Ana səhifə »  Müsahibə »  Xalqın maraqlarının təmsilçisi Prezident İlham Əliyevdir
A+   Yenilə  A-
Xalqın maraqlarının təmsilçisi Prezident İlham Əliyevdir

Yeni Azərbaycan Partiyası İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov www.yap.org.az saytına müsahibə verib:
- Azərbaycandakı ümumi ictimai-siyasi vəziyyəti necə qiymətləndirirsiniz?
- Azərbaycanda ictimai-siyasi, sosial-iqtisadi sahədə atılan addımlar, həyata keçirilən islahatlar yüksək qiymətləndirilir. Görürsünüz ki, dünyanın əksər beynəlxalq tədbirləri Azərbaycanda keçirilir. İstər idman, istərsə də ümumdünya mədəniyyətlərarası, dinlərarası dialoq forumları Bakıda təşkil olunur. Bu tədbirlər zamanı paytaxta dünyanın ayrı-ayrı ölkələrinin siyasi xadimləri, mütəxəssisləri gəlirlər. Demək olar, hər gün bu tipli tədbirlər keçirilir. Bu, ölkəmizin həm iqtisadi inkişafının, həm də siyasi sabitliyinin göstəricisidir, iqtidar-xalq birliyinin sübutudur. Bunun nəticəsidir ki, dünyanın ayrı-ayrı ölkələrindən respublikamıza üz tuturlar, çünki burada sərbəst, azad şəkildə fəaliyyət göstərmək mümkündür. Azərbaycan iş qurmaq, investiya yatırmaq üçün ən əlverişli ölkələrdəndir. Dövlət başçısı İlham Əliyev Çinin paytaxtı Pekində 2-ci “Bir kəmər, bir yol” Beynəlxalq Əməkdaşlıq Forumunda iştirak edib. Çinlə Azərbaycan arasında münasibətlər yüksək səviyyədədir, Çinin böyük şirkətlərinin nümayəndələrinin Azərbaycanla bağlı müsbət fikirləri mövcuddur. Ölkəmizin qapıları açıqdır, düzgün niyyətlə işləmək istəyənlərə bütün şərait yaradılır.
- Avropa İttifaqı ilə Azərbaycan arasında hərtərəfli sazişin imzalanması ilə bağlı müzakirələr hansı mərhələdədir?
- Bu layihə ilə bağlı uzun müddətdir müzakirələr aparılır. Azərbaycanla Avropa İttifaqı arasında müqavilə 1996-cı ildə imzalanıb, 1999-cu ildə qüvvəyə minib. Yeni saziş də onun davamıdır. Azərbaycan bir çox sahələrdə Avropa İttifaqı ilə əməkdaşlıq edir, 20 milyard avrodan artıq dəyərə malik layihələr həyata keçirilib. Heç Avropa İttifaqına üzv dövlətlərdə belə deyil. Azərbaycan Avropanın enerji təhlükəsizliyində müstəsna rol oynayır. Avropa İttifaqı ilə imzalanacaq layihədə Azərbaycanın ərazi bütövlüyü məsələsi əksini tapıb. Əsas məsələ də ərazi bütövlüyünün təmin olunmasıdır. Əgər əvvəllər viza və digər kiçik məsələlərlə bağlı müqavilələr imzalanırdısa, indi isə bu, daha da genişləndirilib. Bu layihə daha əhatəlidir.
- Bəzi müxalifət təmsilçiləri saziş layihəsinin ictimaiyyətə açıqlanmasını israr edirlər...
- Bu insanlar öz dövlətlərinə, o cümlədən Avropaya inanmırlarsa, burada onların hansı fikirlərinin, rəylərinin müzakirəsi gedə bilər? Sadəcə, onlar detalları bilmirlər, bilmədikləri üçün də mane olmağa çalışırlar. Baxın, müqaviləni oxumayıblar, amma müzakirə edirlər... Bu layihə ilə bağlı məlumatlar ictimaiyyətə açıqlanır, müzakirələr də aparılır. Müqavilənin imzalanması istiqamətində addımlar atılırsa, burada şou düzəltməyin nə əhəmiyyəti var? Onlar bu prosesə kölgə salmağa cəhd edirlər. Bu addımlarla Avropa İttifaqını təhdid və şantaj edirlər, bu da erməni lobbisinin həyata keçirdiyi planın bir hissəsidir. Postsovet, Şərqi Avropa ölkələrinin əksəriyyəti Avropa İttifaqına ona görə daxil olub ki, yardım alsınlar. İttifaq bilir ki, Azərbaycan layihəni bərabər tərəf kimi imzalayır. Ona görə də Azərbaycan kimi ölkələrlə əməkdaşlıq etmək Avropa İttifaqı üçün də əhəmiyyətlidir. Görürsünüz ki, Avropa İttifaqının üzvləri arasında narazılıq yaranıb. Böyük Britaniya qurumu tərk etməyə hazırlaşır. İttifaqa yeni üzv olan Şərqi Avropa və daha əvvəldən üzv olan dövlətlərin bəziləri həmin büdcədən kifayət qədər vəsait alırlar, burada nəzarətsizlik mövcuddur. Bu da Avropa büdcəsinə xeyir gətirmir. Azərbaycan isə bərabər əsaslarla əməkdaşlığın tərəfindədir. Azərbaycan sərbəst, müstəqil xarici siyasət həyata keçirir, heç bir dövlətdən, beynəlxalq təşkilatdan asılı deyil. Hansısa “böyük qardaş”ın, dövlətin maraqları Azərbaycan xalqının maraqlarından üstün deyil. Xalqının maraqlarının təmsilçisi Prezident İlham Əliyevdir.
