Ana səhifə »  Müəlliflər »  Əli Kərimlinin ağ yalanları və ya ictimai rəylə uğursuz manipulyasiya cəhdi
A+   Yenilə  A-
Əli Kərimlinin ağ yalanları və ya ictimai rəylə uğursuz manipulyasiya cəhdi
Yazdı: Pərviz Sadayoğlu

22 il öncə yaratdıqları xaosu, özbaşınalığı və separatizm meyillərini gizlətməyə çalışan AXCP sədrinin cəfəng fikirləri növbəti dəfə onun özünü ifşa edir....
XX əsrdə iki dəfə müstəqillik əldə etmiş Azərbaycanın azadlıq yolu tarixə olduqca keşməkeşli məqamları ilə yazıldı. Hələ əsrin əvvəlində şərqin ilk demokratik respublikasını quran Azərbaycan sonradan xarici istilaya məruz qaldı. 1991-ci ildə SSRİ-nin dağılması ilə yenidən müstəqillik qazanan Azərbaycan dövləti də az zaman sonra öz sələfi olan Azərbaycan Xalq Cümhuriyyəti kimi tarixdən silinmə təhlükəsi ilə üz-üzə qaldı. Ötən 23 il çox uzaq tarix olmadığı üçün xalqımız, xüsusən yaşlı və orta nəslin nümayəndələri həmin dövrləri yaxşı xatırlayırlar. Ölkədə baş alıb gedən anarxiya, xaos, silahlı birləşmələrin özbaşınalıqları, siyasi böhran, iqtisadi tənəzzül hər kəsin yaddaşındadır.
Maraqlıdır ki, həmin dövrdə ölkəni məhvə sürükləyənlər öz ayıblarına kor olmaq, səhvlərini etiraf etmək və etdikləri qanunsuzluqlara görə xalqdan üzr istəmək əvəzinə yeni-yeni yalanlar “ixrac” etməyə, bu yolla 1992-ci ildə baş verənləri gizlətməyə və ictimai rəylə manipulyasiya etməyə çalışırlar. Əlbəttə ki, 21 illik “müxalifətçilik” dövründə “siyasi fəaliyyəti” yalnız xəyanət və satqınlıqlarla müşayiət olunan bu düşərgənin nümayəndələrinin bu cür yalanları nə ayaq tutmur, nə də yeriyə bilmir...
Azərbaycanın müstəqilliyini təhlükə qarşısında qoyan Dağlıq Qarabağın ermənilər tərəfindən işğal edilməsində mühüm “rol” oynayan AXC-”Müsavat” hakimiyyətinin nümayəndəsi sayılan, həmin dövrdə dövlət katibi vəzifəsini tutmuş Əli Kərimli də bir neçə gün öncə yenidən bu tip yalanları sosial şəbəkədə paylaşıb. Öz aləmində “arqument” saydığı yalanlarını “fakt” kimi sırımağa çalışan AXCP sədrinin yazdığı və danışdığının yalnız bir adı var-“taftalogiya”...
Əli Kərimlinin özü və onu idarə edənlər Azərbaycanın ərazi bütövlüyünü şübhə altına alır
AXCP sədrinin yalan danışdığı onun sosial şəbəkədə paylaşdığı “taftalogiyanın” birinci cümləsindən aydın olur. Özünü “həqiqi vətənpərvər” adlandıran Ə.Kərimli utanmadan Azərbaycan hakimiyyətini “Qarabağı unutdurmaq” siyasəti aparmaqda “günahlandırır”. Görəsən, Ə.Kərimli nə tez özünün və partiyasının bəzi üzvlərinin dəfələrlə Dağlıq Qarabağ münaqişəsini siyasi alver predmetinə çevirməsi faktlarını yadından çıxarıb? Uzağa getməyək, ötən il keçirilən prezident seçkiləri dövründə üzv olduğu qondarma “Milli şura” layihəsinə sədrlik edən və Ə.Kərimlinin də dəstəklədiyi hər iki namizəd ermənipərəst mövqe nümayiş etdirdi və Azərbaycanın ərazi bütövlüyünü şübhə altına alan açıqlamalar verdi.
