Ana səhifə »  Müsahibə »  Yeni Azərbaycan Partiyası böyük, şanlı yol keçib, üzərinə düşən missiyanı ləyaqətlə yerinə yetirir
A+   Yenilə  A-
Yeni Azərbaycan Partiyası böyük, şanlı yol keçib, üzərinə düşən missiyanı ləyaqətlə yerinə yetirir

YAP Siyasi Şurasının üzvü, partiyanın Qaradağ rayon təşkilatının sədri, Milli Məclisin deputatı Aydın Hüseynov www.yap.org.az saytına müsahibə verib:
- Aydın müəllim, Ulu öndər Heydər Əliyevin yaradıcısı olduğu, hazırda Azərbaycan Respublikasının Prezidenti İlham Əliyevin rəhbərlik etdiyi Yeni Azərbaycan Partiyasının yaranmasının 24 illiyi qeyd olunur. Partiyanın yaradılması ərəfəsində ölkəmizin ictimai-siyasi mənzərəsini necə şərh edərdiniz və sizcə, hansı amillər YAP-ın yaranmasını zərurətə çevirmişdi?
- İlk başdan qeyd etmək istərdim ki, Ulu öndər Heydər Əliyevin zəkası ilə yaranan, məhz Onun şəxsiyyəti ətrafında formalaşan Yeni Azərbaycan Partiyası müasir dövrdə beynəlxalq arenada tanınan, qəbul edilən nüfuzlu partiyalar sırasında öz mövqeyini saxlayan siyasi təşkilatdır. Sözsüz ki, partiyanın yüksək nüfuzu bilavasitə onun yaradıcısı Heydər Əliyev şəxsiyyəti ilə, eyni zamanda, partiyamızın Sədri, Prezident İlham Əliyevin həyata keçirdiyi praqmatik siyasətlə bağlıdır.
Partiyanın yaranma tarixinə gəlincə, bunu zəruri edən səbəb ötən əsrin 90-cı illərinin əvvəllərində ölkədəki ictimai-siyasi vəziyyət idi. Yenicə müstəqillik qazanan Azərbaycan həmin vaxtlar siyasi tənəzzül dövrünü yaşayırdı və burada obyektiv səbəblərdən daha çox subyektiv amillər var idi. Bu, birbaşa müstəqilliyimizin ilk illərində ölkəyə rəhbərlik edənlərin səriştəsizliyinin, təcrübəsizliyinin, qorxaqlıqlarının təzahürləri idi. Bütün mənada ölkədə özbaşınalıq, xaos hökm sürürdü. Əhalinin güzəranı kəskin şəkildə pisləşmişdi. Bir tərəfdən də, torpaqlarımız erməni işğalçıları tərəfindən zəbt edilirdi. Hətta proseslər o həddə gəlib çatmışdı ki, artıq Azərbaycan dövlətçiliyi məhv olmaq ərəfəsində idi. Və elə bu dövrdə Azərbaycanın bu gününü, sabahını düşünən insanlar nicat yolunu Heydər Əliyevdə görürdülər. Əlbəttə ki, bu heç də təsadüfi sayıla bilməzdi. Çünki Heydər Əliyev uzun müddət sovetlər dönəmində Azərbaycana rəhbərlik etmiş və həmin illərdə ölkəmizi aqrar ölkədən iri bir sənaye ölkəsinə çevirmişdi. Həmin dövrdə respublika əhalisinin həyat səviyyəsi yüksək göstəricilərlə müşayiət olunurdu. Yəni insanlar Heydər Əliyevin böyük dövlətçilik təcrübəsinə və insanlara olan qayğısına bələd idilər.
Fakt budur ki, Heydər Əliyev Azərbaycandan kənarda yaşadığı illərdə belə xalqın, ölkənin problemlərinə heç vaxt biganə qalmayıb. Azərbaycan xalqının, dövlətinin maraqlarına uyğun olaraq Öz sözünü və qəti mövqeyini bildirib.