- Bir müddətdir ki, müxalifət nümayəndələri mitinq keçirilməsinə yer ayrılması üçün Bakı şəhər İcra Hakimiyyətinə müraciət edirlər, amma mitinqin keçirilməsinə razılıq ala bilmirlər. Bunun səbəbi nədir, niyə razılıq verilmir?
- Mitinq keçirilməsinin bir neçə şərti var. Mitinq təşkilatçıları “Sərbəst toplaşmaq azadlığı haqqında” qanunun tələblərinə əməl etməlidirlər. Ölkədə sərbəst toplaşma ilə bağlı hər hansı məhdudiyyət qoyulmur. İstənilən şəxs fikrini, etirazını çatdıra bilər. Təbii ki, bu, qanun çərçivəsində olmalıdır. Bilirsiniz ki, Bakı şəhər İcra Hakimiyyətinə mitinq üçün müraciət edən təşkilatçılar üzərlərinə öhdəliklər götürürlər. Bu öhdəliklər arasında vətəndaşların hüquq və azadlıqlarını pozmamaq, şəxsiyyəti təhqir etməmək, dini ayrı-seçkiliyə yol verməmək, dövlət çevrilişinə, silahlı üsyana çağırış etməmək kimi tələblər var. Təəssüflər olsun ki, mitinq təşkilatçıları üzərlərinə götürdükləri öhdəlikləri yerinə yetirmirlər. Onlar çıxışlarında bəzi şəxslərin ünvanına ifadələr səsləndirirlər, bununla da həmin insanların hüquqlarını pozurlar. Qəsdən edirlər ki, müdaxilə olunsun, sonra da bu məsələdən sui-istifadə etsinlər. Sadaladıqlarım dəfələrlə onlara xatırladılıb, amma əhəmiyyət verməyiblər. Diqqət edin, onlar daha çox beynəlxalq tədbirlərin keçirilməsi, müqavilələrin imzalanması zamanı ortaya çıxırlar. Avroviziya Mahnı Müsabiqəsi, Avropa Oyunları keçirilərkən mitinq keçirirdilər. Amma İslam Həmrəyliyi Oyunları təşkil edilən zaman mitinq keçirmədilər, baxmayaraq ki, bu tədbirə gələn dövlət adamlarının sayı Avropa Oyunlarına gələnlərin sayından çox idi. Buradan onların məqsəd və məramları aydın olur. Hüquq-mühafizə orqanlarında ciddi məlumatlar var ki, mitinq təşkilatçıları təxribat törədərək bunu dövlətin üzərinə yıxmaq istəyirlər. İddia edirlər ki, Azərbaycanda insan haqları pozulur, vətəndaşların təhlükəsizliyi təmin edilmir, bunu da dünya ictimaiyyətinə çatdırmağa cəhd edirlər. Onların dedikləri həqiqət deyil. Mitinq iştirakçıları da Azərbaycan vətəndaşlarıdır, ona görə dövlət onların da təhlükəsizliyini təmin edir. Hüquq-mühafizə orqanları bilir ki, təşkilatçıların təxribatı ola bilər, ona görə də bu istiqamətdə addımlar atır.
- Belə başa düşülür ki, bir müddət mitinqlərə razılıq verilməyəcək...
- Bu, Bakı şəhər İcra Hakimiyyətinin və hüquq-mühafizə orqanlarının səlahiyyətində olan məsələdir.
- Hakim partiya olaraq Milli Məclisdə təmsil olunmayan hansı partiyalarla dialoqu uyğun hesab edirsiniz?
