Ana səhifə »  Siyasət »  2018-ci ildə Azərbaycan xalqı əmin-amanlıq, sabitlik şəraitində yaşayıb
A+   Yenilə  A-
2018-ci ildə Azərbaycan xalqı əmin-amanlıq, sabitlik şəraitində yaşayıb

Prezident İlham Əliyev: Sabitliyin əsas səbəbi və onun mənbəyi xalq-iqtidar birliyidir
Hazırda dünyanın mənzərəsi ilk növbədə inkişafa və sabitliyə ciddi təhdidlər yaradan ziddiyyətli məqamlarla diqqəti cəlb edir. Qlobal miqyasda müşahidə olunan iqtisadi və siyasi kataklizmlər, milli-dini zəmində tez-tez baş qaldıran münaqişələr, Yaxın Şərqə “ixrac” edilən müharibələr son nəticədə ayrı-ayrı ölkələri gücdən salır, onların öz potensiallarını inkişafa yönəltmələrinə imkan vermir. Biz görürük ki, sabitlik pozulanda xarici müdaxilə baş verir, dövlətlər idarəolunmaz vəziyyətə düşür, qardaş qanı tökülür və ölkələrin gələcəyi böyük sual altına düşür. Belə vəziyyətdə, təbii ki, insanlar, ələlxüsus da uşaqlar, qadınlar, yaşlılar sonsuz məşəqqətlərlə üzləşirlər.
Yaxın-uzaq coğrafiyalardakı belə arzuolunmaz vəziyyətlə müqayisədə müstəqil Azərbaycanın mənzərəsi tamam fərqli rakursdan diqqəti cəlb edir. Ölkəmiz Prezident İlham Əliyevin inamla reallaşdırdığı məqsədyönlü siyasət sayəsində sabitlik və inkişaf adası kimi fərqlənir. Ölkəmizdə dövlət başçısının qətiyyəti sayəsində daxili risklərin hamısı aradan qaldırılıb, eyni zamanda, Azərbaycan xarici risklərdən də özünü qoruya bilib, bu gün də qoruyur və heç bir şübhə yoxdur ki, bundan sonra da qoruyacağıq. Deyilənlər baxımdan artıq tarixə dönən 2018-ci il də istisna təşkil etməyib. Prezident İlham Əliyev Dünya Azərbaycanlılarının Həmrəylik Günü və Yeni il münasibətilə Azərbaycan xalqına təbrikində respublikamızın nikbinlik doğuran mənzərəsinə xüsusi diqqət çəkərək vurğulayıb ki, 2018-ci ildə xalqımız əmin-amanlıq, sabitlik şəraitində yaşayıb.
Xalq-iqtidar birliyi Azərbaycandakı sabitliyi və inkişafı şərtləndirən əsas amildir
Müstəqil Azərbaycanın dünyada böyük maraqla izlənən nümunəvi inkişaf modelinin ən səciyyəvi cəhətlərindən biri odur ki, ölkəmizdə aparılan məqsədyönlü siyasət xalq-iqtidar vəhdəti prinsipinə əsasən müəyyənləşdirilir. Azərbaycan iqtidarı reallaşdırdığı siyasətdə bir qayda olaraq milli maraqları əsas götürür, daim xalqın mənafeyindən çıxış edir. Öz növbəsində, cəmiyyət də iqtidarın siyasətinə yüksək səviyyədə dəstək verir. Bəhs olunan təbrikində bu məqama diqqət çəkən Prezident İlham Əliyev vurğulayıb: “Sabitliyin əsas səbəbi və onun mənbəyi xalq-iqtidar birliyidir”.
Həqiqətən də, son 15 ildə keçilən yola diqqət yetirdikdə Prezident İlham Əliyevin daim xalqın arzu və istəkləri ilə üst-üstə düşən və reallıqla səsləşən təşəbbüslərlə çıxış etdiyinin şahidi oluruq. Ölkədə aparılan praqmatik siyasət ilk növbədə xəlqi mahiyyəti ilə fərqlənir. Dövlət başçısı mütəmadi qaydada ictimaiyyətin nümayəndələri ilə görüşür, tez-tez bölgələrə səfərlərə gedir. Bu görüşlər və səfərlər isə izsiz ötüşmür. Dövlət başçısı insanları narahat edən məsələlərlə yerindəcə tanış olur, həmçinin əvvəllər verilən tapşırıqların müvafiq qurumlar tərəfindən necə icra edildiyi ilə maraqlanır. Beləliklə, bir tərəfdən nəzarət möhkəmlənir, məmurların məsuliyyəti artır, digər tərəfdən isə dövlət siyasətinin prioritetləri müəyyənləşdirilərkən yerlərdə insanların qaldırdıqları məsələlər mütləq nəzərə alınır. Deyilənlərin təsdiqi olaraq vurğulamaq yerinə düşər ki, Prezident İlham Əliyev 2018-ci ildə də regionlara çoxsaylı səfərlərə gedib və yüksək standartlar səviyyəsində tikilən sosial-iqtisadi təyinatlı obyektlərin açılışında iştirak edib, Özünün dəyərli tövsiyələrini verib, əmək kollektivlərinin, ictimaiyyətin nümayəndələri ilə görüşlər keçirib.
