Ana səhifə »  Müsahibə »  Azərbaycan möhkəm təməl üzərində zirvələri fəth edir
A+   Yenilə  A-
Azərbaycan möhkəm təməl üzərində zirvələri fəth edir

YAP İdarə Heyətinin üzvü, YAP Qadınlar Şurasının sədri, Bakı Slavyan Universitetinin rektoru Nurlana Əliyeva www.yap.org.az saytına müsahibə verib:
- Nurlana xanım, hər bir ölkənin inkişafında elmin, təhsilin rolu inkaredilməzdir. Təsadüfi deyil ki, təhsil millətin gələcəyi kimi dəyərləndirilir. Bu mənada, rəhbərlik etdiyiniz Bakı Slavyan Universitetinin 70 illik fəaliyyətinə nəzər saldıqda onun dünəni, bu günü və gələcəyi barədə, həmçinin Azərbaycan təhsilinin inkişafında rolu haqqında nə deyə bilərsiniz?
- Hər bir ali təhsil müəssisəsinin fəaliyyətinin əhəmiyyəti, səmərəliliyi onun xalqın xidmətində nə dərəcədə dayanması - elmin, təhsilin inkişafına hansı səviyyədə töhfə verməsi ilə ölçülür. Əlbəttə, rəhbərlik etdiyim Bakı Slavyan Universitetinin timsalında deyə bilərəm ki, 70 illik yol bir ali təhsil ocağının səmərəli fəaliyyəti, milli inkişafa xidmət etməsi baxımından heç də az müddəti əhatə etmir. Məlumdur ki, Bakı Slavyan Universiteti bu ölkənin, millətin, xalqın ağır dövründə yaranıb. Böyük Vətən müharibəsindən sonrakı dövrü bir anlıq gözümüz önünə gətirsək, ölkənin nə dərəcədə ağır durumda olduğunu xatırlamış olarıq. Böyük Vətən müharibəsindən sonra Azərbaycanın yaşadığı digər problemlərlə barabər, maarifləndirmə işinə böyük ehtiyac yaranmışdı. Bu ehtiyacı ödəmək üçün ölkədə rus dilinin tədrisi məsələsi gündəmə gətirilmişdi. Orta ümumtəhsil məktəblərini rus dili müəllimləri ilə təmin etmək üçün bugünkü Bakı Slavyan Universiteti o zaman ikiillik M.F.Axundov adına Rus Dili və Ədəbiyyatı İnstitutu kimi yaradıldı. Sonralar 4, daha sonra 5 illik universitet kimi fəaliyyət göstərdi.
1991-ci ildə SSRİ-nin süqutundan sonra yeni situasiya ortaya çıxdı. Onu da deyim ki, 1990-cı ilin 20 Yanvar hadisələrində ittifaqın əsl siması göründü, işğalçı mövqeyi bəlli oldu. Həmin illərdə indiki Slavyan Universiteti (ovaxtkı Rus Dili və Ədəbiyyatı İnstitutu) bir təhsil müəssisəsi kimi öz əhəmiyyətini itirməyə başladı. 1993-cü ildən sonra universitetin bir müəllimi Ulu öndər Heydər Əliyevə məktub ünvanlamışdı ki, Çexiyadan, Slovakiyadan, Polşadan tələbələr rus dilini öyrənmək üçün bizə müraciət edirlər. Ulu öndər Heydər Əliyev M.F.Axundov adına Rus Dili və Ədəbiyyatı İnstitutunun bazasında Bakı Slavyan Universitetinin yaradılması ilə bağlı Sərəncam imzaladı. Bu Sərəncam İnstitutu tamamilə kökündən dəyişdi, ona yeni bir ruh, istiqamət, stimul verdi. Həmin illərdən bəri Bakı Slavyan Universitetinin nəzdində müxtəlif mərkəzlər yaradıldı. Hazırda 11 Tədris Mərkəzi fəaliyyət göstərir ki, bu mərkəzlərin ətrafında 300-ə yaxın əcnəbi tələbə toplanıb. Artıq həmin ölkələrin universitetləri ilə universitetimiz arasında çox sıx əlaqələr mövcuddur. Universitetdə 6 əcnəbi müəllim fənn tədris edir. Bizim də əməkdaşlarımız xarici ölkələrin universitetlərində fəaliyyət göstərirlər. Bu əlaqələrin yüksək səviyyədə qurulması tələbələrin biliklərə dərindən yiyələnmələrinə də öz müsbət təsirini göstərir. Həmin ölkələrin tələbələri, müəllimləri ilə birgə müştərək jurnallar, kitablar nəşr olunur, konfranslar təşkil edilir. Universitetimizin əməkdaşları bir neçə qrant layihəsinin qalibləri olublar. Hazırda bu ali təhsil ocağına maraq daha da artıb. Bu yaxınlarda universitetimizdə olan Polşanın, Rusiyanın, Çexiyanın, Slovakiyanın, Belarusun, Ukraynanın səfirləri tələbə-müəllim mübadiləsinin genişləndirilməsi ilə bağlı fikirlərini açıqladılar. Biz də əməkdaşlığın tərəfdarı olduğumuzu bildirdik.
