Ana səhifə »  Müəlliflər »  “Don Kixot” təfəkkürünün siyasi romantizmi başa çatdı...
A+   Yenilə  A-
“Don Kixot” təfəkkürünün siyasi romantizmi başa çatdı...
Yazdı: Hikmət BABAOĞLU

Necə oldusa birdən-birə qoca kinorejissor Rüstəm İbrahimbəyov özünün ahıl çağında bir həyat ssenarisi yazmaq qərarına gəldi və bunun mövzusunu siyasi olaraq müəyyənləşdirdi. Təəssüf ki, yaxud da kim bilir bəlkə də, elə yaxşı ki, bu ssenariyə təcrübə kimi Azərbaycanın siyasi məkanını seçdi (...yaxşı ki, ona görə deyirik ki, prosesin sonunda həm R.İbrahimbəyov, həm də “Milli şura”da toplaşan müxaliflər özlərini ifşa etdilər). Beləliklə, Azərbaycan siyasi məkanında qoca kinorejissorun “Don Kixot” təfəkkürünün siyasi romantizminə uyğun olaraq yeni “macəralar” seriyası başlandı. Bundan sonrakı prosesləri təhlil etməzdən əvvəl, hesab edirik ki, Azərbaycanın ciddi siyasi sistemi və onun autsayderləri haqqında qısaca analitik təhlil aparmaq yerinə düşər.
Azərbaycanda milli demokratik sistem formalaşıb
Hər kəsə bəllidir ki, 1993-cü ildən bəri Azərbaycanda intellektual əsaslarda yeni cəmiyyət formalaşıb. Bu demokratik və intellektual cəmiyyət indiki mərhələdə artıq müəyyən yetkinlik dövrünə qədəm qoyub. Bütün klassik demokratiyalarda olduğu kimi, Azərbaycan demokratiyasında da ənənəvi klassik demokratiyanın tələblərinə uyğun siyasi sistem formalaşıb. Bu siyasi sistemin özünəməxsus daxili strukturu var. Müxtəlif siyasi ideologiyaları və dəyərləri mənimsəmiş, mənimsədiyi dəyərlərə sadiq qalan və prinsipial şəkildə bu mövqedən çıxış edən ayrı-ayrı partiyalar da formalaşıb. Bu partiyaları təsnifatlandırsaq, görərik ki, onların bir qismi sosial-demokrat, bir qismi mühafizəkar, milliyyətçi demokrat, neomühafizəkar və digər dəyərləri mənimsəmiş partiyalardır. Azərbaycan siyasi sisteminin dinamizmini təmin edən aktiv elektorat da öz dünyagörüşünə və siyasi sistemə baxışlarına uyğun olaraq bu dəyərləri mənimsəyib. Nəticə etibarilə, Azərbaycanda ənənəvi və demokratik siyasi sistemin formalaşması artıq xeyli müddətdir ki, başa çatıb.
Autsayderlərin siyasi imitasiyaları
Lakin ötən dövr ərzində Azərbaycanın ciddi klassik demokratik siyasi sisteminə paralel olaraq ölkənin siyasi sistemindən kənarda olan müəyyən autsayder və dağıdıcı müxalifət də siyasətlə məşğul olmağa çalışıb, daha doğrusu, siyasi imitasiya ilə məşğul olub. Bu autsayderlər zaman-zaman Azərbaycan mətbuatı və ictimaiyyəti tərəfindən bəzən “radikal müxalifət”, bəzən “qeyri-ənənəvi müxalifət”, bəzən də “sistemin autsayderləri” adlandırılıblar. Amma istənilən halda, necə adlandırılmasından asılı olmayaraq, onlar ciddi şəkildə Azərbaycanın ənənəvi klassik siyasi sisteminə, burada baş verən proseslərə müdaxilə edə bilməyiblər və ümumiyyətlə, sistem tərəfindən qəbul edilməyiblər. Belə olan halda, özlərini siyasi partiya kimi təqdim etməyə çalışan bu siyasiləşmiş qruplar Azərbaycan cəmiyyətində, həm də marginal qruplar kimi xarakterizə olunublar.
