Ana səhifə »  Müsahibə »  Uğurlarımızı həzm etməyən ünsürlər inkarçılıqla özlərinə qarşı ictimai qınağı daha da gücləndirirlər
A+   Yenilə  A-
Uğurlarımızı həzm etməyən ünsürlər inkarçılıqla özlərinə qarşı ictimai qınağı daha da gücləndirirlər

Yeni Azərbaycan Partiyası (YAP) İcra katibinin müavini, Milli Məclisin İctimai birliklər və dini qurumlarla iş komitəsinin sədri Siyavuş Novruzov www.yap.org.az saytına müsahibə verib:
- Siyavuş müəllim, beynəlxalq baxışın yüksək olduğu Azərbaycanın uğurlarının bəzi dairələr tərəfindən qısqanclıqla qarşılanmasını necə şərh edərdiniz?
- 28 illik müstəqlik tarixinə malik olan Azərbaycanın zaman baxımından qısa olan bir dövrdə əldə etdiyi uğurların miqyası göz önündədir. Ulu Öndər Heydər Əliyevin düzgün müəyyənləşdirdiyi siyasətin son 16 ildə dövlətimizin başçısı İlham Əliyev tərəfindən uğurla davam etdirilməsi nəticəsində Azərbaycan dünyada ən islahatçı ölkə kimi tanınır, ən əsası, yeni iqtisadi və sosial inkişaf modeli ilə mövqeyini daha da möhkəmləndirir. Bu uğurlarımıza yol açan əsas amillərdən biri də malik olduğumuz təbii resurslardan səmərəli istifadə və əldə olunan neft gəlirlərinin təyinatı üzrə xərclənməsidir. Ölkə Prezidenti İlham Əliyevin çıxışlarında da bu məqam öz əksini tapır ki, neftlə zəngin çox ölkələr var. Amma bu resurslar heç də həmin ölkələrə xeyir, uğur gətirməyib. Əhali arasında təbəqələşmə prosesi sürətli xarakter alıb. Lakin Azərbaycanın inkişaf strategiyasının dünyanın qabaqcıl ölkələrinin təcrübəsinə uyğun müəyyənləşdirilməsi bu kimi problemlərin yaşanmamasına, ən əsası, neft gəlirlərinin əhali arasında bərabər bölgüsünə geniş imkanlar yaradıb. Ölkəmizdə iqtisadi tərəqqi güclü sosial siyasətlə tamamlanır. Təkcə cari ilin ötən dövründə əhalinin sosial müdafiəsinin gücləndirilməsi istiqamətində atılan addmlara diqqət yetirmək kifayətdir. Təsdiqlənən iki sosial paket minlərlə insanın sosial müdafiəsinin yaxşılaşdırılmasına xidmət edir. O da məlumdur ki, artıq oktyabrın birindən minimum pensiyaların məbləği 200 manata çatdırılıb. Göründüyü kimi, dövlətimizin başçısı İlham Əliyev hər kəsin Prezidenti olduğunu, Azərbaycanın hərtərəfli inkişafının prioritetliyini atdığı addımları ilə təsdiqləyir.
Xarici siyasətin daxili siyasətin davamı olduğunu nəzərə alsaq, bu gün Azərbaycanın beynəlxalq aləmdə möhkəmlənən mövqeyi də göz önündədir. Azərbaycan heç bir dövlətin, beynəlxalq təşkilatın diktəsi ilə hərəkət etmir. Əksinə, Azərbaycan regionun lider dövləti olaraq bölgədəki proseslərdə aparıcı rol oynayır. Eyni zamanda, Azərbaycan Avropanın enerji təhlükəsizliyini təmin edən əsas ölkələrdən biridir. Dövlətimizin başçısı İlham Əliyevin qeyd etdiyi kimi, bu gün bölgədə Azərbaycanın iştirakı olmadan hansısa siyasi və iqtisadi layihələnin həyata keçirilməsi qeyri-mümkündür. Ölkəmizin təşəbbüsçüsü olduğu layihələr ölkələr, xalqlar arasında körpü rolunu oynayır. Dövlətimizin başçısı İlham Əliyevin həyata keçirdiyi siyasət Azərbaycanı daha da gücləndirir, yeni-yeni hədəflərin müəyyənləşdirilməsini stimullaşdırır. Azərbaycanı inkişaf etmiş ölkələr sırasında görmək istəyimiz məhz uğurlarımıza və gələcəyə hesablanmış inkişaf strategiyamıza əsaslanır.