Beləliklə, 70 illik fəaliyyəti Bakı Slavyan Universitetini bugünkü uğurlara gətirib çıxardı. Universitetə təyinatımdan artıq 5 ay keçib. Bu dövr ərzində ən önəmli hadisə o olub ki, V Beynəlxalq Humanitar Foruma qatılan müxtəlif ölkələrdən nümayəndə heyətləri arasında Bakı Slavyan Universitetinə maraq göstərənlər də çox oldu. ABŞ, Almaniya, Polşa, Paraqvay və digər ölkələrin nümayəndələri bizimlə əməkdaşlıqda maraqlı olduqlarını bildirdilər. Bu ölkələrin nüfuzlu mətbu orqanlarında Bakı Slavyan Universiteti ilə bağlı məqalələr dərc olundu. Təbii ki, bu, universitetimizin bugünkü nüfuzuna, əlaqələrimizin inkişaf səviyyəsinə işıq saldı.
Bakı Slavyan Universitetinin 70 illik yubileyinə müxtəlif ölkələrin, xüsusilə bizdə mədəniyyət mərkəzləri fəaliyyət göstərən ölkələrin nümayəndələrini dəvət etmişdik. Bu yubileyi böyük ruh yüksəkliyi, məsuliyyətlə keçirməyi qarşımıza məqsəd qoymuşduq. Çünki bu tədbir Bakı Slavyan Universitetinin dünəninə bir baxış, gələcək planlarının müəyyənləşdirilməsi üçün bir mənbə olmalıydı.
Təbii ki, məhdud çərçivədə keçilən 70 illik yolun geniş təhlilini vermək qeyri-mümkündür. 70 il dünənimiz, bu günümüz və gələcəyimizin əsasıdır. Bu reallığı unutmayaq ki, inkişaf üçün məqsəd, yeni-yeni hədəflər önəmlidir. Bakı Slavyan Universiteti bugünkü uğurlara doğru addım-addım irəliləyib. Məqsəd ölkəmizin bugünkü çoxsaylı ali təhsil ocaqları arasında özəlliyi qorumaq, yüksək ixtisaslı tələbələr yetişdirməklə inkişaf etmiş ölkələr sırasında addımlamaq hədəfini qarşıya qoyan Azərbaycanın davamlı uğurlarına töhfə verməkdir. Təbii ki, bu istəyimizə necə nail olmuşuq və olacağıq, bunu universitetin məzunları, bu gün müxtəlif sahələrdə çalışan mütəxəssislərimiz söyləyə bilərlər.
- Bakı Slavyan Universitetinə daxil olarkən foyedə diqqət çəkən çağırışlar, düşünürük ki, həm müəllim, həm də tələbə heyətinin qarşısında böyük məsuliyyət qoyur. Necə deyərlər, uğurlu başlanğıc davamlı uğurlar üçün stimuldur...
- Universitetin foyesində Ulu öndər Heydər Əliyevin və möhtərəm Prezidentimiz İlham Əliyevin elm, təhsil və biliklə bağlı fikirləri öz əksini tapıb. Qeyd olunduğu kimi, dünyada bütün qlobal məsələlərin həllində təhsilin, biliyin rolu inkaredilməzdir. Dövlətimizin başçısı cənab İlham Əliyevin 2011-ci ildə Gənclərin VI Forumunun iştirakçılarına təbrik məktubunda söylədiyi bu fikirləri xatırlatmaq istərdim: “Gənclərimizin əksəriyyəti böyük qürur hissi ilə deyə bilərlər ki, onlar artıq müstəqillik illərində formalaşmış nəslə mənsubdurlar. Azərbaycançılıq məfkurəsi ruhunda tərbiyə almış bu nəsil dövlətimizin iqtisadi və mədəni inkişafında mühüm rol oynayaraq ildən-ilə potensialının gerçəkləşdirilməsi üçün daha geniş imkanlar əldə edir”. Bəli, informasiya cəmiyyətinin bərqərar olması ilə əlaqəli proseslər sübut edir ki, müasirlik, yüksəkkeyfiyyətli təhsil və işgüzarlıq olan yerdə gəncliyə xas yenilikçi düşüncə sivilizasiyanın bütövlükdə simasını dəyişdirə bilər. Məhz bu keyfiyyətlərə söykənərək belə bir inam ifadə olunur ki, hazırda müasir dünyada qarşılaşdığımız bir çox problemlərin həlli məhz gəncliyin tükənməz enerjisi və qətiyyəti sayəsində həllini tapacaq.