Amma Azərbaycan hakimiyyətinin qətiyyəti, düzgün qurulmuş xarici siyasət kursu Azərbaycanın haqq səsinin dünyada tanınmasına yol açıb. 155 ölkənin dəstəyi ilə Azərbaycan BMT TŞ-ya üzv seçildi. Ən əsası isə, məhz Azərbaycan hakimiyyətinin qətiyyəti sayəsində bu gün işğalçı Ermənistan regionda reallaşdırılan bütün layihələrdən kənarda qalıb. Hətta şərqlə-qərbi birləşdirən enerji layihələrində belə Ermənistan tranzit ölkə kimi iştirak edə bilmir. Bu isə Ermənistan iqtisadiyyatının çöküşünə, işğalçı dövlətin sütunlarının sarsılmasına gətirib çıxarıb.
Azərbaycan hakimiyyəti ermənilərin xalqımıza qarşı həyata keçirdiyi Xocalı, Ağdaban və digər soyqırımları haqqında faktları dünya ictimaiyyətinə dolğun şəkildə təqdim edir. Bu gün dünyanın bir sıra aparıcı təşkilatları Xocalı soyqırımını insanlıq əleyhinə terror faktı kimi dəyərləndirir. Artıq Azərbaycanın haqq işinə vaxtilə Ermənistanı dəstəkləyən ölkələr də dəstək verir.
Bu gün Azərbaycan ordusu regionun ən güclü və müasir ordusu sayılır. Azərbaycanın müdafiə xərclərinə (hərbi xərclərə) büdcədən ayrılan vəsait Ermənistanın ümumi dövlət büdcəsini üstələyir. Azərbaycan ordusu hər an işğal altında olan torpaqlarımızın azadlığı uğrunda silahlı mübarizəyə qalxmağa hazır vəziyyətə gətirilib.
Bəli, fakt budur. Ə.Kərimlinin elə ilk cəhddə öz yalanlarının içində əridiyinin şahidi oluruq. Elə hakimiyyətdə olduqları dövrdə olduğu kimi indi də boş-boş danışmağa üstünlük verən, heç bir konsepsiyası olmayan, yalnız ağa qara deməklə kifayətlənən AXC-“Müsavat” hakimiyyəti dövrünün “eksləri” bunu öz aləmlərində “müxalifətçilik” sayır.
AXC-“Müsavat” hakimiyyətinin məmurları qoçu dəstələri ilə gəzirdi...
Sosial şəbəkədə paylaşdığı yalan yığınında Ə.Kərimlinin səsləndirdiyi digər fikirlər onun əslində məqsədinin nə olduğunu göstərir. Məsələn, hakimiyyətdə olduqları zaman etdiklərini 180 dərəcə fərqli şəkildə təqdim etməyə cəhd göstərən Ə.Kərimli niyə unudur ki, Dağlıq Qarabağın ermənilər tərəfindən işğalının məsuliyyəti birbaşa elə onların hakimiyyətlərində təmsil olunan məmurların, o cümlədən, Ə.Kərimlinin boynundadır. Ə.Kərimliyə xatırlatmaq yerinə düşər ki, onun cəfəng fikirlərinin əksinə olaraq həmin dövrdə AXC-”Müsavat” hakimiyyətinin ən “kiçikçaplı” məmuru belə yanında silahlı dəstə gəzdirirdi. Ölkənin daxili işlər, müdafiə naziri özünü kriminal ünsür kimi aparır, rəhbərlik etdikləri strukturların silahlı birləşmələrini öz maraqlarına xidmət etdirirdi. Digər hakimiyyət üzvləri-nazirlər, parlamentin spikeri, o cümlədən Ə.Kərimlinin özü başına dəstə cəm edib ətrafında silahlı çəmbər yaratmışdılar. Bakıda hakimiyyəti qəsb etmək üçün məqam gözləyən AXC üzvləri öz şəxsi maraqları naminə hər fürsətdə həmin silahlı birləşmələri döyüş bölgəsindən çıxarırdılar. Bu isə həmin ərazilərin nəzarətsiz qalmasına, əhalinin silahsız, köməksiz duruma düşməsinə və ermənilər tərəfindən qətlə yetirilməsinə şərait yaradırdı. Bu gün də rayonların işğal günlərində radikal düşərgə qəzetlərinə müsahibə verən Pənah Hüseyn, Əli Kərimli, İsa Qəmbər, İsgəndər Həmidov və başqaları etiraf edirlər ki, “filan rayonu mənim dəstəm qoruyurdu”. Axı, hansısa dövlət məmurunun niyə silahlı dəstəsi olmalı idi? Həmin dəstələrin döyüş bölgəsi rayonlarında hansı oyunlardan çıxması isə indi də xalqın yadındadır. Əlinə silah alan bu cür “reketlər” xalqın malını talayır, öz başçılarına qənimət yığırdılar. Görəsən, Ə.Kərimli həmin “hakimiyyət günləri”nin nostaljisini yaşayır?