1991-ci ildə Azərbaycana qayıdan Heydər Əliyev Naxçıvanda Ali Məclisin Sədri seçildi. O dövrlərdə Naxçıvan blokada şəraitində idi, hətta Azərbaycandan belə təcrid olunmuşdu. Bununla belə, Ulu öndər Naxçıvanı qoruyub-saxlaya bilməklə yanaşı, Bakı, ümumilikdə Azərbaycan üçün bir mənəvi dayaq idi. Bu dövrlərdə Azərbaycanın ümumi maraqları ilə bağlı konsepsiyalar ortaya qoyulur, çıxışlar edilirdi. O dövrdə Heydər Əliyevin çıxışları və Ulu öndərə qarşı olan qısqanclıqlar indi də yaddaşlardadır. Heydər Əliyevin qətiyyətli çıxışları Ona olan ümidi və inamı daha da artırmışdı. İnsanlar artıq Naxçıvana, Heydər Əliyevə üz tuturdular.
1992-ci ilin ortalarında bir qrup ziyalı Azərbaycan xalqının istəyini, arzusunu, inamını ifadə edərək Heydər Əliyevə müraciət etdi ki, Azərbaycanı düçar olduğu bəlalardan qurtarsın. Əlbəttə, Ulu öndərimiz Heydər Əliyev Azərbaycanın düşdüyü bu böhranlı vəziyyətə heç cür biganə qala bilməzdi. Ona görə də həmin ərəfədə partiyanın yaradılması üçün Öz tarixi müraciəti ilə razılığını bildirdi və 1992-ci ilin noyabr ayının 21-də Yeni Azərbaycan Partiyası yaradıldı.
Qeyd etdiyim kimi, partiyamızın yaradılması dövrü ölkədə böyük iqtisadi böhranla yanaşı, həm də siyasi böhran yaşanırdı. Yeni Azərbaycan Partiyasının yaranması zamanı bəyan edilmiş şüar da xalqa bir ümid qığılcımı verdi. Bu, Heydər Əliyevin rəhbərliyi ilə “Yeni, müstəqil Azərbaycan uğrunda” şüarı idi və partiya da məhz bu tarixi şüarla fəaliyyətə başladı.
Ancaq bu, başlanğıc idi və Azərbaycan müstəqil olsa da, onun müstəqilliyi formal xarakter daşıyırdı. Hətta deyərdim ki, Azərbaycanın müstəqilliyi kağız üzərində idi. Çünki konkret daxili və xarici siyasəti yox idi. Ona görə də Heydər Əliyevin adı ilə bağlı möhtəşəm siyasi bir təşkilatın yaranması insanlarda böyük inam hissi yaratmışdı.
Digər tərəfdən, o dövrdə ölkədə çox sayda siyasi partiyaların olmasına baxmayaraq, xalqın, dövlətin maraqlarını düşünməyən “liderlər” isti kabinetlərində oturaraq, kimlərinsə xüsusi istəkləri, təlimatları ilə fəaliyyət göstərirdilər.
Onlardan fərqli olaraq, Yeni Azərbaycan Partiyasının yaradılması birbaşa xalqın sosial sifarişinin məntiqi nəticəsi idi. Nəticədə xalqın inamını ifadə edən Yeni Azərbaycan Partiyası ölkə tarixində yeni səhifə açaraq, qətiyyətlilik simvoluna çevrilməyə doğru istiqamət alıb, şanlı salnamələrə imza atmağa başladı.
- Dünya təcrübəsində siyasi partiyanın yarandığı vaxtdan qısa müddət ərzində hakimiyyətə gəlməsi çox nadir hallarda rast gəlinir. Yeni Azərbaycan Partiyasının yarandıqdan cəmi 6 ay sonra iqtidara gəlməsini necə şərh edərdiniz?