Ümumiyyətlə, ölkəmizdə təhsilin səviyyəsi gündən-günə yüksəlir. Təhsilin səviyyəsinin zirvəsi yoxdur. Çünki o, elə bir prosesdir ki, yeniləşdikcə yeni məsələlər, metodlar, formalar, qanunlar meydana çıxır. Ona görə də deyə bilmərik ki, təhsil özünün ən yüksək zirvəsini fəth edib. Dünya təhsil sisteminin ən gözəl ənənələri Azərbaycanda tətbiq olunur. Bu gün bütün dünyanı bir-birinə yaxınlaşdıran, okeanın o tayında baş verən hadisələri bir anın içində Azərbaycana “gətirən” virtual aləm, sosial şəbəkələr bu gün təhsildə öz mövqeyini tutub. Yeni texnologiyalardan, kompüterlərdən, linqafon sistemindən yüksək səviyyədə istifadə olunur. Azərbaycanda elə universitetlər var ki, elektron sistemə keçib. Bu, o deməkdir ki, hər bir addım texniki təchizat vasitələri ilə həyata keçirilir. Bu gün Bakı Slavyan Universitetində gedən proses ölkədəki təhsil prosesinin yeniliklərindən təcrid olunmayıb. Həmin yeniliklərdən də istifadə edərək fəaliyyət göstəririk. Bu gün universitetin tədris auditoriyaları texniki vasitələrlə təchiz edilib. Müəllimlərimiz yeni texnologiyalardan istifadə etmək üçün kurslar keçib, sertifikatlar alıblar. Bu gün Baloniya prosesinin kredit sistemi universitetdə uğurla tətbiq olunur. Bir sözlə, tələbələrin təhsillərini lazımi səviyyədə davam etdirmələri üçün hər cür şərait mövcuddur. Hazırda bizim bir çox ali təhsil ocaqlarımızın adı dünyanın nüfuzlu universitetlərinin sırasında çəkilir. Çalışırıq ki, Bakı Slavyan Universiteti də həmin reytinqə daxil olsun. Universitetdə yüksək səviyyədə tədris prosesi həyata keçirilir. Ənənəvi dərslərdən uzaqlaşmaq, qeyri-ənənəvi dərsləri tətbiq etmək istiqamətində addımlar atılır. Tələbələrimizin təhsili ilə bağlı qeydiyyatımız vardır. Təbii ki, bu qeydlərimiz onlara yüksək təhsil vermək istəyimizdən irəli gəlir. İslahatlar aparılır. Bu yaxınlarda dekanlıqlar dəyişdirildi. Yaxın zamanlarda bu islahatlar kafedralarda aparılacaq.
Bütün bunlar ondan xəbər verir ki, təhsil dövlətin siyasətində prioritetdir. O ölkələrin təhsili inkişaf edir ki, orada cəmiyyətin özü də inkişaf edir. Təhsil inkişaf etməsə, dövlətin inkişafından danışmaq qeyri-mümkündür. Çünki bütün inkişafı labüd edən yüksək səviyyəyə sahib, kamil insandır. O insan Azərbaycan təhsilində, universitetlərimizdə yetişir. Dövlət də hər bir gəncin inkişafının qayğısına qalır. Bu istiqamətdə nə qədər Fərman və sərəncamlar imzalanıb, Dövlət proqramları təsdiqlənib. Gənclərimiz xarici ölkələrdə təhsil alırlar. O da məlumdur ki, universitetlərdə gənclərə stimul olaraq müxtəlif səviyyəli tədbirlər gerçəkləşdirilir. Ən yaxşı göstəricilər əldə edən tələbələr seçilir. Onların böyük auditoriya qarşısına çıxarılması və təqdimatının keçirilməsi, təbii ki, böyük stimuldur. Azərbaycan universitetlərinin maddi-texniki bazasının modernləşdirilməsi prosesi aparılır. Bizim universitetimizdə də həmin proseslər həyata keçirilir. Çalışırıq ki, müasir təchizatdan geri qalmayaq. Elmi-tədqiqat işlərində geniş modernləşdirmə siyasəti aparılır.
Bakı Slavyan Universitetinin həm saytı yenilənib, həm də inkişaf konsepsiyası hazırlanıb. Bu konsepsiyaya uyğun olaraq həyata keçirilən və keçiriləcək tədbirlər universitetimizin ən yaxşı ali təhsil ocaqları sırasına daxil olmasına, yüksək səviyyəli tədris və elm mərkəzinə çevrilməsinə yol açacaq.
- Nurlana xanım, 25 illik müstəqillik tarixinə malik olan Azərbaycanın bu gününü müstəqilliyimizin ilk illəri ilə müqayisə etdikdə sizdə hansı qənaət formalaşır?
- Müstəqilliyimizin ilk illərində yaşananlar tariximizin bir səhifəsidir. Təbii ki, 25 ilə nəzər salanda, bu səhifəni oxumamaq, onu vərəqləməmək mümkün deyil. 1993-cü ildə Ulu öndər Heydər Əliyev xalqın təkidli tələbi ilə hakimiyyətə qayıdanda Azərbaycan uçurum qarşısında idi. Müstəqilliyini itirmək, bir dövlət olaraq dünyanın siyasi xəritəsindən silinmək təhlükəsini yaşayırdı. Tarixi paralellər aparsaq, bu faktı da qeyd etməliyik ki, Ümummilli lider Heydər Əliyev hakimiyyətinin birinci dövründə də Azərbaycan üçün çox böyük işlər görmüşdür. Azərbaycanın strateji əhəmiyyət kəsb edən obyektlərini yaratmışdır. Ölkə ziyalılarına böyük qiymət vermişdir. Azərbaycanın dünya iqtisadiyyatında yerini müəyyənləşdirməkdən ötrü yeni metod və üsullar axtarmışdır. Ulu öndər Heydər Əliyev dünya siyasətində Öz yeri və rolu olan bir şəxsiyyət idi. İkinci dəfə hakimiyyətə qayıdanda Azərbaycan çox çətin durumda idi. Ölkəmizi o dövrün çətinliklərindən xilas edə biləcək şəxs yalnız Heydər Əliyev idi. Ölkədə separatizm baş qaldırmışdı. Vətəndaş müharibəsi yaşanırdı. Ayrı-ayrı qruplar formalaşmışdı. Həmin qruplar öz maraqlarına uyğun olaraq silahlanmışdı. Ordumuz yox vəziyyətində idi. Bir tərəfdən, Ermənistanın işğalçılıq siyasəti, digər bir tərəfdən də, ölkədaxili vəziyyət xalqın sabaha ümidini itirmişdi. Belə çətin məqamda xalq üzünü öz xilaskarına - Ulu öndər Heydər Əliyevə tutdu. Bax belə bir ağır zamanda dahi şəxsiyyət Heydər Əliyev hakimiyyətə qayıtdı. Bu qayıdış Azərbaycana bugünkü uğurları qazandırdı. Azərbaycan bütün istiqamətlər üzrə inkişaf, tərəqqi yoluna çıxdı. Daxili sabitlik ölkəmizlə iqtisadi əlaqələrin qurulmasında maraqlı olan dövlətlərin tərəddüdlərini aradan qaldırdı. 1994-cü ildə “Əsrin müqaviləsi” imzalandı. Ölkənin gələcəyi üçün mühüm strateji addımlar atıldı. Bütün bunlarla bərabər, ölkəmizin Milli Ordusu formalaşdırıldı. Azərbaycanın beynəlxalq aləmdə yeri və rolu artdı. Beynəlxalq təşkilatlara üzv qəbul olunmaqla həqiqətlərini dünya ictimaiyyətinə çatdırmaq imkanı əldə etdi.
