bu, əslində, Azərbaycan xanımının, Azərbaycan qadınının ümumiləşdirilmiş obrazı olaraq Mehriban xanımın öz həyat yoldaşına münasibəti, əslində, hər bir azərbaycanlı qadın üçün ailənin və ailə dəyərlərinin nə qədər yüksək olduğunun və ailənin Azərbaycanda nə qədər müqəddəs olmasının göstəricisi idi. Hesab edirik ki, təkcə bu təsirli səhnə Azərbaycanın ailə modelini dünyaya təqdim etmək üçün və bu modelin hansı keyfiyyətdə olduğunu, hansı səciyyəvi xüsusiyyətlər daşıdığını göstərmək üçün kifayət idi. Burada əlavə təsvirə və əlavə sözə ehtiyac yoxdur. Səhnə özü hər şeyi göstərirdi. Bax bu, bir daha onun isbatı idi ki, Azərbaycanın özünün milli ailə modeli mövcuddur, elə Azərbaycanı qoruyan da, Azərbaycan xalqını inkişaf etdirən də, Azərbaycan xalqına böyük uğurlar, nailiyyətlər qazandıran da Azərbaycanın milli ailə modelidir və onun yaşadılmasıdır. Bax bu nümunə olduqca təsirli səhnə idi.
Birinci ledi Mehriban xanım Əliyevanın öz sevincini atası ilə bölüşməsi ürəkləri riqqətə gətirdi...
Bunun davamı olaraq mütləq onu da qeyd etmək lazımdır ki, hər bir ana, eyni zamanda, kiminsə qızıdır, kiminsə həyat yoldaşıdır. Və Mehriban xanımın bu səhnədən sonra öz uğurunu bölüşmək üçün atasının yanına getməsi, onu qucaqlaması hər bir azərbaycanlının ürəyində riqqət yaratdı, insanları kövrəltdi. Bunun özü də azərbaycanlı ailə modelinin səciyyəvi xüsusiyyətlərindən biridir. Yəni, hər bir qız üçün ata uludur, böyükdür, alidir, müqəddəsdir və uğurunu bölüşmək üçün yönəldiyi ilk ünvan, əlbəttə ki, atasıdır. Məhz bu da Azərbaycan xanımının ailə keyfiyyətlərinin ən bariz, nümunəvi göstəricilərindən biri idi.
Əlvida... yox, hələlik Avropa Oyunları
Beləliklə, 17 gün davam edən uğur və qalibiyyət marafonunun sonuna gəldik. Sevindiricidir ki, Azərbaycan xalqı öz mədəniyyəti, qabiliyyəti, istedadı, intellektual və fiziki gücü ilə bu marafondan qalib ayrıldı. Bu, Azərbaycanın böyük qələbəsi oldu. Avropa Oyunları Azərbaycan tarixinə, o cümlədən, Avropanın idman tarixinə şərəf və qürurla yazıldı. Artıq Avropa Oyunları Azərbaycanın mədəniyyət və dövlətçilik tarixinin mühüm səhifələrindən biridir, şanlı bir keçmişdir. Əlvida, Avropa Oyunları... yox... yox... “əlvida” demirik. Hələlik, Avropa Oyunları... Ona görə ki, hər dörd ildən bir Avropanın bir ölkəsində olacaqsan. Amma hər dörd ildən bir sənin atəşin Azərbaycanda yandırılacaq. Çünki sən Azərbaycanın övladısan, sənə “Əlvida” yox, “Hələlik” deyirik. Ən yaxın zamanda yenidən görüşmək arzusu ilə!

