Ana səhifə »  Müsahibə »  Azərbaycanın xoşbəxt gələcəyi Heydər Əliyev siyasəti ilə bağlıdır
A+   Yenilə  A-
Azərbaycanın xoşbəxt gələcəyi Heydər Əliyev siyasəti ilə bağlıdır

Milli Məclisin Səhiyyə komitəsinin sədri, akademik Əhliman Əmiraslanov www.yap.org.az saytına müsahibə verib:
- Əhliman müəllim, ölkəmizin həyatında mühüm hadisə olan prezident seçkilərinin təbliğat-təşviqat mərhələsindəyik. Azərbaycan bu seçkilərə hansı uğurlarla gedir?
- Şübhəsiz ki, Azərbaycanın bugünkü uğurları Heydər Əliyev siyasəti ilə bağlıdır. Möhtərəm Prezidentimiz İlham Əliyevin 2003-cü ildə keçirilən andiçmə mərasimində qarşıdakı illər üçün hədəfləri açıqlayaraq söylədiyi bu fikirləri yada salmaq istərdim: “Bütün bunları həyata keçirmək və Azərbaycanı qüdrətli dövlətə çevirmək üçün ən başlıcası ölkədə Heydər Əliyevin siyasəti davam etdirilməlidir. Bu gün yüksək kürsüdən çıxış edərək mən Azərbaycan xalqına söz verirəm ki, bu siyasətə sadiq qalacağam, heç vaxt bu yoldan dönməyəcəyəm, Heydər Əliyevin siyasətini davam etdirəcəyəm”. Həmin vaxtdan ötən dövrdə Azərbaycanın əldə etdiyi uğurlar göz önündədir. Cənab İlham Əliyevin 2008 və 2013-cü illər prezident seçkilərində qələbəsini yenidən təmin etməsini şərtləndirən əsas amil də məhz hər bir vədini konkret əməli işi ilə təsdiqləməsi olmuşdur.
Artıq növbəti prezident seçkilərinin ərəfəsindəyik. Hər bir seçki prosesi arxada qalan illərdə görülən işləri, əldə olunan uğurları nəzərdən keçirməyi zərurətə çevirir. 14 ildə Heydər Əliyev siyasətinin cənab İlham Əliyev tərəfindən uğurla davam etdirilməsi ölkəmizin hərtərəfli inkişafını daha da sürətləndirdi. Hər bir inkişafın iqtisadiyyat üzərində qurulduğunu önə çəkən dövlət başçısı İlham Əliyev yeni mərhələdə özəl sektorun təkmilləşməsini prioritet məsələ kimi öndə saxladı. Qeyri-neft sektorunun inkişafı istiqamətində atılan davamlı addımlar öz müsbət nəticəsini verir. Statistik rəqəmlərə diqqət yetirək. Son 15 ildə iqtisadiyyat 3 dəfədən çox artıb. Azərbaycan dünyanın ən dinamik iqtisadi inkişafa malik ölkəsi kimi tanınıb və nüfuz qazanıb. Yoxsulluq 50 faizdən 5 faizə enib. Bir milyon 900 min yeni iş yeri yaradılıb. Əhalinin real gəliri 2,6 dəfə artıb. Bütün bunlar Heydər Əliyev siyasətinin uğurlarıdır. Ölkəmizin müdafiə qabiliyyəti möhkəmlənib, dövlət büdcəsindən bu sahəyə xeyli məbləğdə vəsait ayrılıb. Dövlətimizin siyasətində əhalinin sosial müdafiəsinin gücləndirilməsi xüsusi yer tutur. Cənab İlham Əliyev iqtisadi tərəqqiyə uyğun olaraq əmək haqlarının, pensiyaların artırılmasını qarşıya mühüm vəzifə kimi qoyur. Təkcə son aylarda imzalanan fərman və sərəncamlara diqqət yetirsək, “güclü dövlət, yüksək rifah” prinsipinin dövlət siyasətinin əsasında dayandığını aydın görərik. Dünyada iqtisadi və maliyyə böhranının baş verməsinə və nəticələrinin bu günə qədər davam etməsinə baxmayaraq, iqtisadiyyatın aynası kimi dəyərləndirilən dövlət büdcəsindən sosial sahəyə ayrılmalar azalmadı, əksinə bu vəsaitlər daha da artırıldı. Yəni dövlətimizin siyasəti sosialyönümlü, Azərbaycanın inkişafına yönələn siyasətdir ki, bu da öz bəhrəsini verir. İslahatların dövrün, zamanın tələblərinə uyğun olaraq təkmilləşməsi davamlı uğurlara yol açan əsas amillərdəndir.