Son 13 ildə Ulu öndər Heydər Əliyevin siyasi kursunun möhtərəm Prezidentimiz İlham Əliyev tərəfindən uğurla davam etdirilməsi nəticəsində Azərbaycan ən yüksək zirvələri fəth edir. Azərbaycanın iştirakçısı və təşəbbüsçüsü olduğu layihələr dövlətlər, xalqlar arasında dostluq, əməkdaşlıq körpüsü rolunu oynayır. İqtisadi tərəqqi ölkəmizin beynəlxalq münasibətlər sistemində yeri və rolunu da möhkəmləndirir. Bu gün yeganə problemimiz Ermənistan-Azərbaycan, Dağlıq Qarabağ münaqişəsidir. İşğal altında olan torpaqlarımızın sülh yolu ilə azad edilməsinə göstərilən səylər Azərbaycan dövlətinin sülhsevər siyasətinin təsdiqidir. Dövlətimizin başçısı cənab İlham Əliyev dünyanın ən nüfuzlu təşkilatlarının tribunasından bu bəyanatı səsləndirir ki, bir qarış torpağımız belə düşmənə verilməyəcək. Sülh danışıqları səmərə verməzsə, torpaqlarımızı digər yolla azad edəcəyik. Bu inama əsas yaradan, təbii ki, Azərbaycanın güclü və qüdrətli ordusudur. Bu il aprelin əvvəlində Ermənistan və Azərbaycan qoşunlarının təmas xəttində yaşananlar Azərbaycan Ordusunun gücünü bir daha dünyaya nümayiş etdirdi.
Azərbaycanın 25 illik müstəqillik tarixində keçdiyi inkişaf yolunun əsas bələdçilərindən biri də bu gün ev sahibliyi etdiyi müxtəlif sahələr üzrə beynəlxalq səviyyəli tədbirlərdir. Ev sahibliyi fikri bütün yazıların, məqalələrin ana xəttini təşkil edir. Bu, reallıqdır. Xatırlasaq, Azərbaycan ötən il ilk Avropa Oyunlarına ev sahibliyi etdi. Bütün dünyanın diqqətini ölkəmizə yönəltdi. Azərbaycanın yüksək səviyyədə təşkil etdiyi həmin tədbir dünyaya səs saldı. Bu möhtəşəmlik üçün, təbii ki, böyük dəstək, birlik, həmrəylik gərək idi. Bu da Azərbaycan xalqının birliyi, həmrəyliyi idi. Çünki dünyanın hansı nöqtəsindən ölkəmizə baxsaq, bu fikir böyük inamla qeyd olunur ki, Azərbaycanda xalq-iqtidar birliyi möhkəmdir, sarsılmazdır. Təbii ki, bu sarsılmazlığı dövlətimizin uğurlu siyasəti təmin edir. Azərbaycanın bu uğurlarına həsəd aparanlar oldu və bu həsəddən qısqanclıq hissləri də yarandı. Lakin bu baxışlara, yanaşmalara baxmayaraq, Azərbaycan tutduğu yolla inamla irəliləyir, multikultural dəyərlərin, tolerantlığın inkişafına öz davamlı töhfələrini verir. Dünyanın ən iri dövlətləri, təşkilatları Azərbaycanı dəstəkləyir. Bu gün ölkəmizdə keçirilən tədbirlər dövlətimizin siyasətini nümayiş etdirən amillərdəndir.
Ölkəmizdə tolerantlıqdan bəhs edərkən dərhal Azərbaycanın yerləşdiyi cografi məkan, ölkəmizdə bəşəri dəyərlərə verilən dəyər göz önünə gəlir. Bu günlərdə Bakı Slavyan Universitetində “Tolerantlıq günü”nə həsr olunmuş iki böyük tədbir keçirildi. Həmin tədbirlərdən birində universitetin müəllim-professor-tələbə heyəti iştirak etdi. Cəmiyyətin nüfuzlu ziyalıları həmin tədbirin iştirakçısı oldular. İkinci tədbir ümumrespublika tədbiri - tələbələrin elmi-praktik konfransı idi. Həmin tədbirdə tələbələr çox mühüm məsələləri gündəmə gətirmişdilər. Təhsil müəssisəsində, ailədə, cəmiyyətdə tolerantlıq nədir kimi suallara cavab axtarıldı. Bu sualların cavabları, sözsüz ki, dolğunluğu ilə diqqət çəkdi. Onlar üçün tolerantlıq ilk növbədə cəmiyyətimizdə insanların bir-birinə verdiyi dəyərdir, qiymətdir. Hisslərinə, dünyagörüşlərinə, dilinə, dininə hörmətlə yanaşmaqdır. Bu tolerantlığın kökləri ailələrdən gəlir. Ailədə də tolerantlığı qoruyub saxlamaq lazımdır. Əbəs yerə ailə kiçik dövlət kimi dəyərləndirilmir.