- Bayaq da qeyd etdiyim kimi, 1992-ci ilin sonu, 1993-cü ilin əvvəllərində ölkədə siyasi proseslərin daha da gərginləşməyə başlaması dövründə Azərbaycan bir dövlət olaraq öz müstəqilliyini itirmək təhlükəsi ilə üzbəüz qalmışdı. Ölkəni parçalayacaq separatçılar artıq bir qüvvəyə çevrilmişdilər. Çünki ölkə, eyni zamanda, Azərbaycanın müstəqilliyini istəməyən qüvvələr üçün bir siyasi poliqona çevrilmişdi. Hakimiyyətdə olan AXC-”Müsavat” cütlüyünün səriştəsizliyindən istifadə edən daxili və xarici separatçılar, demək olar ki, Azərbaycanın vilayətlərə bölünmə planını artıq hazırlamışdılar. Hətta separatçı xarakterli xəritələr belə hazırlanaraq ölkəyə gətirilmişdi. Hərbi müxalifətin özbaşınalığı isə ölkədə vətəndaş müharibəsinə və qardaş qırğınına gətirib çıxarmışdı.
Ölkəni idarə edən AXC-”Müsavat” cütlüyü artıq tükənmişdi. Onlar ölkəni idarə etmək iqtidarında deyildilər. Bununla yanaşı, ölkə çox ciddi iqtisadi böhran dövrünü yaşayırdı. Elə ölkələr olur ki, orada siyasi böhran baş verir, ancaq onun iqtisadi dayaqları tarazlı şəkildə olur. Ancaq Azərbaycanda 1993-cü ilin əvvəllərində həm siyasi, eyni zamanda, iqtisadi böhran baş vermişdi. Ölkədə inflyasiyanın həcmi 1700 faiz təşkil edirdi. Əmək haqları aylarla ödənilmirdi. Dövlət büdcəsinin gəlir hissəsi, ümumiyyətlə, formalaşmamışdı. Bütün bunlarla yanaşı, valyuta ehtiyatlarımız, ümumiyyətlə, yox idi. Ümumi daxili məhsulun həcmi sürətlə aşağı düşürdü. Həmin dövrdə səriştəsiz rəhbərlər, sözün birbaşa mənasında, əhalini çörəklə təmin edə bilmirdilər.
Müstəqilliyin itirilməsi təhlükəsi də məhz bu faktorlardan qaynaqlanırdı. Və yenidən Azərbaycan xalqı öz iradəsini ortaya qoydu və qədirbilən xalqımız Heydər Əliyevi siyasi hakimiyyətə dəvət etdi. Az müddətdən sonra ölkədə prezident seçkiləri keçirildi, Azərbaycan xalqı Heydər Əliyevi özünə rəhbər seçdi. Bu, insanların, Azərbaycan vətəndaşlarının Heydər Əliyevə olan böyük ehtiramının, inamının, Yeni Azərbaycan Partiyasına olan sonsuz inamının təntənəsi idi. Bununla da Yeni Azərbaycan Partiyası Azərbaycanda hakimiyyətin ən yuxarı pilləsində təmsil olundu.
Ona görə də yeni yaranan partiyanın qısa müddət ərzində hakimiyyətə gəlməsi məsələsinə gəlincə, bu faktorlar hər zaman önə çəkilir və sözsüz ki, burada Ulu öndər Heydər Əliyev amili başlıca rol oynayır.
- Sizcə, Yeni Azərbaycan Partiyasının şərəfli, eyni zamanda, mübarizə, qələbə və uğurlarla zəngin yolunun təhlili hansı ümumiləşdirməni aparmağa əsas yaradır?
- Yeni Azərbaycan Partiyasının fəaliyyətindən danışdıqda ilk olaraq onu qeyd etməliyik ki, partiyanın yaranması, formalaşması Heydər Əliyevin şəxsiyyəti və fəaliyyəti ilə bağlıdır. Eyni zamanda, YAP-ın formalaşmasında, təşkilatlanmasında, nüfuz qazanmasında Prezident İlham Əliyev o dövrlərdə bilavasitə Ulu öndərlə birgə fəaliyyət göstərib. Onlar ata-oğul münasibətləri ilə yanaşı, eyni zamanda, siyasi proseslərdə silahdaş kimi birgə, çiyin-çiyinə çalışıblar.
