Ana səhifə »  Müsahibə »  Xalqın alternativsiz lideri olan İlham Əliyev yeni inkişaf mərhələsinin banisidir
A+   Yenilə  A-
Xalqın alternativsiz lideri olan İlham Əliyev yeni inkişaf mərhələsinin banisidir

Milli Məclisin deputatı Bəxtiyar Sadıqov www.yap.org.az saytına müsahibə verib:
- Bəxtiyar müəllim, prezident seçkilərinə bir aydan da az vaxt qalır. Seçki kampaniyasının gedişatı barədə nə deyə bilərsiniz?
- Hər bir demokratik ölkədə vətəndaşların cəmiyyətin ictimai-siyasi həyatında, dövlət işlərində iştirakının ən kütləvi forması seçkilərdir. Adətən vətəndaşlar dövlətin idarə edilməsində iştirak hüquqlarını əsas etibarilə seçki vasitəsilə reallaşdırırlar. Seçkilərin əsas şərti isə ədalət, aşkarlıq, şəffaflıq və obyektivlikdir. Demokratiya və vətəndaş cəmiyyəti quruculuğu yoluna sadiqliyini bəyan etmiş Azərbaycan xalqı da legitim, qanuni hakimiyyətin formalaşdırılmasının yeganə yolunu məhz demokratik seçkilərdə görür.
Azərbaycan Respublikası Prezidentinin 5 fevral 2018-ci il tarixli Sərəncamı ilə prezident seçkiləri bu il aprel ayının 11-nə təyin edilib. Artıq Mərkəzi Seçki Komissiyası seçkilərin hazırlanıb keçirilməsi üzrə əsas hərəkət və tədbirlərin Təqvim Planını təsdiqləyib. Bu plana uyğun olaraq əsas hərəkət və tədbirlər davam edir. Artıq namizədin qeydə alınması üçün zəruri olan seçki sənədlərinin Mərkəzi Seçki Komissiyasına təqdim edilməsi mərhələsi başa çatıb, seçici siyahıları dəqiqləşdirilib. Həmçinin bir sıra KİV-lər ödənişli seçkiqabağı təşviqata qoşulmaları ilə bağlı MSK-ya məlumatlarını təqdim ediblər. O cümlədən “Azərbaycan” qəzeti qanunvericiliyə əsasən öz səhifələrində namizədlər üçün həm ödənişsiz, həm də ödənişli yer ayırır.
İstənilən seçkilərin ədalətli, təmiz və şəffaf həyata keçirilməsi həmin ölkədə cəmiyyətin demokratik mühitinin yüksək olması mənasını verir. Azərbaycanda vətəndaşların seçki hüquqları yüksək səviyyədə təmin olunur. Seçkilərin azad və sərbəst şəkildə həyata keçirilməsi məqsədilə müasir tələblərə uyğun qanunvericilik bazası da mövcuddur. Bununla yanaşı, seçkilərin keçirilməsi üçün lazımi şərait yaradılıb, seçki komissiyaları müasir texniki avadanlıqlarla təchiz edilib. Bu mənada qarşıdan gələn prezident seçkiləri bütün müasir və demokratik standartlara uyğun keçiriləcək.
- Prezident seçkiləri ərəfəsində ölkəmizdəki siyasi-ictimai, sosial-iqtisadi vəziyyəti necə dəyərləndirərdiniz?
- Artıq neçə onilliklərdir ki, planetin müxtəlif yerlərində müxtəlif səbəbləri olan münaqişələr, müharibələr hökm sürür. Bunlardan başa çatanı olsa da, bir başqa yerdə yeni müharibə ocağı yaranır. Nəticə etibarilə bütün müharibələr xalqların taleyində dərin iz buraxır, ona ağır maddi və mənəvi zərbə vurur, məhrumiyyətlərə düçar edir.
Lakin dünyada cərəyan edən iqtisadi böhranlara, qlobal siyasi və sosial kataklizmlərə baxmayaraq, Azərbaycan bu coğrafiyanın “sabitlik adası” və inkişaf ünvanı kimi qalmaqdadır. Respublikamız siyasi, sosial-iqtisadi və digər sahələrdə nail olduğu sıçrayışlı yüksəlişlə, o cümlədən yerləşdiyi məkanın siyasi və iqtisadi imkanlarından səmərəli formada yararlanmaqla Cənubi Qafqazın aparıcı dövlətinə çevrilib. Hər ötən il Azərbaycanın artan gücünü və imkanlarını dünyaya nümayiş etdirir, ölkəmizin beynəlxalq imicini artıran mühüm hadisələr kimi tariximizə qızıl hərflərlə yazılır.