Radikal müxalifət siyasi sistemimizin qarınaltı yüküdür
Məsələ ondadır ki, 1993-cü ildən bu günə qədər olan hər seçki ilində aktivləşən, müəyyən dividendlər əldə etməyə çalışan bu qruplar hər belə cəhdlərində özlərini yenidən ifşa edərək Azərbaycan siyasi sisteminin “qarınaltı yükü”nə çevriliblər. Amma etiraf etmək lazımdır ki, bəzi hallarda bu metod onların bu günə qədər yaşamalarını təmin edib. Çünki Azərbaycandan kənarda olan və ölkəmizdə sabitliyi istəməyən ayrı-ayrı mərkəzlərin olduğunu, Azərbaycanın müharibə şəraitində yaşadığını və xaricdəki güclü erməni lobbisinin Azərbaycanı daxildən zəiflətmək planlarının mövcudluğunu bilirik. Əlbəttə ki, anti-azərbaycançı mərkəzlər kimi xarakterizə etdiyimiz qruplara daxil olan bəzi beynəlxalq təşkilatlar, qeyri-hökumət təşkilatları, insan hüquqları təşkilatları zaman-zaman Azərbaycanın radikal müxalifətinə müəyyən miqdarda maliyyə ayırmaqla Ermənistan-Azərbaycan, Dağlıq Qarabağ münaqişəsinin həll olunmasında Azərbaycan hakimiyyətinə təzyiq göstərməyə, eyni zamanda, Azərbaycanda daxili sabitliyi pozmaqla ölkənin inkişafını ləngitməyə çalışıblar. Ona görə də, əgər biz bu kontekstdən yanaşsaq, sözügedən autsayderləri ölkədaxili təzyiq qrupları kimi səciyyələndirə bilərik. Bildiyimiz kimi, ölkədaxili təzyiq qrupları politoloji elmdə müxtəlif növlərə bölünürlər. Onların bəziləri ölkənin öz daxilində yetişən və milli maraqlar naminə hakimiyyətə təzyiq edən qruplar, yaxud əməkhaqlarının artırılması, demokratik institutların, vətəndaş cəmiyyətinin bərpası ilə bağlı hökumətə təzyiq edən qruplardır. Lakin elə təzyiq qrupları da var ki, xarici ölkələr və xarici mərkəzlər tərəfindən maliyyələşdirilir və Azərbaycanın milli maraqları, dövlətçilik maraqları əleyhinə fəaliyyət göstərirlər.
Siyasi radikalizmdən siyasi romantizmə bircə addım imiş
Əgər siyasi sistemimizə və ondan kənarda baş verən hadisələrə yaxından baxsaq çox aydın şəkildə görərik ki, bu autsayderlər, yaxud radikal müxalifət kimi adlandırdığımız marginal qruplar məhz Azərbaycanın milli və dövlət maraqlarının əleyhinə fəaliyyət göstərən təzyiq qruplarıdır. Məsələ ondadır ki, hər dəfə ifşa olunmalarına baxmayaraq, onlar cəmiyyətdə siyasi proseslərin aktivləşdiyi dövrdə, xüsusən də seçki dövründə öz ənənəvi fəaliyyətlərini bərpa edirlər. Bu dəfə isə görünür, zaman-zaman Azərbaycanda ifşa olunduqlarına görə tamamən tükənmiş və siyasi intihar mərhələsinə çatmış bu marginal qruplar üçün kinorejissorun siyasi ssenarisində yer almaq, orada müəyyən rol oynamaq göydəndüşmə oldu. Onlar öz siyasi ömürlərini uzatmaq üçün kinorejissorun bu tragikomik ssenarisini özləri üçün bir yaşam vasitəsi kimi müəyyənləşdirdilər. Həmçinin, hər zaman özünü demokrat, Qərb dəyərlərini mənimsəmiş siyasi təşkilat kimi təqdim etməyə çalışan bu radikal qruplar artıq ssenarinin hardan gəldiyinin belə fərqinə varmadan, nəyin bahasına olursa olsun, yenidən reanimasiyadan çıxaraq siyasi proseslərə adaptasiya olmağa cəhd göstərdilər. Bəllidir ki, bu ssenari şimalda yazılmışdı və anti-azərbaycançı mərkəzlər tərəfindən hazırlanmışdı. Beləliklə, ermənilərin həmmüəllifliyi ilə R.İbrahimbəyov tərəfindən Azərbaycan siyasi sisteminə ixrac edilən tragikomediyada Azərbaycan müxalifəti böyük həvəslə yer aldı. Elə necə deyərlər, komik siyasi həngamə də bundan sonra başladı. Özünü ənənəvi müxalifət adlandıran, yəni siyasi sistemdə bəlli dəyərləri mənimsəmiş, konkret məqsəd uğrunda və konkret proqrama söykənərək fəaliyyət göstərirmiş kimi görünməyə çalışan müxalifət partiyaları, yəni Müsavat Partiyası, Azərbaycan Xalq Cəbhəsi Partiyası və onların ətrafında olan, özünü partiya adlandıran müəyyən qruplar bu fürsətdən yararlanmaq üçün ssenaridə nəzərdə tutulan mövzunu kiçik detallarına qədər qəbul etdilər və onu rejissorun dirijor çubuğuna uyğun olaraq oynamağa başladılar. ...Və tezliklə özlərini yenidən ifşa etdilər. Beləliklə, ciddi siyasi sistemdən kənarda formalaşmış autsayderlər qrupunda yeni fəlakət başladı. Bəlli oldu ki, doğrudan da uzun illərdir ki, Azərbaycan xalqı, siyasi ekspertlər, analitiklər onları radikal marginal qruplar adlandırmaqda haqlıdırlar.