- Ümumiyyətlə, Yeni Azərbaycan Partiyasının qapıları hər bir partiya üçün açıqdır. Yəni istər Milli Məclisdə təmsil olunan, istərsə də təmsil olunmayan partiyaları dinləməyə hazırıq. Milli Məclisdə təmsil olunmamaq faciə deyil, növbəti mərhələdə cəhd edərlər. Siyasi partiyanın əsas funksiyalarından biri seçkidə iştirakdır. Məsələn, bu il bələdiyyə seçkiləri keçirilir, hazırlaşsınlar, iştirak etsinlər. Əfsuslar olsun ki, bunların heç namizədi yoxdur. Bələdiyyə seçkilərində namizədliyin irəli sürülməsi, qeydə alınması çox sadədir. Elə yer var ki, namizədin qeydə alınması üçün 15 imza tələb olunur. Bu seçkidə imzaların maksimum sayı 150-dir. Daha sonra təbliğat işinə başlaya bilərlər. Bunun özü bir təcrübədir. 2020-ci ildə də Milli Məclisə seçkilər keçiriləcək, təəssüflər olsun ki, müxalifət hazırlaşmır. Yeni Azərbaycan Partiyası isə daim fəaliyyətdədir, seçkiyə hazırlaşır. Hazırda yerlərdə tədqiqat işləri aparılır, ictimai rəy, regionun hansı xarakterə, yaş qrupuna aid namizəd arzu etdiyi öyrənilir. Tutaq ki, bir dairədə gənc nümayəndə istəyirlərsə, yaşlı şəxsin namizədliyi irəli sürülürsə, deməli, səslərin xeyli hissəsi itiriləcək. Ona görə də bunlar dəqiqləşdirilməlidir.
- Milli Məclisdə çıxışlarınızda bələdiyyələrin sayının azaldılmasını təklif edirsiniz. Konkret olaraq təklifiniz nədən ibarətdir?
- Hesab edirəm ki, bələdiyyələrin, o cümlədən üzvlərin sayı azaldılmalıdır. Azərbaycanda ən böyük bələdiyyənin 19, ən kiçik bələdiyyənin isə 3 üzvü var. Ölkədə 3-4 seçki mütəxəssisi varsa, onun da biri mənəm. Ona görə də həm hüquqi, həm də praktiki cəhətdən müzakirələr aparmağa hazıram. Təklif edirəm ki, bələdiyyə üzvlərinin sayı 1-5 arası olsun. Bələdiyyə üzvlərinin sayının azaldılması effekt verə bilər. Digər təklifim də ondan ibarətdir ki, bələdiyyə sədrləri də seçkilərdə seçilsinlər. Düzdür, indi də seçki yolu ilə müəyyənləşir, üzvlər seçildikdən sonra öz aralarından bir nəfəri sədr seçirlər. Mən sədrin də üzvlüyə seçkilər zamanı müəyyənləşməsini təklif edirəm.
- Dediyiniz təkliflər həyata keçərsə, bələdiyyələrin fəaliyyətində yeni keyfiyyət dəyişikliyi olacaqmı?
- Təbii ki. Tutaq ki, hazırda üzvlərin sayı 15-dir, iş 15 nəfərin arasında bölünməkdənsə, 3 nəfərin arasında bölünərsə, daha faydalı olar. Həmin şəxslər əməkhaqqı alırlar, bu da ayrılan vəsaitə ciddi şəkildə təsir edir. Türkiyə təcrübəsinə baxsaq, görərik ki, ard-arda seçilən bələdiyyə üzvləri var. Çünki təcrübəlidirlər, seçicilərin etimadını doğruldurlar, ona görə də davamlı olaraq səs ala bilirlər. Azərbaycanda tərkib hər seçkidə 30-40 faiz dəyişir, iş mexanizmində problemlər yaranır.
- Dövlət büdcəsindən bələdiyyələrə subvensiya ayrılır, bələdiyyələr bu vəsaiti gəlir gətirən sahələrə deyil, yol çəkilişinə, park salınmasına sərf edirlər. Sizcə, bu, doğrudurmu?
- Bələdiyyələrin sayının azaldılması ayrılan subvensiyadan səmərəli istifadəyə şərait yaradacaq. Bələdiyyələrin səlahiyyəti var ki, məktəb, bağça yaratsın, digər gəlirgətirən sahələr təşkil etsin. Bələdiyyələr nəzarətlərində olan torpaqlarda kənd təsərrüfatı məhsullarını becərməklə gəlir əldə edə bilərlər. Tutaq ki, meyvə bağı sala bilər, amma etmir, çünki həmin bağ 3 ilə gəlir gətirəcək, bu da 3 ilə qalıb-qalmayacağını bilmir. Ona görə də torpağı dərhal satır, növbəti seçkilərdə formalaşan bələdiyyə problemlə üzləşir. Axı torpaq artmır... Ona görə də işin düzgün qurulması vacibdir. Ədliyyə Nazirliyi yanında Bələdiyyələrlə İş Mərkəzi ayrılan maliyyənin səmərəli istifadəsinə və digər məsələlərə nəzarət edir. Bilirsiniz ki, onlar mütəmadi olaraq araşdırmalar aparırlar, müxtəlif vaxtlarda bələdiyyə üzvləri inzibati, cinayət məsuliyyətinə cəlb edilirlər.