Partiyanın digər bir uğuru isə ondan ibarət idi ki, Heydər Əliyev Öz mükəmməl siyasi rəhbərliyi ilə Azərbaycanda gedən bütün prosesləri qısa zaman kəsimində Öz üzərinə götürə bildi.
Digər tərəfdən, 1995-ci ildə YAP parlament seçkilərində iştirak edərək, xalqın dəstəyini aldı və səs çoxluğu ilə iqtidar partiyası statusunu qazandı. O dövrdən indiyə qədər Yeni Azərbaycan Partiyası böyük şanlı yol keçib və üzərinə düşən missiyanı da ləyaqətlə yerinə yetirir. 1995-ci ildən bu günə qədər olan bütün seçkilərdə YAP xalqın etimadını qazanaraq uğurlar əldə edib. Bu isə onu sübut edir ki, Yeni Azərbaycan Partiyası xalqın taleyüklü məsələlərində, ölkədə gedən bütün proseslərdə yaxından iştirak edir.
- Hazırda Yeni Azərbaycan Partiyası ölkədə siyasi sistemin aparıcı, avanqard qüvvəsi kimi çıxış edir və öz sıralarında cəmiyyətin bütün təbəqələrinin nümayəndələrini birləşdirir. Bütövlükdə, partiyanın yüksək nüfuzunu, ciddi sosial dəstəyini şərtləndirən faktorlar haqqında nə deyə bilərsiniz?
- YAP yarandığı vaxtdan etibarən partiyanın tərkibində bütün təbəqələrdən, zümrələrdən olan insanlar təmsil olunurdular. Bu gün də Ümummilli liderə olan sevgi, etimad, Onun ideyalarına olan sədaqət, eləcə də cənab Prezident, partiyamızın Sədri İlham Əliyevə olan inam və etimad davam etməkdədir. Partiyamızın yüz minlərlə üzvü ilə yanaşı, ondan qat-qat çox təəssübkeşləri və tərəfdarları Ulu öndərin yaratdığı partiyanın ətrafında birləşiblər. Partiyamızın tərkibində çoxlu sayda görkəmli elm və mədəniyyət xadimləri, respublikanın nüfuzlu ağsaqqalları, iş adamları, dövlət xadimləri, gənclər və s. müxtəlif peşə sahibləri sosial baza olaraq təşkilatlanıblar. Vurğulamaq yerinə düşərdi ki, belə bir sosial bazaya malik partiyanın mövcudluğu, inkişaf və tərəqqi yolunu tutması onun bütün seçkilərdə əldə etdiyi parlaq qələbələrinin aşkar təzahürü və bariz nümunəsidir. Ona görə də bu gün Yeni Azərbaycan Partiyası ümumxalq partiyasına çevrilib.
Əlbəttə, bunun başlıca səbəblərindən biri də birbaşa dövlət başçımız, partiyamızın Sədri İlham Əliyevin xalq arasındakı böyük nüfuzudur. Çünki partiyamızın Sədrinin şəxsi keyfiyyəti, Onun Heydər Əliyev ideyalarına sonsuz sədaqəti, Azərbaycan dövlətinin siyasi və iqtisadi nüfuzunun artmasına yönələn fəaliyyəti partiyamızın xalq qarşısındakı hörmət və inamını artırır. Bizi sevindirən, fərəhləndirən amil də budur ki, artıq hər bir YAP üzvü bilavasitə Heydər Əliyev ideyalarına, bu ideyaların inkişaf etməsinə sədaqətlə xidmət edir. Bu sədaqət hazırda Prezident İlham Əliyev siyasəti kontekstində bütün məziyyətləri ilə sübuta yetirilməkdədir.
Bu arada daha bir əhəmiyyətli faktoru da qeyd etmək istərdim. Ulu öndərimizin adını daşıyan Heydər Əliyev Fondu və onun prezidenti, millət vəkili, ölkənin birinci xanımı Mehriban Əliyevanın Yeni Azərbaycan Partiyasının Sədr müavini kimi təmsil olunması təşkilatımıza xüsusilə dividend gətirən önəmli faktor kimi dəyərləndirilməkdədir.