Bundan başqa AXC-“Müsavat” hakimiyyətinin silahlı dəstələrə başçı qoyduğu şəxslərin “sayəsində” Azərbaycan parçalanmaq təhlükəsi ilə üzləşmişdi. AXC-”Müsavat” hakimiyyətinin təyin etdiyi “komandan”lardan biri də bu gün ermənilərin kuklasına çevrilmiş Ələkrəm Hümbətov deyildimi? Azərbaycanın sərhədləri daxilində yeni seperatizm ocağı yaratmağa çalışan bu AXC “başbiləni” ölkəni parçalamağa çalışmırdımı? Niyə, Ə.Kərimli xalqdan üzr istəmir ki, Ə.Hümbətov kimi satqını, xaini bu xalqın başına bəla etmişdilər...
Və ya... AXC-”Müsavat” hakimiyyətinin Dağlıq Qarabağ üzrə hərbi birləşmələrin komandanlığını tapşırdığı Surət Hüseynov deyildimi? O Surət Hüseynov ki, sonradan elə Ə.Kərimli də daxil olmaqla AXC-”Müsavat” hakimiyyətini yıxmaq üçün çevriliş etdi. Ə.Kərimlinin dövlət katibi olduğu hakimiyyət isə ölkədə vətəndaş müharibəsi başlatdı və Gəncədə qardaş qanı axıdıldı.
Özünün şəxsi təhlükəsizliyini təmin edə bilməyən AXC başçıları Azərbaycanı vətəndaş müharibəsinə sürüklədi
Məhz həmin günlərdə Azərbaycan xalqı təkidli tələblə ölkəni xilas etmək üçün Naxçıvana-Ulu öndər Heydər Əliyevə müraciət etdi. Sonradan AXC-”Müsavat” hakimiyyətinin rəhbərləri də etiraf etdilər ki, Ulu öndərin Bakıya gəlməsi və onların özlərini xilas etməsi üçün dəfələrlə Ümummilli liderimizə xahiş ediblər. O dövrün parlament iclaslarına, videoçəkilişlərinə baxdıqda hər şey bəlli olur. Hətta AXC üzvü olan bir sıra dövlət məmurları öz hakimiyyətlərini səriştəsizlikdə suçlayır, qardaş qırğınına yol verdikləri üçün şiddətlə qınayırdılar. Qiyam qaldıran qüvvələr hakimiyyətin onlara qarşı silah işlətməsindən hiddətlənmişdi və AXC rəhbərlərini cəzalandıracaqlarını bildirmişdilər. Elə bu səbəbdən də dövləti, hakimiyyəti müdafiə etmək, ölkənin ərazi bütövlüyünü qorumaq yerinə Ə.Kərimli və digərləri öz “canlarının hayında” idilər.
Bəli, görəsən, öz şəxsi təhlükəsizliyini qoruya bilməyənlər həmin vaxt bu ölkənin, bu xalqın təhlükəsizliyini necə qoruya bilərdilər? Əlbəttə ki, bu mümkün deyildi. Əli Kərimlilər özləri də bilirlər ki, əgər o çətin şəraitdə Ulu öndər Heydər Əliyev bütün məsuliyyəti Öz üzərinə götürüb xalqımızı və dövlətimizi xilas etməsəydi, bu gün Azərbaycan dövlətinin varlığından danışa bilməzdik. Məhz Ulu öndər Heydər Əliyevin qətiyyəti sayəsində ölkədəki bütün qeyri-qanuni silahlı dəstələr ləğv edildi, nizami ordu, mərkəzləşdirilmiş hakimiyyət yaradıldı. Ən əsası Azərbaycan hüquqi dövlətə çevrildi və qanunun aliliyi təmin olundu. AXC-”Müsavat” dövründə baş alıb gedən özbaşınalığa son verildi.
Bu deyildimi, Ə.Kərimlinin yalanla bəzəməyə çalışdığı AXC-”Müsavat” dövrü?
Əli Kərimlinin iqtisadi nağılları...
