Ana səhifə »  Müsahibə »  Gənc qızların dünyəvi, yoxsa dini həyat tərzini seçməsi yalnız onların yetkinlik yaşına çatdıqdan sonra müəyyənləşdirəcəkləri yoldur
A+   Yenilə  A-
Gənc qızların dünyəvi, yoxsa dini həyat tərzini seçməsi yalnız onların yetkinlik yaşına çatdıqdan sonra müəyyənləşdirəcəkləri yoldur
Rəbiyyət Aslanova: Mən qanunvericilikdə nəzərdə tutulmuş tələblərin yerinə yetirilməsini dəstəkləyirəm, eyni zamanda, həm hüquqi, həm İslam qaydalarından çıxış edərək, məktəbdə oxuyanların iradə və seçim hüquqlarının pozulmasının əleyhinəyəm
Milli Məclisin İnsan hüquqları komitəsinin sədri Rəbiyyət Aslanova www.yap.org.az saytına müsahibə verib:
- Rəbiyyət xanım, bu gün hicab məsələsi dünyanın bir çox yerlərində ictimai-siyasi müzakirə obyektinə çevrilib. Bu məsələnin bu qədər şişirdilməsi nədən irəli gəlir?
- Bu bir həqiqətdir ki, bu gün hicab məsələsi həm yerli, həm də xarici media vasitələrinin müzakirə obyektinə çevrilib. Məsələnin Azərbaycan məkanına da daxil olması heç də təsadüfi deyildir. çünki dünyada İslama maraq böyük olduğundan, bəzi xarici maraqlı qruplar onu yüksək mənəvi dəyərlərindən uzaqlaşdırmaq istəyir və bu mənada İslam dəyərlərinə zidd olan məsələləri gündəmə gətirirlər. Söhbət, təkcə hicab məsələsindən getmir. Yəni, əsas məqsədləri odur ki, İslam dəyərlərinə zərbə vura biləcək problemləri ictimailəşdirməklə cəmiyyət daxilində çaxnaşma, qarşıdurma yaratsınlar. ümumiyyətlə, hicab məsələsi ilk olaraq, Avropa məkanında gündəmə gətirildi və bu məsələyə birmənalı münasibət nümayiş etdirildi. Hətta postsovet məkanında da bu məsələ ilə bağlı müəyyən fikirlər səsləndi, mövqe ortaya qoyuldu, həmçinin, bu problem hüquqi və dünyəvi dövlət prinsipləri çərçivəsində öz həllini tapdı...
- Qeyd etdiyiniz kimi, artıq bu məsələ Azərbaycana da yol tapıb. Bunu bəzi hallarda insanların dini etiqadlarının pozulması ilə bağlayanlar da var. Amma aydındır ki, məsələnin kökü tamamilə fərqlidir. Yəni, sadəcə, təhsilalanların qanuna riayət etməməsi nəticəsində ortaya çıxan kiçik anlaşılmazlığı maraqlı dairələr qəsdən şişirdirlər. Bəs qanunlar nə deyir? Vətəndaş-dövlət münasibətləri bu cür situasiyalarda nə cür tənzimlənir?
- Doğrudur, hazırda bu məsələ Azərbaycanda da gündəmə gətirilib. Və əlbəttə ki, buna hüquqi və elmi yanaşma tətbiq etməklə qiymət vermək lazımdır. İlk növbədə, bu məsələ vətəndaş-dövlət münasibətlərini nizamlayan qanunların şərhi əsasında maarifləndirmə yolu ilə tənzimlənməlidir.
Məsələnin hüquqi qiymətləndirilməsinə gəlincə, deməliyik ki, Azərbaycanda dövlət-vətəndaş münasibətlərinin tənzimlənməsinin hüquqi əsası Konstitusiyadır. Azərbaycan Respublikasının Konstitusiyasında deyilir ki, bizim dövlətimiz hüquqi, dünyəvi və demokratik ölkədir. Məhz Azərbaycanda dövlət-vətəndaş münasibətləri bütün müstəvilərdə bu prinsiplər əsasında tənzimlənir.