- Yeni Azərbaycan Partiyasına gənclərin böyük axını hər zaman müşahidə olunub. Sizcə, gənc nəslin partiyaya axını hansı məqamlara söykənir?
- Bu suala cavab vermək üçün biz bir faktoru xüsusilə qeyd etməliyik. O dövrdə Prezident İlham Əliyevin bir gənc olaraq partiyada aparıcı şəxslərdən biri olması, xüsusilə partiyanın I qurultayında Sədr müavini seçilməsi çoxsaylı gənclərin partiya sıralarına qoşulmasına səbəb oldu. O dövrdən başlayaraq partiyaya gənclərin axını geniş vüsət aldı. Gənclərin partiyada üstünlük təşkil etməsinin səbəblərindən biri də odur ki, Yeni Azərbaycan Partiyası getdikcə ideya baxımından gəncləşir. Öz fəaliyyətində yeni-yeni ideyalar ortaya qoyur. Partiyada bugünkü gənclərin siyasi maraqlarını, yaxşı mənada, təmin edəcək faktorlar var. Burada gənclərə xüsusi diqqət göstərilir. İstər Ulu öndərin rəhbərliyi zamanında, istərsə də Prezident İlham Əliyevin partiyaya sədrliyi dövründə gənclərə çox böyük qayğı göstərilib və bu gün də bu diqqət davam edir. Onların yaxşı təhsil alması, məşğulluq probleminin həlli ilə bağlı çox böyük işlər görülür. Xüsusilə ideoloji baxımdan qazanılan bilgilər, dəyərlər gəncləri qane edir. Yəni bu gün Yeni Azərbaycan Partiyasının Gənclər Birliyi ölkəmizin ictimai-siyasi həyatında özünü kifayət qədər təsdiq edib.
- Necə düşünürsünüz, YAP-ın beynəlxalq arenada fəaliyyəti bütövlükdə Azərbaycanın beynəlxalq münasibətlərdə iştirakı ilə adekvatdırmı? Partiyanın gündən-günə genişlənən beynəlxalq əlaqələri ölkəmizin dünya birliyində mövqeyinin güclənməsinə hansı töhfəni verir?
- Yuxarıda qeyd etdiyimiz kimi, Yeni Azərbaycan Partiyası artıq beynəlxalq arenada özünün yeri, mövqeyi və nüfuzu olan partiyalardan biridir. Partiya beynəlxalq əlaqələrini getdikcə genişləndirir. Ölkəmizin ən güclü siyasi qüvvəsi olan Yeni Azərbaycan Partiyasının beynəlxalq əlaqələri yüksələn xətlə inkişaf edir. Partiyanın beynəlxalq əməkdaşlığının coğrafiyası genişlənərək keyfiyyətcə yeni mərhələyə qədəm qoyub. YAP-ın müxtəlif ölkələrin siyasi partiyaları və demokratik təsisatları ilə qurduğu işgüzar və səmimi münasibətlər ardıcıl olaraq inkişaf edir. YAP-ın beynəlxalq əlaqələrində dost və qardaş Türkiyənin, MDB üzvü olan ölkələrin, Avropa və Asiyanın bir sıra aparıcı siyasi partiyaları və qurumları ilə münasibətləri prioritet istiqamət kimi əsas götürülüb. Yeni Azərbaycan Partiyası Türkiyə, Rusiya, Rumıniya, Gürcüstan, Qazaxıstan, Kanada, Çin, Cənubi Koreya, Pakistan, Tacikistan və digər ölkələrin aparıcı siyasi partiyaları ilə uzun müddətdir sıx və qarşılıqlı münasibətlərə malikdir, partiyalar arasında intensiv görüşlər keçirilir, fikir və təcrübə mübadilələri aparılır.
Digər tərəfdən, YAP Avroatlantik məkanda siyasi təşkilatlarla əməkdaşlığını genişləndirib. Bu mənada, Avropa Parlamentində çoxluğa sahib olan Avropa Xalqları Partiyası (EPP) ilə münasibətlər də inkişaf etməkdədir. YAP Asiya Siyasi Partiyalarının Beynəlxalq Konfransı çərçivəsində də aktiv fəaliyyət göstərir. Eyni zamanda, Latın Amerikası Siyasi Partiyalarının Təşkilatı (COPPAL) ilə də əməkdaşlığımız mövcuddur.

