Ana səhifə »  Siyasət »  Mehriban Əliyeva: Birinci xanım olmağın məsuliyyəti və sərhəd tanımayan xeyirxahlıq
A+   Yenilə  A-
Mehriban Əliyeva: Birinci xanım olmağın məsuliyyəti və sərhəd tanımayan xeyirxahlıq

Azərbaycanın Birinci vitse-prezidenti və birinci xanımı Mehriban Əliyeva milyonlarla insanın sevgisini qazanıb. Bunun səbəbi təkcə tutduğu yüksək vəzifə və mövqe ilə bağlı deyil. Onu köməyə və qayğıya ehtiyacı olan insanların, xüsusilə uşaqların yanında tez-tez görmək olar. Bəzən hətta bayramları onlarla birgə keçirir. Talassemiyaya tutulmuş uşaqlar, erməni işğalı nəticəsində yurd yerindən didərgin salınmış məcburi köçkünlər Mehriban Əliyevaya pənah yeri kimi baxır və öz ümidlərində yanılmırlar.
Mehriban Əliyevanın rəhbərlik etdiyi Heydər Əliyev Fondu dövlətin təhsillə bağlı strategiyasının həyata keçirilməsində yaxından iştirak edir. Fondun bu sahədə gördüyü işlər sırasında “Yeniləşən Azərbaycana yeni məktəb” proqramının müstəsna əhəmiyyəti var. 2003-cü ildən indiyədək ölkədə 3 mindən çox məktəb tikilib, geniş bazaya malik təhsil infrastrukturu yaradılıb. Beləliklə, ölkədə təhsilə qayğı, onun maddi-texniki bazasının möhkəmləndirilməsi işi ümummilli səviyyəyə qaldırılıb.
Heydər Əliyev Fondu öz humanitar layihələri ilə ölkə sərhədlərinin hüdudlarından kənarda da populyarlaşıb.
Birinci xanım və Birinci vitse-prezident
Bütün ölkələrdə dövlət başçılarının həyat yoldaşları birinci xanım adlandırılır. Amma onların bir çoxu kölgədə qalmağı, sakit həyat sürməyi üstün tutur, ölkənin problemlərindən uzaq durmağa çalışır. Yaxud bəziləri yalnız xarici səfərlər zamanı gözə dəyir, cəmiyyət arasına nadir hallarda çıxırlar.
Azərbaycanda birinci xanım institutu faktiki olaraq İlham Əliyev Prezident seçildikdən sonra formalaşıb. Dövlət başçısının xanımı Mehriban Əliyeva 15 ildir ki, ölkənin ictimai-siyasi həyatında fəal iştirak edir, çiynini sosial problemlərin yükü altına verir, bir çox böyükmiqyaslı tədbirlərin təşkilatçılığını cəsarətlə üzərinə götürür. Biz onu hadisələrin mərkəzində, insanların arasında görməyə adət etmişik. Sanki, belə də olmalıymış. Mehriban Əliyevanın birinci xanım missiyasına yanaşması zərurət, yaxud görüntü naminə deyil, təbiətindən və xarakterindən doğan bir yanaşmadır. O, həyatının mənasını Vətənə, xalqa və insanlara xidmətdə görür. Sərhəd tanımayan humanistlik, xeyirxahlıq, insanpərvərlik Azərbaycanın birinci xanımını fərqləndirən əsas keyfiyyət və ayrıca söhbət mövzusudur.
Birinci xanım olmaq bəxtəvərlikdir, yoxsa daşınması heç də asan olmayan yük? Mehriban xanımın fikrincə, bu, çox məsuliyyətli yükdür və o, birinci xanım olmasını, ilk növbədə, insanların bu və ya digər probleminin həlli üçün obyektiv fürsət kimi dəyərləndirir.
Təsadüfi deyildi ki, Mehriban Əliyevanın Birinci vitse-prezident təyin olunması cəmiyyətdə məntiqi qərar kimi qarşılandı. Bundan bir neçə gün sonra “Rossiya 1” telekanalının “Vesti nedeli” proqramına müsahibəsində yeni təyinatın üzərinə qoyduğu böyük məsuliyyət barədə danışarkən deyirdi: “Mən Prezidentin etimadını, ən başlıcası isə mənə inanan, ümid bəsləyən insanların etimadını doğrultmalıyam”. İnanırdı ki, bu məsul vəzifənin öhdəsindən gələ biləcək.