Səhiyyə, təhsil sahəsində də böyük uğurlarımız vardır. Yaxın keçmişə nəzər salsaq, düşünməzdik ki, bu qədər xəstəxanalar, diaqnostika mərkəzləri tikilib istifadəyə veriləcək, ən əsası dünya standartlarına cavab verən avadanlıqlarla təchiz ediləcək. Son 15 ildə 642 tibb müəssisəsi istifadəyə verilib. Bu gün elə bir əməliyyat, müalicə üsulu yoxdur ki, onu ölkəmizdə həyata keçirmək mümkünsüz olsun. Xarici ölkələrdən gələn mütəxəssislər bizdə yaradılan şəraitə heyrətlənirlər.
Bu fikirləri təhsil müəssisələri haqqında da söyləyə bilərik. 3000-dən çox yeni məktəb binası tikilib istifadəyə verilib, eyni zamanda əsaslı təmir olunub. Ali təhsil müəssisələri həm kadr potensialını, həm də maddi-texniki bazasını genişləndirir. Elmin inkişafına göstərilən diqqət və qayğı davamlılığı ilə diqqət çəkir. Bu baxımdan Azərbaycan Milli Elmlər Akademiyasına göstərilən qayğını xüsusi qeyd etməliyik. Akademiyanın Elektron kitabxanasının istifadəyə verilməsi, həmçinin Akademiya şəhərciyinin abadlaşdırılması, Akademiyanın nəzdində fəaliyyət göstərən institutların maddi-texniki bazasının möhkəmləndirilməsi və digər mühüm işlər elmin inkişafına göstərilən diqqətdən qaynaqlanır. Son 15 ildə cənab İlham Əliyev bir neçə dəfə Milli Elmlər Akademiyasında olub, illik ümumi yığıncağında iştirak edib və tövsiyələrini çatdırıb. Ölkə Prezidentinin bu addımları Akademiyanın inkişafına böyük yol açır.
Uğurlarımız sırasında dövlət idarəçiliyi sahəsində atılan mühüm addımları qeyd etməliyik. Vitse-prezidentlik institutunun yaradılması, Mehriban xanım Əliyevanın Birinci vitse-prezident təyin olunması gələcəkdə ölkəmizdə idarəçiliyin daha da təkmilləşdirilməsində əhəmiyyətli rol oynayacaq.
Azərbaycan sabitləşdirici faktor kimi nüfuz qazanıb. Təhlükəsizliyin, əmin-amanlığın təminatı hər bir ölkənin inkişafı üçün əsasdır. Sabitlik, əmin- amanlıq olmayan yerdə heç bir inkişafdan söhbət gedə bilməz. Neçə yüzillik dövlətçilik təcrübəsi olan ölkələrdə yaşananlara diqqət yetirək. Azərbaycan Ulu öndər Heydər Əliyevin əsasını qoyduğu möhkəm təməl üzərində addımlayır, sabit ölkə kimi yeri və rolunu möhkəmləndirir. Ölkəmizin beynəlxalq əhəmiyyətli tədbirlərə ev sahibliyi etməsində də bu amilin rolu böyükdür.