Əlbəttə ki, demokratik dövlətin əsas vəzifəsi vətəndaşların hüquq və azadlıqlarının qorunmasını təmin etməkdir. Mən çox şadam ki, Azərbaycan vətəndaşları da özlərinin konstitusion hüquqlarını çox gözəl bilirlər və başa düşürlər ki, dövlət onların hüquqlarının müdafiəsinə güclü qarantdır. Bəs vətəndaşlar dövlət qarşısındakı vəzifələrini bilirlərmi?
Demokratik cəmiyyətlərdə həm dövlət vətəndaşın, həm də vətəndaş dövlətin qarşısında məsuliyyət daşıyır. Konstitusiyamızın 72-ci maddəsinin II bəndində göstərildiyi kimi, “hər bir şəxs Azərbaycan Respublikasının Konstitusiyasına və qanunlarına əməl etməli, başqa şəxslərin hüquq və azadlıqlarına hörmət bəsləməli, qanunla müəyyən edilmiş vəzifələri yerinə yetirməlidir”. Məhz vətəndaşlar qanunla müəyyən olunmuş vəzifələri yerinə yetirməklə, dövlət qarşısındakı borcunu yerinə yetirmiş olur. Amma nədənsə, biz daha çox öz hüquqlarımızın təmin olunmasını istəyirik və dövlətin qarşımızda qoyduğu öhdəliklərə əməl etmək istəmirik...
Azərbaycanda “Təhsil haqqında” Qanun da qəbul olunub. Bu mükəmməl sənəddə təhsillə bağlı bütün məsələlər öz əksini tapıb. Dövlət qarşısında öhdəliklərini bilən təhsilalanlar həm qəbul olunmuş qanunların, həm də təhsil müəssisələrinin nizamnamələrinin tələblərini yerinə yetirməlidirlər. Bunun əvəzində isə təhsil müəssisəsi təhsilalanlara keyfiyyətli təhsil verir.
Əgər təhsil müəssisələrində vahid formanın tətbiqilə bağlı qərar qəbul olunursa, insanlar mütləq üzərilərinə düşən vəzifəni yerinə yetirməlidirlər. Bu gün Azərbaycanda bir çox istiqamətli məktəblər mövcuddur. “Britiş Skul”, türk liseyləri və digər məktəblərin xüsusi formaları var ki, orada oxuyanlar mütləq bu məktəblərin geyimlə bağlı qoyduqları tələbi yerinə yetirməlidirlər. Heç bir şagirdə icazə verilmir ki, forma ilə bağlı tələbləri pozsun. Və yaxud da hansısa məktəb şagirdlərə nizamnaməsi çərçivəsində forma məsələsində sərbəstlik verir və təhsilalanlar istədikləri geyimdə məktəbə gəlirlər. Bəs necə olur ki, özəl məktəblərin qoyduqları tələb yerinə yetirilir, amma dünyəvi prinsiplər əsasında fəaliyyət göstərən dövlət məktəblərinin geyimlə bağlı göstərişlərinə əməl olunmur? Ona görə də, mən qanunvericilikdə nəzərdə tutulmuş tələblərin yerinə yetirilməsini dəstəkləyirəm, eyni zamanda, həm hüquqi, həm İslam qaydalarından çıxış edərək, məktəbdə oxuyanların iradə və seçim hüquqlarının pozulmasının əleyhinəyəm.
- Məlumdur ki, Azərbaycanda dünyəvi təhsil sistemi qurulub və təhsilalma prosesində diskriminasiyaya yol verilmir. Hətta məktəblərdə İslam dini ilə bağlı dərslər də keçirilir. Amma məktəblərin vahid formaya keçməsi ilə bağlı qərar nədənsə bəzi dairələrdə narahatlıq yaratdı. Siz bu vəziyyəti necə qiymətləndirirsiniz?
- Bəli, bu gün Azərbaycan təhsili dünyəvi xarakter daşıyır. Yəni, həm orta, həm də ali təhsil ocaqlarında dünyəvilik prinsipi əsas götürülərək, insanların savadlanması üçün lazımi şərait yaradılıb. ölkəmizdə dini etiqad azadlığının prinsipləri nəzərə alınaraq, dinindən, dilindən və irqindən asılı olmayaraq, hər kəsin təhsil alması üçün əlverişli şərait yaradılıb. Bu isə, ilk növbədə, demokratiyanın bariz nümunəsi sayılır.