Azərbaycanın beynəlxalq mövqeyi möhkəmlənir. Təkcə dövlətimizin başçısı İlham Əliyevin Rusiya Federasiyasına işgüzar səfəri zamanı “Valday” Beynəlxalq Diskussiya Klubunun XVI illik iclasında çıxışına, həmçinin Rusiyanın “Rossiya” və “Birinci” televiziya kanallarına müsahibəsinə diqqət yetirmək kifayətdir. Dövlətimizin başçısı İlham Əliyevin işğalçı Ermənistana və onun havadarlarına ciddi mesaj kimi dəyərləndirilən “Qarabağ tarixi əzəli Azərbaycan torpağıdır. Beləliklə, Qarabağ Azərbaycandır və nida işarəsi” bəyanatı bu gün beynəlxalq aləmdə geniş müzakirə olunmaqdadır. Dövlətimizin başçısı İlham Əliyev bu kimi bəyanatları ilə Azərbaycanın öz siyasətində müstəqil olduğunu bir daha dünyaya nümayiş etdirir.
Azərbaycanın bərabərhüquqlu, qarşılıqlı hörmətə və maraqlara əsaslanan xarici siyasəti onun istər ikitərəfli, istərsə də beynəlxalq təşkilatlar çərçivəsində əlaqələrinin inkişafına, mövqeyinin möhkəmləndirilməsinə geniş imkanlar açır. Təbii ki, bu uğurlarımızı həzm etməyən daxili və xarici bədxahlarımız görülən işlərin əhəmiyyətini azaltmaq, ictimai fikri çaşdırmaq üçün ən çirkin yollara əl atır və bundan sonra da atacaqlar. Sosial şəbəkələrin imkanlarından istifadə edərək cəmiyyətdə qarışıqlıq yaratmaq istəyənlər var. Onların arxasında xarici anti-Azərbaycan qüvvələrin dayandığı aydındır. Onları maliyyələşdirənlər sırasında erməni lobbisinin xüsusi yer tutduğu da məlum olaylardandır. Xaricdəki mühacir azərbaycanlılar ölkəmizdə təkmil islahatlara, genişmiqyaslı quruculuq işlərinə kölgə salmaq üçün ən çirkin yollara əl atırlar. Yalanlarını həqiqət kimi sırımaq istiqamətində cəhdlər göstərirlər. Azərbaycanın uğurlarını həzm etməyi bacarmadıqlarındandır ki, ölkə Prezidentinin, o cümlədən bu və ya digər dövlət məmurlarının ünvanına əsassız fikirlər səsləndirirlər. Amma unudurlar ki, belə cəhdlər sabun köpüyündən başqa bir şey deyil. Bu baxımdan ki, ağı qaradan seçməyi bacaran xalq dövlətimizin həyata keçirdiyi siyasətin dəstəkçisi olmaqla yanaşı, bu inkişafı, tərəqqini gündəlik həyatında hiss edir. Dövlətimizin başçısı İlham Əliyevin daim bəyan etdiyi kimi, xalqına güvənir, xalqından dəstək alır, həyata keçirilən təşəbbüslərin xalq tərəfindən dəstəklənməsi Ona böyük güc verir. Ölkəmizdə sabitliyin təminatçısı olan xalq-iqtidar birliyinin günbəgün möhkəmlənməsi fonunda xarici anti-Azərbaycan qüvvələrin, həmçinin onların əlində alətə çevrilən daxili bədxahlarımızın cəhdləri boşa çıxır.
- Siyavuş müəllim, xeyli müddətdir ki, sosial şəbəkələrdə Azərbaycan hakimiyyətinə, Prezidentə və Onun ətrafında olan məmurlara qarşı ləkələmə kampaniyası aparılmaqdadır. Bu çirkin təbliğatın arxasında hansı maraqlar dayanır?