Qeyd edim ki, ölkəmiz xarici siyasət sahəsində də mühüm uğurlara imza atıb. Təbii ki, bu günümüzü dünənimizlə, ən əsası müstəqilliyimizin ilk illəri ilə müqayisə etsək, böyük uğurların, Azərbaycanın dünya birliyində layiqli yer tutduğunun şahidi olarıq. Bu, bir faktdır ki, müstəqilliyimizin ilk illərində beynəlxalq aləmdə Azərbaycan haqqında heç bir məlumat yox idi, həqiqətlərimiz ermənilərin apardıqları yalan təbliğata uyğun olaraq dünya ictimaiyyətinə çatdırılırdı. Lakin Ulu öndər Heydər Əliyevin 1993-cü ildə xalqın təkidli tələbi ilə hakimiyyətə qayıdışı Azərbaycanı informasiya blokadasından xilas etdi. Uğurlu daxili və xarici siyasətin nəticəsi olaraq Azərbaycan bir dövlət olaraq öz varlığını təsdiqlədi, həqiqətlərimizin təbliği dövlət siyasətinin əsasına çevrilərək erməni yalanlarının ifşası istiqamətində ciddi addımlar atıldı. Son 14 ildən artıq zamanda Ümummilli liderin müəyyənləşdirdiyi xarici siyasət kursunun cənab İlham Əliyev tərəfindən uğurla davam etdirilməsi Azərbaycanı regionda və dünyada əsl söz sahibinə çevirdi. Təkcə bir faktı qeyd etmək kifayətdir ki, Azərbaycan 2011-ci ildə 155 ölkənin dəstəyini qazanaraq BMT Təhlükəsizlik Şurasına qeyri-daimi üzv seçildi. Bu, Azərbaycanın beynəlxalq miqyasda nüfuzunun göstəricisidir. Azərbaycanın iştirakçısı və təşəbbüsçüsü olduğu enerji layihələri ölkələr, xalqlar arasında dostluq körpüsü rolunu daha da möhkəmləndirdi. XXI əsrin layihəsi olan “Cənub Qaz Dəhlizi” Azərbaycanın beynəlxalq aləmdə etibarlı tərəfdaş kimi mövqeyini bir daha təsdiqlədi. Ötən ilin sentyabrında “Yeni əsrin müqaviləsi” imzalandı. Bakı-Tbilisi-Qars dəmir yolu istifadəyə verildi. Bütün bunlar Azərbaycanın beynəlxalq aləmdə yeri və rolunun aydın ifadəsini yaradır.
Azərbaycanın iqtisadi və siyasi mövqeyinin möhkəmlənməsi xarici siyasətimizin əsas məsələsi olan Ermənistan-Azərbaycan, Dağlıq Qarabağ münaqişəsinin də ədalətli həllinə gedən yolu yaxınlaşdırır. Beynəlxalq təşkilatların qərar və qətnamələrində dövlətimizin mövqeyi dəstəklənir, münaqişənin sülh yolu ilə həllinin vacibliyi qeyd olunur.
Sözsüz ki, bir sual çərçivəsində Azərbaycanın uğurlarını əhatə edə bilmərik. Reallıqlar göz önündədir. Heydər Əliyev yolu ölkəmizə davamlı uğurlar qazandırır. Cənab İlham Əliyevin arxada qalan illərin uğurlarına əsaslanaraq təsdiqlədiyi “Azərbaycan 2020: Gələcəyə baxış” İnkişaf Konsepsiyası, eyni zamanda davamlı inkişafa xidmət edən Strateji Yol Xəritələri növbəti illər üçün müəyyənləşdirilən hədəflərə aydınlıq gətirir. Əvvəldə də qeyd etdiyim kimi, həyata keçirilən siyasət dövlətimizin daha da qüdrətlənməsinə, möhkəmlənməsinə, dünya birliyinin layiqli üzvü kimi nüfuz qazanmasına xidmət edir. Bu illər, ən əsası, müstəqilliyimizin daha da möhkəmlənməsi, müstəqil siyasətimizin qazandırdığı uğurlarla yadda qalıb. Dövlət başçısı İlham Əliyev ən yüksək tribunalardan dövlətimizin mövqeyini böyük inam və qətiyyətlə bəyan edib.