Əlbəttə ki, Azərbaycanda dünyəvi təhsil müəssisələri ilə yanaşı, dini tədris edən təhsil ocaqları da mövcuddur. İslam Universitetinin, Bakı Dövlət Universitetində İlahiyyət fakültəsinin fəaliyyət göstərməsi söylənilənlərə əyani sübutdur.
Bu bir faktdır ki, Azərbaycanda təhsil sistemində diskriminasiya halları kimi problemlər də yoxdur. Dini tədris edən təhsil ocaqlarını bitirənlər istədiyi istiqamətdə işləyir və ya dini araşdırmalarla məşğul olur.
Amma xüsusilə qeyd etməliyəm ki, bu istiqamətdə fəaliyyət göstərmək insanların öz seçimlərindən asılıdır. Bu seçimi isə insanlar yalnız yetkinlik yaşına çatandan sonra edirlər. Bu yaşa qədər vətəndaşlar dünyəvilik prinsipləri əsasında fəaliyyət göstərən orta məktəblərdə təhsil alırlar. Dünyəvilik xüsusiyyətinə baxmayaraq, məktəblərimizdə dinin tarixi, İslamın mahiyyətilə bağlı şagirdlərə kifayət qədər geniş məlumatlar verilir. Bu baxımdan da, Azərbaycan məktəblərində İslam dini ilə bağlı tədrisin aparılması təqdirəlayiq haldır. Amma Azərbaycan məktəblərində dini xarakterli hərəkətlərin edilməsi yolverilməzdir.
çünki Azərbaycan məktəbləri dünyəvi prinsiplər əsasında fəaliyyət göstərdiyi üçün burada müxtəlif dinlərin, millətlərin nümayəndələri təhsil alırlar. Əgər məktəblilərin vahid geyim forması olmasa, o zaman, hər kəs istədiyi formada məktəbə gələcək. Ayrı-ayrı dinlərin nümayəndələri istər-istəməz geyimlərilə mənsub olduqları dinin xüsusiyyətlərini nümayiş etdirmiş olacaqlar. Bu isə məktəblərdə diskriminasiya hallarının ortaya çıxmasına və hətta dərinləşməsinə gətirib çıxara bilər. Məsələn, hicab məsələsindən danışırıq. Bu gün 13-14 yaşında qızların iradəsinin əksinə olaraq, valideynləri tərəfindən hicab geyinməyə məcbur edilməsi, həmin uşaqların daxilində üsyan yaratmış olur. Bu isə son anda həmin uşaqların ətrafındakılara sirayət etmiş olur...
- İslam dininin dəyərlərinə görə, hicab geyinmə, örtünmə hansı əsaslarla aparılır? Bu könüllü olmalıdır, yoxsa ki, məcburi xarakter daşıyır?
- ümumiyyətlə, İslam dinində etiqada zor tətbiq etməklə, insanların yönəldilməsi haqqında danışılmır. Azərbaycan xalqının milli-mənəvi sərvəti olan İslam dininin böyüklüyü də odur ki, o, insanlara seçim hüququ verir. Bu səbəbdən də, heç kəs dindən istifadə edərək, digərlərinə təzyiqlər edə və ya hansısa fəaliyyətə cəlb edə bilməz. Bu mənada orta məktəblərdə təhsil alan şagirdlərin seçim hüquqlarının əllərindən alınması da düzgün deyildir.
Qeyd edim ki, məktəblilərin bu gün dünyada gedən proseslərlə bağlı vahid formalaşmış təsəvvürü yoxdur. Məktəb şagirdlərinin bu haqda təsəvvürü tədricən formalaşır. Belə bir vaxtda gənclərin məcburən hansısa istiqamətə yönəldilməsinə heç kəsin, hətta valideynlərin haqqı yoxdur. çünki bu günün şagirdləri yetkinlik yaşına çatdıqdan sonra özü dünyanı qavradığı şəkildə gələcəyilə bağlı müəyyən istiqamət müəyyənləşdirərək, fəaliyyət göstərəcək. Amma bu gün hansısa gənc qızların iradəsinin əksinə olaraq, onların zorən örtünməyə məcbur edilməsi, onların iradəsinə, seçim hüququna qarşı çıxmaq halları baş verir. Əslində isə, gənc qızların dünyəvi, yoxsa dini həyat tərzini seçməsi yalnız onların yetkinlik yaşına çatdıqdan sonra müəyyənləşdirəcəkləri yoldur. Ona görə də, mən Azərbaycanda valideynlərin övladlarının iradəsinə, seçim azadlığına qarşı çıxmasını qəbul etmirəm.