Hazırda Azərbaycan sabitlik, əmin-amanlıq, ictimai asayişin təmin olunması baxımından dünyanın həsəd aparacağı ölkələrdən biridir. Ulu öndər Heydər Əliyevin yaratdığı bu sabitlik ildən-ilə daha da möhkəmlənib və bugünkü nümunəvi səviyyəyə çatıb. Azərbaycanın keçdiyi inkişaf yolunun da təməlində dayanan fundamental əsaslardan biri dayanıqlı sabitlikdir. Bu mənada ictimai-siyasi sabitlik və əmin-amanlıq Azərbaycanın inkişafının təməl prinsiplərindən biri kimi qeyd olunmalıdır. Bu reallığı ölkəmizdəki inkişafı və müsbət dəyişiklikləri müşahidə edən bütün beynəlxalq strukturlar da etiraf edirlər.
Sosial-iqtisadi sahəyə gəldikdə isə, qlobal böhranın fəsadlarına baxmayaraq, respublikamızın iqtisadiyyatı son iki ildə yenidən inkişaf göstəriciləri nümayiş etdirir. Məlum olduğu kimi, bir neçə il əvvəl beynəlxalq səviyyədə baş verən mürəkkəb iqtisadi proseslər qlobal iqtisadiyyata sıx bağlanmış Azərbaycanın da iqtisadi həyatına təsirsiz ötüşmədi. Çətin iqtisadi dövr olmasına rəğmən Azərbaycan bu müddətdə iqtisadi dayanıqlılığını qoruyub saxlaya bildi. Həyata keçirilən islahatlar nəticəsində iqtisadiyyatımız yeni keyfiyyət mərhələsinə daxil olub. Təbii ki, bu inkişaf, o cümlədən maliyyə imkanlarının çoxalması digər sahələrin də yüksəlişinə yol açır, insanların həyatı əhəmiyyətli dərəcədə dəyişir. Görünən odur ki, Azərbaycan iqtisadi böhranı uğurla və layiqincə dəf edib. Artıq iqtisadi inkişaf əvvəlki axarına qayıdıb və hər rübdən-rübə ölkəmizdə iqtisadi artım qeydə alınır.
Prezident İlham Əliyevin həyata keçirdiyi qətiyyətli siyasətin parlaq nəticələrindən biri ondan ibarətdir ki, il ərzində Azərbaycana qarşı məlum xarici siyasi dairələr, onların maraqlarına xidmət edən təşkilatlar tərəfindən aparılan qara piara, ölkəmizə qarayaxma cəhdlərinə baxmayaraq, Azərbaycan, sözün əsl mənasında, tam müstəqil siyasət yürüdür. Bəli, müstəqil Azərbaycan dövlətinin öz siyasi dəst-xətti, dövlətçilik siması, inkişaf yolu var. Ölkə iqtidarının milli maraqlara əsaslanan siyasəti, iqtisadi inkişaf və demokratikləşdirmə, hüquqi dövlət quruculuğu, effektiv diplomatiya istiqamətində ardıcıl və məqsədyönlü fəaliyyəti məhz həyata keçirilən müstəqil siyasətimizdən qaynaqlanır.
Son ayların ictimai-siyasi proseslərinin çox vacib məqamlarından biri ölkəmizdə apreldə keçiriləcək prezident seçkiləri ilə əlaqədar siyasi arenada canlanmanın hiss olunmasıdır. Bu da təbiidir. Çünki seçkilər hər bir demokratik ölkənin həyatında mühüm siyasi hadisə sayılır. Təəssüf ki, biz bu dönəmdə də Azərbaycana qarşı bəlli siyasi mərkəzlərin həyata keçirmək istədikləri qarayaxma cədlərini görürük. Bu gün Azərbaycanda heç bir antimilli qüvvənin fəaliyyətinə yer yoxdur. Ölkəmizi qarışdırmaq, burada “ərəb baharı”, “rəngli inqilablar” etmək istəyənlərin hamısının niyyəti gözündə qalıb. İndi həmin qüvvələr öz antiazərbaycançı əməllərini sosial şəbəkələr vasitəsilə reallaşdırmaq istəyirlər. Lakin Azərbaycan cəmiyyəti ayıqdır. Ölkəmizdə vətənpərvər, dövlətçilik amallarını rəhbər tutan gənclər ordusu var və bütövlükdə cəmiyyətin bütün təbəqələri Azərbaycana qarşı həyata keçirilən qərəzli kampaniyaların qarşısını almaq üçün lazım olan anda sipərə çevrilməyi, Prezident İlham Əliyevin ətrafında səfərbər olmağı bacarırlar. Bax, bu, bizim ən böyük uğurumuzdur. Məhz cəmiyyətimizin həmrəyliyi, monolitliyi xarici təzyiq cəhdlərinin qarşısının alınmasında, dövlətçiliyimizin qüdrətlənməsində, müstəqilliyimizin möhkəmlənməsində əsas amillərdən biridir.