- Təkcə son zamanlarda hədəfə götürülən məmurlara diqqət yetirdikdə məqsəd daha aydın şəkildə özünü büruzə verir. Milli Məclis haqqında, Milli Məslisin sədri Oqtay Əsədov və parlamentin deputatları, həmçinin SOCAR-ın prezidenti, Milli Məclisin deputatı Rövnəq Abdullayevin və başqalarının haqqında yalan, əsassız fikirlərin səsləndirilməsində məqsəd onların rəhbərlik etdikləri strukturların Azərbaycanımız üçün gördükləri işlərin əhəmiyyətini azaltmaq, ictimai fikirdə çaşqınlıq yaratmaq, ən əsası, uğurlarımıza qara eynəkdən baxmaqdır. Bunu əsasən Avropadakı “söyüş müxalifəti” və daxildəki əlaltıları həyata keçirirlər.
“Söyüş müxalifəti”nin bu gün tənqid üçün əsas hədəfə götürdüyü şəxslərdən olan Oqtay Əsədovun rəhbərlik etdiyi Milli Məclis qanunverici orqan olaraq ölkəmizin hərtərəfli inkişafına geniş imkanlar yaradan qanunların qəbulunda əhəmiyyətli rol oynayır. O qanunlar ki, daim yenilənir, təkmilləşir, hər sahədə irəli sürülən təşəbbüslərin gerçəkləşməsinə öz töhfələrini verir. O kəslər Oqtay Əsədov haqqında yazanda ümumilikdə parlamenti gözdən salmağa və fəaliyyətini inkar etməyə cəhd edirlər. Bu, qətiyyən yolverilməzdir. Bunların çirkin məqsədləri hamıya bəllidir. Bu baxımdan ki, hədəf götürdükləri digər şəxsin, Milli Məclisin deputatı Rövnəq Abdullayevin rəhbərlik etdiyi SOCAR-ın Ulu Öndər Heydər Əliyevin müəllifi olduğu neft strategiyasının uğurlu icrasına davamlı töhfələrini, dünyanın tanınmış şirkətləri ilə bir sırada addımlamasını, beynəlxalq səviyyədə də etiraf olunduğu kimi, daim uğurun izlədiyini, ölkənin hüdudlarından kənarda reallaşdırdığı investisiya layihələrinin ölkəmizə qazandırdığı iqtisadi və siyasi dividendlərini geniş şərh etməyə ehtiyac yoxdur. Təkcə son bir ildə həyata keçirilən layihələrə diqqət yetirmək kifayətdir. Beynəlxalq əməkdaşlığın başlanğıcı kimi dəyərləndirilən Cənub Qaz Dəhlizinin əsas seqmentlərindən olan TANAP-ın, həmçinin Azərbaycan-Türkiyə birliyinin növbəti təzahürü olan “Star” neft emal zavodunun istifadəyə verilməsi, ən əsası, 2017-ci ildə “Yeni əsrin müqaviləsi”nin imzalanması SOCAR-ın beynəlxalq nüfuzunun təqdimatında əhəmiyyətli rol oynayır. SOCAR, eyni zamanda, regionların sosial-iqtisadi inkişafının sürətləndirilməsi məqsədilə təsdiqlənən Dövlət proqramlarına uyğun olaraq paytaxt və bölgələrdə mühüm sosial layihələr həyata keçirir. SOCAR-ın Azərbaycanın Birinci vitse-prezidenti Mehriban xanım Əliyevanın təşəbbüsü ilə həyata keçirilən “Yeniləşən Azərbaycana yeni məktəb” layihəsi çərçivəsində məktəb tikintisində, həmçinin Dövlət proqramlarına uyğun olaraq digər infrastruktur layihələrinin gerçəkləşdirilməsində öz payı var. Bu şəxslərin yalnız fəaliyyətlərinə deyil, ailə üzvlərinə də böhtan atılması artıq onların hansı məqsədi güddüklərini ortaya qoyur: Dövlətə, xalqa xidmət edən və əməli fəaliyyəti ilə Prezidentə sadiqliklərini nümayiş etdirən şəxsləri gözdən salmaq və ictimai fikirdə mənfi rəy yaratmaq.