 
 
  • Oxunub:  27570  |  
  • Tarix:  03-07-2015  |  
  •    Çap et   |  
Get Adobe Flash player
Naxçıvanın uğurlu və təhlükəsiz inkişafı üçün lazım olan bütün tədbirlər görülür

20 Noyabr 11:13
Şəkidə Azərbaycan-Qazaxıstan beynəlxalq arxeoloji ekspedisiyası çöl tədqiqatları aparıb
20 Noyabr 11:09
“Emerging Europe” Azərbaycanda iqtisadi islahatlar modeli barədə yazıb
20 Noyabr 11:03
İsmayıllıda 2 yol layihəsinin icrası yekunlaşıb
20 Noyabr 10:59
Əli Əhmədov: Ötən illər Heydər Əliyevin bir çox ideyaları kimi, Yeni Azərbaycan Partiyasının gələcəyin partiyası olacağı haqqında fikirlərinin də böyük uzaqgörənlik nümunəsi olduğunu sübuta yetirib
20 Noyabr 10:54
Akademik Ramiz Mehdiyev Cəlil Məmmədquluzadənin nəslinin davamçıları ilə görüşüb
20 Noyabr 10:41
Bakı Fotoqrafiya Evində “Bakı Foto” müsabiqəsinin qalibləri mükafatlandırılacaq
20 Noyabr 10:37
Milli Məclisin komitələrinin birgə iclasında 2020-cu ilin dövlət büdcəsi ilə bağlı müzakirələr davam etdirilir
20 Noyabr 10:31
Parisdə UNESCO üzrə Azərbaycan Respublikasının Milli Komissiyasının yaradılmasının 25 illiyi təntənəli şəkildə qeyd olunub
20 Noyabr 10:29
Ermənistan silahlı qüvvələri atəşkəs rejimini 23 dəfə pozub
20 Noyabr 10:19
IDEA İctimai Birliyi tərəfindən Bakıda tutuquşular məskunlaşdırılır
20 Noyabr 10:18
Naxçıvanın uğurlu və təhlükəsiz inkişafı üçün lazım olan bütün tədbirlər görülür
20 Noyabr 10:15
Tolerantlıq və multikulturalizm məkanı olan Azərbaycan dünyada dinlərarası və mədəniyyətlərarası dialoqun inkişafına mühüm töhfələr verir
20 Noyabr 10:13
Milli Məclisin plenar iclası keçirilib
20 Noyabr 10:11
Siyavuş Novruzov: Məhkəmə qərarlarının icrası ilə bağlı yeni mexanizm işlənib hazırlanmalıdır
20 Noyabr 10:10
Dünya dini liderlərinin 2-ci Bakı Sammiti birgəyaşayışın və multikultural modelin parlaq nümayişi üçün növbəti imkan oldu
20 Noyabr 10:06
Abşeronda YAP-ın yaranmasının 27-ci ildönümü münasibəti ilə tədbir keçirilib
20 Noyabr 10:05
Rafael Hüseynov: “Diaspor fəaliyyətində xidmətə görə” medalının təsis olunması son dərəcə əlamətdar bir hadisədir
20 Noyabr 10:00
Sumqayıt şəhəri 70 illik yubileyini möhtəşəm bayram tədbiri ilə qeyd edib
20 Noyabr 09:55
Vətəndaşların hüquqlarının təminatında mühüm rol oynayan məhkəmə qərarlarının vaxtında və dürüst icrasının təmin olunması icra məmurlarının ən ümdə vəzifələrindən biridir
20 Noyabr 09:51
Radikal müxalifət partiyalarının saxta sənəd şəbəkəsi ifşa edilir
20 Noyabr 09:50
Tur-aksiyanın ikinci günü məktəblilər Lənkəran, Astara və Masallı rayonlarına səyahət ediblər
20 Noyabr 09:48
X sinif şagirdi: Hər bir bölgəmizin özünəməxsus zəngin tarixi, mədəniyyəti, ənənələri var
20 Noyabr 09:45
Zərdab məktəblisi: Ölkəmizin şimal bölgəsi ilə tanışlıqdan böyük zövq alırıq
20 Noyabr 09:44
Azercell-in Rominqi millər qazandırır!