Təbii ki, bu tədbirləri xatırlatmağım səbəbsiz deyil. Bu, onu göstərir ki, ildən-ilə təkmilləşmə, yeniləşmə, modernləşmə gənclərimizin fəaliyyətində, həyatında da öz əksini tapır. Onlar günümüzün aktual məsələlərinə biganə yanaşmır, öz vətəndaşlıq mövqelərini ortaya qoyurlar. Digər tərəfdən, bu gün Azərbaycan inkişafın elə bir mərhələsindədir ki, harada yaşamasından, eyni zamanda, hansı kateqoriyaya aid olmasından asılı olmayaraq, bütün azərbaycanlılar bundan qürur hissi keçirirlər.
25 illik müstəqillik tarixinə malik olan Azərbaycanın bugünkü uğurlarının fonunda “Azərbaycan 2020: Gələcəyə baxış” İnkişaf Konsepsiyası həyata keçirilir. Qarşıdakı illərdə ölkəmizi inkişaf etmiş dövlətlər sırasında görmək istəyindəyik. Ulu öndər Heydər Əliyevin düzgün müəyyənləşdirdiyi siyasətin bu gün möhtərəm Prezidentimiz İlham Əliyev tərəfindən uğurla davam etdirilməsi nəticəsində Azərbaycanı daha möhtəşəm uğurlar gözləyir. Möhtərəm Prezidentimiz İlham Əliyevin Yeni Azərbaycan Partiyasının V qurultayında qeyd etdiyi kimi, bugünkü Azərbaycan Ulu öndər Heydər Əliyevin görmək istədiyi Azərbaycandır. O Azərbaycan ki, davamlı inkişaf yolunda addımlayır, islahatçı, xoşbəxt ölkə kimi nüfuz qazanıb, demokratiya təcrübəsi nümunə göstərilir, ən əsası, inkişafın Azərbaycan modelinin mövcudluğu beynəlxalq səviyyədə də təsdiq edilir.
- Siz, eyni zamanda, Yeni Azərbaycan Partiyası Qadınlar Şurasının sədrisiniz. Bu gün ölkəmizdə həyata keçirilən dövlət qadın siyasətini necə dəyərləndirirsiniz?
- Azərbaycanda qadınların ictimai-siyasi fəallığının artırılmasına, onların cəmiyyətin bütün sahələrində uğurla təmsil olunmalarına və digər məqsədlərə yönəlmiş qadınlar siyasətinin əsası xalqımızın Ümummilli lideri Heydər Əliyevin adı ilə bağlıdır. Hələ sovet Azərbaycanına rəhbərliyi dövründə qadınların ictimai fəallığının artırılması, onların təhsili, məşğulluğu, vəzifə pillələrində irəliləyişi üçün mühüm addımlar atan Ulu öndər Heydər Əliyev 1993-cü ildə dövlət rəhbərliyinə qayıdışından sonra bu xətti yeni məzmunda, müstəqillik dövrünün mahiyyətinə uyğun bir tərzdə davam etdirdi. Ulu öndərin ideyaları əsasında 1992-ci ilin noyabrında Azərbaycanın siyasi həyatında tarixi zərurət kimi meydana çıxan Yeni Azərbaycan Partiyası milli vəhdətə və bu prosesə öz töhfəsini vermək istəyən Azərbaycan qadınlarının birlik, bərabərlik ünvanı oldu.
Ulu öndərin 1993-cü ildə siyasi hakimiyyətə qayıdışından sonra qadınlarımız Onun milli inkişaf strategiyasının fəal dəstəkçiləri oldular. 1995-ci ildə Ulu öndərin tövsiyəsi ilə Yeni Azərbaycan Partiyasının mərkəzi və yerli təşkilatlarının tərkibində qadınlar şuralarının yaradılması böyük ictimai dəstəklə müşayiət olunurdu. Heydər Əliyevin siyasi ideyalarının arxasınca gedən Azərbaycan qadınlarının qabaqcıl üzvləri belə bir təşəbbüsü yaxından dəstəkləyir, bu şuranın işində fəal iştirak etmək üçün dəstə-dəstə Yeni Azərbaycan Partiyasının sıralarına gəlirdilər. Azərbaycan qadınlarının tarixdə ilk dəfə bu qədər böyük mütəşəkkilliklə bu prosesə qoşulmaları onların Ümummilli liderin həyata keçirdiyi müdrik siyasətə sonsuz inamının ifadəsi idi.