Beləliklə, Azərbaycanda növbəti prezident seçkiləri ərəfəsində cəmiyyətimizin iqtisadi, ictimai-siyasi, mənəvi-psixoloji durumu və mənzərəsi kifayət qədər ürəkaçandır. Ən başlıcası isə, insanlar ölkəmizin inkişafının davamlı olduğunu bilir və bu inkişaf fonunda onların gələcəklə bağlı optimist hissləri formalaşır. Bu da ölkənin ictimai-siyasi mənzərəsini səciyyələndirən vacib cəhətlərdən biridir. Bir sözlə, mövcud ictimai-siyasi mənzərə Azərbaycanda prezident seçkiləri ərəfəsində özündə yüksək əhval-ruhiyyəni ehtiva edir.
Bu gün Azərbaycan cəmiyyətini narahat edən yeganə məsələ torpaqlarımızın bir qisminin işğal altında olmasıdır. Dağlıq Qarabağ münaqişəsinin bu günə qədər məhz Ermənistanın işğalçı siyasətindən əl çəkməməsi və dünyadakı ikili standartlar, o cümlədən erməni təəssübkeşliyi səbəbindən nizama salınmaması hər bir vətəndaşımızı dərindən narahat edir.
- Yeni Azərbaycan Partiyası son qurultayında milyonların arzusunu ifadə edərək cənab İlham Əliyevin prezidentliyə namizədliyini irəli sürdü. “Niyə məhz İlham Əliyev” sualını Azərbaycan seçicisi üçün necə şərh edərdiniz?
- Bundan əvvəl səsləndirdiyim fikirlər hesab edirəm ki, həm də bu suala tam olmasa da, müəyyən mənada cavab verir. Çünki bu gün Azərbaycan cəmiyyətində mövcud olan sabitlik və inkişaf, ilk növbədə, cənab İlham Əliyevin Prezident kimi fəaliyyətinin uğurlarıdır.
2003-cü ilin prezident seçkilərində xalqın etimadını qazanan cənab İlham Əliyev Heydər Əliyev siyasi kursunun layiqli davamçısı kimi hakimiyyət sükanı arxasına keçdi. Bu, son dərəcə məsuliyyətli və çətin bir dövr idi. Doğrudur, Ulu öndər Heydər Əliyevin nəhəng fəaliyyəti sayəsində bir çox zəruri işlər görülmüşdü. Belə ki, müstəqil dövlətin yeni Konstitusiyası qəbul edilmiş, özəlləşdirmə proqramları icra olunaraq bazar iqtisadiyyatı münasibətlərinə keçid təmin edilmiş, Azərbaycan beynəlxalq qurum və təşkilatlara üzvlüyə qəbul olunmuş, müharibədə atəşkəs, ölkədə möhkəm və dönməz sabitlik yaradılmış, “Əsrin müqaviləsi” imzalanaraq Bakı-Tbilisi-Ceyhan əsas ixrac boru kəmərinin inşasına başlanmışdı və s. Lakin başlanan işlərin uğurla sona çatdırılmasının, bütövlükdə Ulu öndərdən sonra ölkəyə rəhbərlik edilməsinin məsuliyyət yükü də ağır idi. Digər tərəfdən, müasir dövrün tələb və çağırışlarına uyğun olaraq inkişafın yeni istiqamətlərini düzgün müəyyənləşdirmək, gözlənilən neft gəlirlərindən səmərəli istifadə hesabına qısa zamanda bütün sahələrdə yüksəlişə nail olmağın da özünəməxsus çətinlikləri vardı.
Azərbaycanın müstəqilliyi ilə barışmaq istəməyən düşmən qüvvələr isə hələ də mənfur niyyətlərindən əl çəkmirdilər və “5-ci kolon”la birləşərək məqam gözləyirdilər. Onlar 2003-cü ilin prezident seçkilərindən dərhal sonra - 15-16 oktyabrda küçələrə çıxaraq yenidən ölkəni xaos və anarxiya bataqlığına çəkməyə can atdılar, kütləvi iğtişaşlar və zorakılıqlar törətdilər.
