Ana səhifə »  Müsahibə »  Bahar Muradova: Qarabağ məsələsini həll edə biləcək ciddi addımın atılacağı gün uzaqda deyil
A+   Yenilə  A-
Bahar Muradova: Qarabağ məsələsini həll edə biləcək ciddi addımın atılacağı gün uzaqda deyil

Milli Məclisin vitse-spikeri, İnsan hüquqları komitəsinin sədri Bahar Muradovanın ONA-ya müsahibəsi:
- Bahar xanım, söhbətimizə Elina Hacıyeva məsələsindən başlamaq istərdik. Siz bu hadisəni necə qarşıladınız? Baş verənlərə necə qiymət verirsiniz?
- Bu hadisə hamı kimi məni də həyəcanlandırdı. Çox təəssüf edirəm ki, hələ çox yaşamalı, valideynlərini sevindirməli və özünün arzularını yerinə yetirməli olan bir qızcığaz həyata əlvida dedi. Səbəblərin nə olmasından asılı olmayaraq, belə hallar baş verməməlidir. Əlbəttə ki, bəzi hallarda laqeydlik, səhlənkarlıq, səriştəsizlik heç kəsin istəmədiyi, amma qəbul etməyə məcbur olduğu belə halların baş verməsinə səbəb olur. Həmin qızcığazın həyatdan getməsinə təəssüfləndiyimi, kədərləndiyimi bir daha bildirmək istəyirəm. Onun valideynlərinə və yaxınlarına başsağlığı verirəm. Arzu edirəm ki, bir də heç bir gənc qız, oğlan, ümumiyyətlə heç bir insan belə bir qərar vermək seçimi qarşısında qalmasın.
- Bu hadisə zamanı müxtəlif instansiyalar, o cümlədən Təhsil Nazirliyi, Ailə, Qadın və Uşaq Problemləri üzrə Dövlət Komitəsi və s. ittiham olundu. Bu ittihamlara münasibətiniz necədir? Belə halların qarşısının alınması və ya baş verməməsi üçün hansı addımlar atılmalıdır?
- Hər bir adıçəkilən qurumların özünün səlahiyyətləri çərçivəsində bu məsələlərə reaksiya vermək, tədbir görmək kimi vəzifəsi vardır. Hər kəs öz vəzifəsini yerinə yetirməlidir. Başqa cür olacağını düşünmürəm. İrəli sürülən ittihamlar isə yalnız ittiham aktında əksini tapmalıdır. Bu məsələ barədə artıq müvafiq addımlar atılıb. Hazırda istintaq aparılır. Düşünürəm ki, istintaqın gedişinə imkanı olanlar cəlb olunub kömək edə bilərlər. Amma hüquqi araşdırmaların getdiyi belə bir məqamda diqqətləri başqa istiqamətə yönəldən, insanları çaşdıran və məsələnin ətrafında bəzi çərçivələri aşan ajiotajın yaradılmasına rəvac vermək olmaz. Maksimum çalışmaq lazımdır ki, haqq yerini tapsın.
- Son günlər şagirdlərin müəllimlər tərəfindən psixoloji və fiziki zorakılığa məruz qalması barədə də məlumatlar artıb. Bununla bağlı müxtəlif fikirlər səsləndirilir, valideynlər öz narahatlıqlarını ifadə edirlər. Bir ana olaraq və İnsan hüquqları komitəsinin sədri kimi sizin məsələyə münasibətiniz necədir?
- İstənilən demokratik ölkədə, cəmiyyətlərdə azyaşlılarla davranışın qaydaları var. Bu qaydalar da beynəlxalq ictimaiyyətin qəbul etdiyi sənədlərə, beynəlxalq hüquqi aktlara, konvensiyalara, ölkələrin imzaladığı sazişlər əsasında üzərinə götürdüyü öhdəliklərə söykənməlidir. Azərbaycanda da bu belədir. Düşünürəm ki, həm valideyn, həm təhsil alan, həm də təhsil verən bu qaydalara əməl etməlidir. Bəzi hallarda hadisələrin mahiyyətinə vardıqda hiss edirsən ki, məsələ daha çox olduğu kimi deyil, bəzi dairələrin görmək istədikləri kimi təqdim olunur. Bir çox hallarda isə müvafiq, yaxud da heç aidiyyəti olmayan dairələrin bu və ya digər problemin mahiyyətindən kənar proseslərə daha çox cəlb olunmaları səbəbindən məsələ olduğundan qat-qat fərqli şəkildə təqdim edilir. Bu da hesab edirəm ki, arzuolunan deyil.