Oyun radikallar və reneqatlar üçün tragediya, cəmiyyət üçün komediya ilə bitdi
Məsələ ondadır ki, bu prosesdə bir sıra macərapərəstlər və siyasi romantiklər də radikalların çağırışlarına qoşuldular. Ayrı-ayrı reneqatlar vaxtilə bu hakimiyyətin cəmiyyətə təqdim etdiyi və nüfuzlu bir şəxs kimi tanıtmağa çalışdığı, hətta millət vəkili kimi fəaliyyət göstərən ayrı-ayrı şəxslərin birdən-birə nədənsə macərapərəstliyi tutdu və onlar da bu “Don Juan” kinorejissorun siyasi macəralarında müəyyən rollar oynamağa başladılar. Əlbəttə ki, Azərbaycan siyasi sisteminə yamaq olan bu oyun ssenarinin müəllifləri və orada iştirak edən oyunçular üçün əsl tragediya ilə başa çatdı. Azərbaycan cəmiyyəti və siyasi sistemi üçün isə, bu, bir komediya idi. Ona görə də, bu prosesi tragikomediya kimi qiymətləndirməklə, ona tamamilə ədalətli qiymət vermiş oluruq.
Siyasiləşmiş qəzetin əlacsız çırpıntıları
Digər tərəfdən, oyunun qızğın dövründə bir sıra mətbuat orqanları, məsələni olum, ya da ölüm məsələsi kimi qoyurdular. O dövrdə biz “ya İbrahimbəyov, ya da İbrahimbəyov” kimi şüarlar eşidirdik. Hər zaman çox iddialı danışan bir qəzet bu ssenarinin tərkib hissəsi olan və “Milli şura” adlandırılan bu qondarma qurumun rəhbərini az qala milli qəhrəman kimi təqdim edirdi, onun ətrafında birləşən insanları ölkənin gələcəyini, taleyini həll edəcək qəhrəmanlar, siyasi liderlər kimi təqdim etməyə çalışırdı. Lakin çox keçmədən, həmin qəzet bu adamlar haqqında ən müxtəlif alçaldıcı, təhqiredici fikirlər yazmağa başladı. Birini “şpion”, birini “fırıldaqçı”, digərini “moşennik” adlandırdı və bu autsayderlər üçün ssenari yazan kinorejissoru “fırıldaqçı”, yalançı” hesab etdi. Əgər normal cəmiyyətdə ciddi bir qəzet belə səhvlərə yol verirsə, o qəzetin ömrü bitmiş hesab olunur. Əslində, Azərbaycanda da o cür qəzetlərin və sistemə yamaq olan partiyaların ömrü bitib. Amma təəssüf ki, hələ də anti-azərbaycançı mərkəzlər onları maddi qaynaqla təmin etməklə yaşadırlar. Çünki başqa çıxış yolu yoxdur, onlar milli iradəyə söykənən müstəqil Azərbaycan hakimiyyətinə yalnız bu yolla təzyiq göstərməyə çalışırlar.