- Mərkəzi Seçki Komissiyasına 2018-ci il üzrə maliyyə hesabatını dövlət qeydiyyatına alınan 55 partiyadan 7-si təqdim etməyib. Hesabatların da əksəriyyəti formal olur, bəzi partiyalar isə, ümumiyyətlə, hesabat vermir. Sizcə, bu cür partiyalara ehtiyac varmı?
- Bu məsələ ciddi şəkildə tənzimlənməlidir, yəni qanunvericilik sərtləşdirilməlidir. Hər bir siyasi partiya illik maliyyə hesabatını Mərkəzi Seçki Komissiyasına təqdim etməlidir. Yalnız şəffaflıq tələb olunur. Partiyaların haradan maliyyələşməsini göstərmək şəffaflığın ilk şərtidir. Elə partiyalar var ki, hesabat verirlər, sənəddə rəqəmlərin hamısı sıfır olur, amma partiyanın qərargahı, təşkilat rəhbərlərinin avtomobilləri, hətta cangüdənləri də var. Sual verirəm, bunlar hansı maliyyənin hesabına edilib? Burada qaranlıq məqamlar ortaya çıxır. Həmin qüvvələr xaricdəki müxtəlif dairələrdən, daxildə müxtəlif şəxslərdən maliyyə vəsaiti alırlar. İstənilən maliyyə vəsaitinin hesabatı verilməlidir. Yeni Azərbaycan Partiyası hər il Mərkəzi Seçki Komissiyasına maliyyə hesabatı verir və bunu ictimaiyyətə açıqlayır. Milli Məclisdə təmsil olunan partiyalar da yalnız dövlət büdcəsindən ayrılan vəsaitin hesabatını verirlər. Şəffaflıqdan danışanlar, sinəsinə döyənlər desinlər ki, görək haradan vəsait alırlar...
- “Milli şura” təmsilçiləri iddia edirlər ki, ReAl funksionerləri Natiq Cəfərli və Erkin Qədirli Brüsseldə Azərbaycan hökumətinin atdığı addımları dəstəkləyiblər. Ona görə də ReAl təmsilçilərini sərt tənqid ediblər. Sizcə, nə baş verir, hansı tərəf haqlıdır?
- “Milli şura” təmsilçiləri ReAl-ın üzvlərini “vətən xaini” adlandırırdı. Biz bütün partiyalara bərabər münasibət bəsləyirik. Onların dartışması “bazara girmək” üstündə idi. Azərbaycan Xalq Cəbhəsi Partiyası və təmsil olunduğu “Milli şura” hesab edir ki, “Avropa bazarı” bunlara məxsusdur. Düşünürlər ki, Avropadan qrantı və digər formada gələn maliyyə vəsaitlərini yalnız bunlar ala bilərlər. İstər Cəmil Həsənli, istərsə də Əli Kərimli ReAl-ın üzvlərini satqınlıqda ittiham etdilər, hakimiyyətə işlədiklərini dedilər. Müxtəlif fikirlər söylədilər... Halbuki əllərində heç bir əsas yox idi. Avropaya ReAl-ı dəvət ediblər, onlar da gediblər. “Milli şura” təmsilçiləri dəvət edilmədiklərinə görə narahat olublar. Konkret olaraq, dava “yorğan” davasıdır. 1990-cı illərdən indiyədək heç bir yeni ideya, fikir ortaya qoymayıblar, yalnız xaricdən vəsait almaqla öz məsrəflərinə sərf ediblər. Təbii ki, beynəlxalq təşkilatlar da hansı qurumla əməkdaşlıq edilməsi üçün axtarışdadırlar, həmin təşkilatlar Azərbaycan cəmiyyətinin “Milli şura” və onun ətrafındakılara dəstək verməməsini yaxşı bilirlər. “Milli şura” çalışır ki, müxalifəti monopoliyaya götürsün. Bilirsiniz ki, onların əməkdaşları dəfələrlə xaricdən pul gətirərkən sərhəd məntəqələrində saxlanılıblar. “Milli şura” həmin vəsaitin kəsilməsindən qorxur, ona görə bu cür davranırlar. Biz bütün siyasi partiyalarla dialoqa hazırıq. Kifayət qədər sosial bazamız var, bu da xalqın etimadının göstəricisidir. Onlar təkliflərini ünvanlamalıdırlar, biz də baxıb qiymətləndirə bilərik.