- Sosial şəbəkələr sürətlə insanların həyatına daxil olmağa başlayıb. Bu sürətli prosesdə sanki bir xaos da nəzərə çarpır. Sosial şəbəkədə baş verənləri necə qarşılayırsınız? Vətəndaşlarımızın sosial şəbəkələrdən istifadə forması və səviyyəsi sizi qane edirmi?
- Xatırlayırsınızsa, sosial şəbəkələrə qədər də biz mətbuatdakı bəzi nöqsanlı cəhətlərdən şikayətlər edirdik. Bu, yenə də davam edir. Amma indiki halda daha çox sosial şəbəkələrdə baş verənlər söhbət mövzusudur. Ona görə ki, bizdən asılı olmadan sosial şəbəkələr getdikcə hər kəsin həyatının daha böyük hissəsini tutmağa başlayır. Bu, bir tərəfdən cəmiyyətin fəallığını, ictimai nəzarətin daha ciddi xarakter almasını, informasiya təminatının sürətlənməsini şərtləndirir. Amma bəzi hallarda da arzuolunmaz proseslərə yol açır. Çalışmaq lazımdır ki, bütün yaranmış imkanlardan, yeni texnologiyalardan təyinatı üzrə istifadə edəsən. Amma necə? Baxın, qanunlar min illərdir mövcuddur. İnsanı öldürmək, təhqir etmək, heyvanlara əziyyət vermək, başqasının əmlakına ziyan vurmaq olmaz və s. Amma görürsünüz, belə hadisələr hər gün baş verir. Cinayətin xronikası, kriminal hadisələrin statistikası heç də azalmağa doğru getmir. Hətta daha yeni formalarda cinayət növlərinin əlavə olunması ilə diqqəti çəkir. Sosial şəbəkələr də belədir. Biz nə qədər şikayət, narazılıq etsək də, hər birimiz sosial şəbəkələrdən istifadə etməyə məhkumuq. Ona görə də burada qaydaya, nizama əməl etməyə çağırışlar ola bilər. Biz cəmiyyətimizdə, dövlətimizdə, evimizdə qanunlara və qaydalara əməl etməyin necə üstün olduğunu qəbul ediriksə, sosial şəbəkələri də belə qəbul etməliyik. Hesab edirəm ki, bu sahədə qayda yaratmaq istifadəçilərin özündən və hər birimiz üçün fərdi deyil, ümumi olan bu məkanda ən azı mənəvi qanunlara əməl etməyin vacib olmasını qəbul etməyimizdən daha çox asılıdır.
- Bildiyimiz kimi, dünyanın bir çox ölkələrində parlament institutları var. Onlar qanun layihələrinin hazırlanmasında və digər qanunvericilik işlərində fəal iştirak edirlər. Azərbaycanda belə bir institutun yaradılmasına ehtiyac varmı?