Tariximizdə iki şura... iki faciə, yaxud radikalizmin siyasi intiharı
Bütün bunlara baxmayaraq, Azərbaycanda vahid, normal, demokratik sistem bərqərar olub. Hər bir xalq öz ölkəsində siyasi sistemi özü yaradır, özü qidalandırır və bu zaman sistemin daxili tələbatından və sosial sifarişdən meydana gələn yeni ideyalar pərvəriş tapır. Anti-azərbaycançı mərkəzlərin Azərbaycana sırımağa çalışdıqları “şura” ideyaları isə Azərbaycan cəmiyyətində pərvəriş tapa bilmədi. Çünki nə qədər ironik olsa da biz bu faciəni bir dəfə yaşamışıq. Ötən əsrdə “şura” sözü yenə şimaldan bizə ixrac olundu və Azərbaycan siyasi sistemini, xalqını, cəmiyyətini, dövlətini 70 ildən çox istismar etdi. XXI əsrdə önünə aldadıcı “milli” sözünü artırmaqla yenidən “şura” ideyası Azərbaycan cəmiyyətinə ötürüldü. Amma qeyd etdiyimiz kimi, artıq müstəqilliyinin 22-ci ilini yaşayan Azərbaycan cəmiyyəti kifayət qədər yetkin bir cəmiyyətdir. Üzü parıldadılıb təqdim olunan hər hansı bir ideyanı Azərbaycan cəmiyyəti kor-koranə qəbul etmir, onu təhlil edir, zahiri parıltının altında olan məqsədi görür və özünə izah edə bilir. Hələ “Milli şura” tragikomediyasının başlanğıcında bu barədə dəfələrlə yazıldı, fikirlər deyildi və bunun sonu haqqında proqnozlar verildi, amma buna baxmayaraq, radikal qruplar bu ideyaya möhkəm sarıldılar. Nəticə isə layiqli və məntiqəuyğun oldu: onlar intihar etdilər. Bu gün Azərbaycanda mövcud olan AXCP, “Müsavat” və onların ətrafındakı qruplar bu siyasi macəra ilə öz siyasi ömürlərini faciəvi şəkildə intihar edərək başa vurdular.
Bundan sonrakı mərhələ, fikrimizcə, onların Azərbaycanın siyasi sistemindən sakitcə çəkilib getmələridir. Çünki onlar artıq Azərbaycan cəmiyyəti və Azərbaycan siyasi sistemi üçün yoxdurlar və bunun günahı ancaq və ancaq onların özlərindədir. Beləliklə, bir neçə ay siyasi “səhnədə” oynanılan tragikomediya Rüstəm İbrahimbəyovun Azərbaycana qayıtmaması ilə başa çatdı. Bu oyunun aktyorları xəyal qırıqlığına uğradılar, hər kəs nəyin içərisində olduğunu başa düşdü. Amma Azərbaycan xalqının bir atalar sözü var: “Utanmasan, oynamağa nə var ki?” İbrahimbəyov havası bitər-bitməz yenidən başqa bir havaya Cəmil Həsənov havasına oynamağa başladılar. Beləliklə, macərapərəst kinodramaturqun tragikomediyasının son pərdəsində səhnəyə bir dublyor çıxdı. Bu, Cəmil Həsənov idi.
Tragikomediyada dublyor mərhələsi, yaxud Cəmil Həsənov epizodu
Bəs dublyor nədir və kimə lazım idi?