Həmin vaxtdan təxminən ilyarım keçir. O vaxt qeyd etdiyi kimi, əsas diqqətini sosial problemlərin, əhalinin aztəminatlı təbəqələrinin problemlərinin həlli üzərində cəmləşdirib. Xatırlayın, Birinci vitse-prezident kimi, ilk müşavirəni Bakı və Sumqayıt şəhərlərinin yataqxanalarında müvəqqəti məskunlaşmış qaçqın və məcburi köçkün ailələrinin köçürülməsinə həsr etdi. Müvafiq qurumlar qarşısında məsələni belə qoydu ki, bu sahədə işlər iki istiqamətdə qurulmalıdır: yeni mənzillər, yeni binalar tikilməli və inşa olunan binalar keyfiyyət standartlarına tam cavab verməlidir. İlkin mərhələdə qarşıda duran əsas məqsəd dörd min köçkün ailəsini yeni mənzillə, həmçinin iş yerləri ilə təmin etməkdir.
Həmin müşavirədən dərhal sonra müvafiq tədbirlər planı hazırlandı və real işlər başlandı. Lökbatan qəsəbəsində məcburi köçkünlər üçün 1026 mənzildən ibarət müasir yaşayış kompleksinin təməli qoyuldu. Daha sonra qəzalı vəziyyətdə olan binalarda məskunlaşmış məcburi köçkün ailələrinin yeni mənzillərlə təmin olunması layihəsinin icrası çərçivəsində onlara Abşeron rayonunun Masazır və Mehdiabad qəsəbələrində yeni mənzillər verildi. İş adamlarının yardımı ilə 214 ailə yeni inşa olunmuş və tam təmirli mənzillərə köçürüldü. Çox keçmədən Masazır, Ramana qəsəbələrində və Xətai rayonunda tikilən yeni binalar istifadəyə verildi və beləliklə, daha 725 məcburi köçkün ailəsinin mənzil şəraiti yaxşılaşdırıldı. Bu, son müddətdə Birinci vitse-prezidentin rəhbərliyi və təşəbbüsü ilə görülən işlərin heç də tam siyahısı deyil.
Mehriban Əliyevanın parlamentin deputatı olduğu zaman və Heydər Əliyev Fonduna rəhbərlik etdiyi 14 ildə qazandığı təcrübə yeni vəzifənin öhdəsindən uğurla gəlməsinə çox kömək edir. Özünün də dediyi kimi, çünki bu, seçicilərlə, insanlarla ünsiyyətin, problemlərin həllinə necə nail olmağın, hər hansı bir problemin həlli yollarının tapılmasının böyük təcrübəsidir.
Digər mühüm bir məqam isə UNESCO-nun və ISESCO-nun xoşməramlı səfiri olaraq topladığı təcrübədir.
UNESCO-nun və ISESCO-nun xoşməramlı səfiri
Mehriban Əliyeva BMT-nin humanitar sahə üzrə ixtisaslaşmış təşkilatının - UNESCO-nun xoşməramlı səfiri seçilən ilk azərbaycanlı qadındır. O, bu ada Azərbaycan şifahi xalq ədəbiyyatının və musiqi irsinin qorunub saxlanılması və inkişaf etdirilməsi sahəsindəki davamlı səylərinə, dünya mədəniyyətlərinin mübadiləsi istiqamətində xidmətlərinə, həmçinin UNESCO-nun ideyalarına sadiqliyinə görə layiq görülüb. 2004-cü il avqustun 13-dən etibarən onun xoşməramlı səfir kimi məhsuldar fəaliyyəti nəticəsində Azərbaycan-UNESCO əməkdaşlığında yeni dövr başlayıb.
Azərbaycanı dünyada, beynəlxalq aləmdə sidq-ürəkdən təbliğ edən, siyasəti mərhəmət və şəfqətlə çulğaşdıran, hər bir sahədə xoş məramı ilə fərqlənən Mehriban xanımın fəaliyyəti mənsub olduğu xalqa sevgidən qaynaqlanır. O, ilk növbədə, Vətəninə xidmət edir, onun tərəqqisinə çalışır, gələcəyini düşünür. 2004-cü ilin mayından Ulu öndər Heydər Əliyevin adını daşıyan Fonda rəhbərlik edən Mehriban Əliyevanın təşəbbüsü və dəstəyi ilə həyata keçirilən irimiqyaslı layihələr milli-mənəvi ideallara, humanist, insanpərvər dəyərlərə sadiq gənc nəslin formalaşdırılmasına, sivilizasiyalararası dialoqun təşviqinə, Azərbaycan həqiqətlərinin dünyaya çatdırılmasına istiqamətlənib.
Mehriban Əliyevanın fəaliyyəti yalnız milli-mənəvi dəyərlərin, Azərbaycanın mənəvi və qeyri-maddi irsinin dünya miqyasında təbliğinə deyil, eyni zamanda, sivil dünyada sülh, sabitlik, sivilizasiyalararası dialoq, multikulturalizm kimi bəşəri ideyaların reallaşdırılmasına, bu sahələrdə səylərin birləşdirilməsinə yönəlib.