- Müxtəlif ölkələrdə fərqli belə qurumlar, Qeyri-Hökumət Təşkilatları (QHT) var və parlamentlərin gündəliyində duran məsələlərlə daha çox məşğul olurlar. Azərbaycanda da belə qurumlar, QHT-lər var. Onlar bu və ya digər təkliflərini parlamentə təqdim edir, ictimai müzakirələrin təşkilində iştirak edirlər. Həmçinin beynəlxalq parlament təşkilatlarının da üzvüyük. Bu təşkilatlara üzv olan ölkələrin istifadə etdiyi qanunlar, əldə etdiyi üstün təcrübə bu institutlar vasitəsilə digər üzv ölkələrdə də yayıla bilir. Odur ki, qanunlarımızı, normativ aktlarımızı üzv olduğumuz bu təşkilatların standartlarına qarşılıqlı bir şəkildə uyğunlaşdırmaqdayıq. Diqqətinizə bir məqamı da çatdırmaq istəyirəm. Son 10 ildən artıq bir dövrdə Azərbaycan parlamentinin qəbul etdiyi bir çox qanunlar da bu təşkilatlarda model qanun statusu ilə öyrənilməkdə və yayılmaqdadır. Gündəlik həyat isə dəyişir, inkişaf edir, yeni-yeni ictimai-siyasi münasibətlər yaranır və biz mövcud qanunlarımıza belə dəyişiklikləri mütləq şəkildə etməliyik və edirik. Bir daha qeyd etmək istəyirəm ki, biz müvafiq dövlət orqanları, eləcə də ictimai təşkilatlarla, beynəlxalq təşkilatlarla, həm də hakimiyyətin digər qanadları ilə bu istiqamətdə sıx əməkdaşlıq səviyyəsində fəaliyyət göstəririk.
- Bəs qanunların icra vəziyyəti sizi qane edirmi?
- Bütün dünyada qanunlar həm mövcud ictimai-siyasi reallıqlara uyğun, həm də perspektivi nəzərə almaqla qəbul edilir. İdealda hər kəs qanunlara riayət etməyə çalışmalı və qanunun aliliyinin təmin olunmasına öz töhfəsini verməlidir. Amma birmənalıdır ki, qanunların icra vəziyyəti heç də onun qəbulu zamanı gözlənilən səviyyəyə uyğun olmur. Bunu gündəlik həyatımız sübut edir ki, qanunlarda nəzərdə tutulmuş müddəaları bilərəkdən, yaxud bilməyərəkdən heç də hamı yerinə yetirmir. Əks təqdirdə, heç kəs cinayət məsuliyyətinə cəlb olunmazdı, yaxud inzibati cəza almazdı.
- Bahar xanım, bəzi deputatların fikirləri ictimaiyyətdə sərt reaksiyalara səbəb olur. Sizcə, buna səbəb nədir?
- Bu bir həqiqətdir ki, bəzi hallarda bizim bir çoxlarımızı qane edən, etik qaydalara, mənəvi kriteriyalara uyğun olan, özündə vacib elementləri əks etdirməsi baxımından çox ideal görünən bir fikir belə yenə də kiminsə narazılığına səbəb ola bilər. Çünki nə qədər insan varsa, bir o qədər də fərqli fikirlər var. O baxımdan nəinki deputatın, istənilən bir şəxsin hər hansı bir açıqlaması həm razılıq, həm də narazılıq doğura bilər. Narazılıq da o hallarda doğurur ki, hansısa şəxsin söylədiyi bir fikir ictimaiyyətin böyük bir hissəsinin eşitmək istədiyi fikirlərdən fərqli olur. Deputatlar da yekcins deyillər. Onlar müxtəlif siyasi partiyaları, hərəkatları, mövqeləri parlamentdə təmsil edirlər. Bir təbəqənin mənafeyi naminə söylənilən fikir, digər təbəqənin mövqeyi ilə uyğun olmaya bilər. Və yaxud da kimsə öz fikrini kifayət qədər səriştəli və aydın şəkildə açıqlamaya, özünün fərdi mövqeyini ümumi bir qənaət kimi təqdim edə bilər. Demokratik cəmiyyətlərdə belə hallara tez-tez rast gəlinə bilir. Amma belə halların ətrafındakı müzakirələr də müəyyən etik normalar çərçivəsində getsə, daha yaxşı olar.
- Dövlət başçısı ölkədə müxtəlif sahələrdə islahatlara start verib. İslahatlar getdikcə daha da genişlənir və dərinləşir. Ölkədə gedən islahatlar barədə nə deyə bilərsiniz? İddialar var ki, bəzi dairələr bu islahatlardan narahatlıq keçirir, ona mane olmağa cəhdlər göstərir. Siz bu fikirlə razısınızmı?