Uğurlarımız çoxdur və eyni zamanda davamlıdır. Bu isə öz növbəsində yeni-yeni hədəflərin müəyyənləşdirilməsini şərtləndirir. Bu gün bizim yeganə problemimiz Ermənistan-Azərbaycan, Dağlıq Qarabağ münaqişəsidir. Xalqımız tam əmindir ki, dövlətimizin uğurlu siyasəti, diplomatik mübarizədə qələbəmiz, həmçinin ordumuzun gücünün, qüdrətinin artması fonunda bu problemimiz də öz ədalətli həllini tapacaq, soydaşlarımız doğma yurd-yuvalarına qayıdacaq, Azərbaycan daha möhtəşəm uğurlara imza atacaq.
- Müstəqilliyimizin daha da möhkəmlənməsinə, dövlətçilik ənənələrimizin inkişafına mühüm töhfələrdən biri də cənab İlham Əliyevin Sərəncamı ilə 2018-ci ilin “Azərbaycan Xalq Cümhuriyyəti ili” elan edilməsidir...
- Əlbəttə, bu, çox vacib məsələdir. Azərbaycanın müstəqil dövlət kimi elan olunması Cümhuriyyətlə bağlıdır. O dövrdə Azərbaycan xalqının ən layiqli övladları Cümhuriyyəti yaradıblar. Ömrünün qısa olmasına baxmayaraq, ADR bu günümüz üçün mühüm addımlar atıb. Dövlət başçısı İlham Əliyevin məlum Sərəncamında da bu məqamlar öz əksini tapıb. Azərbaycan Xalq Cümhuriyyəti zəngin dövlət quruculuğu təcrübəsi ilə milli dövlətçilik tarixində silinməz izlər qoyub, xalqın qəlbində azadlıq və istiqlal duyğularını gücləndirməklə respublikanın gələcək müstəqilliyi üçün etibarlı zəmin hazırlamışdır. Azərbaycan öz dövlət müstəqilliyini ikinci dəfə 1991-ci il oktyabrın 18-də bərpa etsə də, xalqımız bu sevinci Ulu öndər Heydər Əliyevin 1993-cü ildə hakimiyyətə qayıdışından sonra yaşadı. Bu gün böyük inamla qeyd edirik ki, Azərbaycanın uğurları Ulu öndər Heydər Əliyevin adı ilə bağlıdır. Bu siyasət son 15 ildə uğurla davam edir. Ümummilli lider hakimiyyətə gəlməsəydi, bu gün Azərbaycan adlı dövlətin varlığından danışmaq mümkün deyildi. Ölkənin parçalanması, dağılması reallığa çevrilirdi. Dahi şəxsiyyət Heydər Əliyev müasir, müstəqil Azərbaycanı quraraq, bugünkü uğurlarımıza geniş yol açdı. Ulu öndərin qeyd etdiyi kimi, müstəqilliyin əldə olunması nə qədər çətindirsə, onun saxlanılması, daimi, əbədi olması bundan da çətindir. Dövlət başçısı İlham Əliyevin 2018-ci ili “Azərbaycan Xalq Cümhuriyyəti ili” elan etməsi müstəqillik tariximizin ayrı-ayrı mərhələlərinə işıq salır. Milli dövlətçilik salnaməsini müstəsna dərəcədə zənginləşdirmiş Azərbaycan Xalq Cümhuriyyətinin 100 illiyinin layiqincə keçirilməsini təmin etmək məqsədi ilə ölkə Prezidentinin imzaladığı Sərəncam diqqəti bir amilə yönləndirir. O çətin dövrdə Azərbaycanın müstəqilliyini elan etmiş fədakar insanlar heç vaxt unudulmamalıdır. Bu il eyni zamanda müasir, müstəqil Azərbaycan dövlətinin qurucusu, Ulu öndər Heydər Əliyevin anadan olmasının 95 illiyidir. Ümummilli liderin hakimiyyətinin hər iki dövründə xalqımızın, dövlətimizin bu günü və gələcəyi üçün gördüyü işlərin, göstərdiyi xidmətlərin miqyası böyükdür. Parlamentin də 100 illiyidir. Bir sözlə, yubileylər ili kimi xarakterizə olunan 2018-ci il Azərbaycan tarixinə bir uğur səhifəsini - prezident seçkilərini yazacaq. Əminəm ki, prezident seçkiləri uğurla başa çatacaq, silsilə xarakterli yubiley tədbirlərimiz xoş əhval- ruhiyyə ilə yüksək səviyyədə təşkil olunacaq.