“Sizi xoşməramlı səfirlər sırasında görmək bizim üçün - UNESCO üçün şərəfdir. Sizin nailiyyətlərinizin miqyasını bir adla əhatə etmək çətindir. Siz UNESCO-nun humanist dəyərlərinin əsl bayraqdarısınız”, - Mehriban Əliyevaya ünvanlanmış bu sözləri təşkilatın sabiq baş direktoru İrina Bokova deyib. Doğrudan da, Azərbaycanın birinci xanımının ölkəmizin UNESCO ilə münasibətlərinin inkişafında və möhkəmləndirilməsində müstəsna xidmətləri var. Onun təşəbbüsü və dəstəyi ilə UNESCO və Azərbaycan arasında elm, təhsil, mədəniyyət sahələrində əməkdaşlığın genişləndirilməsi üçün Bakıda bir sıra beynəlxalq tədbirlər keçirilib. Xoşməramlı səfir kimi xeyriyyəçilik fəaliyyəti çox keçmədən Azərbaycan sərhədlərini aşaraq, bir çox xarici ölkələri də əhatə edib. Təsadüfi deyil ki, bu humanistlik və həyata keçirilən qlobal layihələr təkcə Azərbaycan xalqı tərəfindən deyil, bütün dünya ictimaiyyəti tərəfindən yüksək qiymətləndirilir.
Azərbaycanın görkəmli şəxsiyyətlərinin və əlamətdar hadisələrin yubileylərinin UNESCO çərçivəsində qeyd edilməsi də bu qurumla əlaqələrin yüksək səviyyəsindən xəbər verir. Füzulinin 500 illik, “Kitabi-Dədə Qorqud” dastanının 1300 illik, “Leyli və Məcnun” operasının ilk tamaşasının, dünya şöhrətli alim, akademik Yusif Məmmədəliyevin, görkəmli yazıçı və ədəbiyyatşünas Mir Cəlal Paşayevin 100 illik yubileyləri, habelə bu qəbildən olan digər tədbirlər UNESCO çərçivəsində böyük təntənə ilə qeyd edilib. Mehriban Əliyevanın UNESCO-nun xoşməramlı səfirlərinin toplantılarında, qurumun mötəbər tədbirlərində iştirakı, keçirdiyi görüşlər, dünyada təhsilin vəziyyəti və digər aktual mövzularda çıxışları böyük maraqla qarşılanır. Onun aramsız səyləri və nüfuzu sayəsində Qobustan Dövlət Tarixi-Bədii Qoruğu, İçərişəhər, Qız qalası, Şirvanşahlar Sarayı Kompleksi UNESCO-nun Dünya İrsi Siyahısına, Azərbaycan muğamı, aşıq, xalçaçılıq, tar ifaçılığı və hazırlanması sənətləri, Novruz bayramı, dolma, lavaş və kəlağayı, Lahıc misgərlik sənəti UNESCO-nun Bəşəriyyətin Qeyri-Maddi Mədəni İrs üzrə Reprezentativ Siyahısına, çövkən oyunu isə UNESCO-nun təcili qorunmağa ehtiyacı olan Qeyri-Maddi Mədəni İrs Siyahısına daxil edilib.
Yeri gəlmişkən, Azərbaycanın birinci xanımının UNESCO-nun xoşməramlı səfirləri arasında çox böyük nüfuzu var. Qurumda daim nəcib təşəbbüsləri ilə seçilən Mehriban Əliyevanın fəaliyyəti yüksək qiymətləndirilir, onun gördüyü işləri xoşməramlı səfirlər üçün örnək hesab edirlər. 2010-cu ildə II Qəbələ Beynəlxalq Musiqi Festivalında iştirak edən UNESCO-nun sabiq baş direktoru İrina Bokova bəşəriyyətin maddi və qeyri-maddi mədəni irsinin populyarlaşmasındakı işinə sədaqətinə, mədəniyyətlərarası dialoqun inkişafı naminə göstərdiyi səylərə, mədəni müxtəlifliyin möhkəmləndirilməsinə sanballı töhfələrinə görə xoşməramlı səfir Mehriban Əliyevaya “Qızıl Motsart” medalını təqdim edib.
UNESCO-nun xoşməramlı səfiri seçiləndən iki il sonra Mehriban Əliyeva müxtəlif sahələrdə genişmiqyaslı fəaliyyəti, ehtiyacı olan uşaqlara qayğısı, təhsilə, həmçinin İslam aləmində görülən işlərə böyük dəstəyinə görə də diqqəti çəkib və 2006-cı il noyabrın 24-də 51 müsəlman dövlətinin təmsil olunduğu İslam Ölkələri Elm, Təhsil və Mədəniyyət Təşkilatının - ISESCO-nun da xoşməramlı səfiri adına layiq görülüb.