 
  • Oxunub:  16770  |  
  • Tarix:  19-11-2016  |  
  •    Çap et   |  
Get Adobe Flash player
Mun Hi-sanq: Azərbaycan Koreya Respublikası üçün mühüm əhəmiyyət kəsb edir

17 Oktyabr 17:49
Rüfət Məmmədov: Azərbaycan Fransa ilə regionlararası əməkdaşlığa böyük önəm verir
17 Oktyabr 17:46
Sona Əliyeva: Türkdilli ölkələr böyük nailiyyətlərə imza atıblar
17 Oktyabr 17:38
Aydın Hüseynov: Azərbaycanda əhalinin sosial müdafiəsi ilə bağlı reallaşdırılan islahatlar dünyada nümunə ola bilər
17 Oktyabr 17:35
BDU-nun 100 illik yubileyi münasibətilə ADPU-da dəyirmi masa
17 Oktyabr 17:31
Şahin İsmayılov: Ermənistan hakimiyyətinin “Qarabağ xalqı” məsələsini qabartması işğal faktını ört-basdır etmək cəhdidir
17 Oktyabr 17:27
Siyavuş Novruzov: "Seçki məsələsində müsavatçılara maarifləndirici kurslar və treninqlər keçə bilərəm" - MÜSAHİBƏ
17 Oktyabr 17:24
David Zalkaliani: Azərbaycan bizim üçün dost və strateji tərəfdaş ölkədir
17 Oktyabr 17:22
Goranboyda Nəsiminin 650 illik yubileyi qeyd edilib
17 Oktyabr 17:19
Meliorasiya və Su Təsərrüfatı Açıq Səhmdar Cəmiyyətinə 790 min manat ayrılıb
17 Oktyabr 17:17
BDU-da Dövlət Müstəqilliyi Günü qeyd olunub
17 Oktyabr 17:10
Media islahatlara mane olan deyil, onu təbliğ edən institut, Prezidentin ən yaxın ictimai dəstəkçisidir
17 Oktyabr 17:01
Azərbaycanın Müdafiə naziri ATƏT-in Minsk qrupunun həmsədrləri ilə görüşüb
17 Oktyabr 16:59
İqtisadiyyat nazirinin müavinləri bölgələrdə vətəndaşları qəbul edib
17 Oktyabr 16:57
Prezident İlham Əliyev Azərbaycan Avtomobil Yolları Dövlət Agentliyinin idarə heyətinin sədrini qəbul edib
17 Oktyabr 16:41
Qırğızıstan Daşınar Əmlakın Yüklülüyünün Dövlət Reyestri üzrə Azərbaycanın təcrübəsini öyrənir
17 Oktyabr 16:27
Azərbaycan nümayəndə heyəti Milli Olimpiya Komitələri Assosiasiyasının Baş Assambleyasında iştirak edir
17 Oktyabr 16:19
Milli Məclisin Müdafiə, təhlükəsizlik və korrupsiya ilə mübarizə komitəsinin növbəti iclası keçirilib
17 Oktyabr 16:14
Tahir Mirkişili: Həyata keçirilən sosial-iqtisadi islahatlar əhalinin rifahının daha da yaxşılaşmasına xidmət edir
17 Oktyabr 16:12
Eldəniz Səlimov: Türk Şurasının fəaliyyəti dövründə üzv ölkələr iqtisadi, siyasi və mədəni əlaqələri daha da genişləndirib
17 Oktyabr 16:07
Səbail gənclərindən “Qarabağ Azərbaycandır!” milli həmrəylik hərəkatına dəstək
17 Oktyabr 15:55
“Daily News Hungary” nəşrində Viktor Orbanın Türk Şurasının Zirvə Görüşündə iştirakı barədə məqalə dərc edilib
17 Oktyabr 15:50
DİN və Baş Prokurorluq: İctimai asayişin pozulmasına yönələn qanunsuz hərəkətlərin qarşısı qətiyyətlə alınacaq