20 Noyabr 09:40
Regionlarda pambıq yığımı başa çatmaq üzrədir
19 Noyabr 22:11
Aşqabadda SPECA-nın dayanıqlı nəqliyyat, tranzit və əlaqə mövzusunda növbəti iclası keçirilir
19 Noyabr 21:43
Ankarada “Anadan olmasının 150-ci ildönümündə ortaq dəyərimiz Əhməd bəy Ağaoğlu” mövzusunda konfrans keçirilib
19 Noyabr 21:13
Kəlbəcər, Naftalan, Xocalı və Goranboy təhsil şöbələri müdirlərinin hesabat məruzələri dinlənilib
19 Noyabr 21:07
Azərbaycanın qlobal enerji təhlükəsizliyinə töhfəsi Vaşinqton şəhərində müzakirə olunub
19 Noyabr 20:51
Dövlət Gömrük Komitəsində kollegiya iclası keçirilib
19 Noyabr 20:45
Dövlət Komitəsində vətəndaşların növbəti qəbulu keçirilib
19 Noyabr 20:30
DİN polis orqanlarında orta rəis heyəti vəzifələrinə xidmətə qəbulla əlaqədar müsabiqə elan edir
19 Noyabr 20:21
Əmək və sosial siyasət komitəsinin iclası keçirilib
19 Noyabr 20:12
Prezident İlham Əliyev Bakı dairəvi dəmir yolunun Sabunçu-Pirşağı xəttinin yenidənqurmadan sonra açılışında iştirak edib
19 Noyabr 20:08
SOCAR və “Equinor” “Qarabağ” yatağında ilk quyunun qazılmasına hazırlaşır
19 Noyabr 20:05
UNEC-də Xalq yazıçısı İsmayıl Şıxlının yubileyinə həsr olunan tədbir
19 Noyabr 19:57
Cəlil Məmmədquluzadənin 150 illik yubileyi ilə əlaqədar Bakıya gələn qonaqlar Beynəlxalq Türk Mədəniyyəti və İrsi Fondunda olublar
19 Noyabr 19:41
Hikmət Şikarov: Yeni Azərbaycan Partiyası Azərbaycan siyasi palitrasında milli siyasi iradəni təmsil edən avanqard siyasi qüvvədir
19 Noyabr 19:38
Hərbi ekspert: Azərbaycan Ordusunun Naxçıvan istiqamətində əldə etdiyi uğurlar erməniləri ciddi narahat edir
19 Noyabr 19:33
Çin Azərbaycanın nəqliyyat infrastrukturundan istifadə ilə bağlı müzakirələr aparıb
19 Noyabr 19:19
Azərbaycanın və Qazaxıstanın Baş nazirləri Aktauda iki ölkə arasında fiber-optik rabitə xəttinin təməlqoyma mərasimində iştirak ediblər
19 Noyabr 17:28
YAP Pirallahı rayon təşkilatının təşkilatçılığı ilə Yeni Azərbaycan Partiyasının yaranmasının 27-ci ildönümünə həsr olunmuş tədbir keçirildi
19 Noyabr 17:27
Vüqar Rəhimzadə: Saxta arayış və vəsiqə ilə soydaşlarımızı aldatmış Müsavat və AXCP rəhbərliyi dələduzluğa görə məsuliyyətə cəlb edilməlidir
19 Noyabr 17:24
Aloha Nunyez: Azərbaycanın sədrliyi dövründə Qoşulmama Hərəkatının prinsiplərinin daha səmərəli şəkildə həyata keçiriləcəyinə əminəm
19 Noyabr 17:20
Naxçıvanda sosial qayğıya ehtiyacı olan məktəbli uşaqlara qış geyimləri verilib
19 Noyabr 17:11
İyirmi dörd yaşayış məntəqəsini birləşdirən avtomobil yolunun yenidən qurulmasına ilkin olaraq 5 milyon manat ayrılıb - SƏRƏNCAM