- Bəzi hallarda iddia olunur ki, Prezident İlham Əliyevin həyata keçirdiyi islahatlara hakimiyyətdaxili hansısa qüvvə əngəl olur. Bu cür iddialarla bağlı nə deyə bilərsiniz?
- İlk növbədə seçkiöncəsi tədqiqat aparılıb. YAP ötən il keçirilən prezident seçkilərindən əvvəl yerlərdəki vəziyyəti öyrənmişdi. Bakıdan bölgələrə ezam olunan şəxslər tərəfindən 1000-dən artıq, yerli təşkilatlar tərəfindən isə 5 minə yaxın görüş keçirilmişdi. Hər bir kənd, yaşayış massivində insanlarla görüşüb, onların arzu və istəklərini öyrəndik. Bütün bunlar toplanıldıqdan sonra Prezident İlham Əliyevə təqdim olundu və seçkidən sonra dərhal islahatlar həyata keçirildi. İlk növbədə struktur, daha sonra isə digər islahatların həyata keçirilməsinə başlanıldı. Prezidentin imzaladığı müvafiq sərəncamlarla pensiya, müavinət, təqaüdlər, minimum əməkhaqqı artırıldı. Dedilər ki, bu islahatlar müxalifətin yanvarın 19-da keçirdiyi mitinqlə bağlıdır, amma bu, əsasını tapmadı. Çünki 2019-cu ilin dövlət büdcəsi 2018-ci ilin noyabrında qəbul edilib. Bu islahatların aparılması üçün lazım olan maliyyənin dövlət büdcəsindən ayrılması nəzərdə tutulmuşdu. Necə olur, tərsinə gedir? Sonra dedilər ki, Avropa İttifaqlı ilə hərtərəfli saziş imzalanacaq, ona görə islahatlar həyata keçirilir. Bu da öz təsdiqini tapmadı, çünki islahatlar ötən ilin dekabrından başlayıb. İndi də deyirlər ki, guya hakimiyyət daxilində islahatların həyata keçirilməsini istəməyən qüvvələr var, qarşıdurma yaradırlar. İslahatı ölkənin başçısı İlham Əliyev həyata keçirir, Ona da heç kəs maneçilik törədə bilməz. Kim öz vəzifəsini yerinə yetirmirsə, tutduğu vəzifədən azad edilir, yeni şəxs təyin olunur. Prezident İlham Əliyevin həyata keçirdiyi islahatlar bundan sonra da davam etdiriləcək.
- Sosial şəbəkələrdə və mətbuat orqanlarında İçərişəhərdə qala divarlarının yaxınlığında guya restoranların tikilməsi ilə bağlı məlumatlar yer alıb. Bu da sosial şəbəkələrdə etirazla qarşılanıb. Baş verənlərə sizin münasibətiniz necədir?
- Baş verənləri izləmişəm. Azərbaycanın Birinci vitse-prezidenti Mehriban xanım Əliyeva bu məsələyə dərhal reaksiya verdi. O, İçərişəhərdə vəziyyətlə tanış oldu. Mehriban xanım Əliyeva həm yerli, həm də xarici mətbuat orqanları vasitəsilə bildirdi ki, ərazidə hər hansı söküntü işləri aparılmır, aparıla da bilməz. Bilirsiniz ki, İçərişəhər Birinci vitse-prezidentin şəxsi təşəbbüsü ilə UNSECO-nun Qeyri-maddi Mədəni İrs Siyahısına daxil edilib. Belə olan halda, İçərişəhərdə hansı söküntü işindən söhbət gedə bilər? Qala divarlarının sökülməsindən söhbət gedə bilməz. Sosial şəbəkə vasitəsilə yanlış informasiya yayırdılar, 2011-ci ildə aparılan təmir-bərpa işlərinə aid şəkilləri tirajlayırdılar, bunu yeni məlumat kimi təqdim edirdilər. Bu cür hallar çox olub, bəzən qəzalı vəziyyətdə olan məktəb şəkillərini yayırlar. Halbuki o təhsil müəssisəsi xeyli müddətdir, təmir olunub. Birinci vitse-prezidentin İçərişəhərdəki vəziyyətlə tanış olması, məsələyə aydınlıq gətirməsi bəzi şəxslərin çirkin niyyətini alt-üst etdi. Heç bir azərbaycanlı İçərişəhərə xələl gətirəcək hər hansı tikinti aparmaz.
- Deyirlər ki, qala divarları ətrafında restoranların tikintisi yolverilməzdir...
- Dünyanın bir çox yerlərində olmuşam. Qədim Çin Səddində, o cümlədən Avropadakı tarixi yerlərdə bu cür obyektlər mövcuddur.