Ümummilli lider Heydər Əliyevin Azərbaycan qadınının cəmiyyətdəki roluna verdiyi dəyər və Azərbaycan qadınının Heydər Əliyev siyasətinə verdiyi yüksək dəstək ölkədə qadın fəallığı ənənələri tarixinə yeni salnamələr yazdı. Cəmiyyətdə qadınların mövqeyini möhkəmləndirmək üçün Ulu öndər Heydər Əliyevin 1998-ci ildə ilk dəfə olaraq Qadın Problemləri üzrə Dövlət Komitəsinin yaradılması barədə Sərəncamı bu istiqamətdə atılan tarixi addımlardan biri oldu. Bir məqamı xüsusi olaraq qeyd etmək istəyirəm ki, Azərbaycan qadını bu qiymətin və mənəvi məsuliyyətin işığında yeni əsrdə üzərinə düşən vəzifələri düzgün dəyərləndirərək Prezident İlham Əliyevin rəhbərliyi ilə həyata keçirilən siyasətin sayəsində əldə edilən çoxşaxəli inkişaf proseslərinə öz töhfələrini verməyə çalışır. Bu gün Azərbaycan qadını Prezident İlham Əliyevin həyata keçirdiyi siyasətdə övladlarının parlaq gələcəyini, özünün, doğmalarının stabil bir cəmiyyətdə güvənli, təhlükəsiz həyatını, həmçinin sosial rifah halının davamlı surətdə yaxşılaşmasını görür. Cənab İlham Əliyevin Prezidentliyi dövründə Azərbaycan qadını ilə bağlı olan problemlər dövlətin prioritet məsələlərindən ən ümdəsinə çevrildi, qadınların problemləri dövlət rəhbərliyinin ən yüksək diqqət və qayğısı ilə əhatə olundu.
Azərbaycan qadınının Prezident İlham Əliyevin həyata keçirdiyi siyasətə rəğbətini şərtləndirən ən əsas amillərdən biri də Azərbaycanın birinci xanımı, Heydər Əliyev Fondunun prezidenti, UNESCO-nun və İSESCO-nun xoşməramlı səfiri, Milli Məclisin deputatı Mehriban Əliyevanın şəxsində Azərbaycan qadınının layiq olduğu ən yüksək ictimai məqama, mənəvi zirvəyə yüksəlməsidir. Ümumiyyətlə, dünyada ən böyük məktəb hansısa dəyərli keyfiyyəti əxz etmək üçün bir insanın öz həyat və fəaliyyəti ilə yaratdığı şəxsi nümunədir. Mehriban xanım Əliyeva bu mənada Azərbaycan qadınları üçün müasir dünyamızda bəşəriyyətə faydalı olmağın yeni meyarlarını müəyyən edən parlaq örnəkdir.
Bir məqamı xüsusi olaraq diqqətinizə çatdırmaq istəyirəm: 2013-cü ilin 7 iyun tarixində Yeni Azərbaycan Partiyasının V qurultayında Mehriban xanım Əliyevanın şəxsində Azərbaycan qadınına böyük etimad göstərildi. Mehriban xanım Əliyevanın Yeni Azərbaycan Partiyası Sədrinin müavini seçilməsi ilə Azərbaycan qadınının siyasətdə təmsilçiliyinə böyük dəyər verildi və bu fakt qadınlarımızın Yeni Azərbaycan Partiyasına axınını daha da stimullaşdırdı. Çünki qadınlarımız bir daha dərk etdilər ki, YAP-ın üzvü olmaq şərəfdir, YAP-ı təmsil etmək böyük qürurdur.
- Nurlana xanım, yeni hədəflərdən bəhs etdik. Bu hədəflərin gerçəkləşməsində təhsilimizin, eyni zamanda, bir qadın siyasətçi olaraq Azərbaycan qadınının töhfələrini necə görürsünüz?
- Ölkə Prezidenti cənab İlham Əliyevin uğurlu siyasəti Azərbaycanın qarşısında yeni-yeni imkanlar açır. Bu baxımdan böyük inam və fəxrlə deyə bilərik ki, gələcəyimiz bundan da uğurlu olmalıdır. Çünki gələcəyimizin düzgün təməli qoyulub. Ölkəmizdə azərbaycançılıq ideologiyası hökm sürür. Bu gün gənclərimizin düzgün formalaşması istiqamətində ciddi addımlar atılır. Gənclərimizin daha geniş arenalara çıxması üçün böyük səylər göstərilir. Bugünkü inkişafı 20 il bundan öncə arzu edirdik. Artıq arzularımız gerçəkləşdikcə yeni-yeni hədəflər gündəmə gətirilir. Bu hədəflər Azərbaycanın uğurlu gələcəyi üçündür. Gələcəyimiz üçün isə gənclərimiz daha da inkişaf etməli, təhsilini yüksək səviyyədə qurmalıdır. Dahi şəxsiyyət Heydər Əliyev bildirirdi ki, təhsilimizin məqsədi gənc nəslə, uşaqlara təhsil verib onları gələcəyə hazırlamaqdır. Hər bir insan gərək, eyni zamanda, vətəndaş olsun. Mütləq vətəndaş olsun. Dövlətinə sadiq, millətinə sadiq, ənənələrinə sadiq, xalqına sadiq vətəndaş olsun. Belə bir vətəndaşın yetişməsində Azərbaycan qadınının, anasının məsuliyyəti böyükdür. Bu birliyin yeni hədəflərin gerçəkləşməsində öz payı var. Çalışırıq ki, bu pay daha da artsın.