Əlbəttə ki, dünyəvi məktəb elm ocağıdır. Hətta Məhəmməd peyğəmbərin (s.ə.s) də təhsilə, elmə münasibəti çox yüksək olmuşdur. Məktəblərdə uşaqların ilkin təsəvvürləri, dünyagörüşləri formalaşır. Əgər uşaqlar müxtəlif vasitələrlə elmdən, təhsildən kənar salınırsa, bunun özü peyğəmbərin göstərişlərinə ziddir. Valideynlər təbii ki, uşaqları dünyəvi məktəbləri bitirənədək, dünyəvilik prinsiplərinə riayət etməlidirlər.
- Rəbiyyət xanım, böyük mütəfəkkirlər hicabla bağlı nə deyirdilər?
- Əslində, bu gün hicabı, baş örtüyünü sırf İslam dini ilə əlaqələndirənlər səhvə yol vermiş olurlar. Hələ İslamdan əvvəl bu baş örtüyü digər dinlərdə var idi. Qadınları pis baxışlardan, müəyyən çatışmazlıqlardan müdafiə edən bu örtüklə bağlı fikirlər və geyimlər, hətta Bizansların, Sasanilərin dövründə belə mövcud olmuşdu. Hətta İslam dininin hakim olmasından sonra ərəb dünyasının böyük mütəfəkkirləri də bu məsələ ilə bağlı öz mövqelərini bildiriblər.
Məsələn, Əl-Qəzali “Fiqxlə hədis arasında sünnə” kitabında yazır ki, “cəmiyyətin fəaliyyətinə mane olan ənənələr cahilliyin qalıqlarıdır”. O, həmçinin, qeyd edirdi ki, “Peyğəmbərin dövründə qadınlar ailədə, məsciddə və döyüş meydanında bərabərhüquqlu idilər”. Bu fikirləri o dahi söyləyib ki, onun haqqında Hegel deyirdi ki, “Məhəmməd peyğəmbərdən sonra daha bir peyğəmbər olsaydı, o, Əl-Qəzali olmalı idi”. Bu dahi alim də o zaman söyləyirdi ki, qadınların fəaliyyətini müəyyən vasitələrlə məhdudlaşdırmaq cahillikdir. Əlbəttə ki, bu, üzərində düşünüləsi vacib bir məqamdır.
Digər tərəfdən, Narizi Zin əl-Din yazırdı ki, qadınların örtünməsi varlı ailələrin simvolu kimi qəbul edilirdi. Hicab da, eyni zamanda, aristokrat ailələrin qadınlarını digərlərindən fərqləndirən xüsusi geyim kimi dəyərləndirilirdi. Zaman keçdikcə, bu transformasiya olunub və hicabın mahiyyəti insanlara düzgün şəkildə izah edilməyib. Abd al-Xalim Əbu Şika da “Peyğəmbər dövründə qadınların emansipasiyası” elmi araşdırmasında Narizi Zin əl-Dinin yazdığı fikirlərlə razılaşırdı və qeyd edirdi ki, o zaman qadınların hüquqları, iradə azadlıqları müasir dövrdəki ilə eyniyyət təşkil edirdi.
Nüfuzlu filosofların yazdıqlarından aydın olur ki, qadınların hicab geyinməsi məcburiyyət deyildi, əksinə, bu, onların azad seçimlərindən asılı idi. Bu gün də bu məsələ iradə azadlığı ilə müəyyənləşməlidir.
- Artıq aydın olur ki, həm hüquqi, həm də elmi müstəvidə məsələ tənzimlənəndir. Amma qarşıdurmalara cəhdlərin edilməsi onu göstərir ki, buna hansısa kənar qüvvələrin müəyyən təsiri var...