Uğurlarımıza və onlara öz töhfələrini verən məmurların uğurlu addımlarına diqqət yetirməklə bu ümumiləşdirməni qeyd edə bilərik ki, xaricdəki ünsürlər və daxildəki əlaltıları hakimiyyətin əsaslarını laxlatmaq və Prezidentin ətrafındakı sadiq insanları hədəfə almaqla onları gözdən salmaq, beləliklə də Prezidentin komandasına xətər yetirməyi düşünürlər. Amma unudurlar ki, həqiqətə həqiqət gözü ilə baxan xalq reallıqların təbliğatçısı olmaqla yanaşı, hər kəsin kimliyini, hansı məqsədlər uğrunda mübarizə apardığını daha yaxşı bilir. Xaricdəki iaşə müxalifətinin və onların daxildəki dəstəkçilərinin əməlləri 100 faiz dələduzluq və fırıldaqçılıdır.
- Hüquqi dövlətdə yaşayırıq. Cəmiyyəti idarə edən qanunlar hər kəsdən eyni məsuliyyəti tələb edir. Qanunsuz əməllərə görə əlillərdən sui-istifadə edilməsini necə dəyərləndirirsiniz?
- Əlillərə diqqət və qayğı dövlət siyasətinin əsas tərkib hissəsidir. Milli Məclisdə bu kateqoriyadan olan insanların sosial müdafiəsinin gücləndirilməsi məsələsini dəfələrlə müzakirəyə çıxaran bir millət vəkili olaraq deyə bilərəm ki, dövlətin artan maliyyə imkanlarının ünvanlandığı qruplar sırasında onlar əsas yer tuturlar. Bu günlərdə SOCAR-ın Təhlükəsizlik İdarəsinin əməkdaşları ilə bir qrup şəxs arasında baş verən hadisə bir çox məqamlara aydınlıq gətirdi. Belə ki, aparılan araşdırmalar bu ssenarinin müəlliflərinin kimliyinə bir daha işıq saldı. Məlum oldu ki, SOCAR-ın əməkdaşları əlillərə qarşı heç bir zorakılıq tətbiq etməyib, onlar öz vəzifələrini qanun çərçivəsində həyata keçiriblər. İctimai fikrin çaşdırılmasına, ən əsası, ölkə iqtisadiyyatının inkişafına davamlı töhfələr verən SOCAR-ın nüfuzuna xələl gətirilməsinə yönələn bu ssenari də yuxarıda qeyd etdiyimiz qarayaxma kapaniyalarının bir tərkib hissəsidir. Araşdırmalar məsələnin əsl mahiyyətini açıqladı: Boru kəmərinin təhlükəsizlik zonasına aid olan torpaq sahəsini zəbt etməyə cəhd göstərən bir qrup şəxs əlillərdən sui-istifadə edərək, onları qanunlara itaətsizlik göstərməyə, dövlət orqanlarına qarşı təxribata çağırmağa sövq ediblər. Əslində, qanunsuz tikinti yerinə çağırılan əlillərin həmin tikinti ilə heç bir əlaqələri olmayıb. Əlillərdən öz çirkin niyyətlərini həyata keçirmək üçün bir vasitə kimi bəhrələnmək mənəviyyatsızlıq, cılızlıq, insani keyfiyyətləri itirməkdir.
Azərbaycan hüquqi, demokratik dövlətdir. Ölkəmiz qanunlarla idarə olunur. Hər bir sahənin inkişafına xidmət edən qanunlarımızın mövcudluğu ümumilikdə ölkənin hərtərəfli inkişafına xidmət edir. Qanunlara riayət etmək kimliyindən, siyasi əqidəsindən və mənsubiyyətindən asıl olmayaraq, hər kəsin vətəndaşlıq borcudur. Hər kəs qanun qarşısında eyni məsuliyyəti daşıyır. Milli Konstitusiyamızda əksini tapan maddələrin üçdə iki hissəsi insan hüquq və azadlıqlarının təmin olunmasına xidmət edir. Eyni zamanda, Konstitusiyanın qəbulundan ötən 24 ildə sənədə 3 dəfə əlavə və dəyişikliklərin edilməsi məqsədilə ümumxalq səsverməsinin keçirilməsi də dövlətin siyasətində insan amilinə verilən dəyəri nümayiş etdirir. Qanunvericilik aktlarında əlilliyi olan şəxslərin sosial hüquqlarının müdafiəsi məsələsi də mühüm yer tutur. Bu kateqoriyadan olanlara böyük imtiyazların verildiyi inkaredilməzdir. Müharibə əlillərinin, şəhid ailələrinin mənzil şəraitinin yaxşılaşdırılması diqqət mərkəzindəndir. Diqqət yetirsək, əhalinin sosial müdafiəsinin gücləndirilməsinə xidmət edən ilk addım məhz əlillərə, şəhid ailələrinə diqqət və qayğıdan başlandı. Ümumiyyətlə, ölkəmizdə əmək pensiyası alanların 27 faizdən çoxu əlilliyə görə əmək pensiyası alanlardır. Statistikaya əsasən, əlil pensiyaçıların 3,6 faizi müharibə əlilləridir ki, onların da bir hissəsini Qarabağ müharibəsi əlilləri təşkil edir. Cari ildə Qarabağ müharibəsi əlillərinə və şəhid ailələrinə 800 mənzil verilməsi nəzərdə tutulub. 2019-cu ilin ötən dövründə bu kateqoriyadan olan şəxslərə 174 mənzil təqdim edilib.