- Aparılan islahatlar vətəndaşların mənafeyinə, onların sosial rifah halının yaxşılaşdırılmasına, təhlükəsizliyinin təmin olunmasına və ölkənin inkişafına yönəlibsə, bunu ancaq alqışlamaq və müsbət qarşılamaq lazımdır. Azərbaycan son illər həyata keçirilən siyasətin mahiyyətinə görə dünyada ən islahatçı ölkələr sırasındadır. Hətta ən islahatçı ölkə adını alıb. Mən də bu islahatları dəstəkləyirəm. Bizim borcumuz yalnız bu islahatların müsbət olduğunu söyləmək deyil, həm də onun reallaşmasına öz imkanlarımız səviyyəsində dəstək vermək və iştirak etmək olmalıdır. Mən də öz tərəfimdən Prezident İlham Əliyevin yeritdiyi bütün siyasəti dəstəkləyirəm. Həyata keçirilən islahatların zamanın nəbzini tutduğuna qəti şəkildə əminəm. Görünən də odur ki, xalqımızın mütləq əksəriyyəti aparılan islahatları dəstəkləyir və hər kəs bunu öz həyatında hiss etdiyinə görə müsbət qiymətləndirir. Bir siyasət ki, xalqın mənafeyinə yönəlib və onu razı salıb, qoy bundan narazı olanlar bir az da dərindən düşünsünlər. Amma əlbəttə ki, onlar da bir gün haqq yoluna gəlsələr, ilk növbədə özləri mənəvi rahatlıq tapacaqlar.
- Prezidentin imzaladığı sonuncu əfv Sərəncamı ilə adı siyasi məhbus kimi hallanan xeyli insan azadlığa çıxdı. Bununla belə, siyasi məhbus problemi ilə bağlı Azərbaycan hökumətinə ittihamlar ünvanlanmaqda davam edir. Siz bu ittihamlara necə baxırsınız?
- Belə fikirlər Azərbaycan cəmiyyəti və ictimai-siyasi həyatı üçün yeni deyil. İllərdir ki, bu prosesi “irəliyə aparmaq” tapşırığı olan insanlar var. Onlar da bu “tapşırıqlara” çox ciddi cəhdlə əməl etməyə çalışırlar. Nə qədər ki, belə tapşırıqlar verənlər və həmin tapşırıqları özünün “əsas vəzifəsi” kimi qəbul edən insanlar olacaq, o qədər də Azərbaycanda bu mövzu davam edəcək. Amma birmənalıdır ki, belə ittihamların real hadisələrlə heç bir əlaqəsi yoxdur. Bir də ki, davamlı olaraq qəlbində hər şeydən daimi narazılıq və kin-küdurət gəzdirmək sizə asan gəlməsin. Belə hal insanı içəridən məhv edir. Mənə görə, belə insanlar özlərini ən ağır bir cəzaya məhkum etmiş olurlar.
- Son zamanlar Ermənistan-Azərbaycan Dağlıq Qarabağ münaqişəsinin həlli ilə bağlı danışıqların intensivliyinin şahidi oluruq. Mövcud durumu necə dəyərləndirirsiniz? Ermənistan rəhbərliyinin danışıqlar fonunda səsləndirdiyi bəyanatlar barədə nə deyə bilərsiniz?
- Ermənistan rəhbərliyinin münaqişənin mövcud durumu və həmin durumu dəyişmək istiqamətində gedən danışıqlarda və danışıqlar ətrafındakı müzakirələrdə tutduğu mövqe həmişə absurd adlandırıla biləcək xarakter daşımaqdadır. Onlar yaxşı bilirlər ki, qonşu ölkənin torpağını işğal ediblər, insanlığa, bəşəriyyətə qarşı beynəlxalq, o cümlədən soyqırımı, hərbi cinayətlər törədiblər. Və yaxşı da bilirlər ki, bir dövlət olaraq onlara qarşı bu gün hansı ittihamlar var və gələcəkdə daha hansı ittihamlar irəli sürülə bilər. Onları beynəlxalq hüquqda, öz ölkələrində və Azərbaycan qanunvericiliyində məhkum edən çoxsaylı müddəalar var. Xüsusi olaraq bildirim ki, bu cinayətlərdə müddət yoxdur. Onlar istənilən vaxt bu cinayətlərə görə cavabdehlik daşıyacaqlar.