Ə.Kərimlinin ağ yalanlarından biri də iqtisadiyyatla bağlı söylədikləridir. Bu səbəbdən də həmin dövrün bəzi real rəqəmlərinə müraciət etməyə ehtiyac var.
Görəsən, bu necə uğurlu “iqtisadi siyasət” idi ki, həmin dövrdə inflyasiya 1500-1800 faiz ətrafında dəyişirdi. Ölkədə iqtisadi sferada tam nəzarətsizlik hökm sürürdü. Rüşvət, korrupsiya baş alıb gedirdi. Ölkənin xarici borcları fatastik rəqəmlərlə ifadə olunurdu. Ölkədəki işsizlik, iqtisadi tənəzzül kriminogen halların on dəfələrlə artmasına səbəb olmuşdu.
Öz xalqına qarşı ağır cinayətlər törətmiş, həmçinin, özbaşınalığa rəvac verən AXC-”Müsavat” hakimiyyətinin naşı və səriştəsiz fəaliyyəti nəticəsində, məhz Ümummilli liderin 1969-1982-ci illərdə ölkə rəhbəri olduğu dövrdə yaradılan iqtisadi potensial, demək olar ki, tam dağıdıldı, milli sərvətlərimiz talan edildi, bütün zavod və fabriklər fəaliyyətlərini dayandırdılar. AXC-”Müsavat” rəhbərliyi bu talandan qazanılan pulların hesabına ölkə hakimiyyətini əldə saxlamaq üçün qanunsuz silahlı dəstələr yaratdı.
Həmin sənaye, iaşə obyektlərini, fabrik və zavodları öz şəxsi əmlakları hesab edən AXC-“Müsavat” hakimiyyətinin yerlərdəki məmurları bu müəssisələrin divarını belə söküb satmaqla məşğul idilər. Ölkədə kütləvi işsizlik hökm sürürdü. Görəsən, Ə.Kərimli hansı iqtisadi uğurdan danışır? Azərbaycanın məhsulları heç bir qeydiyyat aparılmadan xaricə daşınıb satılır, dövlətin pulu talan edilirdi. Ola bilsin ki, Ə.Kərimli və onun daxil olduğu komandanın üzvləri öz şəxsi “iqtisadi imkanlarını” lazımi səviyyədə artırdıqları üçün bunu xalqın adına yazmağa çalışır...
“Əsrin müqaviləsinə” gəldikdə isə, Ulu öndərin diplomatik səyləri nəticəsində daxildə möhkəm təməllərə əsaslanan ictimai-siyasi sabitliyin bərqərar olunması, qanunçuluğun gücləndirilməsi, xarici sərmayələrə dövlət təminatının verilməsi xarici investorların respublikamıza münasibətinin əsaslı surətdə dəyişməsinə gətirib çıxarmışdı. Ümummilli lider Azərbaycanın güclü və qüdrətli dövlətə çevrilməsi üçün ölkənin malik olduğu zəngin karbohidrogen ehtiyatlarından səmərəli istifadəni son dərəcə vacib sayaraq ilk gündən yeni neft strategiyasının işlənib hazırlanması və uğurla həyata keçirilməsi üçün əzmlə çalışırdı. AXC-“Müsavat” hakimiyyəti dövründə hazırlanmış müqavilə siyasi və iqtisadi baxımdan Azərbaycanın deyil, Qərbin neft şirkətlərinin maraqlarına daha çox cavab verdiyindən, Ulu öndər böyük diplomatik məharətlə bu istiqamətdə aparılan danışıqların məcrasını dəyişməyə müvəffəq oldu. 1993-cü il iyun ayının 18-də ABŞ-ın nüfuzlu “Çikaqo tribun” qəzetinə verdiyi müsahibəsində Ulu öndər Heydər Əliyev Azərbaycan dövlətinin prinsipial mövqeyini bir daha açıq bəyan etmişdi: “Başa düşürəm ki, Azərbaycana cəlb olunmuş neft şirkətlərinin öz iqtisadi maraqları var. Bu isə tamamilə təbii məsələdir. Ancaq eyni zamanda, biz də ölkəmizin maraqlarını neft şirkətlərinin mənafelərindən yüksək tutmalıyıq”.