Müharibədən əziyyət çəkən insanların sosial müdafiəsinin gücləndirilməsi Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın fəaliyyətinin əsas tərkib hissəsidir. Mehriban xanım Əliyeva mütəmadi olaraq onlarla görüşlər keçirir, onları narahat edən məsələlərlə yaxından tanış olur, həlli istiqamətində göstərişlər verir. Mənzil şəraitlərinin yaxşılaşdırılması, məşğulluqlarının təmin edilməsi yönümündə davamlı tədbirlər həyata keçirilir.
Bunları inkar etmək siyasi korluqdan başqa bir şey deyil. Təəssüflər olsun ki, dağıdıcı müxalifət adını özləri üçün bir qəhrəmanlıq kimi qəbul edən ünsürlər əlillərdən öz məkrli niyyətlərini həyata keçirmək üçün bir vasitə kimi istifadə etməyə çalışır, dövlətin onlara göstərdiyi diqqət və qayğını qara rəngdə təqdim etmək istəyirlər. Amma unudurlar ki, yalanın həqiqət üzərində qələbəsi qeyri-mümkündür. Bütün reallıqların içərisində olan, ən əsası, daim bu diqqət və qayğını öz üzərində hiss edən xalqımız belə ünsürlərə “yox” cavabını dəfələrlə bildirib, belə çaşdırıcı təbliğatın əsassızlığını onlara sərt münasibəti ilə çatdırıb. Vətəndaşlıq təəssübkeşliyi dövlətin maraqlarının qorunmasında əsasdır. Təəssüflər olsun ki, xarici anti-Azərbaycan qüvvələrin əlində oyuncağa çevrilən bu ünsürlər üçün vicdan, vətəndaşlıq təəssübkeşliyi kimi anlayışlar yaddır.
- Siyavuş müəllim, bu il, eyni zamanda, ölkəmizdə bələdiyyə seçkiləri ilidir. Seçki ilə bağlı bu ünsürlərin apardığı təbliğatı necə qiymətləndirirsiniz?
- Azərbaycan zəngin seçki təcrübəsinə malikdir. 2003-cü ildə Azərbaycan hökuməti ilə ATƏT-in Demokratik Təsisatlar və İnsan Haqları Bürosunun və Avropa Şurası Venesiya Komissiyasının birgə rəyi əsasında qəbul olunan Seçki Məcəlləsi ölkəmizdə prezident, parlament, bələdiyyə seçkilərinin, eyni zamanda, ümumxalq səsverməsinin demokratik, beynəlxalq standartlara uyğun keçirilməsini təmin edir. Dövlətimizin daim yeniliyə, təkmilləşməyə meyilli olması qəbul olunan qanunların da zamanın tələbinə uyğun yeniləşməsində özünü qabarıq şəkildə büruzə verir. Bu baxımdan Seçki Məcəlləsinə mütəmadi olaraq əlavə və dəyişikliklər edilir.