Bütün hallarda, bütün ssenarilərdə obrazı canlandıran aktyor güclü aktyor olur, obrazı mənimsəyir, onu oynayır və yaradır, yeni bir insan, bir şəxs təqdim edir. Amma bəzi hallarda bu aktyorun oynaya bilmədiyi kiçik epizodlarda dublyora ehtiyac olur. Dublyor isə aktyor deyil, dublyor obraz yaratmır, sadəcə müəyyən epizodlarda çıxış etməklə yardımçı funksiyanı yerinə yetirir. İndi isə heç də uğurlu olmayan və tragikomediya ilə başa çatan bir oyunda C.Həsənovu siyasi dublyor kimi bəzəyib ortaya çıxarıblar. Cəmil Həsənov ortabab bir tarixçi, pedaqoq ola bilər, amma o, heç vaxt ortabab siyasətçi ola bilməz. C.Həsənov heç bir halda professional bir siyasətçiyə rəqib ola bilməz. Üstəlik, xalq tərəfindən sevilən, dəstəklənən, zəngin təcrübəyə malik olan, Azərbaycan xalqı üçün böyük işlər görən, müasir Azərbaycanın yeni modelini yaradan, dünyada baş verən prosesləri dərindən təhlil etməyi bacaran, demək olar ki, poliqlot səviyyəsində dillərə yiyələnən və Azərbaycan cəmiyyətinə yeni çağırışlar etməklə öz zəkası ilə onun lokomotivi olan harizmatik bir liderə əsla rəqib ola bilməz. Belə olan halda, bu dublyor nədənsə hakimiyyətə iddia etməkdə davam edir. Uzun illərdir ki, Azərbaycan siyasi sistemində radikal və dağıdıcı mövqeləri ilə tanınan “müxalifət liderləri” də buna dəstək verirlər. Bilirsinizmi faciə nədədir? Əsl faciə ondadır ki, Cəmil Həsənov da, onu dəstəkləyən İsa Qəmbər və Əli Kərimli də bilirlər ki, C.Həsənov mənsub olduğu qrupdan və öz qohumlarından belə səs ala bilməyəcək. O, heç vaxt Azərbaycan xalqı tərəfindən siyasətçi kimi mənimsənilməyəcək. Buna baxmayaraq, onlar gələcəkdə Azərbaycanda yenidən xaos yaratmaq üçün öz mövqelərində israr edirlər. Lakin bir şeyi unudurlar.
Azərbaycanlı sosial psixologiyasığ mühafizəkardır, yad ünsürləri rədd edir
Yuxarıda qeyd etdik ki, Azərbaycanda intellektual əsaslarda yeni modern cəmiyyət formalaşıb. Bu cəmiyyət özünün milli demokratiya modelini yaradıb. Və bu modelin içərisində özünü çox sərbəst hiss edir. Azərbaycanlı sosial psixologiyası mühafizəkardır, yeniliyə asanlıqla adaptasiya olunur, amma eyni zamanda, yaratdığı modeli qorumaqda da israrlıdır. Bu nöqtədə orta statistik azərbaycanlının siyasi psixologiyası, milli psixologiyası, bütövlükdə Turan psixoloji tipi kimi xarakterizə olunan psixologiya ilə üst-üstə düşür. Azərbaycan cəmiyyəti neomühafizəkar bir cəmiyyət olaraq öz dəyərlərinə sadiqdir. Neomühafizəkar cəmiyyət nə deməkdir? Neomühafizəkarlıq liberal dəyərlərlə mühafizəkar dəyərlərin cəmidir, toplamıdır. Bu gün Azərbaycan öz milli adət-ənənələrinə sadiq qalmaqla, Qərbə, modernizmə açıqdır. Bunun adı neomühafizəkarlıqdır. Azərbaycan xalqı da bu modeli mənimsəyib. Ona görə də, Azərbaycan xalqı Azərbaycan siyasi sisteminin sütununu təşkil edən və neomühafizəkar partiya kimi səciyyələndirə biləcəyimiz Yeni Azərbaycan Partiyasının prinsiplərini, dəyərlərini mənimsəyib. Bu, müasir azərbaycanlı siyasi təfəkkürü ilə üst-üstə düşür və ona doğmadır. Çünki neomühafizəkarlıq hər bir azərbaycanlı üçün aydın dərk edilən və qəbul edilən bir dəyərdir.
“Milli şura” amorf yarım təşkilatlanma idi
Amma gəlin görək, “Milli şura” yarandığı gündən və yaxud indiki halda öz dublyoru vasitəsilə Azərbaycan cəmiyyətinə hansı dəyəri təqdim edir? Biz bu gün “Milli şura”nı necə səciyyələndirə bilərik? Bunlar liberaldırlarmı, sosial-demokratdırlarmı, mühafizəkardırlarmı, neomühafizəkardırlarmı, milli demokratdırlarmı və s. kimdirlər?! Azərbaycan seçicisinə hansı dəyərləri təqdim edirlər ki, seçici də onları mənimsəyib ona görə də səs versin? “Milli şura”da, ümumiyyətlə, ideya və ideologiya yoxdur. Belə olan halda seçkidə orta statistik azərbaycanlı onun üçün aydın və doğma olan, firavan perspektiv vəd edən dəyərimi seçər, yoxsa qeyri-müəyyən, bəlli olmayan, izah edilməyən, xaosumu seçər? Əlbəttə ki, birincini seçəcəkdir. Ona görə də, bu gün bir daha qeyd etmək lazımdır ki, kinorejissorun yazdığı siyasi tragikomediya başa çatdı, indi isə sadəcə Azərbaycanın siyasi sistemindən kənarda autsayder dublyor siyasi fokuslar göstərməyə çalışır. Hesab edirik ki, bu, “Milli şura”nın indiki mərhələdə fəaliyyəti üçün ən yaxşı qiymətdir. Bəri başdan 9 oktyabr 2013-cü il prezident seçkiləri barədə proqnoz vermək olar. Amma bundan sonra deyəcəklərimiz təbliğat sayıla biləcəyi üçün hələlik burada nöqtə qoyuruq. 9 oktyabrdan sonra görüşənədək!