Azərbaycana kənar təzyiqlərin getdikcə artdığı belə bir mərhələdə Qərb şirkətləri ilə başlanmış danışıqları sona çatdırmaq ölkə iqtidarından ciddi siyasi iradə və əzmkarlıq tələb edirdi. Ümummilli lider Heydər Əliyev xalqın dəstəyi ilə bu maneələri inamla dəf edərək 1994-cü il sentyabrın 14-də “Əsrin müqaviləsi”nin imzalanmasının hüquqi əsaslarını müəyyənləşdirən Fərman imzaladı. Bu Fərmanda müqavilənin imzalanması üçün hazırlanmış saziş layihəsi müsbət qiymətləndirilir, Azərbaycanın belə bir layihəyə imza atmasının əhəmiyyəti önə çəkilirdi. Həmin saziş layihəsində isə yataqların işlənilməsi üçün tələb olunan investisiyaların 80 faizinin ARDNŞ və müqaviləni imzalayacaq konsorsium şirkətləri tərəfindən qoyulacağı göstərilmişdi. Layihə sazişin qüvvəyə minməsindən sonra ilk neftin 18 ay ərzində çıxarılmasını planlaşdırmışdı. İmzalanacaq müqavilədə əsas yataqlarda neft hasilatına 48 aydan gec olmamaq şərtilə başlanması da ümdə prinsiplərdən biri kimi əksini tapmışdı. Sənəddə, həmçinin, Azərbaycan neftinin dünya bazarına səmərəli yolla çıxarılmasını təmin edən neft kəmərinin tikintisinə 54 ay ərzində start verilməsi nəzərdə tutulmuşdu. Bundan başqa, neftlə birgə çıxan və ehtiyatları 55 milyard kubmetr həcmində dəyərləndirilən səmt qazının da Azərbaycana verilməsi müqavilədə dəqiq şəkildə göstərilmişdi. Sazişin əhatə etdiyi 90 milyard kubmetr həcmində ehtiyatlara malik qaz yataqlarının istismarı hüququ da məhz Azərbaycana verilmişdi.
Budur həqiqət və uğur! Əli Kərimlinin, AXC-”Müsavat” hakimiyyətinin “səyi ilə” beynəlxalq aləm Azərbaycan dövlətinə düşmən kəsilmişdi. Yarıtmaz xarici siyasət, anlaşılmayan mövqe və başqa amillər xarici dövlətlərin bizə olan münasibətinin gündən-günə kəskinləşməsində mühüm rol oynayırdı. Amma Ulu öndər Heydər Əliyevin səyi ilə bu münasibət qısa zamanda dəyişdi. Azərbaycan balanslaşdırılmış, tarazlı xarici siyasət kursu yeritməyə başladı. Bununla da bütün ölkələrlə AZƏRBAYCANIN DÖVLƏT MARAQLARI ÇƏRÇİVƏSİNDƏ ikitərəfli və çoxtərəfli əlaqələrin inkişaf etdirilməsinə start verildi.
Ə.Kərimli Dağlıq Qarabağ münaqişəsinin tənzimlənməsi prosesi haqqında yalanları ilə özünü ifşa edir
Ə.Kərimlinin növbəti yalanı isə Dağlıq Qarabağ münaqişəsinin tənzimlənməsi ilə bağlıdır. Belə ki, ictimai rəylə manipulyasiyaya cəhd göstərən AXCP sədri iddia edir ki, guya həmin dövrdə tənzimləmə prosesi ilə ABŞ, Rusiya və Türkiyə məşğul olublar. Nəzərə almaq lazımdır ki, Türkiyə münaqişənin həlli ilə məşğul olan ATƏT-in Minsk qrupunun 11 üzv dövlətindən biridir. O ki qaldı bu məsələdə önə çıxmaq, yəni həmsədr olmaq məsələsinə, Minsk prosesinin həmsədrlik institutu təsis olunarkən, ona əvvəl Finlandiya ilə Rusiya, sonra isə 1995-97-ci illər ərzində İsveç ilə Rusiya başçılıq edib. Fransanın həmsədr olması isə Azərbaycan tərəfindən narazılıqla qarşılanmışdı və bildirilmişdi ki, bu dövlət açıq şəkildə Ermənistanın maraqlarını müdafiə etməyə çalışır. Amma o zamanın Fransa prezidenti Mitteran bildirmişdi ki, onların Ermənistanla dost olması münaqişənin həllində daha effektiv rol oynamalarına imkan yaradacaq.