Xoşməramlı səfir olaraq gördüyü işlərdən danışan Mehriban Əliyeva deyir: “Təbii ki, UNESCO və ISESCO-nun xoşməramlı səfiri kimi, bütün bu illər ərzində mən öz beynəlxalq fəaliyyətimi nizamlamalı olurdum. İlk növbədə, bu, mənim üçün dünya ictimaiyyətinə Azərbaycanın tarixini, mədəni irsini, bununla yanaşı, Azərbaycanın bugünkü siyasi və ictimai gerçəkliklərini çatdırmaq imkanı idi. Müasir Azərbaycanın nə demək olduğunu, onun əhəmiyyətini, siyasi mövqeyini, bu ölkənin potensialını dünya ictimaiyyətinə çatdırmaq lazım idi. Düşünürəm ki, bu istiqamətdə də xeyli iş görməyə nail olmuşam. Buna görə də mən gələcəyə nikbin baxıram. Düşünürəm ki, bütün bu illər ərzində toplanan təcrübə, vərdişlər mənə kömək edəcək”.
Qəlbin səsi və hökmü ilə
Mehriban xanım ixtisasca həkimdir. Həyatı elə gətirib ki, artıq çoxdandır öz peşəsi ilə məşğul olmur. Amma fəaliyyətinin hər bir sahəsində, xüsusən Heydər Əliyev Fondunun prezidenti vəzifəsində həkimlik peşəsindən irəli gələn prinsipləri əsas götürür. Özünün dediyi kimi, həkimlik ruh və qəlblə bağlı olan peşədir, dərdə şərik olmaq və şəfqət elmidir. İnsanların halına yanmaq, ehtiyacı olanlara əl uzatmaq peşəsidir.
Biz Mehriban xanımın qəlbinin səsi və hökmü ilə hərəkət etməsinin, insanların dərdinə şərik çıxmasının, ehtiyacı olanlara kömək əli uzatmasının şəxsən şahidiyik. Heydər Əliyev Fondunun fəaliyyətində xeyriyyəçilik önəmli yer tutur. Talassemiyaya qarşı mübarizə üzrə Dövlət Proqramının qəbul edilməsi, bu xəstəliyə tutulmuş uşaqlar üçün ixtisaslaşdırılmış mərkəzin yaradılması və bu qəbildən olan daha neçə-neçə layihə məhz Mehriban Əliyevanın təşəbbüsüdür. Fonda bu və ya digər problemin həlli barədə çoxsaylı məktublar gəlir. Kimsə bəzən şəxsi xahişlə, kimsə səhhətindəki problemlə bağlı müraciət edir. Fond azacıq imkan olan yerdə heç kəsdən köməyini əsirgəmir. Fondun və onun rəhbərinin ümumxalq sevgisi və hörməti qazanmasının bir səbəbi də məhz budur. Milli Məclisin deputatı olduğu 14 ildə parlamentdəki işini xeyriyyəçilik fəaliyyəti ilə bilavasitə əlaqələndirib. Deyir ki, şəfqət təkcə gözəl söz deyil, əsl şəfqət real işlərin görülməsini, konkret addımların atılmasını tələb edir.
Humanizm prinsiplərinə daim sadiqlik nümayiş etdirən Mehriban Əliyevanın təşəbbüsü ilə dövlət başçısı tərəfindən neçə-neçə əfv fərmanı imzalanıb. Beləliklə, cinayət törətmiş minlərlə məhbus azad həyata qayıtmaq, ailələrinə, yaxınlarına qovuşmaq, cəmiyyətdə öz yerlərini tapmaq imkanı qazanıb.
Mehriban Əliyeva stereotiplərə qarşı
Şərq aləmində uzun illər belə bir stereotip mövcud olub: siyasətlə məşğul olmaq kişi işidir. Mehriban Əliyeva çoxşaxəli fəaliyyəti, bir-birindən parlaq uğurları ilə bu stereotipi sındırır. O, ölkənin bütün ictimai-siyasi həyatında yaxından iştirak edir: üç çağırış Azərbaycan parlamentinin deputatı olub, sıralarında ölkənin 700 mindən çox vətəndaşını birləşdirən ən böyük partiyanın - Yeni Azərbaycan Partiyasının Sədr müavinidir. 14 ildən çoxdur ki, Heydər Əliyev Fonduna rəhbərlik edir. Onun rəhbərliyi və təşkilatçılığı ilə 2012-ci ildə Bakıda “Eurovision” beynəlxalq mahnı müsabiqəsi, 2015-ci ildə ilk Avropa Oyunları, ötən il isə IV İslam Həmrəyliyi Oyunları çox uğurla keçib, dünyaya səs salıb. Azərbaycanın idman ölkəsi kimi tanınmasında da Mehriban xanımın misilsiz xidmətləri var.