Ölkədə fəaliyyət göstərən bütün siyasi partiyalara seçkilərdə iştirak edib, sosial bazalarından və nüfuzlarından istifadə edərək qələbələrini təmin etmək üçün hər cür şərait yaradılıb. Amma etiraf edək ki, bu gün də dağıdıcı ünsürlər ənənələrinə sadiqlik nümayiş etdirərək Azərbaycanın demokratik inkişafına kölgə salmaq üçün münəccimlik etməklə məşğuldurlar. Hadisələrə ən böyük dəyəri zaman özü verir. Seçkilərin hər bir mərhələsinin demokratiyanın tələblərinə uyğun keçirilməsi üçün lazımi addımlar atılır. Məğlubiyyətlərinin səbəbini özlərində deyil, hakimiyyətdə axtaran dağıdıcı ünsürlər həmişə olduğu kimi, bu gün də ictimai qınaqla üz-üzədirlər. İctimai qınağın ən böyük cəza olduğunu dərk etsələr, düşünürəm ki, özlərində cəsarət tapıb siyasi meydanı tərk edər, yerlərini bu günümüz üçün gərəkli olan konstruktiv müxalifətə verərlər. Müxalifətçiliyi dövlətə, xalqa zidd addımların atılmasında görməyin özü siyasi savadsızlığın göstəricisidir. Dövlətimizin başçısı İlham Əliyevin hər zaman qeyd etdiyi kimi, bu qüvvələrin siyasi meydanı iqtidarın gördüyü işlərin fonunda daralıb.

 
  • Oxunub:  5490  |  
  • Tarix:  08-10-2019  |  
  •    Çap et   |  
Get Adobe Flash player
YAP İmadəddin Nəsiminin 650 illik yubileyi münasibətilə keçirilən ağacəkmə kampaniyasında fəal iştirak edib

07 Dekabr 10:43
Ermənistan silahlı qüvvələrinin bölmələri snayper tüfənglərindən istifadə etməklə atəşkəs rejimini 24 dəfə pozub
07 Dekabr 10:38
Moskvada MDB İqtisadi Şurasının 84-cü iclası keçirilib
07 Dekabr 10:32
YAP Qaradağ rayon təşkilatı Lökbatan qəsəbəsində seçicilərlə görüş keçirib
07 Dekabr 10:31
Tərtər seçiciləri YAP-ın namizədlərinə səs verəcəklər
07 Dekabr 10:30
Mingəçevirdə bələdiyyə seçkiləri ilə əlaqədar mədəniyyət işçiləri ilə görüş keçirilib
07 Dekabr 10:28
YAP Ağstafa rayon təşkilatında bələdiyyə seçkiləri ilə əlaqədar növbəti görüş keçirilib
07 Dekabr 10:24
Qazax rayonunun Birinci Şıxlı, İkinci Şıxlı, Aslanbəyli və Qaymaqlı kəndlərində seçicilərlə görüşlər keçirilib
07 Dekabr 10:23
Azərbaycan ilə Gürcüstan arasında elm, təhsil və mədəniyyət sahələrində əməkdaşlığın perspektivləri müzakirə olunub
07 Dekabr 10:22
Bərdə rayonunda bələdiyyə seçkiləri ilə əlaqədar Həsənqaya, Tağılar, Hacallı kəndlərində seçicilərlə görüş keçirilib
07 Dekabr 10:20
YAP Sumqayıt şəhər təşkilatının seçki qərargahının üzvləri və namizədlər seçicilərlə görüş keçiriblər
07 Dekabr 10:19
YAP bu seçkilərin də qalibi olacaq
07 Dekabr 10:17
Multikulturalizm siyasətinin ölkəmiz üçün əhəmiyyəti
07 Dekabr 10:14
BDU-da Nəsiminin 650 illik yubileyinə həsr olunmuş respublika elmi konfransı keçirilib
07 Dekabr 10:11
İcbari tibbi sığortanın tətbiqi ilə əlaqədar bu sahə üzrə qanunvericilik təkmilləşdirilir
07 Dekabr 10:07
Ölkəmizdə aqrar sahənin inkişafında mühüm nəticələr əldə olunub
06 Dekabr 21:45
TRASEKA Hökumətlərarası Komissiyasına sədrlik Azərbaycana keçib