 
  • Oxunub:  12090  |  
  • Tarix:  28-12-2016  |  
  •    Çap et   |  
Get Adobe Flash player
Prezident İlham Əliyev: Doqquz ayın sosial-iqtisadi göstəriciləri müsbətdir. İqtisadi artım təmin olunub

18 Oktyabr 22:17
Avropadakı diaspor təşkilatları Vətənimizə qarşı təxribatçı çağırışlara etiraz edir
18 Oktyabr 22:14
Azərbaycan XİN: Ermənistan danışıqlar prosesinin irəliləməməsinin əsl səbəbləri barədə düşünməlidir
18 Oktyabr 20:56
16 il: yeni mərhələdə yüksəlişin təminatçısı
18 Oktyabr 20:37
Qətərin yeni səfiri etimadnaməsinin surətini Azərbaycanın Xarici İşlər nazirinə təqdim edib
18 Oktyabr 20:30
Müstəqil Azərbaycan Respublikası hər bir soydaşımız üçün əsl qürur mənbəyinə çevrilib
18 Oktyabr 20:24
Energetika naziri və nazir müavinləri İmişli, Ağdam və Beyləqanda vətəndaşlarla görüşüb
18 Oktyabr 20:20
Ramin İsayev: SOCAR AQŞ özünün texniki qabiliyyətini və qiymət modelini ortaya qoyaraq bu rəqabətli tenderi qazanıb
18 Oktyabr 20:17
Çində Hərbçilərin 7-ci Dünya Oyunlarının açılış mərasimi keçirilib
18 Oktyabr 20:14
Qax gəncləri Dövlət Müstəqilliyi Gününü yürüş və fləşmobla qeyd ediblər
18 Oktyabr 20:11
Lənkəranda Dövlət Müstəqilliyi Günü ilə əlaqədar fləşmob keçirilib
18 Oktyabr 20:08
“Qarabağ Azərbaycandır və nida işarəsi” bəyanatı ağdamlı gənclərdə böyük ruh yüksəkliyi yaradıb
18 Oktyabr 20:03
Akademik Akif Əlizadə paleontologiyanın inkişafına verdiyi töhfələrə görə medalla təltif olunub
18 Oktyabr 20:00
Vüqar Rəhimzadə: Təkmil sosial-iqtisadi islahatlar Azərbaycanın davamlı inkişafını təmin edir
18 Oktyabr 19:50
Gənclər və İdman naziri Azad Rəhimov Şirvanda vətəndaşları qəbul edib
18 Oktyabr 19:40
BŞBPİ-nin idarə rəisi: Polis şəhərdə qanunsuz aksiyanın keçirilməsinə imkan verməyəcək
18 Oktyabr 19:33
Heydər Əliyev Fondu ilə UNİSEF arasında Anlaşma Memorandumu imzalanıb
18 Oktyabr 19:26
Rasim Quliyev: "Azərbayan xalqının ən böyük sərvəti onun müstəqilliyidir"
18 Oktyabr 19:23
YAP Qadınlar Şurasının nümayəndələri 18 Oktyabr Dövlət Müstəqilliyi Günü münasibətilə 3 saylı Uşaq Evini ziyarət edib
18 Oktyabr 17:47
YAP Gəncə şəhər təşkilatında ərazi ilk partiya təşkilatlarının sədrləri ilə görüş keçirilib
18 Oktyabr 17:41
Naxçıvan Muxtar Respublikası Ali Məclisində təltiflərin təqdimatı olub
18 Oktyabr 17:37
Yaponiya İmperatorunun taxta çıxma mərasimində Azərbaycanı Milli Məclis Sədrinin rəhbərliyi ilə nümayəndə heyəti təmsil edəcək
18 Oktyabr 17:27
Prezident İlham Əliyev Latviyanın sabiq Prezidenti Raymonds Veyonislə görüşüb
18 Oktyabr 17:25
Azərbaycanın müstəqilliyi uğrunda sağlamlığını itirmiş şəxslərə avtomobillər təqdim olunub
18 Oktyabr 17:23
Nüfuzlu "China Daily" qəzetində Çin-Azərbaycan münasibətlərinə dair məqalə çap olunub
18 Oktyabr 17:20
Şamaxıda "ASAN xidmət" mərkəzinin layihələndirilməsi və tikintisinin başa çatdırılmasına 20 milyon 335 min manatı ayrılıb
18 Oktyabr 17:05
Azərbaycan Respublikasının hüquq-mühafizə orqanlarının gənc əməkdaşlarının birinci Forumu keçirilib
18 Oktyabr 17:00
Məktəblərdə Dövlət Müstəqilliyi Günü qeyd olunub
18 Oktyabr 16:51
İlk dəfə Azərbaycanın turizm potensialı Sinqapurda təbliğ edilib
18 Oktyabr 16:50
Prezident İlham Əliyev Qaçqınların və Məcburi Köçkünlərin İşləri üzrə Dövlət Komitəsinin sədrini qəbul edib
18 Oktyabr 16:47
MSK bələdiyyə seçkilərinin dekabrın 23-də keçirilməsini qərara alıb
18 Oktyabr 16:43
Türkiyə XİN rəhbəri Azərbaycanı təbrik etdi
18 Oktyabr 16:40
Naqif Həmzəyev: Ölkədə gənclərdən ibarət peşəkar kadr potensialı formalaşıb
18 Oktyabr 16:38
Rauf Əliyev: Bu gün müstəqil Azərbaycan dünyada söz sahibi olan dövlətdir
18 Oktyabr 16:33
Yeni Azərbaycan Partiyası Pirallahı rayon təşkilatı "Diamed" şpris istehsalı zavodu ilk partiya təşkilatının təsis konfransı keçirilib