Bu gün Azərbaycan bəşəriyyəti düşündürən qlobal humanitar problemlərin müzakirə olunduğu mərkəzə çevrilib. Dünyada böyük maraqla qarşılanan beynəlxalq forumların yüksək təşkilatçılığından söz düşəndə Mehriban Əliyevanın adı ilk sırada çəkilir. 2016-cı ildə Azərbaycanın və AZƏRTAC-ın ev sahibliyi ilə keçirilən mötəbər beynəlxalq media forumları da bu qəbildəndir. Kollektivimiz Mehriban xanımın və onun rəhbərlik etdiyi Heydər Əliyev Fondunun bu tədbirlərin təşkilinə göstərdiyi dəstəyi daim minnətdarlıq hissi ilə xatırlayır. Dünya Xəbər Agentliklərinin V Konqresinin, Asiya və Sakit Okean Ölkələri Xəbər Agentlikləri Təşkilatının XVI Baş Assambleyasının yüksək təşkilatçılıq səviyyəsinə görə dünya media tarixinə yazılması məhz bu dəstək sayəsində mümkün olub.
Mehriban Əliyeva digər bir stereotiplə - rəhbərin mütləq quru, vəzifə adamının sərt insan olması barədə formalaşmış fikirlə də razılaşmır. Hesab edir ki, bunlar heç də vacib keyfiyyət deyil. Müsahibələrindən birində bu barədə danışarkən belə deyib: “Düşünürəm ki, rəhbərin mütləq quru insan olması ideyası da müəyyən dərəcədə stereotipdir. Məsuliyyətli - bəli, prinsipial - bəli, iradəli - bəli. Quruluq, sərtlik vacib keyfiyyət deyil. Mənim üçün insanlarla işləmək bacarığı, sənin baxışlarını prinsipcə bölüşən, sənin ardınca getməyə hazır olan həmfikirlər komandası yaratmaq bacarığı daha vacibdir. Çünki onlar anlayırlar ki, sənin işlərin xeyirxahlığa yönəlib. Çox vacibdir ki, bəyan və elan edilənlər həqiqətən baş verənlərlə üst-üstə düşsün. Çünki insanlar hər şeyi görürlər, hər şeyi anlayırlar”.
Birinci xanımın insanlıq barədə düşüncələri də yetərincə aydın və məntiqlidir. Deyir ki, insan üçün ən dəhşətlisi biganəlik və laqeydlikdir: “Fərqi yoxdur, ictimai xadimsən, yaxud dövlət xidmətində işləyirsən - insanlığı qorumaq lazımdır. Mənə elə gəlir ki, bu, heç vaxt səhv ola bilməz, əksinə bu, həmişə doğru yoldur”.
Analıq missiyası və ailə ocağının hərarəti
Birinci xanım, Birinci vitse-prezident, UNESCO-nun və ISESCO-nun xoşməramlı səfiri, Heydər Əliyev Fondunun və Azərbaycan Mədəniyyət Fondunun prezidenti... Üstəgəl analıq missiyası, ailə qayğıları.
Mehriban Əliyeva nəinki hər biri böyük məsuliyyət və vaxt tələb edən dövlət işlərinin, ictimai işlərin öhdəsindən bacarıqla gəlir, eyni zamanda, bir ana, evdar xanım olaraq həyatının bu hissəsinə yetərincə diqqət ayıra bilir. Yəni, məsələ heç də işin çoxluğunda, vəzifə yükünün ağırlığında deyil, düzgün tarazlıq və tənasüb tapmaqdadır. Daim bu tənasübü tapmağa çalışan Mehriban xanım deyir: “Hər bir qadın üçün onun ailəsi, onun uşaqları həyatının ən vacib, ən mühüm hissəsidir. Mən özüm üç uşaq anası olaraq analıq missiyasını həyatımın ən vacib missiyası kimi dəyərləndirirəm”.
Gərgin iş qrafikinə və daşıdığı ictimai yükün ağırlığına baxmayaraq, Mehriban xanım qayğıkeş övlad, həyat yoldaşı və ana olaraq qalır. Müsahibələrinin birində qeyd edir ki, o, işdə də, evdə də prinsipcə eyni adamdır və dəyişməyə ehtiyac görmür. Dediyinə görə, xörək bişirməyi çox sevir. Milli xörəklərlə yanaşı, Avropa yeməkləri də bişirir. Onun üçün ən gözəl istirahət yeri, dincəldiyi məkan məhz evinin mətbəxidir.