17 Oktyabr 15:45
Qusarda Qadın Resurs Mərkəzi fəaliyyətə başlayıb
17 Oktyabr 15:44
Ağdamda Dövlət Müstəqilliyi Günü qeyd olunub
17 Oktyabr 15:31
Bəxtiyar Əliyev: Prezident İlham Əliyev vətəndaşlarımızın sosial müdafiəsinin gücləndirilməsinə daim böyük diqqət yetirir
17 Oktyabr 15:23
Çingiz Abdullayev: 650 min ağac əkmək gözəl təşəbbüsdür və ölkəmizin bütün vətəndaşları bu ideyanı dəstəkləməlidirlər
17 Oktyabr 15:15
18 oktyabr- Müstəqillik haqqında Azərbaycan Respublikasının Konstitusiya Aktının qəbuluna dair 5 tezis
17 Oktyabr 15:00
Akademik Zərifə Əliyeva adına Milli Oftalmologiya Mərkəzinin Şəki filialının rəsmi açılışı olacaq
17 Oktyabr 14:55
Doqquz ayda əsas kapitala 10,1 milyard manat yönəldilib
17 Oktyabr 14:41
Səbail rayonu ilə Litvanın Druskininkay şəhəri arasında qarşılıqlı əməkdaşlıq barədə protokol imzalanıb
17 Oktyabr 14:35
Sədaqət Vəliyeva: Azərbaycanda düşünülmüş uzunmüddətli siyasət ən yüksək səviyyədə həyata keçirilir
17 Oktyabr 14:30
Prezident İlham Əliyevin rəhbərliyi ilə həyata keçirilən siyasətin bəhrəsini hər bir Azərbaycan vətəndaşı öz həyatında hiss edir
17 Oktyabr 14:26
Əli Əhmədov: Azərbaycan Respublikası bütün dünyada ən uğurlu gənc dövlət hesab olunur
17 Oktyabr 14:17
Özbəkistan Bakı-Tbilisi-Qars dəmir yolu ilə yüklərin daşınma həcminin artırılmasında maraqlıdır
17 Oktyabr 14:09
“Gənclər sektorunun idarə edilməsi və gənclər siyasəti üzrə 1-ci Magistr proqramı”nın təqdimat mərasimi keçirilib
17 Oktyabr 14:07
Prezidentin media həssaslığı: islahatlara alternativ yoxdur
17 Oktyabr 14:02
Azərbaycan İqtisadi Əməkdaşlıq və İnkişaf Təşkilatının İnkişafa Yardım Komitəsində iştirakçı statusu qazanıb
17 Oktyabr 13:54
YAP İcra Katibliyində Azərbaycan Respublikasının Təhsil naziri Ceyhun Bayramov mətbuat konfransı keçirib
17 Oktyabr 13:49
YAP Gənclər Birliyinin sədr müavini beynəlxalq konfransda iştirak edib
17 Oktyabr 13:46
Parisdə Azərbaycan-Fransa regionlararası əməkdaşlığın inkişaf etdirilməsi üzrə İdarəetmə Komitəsinin ilk iclası keçirilib
17 Oktyabr 13:43
Bakı Ali Neft Məktəbi ilə Bahar Enerji Əməliyyat Şirkəti arasında Anlaşma Memorandumu imzalanıb
17 Oktyabr 13:37
Yüz milyon tirajla yayılan "China Daily" qəzeti AZƏRTAC-ın İdarə Heyəti sədrinin analitik məqaləsini dərc edib
17 Oktyabr 13:36
Müstəqillik Azərbaycan xalqının ən böyük sərvətidir
17 Oktyabr 13:31
“Heydər Əliyev: Azərbaycançılıq ideologiyası və mənəvi dəyərlər” kitabı nəşr olunub
17 Oktyabr 12:53
Bakı Şəhər İcra Hakimiyyəti obyekt rəhbərlərini paytaxtın yaşıllaşdırılmasına biganə qalmamağa çağırır