Əslində, bu gün Dağlıq Qarabağ münaqişəsi və onun həlli ilə bağlı hansısa fikri bildirəcək ən son şəxs Əli Kərimli və onun təmsil olunduğu hakimiyyətin digər üzvləridir. Çünki Dağlıq Qarabağın ermənilər tərəfindən işğal olunmasına şəraiti yaradan məhz bu şəxslər olublar. Bu gün də anti-azərbaycançı dairələrin xidmətçiliyini həyata keçirən Ə.Kərimli və digərləri Azərbaycan dövlətinin bütün uğurlarına qısqanclıqla yanaşırlar. Onlar özləri də görürlər ki, ölkə Prezidenti İlham Əliyevin apardığı siyasi kurs birmənalı şəkildə Dağlıq Qarabağın azadlığına və Azərbaycanın ərazi bütövlüyünün təmin edilməsinə istiqamətlənib. Ə.Kərimlinin bu mövzularda danışdığı yalanlar isə növbəti dəfə AXCP sədrinin bir siyasətçi və bir vətəndaş kimi natamamlığını göstərir.

 
  • Oxunub:  19770  |  
  • Tarix:  16-07-2014  |  
  •    Çap et   |  
Get Adobe Flash player
20 Yanvar Azərbaycan xalqının azadlıq uğrunda mübarizə tarixinin qürur doğuran şanlı səhifəsidir

11:00
19 Yanvar
TAP-ın Yunanıstan və Albaniya marşrutunun 89 faizində torpaq örtüyü bərpa olunub
10:53
19 Yanvar
Aureliya Qriqoriu: 1990-cı il 20 yanvar tarixinə keçən gecə Bakıda baş verən cinayətlər cavabsız qalmamalıdır
10:51
19 Yanvar
Strasburq Universitetində 20 Yanvar hadisələrinə həsr edilmiş konfrans keçirilib
10:32
19 Yanvar
Çində 20 Yanvar şəhidlərinin xatirəsi anılıb
10:22
19 Yanvar
Azərbaycanda həyata keçirilən struktur islahatları idarəetmənin optimallaşdırılmasına və səmərəliliyinin artırılmasına xidmət edir
10:21
19 Yanvar
Avropa Parlamentində qəbul edilmiş məlum “qətnamə” heç bir hüquqi qüvvəyə malik deyil və Azərbaycana qarşı “qara piar” kampaniyasının tərkib hissəsidir
10:16
19 Yanvar
Azərbaycanın regionda yaratdığı geosiyasi reallıqlar Dağlıq Qarabağ münaqişəsinin ölkəmizin ərazi bütövlüyü çərçivəsində həlli üçün yeni imkanlar açır
10:12
19 Yanvar
20 Yanvar xalqımızın milli oyanış tarixinin şanlı səhifəsidir
10:10
19 Yanvar
YAP Gədəbəy rayon təşkilatının yaranmasının 26 illiyi münasibətilə “dəyirmi masa” keçirilib
10:07
19 Yanvar
Fizika, riyaziyyat və informatika təmayüllü liseyin 2019-cu ildə ilk uğurları
10:03
19 Yanvar
Kənd təsərrüfatının ənənəvi sahələrindən olan tütünçülüyün inkişaf etdirilməsi istiqamətində zəruri tədbirlər həyata keçirilir
10:01
19 Yanvar
20 Yanvar Azərbaycan xalqının azadlıq uğrunda mübarizə tarixinin qürur doğuran şanlı səhifəsidir
20:20
18 Yanvar
Diasporla İş üzrə Dövlət Komitəsində 20 Yanvar faciəsinin qurbanları anılıb
20:07
18 Yanvar
Cavanşir Feyziyev: Avropa Parlamentinin bu addımı Azərbaycanla Aİ arasında inkişaf edən əməkdaşlığa qarşı təxribatdır
20:00
18 Yanvar
AŞPA-nın qış sessiyası yanvarın 21-də işə başlayacaq
19:54
18 Yanvar
Azərbaycan ilə Pakistan arasında ali təhsil sahəsində əməkdaşlıq imkanları nəzərdən keçirilib
19:43
18 Yanvar
“ASAN xidmət” təcrübəsinin Özbəkistanla bölüşülməsi ilə bağlı müzakirələr aparılıb
19:22
18 Yanvar