Ermənistan münaqişə tərəfi olaraq danışıqlar prosesində iştirak edir və mövcud vəziyyətdən çıxan nəticələrə görə bilir ki, hansı tələbləri yerinə yetirməlidir. Danışıq prosesində buna razılıq verirlər. Amma danışıq bitdikdən sonra tamamilə fərqli açıqlamalarla çıxış edərək, Azərbaycanın ədalətli mövqeyini rəhbər tutan beynəlxalq prinsiplərə qarşı olduqlarını bildirməkdən çəkinmirlər. Düşünürlər ki, status-kvo nə qədər mövcuddur onların müdafiə imkanları vardır. Lakin əmin olsunlar ki, bu absurd siyasətə son verən, eləcə də bütövlükdə bu məsələni həll edə biləcək ciddi addımın atılacağı gün uzaqda deyil.
- İnsanlarımızın əksəriyyəti münaqişənin həlli yolunu müharibədə görür...
- Mən onları qınamıram. İnsanların bu məsələ ilə əlaqədar sərbəst fikir yürütmək ixtiyarı var. Münaqişənin həm sülh, həm də müharibə yolu ilə həllini görənlərin kifayət qədər möhkəm arqumentləri var. Müharibə yolu ilə torpaqlarını müvəqqəti itirmiş Azərbaycan tam mənası ilə dərk edir ki, zor gücünə alınan torpaqları sülh yolu ilə qaytarmaq prosesi ya həlli çox çətin, ya da həlli çox uzun müddət tələb edən məsələdir. Biz bunların ikisini də öz həyatımızda hiss edirik. Ona görə də belə çağırışları təbii qəbul etmək lazımdır. Bir də dünya ictimaiyyəti hər bir məsələdə müxtəlif fikirlərin olmasını qəbul etməli və ona hörmətlə yanaşmalıdır.
- ATƏT PA-da Dağlıq Qarabağ münaqişəsi ilə bağlı Azərbaycan tərəfi tez-tez məsələ qaldırır. ATƏT institutlarının münaqişənin həlli üçün gördüyü işləri qənaətbəxş saymaq olarmı?
- Cənab Prezident öz çıxışlarında həmişə vurğulayır ki, diplomatik üstünlüklər, beynəlxalq hüquq, haqq-ədalət bizim tərəfimizdədir. Çünki Azərbaycanın mövqeyi Ermənistandan üstündür və möhkəmdir. Ermənistan özünü heç bir ölkə ilə müqayisə olunmayacaq pis bir duruma salıb. İşğalçı ölkə adlanır. Azərbaycan isə müdafiə olunan və ədalətsizliyə məruz qalan ölkədir. Ona görə də bizim sənədlər üzərində üstünlüyümüz çox böyükdür. Dünya ictimaiyyəti əvvəllər Azərbaycan kimi işğala məruz qalan ölkələrin yanında az dayanırdısa, bu gün artıq beynəlxalq hüququn mövqeyindən çıxış etməyə başlayır. Çünki bir çox ölkələrdə də belə münaqişələr yaranır və Avropa ölkələri bu problemi öz üzərlərində hiss etməkdədir. İndi artıq güc yolu ilə əraziləri özünə birləşdirmək və s. bu kimi hallar birmənalı şəkildə rədd olunur. Dəfələrlə beynəlxalq təşkilatlarda, ATƏT-in sammitlərində, o cümlədən ATƏT PA-da Dağlıq Qarabağ münaqişəsi ilə bağlı Azərbaycanın xeyrinə qərarlar, sənədlər qəbul edilib. Hesab edirəm ki, ATƏT institutlarının münaqişənin həlli üçün gördüyü işləri tam qənaətbəxş saymaq mümkün olmasa da, ölkəmizin mövqeyinin möhkəmlənməsinə təsirini inkar etmək olmaz. Çünki özünə hörmət edən heç bir beynəlxalq təşkilat təcavüzü dəstəkləyən və açıq şəkildə ona haqq qazandıran mövqe sərgiləyə bilməz. Bu isə nəzərə alın ki, çox ciddi arqumentdir və bizim mövqeyimizə xidmət edir.