- Əhliman müəllim, Yeni Azərbaycan Partiyasının davamlı uğurlarımıza töhfələrini necə qiymətləndirirsiniz?
- Ulu öndər Heydər Əliyevin yaradıcısı olduğu Yeni Azərbaycan Partiyası bu gün Prezident İlham Əliyevin rəhbərliyi altında inkişaf edir, inamla irəliləyir. Partiyanın sıraları kəmiyyət və keyfiyyət baxımından daha da möhkəmlənir. Gənclərimizin partiyaya axını böyükdür. Dövlətimizin başçısı İlham Əliyev Yeni Azərbaycan Partiyasının VII qurultayında bir daha keçilən yolun, əldə olunan uğurların, partiyanın Azərbaycanın bu günü və gələcəyi üçün gördüyü işlərin aydın mənzərəsini yaratdı. YAP daim dövlətimizə, xalqımıza xidmət etmiş, tutduğu yola sadiqliyi ilə cəmiyyətdə nüfuzunu günbəgün artırır. Populizmdən uzaq olan Yeni Azərbaycan Partiyasının Azərbaycanın inkişafına töhfələri göz önündədir. Bircə faktı qeyd etmək kifayətdir ki, ölkədə keçirilən seçkilərdə hər zaman uğur qazanan partiyaya xalqın dəstəyi, inamı məhz həyata keçirdiyi siyasətə əsaslanır. Gerçəkliklərin bələdçisi olan xalq görülən işlərə, həyata keçirilən siyasətə dəstəyini ölkə Prezidenti, Yeni Azərbaycan Partiyasının Sədri İlham Əliyevin ətrafında sıx birləşməklə nümayiş etdirir. Ümumiləşdirilmiş şəkildə desək, Ulu öndər Heydər Əliyevin qeyd etdiyi kimi, Yeni Azərbaycan Partiyası dünənin, bu günün və gələcəyin partiyasıdır. Bu tezisin davamı olaraq cənab İlham Əliyev bildirir ki, YAP nəinki ölkənin, regionun da aparıcı siyasi təşkilatıdır.
- 11 aprel prezident seçkiləri tariximizə hansı səhifəni yazacaq?
- Əminəm ki, Azərbaycan xalqı seçkilərdə cənab İlham Əliyevə səs verəcək. Cənab İlham Əliyevə səs verməklə müstəqilliyimizin daha da möhkəmləndirilməsinə, bütövlükdə ölkəmizin inkişafına səs verəcəyik. Çünki Azərbaycanın xoşbəxt gələcəyi Heydər Əliyev siyasəti ilə bağlıdır. Bu siyasətin layiqli davamçısı cənab İlham Əliyev 11 aprel prezident seçkilərində yenidən qələbəsini təmin edərək, Azərbaycanın davamlı inkişafının təminatçısı kimi təkmil islahatları ilə möhtəşəm uğurlarımızın miqyasını daha da genişləndirəcək. Seçimlərində müstəqil olan xalqımız ağı qaradan seçməyi çox yaxşı bacarır. Əminəm ki, 11 aprel prezident seçkiləri seçicilərimizin yüksək fəallığı şəraitində Yeni Azərbaycan Partiyasının namizədi cənab İlham Əliyevin qələbəsi ilə tarixə yazılacaq.