06 Dekabr 21:29
Birinci vitse-prezident Mehriban Əliyevanın təşəbbüsü ilə keçirilən ekoloji aksiyada 650 mindən çox ağac əkilib
06 Dekabr 21:20
Naxçıvan Muxtar Respublikası Ali Məclisində görüş
06 Dekabr 21:09
Şahbuz rayonunun Türkeş kəndində qapalı suvarma şəbəkəsi istifadəyə verilib
06 Dekabr 20:26
Yevlax: genişmiqyaslı kampaniya zamanı minlərlə ağac əkilib
06 Dekabr 17:53
YAP Zərdab rayon təşkilatı böyük Azərbaycan şairi və mütəfəkkiri Nəsiminin 650 illik yubileyi ilə bağlı ağacəkmə kampaniyası keçirib
06 Dekabr 17:52
YAP Bərdə rayon təşkilatı “Bir gündə 650 min ağac əkək” kampaniyasında fəal iştirak edib
06 Dekabr 17:47
Ekspert: Azərbaycan Prezidentinin islahatları rəqabətədavamlı dövlət və cəmiyyətin formalaşdırılmasına xidmət edir
06 Dekabr 17:38
Kənd Təsərrüfatı Nazirliyinin kollektivi “Bir gündə 650 min ağac əkək” kampaniyasında fəal iştirak edib
06 Dekabr 17:33
Mübariz Qurbanlı: Hər bir vətəndaş ətraf mühiti, təbiəti qorumaq üçün çox işlər görməlidir
06 Dekabr 17:30
650 min ağacın əkilməsi ekoloji təmizliyə, təbiətin yaşıllaşdırılmasına bir çağırışdır - Bəhruz Quliyev
06 Dekabr 17:26
Səhiyyə naziri Neftçalada vətəndaşları qəbul edib
06 Dekabr 16:57
Lənkəran və Cəlilabadda “KOB Dostu” fəaliyyətə başlayıb
06 Dekabr 16:55
Azərbaycan Qida Təhlükəsizliyi Agentliyinin sədri Gürcüstana səfər edib
06 Dekabr 16:48
Moldovada “Nəsimi dünya dilində” mövzusunda tədbir keçirilib
06 Dekabr 16:47
Almaniyada Azərbaycan mədəniyyətinə hər olunmuş tədbir təşkil edilib
06 Dekabr 16:31
Müdafiə Nazirliyi ağacəkmə aksiyasında iştirak edib
06 Dekabr 16:23
Xəzər rayonunda Nəsiminin 650 illik yubileyi münasibətilə ağacəkmə aksiyası keçirilib
06 Dekabr 16:14
Bir gündə 650 min ağac əkək: Nizami yurdunda əkilən minlərlə ağac təbiətə töhfədir
06 Dekabr 16:09
Nəsimi rayonunda ağacəkmə aksiyası keçirildi
06 Dekabr 16:08
Alessandro Frakasetti: Bu cür təşəbbüslər iqlim dəyişikliyinin fəsadları ilə mübarizə aparmağa kömək edir
06 Dekabr 15:41
Əli Əhmədov: 650 min ağacın əkilməsi kimi möhtəşəm aksiyanın təşəbbüskarı hər cür minnətdarlığa və ehtirama layiqdir
06 Dekabr 15:31
Prezident İlham Əliyev və birinci xanım Mehriban Əliyeva Şamaxı rayonunda ağacəkmə aksiyasında iştirak ediblər
06 Dekabr 15:26
Elman Nəsirov: Ölkə üzrə 650 min ağacın əkilməsinin bir çox baxımdan böyük əhəmiyyəti var
06 Dekabr 15:21
Masallı sakinləri ağacəkmə aksiyasına yüksək əhval-ruhiyyə ilə qoşulublar
06 Dekabr 15:17
Bu gün Qaradağ rayonunda 2 mindən çox ağac əkilib
06 Dekabr 15:13
Ağacların əkilməsi ilə yanaşı, onlara qulluq edilməsi də diqqət mərkəzindədir
06 Dekabr 15:11
Tünzalə Ağayeva: Bugünkü ekoloji aksiyada ilk dəfə ağac əkdim
06 Dekabr 15:09
Milli Məclisin deputatları Gürcüstana səfər edəcəklər
06 Dekabr 14:55
Prezident İlham Əliyev və birinci xanım Mehriban Əliyeva Şamaxıda Şahxəndan türbəsinin ətrafında aparılan abadlıq işləri ilə tanış olublar
06 Dekabr 14:36