 
  • Oxunub:  10080  |  
  • Tarix:  01-05-2019  |  
  •    Çap et   |  
Get Adobe Flash player
Birinci vitse-prezident Mehriban Əliyeva Xalq artisti Əlibaba Məmmədovun evində qonaq olub

05 Dekabr 21:50
Heydər Əliyev Fondu Moskvanın Xalq Təsərrüfatı Nailiyyətləri Sərgisindəki “Azərbaycan” pavilyonuna görə xüsusi mükafata layiq görülüb
05 Dekabr 21:45
Növbəti illərdə ATƏT-ə sədrlik edəcək ölkələrin adları müəyyənləşib
05 Dekabr 21:37
DİN vakant post-patrul xidmətinə qəbulla əlaqədar müsabiqə elan edir
05 Dekabr 21:34
Azərbaycanın Xarici İşlər naziri Avropa İttifaqının Cənubi Qafqaz üzrə xüsusi nümayəndəsi ilə görüşüb
05 Dekabr 21:31
Azərbaycanla Asiya İnkişaf Bankının əməkdaşlığının 20 illiyi qeyd olunub
05 Dekabr 21:28
“Rossiya-24” telekanalı “Bakutel-2019” sərgisi ilə bağlı reportaj yayımlayıb
05 Dekabr 21:19
ATƏT-in Minsk qrupuna daxil olan həmsədr ölkələrin nümayəndə heyətlərinin rəhbərləri bəyanat yayıblar
05 Dekabr 20:45
Azərbaycan və Ukrayna arasında nəqliyyat sahəsində mövcud əməkdaşlıq müzakirə olunub
05 Dekabr 19:37
Elmar Məmmədyarov: Azərbaycan ərazilərinin hərbi işğalı həll yolu deyil və heç vaxt Ermənistanın istədiyi siyasi nəticəni verməyəcək
05 Dekabr 19:07
Şamaxıda zəlzələ nəticəsində ziyan çəkmiş ailələr üçün yeni inşa edilmiş binada yaradılmış şəraitlə tanışlıq
05 Dekabr 19:00
Prezident İlham Əliyev Şamaxı rayonuna səfərə gəlib
05 Dekabr 18:55
Şamaxıda "ASAN Həyat" kompleksinin açılışı olub
05 Dekabr 18:15
Prezident İlham Əliyev Bakı-Şamaxı-Yevlax avtomobil yolunun 101-117-ci kilometrlik hissəsinin açılışında iştirak edib
05 Dekabr 17:54
Məhəmməd Hadinin 140 illiyi qeyd olunacaq
05 Dekabr 17:45
Azərbaycan-Qırğızıstan əlaqələrinin inkişaf perspektivləri barədə müzakirələr aparılıb
05 Dekabr 17:34
Görkəmli xanəndə Əlibaba Məmmədovun anadan olmasının 90 illiyi qeyd olunacaq
05 Dekabr 17:15
Dövlət Komitəsində gənc könüllülərlə görüş olub
05 Dekabr 17:05
Əli Əhmədov: Yeni Azərbaycan Partiyası bütün partiyaları Milli Məclisə keçiriləcək seçkilərdə iştiraka, öz gücünü sınamağa, xalqla səmimi dialoq şansından faydalanmağa çağırır
05 Dekabr 16:47
Milli Məclisə növbədənkənar seçkilər 2020-ci il fevralın 9-na təyin edilib - SƏRƏNCAM
05 Dekabr 16:47
Madriddə İmadəddin Nəsiminin 650, Aşıq Veysəlin isə 125 illiyi qeyd olunub
05 Dekabr 16:31
Qida zəncirinin mərhələlərində beynəlxalq standartların tətbiqi müzakirə olunub
05 Dekabr 16:10
Türkiyə qəzetləri Azərbaycanda həyata keçirilən islahatlardan yazır
05 Dekabr 16:07