Hikmət BABAOĞLU

 
  • Oxunub:  31050  |  
  • Tarix:  13-09-2013  |  
  •    Çap et   |  
Get Adobe Flash player
Naxçıvanın uğurlu və təhlükəsiz inkişafı üçün lazım olan bütün tədbirlər görülür

20 Noyabr 11:29
MSK aşağı seçki komissiyaları üçün treninqlərə başlayıb
20 Noyabr 11:15
Naxçıvanın Bakıdakı daimi nümayəndəliyində YAP-ın 27 illiyi ilə bağlı tədbir keçirilib
20 Noyabr 11:13
Şəkidə Azərbaycan-Qazaxıstan beynəlxalq arxeoloji ekspedisiyası çöl tədqiqatları aparıb
20 Noyabr 11:09
“Emerging Europe” Azərbaycanda iqtisadi islahatlar modeli barədə yazıb
20 Noyabr 11:03
İsmayıllıda 2 yol layihəsinin icrası yekunlaşıb
20 Noyabr 10:59
Əli Əhmədov: Ötən illər Heydər Əliyevin bir çox ideyaları kimi, Yeni Azərbaycan Partiyasının gələcəyin partiyası olacağı haqqında fikirlərinin də böyük uzaqgörənlik nümunəsi olduğunu sübuta yetirib
20 Noyabr 10:54
Akademik Ramiz Mehdiyev Cəlil Məmmədquluzadənin nəslinin davamçıları ilə görüşüb
20 Noyabr 10:41
Bakı Fotoqrafiya Evində “Bakı Foto” müsabiqəsinin qalibləri mükafatlandırılacaq
20 Noyabr 10:37
Milli Məclisin komitələrinin birgə iclasında 2020-cu ilin dövlət büdcəsi ilə bağlı müzakirələr davam etdirilir
20 Noyabr 10:31
Parisdə UNESCO üzrə Azərbaycan Respublikasının Milli Komissiyasının yaradılmasının 25 illiyi təntənəli şəkildə qeyd olunub
20 Noyabr 10:29
Ermənistan silahlı qüvvələri atəşkəs rejimini 23 dəfə pozub
20 Noyabr 10:19
IDEA İctimai Birliyi tərəfindən Bakıda tutuquşular məskunlaşdırılır
20 Noyabr 10:18
Naxçıvanın uğurlu və təhlükəsiz inkişafı üçün lazım olan bütün tədbirlər görülür
20 Noyabr 10:15
Tolerantlıq və multikulturalizm məkanı olan Azərbaycan dünyada dinlərarası və mədəniyyətlərarası dialoqun inkişafına mühüm töhfələr verir
20 Noyabr 10:13
Milli Məclisin plenar iclası keçirilib
20 Noyabr 10:11
Siyavuş Novruzov: Məhkəmə qərarlarının icrası ilə bağlı yeni mexanizm işlənib hazırlanmalıdır
20 Noyabr 10:10
Dünya dini liderlərinin 2-ci Bakı Sammiti birgəyaşayışın və multikultural modelin parlaq nümayişi üçün növbəti imkan oldu
20 Noyabr 10:06
Abşeronda YAP-ın yaranmasının 27-ci ildönümü münasibəti ilə tədbir keçirilib
20 Noyabr 10:05
Rafael Hüseynov: “Diaspor fəaliyyətində xidmətə görə” medalının təsis olunması son dərəcə əlamətdar bir hadisədir
20 Noyabr 10:00
Sumqayıt şəhəri 70 illik yubileyini möhtəşəm bayram tədbiri ilə qeyd edib
20 Noyabr 09:55
Vətəndaşların hüquqlarının təminatında mühüm rol oynayan məhkəmə qərarlarının vaxtında və dürüst icrasının təmin olunması icra məmurlarının ən ümdə vəzifələrindən biridir
20 Noyabr 09:51
Radikal müxalifət partiyalarının saxta sənəd şəbəkəsi ifşa edilir
20 Noyabr 09:50
Tur-aksiyanın ikinci günü məktəblilər Lənkəran, Astara və Masallı rayonlarına səyahət ediblər
20 Noyabr 09:48
X sinif şagirdi: Hər bir bölgəmizin özünəməxsus zəngin tarixi, mədəniyyəti, ənənələri var
20 Noyabr 09:45
Zərdab məktəblisi: Ölkəmizin şimal bölgəsi ilə tanışlıqdan böyük zövq alırıq
20 Noyabr 09:44
Azercell-in Rominqi millər qazandırır!