- ümumiyyətlə, Azərbaycan bu gün 1991-1992-ci illərin dövrünü yaşamır ki, hansısa xarici qüvvə ölkə daxilində ictimai-siyasi sabitliyi pozsun. Azərbaycanda İslamın hansısa modelini tətbiq etmək istəyənlərin də cəhdlərinin qarşısı vaxtilə qətiyyətlə alınıb. Qeyd etdiyim kimi, dünyanın bəzi dövlətlərinin Azərbaycana tətbiq etməyə çalışdığı İslam modelləri mövcuddur və bunu həyata keçirmək üçün vaxtaşırı olaraq, özlərinin missioner qurumlarından istifadə edirlər. 1992-1997-ci illərdə bu missioner təşkilatların fəaliyyəti daha güclü olub. Amma Ulu öndər Heydər Əliyevin qətiyyətli mövqeyindən və “Etiqad azadlığı haqqında” Qanunun qəbulundan sonra bu cür halların qarşısı alındı. Məhz həmin dövrdən başlayaraq, Azərbaycanda tolerant şəraitin tam bərqərar olması və Azərbaycanın çoxkonfessiyalı ölkə kimi bu sahədə inkişafı stabil xarakter aldı.
Amma bu stabil və dinamik inkişafa mane olmaq istəyənlər var və onlar dövlətlə dindar arasında qarşıdurma yaratmaq istəyirlər. Azərbaycan Respublikasının Konstitusiyasına görə, din dövlətdən ayrıdır. Lakin dindar dövlətdən kənar deyil. Dindar bir vətəndaş kimi dövlətin qayğısını hiss edir və onun diqqəti mərkəzindədir.
Ona görə də, mən hicab məsələsinə görə, qarşıdurma yaratmağa çalışanların əməllərini pisləyirəm və əsl dindarları onların inanclarından sui-istifadə edərək, öz maraqlarını təmin etməyə çalışanlara uymamağa, siyasi oyunların aləti olmamağa çağırıram.

 
  • Oxunub:  19260  |  
  • Tarix:  17-12-2010  |  
  •    Çap et   |  
Get Adobe Flash player
İndiyədək respublikamızda qaçqın və məcburi köçkünlər üçün 3,5 milyon kvadratmetr sahəsi olan yaşayış kompleksləri salınıb

17 İyul 15:28
İxrac olunan kənd təsərrüfatı məhsullarının geri qaytarılması barədə yayılan məlumatlar həqiqəti əks etdirmir
17 İyul 15:27
Sahibə Qafarova: Azərbaycan gender məsələlərinə böyük əhəmiyyət verən dövlətlərdən biridir
17 İyul 15:02
“Loqos”da Prof.Dr. İshak Özkan ilə görüş keçirilib
17 İyul 14:59
Naxçıvanda gənc polis əməkdaşları təntənəli şəkildə and içiblər
17 İyul 14:36
“Euronews” telekanalı UNESKO-nun Bakı sessiyası haqda süjet yayımlayıb
17 İyul 14:25
Nazirliyin təltif edilmiş əməkdaşlarına vəsiqələr və medallar təqdim olunub
17 İyul 14:19
Azərbaycanın Norveç və İsrail ilə əlaqələrinin inkişaf perspektivləri müzakirə olunub
17 İyul 13:56
Bakıda V beynəlxalq “Yay hüquq məktəbi” keçirilib
17 İyul 13:55
Paytaxtdakı sürücülərdən festival günlərində sarı zolaqlarda təhlükəsiz hərəkət üçün şərait yaratmaları tövsiyə edilir
17 İyul 13:51
Azərbaycana gətirilən məhsulların 16,4 faizi dəmir yolu nəqliyyatı ilə daşınıb
17 İyul 13:44
Azərbaycan ilə BMT-nin İnkişaf Proqramı arasında əməkdaşlığın genişləndirilməsinə dair müzakirələr aparılıb
17 İyul 13:42
Azərbaycan İlahiyyat İnstitutu Milli Mətbuat Günü münasibətilə media nümayəndələrini mükafatlandırıb
17 İyul 12:44
Hər bir ölkə sakini bu il orta hesabla 414 manatlıq müxtəlif ödənişli xidmətlərdən istifadə edib
17 İyul 12:38