- Bakının 162 saylı məktəbinin şagirdi Elina Hacıyevanın intiharı ciddi şəkildə müzakirə olunur. E.Hacıyevanın intihara cəhd etməsindən sonra məktəbin direktoru Sevinc Abbasovanın hadisə yerinə təcili tibbi yardım deyil, Səbail rayon İcra Hakimiyyəti başçısının birinci müavini Xalidə Bayramovanı dəvət etməsi tənqid olunub. Hadisə ilə bağlı siz nə düşünürsünüz?
- Məktəbdə baş verənlərlə bağlı bir neçə dəfə müzakirə aparmışıq. Hesab edirik ki, hər bir məktəbdə iki psixoloq olmalıdır. Yalnız məktəblərdə deyil, universitetlərdə, orduda psixoloq olmalıdır. Ümumiyyətlə, psixoloqların sayı artmalıdır. Elə adamlar var ki, yalnız söhbətə ehtiyacı var, bir söhbətlə onu xilas etmək olar, amma bu insanı kimsə dinləmir. Mən kiminsə psixoloqa müraciət etməsinə rast gəlməmişəm. O məktəbdə baş verənləri ciddi şəkildə araşdırmaq lazımdır, şou düzəltməyə ehtiyac yoxdur. Kimin günahı varsa, məsuliyyətə cəlb olunmalıdır. Burada məktəb direktorunun, icra başçısının birinci müavininin və digər şəxslərin hər hansı günahı varsa, cəzasını almalıdır. Bəzi hallarda kimlərsə münasibət bildirir, müzakirə olunur, axı bu məsələ siyasi partiyalara, Azərbaycan Yazıçılar İttifaqına, Azərbaycan Bəstəkarlar İttifaqına və s. qurumlara aid deyil. Hadisə baş verib, araşdırılmalıdır, vəssalam. Müvafiq strukturlar araşdırıb qərar verməmişdən əvvəl bəziləri fikirlər söyləyirlər, məhkəmə də təşkil edirlər, cəza da kəsirlər... Bu, doğru deyil. Məhkəmə hansı qərarı qəbul edəcəksə, o qərar əsasında da nəticə çıxarılmalıdır.
- Milli Məclisdə rəhbəri olduğunuz komitədə yeni qanun layihəsi hazırlanırmı?
- Milli Məclisin İctimai birliklər və dini qurumlar komitəsində hazırlanan qanun layihələri, əlavə və dəyişikliklər cəmiyyətin bütün sferalarını əhatə edir. Məsələn, tutaq ki, parlamentin Təbii ehtiyatlar, energetika və ekologiya komitəsi, Əmək və sosial siyasət komitəsi konkret çərçivədə fəaliyyət göstərirlər. Rəhbəri olduğum komitəyə isə cəmiyyətin bütün sferalarının təklifləri daxil olur, müzakirə edilir. Hazırda Azərbaycan vətəndaşlarının xarici ölkələrdəki müqəddəs yerlərə ziyarətlərinin təşkilinin qanunvericiliklə tənzimlənməsi məsələsi diqqət mərkəzindədir.

 
  • Oxunub:  7590  |  
  • Tarix:  30-04-2019  |  
  •    Çap et   |  
Get Adobe Flash player
Azərbaycanda yeni iş yerlərinin yaradılması daimi prosesə çevrilib

22 Avqust 20:47
“KOB Dostu” Xəzər rayonunda sahibkarlara xidmət göstərəcək
22 Avqust 20:45
Kiçik dövlət müəssisələrində çalışanlar güzəştli satışı xidmətindən elektron formada istifadə edə bilər
22 Avqust 20:38
Vergilər Nazirliyi: Elektron qeydiyyat xidmətindən istifadə edənlərin sayı artır
22 Avqust 20:32
Vergilər nazirinin müavini Qobustanda vətəndaşları qəbul edib
22 Avqust 20:28
Prezident Administrasiyasının məsul işçiləri bölgələrdə vətəndaşların müraciətlərini dinləyiblər
22 Avqust 18:14
Yeni Azərbaycan Partiyasının təşkilatçılığı ilə “Mədəniyyətlərarası dialoqa Azərbaycanın töhfəsi” mövzusunda konfrans keçirilib
22 Avqust 18:11
Beynəlxalq Cüdo Federasiyasının növbəti konqresi keçirilib
22 Avqust 17:43
AFFA-da “Elit məşq” layihəsinin təqdimatı olub
22 Avqust 17:40
Bəhruz Quliyev: Belə hadisələrin siyasi mübarizə predmetinə çevrilməsinə imkan verməməliyik