Bu, həm də yenicə seçilən, lakin hələ rəhbərliyə başlamayan yeni Prezident üçün bir sınaq sayılırdı. İlk sınaqdan cənab İlham Əliyev şərəflə çıxdı, dövlət və dövlətçiliyi bəd niyyətlərdən qorumağa qadir qətiyyətli və qorxmaz dövlət başçısı olduğunu sübuta yetirdi! Hakimiyyətə başladığı ilk günlərdən isə bəyan etdiyi prinsiplərə sədaqətini göstərdi. Müəllifi olduğu “Düşünülmüş, sürətli və davamlı inkişaf” konsepsiyasına uyğun olaraq inkişafın Azərbaycan modelini yaratdı və zaman-zaman bu istiqamətdə cəsarətli islahatlara yer verdi. Regionların sosial-iqtisadi inkişafına dair üç Dövlət Proqramı imzalayaraq edilən əlavələrlə birlikdə uğurla həyata keçirilməsinə nail oldu! Gərgin, çoxcəhətli və genişmiqyaslı fəaliyyət nəticəsində qısa zaman kəsiyində Azərbaycan iqtisadiyyatı indiyədək görünməmiş səviyyəyə yüksəldi!
Ərazisinin beşdəbir hissəsi düşmən işğalında olan heç bir dövlət 15 il ərzində öz iqtisadiyyatını üçqat artıra, ən yüksək artım tempinə nail ola, enerji, nəqliyyat və ərzaq təhlükəsizliyini təmin edə bilməyib. Bunu təkcə biz demirik. Dünyanın mötəbər qurum və təşkilatlarının açıqladıqları nüfuzlu araşdırmaların hesabatları təsdiq edir. Məsələn, Azərbaycan 2018-ci il üzrə Dünya İqtisadi Forumunun ənənəvi inklüziv indeksində inkişaf edən ölkələr arasında üçüncü yerə layiq görülüb. Həm də Norveç, İslandiya və Lüksemburqun - Avropa dövlətlərinin başçılıq etdikləri siyahıda belə yüksək yer tuta bilmişik. Dünyanın heç yerində açıq okeana çıxışı olmayan ölkə qısa zamanda regional nəqliyyat dəhlizinə çevrilməyib. Amma Azərbaycan bunu bacarıb. Böyük İpək Yolunu bərpa etməklə, “Şərq-Qərb” və “Şimal-Cənub” nəqliyyat dəhlizini yaratmaqla, nəhayət, Bakı-Tbilisi-Qars dəmir yolunu çəkib işə salmaqla! Əslində, Bakı-Tbilisi-Qars dəmir yolu regionun nəqliyyat xəritəsini büsbütün dəyişib. Təhlükəsizliyi ilə diqqət çəkən bu yol həm də Çindən Avropaya olan ən qısa marşrutdur. Çünki əvvəllər bu məsafənin qət edilməsinə 30-35 gün sərf edilirdisə, indi iki həftə kifayətdir.
Heç bir dövlət az vaxtda təkcə özünə deyil, yaxın qonşularına, Avropaya və dünyanın digər dövlətlərinə uzun müddət fayda gətirəcək transmilli layihələrin təşəbbüsçüsü, maliyyələşdirəni və gerçəkləşdirəni missiyasını üzərinə götürərək onu uğurla həyata keçirməyib. Əvvəlcə Bakı-Tbilisi-Ceyhan əsas ixrac neft kəməri vasitəsilə Azərbaycan nefti birbaşa dünya bazarına çıxarıldı. 2017-ci ildə “Əsrin müqaviləsi” “Yeni əsrin müqaviləsi”nə çevrilərək özünün və kəmərin ömrünü daha 30 il uzatdı. Bakı-Tbilisi-Ərzurum qaz kəməri ölkəmizin həm də təbii qaz ixracatçısı olduğunu göstərdi, nəhəng logistika mərkəzinə çevrilən paytaxt Bakı isə yaxın və uzaq qonşularına, dostlarına əsrlər boyu fayda gətirəcək beynəlxalq layihələri reallaşdırdı, yükdaşımalara çəkilən xərcləri azaltmaqla zamana da “qənaət” edilməsinə imkan yaratdı.