 
  • Oxunub:  5340  |  
  • Tarix:  30-03-2018  |  
  •    Çap et   |  
Get Adobe Flash player
Milli Məclisdə 2019-cu ilin büdcə zərfinə daxil olan məsələlərin müzakirəsi davam etdirilib

10:41
15 Noyabr
Qırğızıstan Prezidenti Türkdilli Dövlətlərin Xüsusi Xidmət Orqanları Konfransının XXI iclasının iştirakçılarını qəbul edib
10:32
15 Noyabr
15 noyabr – Dünya Fəlsəfə Günüdür
10:24
15 Noyabr
Ermənistan silahlı qüvvələrinin bölmələri sutka ərzində atəşkəs rejimini 26 dəfə pozub
10:21
15 Noyabr
Bakıda III Beynəlxalq Bankçılıq Forumu keçirilir
10:16
15 Noyabr
Bakıda Ümumdünya Antidopinq Agentliyinin Təsisçilər Şurasının və İcraiyyə Komitəsinin iclası keçirilir
19:00
14 Noyabr
Slovakiyanın Baş naziri Peter Pelleqrininin Azərbaycana rəsmi səfəri başa çatıb
18:21
14 Noyabr
Siyavuş Novruzov: Hazırda sosial sahədə aparılan islahatlar təqdirəlayiqdir
18:08
14 Noyabr
Nazir: Həyata keçirilən tədbirlər sığorta təminatı sisteminin inkişaf etdirilməsinə və sosial sığorta sisteminin potensialının tam gücləndirilməsinə imkan verəcək
17:58
14 Noyabr
Ağalar Vəliyev: 2019-cu ilin dövlət büdcəsi qarşıda duran mühüm vəzifələrinin layiqincə yerinə yetirilməsinə möhkəm zəmin yaradacaq
17:55
14 Noyabr
Sahil Babayev: Dövlət Sosial Müdafiə Fondunun 2019-cu il üçün xərcləri 3 milyard 928 milyon manat proqnozlaşdırılır
17:23
14 Noyabr
Dövlət Sosial Müdafiə Fondunun 2019-cu il üçün büdcəsi mövcud qanunvericiliyin tələblərinə uyğun hazırlanıb
17:23
14 Noyabr
Eldar İbrahimov: 2019-cu ilin dövlət büdcəsində kənd təsərrüfatının stimullaşdırılması daha dolğun nəzərə alınıb
17:17
14 Noyabr
Milli Elmlər Akademiyası BMT ilə əlaqələri gücləndirir
17:13
14 Noyabr
İsmayıllıda “Mənəvi dəyərlərimiz azərbaycançılıq ideologiyasının tərkib hissəsidir” mövzusunda seminar-müşavirə keçirilib
17:04
14 Noyabr
Moskvada “Xəzər dialoqu 2018” beynəlxalq iqtisadi forumu keçirilib
16:47
14 Noyabr
Beynəlxalq hüquq və öz müqəddəratını təyinetmə prinsipinin ermənisayaq təfsiri
16:41
14 Noyabr
Gündüz İsmayılov: Xurafat qüsurlu dini təbliğatın nəticəsidir
16:34
14 Noyabr
Azərbaycan və İtaliyanın hərbi-mülki əməkdaşlıq üzrə ekspertlərinin görüşü keçirilib
16:30
14 Noyabr
Bakıda MDB-nin iştirakçısı olan ölkələrin Daxili İşlər nazirliklərinin kadr aparatları rəhbərlərinin iclası işə başlayıb
16:28
14 Noyabr
Endryu Parsons: Azərbaycanda idmana və paralimpiya hərəkatına olan münasibət təqdirəlayiqdir
16:26
14 Noyabr
Sumqayıtda IV Uşaq Paralimpiya İdman Oyunlarının açılış mərasimi keçirilib
16:19
14 Noyabr
AMEA-da "Türkologiya" jurnalının fəaliyyətinə dair məruzə dinlənilib
16:04
14 Noyabr