22 Avqust 17:06
Bakı metrosunda daha iki yeni qatar xəttə buraxılıb
22 Avqust 17:01
Flora Qasımova: İqtisadi və siyasi böhran işğalçı Ermənistanı uçuruma aparır
22 Avqust 17:00
Mübariz Qurbanlı: Bu il Azərbaycanda dünya din xadimlərinin sammiti keçiriləcək
22 Avqust 16:59
Pərvin Kərimzadə: Azərbaycanda həyata keçirilən uğurlu siyasət istənilən hədəflərə nail olmağa əlverişli şərait yaradır
22 Avqust 16:53
Baş Prokurorluqda Tofiq Yaqubluya xəbərdarlıq edilib
22 Avqust 16:31
Əli Əhmədov: Hökumət süni qiymət artımına yol verilməməsi üçün lazımi tədbirlər görür
22 Avqust 16:29
Məcburi köçkün məktəbləri üzrə şagirdlərin elektron yerdəyişməsinə avqustun 26-dan başlanılacaq
22 Avqust 16:25
Azərbaycan XİN separatçı rejimin hesabatının BMT-də yayılmasına münasibət bildirib
22 Avqust 16:23
Əli Həsənov: Maraqlı dairələr Azərbaycanda özünün koloniyasını yaratmaq istəyirdi
22 Avqust 16:20
“Avro 2020”nin sponsorlarının nümayəndələri Bakıda səfərdədir
22 Avqust 16:19
BMT-nin Baş katibi dini mənsubiyyət və inancına görə zorakılığa məruz qalmış qurbanlarla bağlı müraciət edib
22 Avqust 16:16
Səfərbərlik və Hərbi Xidmətə Çağırış üzrə Dövlət Xidmətinin rəhbərliyi Şəmkir və Tovuzda vətəndaşları qəbul edib
22 Avqust 16:09
Bakıda "Şeyxülislam Allahşükür Paşazadə 70 - Mənəviyyata həsr olunmuş ömür" adlı konfrans keçirilib
22 Avqust 12:35
Pakistanlı astronavt Namirə Səlim: Kosmos diplomatiyası dünyaya sülh gətirəcək
22 Avqust 12:31
Ermənistanda əsgər valideynləri müdafiə nazirliyi qarşısında etiraz aksiyası keçiriblər
22 Avqust 12:17
Bişkekdə Heydər Əliyev parkı və orta məktəb binasının tikintisi ilə bağlı məsələlər müzakirə edilib
22 Avqust 12:15
UEFA Avropa Liqasına pley-off mərhələsinə 21 qarşılaşma ilə start veriləcək
22 Avqust 12:10
Bakı Ali Neft Məktəbinə qəbul planı 100 faiz dolub
22 Avqust 11:47
Əlilliyi olan şəxslərin özünüməşğulluğuna dəstək məqsədilə aparılan işlərin təqdimatı olub
22 Avqust 11:23
Dövlət Sərhəd Xidmətinin 100 illiyinə həsr olunan markalar dövriyyəyə buraxılıb
22 Avqust 11:14
Bu gün “Qarabağ” komandası UEFA Avropa Liqasının pley-off mərhələsində mübarizəyə başlayır
22 Avqust 11:12
“Kənddən Şəhərə” yarmarkası davam edir
22 Avqust 10:59
Müdafiə Nazirliyi: “MiQ-29” tipli döyüş təyyarəsinin qəzaya uğrama səbəbi müəyyən edilib
22 Avqust 10:32
“Vətən bizə əmanətdir” yay istirahət düşərgəsinə 100 nəfər yeniyetmə və gənc cəlb olunub
22 Avqust 10:24
Ermənistan silahlı qüvvələrinin bölmələri sutka ərzində atəşkəs rejimini 20 dəfə pozub
22 Avqust 09:42
Azərbaycanda yeni iş yerlərinin yaradılması daimi prosesə çevrilib
22 Avqust 09:30
Şeyxülislam Allahşükür Paşazadə: xüsusi missiyası olan ali dini lider, böyük maarifçi vətənpərvər, nüfuzlu ictimai xadim
22 Avqust 09:24
Macarıstan, Çin və Latviyada təhsil almaq hüququ qazanmış tələbələrlə görüş
22 Avqust 09:22
BDU-nun 100 illiyi münasibətilə “Riyaziyyat və onun tətbiqləri” Beynəlxalq Avrasiya Konfransı keçiriləcək
22 Avqust 09:19
Əli Kərimli şəhid pilotumuzun dəfn mərasimini siyasi avantüra vasitəsinə çevirməyə çalışıb
22 Avqust 09:17
Nəsimi rayonunda “Mərhəmət və Xeyriyyəçilik həftəsi” keçirilir
22 Avqust 09:10