Müharibə vəziyyətində olan dövlətin qısa müddətdə öz paytaxtını, habelə ölkə ərazisindəki bütün yaşayış məntəqələrini yenidən tikib-qura, təzələyə və abadlaşdıra bilməsi mümkün deyil. Amma Azərbaycan bunu etdi. Ölkəmizə gələn əcnəbi turistlər və qonaqlar az vaxtda əsaslı şəkildə dəyişərək hüsnünü gözəlləşdirən Bakıya valeh olduqlarını gizlətmirlər. Yeni salınan magistral yollar, körpülər, yol aşırımları hərəkətin sürətini və təhlükəsizliyini dəfələrlə artırmış, kəndarası yolların təzələnməsi insanların rahatlığına və vaxta qənaət etməsinə şərait yaratmışdır. Son 15 ildə ölkə üzrə 15 min kilometrdən çox yol çəkilmişdir. Regionların sosial-iqtisadi inkişafına dair uğurla icra edilən üçüncü Dövlət Proqramı yeniləşmənin davamlılığını göstərən başlıca amildir.
On beş il əvvəl regionlarda uzun fasilələrlə elektrik enerjisi alan, təbii qaza həsrət qalan Azərbaycan vətəndaşları artıq bu problemlərdən qurtularaq rahatlığa çıxmışlar. Müstəqillik illərində 24 elektrik stansiyası tikib istifadəyə verən ölkəmiz isə qaz və elektrik enerjisi idxalçısından ixracatçısına çevrilmişdir.
Hazırda Azərbaycanın kosmik orbitdə iki peyki uçur. Bu peyklər ölkəmizə və başqa dövlətlərə telerabitə xidməti göstərməklə bərabər, bizi, həm də dövlətimizi əhəmiyyətli informasiya ilə təmin edir.
Dünyanın heç yerində cəmi 25 yaşı olan gənc dövlətə ən məsul idman yarışını keçirmək etibar edilməyib. Azərbaycan bu məsuliyyəti cəsarətlə üzərinə götürdü, ilk dəfə keçirilən I Avropa Oyunlarının təşkilatçısı qismində çıxış etdi. Özü də bu tədbiri elə bir səviyyədə keçirdi ki, onun müəyyən etdiyi standartları ötüb keçmək yəqin ki, kimsəyə nəsib olmayacaq. Üstəlik, bir sıra imkanlı dövlətləri arxada qoyaraq Avropa idman yarışmasının ikincisi oldu.
I Avropa Oyunlarından sonra IV İslam Həmrəyliyi Oyunları keçirildi, eyni zamanda yarım milyarddan çox tamaşaçısı olan “Formula-1” yarışmasına start verildi. Həm də azarkeşlərin tam rahatlığını və təhlükəsizliyini təmin etməklə, idmançılara, hakimlərə, qonaqlara və digər iştirakçılara rahat şərait yaratmaq və boş vaxtlarını səmərəli keçirməyə yardım göstərməklə!
İndiyədək heç bir dövlət bir milyondan çox qaçqın və məcburi köçkün vətəndaşına sahib çıxaraq onlar üçün hər bir şəraiti və rahatlığı olan qəsəbə və yaşayış kompleksləri salmayıb, təmirli evlər və mənzillər inşa etməyib. Bu gün 500 milyonluq Avropa bir milyon qaçqın və miqrantın öhdəsindən gələ bilmir, onların yolunu tikanlı məftillərlə kəsir, itlərlə qarşılayır, qayıqlarını dənizdə batırır, sığınacaqlarına od vurub yandırır. Azərbaycanda isə indiyədək bu məqsədlə 6 milyard dollardan çox vəsait xərclənib.
Siyasi islahatları iqtisadi cəhətdən təmin etmədən uğur qazanmaq mümkün deyil. Bu fikri dəfələrlə qeyd edən cənab İlham Əliyev Azərbaycanın siyasi nüfuzunun yüksəlməsini, beynəlxalq imicinin formalaşmasını daim diqqətində saxlayır, məqsədə çatmaq üçün müxtəlif forma və vasitələrdən məharətlə istifadə edir.
Prezident İlham Əliyevin fəaliyyətində iqtisadiyyatla siyasətin sıx bağlılığı öz əksini tapmışdır. Daxili və xarici siyasət daim bir-birini davam etdirir və tamamlayır. Azərbaycan xalqı hazırkı iqtidarın gördüyü işləri daim bəyənir və dəstəkləyir. Bunu beynəlxalq reytinq təşkilatlarının hər il ölkəmizdə bir neçə dəfə keçirdiyi sorğular da təsdiq edir. Hər belə sorğuların nəticəsində cənab İlham Əliyevin 90 faizdən çox səs topladığı elan edilir. Ölkə daxilində xalqın rifahının yüksəlməsinə və müstəqil dövlətimizin daha da güclənməsinə və qüdrətlənməsinə hesablanan siyasət ölkə xaricində xalqın milli maraqlarının qorunmasına və Azərbaycanın dünyada söz sahibinə çevrilməsinə xidmət edir.