20 Noyabr 09:40
Regionlarda pambıq yığımı başa çatmaq üzrədir
19 Noyabr 22:11
Aşqabadda SPECA-nın dayanıqlı nəqliyyat, tranzit və əlaqə mövzusunda növbəti iclası keçirilir
19 Noyabr 21:43
Ankarada “Anadan olmasının 150-ci ildönümündə ortaq dəyərimiz Əhməd bəy Ağaoğlu” mövzusunda konfrans keçirilib
19 Noyabr 21:13
Kəlbəcər, Naftalan, Xocalı və Goranboy təhsil şöbələri müdirlərinin hesabat məruzələri dinlənilib
19 Noyabr 21:07
Azərbaycanın qlobal enerji təhlükəsizliyinə töhfəsi Vaşinqton şəhərində müzakirə olunub
19 Noyabr 20:51
Dövlət Gömrük Komitəsində kollegiya iclası keçirilib
19 Noyabr 20:45
Dövlət Komitəsində vətəndaşların növbəti qəbulu keçirilib
19 Noyabr 20:30
DİN polis orqanlarında orta rəis heyəti vəzifələrinə xidmətə qəbulla əlaqədar müsabiqə elan edir
19 Noyabr 20:21
Əmək və sosial siyasət komitəsinin iclası keçirilib
19 Noyabr 20:12
Prezident İlham Əliyev Bakı dairəvi dəmir yolunun Sabunçu-Pirşağı xəttinin yenidənqurmadan sonra açılışında iştirak edib
19 Noyabr 20:08
SOCAR və “Equinor” “Qarabağ” yatağında ilk quyunun qazılmasına hazırlaşır
19 Noyabr 20:05
UNEC-də Xalq yazıçısı İsmayıl Şıxlının yubileyinə həsr olunan tədbir
19 Noyabr 19:57
Cəlil Məmmədquluzadənin 150 illik yubileyi ilə əlaqədar Bakıya gələn qonaqlar Beynəlxalq Türk Mədəniyyəti və İrsi Fondunda olublar
19 Noyabr 19:41
Hikmət Şikarov: Yeni Azərbaycan Partiyası Azərbaycan siyasi palitrasında milli siyasi iradəni təmsil edən avanqard siyasi qüvvədir
19 Noyabr 19:38
Hərbi ekspert: Azərbaycan Ordusunun Naxçıvan istiqamətində əldə etdiyi uğurlar erməniləri ciddi narahat edir
19 Noyabr 19:33
Çin Azərbaycanın nəqliyyat infrastrukturundan istifadə ilə bağlı müzakirələr aparıb
19 Noyabr 19:19
Azərbaycanın və Qazaxıstanın Baş nazirləri Aktauda iki ölkə arasında fiber-optik rabitə xəttinin təməlqoyma mərasimində iştirak ediblər
19 Noyabr 17:28
YAP Pirallahı rayon təşkilatının təşkilatçılığı ilə Yeni Azərbaycan Partiyasının yaranmasının 27-ci ildönümünə həsr olunmuş tədbir keçirildi
19 Noyabr 17:27
Vüqar Rəhimzadə: Saxta arayış və vəsiqə ilə soydaşlarımızı aldatmış Müsavat və AXCP rəhbərliyi dələduzluğa görə məsuliyyətə cəlb edilməlidir
19 Noyabr 17:24
Aloha Nunyez: Azərbaycanın sədrliyi dövründə Qoşulmama Hərəkatının prinsiplərinin daha səmərəli şəkildə həyata keçiriləcəyinə əminəm
19 Noyabr 17:20
Naxçıvanda sosial qayğıya ehtiyacı olan məktəbli uşaqlara qış geyimləri verilib
19 Noyabr 17:11