BMT Baş Assambleyasında Azərbaycanda həyata keçirilən sosial islahatlar barədə danışılıb
17 İyul 12:13
Ankarada TÜRKSOY kuboku uğrunda at yarışması təşkil olunub
17 İyul 12:02
İsrailin Vergi Orqanının rəhbəri Gömrük Komitəsindəki islahatlar barədə məlumatlandırılıb
17 İyul 12:00
Yay məktəbinin ikinci Oğuz turunun son günü Şəki rayonuna ekskursiya təşkil olunub
17 İyul 11:52
Bakı Mədəniyyətlərarası Gənclər Forumu çərçivəsində plenar sessiyalar keçirilib
17 İyul 11:36
Ukraynanın televiziya kanalı Azərbaycan haqqında növbəti reportajını yayımlayıb
17 İyul 11:26
Sahilboyu torpaqların mühafizəsi üzrə monitorinq qrupları yaradılıb
17 İyul 11:16
BMT-nin Baş katibi: İqlim dəyişmələrinə qarşı mübarizədə zaman bizi qabaqlayır
17 İyul 11:08
Sabahdan kolleclərin xüsusi qabiliyyət tələb edən ixtisasları üzrə qabiliyyət imtahanları başlanır
17 İyul 11:05
Azərbaycanda əhalinin sayı 0.3 faiz artaraq 10013133 nəfərə çatıb
17 İyul 10:47
Azərbaycanda fərdi sahibkarların sayı 880 mini ötüb
17 İyul 10:40
Hərbi birlikdə təlim-metodiki toplantı keçirilib
17 İyul 10:33
Bu gün “Qarabağ” klubu UEFA Çempionlar Liqasının birinci təsnifat mərhələsində cavab görüşünü keçirəcək
17 İyul 10:18
Sutka ərzində Ermənistan və Azərbaycan qoşunlarının təmas xəttində nisbi sakitlik müşahidə olunub
17 İyul 09:32
Lerikdə “Yay məktəbi” işini davam etdirir
17 İyul 09:31
YAP Gənclər Birliyinin “Yay məktəbi” layihəsinin ikinci Oğuz turunun iştirakçıları şimal-qərb bölgəsində yerləşən tarixi abidələrlə və muzeylərlə tanış olublar
17 İyul 09:30
Əməkdar memar, akademik Rasim Əliyevin 85 illiyi qeyd edilib
17 İyul 09:26
Qəzənfər Əhmədov: ANAMA indiyədək 54 min hektar ərazini mina və partlamamış hərbi sursatdan təmizləyib
17 İyul 09:20
Azərbaycan xalqı zəngin milli-mənəvi dəyərlərə sahibdir
17 İyul 09:18
İndiyədək respublikamızda qaçqın və məcburi köçkünlər üçün 3,5 milyon kvadratmetr sahəsi olan yaşayış kompleksləri salınıb
17 İyul 09:13
Regionlarda çəltikçiliyin inkişafı üçün mühüm tədbirlər görülür
16 İyul 23:18
Mehman Əliyevə xatırlatma
16 İyul 21:14
Səudiyyə Ərəbistanı Krallığının Ədliyyə nazirinin başçılıq etdiyi nümayəndə heyəti ilə Konstitusiya Məhkəməsində görüş keçirilib
16 İyul 21:09
DSX Akademiyası məzunlarının buraxılış mərasimi olub
16 İyul 20:43
Diplomatik xidmət orqanlarının 100 illiyinə həsr olunmuş VI müşavirə çərçivəsində seminar müzakirələr keçirilib
16 İyul 20:36
Çingiz Hüseynzadə: Əminik ki, Azərbaycan idmançıları Avropa Gənclər Olimpiya Festivalında uğurla çıxış edəcəklər
16 İyul 20:33
DTX-nin Heydər Əliyev adına Akademiyasında növbəti məzun buraxılışına həsr olunan tədbir keçirilib
16 İyul 20:26
Nazir: İndiyədək neft-qaz sektoruna 100,6 milyard dollar investisiya yatırılıb
16 İyul 20:23
Azərbaycan Prezidentinin xüsusi nümayəndəsi Keşikçidağ kompleksi ərazisində törədilmiş insidentlə bağlı AZƏRTAC-ın suallarını cavablandırıb
16 İyul 20:21
Baş Prokurorluqda Səudiyyə Ərəbistanı Krallığının Ədliyyə naziri ilə görüş keçirilib