Nazir: İnsanların sağlam ətraf mühitdə yaşamaq hüququnun təmin edilməsi ölkə rəhbərliyinin diqqət mərkəzindədir
15:51
14 Noyabr
Bəhruz Quliyev: Eleni Teoxarus Avropa dəyərlərini ekstremizm və separatizmlə əvəzləmiş katalizatordur
15:28
14 Noyabr
Diasporla İş üzrə Dövlət Komitəsinin nümayəndə heyəti Los-Ancelesdə bir sıra görüşlər keçirib
15:00
14 Noyabr
Türkmənistandan enerjidaşıyıcıların dünya bazarlarına çatdırılması üçün yeni marşrutlar yaradılır
14:58
14 Noyabr
Hərbi birliklər komanda-qərargah hərb oyunları çərçivəsində qarşıya qoyulan vəzifələri icra edirlər
14:28
14 Noyabr
Azərbaycan məhsullarının ixracı genişlənir
14:09
14 Noyabr
Azərbaycanın və Slovakiyanın Baş nazirləri birgə işçi nahar ediblər
13:55
14 Noyabr
Slovakiya nümayəndə heyəti Səngəçal terminalında olub
13:47
14 Noyabr
Milli Məclisdə “2019-cu il dövlət büdcəsi haqqında” qanun layihəsi birinci oxunuşda təsdiq edilib
13:41
14 Noyabr
Doqquz ayda Azərbaycandan şərab məhsullarının ixracı 43 faizdən çox artıb
13:36
14 Noyabr
Gələn il Pekində Azərbaycan Ticarət Evinin açılması planlaşdırılır
13:31
14 Noyabr
Rəşad Mahmudov: Səhiyyə xərcləri üçün vəsaitin çox ayrılması inkişafa öz real təsirini göstərəcək
12:50
14 Noyabr
Azərbaycan və Ermənistan qoşunlarının təmas xəttində keçirilən monitorinq insidentsiz başa çatıb
12:13
14 Noyabr
İlin sonunadək 3 ölkəyə ixrac missiyası təşkil olunacaq
12:09
14 Noyabr
Azərbaycan ilk dəfədir ki, bir beynəlxalq qurum daxilində iki müxtəlif vəzifəyə seçkilərin hər ikisində qalib gəlib
12:01
14 Noyabr
Doqquz ayda Azərbaycandan ixrac olunan məhsulların çeşidi 2753-ə çatıb
12:00
14 Noyabr
Muxtar Babayev: Yaxın zamanlarda ekoloji vəziyyət böyük dərəcədə yaxşılaşdırılacaq
11:55
14 Noyabr
Milli Məclisin bugünki iclasında büdcə müzakirələri davam edəcək
11:53
14 Noyabr
Slovakiyalı qonaqlar Qobustan Qoruğundan xoş təəssüratla ayrılıblar
11:42
14 Noyabr
Prezident İlham Əliyev Belarusun Azərbaycandakı səfirini qəbul edib
11:22
14 Noyabr
Yasamal rayon məktəbliləri “Ölkəmizi tanıyaq” tur-aksiyası çərçivəsində Gəncəyə yola düşüblər
11:20
14 Noyabr
Ağdam məktəblilərini Quba-Qusar-Xaçmaz bölgəsində maraqlı ekskursiya gözləyir
11:17
14 Noyabr
Komanda-qərargah hərb oyunlarının növbəti mərhələsi ilə bağlı dinləmə keçirilib
11:04
14 Noyabr
Gəncə məktəbliləri “Ölkəmizi tanıyaq” tur-aksiyasına qoşulublar
11:01
14 Noyabr
Azərbaycan-Belarus diplomatik münasibətlərinin qurulmasının 25 illiyinə həsr olunan konfrans keçirilib
10:53
14 Noyabr
Nəsimi rayon məktəbliləri “Ölkəmizi tanıyaq” tur-aksiyasına qoşulublar
10:45
14 Noyabr
Dövlət Təhlükəsizliyi Xidmətinin rəisi Qırğızıstanda Türkdilli Dövlətlərin Xüsusi Xidmət Orqanları Konfransının XXI iclasında iştirak edib