İyirmi dörd yaşayış məntəqəsini birləşdirən avtomobil yolunun yenidən qurulmasına ilkin olaraq 5 milyon manat ayrılıb - SƏRƏNCAM
19 Noyabr 16:53
Haaqada “İstanbul prosesi”nin 7-ci iclasında Azərbaycandakı dini tolerantlıqdan və multikulturalizm siyasətindən danışılıb
19 Noyabr 16:49
Rusiyanın Novqorod vilayəti və Azərbaycanın Şəki rayonu arasında əməkdaşlıq memorandumu imzalanıb
19 Noyabr 16:33
GUAM XİN-in rəsmiləri Kiyevə toplaşır
19 Noyabr 16:28
Ailə, Qadın və Uşaq Problemləri üzrə Dövlət Komitəsinin sədri Ağdam rayonunda vətəndaşları qəbul edib
19 Noyabr 16:07
Sədaqət Vəliyeva: 650 min ağacın əkilməsi təşəbbüsü ekologiyanın sağlamlaşdırılmasına daha bir sanballı töhfə olacaq
19 Noyabr 15:26
BƏƏ, Hindistan və Çin turoperatorları ilə əlaqələr genişləndirilir
19 Noyabr 15:05
“Türkiyə” qəzeti: Mehriban Əliyeva Avropa və dünyada genişmiqyaslı mədəni və sosial layihələrə verdiyi dəstəklə böyük nüfuz qazanıb
19 Noyabr 14:58
Qanunsuz hərəkətlərə yol verən vəzifəli şəxsin 7 milyonluq əmlakına həbs qoyulub
19 Noyabr 14:40
BSU-da “Nəsimi ili”: Çün Nəsimi əyyamın sultanıdır, dövr onun, dövran onun dövranıdır
19 Noyabr 14:39
Xarici ölkələrin səfirliyində çalışan şəxsin vergi öhdəliyi
19 Noyabr 14:23
Hala Tavil: Azərbaycanın Qoşulmama Hərəkatına sədrliyi dövründə təşkilatın daha da güclənəcəyinə inanıram
19 Noyabr 14:17
Şəki Xan Sarayı ilə tanışlıq tur-aksiya iştirakçılarında böyük maraq doğurub
19 Noyabr 14:10
Əbdürrəhim bəy Haqverdiyevin 150 illik yubileyi UNESKO-da qeyd ediləcək
19 Noyabr 14:06
AzTU-da Bakı Dövlət Universitetinin 100 illiyi qeyd olunub
19 Noyabr 14:03
UNESKO-nun Baç Konfransı çərçivəsində Mədəniyyət nazirlərinin forumu keçirilib
19 Noyabr 13:59
Bakıda III “Beynəlxalq dərgi Qara dəniz sosial elmlər simpoziumu” keçirilir
19 Noyabr 13:16
Yeni Azərbaycan Partiyasının İcra Katibliyində partiyanın yaradılmasının 27-ci ildönümünə həsr olunmuş şahmat yarışı keçirilib
19 Noyabr 13:12
Siyavuş Novruzov: Yeni Azərbaycan Partiyasının yaradılması tarixi hadisədir
19 Noyabr 13:01
Həssas qruplardan olan uşaqlar hər cür qayğı ilə əhatə olunublar
19 Noyabr 12:33
“Jewish Journal” nəşrində Azərbaycanın Milli Qəhrəmanı Albert Aqarunovun abidəsinin açılışı barədə məqalə dərc edilib
19 Noyabr 12:23
Salim Əl-Malik: Azərbaycanın İSESKO ilə münasibətlərinin zəngin tarixi var
19 Noyabr 12:22
MDBMİ-də Azərbaycan həftəsi açılıb

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
HAVA HAQQINDA
Bakı
gündüz+10 +13
gecə+6 +9