Birinci xanımın ailə həyatına münasibətdə özünəməxsus baxışları və prinsipləri var. O, qətiyyən istəmir ki, ailəsinə göstərdiyi diqqət arxa plana keçsin: “Əlbəttə ki, mən, ilk növbədə, öz həyat yoldaşımın xanımıyam, uşaqlarımın anasıyam. Mənim beş nəvəm var və həyatımın bu sahəsinə göstərdiyim diqqətin ikinci plana keçməsini qətiyyən istəmirəm. Qətiyyən yox. İndiyədək mən buna nail olurdum. Ümid edirəm ki, gələcəkdə də buna nail olacağam”.
Mahiyyət etibarilə lider qadın olan Mehriban Əliyevaya bənzərsiz bir tale qismət olub. Azərbaycanda hamının yaxşı tanıdığı bir ailədə doğulub, boya-başa çatan Mehriban xanım görkəmli yazıçı, ədəbiyyatşünas Mir Cəlal Paşayevin və “Bakı”-”Baku” qəzetlərinin yaradıcısı, istedadlı pedaqoq Nəsir İmanquliyevin nəvəsi, tanınmış alim Arif Paşayevin və Azərbaycanın ilk şərqşünas qadın alimlərindən biri Aida İmanquliyevanın qızı, xalqımızın Ulu öndəri Heydər Əliyevin və oftalmoloq-alim Zərifə Əliyevanın gəlini, Prezident İlham Əliyevin həyat yoldaşıdır. Onun işə, vəzifə borcuna münasibəti, həyata və ailəyə baxışları, yüksək insani keyfiyyətləri mənsub olduğu ailədən və nəsildən, əhatəsindəki insanlardan qaynaqlanıb. O insanlardan ki, hər biri, ilk növbədə, Vətənini, xalqını düşünüb, bu yolda yorulmadan çalışıb. Mehriban Əliyeva da daim onu düşünür ki, öz ölkəsi üçün nə edə bilər. Buna görə də birinci xanım statusunun üzərinə qoyduğu yükü sadəcə zərurət xatirinə daşımır, hansı sahədə olursa-olsun, üzərinə düşən vəzifələri səmimi qəlbdən, düşünülmüş şəkildə yerinə yetirir.
Bütün bunlar adekvat reaksiya doğurur: insanlar birinci xanımı sevir və onu dəstəkləyirlər, ona inanırlar. Bu barədə danışan Mehriban Əliyeva deyir: “Mənim üçün ən vacibi budur ki, inam duyuram. Bax, bu, həqiqətən də mənə real inam, güc verən amildir”.
Aslan Aslanov
AZƏRTAC-ın İdarə Heyətinin sədri, Dünya Xəbər Agentlikləri Konqresinin və Asiya və Sakit Okean Ölkələri Xəbər
Agentlikləri Təşkilatının prezidenti

 
  • Oxunub:  2040  |  
  • Tarix:  28-08-2018  |  
  •    Çap et   |  
Get Adobe Flash player
Ötən 24 ildə “Əsrin müqaviləsi” Azərbaycanın dinamik inkişafının əsas mənbəyi rolunda çıxış edib

09:27
21 Sentyabr
Növbəti tədbir “Əsrin müqaviləsi Azərbaycanın neft sənayesi tarixində misilsiz bir hadisədir" adlanıb
09:24
21 Sentyabr
Azərbaycan nümayəndə heyəti Qərbi Çin Beynəlxalq Sərgisində iştirak edib
20:22
20 Sentyabr
Səccad Kərim: Azərbaycanda mövcud olan birgəyaşayış modeli bir çox ölkələr üçün nümunədir
20:04
20 Sentyabr
Nikol Paşinyanın Paris yalvarışları və növbəti böhtanları: erməni baş nazir öz ampluasında
20:00
20 Sentyabr
Azərbaycan-Vyetnam münasibətləri zəngin ənənələrə malikdir
19:51
20 Sentyabr
Gəncədə qanvermə aksiyasında 540 nəfər könüllü qan verib
19:48
20 Sentyabr
“ASAN xidmət”in fəaliyyəti Fransa mətbuatında
19:46
20 Sentyabr
Azərbaycan ilə Qətər arasında mədəniyyət sahəsində əlaqələrin inkişafı müzakirə olunub
19:43
20 Sentyabr
İndiyədək TANAP-la Türkiyəyə 200 milyon kubmetrədək “Şahdəniz” qazı nəql olunub
19:41
20 Sentyabr