Məhz cənab İlham Əliyevin rəhbərliyi ilə görülən işlərin nəticəsidir ki, Azərbaycan 155 dövlətin dəstəyi ilə BMT Təhlükəsizlik Şurasına üzv seçildi. Bu gün ölkəmiz dünyanı düşündürən və narahat edən qlobal məsələlərin müzakirə olunduğu məclislərin daimi iştirakçısıdır.
Məhz bunlardan çıxış edərək fevralın 5-də 1 milyon 500 min üzvü və 16901 ilk təşkilatı ətrafında birləşdirən Həmkarlar İttifaqları Konfederasiyası, fevralın 8-də isə Cənubi Qafqazın ən böyük siyasi təşkilatı, 700 mindən çox insanı ətrafında birləşdirən Yeni Azərbaycan Partiyası təşkilatın Sədri İlham Əliyevi prezidentliyə namizəd kimi irəli sürdü. Təbii ki, bu sosial sifariş təkcə adıçəkilən təşkilatların deyil, Azərbaycan xalqının mövqeyinin ifadəsi idi. Bu, İlham Əliyevin alternativsiz lider olduğunun təsdiqi idi. Çünki cənab İlham Əliyevin alternativsiz lider olması bir sıra əhəmiyyətli məqamlara söykənir. Ölkəmizdə uzun illərdir mövcud olan ictimai-siyasi sabitlik, dövlətin nüfuzu, iqtisadi qüdrətinin yüksəlməsi, dünya siyasi arenasında söz sahibinə, Cənubi Qafqazın isə lider dövlətinə çevrilməsi, məhz cənab İlham Əliyevin müstəqil siyasətinin, gərgin əməyinin nəticəsidir.
Azərbaycan seçicisi bütün bunları görür və layiqincə qiymətləndirir. Təsadüfi deyil ki, ötən hər prezident seçkisi seçicilərin mütləq əksəriyyətinin öz səslərini cənab İlham Əliyevə verməsi ilə yadda qalıb. İnkişaf proseslərinin davamlı olmasını arzulayan Azərbaycan xalqı hər dəfə seçkilərdə İlham Əliyevə dəstəyini nümayiş etdirib. Bu mənada qarşıdan gələn seçkilərdə də Azərbaycan seçicilərinin mütləq əksəriyyətinin seçimi məhz İlham Əliyevdir. Çünki bu seçim Heydər Əliyev yolunun davamı, inkişaf və güclü dövlətçilik deməkdir və Azərbaycan xalqı buna alternativ görmür.

 
  • Oxunub:  11100  |  
  • Tarix:  23-03-2018  |  
  •    Çap et   |  
Get Adobe Flash player
Azərbaycan Ordusu dünya miqyasında güclü ordular sırasındadır

27 İyun 09:54
Misir KİV-də Azərbaycan Silahlı Qüvvələrinin yaranmasının 101 illiyi geniş işıqlandırılıb
27 İyun 09:13
Meksikanın paytaxtında keçirilən beynəlxalq festivalda Azərbaycanın mədəniyyəti və milli mətbəxi təqdim olunub
27 İyun 09:09
Naqif Həmzəyev: Psixi xəstələrə münasibətdə insan hüquqlarına əsaslanan yanaşmanın tətbiqinə ehtiyac var
27 İyun 09:02
Beynəlxalq Türk Akademiyası yanında “Dil və Terminologiya” Daimi Komissiyası qurulub
27 İyun 08:58
Sevinc Fətəliyeva: Azərbaycanda aparılan inqilabi islahatlar vətəndaşların rifah halının yaxşılaşmasına yönəlib
27 İyun 08:53
Braziliya səfiri: Bakı forumu BMT-nin dayanıqlı inkişaf məqsədlərinin həyata keçirilməsinə dəyərli töhfədir
27 İyun 08:51
Avropa Şurasının yeni Baş katibi seçilib
27 İyun 08:47
Azərbaycan Silahlı Qüvvələr Günü İslamabadda qeyd olunub
27 İyun 08:42
Azərbaycan və Çexiya Xarici İşlər nazirlikləri arasında siyasi məsləhətləşmələr aparılıb
27 İyun 08:41
Hacı Əliyev: Bu gün iki erməni idmançı üzərində qazandığım qələbəni hərbçilərimizə həsr edirəm