10:41
14 Noyabr
Ermənistan silahlı qüvvələrinin bölmələri atəşkəs rejimini 29 dəfə pozub
10:39
14 Noyabr
Azərbaycan Braziliyada keçirilən növbəti diplomatik yarmarkada təmsil olunub
10:38
14 Noyabr
Bərdə məktəbliləri ölkəmizin şimal bölgəsi ilə yaxından tanış olacaqlar
10:18
14 Noyabr
Tur-aksiyalar şagirdlərə respublikamızın tarixini, mədəniyyətini daha yaxından öyrənməyə imkan yaradır
10:11
14 Noyabr
Tərtər rayonunun məktəbliləri Quba-Qusar-Xaçmaz istiqaməti üzrə tur-aksiyaya başlayıblar
10:09
14 Noyabr
Cənub bölgəsinin məktəbliləri Gəncə-Şəmkir-Göygöl marşrutu üzrə tur-aksiyaya çıxıblar
09:30
14 Noyabr
Azərbaycan Xalq Cümhuriyyətinin 100 illik yubileyi münasibətilə Kolumbiya Parlamentində qəbul keçirilib
08:47
14 Noyabr
“Ölkəmizi tanıyaq”: Onuncu tur-aksiyada 76 şəhər və rayondan 3190 şagird iştirak edir
17:55
13 Noyabr
Akademik Zərifə Əliyeva adına Milli Oftalmologiya Mərkəzi tərəfindən növbəti aksiya keçirilib
17:44
13 Noyabr
Vüqar Gülməmmədov: Növbəti ilin dövlət büdcəsinin layihəsi ilə bağlı sənədlərdə sosial-iqtisadi inkişafın meyillərinin əsas göstəricilərinin əks etdirilməsi maliyyə inzibatçılığında şəffaflığının yüksəldilməsinə də şərait yaradır
17:41
13 Noyabr
Samir Şərifov: 2019-cu ilin büdcə layihəsi təkcə ölkəmizdə baş verən makroiqtisadi prosesləri deyil, dünyada və regionda baş verən geosiyasi proseslər nəzərə alınmaqla tərtib olunub
17:39
13 Noyabr
Tbilisidə keçirilən beynəlxalq konfransda “Azerkosmos” və “Azersky”in fəaliyyəti barədə məlumat verilib
17:25
13 Noyabr
Dövlət Komitəsində məcburi köçkünlərlə növbəti görüş olub
17:19
13 Noyabr
Azərbaycan regionda digər sahələrdə olduğu kimi, paralimpiya hərəkatında da lider ölkədir
17:16
13 Noyabr
Qida Təhlükəsizliyi Agentliyi: neqativ hallara qarşı aparılan mübarizə daha da gücləndiriləcək
17:14
13 Noyabr
Beynəlxalq Qızıl Xaç Komitəsi Bərdə şəhərində media nümayəndələri üçün seminar təşkil edib
17:12
13 Noyabr
Şamaxıda “Mənəvi dəyərlərimiz - dünən, bu gün, sabah” mövzusunda seminar-treninq keçirilib
17:10
13 Noyabr
Bakıda Azərbaycan-Slovakiya biznes forumu keçirilib
17:03
13 Noyabr
Ermənistanın Azərbaycana təcavüzü nəticəsində UNESCO-nun dəyər və prinsipləri də kobudcasına pozulub
17:01
13 Noyabr
Dövlət və bələdiyyə idarəçiliyinin strateji istiqamətlərinə həsr olunmuş elmi-praktik konfrans keçirilib
16:58
13 Noyabr
Leyla Abdullayeva: Avropa Parlamentinin etik məsələlərə məsul komitələri deputat Eleni Teoxarusun fəaliyyətini araşdırmalıdır

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
HAVA HAQQINDA
Bakı
gündüz+10 +13
gecə+6 +9