2020-ci il Azərbaycan Gimnastika Federasiyası üçün beynəlxalq tədbirlərlə zəngin olacaq
05 Dekabr 16:01
Dövlət Komitəsinin sədri Abşeronda vətəndaşları qəbul edib
05 Dekabr 16:00
YAP Nərimanov rayon təşkilatında bələdiyyə üzvlüyünə qadın namizədlərlə görüş keçirilib
05 Dekabr 15:48
YAP İcra Katibliyində Diasporla İş üzrə Dövlət Komitəsinin sədri Fuad Muradov mətbuat konfransı keçirib
05 Dekabr 15:41
Bakıda Gənc Sahibkarlar Forumu keçiriləcək
05 Dekabr 15:37
Zakir Həsənov Pakistan səfiri ilə görüşüb
05 Dekabr 15:30
Çavuşoğlu: "Ərazi bütövlüyünə əsaslanaraq Dağlıq Qarabağ münaqişəsinin həllini tapmalıyıq”
05 Dekabr 15:14
Müdafiə naziri cəbhəboyu zonada artilleriyaçıların döyüş hazırlığını yoxlayıb
05 Dekabr 15:09
Formula 1 Azərbaycan Qran-Prisi üçün könüllülərin qeydiyyatına başlanıb
05 Dekabr 15:08
Nizami rayonunun qadın seçiciləri YAP-ın namizədlərinə səs verəcəklər
05 Dekabr 15:04
Bakıda “Dövlət idarəçiliyində səriştə modeli: çətinliklər və həll yolları” mövzusunda seminar keçirilir
05 Dekabr 15:01
Nazir Zakir Həsənov cəbhəboyu zonadakı hərbi hissələrdə aparılan tikinti işlərinin gedişi ilə tanış olub
05 Dekabr 14:58
Fuad Muradov: Bu günədək 88 diaspor təşkilatı 69 fərdi şəxs müvafiq elektron qeydiyyatdan keçib
05 Dekabr 14:56
Nazirlər Kabinetinin Qərarı ilə Yeni il bayram tətilinin fasiləsizliyi və uzunmüddətliliyi təmin edilib
05 Dekabr 14:53
Elçin Əhmədov: Azərbaycanın dinamik inkişafı Prezident İlham Əliyev tərəfindən uğurla və novatorcasına aparılan siyasətin nəticəsidir
05 Dekabr 14:50
Bakıda dövlət qulluğunda insan resurslarının idarə olunması mövzusunda beynəlxalq konfrans keçirilir
05 Dekabr 14:48
Komitə sədri: “Soydaşlar və diaspor təşkilatları haqqında” yeni qanun layihəsi demək olar ki, hazırdır
05 Dekabr 14:46
Pərvin Kərimzadə: Azərbaycanın Birinci vitse-prezidentinin humanist addımı sənətə, sənətkara hörmətin təsdiqidir
05 Dekabr 14:44
Yüz milyon oxucusu olan "China Daily" Azərbaycandakı islahatlardan yazır
05 Dekabr 14:43
Argentina səfiri: AZƏRTAC–ın ispan dilində xəbər yayması təqdirəlayiqdir
05 Dekabr 14:39
AzTU-da Belarus Dövlət Rabitə Akademiyası ilə əməkdaşlığın genişləndirilməsi istiqamətində fikir mübadiləsi aparılıb
05 Dekabr 13:10
Bakıda "Nəsimi 650: haqqın carçısı" mövzusunda beynəlxalq elmi-praktik konfrans keçirilir
05 Dekabr 09:55
5 dekabr – Beynəlxalq Könüllülər Günüdür
05 Dekabr 09:37
Azərbaycan xalqı Prezident İlham Əliyevin rəhbərliyi ilə həyata keçirilən islahatları birmənalı şəkildə dəstəkləyir
05 Dekabr 09:35