27 İyun 08:36
“Bakı-2019” XV Avropa Gənclər Yay Olimpiya Festivalına 25 gün qalıb
27 İyun 08:33
Azərbaycanlı deputat: Psixi xəstələrlə bağlı tətbiq olunan müalicə üsullarına yenidən baxılmalıdır
27 İyun 08:25
Sərbəst güləşçimiz Mahir Əmiraslanov “Minsk 2019”da Azərbaycana ilk qızıl medal qazandırıb
26 İyun 18:50
AŞPA sessiyası çərçivəsində “Yeni çağırışlar və Azərbaycanda davam edən islahatlar” mövzusunda tədbir keçirilib
26 İyun 18:38
Sumqayıtda məhkəmə-hüquq islahatları müzakirə olunub
26 İyun 18:07
Füzuli rayonunun ictimaiyyəti Silahlı Qüvvələr Gününü hərbçilərlə birgə qeyd edib
26 İyun 17:43
Şəhid ailələrinin bir qrupu ilə görüş keçirilib
26 İyun 17:22
“Dünya irsi. Gənc Peşəkarlar Forumu” Qobustan qoruğunda davam edib
26 İyun 17:00
NATO-nun mənzil-qərargahında Azərbaycan Silahlı Qüvvələri Günü münasibətilə tədbir keçirilib
26 İyun 16:20
Prezident İlham Əliyev Cəmşid Naxçıvanski adına Hərbi Liseydə yenidənqurma işlərindən sonra yaradılan şəraitlə tanış olub
26 İyun 15:57
Silahlı Qüvvələr Günü Tbilisidə qeyd olunub
26 İyun 15:30
BMT-nin Dövlət Xidmətləri Forumu başa çatıb
26 İyun 15:23
Azərbaycan ilə BƏƏ arasında əməkdaşlıq təcrübəsinin formalaşması üçün imkanlar mövcuddur
26 İyun 14:06
Azərbaycan nümayəndə heyəti “ARMY-2019” Forumu çərçivəsində bir sıra görüşlər keçirib
26 İyun 14:04
AŞPA-nın yay sessiyasında Azərbaycanda qadın hüquqlarının qorunması sahəsində görülən işlərdən danışılıb
26 İyun 13:48
Azərbaycanın qaçqın və məcburi köçkün qadınlarının problemləri AŞPA-nın yay sessiyasında qaldırılıb
26 İyun 13:45
Pakistan Prezidenti Azərbaycanın bu ölkədəki səfirini qəbul edib
26 İyun 13:42
Ağsaqqallar Şurasının sədri: Azərbaycanın Silahlı Qüvvələri dünyanın ən güclü orduları sırasındadır
26 İyun 13:39
AŞPA-da azərbaycanlı deputat psixi xəstələrin hüquqlarının müdafiəsindən danışıb
26 İyun 13:36
“Səninlə fəxr edirik, Azərbaycan əsgəri!” aksiyasına yekun vurulub
26 İyun 11:52
Misir universitetlərinin tələbələri Azərbaycan dilinə böyük maraq göstərirlər
26 İyun 11:50
Azərbaycan atletləri “Minsk 2019”un altıncı günündə idmanın beş növü üzrə mübarizə aparacaqlar
26 İyun 11:48
Azərbaycan tolerant ölkədir və milli dəyərlərin qorunub saxlanılmasına böyük önəm verir
26 İyun 11:38
Dini Qurumlarla İş üzrə Dövlət Komitəsinin rəhbərliyi Şəki, Qəbələ və Oğuzda vətəndaşları qəbul edib
26 İyun 11:35
Birinci vitse-prezident Mehriban Əliyeva Silahlı Qüvvələr Günü münasibətilə Azərbaycan xalqını təbrik edib
26 İyun 11:07
Azərbaycan Ordusu dünya miqyasında güclü ordular sırasındadır
25 İyun 21:03
Ali hərbi rütbələrin təqdimetmə mərasimi keçirilib
25 İyun 20:52
Dövlət Komitəsində vətəndaşların növbəti qəbulu keçirilib
25 İyun 20:47
Azərbaycan nümayəndə heyəti İsveçrəyə səfər edəcək
25 İyun 20:44
Elmira Süleymanova: BMT-nin Dövlət Xidmətləri Forumu Dayanıqlı İnkişaf Məqsədlərinin müxtəlif aspektlərinə yönəlib
25 İyun 20:41
İyunun 26-da “ASAN xidmət” və "ASAN Kommunal" mərkəzlərində qeyri-iş günüdür