İordaniyanın “Ər-Ray” dövlət qəzeti Qarabağ məsələsində Türkiyənin Azərbaycana dəstəyindən yazır
19:07
20 Sentyabr
Azərbaycan Milli Məclisi ilə NATO Parlament Assambleyası arasında sıx əlaqələr mövcuddur
19:06
20 Sentyabr
Azərbaycan-Pakistan təhsil əlaqələrinin geniş perspektivləri var
18:29
20 Sentyabr
Belarus parlamenti Nümayəndələr Palatasının sədri Azərbaycanda səfərdədir
18:26
20 Sentyabr
“İki sahil” Neftçilər Gününə həsr olunmuş xüsusi buraxılış hazırlayıb
18:14
20 Sentyabr
Özbəkistan Bakı-Tbilisi-Qars vasitəsilə öz xarici ticarət yüklərinin daşınma həcminin artırılmasında maraqlıdır
18:01
20 Sentyabr
Əmək və əhalinin sosial müdafiəsi nazirliyi və Kiçik və Orta Biznesin İnkişafı Agentliyi arasında memorandum imzalanıb
18:00
20 Sentyabr
Milli Məclisdə Hindistan parlamentinin nümayəndə heyəti ilə görüş keçirilib
17:55
20 Sentyabr
Rektor: Dövlət Pedaqoji Universiteti bu günədək 150 mindən çox pedaqoji kadr hazırlayıb
17:54
20 Sentyabr
Xələf Xələfov: Azərbaycan Ermənistan rəhbərliyini sələflərinin səhvini təkrarlamamağa çağırır
17:50
20 Sentyabr
XİN: Cəbhə bölgəsində yaranmış gərginliyin bütün məsuliyyəti Ermənistan rəhbərliyinin üzərinə düşür
17:49
20 Sentyabr
Genişmiqyaslı təlimlərdə gündüz vaxtı döyüş atışları keçirilib
17:47
20 Sentyabr
ABŞ Dövlət Departamenti: Azərbaycan 2017-ci ildə terrorçuluqla mübarizədə Birləşmiş Ştatların güclü tərəfdaşı olub
17:46
20 Sentyabr
Bu gün Azərbaycan gəncliyində vətənpərvərlik ruhu çox yüksəkdir
17:43
20 Sentyabr
Birinci vitse-prezident Mehriban Əliyeva NATO baş katibinin müavininin rəhbərlik etdiyi nümayəndə heyəti ilə görüşüb
17:40
20 Sentyabr
Azərbaycan-Pakistan əlaqələrinin inkişaf perspektivləri müzakirə olunub
17:36
20 Sentyabr
Naxçıvanda Aşura mərasimləri keçirilib
17:24
20 Sentyabr
Prezident İlham Əliyev NATO baş katibinin müavininin rəhbərlik etdiyi nümayəndə heyətini qəbul edib
17:22
20 Sentyabr
Prezident İlham Əliyev bir sıra ölkələrin parlament rəhbərlərini qəbul edib
17:09
20 Sentyabr
Pakistan Senatının sədri Milli Məclisdə olub
17:05
20 Sentyabr
Ağcabədidə Aşura günündə hemofiliyalı və talassemiyalı xəstələr üçün qan verilib
16:57
20 Sentyabr
Van Çunqan: Azərbaycanın iqtisadiyyatı qarşılıqlı investisiya qoyuluşları üçün əlverişlidir
16:53
20 Sentyabr
AMEA-nın prezidenti Akif Əlizadə Belarusda medalla təltif edilib
16:49
20 Sentyabr
Azərbaycanın Milli Olimpiya Komitəsinin nümayəndəsi Madriddə beynəlxalq marketinq seminarında iştirak edib
16:44
20 Sentyabr
Dövlət İdarəçilik Akademiyasında ilk mühazirə “Heydər Əliyev Dövlət İdarəçiliyi Məktəbi”ndə dinlənilib
16:39
20 Sentyabr
Aşura günü Qubada keçirilən humanitar aksiyada 100-dən çox könüllü qan verib
16:29
20 Sentyabr
Fəxri xiyabanda görkəmli alim Rəfiqə Əliyevanın xatirəsi anılıb
16:27
20 Sentyabr
Professor Oleq Kuznetsov: SSRİ DTK da daşnakları təhlükəli hesab edib
16:22
20 Sentyabr
Qırğızıstan Joqorku Keneşinin sədri TÜRKPA Katibliyində olub
16:18
20 Sentyabr
UNEC yeni tədris ilinə yüksək keyfiyyət göstəriciləri ilə start verib
16:07
20 Sentyabr
Qurban Qurbanov: “Futbolçular meydanda əlindən gələni edəcək”