2019-cu ildə regionlarda 1 milyon 12 min hektarda taxıl əkini həyata keçirilib
21 Avqust 19:46
“OPEC+” formatı: Azərbaycanın enerji siyasətinin növbəti uğuru
21 Avqust 18:47
Prezident İlham Əliyev XDMX-nin hərbi qulluqçularını və mülki işçilərini təltif edib
21 Avqust 17:57
Abşeronda kombi istehsalı zavodu fəaliyyətə başlayıb
21 Avqust 17:51
Lənkəran və Masallıda "Məzhəbçilik-dini təhlükəsizliyə təhdid kimi" mövzusunda seminar-müşavirələr keçirilib
21 Avqust 17:35
Siyavuş Novruzov: Azərbaycanın beynəlxalq əhəmiyyətli tədbirlər üçün ideal məkan seçilməsində Mehriban xanım Əliyevanın xidmətləri böyükdür
21 Avqust 17:31
Ekspert: Təqaüdçülərin sosial durumunun, həyat şəraitinin yaxşılaşdırılması daim dövlətin diqqət mərkəzindədir
21 Avqust 17:29
Xoşbəxt Yusifzadə: Yeni yataqlarımızın uğurla işlənilməsi neft gəlirlərinin qaz gəlirləri ilə balanslaşdırılması üçün şərait yaradır
21 Avqust 17:00
Vilayət Eyvazov Avstriyanın ölkəmizdəki səfirini qəbul edib
21 Avqust 16:57
"Böyük Avrasiya": "sabitsizlik qövsü" və yeni təhlükəsizlik sistemi
21 Avqust 16:41
Əli Əhmədov: Müxalifətin pilotun həlak olmasından siyasi dividend qazanmağa çalışması insanlığa yaraşmayan hərəkətdir
21 Avqust 16:08
Dövlət Komitəsinin sədri və sədr müavinləri bölgələrdə vətəndaşları qəbul ediblər
21 Avqust 15:59
Bakıda keçiriləcək bədii gimnastika üzrə dünya çempionatı “Tokio 2020”yə lisenziya xarakteri daşıyacaq
21 Avqust 15:36
Gəncədə kurqanlardan ibarət arxeoloji park yaradılacaq
21 Avqust 15:04
Daşkəsən rayon icra hakimiyyətinin başçısı səyyar görüş keçirib
21 Avqust 14:59
Azərbaycandan İspaniyaya ixracın dəyərində 189 milyon dollarlıq artım var
21 Avqust 14:34
Hikmət Babaoğlu: “Əli Kərimlinin bu addımı siyasi mənəviyyatsızlıq və məsuliyyətsizlikdir”
21 Avqust 14:29
“Azərsu” ASC-nin sədr müavinləri Şəmkir və Tovuzda vətəndaşları qəbul edib
21 Avqust 14:05
Ukraynada “Nəsimi ili” çərçivəsində tədbir keçirilib
21 Avqust 14:02
İstanbulda Azərbaycan və Türkiyə həmkarlar ittifaqları konfederasiyalarının birgə iclası keçirilib
21 Avqust 13:55
Azərbaycan və Ermənistan qoşunlarının təmas xəttində keçirilən monitorinq insidentsiz başa çatıb
21 Avqust 13:54
“Tarixi şəxsiyyətlər” jurnalının növbəti nömrəsi Şeyxülislam Allahşükür Paşazadənin 70 illik yubileyinə həsr olunub
21 Avqust 13:43
Bəhruz Quliyev: “Dəfn mərasimini siyasiləşdirmək cəhdi böyük ədəbsizlikdir”
21 Avqust 13:39
Sahib Məmmədov: Prokurorluq orqanlarına qulluğa qəbul prosesi şəffaf və ədalətli qaydada həyata keçirilir
21 Avqust 13:08
Naxçıvanda sağlamlıq imkanları məhdud şəxslərə qulluq edənlər üçün Prezident təqaüdünün ödənilməsinə başlanılıb
21 Avqust 12:51
Bakıda “Şeyxülislam Allahşükür Paşazadə - 70: mənəviyyata həsr olunmuş ömür” mövzusunda tədbir keçiriləcək
21 Avqust 12:44
Şahmatçımız Şəhriyar Məmmədyarov dünya çempionu Maqnus Karlsenlə heç-heçə edib
21 Avqust 12:33
Prokurorluq orqanlarına qulluğa qəbulla əlaqədar müsabiqənin yazılı imtahan mərhələsi keçirilir
21 Avqust 12:29
AFFA və Konami arasında tərəfdaşlıq müqaviləsi imzalanıb
21 Avqust 12:17
“MiQ-29” təyyarəsinin pilotu Rəşad Atakişiyev dəfn edilib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
HAVA HAQQINDA
Bakı
gündüz+33 +38
gecə+20 +24