25 İyun 20:35
Monteneqronun Baş Nazirinin Azərbaycana rəsmi səfəri başa çatıb
25 İyun 20:31
Mübariz Qurbanlı: Azərbaycanın dövlət-din modeli dünya ölkələri üçün örnəkdir
25 İyun 20:17
Gədəbəy rayonunda ilk dəfə Milli Yaylaq Festivalı keçiriləcək
25 İyun 19:54
AŞPA-nın komitə iclasında azərbaycanlı deputatın məruzəsi qəbul olunub
25 İyun 19:38
AŞPA-da azərbaycanlı deputat İstanbul Konvensiyasından danışıb
25 İyun 19:35
AŞPA-da azərbaycanlı mülki girovların məsələsi müzakirə olunub
25 İyun 19:20
İsrail qəzeti: Azərbaycanda yəhudilər cəmiyyətin ayrılmaz bir hissəsi kimi qəbul edilir
25 İyun 19:15
Azərbaycan Milli Olimpiya Komitəsinin vitse-prezidenti Belarusun yerli kanalına xüsusi müsahibə verib
25 İyun 19:10
Bakı Şəhər İcra Hakimiyyəti: Çimərlik ərazilərinə giriş pulsuzdur
25 İyun 19:00
Polşanın Azərbaycandakı səfirinin diplomatik fəaliyyəti başa çatır
25 İyun 18:37
Monteneqronun Baş Naziri Heydər Əliyev Mərkəzi ilə tanış olub
25 İyun 18:29
Qazaxıstan Respublikasının Birinci Prezidentinin – Elbası Kitabxanasının direktoru Prezident Kitabxanasında olub
25 İyun 18:23
Baş Nazir Duşko Markoviç Monteneqronun Azərbaycandakı fəxri konsulluğunda olub
25 İyun 18:21
Heç kim kənarda qalmadan inklüziv və bərabər xidmətlərin göstərilməsi
25 İyun 18:15
Rauf Əliyev: Azərbaycan Ordusu işğal altında olan torpaqlarımızı azad etməyə tam hazırdır
25 İyun 18:05
Şəkidə “Müasir çağırışlar: dini durum və vəzifələr” mövzusunda regional konfrans keçirilib
25 İyun 18:00
Hüseynbala Mirələmov: Prezidentimizin uğurlu kadr islahatları dövlət idarəçiliyinin təkmilləşdirilməsinə xidmət edir
25 İyun 17:41
Azərbaycan və Monteneqro arasında iqtisadi əməkdaşlıq üzrə Birgə Komissiyanın yekunlarına dair protokol imzalanıb
25 İyun 17:37
Azərbaycan qadınları ictimai həyatın bütün sahələrində fəallıqları ilə seçilirlər
25 İyun 17:34
Terri Miller: Azərbaycan “İqtisadi Azadlıq İndeksi”ndə ən böyük irəliləyiş edən ölkədir
25 İyun 17:30
Naxçıvanda taxıl biçini mütəşəkkil aparılır
25 İyun 17:23
Dayanıqlı İnkişaf Məqsədlərinə nail olmaq üçün həssas qrupların sosial müdafiəsi ilə bağlı yeniliklər
25 İyun 17:20
Birinci vitse-prezident Mehriban Əliyeva görkəmli alim Şirməmməd Hüseynovun hüzr mərasimində iştirak edib
25 İyun 17:13
Səmərəli və məsuliyyətli dövlət qurumlarının inkişafı
25 İyun 17:09
Gövhər Baxşəliyeva: Sosialyönümlü sənədlərin hər biri Azərbaycan vətəndaşının rifahının yüksəldilməsinə xidmət edir
25 İyun 17:06
Qarabağ qazisi Kamil Musəvi İlahiyyat İnstitutunun tələbələrinə döyüş yolundan danışıb
25 İyun 17:02
Cavanşir Paşazadə: Əhalinin sosial müdafiəsinin gücləndirilməsi istiqamətində genişmiqyaslı tədbirlər uğurla davam etdirilir
25 İyun 17:00
Adil Əliyev: Azərbaycan Silahlı Qüvvələri NATO standartlarına cavab verən səviyyədə formalaşıb
25 İyun 16:51
Avropa Şurası kürsüsündən yalan və saxtakarlığın Ermənistanın real sifəti olması bəyan edildi

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
HAVA HAQQINDA