Azərbaycan ilə Türkiyə arasında miqrasiya sahəsində əməkdaşlığın inkişafına dair fikir mübadiləsi aparılıb
19:10
18 Yanvar
Azərbaycan Milli Elmlər Akademiyasının iki bölməsi ötən ilin elmi işlərinə yekun vurub
19:08
18 Yanvar
Azərbaycanın və Türkiyənin Daxili İşlər nazirlikləri arasında əməkdaşlıq sürətlə inkişaf edir
19:00
18 Yanvar
Milli Məclisin səhiyyə komitəsinin yaz sessiyasında ilk iclası keçirilib
18:36
18 Yanvar
Zimbabvenin Prezidenti Emmerson Mnanqaqva Azərbaycana işgüzar səfərə gəlib
18:30
18 Yanvar
Qənirə Paşayeva: Azərbaycana qarşı qərəzli mövqe nümayiş etdirən qüvvələrin bütün cəhdləri uğursuzluğa məhkumdur
18:11
18 Yanvar
Əmək və Əhalinin Sosial Müdafiəsi Nazirliyində ötən ilin yekunlarına və qarşıda duran vəzifələrə həsr olunmuş kollegiya iclası keçirilib
18:00
18 Yanvar
Ali Məhkəmə Plenumunun növbəti iclası keçirilib
17:58
18 Yanvar
Ukrayna portalı 20 Yanvar faciəsinə dair məqalə yayıb
17:54
18 Yanvar
Qanlı şənbədən istiqlala
17:42
18 Yanvar
Siyavuş Novruzov: Avropa Parlamentinin bəzi deputatları ermənilərin "konyak diplomatiyası"na qurban gediblər
17:39
18 Yanvar
Heydər Əliyev Fondunun prezidenti Mehriban Əliyeva “Üzeyir Hacıbəyli” fəxri medalı ilə təltif edilib
17:38
18 Yanvar
Məlahət İbrahimqızı: Azərbaycanın xarici siyasətində beynəlxalq təşkilatlarla əlaqələrin dərinləşdirilməsi mühüm istiqamətlərdən birini təşkil edir
17:30
18 Yanvar
20 Yanvar şəhidlərin əziz xatirəsi Dini Qurumlarla İş üzrə Dövlət Komitəsində yad edilib
17:28
18 Yanvar
Qaçqınların və Məcburi Köçkünlərin İşləri üzrə Dövlət Komitəsinin sədri İmişlidə vətəndaşları qəbul edib
17:26
18 Yanvar
Əflatun Amaşov: Avropa Parlamenti kimi nüfuzlu qurumlar qərəzli qətnamələr qəbul etməklə öz dəyər və prinsiplərini alətə çevirməməlidirlər
17:21
18 Yanvar
Akademik Gövhər Baxşəliyeva: Şəhidlərimiz öz qanları ilə xalqımızın qəhrəmanlıq salnaməsində yeni səhifə açdılar
17:14
18 Yanvar
Səməd Seyidov: Bu cür ikili standartlar Avropa Parlamenti daxilindəki qüvvələrin növbəti anti-Azərbaycan cəhdidir
17:10
18 Yanvar
Xarici İşlər Nazirliyində 20 Yanvar faciəsinin növbəti ildönümünə həsr olunmuş anım mərasimi keçirilib
16:55
18 Yanvar
20 Yanvar şəhidlərinin xatirəsi Konstitusiya Məhkəməsində ehtiramla anılıb
16:40
18 Yanvar
Deputat: Avropa Parlamentinin qətnaməsi Aİ ilə Azərbaycan arasında tərəfdaşlıq münasibətlərinə xələl gətirir
16:39
18 Yanvar
BMT-nin baş katibi Azərbaycan və Ermənistan xarici işlər nazirlərinin Paris görüşünün nəticələrini alqışladığını bəyan edib
16:28
18 Yanvar
20 Yanvar hadisələri Azərbaycan xalqının Vətənin müstəqilliyi uğrunda canından keçməyə hazır olduğunu sübut etdi
15:58
18 Yanvar
Sevinc Fətəliyeva: Azərbaycan elə qüdrətli dövlətdir ki, onunla qətnamə dili ilə danışmaq, ona təzyiq etmək mümkün deyil
15:52
18 Yanvar
“Son iclas” bədii-sənədli filmi Praqada nümayiş etdirilib
15:47
18 Yanvar
Azərbaycan gəncləri 20 Yanvar faciəsi qurbanlarının xatirəsini anıblar
15:46
18 Yanvar