17 Oktyabr 12:49
Dağlıq Qarabağ bölgəsinin azərbaycanlı icmasının nümayəndələri ATƏT-in Minsk qrupunun həmsədrləri ilə görüşüblər
17 Oktyabr 12:45
Son 5 ildə 20 min gənc müəllim işə qəbul olunub
17 Oktyabr 12:38
Dünya Bankı və Beynəlxalq Valyuta Fondunun illik toplantısında Azərbaycana dair xüsusi təqdimat keçirilib
17 Oktyabr 12:36
NASA Ayın cənub qütbündə buz təbəqəsini axtaracaq yeni lunoxod hazırlayacaq
17 Oktyabr 12:29
Səfərbərlik və Hərbi Xidmətə Çağırış üzrə Dövlət Xidmətinin rəisi Sumqayıtda vətəndaşları qəbul edib
17 Oktyabr 12:24
Cəlilabadda minlərlə gəncin iştirakı ilə yürüş keçirilib
17 Oktyabr 12:19
Politoloq: Türk Şurasına üzvlük Özbəkistana Transxəzər marşrutuna inteqrasiya imkanı yaradır
17 Oktyabr 12:13
Ceyhun Bayramov: 84 yeni təhsil müəssisəsinin tikintisi və əsaslı təmiri həyata keçirilir
17 Oktyabr 12:07
Bakıdan Avropaya ilk dəfə dəmir yolu ilə birbaşa konteyner qatarı yola salınır
17 Oktyabr 12:02
Naxçıvanda “Müstəqillik işığında” adlı sərgi açılıb
17 Oktyabr 11:53
Növbəti ildən STEAM layihəsində iştirak edən şagirdlərin sayı 20 minə çatdırılacaq
17 Oktyabr 11:43
Prezident İlham Əliyev ATƏT-in Minsk qrupunun həmsədrlərini qəbul edib
17 Oktyabr 11:40
MDB dövlətlərinin əmək, məşğulluq və əhalinin sosial müdafiəsi üzrə Məşvərət Şurasına sədrlik bir illik müddətinə Azərbaycana keçib
17 Oktyabr 11:36
Ölkəmizdə ilk dəfə olaraq peşə təmayüllü siniflər yaradılıb
17 Oktyabr 11:26
Çində Asiya-Afrika Gənc Sahibkarlar Forumu işə başlayıb
17 Oktyabr 10:52
Bakı Slavyan Universitetinin kollektivi ulu öndər Heydər Əliyevin məzarını ziyarət edib
17 Oktyabr 10:45
Bakıda Neonatologiya üzrə Beynəlxalq Konqres keçirilir
17 Oktyabr 10:36
Azərbaycan ilə Belarus 146 milyon dollarlıq ticarət əməliyyatları aparıb
17 Oktyabr 10:34
Uğurlu Azərbaycanımız uğrunda
17 Oktyabr 10:18
UNESKO-nun baş qərargahında Nəsiminin anadan olmasının 650 illiyi təntənə ilə qeyd edilib
17 Oktyabr 10:08
Kamran Bayramov: “Ermənistan Şahbaz Quliyevi və Dilqəm Əsgərovu əsirlikdə saxlamaqla beynəlxalq humanitar hüququ kobud surətdə pozur”
17 Oktyabr 10:02
YAP Abşeron rayon təşkilatında “Qarabağ Azərbaycandır və nida işarəsi” mövzusunda “dəyirmi masa” keçirilib
17 Oktyabr 10:00
YAP Binəqədi rayon təşkilatında “Qarabağ Azərbaycandır və nida işarəsi” adlı tədbir keçirilib
17 Oktyabr 09:58
STEAM layihəsinin tətbiq olunduğu məktəbə mediatur təşkil edilib
17 Oktyabr 09:56
YAP Gədəbəy rayon təşkilatının İdarə Heyətinin növbəti iclası keçirilib

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
HAVA HAQQINDA
Bakı
gündüz+22 +26
gecə+16 +18