Nazir Mikayıl Cabbarov erməni nümayəndənin təxribat xarakterli fikrinə tutarlı cavab verib
06 Dekabr 14:34
Dmitri Savelyev: Mehriban Əliyeva Azərbaycanın müasir beynəlxalq imicini yaradır
06 Dekabr 14:27
Kestutis Yankauskas: Bir gündə 650 min ağacın əkilməsi ekologiyanın təmizlənməsində mühüm rol oynayacaq
06 Dekabr 14:24
Yeni Azərbaycan Partiyası İmadəddin Nəsiminin 650 illik yubileyi münasibətilə keçirilən ağacəkmə kampaniyasında fəal iştirak edib
06 Dekabr 14:21
Ümumi təhsil məktəblərinin gənclərin çağırışaqədərki hazırlığı rəhbərləri üçün seminar-treninq keçirilib
06 Dekabr 14:17
“Əqli mülkiyyət hüquqlarının müdafiəsinin təminatı: ixtisaslaşmış məhkəmələrin milli və beynəlxalq təcrübəsi” mövzusunda seminar işini davam etdirir
06 Dekabr 14:10
İmadəddin Nəsiminin 650 illik yubileyi ilə əlaqədar Nərimanov rayonunda ağacəkmə kampaniyası keçirilib
06 Dekabr 14:07
Bahar Muradova: Bu təşəbbüs torpağımızın yaşıllaşmasına, ekologiyanın sağlamlaşmasına çox böyük töhfədir
06 Dekabr 14:04
Korrupsiyaya qarşı mübarizə sahəsində beynəlxalq əməkdaşlıq uğurla davam etdirilir
06 Dekabr 13:59
Heydər Əliyev adına Azərbaycan Ali Hərbi Məktəbinin kursantlarının çöl çıxışları başlayıb
06 Dekabr 13:52
Qətər Azərbaycanın ərazi bütövlüyünü tanıyır və haqq işini dəstəkləyir
06 Dekabr 13:48
Nizami Gəncəvi Beynəlxalq Mərkəzi Çin Xalq Respublikasında fəaliyyətini gücləndirməkdədir
06 Dekabr 13:18
Səfir Auqusto Massari: Bu təşəbbüs insanları təbiətin qorunması istiqamətində həmrəy olmağa çağırır
06 Dekabr 12:58
Ailə, Qadın və Uşaq Problemləri üzrə Dövlət Komitəsinin əməkdaşları ağacəkmə kampaniyasına qoşulublar
06 Dekabr 12:25
Ukraynalı nazir: TRASEKA-ya üzv ölkələrdə tariflərin eyniləşdirilməsi məqsədəuyğun olar
06 Dekabr 12:20
Əli Əhmədov: Prezident İlham Əliyevin həyata keçirdiyi siyasətdə sosial xarakter daşıyan layihələrin həcmi daha da genişlənəcək
06 Dekabr 12:16
Baş nazirin müavini: Əkilən ağaclar Azərbaycanın ekoloji şəraitini yaxşılaşdıracaq
06 Dekabr 12:14
TRASEKA Hökumətlərarası Komissiyasının nümayəndələri ulu öndər Heydər Əliyevin məzarını ziyarət ediblər
06 Dekabr 12:09
Əli Əhmədov: YAP Azərbaycan parlamentində öz çoxluğunu qoruyub saxlaya biləcək
06 Dekabr 12:07
Mikayıl Cabbarov: 2020-ci ildə BTQ ilə yük daşımalarının həcmi 15 milyon tondan çox olacaq
06 Dekabr 12:02
Neftçilər “Bir gündə 650 min ağac əkək” kampaniyasına qoşulublar
06 Dekabr 12:01
Bir gündə 650 min ağac əkək: Abşeron sakinləri genişmiqyaslı kampaniyada fəal iştirak edirlər
06 Dekabr 11:50
Fevzi Əkrəm Terzioğlu: Bir gündə 650 min ağac əkilməsi Nəsimi şəxsiyyətinin əbədiyaşarlığına verilən ən böyük dəyərdir
06 Dekabr 11:42
ADNSU və Çinin Şimal-Şərqi Neft Universiteti əməkdaşlığa dair müqavilə imzalayıb
06 Dekabr 11:39
SOCAR-ın Enerji İdarəetmə Mərkəzi istifadəyə verilib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
HAVA HAQQINDA
Bakı
gündüz+10 +13
gecə+3 +5