Azərbaycan Dağlıq Qarabağ münaqişəsi məsələsində Rusiyanın köməyinə ümid bəsləyir
15:44
18 Yanvar
Əhliman Əmiraslanov: Tibbi xidmətin keyfiyyətinin yüksəldilməsinin yeganə yolu icbari tibbi sığortaya keçiddir
15:42
18 Yanvar
"Anti-Azərbaycan qətnaməsinin əsas səbəbi Dağlıq Qarabağla bağlıdır"
15:40
18 Yanvar
Özgür Çakar: Muğam Azərbaycan fenomenidir, ali musiqidir
15:36
18 Yanvar
"AP-in qətnaməsi Azərbaycana qarşı şər, böhtan kampaniyasıdır"
14:59
18 Yanvar
Ekspert: Avropa Parlamentinin yalan və böhtanlarla dolu qətnaməsi həm də riyakarlıq və siyasi mədəniyyətsizlik üzərində hazırlanıb
14:31
18 Yanvar
Hikmət Babaoğlu: Avropa Parlamentində təcili “qətnamə”nin qəbulu anti-Azərbaycan mərkəzlərin yazdığı siyasi ssenaridir
14:24
18 Yanvar
Qida Təhlükəsizliyi Agentliyində 20 Yanvar faciəsinin 29-cu ildönümünə həsr olunan tədbir keçirilib
14:18
18 Yanvar
OPEC-in Bakıdakı iclaslarının vaxtı dəqiqləşib
14:14
18 Yanvar
Dövlət Statistika Komitəsində 20 Yanvar şəhidlərinin xatirəsi anılıb
14:12
18 Yanvar
Gənclər və idman naziri Abşeron rayonunda vətəndaşları qəbul edib
14:09
18 Yanvar
Milli Məclisin ailə, qadın və uşaq məsələləri komitəsinin yaz sessiyasında ilk iclası keçirilib
14:07
18 Yanvar
Azərbaycan Ağsaqqallar Şurasının üzvləri Şəhidlər xiyabanını ziyarət ediblər
14:05
18 Yanvar
Mirzəcan Xəlilov: Struktur islahatları dövlət idarəçiliyinin daha da təkmilləşdirilməsinə xidmət edir
12:58
18 Yanvar
Şəxsi heyətlə iş üzrə zabitlərin və psixoloqların təlim-metodiki toplanışı keçirilib
12:54
18 Yanvar
Məhəmməd Barkindo: OPEC-in Bakıdakı iclaslarının martda keçirilməsi planlaşdırılır
12:42
18 Yanvar
Azərbaycan ilə Ukraynanın ticarət dövriyyəsində son 5 ilin maksimum göstəricisi qeydə alınıb
12:13
18 Yanvar
Naxçıvanın Bakıdakı daimi nümayəndəliyində 20 Yanvar faciəsi ilə bağlı anım tədbiri keçirilib
11:52
18 Yanvar
20 Yanvar faciəsinin ildönümü ilə əlaqədar Şəhidlər xiyabanında hazırlıq işləri görülür
11:51
18 Yanvar
2019-cu ilin "Nəsimi ili" elan edilməsi yüksək ideallara, mənəvi həyata və mədəniyyətə olan böyük diqqətin təzahürüdür
11:42
18 Yanvar
SOCAR: Günün ikinci yarısından neftçilərin özüllərə qaytarılmasına başlanacaq
11:03
18 Yanvar
İndoneziya XİN: Azərbaycanın beynəlxalq səviyyədə tanınmış sərhədləri çərçivəsində suverenliyi və ərazi bütövlüyünü hər zaman dəstəkləyirik
11:02
18 Yanvar
20 Yanvar faciəsinin 29-cu ildönümü ilə əlaqədar Madriddə anım tədbiri təşkil edilib
10:56
18 Yanvar
20 Yanvar faciəsi xalqımızın öz suverenliyi uğrunda apardığı mübarizənin şərəfli tarixidir
10:54
18 Yanvar
Avropa Parlamentinin Azərbaycana qarşı qəbul etdiyi qətnamə qərəzli və qeyri-obyektivdir
10:12
18 Yanvar
İsveçrədə 20 Yanvar faciəsinə həsr olunmuş poçt markası buraxılıb
10:05
18 Yanvar
ABŞ Azərbaycanlıları Şəbəkəsi 20 Yanvar faciəsinin 29-cu ildönümü ilə bağlı kampaniya keçirir

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
HAVA HAQQINDA
Bakı
gündüz+5 +7
gecə-1 +1