15:49
20 Sentyabr
Bu gün “Qarabağ” UEFA Avropa Liqasının qrup mərhələsində ilk oyununa çıxacaq
15:44
20 Sentyabr
Ağsuda keçirilən qanvermə aksiyasında 70 litrədək qan toplanıb
15:38
20 Sentyabr
Aşura günündə Bərdə və Beyləqanda 150 nəfər könüllü qan verib
15:26
20 Sentyabr
Varşavada Avropa Xəbər Agentlikləri Alyansının növbəti konfransı keçirilir
15:22
20 Sentyabr
Suveren Fondların Beynəlxalq Forumunun XII illik yığıncağı Bakıda keçiriləcək
15:07
20 Sentyabr
ATƏT-in İnsan Ölçüsü üzrə illik görüşündə Ermənistanın təcavüzkar siyasətindən danışılıb
15:05
20 Sentyabr
Azərbaycanda Çinlə birgə elektron ticarət platformasının yaradılması təklif olunub
14:45
20 Sentyabr
Kiyevdəki Azərbaycan Ticarət Evi məhsullarımızın Ukrayna bazarında satışı üçün sertifikat və lisenziya alıb
14:42
20 Sentyabr
Bolqarıstan Azərbaycanın həyata keçirdiyi qlobal layihələrə böyük maraq göstərir
14:41
20 Sentyabr
Azərbaycanda kiçik və orta biznes evləri yaradılacaq
14:32
20 Sentyabr
Qida Təhlükəsizliyi Agentliyi uşaq qidaları ilə bağlı maarifləndirici məlumat yayıb
14:30
20 Sentyabr
Dövlət Aqrar Ticarət Şirkəti Cocuq Mərcanlıda fermerlərin yetişdirdiyi məhsulu satın alıb
14:25
20 Sentyabr
Tsveta Karayançeva: Bolqarıstan-Azərbaycan əlaqələri inkişaf edir
14:22
20 Sentyabr
İsmayıllıda Heydər Əliyev İdarəetmə Məktəbinin növbəti məşğələsi keçirilib
14:20
20 Sentyabr
Cüdoçumuz Aişə Qurbanlı dünya çempionatında mübarizəni dayandırıb
14:18
20 Sentyabr
Sudan Milli Assambleyası sədrinin Azərbaycana səfəri başlayıb
14:16
20 Sentyabr
Milli Məclisdə Azərbaycan-Qırğızıstan ikitərəfli münasibətləri müzakirə olunub
14:15
20 Sentyabr
Bakı Dövlət Universitetində görkəmli alim Rəfiqə Əliyevanın xatirəsi anılıb
14:12
20 Sentyabr
Kamran Nəbizadə: Ulu öndər Heydər Əliyevin şah əsəri olan “Əsrin müqaviləsi”nin imzalanması Azərbaycanın dirçəlişinə, iqtisadi inkişafına böyük yol açdı
12:59
20 Sentyabr
Dövlət Gömrük Komitəsinin 3 500 əməkdaşı attestasiyadan keçiriləcək
12:45
20 Sentyabr
Pambığın alış qiymətinin artırılması fermerlər üçün 12-13 milyon manat əlavə qazanc deməkdir
12:43
20 Sentyabr
Kəramət Hüseynov rusiyalı Olimpiya çempionuna ipponla qalib gəlib
12:35
20 Sentyabr
Naxçıvanda “Avropa günləri” keçiriləcək
12:32
20 Sentyabr
Bakıda Əfqanıstan üzrə NATO proqramının məzunlarına sertifikatlar təqdim edilib
12:31
20 Sentyabr
Heydər Əliyev Fondu və BP birgə layihələrin icrasına dair əməkdaşlıq memorandumu imzalayıb
12:13
20 Sentyabr
"Bakı-2018": Orxan Səfərov uğurlu çıxışını davam etdirir
12:12
20 Sentyabr
Rouz Gotemoller: Azərbaycan terrorizmə qarşı mübarizədə qətiyyətli mövqe sərgiləyir
12:01
20 Sentyabr
Azərbaycan beynəlxalq eID Forumunda “Asan İmza” və Rəqəmsal Ticarət Qovşağı ilə təmsil olunub
11:57
20 Sentyabr
Mübariz Qurbanlı: “Hər il xeyli sayda vətəndaşımız qanvermə aksiyasına qoşulur”
11:56
20 Sentyabr
İrəvan xanlığının tarixinə dair əsərlərin erməni və fars dillərinə çevrilmiş nəşrlərinin təqdimatı keçirilib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
HAVA HAQQINDA
Bakı
gündüz+25 +28
gecə+17 +20