16 İyul 20:15
"Azərenerji" ASC-nin Reabilitasiya Proqramı və yeni hədəflər" mövzusunda fərdi jurnalist yazıları müsabiqəsinin nəticələri açıqlanıb
16 İyul 20:13
Piter Teys: Beynəlxalq Multikulturalizm Yay və Qış məktəbləri mədəniyyətlərarası dialoqu möhkəmləndirən mühüm təşəbbüsdür
16 İyul 20:10
Fövqəladə missiya, yaxud tarixin ən böyük Azərbaycanlısı
16 İyul 20:08
Gədəbəydə Silahlı Qüvvələrin sıralarından ehtiyata buraxılmış gənclərin qarşılanma mərasimi keçirilib
16 İyul 20:06
Mərkəzi Gömrük Hospitalı İtaliyanın tibb müəssisələri ilə əməkdaşlıq edəcək
16 İyul 20:03
Səudiyyə Ərəbistanı Krallığının Ədliyyə nazirinin başçılıq etdiyi nümayəndə heyəti Ali Məhkəmədə olub
16 İyul 19:51
Dini radikalizmin, ekstremizmin qarşısının alınması sahəsində maarifləndirmənin alternativi yoxdur
16 İyul 19:48
İsrailin Vergi Orqanının baş direktoru yeni Bakı Limanının fəaliyyəti ilə maraqlanıb
16 İyul 19:44
Əli Həsənov: Əminik ki, dost Azərbaycan və gürcü xalqları arasında ədavət toxumları səpmək istəyənlərin cəhdləri heç bir nəticə verməyəcək
16 İyul 17:49
Azərbaycan dövlətinin uzun illərə söykənən qadın siyasəti var
16 İyul 17:47
Donald Tuskun Cənubi Qafqaz turnesi: "Şərq tərəfdaşlığı"nda yeni mərhələ kontekstində
16 İyul 17:45
Azərbaycanla Əfqanıstanın nəqliyyat və İKT sahəsində əməkdaşlığına dair müzakirələr aparılıb
16 İyul 17:39
Dövlət Komitəsində vətəndaşların növbəti qəbulu keçirilib
16 İyul 17:31
Azərbaycanın Xarici İşlər naziri Türkiyə və Gürcüstan parlamentlərinin xarici əlaqələr komitələrinin sədrləri ilə görüşüb
16 İyul 17:20
Beynəlxalq Multikulturalizm Yay Məktəbinin iştirakçıları Ermənistanın işğalçılıq siyasətinin nəticələri barədə məlumatlandırılıb
16 İyul 17:13
İcbari Tibbi Sığorta üzrə Dövlət Agentliyi tibb müəssisələrində proqram təminatından istifadə qaydaları üzrə təlim keçirir
16 İyul 17:09
Bakıda Azərbaycan-Əfqanıstan iqtisadi əməkdaşlıq üzrə Birgə İşçi Qrupunun ilk iclası keçirilib
16 İyul 17:06
Biləsuvarda məcburi köçkünlər üçün salınmış qəsəbələrin içməli su təchizatı yaxşılaşdırılır
16 İyul 16:57
Azərbaycanda “Qahirə+25” konfransına hazırlıq kampaniyası çərçivəsində regional dinləmələr davam edir
16 İyul 16:54
Nazirlik: Respublikada bu günədək 3 milyon tondan çox taxıl yığılıb
16 İyul 16:48
Lerikdə “Dövlət gənclər siyasətində partiya gənclərinin rolu” mövzusunda müzakirələr aparılıb
16 İyul 16:25
Goranboyun tam qazlaşdırılması yekunlaşır
16 İyul 16:01
Səyyar “ASAN xidmət” davam edir
16 İyul 15:57
YAP Beynəlxalq əlaqələr şöbəsinin müdiri Sevinc Fətəliyeva Argentina Respublikasının ölkəmizdəki səfiri ilə görüşüb
16 İyul 15:53
Muxtar respublikada yerli istehsal və idxal məhsullarının standartlara uyğunluğuna ciddi nəzarət olunur
16 İyul 15:41
Ötən il Azərbaycanla Əfqanıstanın ticarət dövriyyəsi 37 faiz artıb
16 İyul 15:35
Ali Baş Komandanın tapşırığına əsasən hərbi hissələr yoxlanılır

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
HAVA HAQQINDA
Bakı
gündüz+30 +35
gecə+21 +25