19 Noyabr 16:53
Haaqada “İstanbul prosesi”nin 7-ci iclasında Azərbaycandakı dini tolerantlıqdan və multikulturalizm siyasətindən danışılıb
19 Noyabr 16:49
Rusiyanın Novqorod vilayəti və Azərbaycanın Şəki rayonu arasında əməkdaşlıq memorandumu imzalanıb
19 Noyabr 16:33
GUAM XİN-in rəsmiləri Kiyevə toplaşır
19 Noyabr 16:28
Ailə, Qadın və Uşaq Problemləri üzrə Dövlət Komitəsinin sədri Ağdam rayonunda vətəndaşları qəbul edib
19 Noyabr 16:07
Sədaqət Vəliyeva: 650 min ağacın əkilməsi təşəbbüsü ekologiyanın sağlamlaşdırılmasına daha bir sanballı töhfə olacaq
19 Noyabr 15:26
BƏƏ, Hindistan və Çin turoperatorları ilə əlaqələr genişləndirilir
19 Noyabr 15:05
“Türkiyə” qəzeti: Mehriban Əliyeva Avropa və dünyada genişmiqyaslı mədəni və sosial layihələrə verdiyi dəstəklə böyük nüfuz qazanıb
19 Noyabr 14:58
Qanunsuz hərəkətlərə yol verən vəzifəli şəxsin 7 milyonluq əmlakına həbs qoyulub
19 Noyabr 14:40
BSU-da “Nəsimi ili”: Çün Nəsimi əyyamın sultanıdır, dövr onun, dövran onun dövranıdır
19 Noyabr 14:39
Xarici ölkələrin səfirliyində çalışan şəxsin vergi öhdəliyi
19 Noyabr 14:23
Hala Tavil: Azərbaycanın Qoşulmama Hərəkatına sədrliyi dövründə təşkilatın daha da güclənəcəyinə inanıram
19 Noyabr 14:17
Şəki Xan Sarayı ilə tanışlıq tur-aksiya iştirakçılarında böyük maraq doğurub
19 Noyabr 14:10
Əbdürrəhim bəy Haqverdiyevin 150 illik yubileyi UNESKO-da qeyd ediləcək
19 Noyabr 14:06
AzTU-da Bakı Dövlət Universitetinin 100 illiyi qeyd olunub
19 Noyabr 14:03
UNESKO-nun Baç Konfransı çərçivəsində Mədəniyyət nazirlərinin forumu keçirilib
19 Noyabr 13:59
Bakıda III “Beynəlxalq dərgi Qara dəniz sosial elmlər simpoziumu” keçirilir
19 Noyabr 13:16
Yeni Azərbaycan Partiyasının İcra Katibliyində partiyanın yaradılmasının 27-ci ildönümünə həsr olunmuş şahmat yarışı keçirilib
19 Noyabr 13:12
Siyavuş Novruzov: Yeni Azərbaycan Partiyasının yaradılması tarixi hadisədir
19 Noyabr 13:01
Həssas qruplardan olan uşaqlar hər cür qayğı ilə əhatə olunublar
19 Noyabr 12:33
“Jewish Journal” nəşrində Azərbaycanın Milli Qəhrəmanı Albert Aqarunovun abidəsinin açılışı barədə məqalə dərc edilib
19 Noyabr 12:23
Salim Əl-Malik: Azərbaycanın İSESKO ilə münasibətlərinin zəngin tarixi var
19 Noyabr 12:22
MDBMİ-də Azərbaycan həftəsi açılıb
19 Noyabr 12:13
Milli Məclisin növbəti plenar iclası keçirilir
19 Noyabr 12:10
Milli Məclis Sədrinin rəhbərliyi ilə parlament nümayəndə heyəti Sankt-Peterburqda səfərdə olacaq

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
HAVA HAQQINDA
Bakı
gündüz+10 +13
gecə+6 +9