Regionlarda heyvandarlıq məhsulları istehsalını daha da artırmaq məqsədilə yeni təsərrüfatlar yaradılır
05 Dekabr 09:32
Pambıq qəbulu məntəqələrinə bu günədək 293 min tondan çox məhsul təhvil verilib
05 Dekabr 09:31
Bakcell Bakutel - 2019 sərgisində: ən üstün şəbəkə və müştəri təcrübəsi
05 Dekabr 09:29
Azercell Bakutel çərçivəsində yeni əməkdaşlıqlara imza atdı
04 Dekabr 21:29
Naxçıvanda Şeyxülislam Allahşükür Paşazadənin 70 illik yubileyi qeyd olunub
04 Dekabr 21:26
Azərbaycan Prezidenti İlham Əliyev “Bakutel-2019” sərgisi ilə tanış olub
04 Dekabr 21:25
İzmir şəhərində ulu öndər Heydər Əliyevin xatirəsinə həsr olunan anım tədbiri keçirilib
04 Dekabr 21:09
Azərbaycan nümayəndə heyəti İran Prezidenti Administrasiyasının rəhbəri ilə görüşüb
04 Dekabr 21:04
Prezident İlham Əliyev: Azərbaycanda aparılan köklü islahatlar bütün sahələri əhatə edir
04 Dekabr 20:57
Rufiz Qonaqov: Azərbaycanın dünya birliyində nüfuzu, dövlətlərarası münasibətlərdə çəkisi artır
04 Dekabr 20:55
Nəqliyyat, Rabitə və Yüksək Texnologiyalar Nazirliyi ilə Beynəlxalq Telekommunikasiya İttifaqı regional təşəbbüs layihəsi imzalayıb
04 Dekabr 20:49
Prezident İlham Əliyev: Ölkəmizin uğurlu inkişafı danılmaz həqiqətdir
04 Dekabr 20:47
Vəkillər Kollegiyası Rəyasət Heyətinin növbəti iclası keçirilib
04 Dekabr 20:46
Beyləqan, Xocavənd, Cəbrayıl və Füzuli rayon təhsil şöbələri müdirlərinin hesabat məruzələri dinlənilib
04 Dekabr 20:41
Azərbaycan Prezidenti: Kadr islahatları davam etdiriləcək
04 Dekabr 20:30
Prezident Administrasiyasının məsul işçiləri bölgələrdə vətəndaşların müraciətlərini dinləyiblər
04 Dekabr 20:25
Səfa Mirzəyev: Konstitusiya Məhkəməsi Milli Məclisin səlahiyyətlərinin parlamentin yeni tərkibi formalaşanadək saxlanılmasını nəzərə alıb
04 Dekabr 20:23
Mədəniyyət naziri Əbülfəs Qarayev Bəhreyn Krallığının ölkəmizdə səfərdə olan nümayəndə heyəti ilə görüşüb
04 Dekabr 20:22
BDU-da Beynəlxalq Telekommunikasiya İttifaqının Baş katibi ilə görüş keçirilib
04 Dekabr 20:17
Hakimliyə namizədlərlə yazılı imtahan keçiriləcək
04 Dekabr 20:13
“Könüllülük sərhəd tanımır!” devizi altında silsilə tədbirlərin təşkilinə 500 gənc cəlb olunub
04 Dekabr 20:10
YAP Qaradağ rayon təşkilatında seçicilərlə görüş keçirilib
04 Dekabr 20:10
Birinci vitse-prezident Mehriban Əliyeva Xalq artisti Əlibaba Məmmədovun evində qonaq olub
04 Dekabr 17:50
Bratislavada Azərbaycanın və Ermənistanın Xarici İşlər nazirlərinin görüşü keçirilir

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
HAVA HAQQINDA