18 Oktyabr 16:25
İlham Məmmədov: Azərbaycan öz dinamik inkişafını bundan sonra da uğurla davam etdirəcək
18 Oktyabr 16:15
Azərbaycanda ilk dəfə dünyanın ən böyük hackathonu keçirilir
18 Oktyabr 16:11
Doqquz ayda dəmir yolu ilə 2,5 milyon sərnişin daşınıb
18 Oktyabr 16:08
Rabatda Azərbaycanın Dövlət Müstəqilliyi Günü münasibətilə rəsmi qəbul təşkil edilib
18 Oktyabr 15:36
Milli Məclisin Ailə, qadın və uşaq məsələləri komitəsinin növbəti iclası keçirilib
18 Oktyabr 15:05
Azərbaycanın dövlət müstəqilliyi: uğurlar və tarixi nailiyyətlər
18 Oktyabr 14:57
BMT İnsan Haqları Şurasına 14 yeni üzv seçilib
18 Oktyabr 14:44
18 oktyabr 1991-ci il - Naxçıvandan başlanan müstəqillik uğrunda siyasi mübarizənin təntənəsi
18 Oktyabr 14:39
“Qarabağ Azərbaycandır və nida işarəsi” mövzusunda dəyirmi masa keçirilib
18 Oktyabr 14:35
XİN: Azərbaycan hər zaman Ukraynanın etibarlı və yaxın dostu olub
18 Oktyabr 14:27
Azərbaycan ilə Namibiya arasında diplomatik münasibətlərin yaradılmasına dair Birgə Kommunike imzalanıb
18 Oktyabr 14:15
Siyavuş Novruzov: Biz müstəqil dövlətimizə xidməti sözdə deyil, əməlimizlə təsdiq edirik
18 Oktyabr 14:11
Fəzail İbrahimli: 18 oktyabr 1991-ci il Azərbaycan tarixində mühüm yer tutur
18 Oktyabr 14:10
YAP İcra Katibliyində 18 Oktyabr Azərbaycan Respublikasının Müstəqillik Gününə həsr olunmuş gənc memarların yaradıcılıq sərgisi keçirilib
18 Oktyabr 13:58
Fəxri ad almış bir qrup mədəniyyət xadiminə orden və medallar təqdim olunub
18 Oktyabr 13:55
Düşənbədə MDB gömrük orqanlarının əməkdaşlıq məsələləri müzakirə edilib
18 Oktyabr 13:01
“Yaşıl dalğa” ekoloji hərəkatının növbəti aksiyası keçirilib
18 Oktyabr 12:45
1991- ci il oktyabrın 18-i müasir Azərbaycan dövlətçiliyi tarixində mühüm səhifələrdən biridir
18 Oktyabr 12:41
Özünüməşğulluq proqramı iştirakçılarının əl işlərindən ibarət sərgi-satış yarmarkası keçirilir
18 Oktyabr 12:37
Yenilənmiş Azərbaycana yeni müxalifət lazımdır: radikal və dağıdıcı müxalifətdən qurtuluşun zamanı yetişib
18 Oktyabr 12:15
“The American Interest” nəşri Azərbaycanda islahatlardan yazıb
18 Oktyabr 12:06
Ukrayna telekanalında Azərbaycanla bağlı geniş veriliş yayımlanıb
18 Oktyabr 11:57
Ağsaqqallar Şurasının sədri Dövlət Müstəqilliyi Günü münasibətilə Azərbaycan xalqını təbrik edib
18 Oktyabr 11:55
Azərbaycanda 18,1 milyard kilovat/saatdan çox elektrik enerjisi istehsal edilib
18 Oktyabr 11:48
Parlamentlərarası İttifaqın komitə iclasında humanitar fəlakət mövzusunda müzakirələr aparılıb
18 Oktyabr 11:44
Sahibə Qafarova: Bu gün Azərbaycan dünyanın ən islahatçı ölkələri sırasında yer alır
18 Oktyabr 11:33
Tural Gəncəliyev: Minsk Qrupu ermənilərə təsir etməlidir ki, qanunsuz, cinayətkar fəaliyyətlərinə son qoysunlar
18 Oktyabr 11:29
Yeni Azərbaycan Partiyasının Laçın Rayon Təşkilatında “Qarabağ Azərbaycandır və nida işarəsi” adlı tədbir keçirilib
18 Oktyabr 11:24
“TÜRKSOY-25: şərəfli yolun astanasında” kitabı işıq üzü görüb
18 Oktyabr 11:08
Metrodan istifadə edənlərin sayı artıb
18 Oktyabr 11:01
İsveçrədən geniş tərkibli nümayəndə heyəti Azərbaycana gələcək
18 Oktyabr 10:58
Türkdilli xalqların teatr ənənələri və onların modifikasiya problemləri müzakirə olunub
18 Oktyabr 10:20
Birinci vitse-prezident Mehriban Əliyeva Dövlət Müstəqilliyi Günü münasibətilə Azərbaycan xalqını təbrik edib
18 Oktyabr 10:07
Prezident İlham Əliyev: Doqquz ayın sosial-iqtisadi göstəriciləri müsbətdir. İqtisadi artım təmin olunub
18 Oktyabr 10:06
18 Oktyabr Azərbaycanın Dövlət Müstəqilliyi Günüdür
18 Oktyabr 10:02
Muxtar respublikada payızlıq taxıl əkini aparılır

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
HAVA HAQQINDA