Eyni zamanda, Azərbaycanda son 15 ildə Prezident İlham Əliyevin iradəsi ilə bilavasitə insanların mənafeyinə yönələn dərinməzmunlu sosial siyasət həyata keçirilib. Sosial dövlət olan Azərbaycanda reallaşdırılan məqsədyönlü dövlət siyasətinin mərkəzində vətəndaşların maraqları dayanır. Respublikada davamlı iqtisadi inkişaf, aparılan islahatlar dərinməzmunlu sosial siyasətlə tamamlanır. Ölkədə insanların həyat şəraitinin yaxşılaşması, gəlir imkanlarının artırılması məqsədilə ardıcıl şəkildə reallaşdırılan proqramlar, genişmiqyaslı tədbirlər bunu əyani şəkildə təsdiqləyir. Təkcə belə bir faktı vurğulamaq kifayətdir ki, son 15 ildə respublikamızda maaşlar və pensiyalar mütəmadi qaydada artırılıb.
Azərbaycanda reallaşdırılan sosial siyasət özünün son dərəcə geniş spektri ilə diqqəti cəlb edir. Ölkədə dövlət qayğısına ehtiyacı olan bütün insanlar dövlət dəstəyindən bəhrələnirlər. İnsanlar arasında ədalətli resurs bölgüsü təmin edilir ki, bu da aparılan dərinməzmunlu sosial siyasətin əlamətidir.
Deyilənlərdən də göründüyü kimi, Prezident İlham Əliyevin müəyyənləşdirdiyi dövlət siyasətinin mərkəzində Azərbaycan vətəndaşı dayanır. Öz növbəsində, dövlət başçısının apardığı praqmatik və sosial məzmunlu siyasət cəmiyyətdə Ona böyük inam formalaşdırıb. 2018-ci il aprelin 11-də keçirilən prezident seçkiləri isə respublikamızda xalqın Azərbaycana son 15 ildə rəhbərlik edən və ölkəmizə böyük uğurlar qazandıran dövlət başçısı İlham Əliyevə etimadını bir daha bütün dünyaya nümayiş etdirdi. Konstitusiya Məhkəməsinin məlumatına əsasən, etibarlı hesab edilmiş səslərin 3 milyon 394 min 898-i və ya 86,02 faizi seçkilərə Yeni Azərbaycan Partiyasının (YAP) namizədi kimi qatılan İlham Heydər oğlu Əliyevin lehinə verilib. Prezident İlham Əliyev bəhs olunan təbrikində seçkilərdə xalqın Ona etimad göstərməsini yüksək dəyərləndirərək bundan sonra da Azərbaycanın inkişafı, xalqın rifahının yaxşılaşması üçün əlindən gələni əsirgəməyəcəyini bildirib: “Azərbaycan xalqı bir daha mənə yüksək etimad göstərmişdir, mənim fəaliyyətimə yüksək qiymət vermişdir. Mən son 15 il ərzində Prezident kimi çalışmışam ki, xalqa ləyaqətlə xidmət edim. Bundan sonra da çalışacağam ki, Azərbaycanın inkişafı, Azərbaycanın gücləndirilməsi, xalqın rifahının artması üçün əlimdən gələni əsirgəməyim. Mənim bir amalım var: güclü Azərbaycan dövləti qurmaq və xalqa ləyaqətlə xidmət etmək”.
Azərbaycan regionda sabitliyin təmin olunmasına, əməkdaşlığın dərinləşməsinə özünün sanballı töhfələrini verir
Heç şübhəsiz, ayrılıqda götürülmüş heç bir ölkə özünün uğurlu inkişafını təmin edə bilməz. Hər bir dövlətin bu və ya digər sahədə uğurlar qazanması öz qonşuları ilə münasibətlərdən, bütövlükdə yerləşdiyi coğrafiyadakı vəziyyətdən çox asılıdır. Çoxvektorlu xarici siyasətində bir qayda olaraq xoş məram nümayiş etdirən Azərbaycan da regionda sabitliyin möhkəmlənməsinə və qarşılıqlı faydalı əməkdaşlığın dərinləşməsinə daim öz töhfəsini verməyə çalışır. Bu gün Azərbaycan regionda işğalçı Ermənistan istisna olmaqla bütün qonşu dövlətlərlə strateji tərəfdaşlıq münasibətlərini uğurla inkişaf etdirir və bundan bütün tərəflər fayda götürür. “Qonşu ölkələrlə əlaqələrimiz daha yüksək səviyyəyə qalxıb. Bu, hər bir ölkə üçün çox önəmlidir, o cümlədən Azərbaycan üçün. Qonşu dövlətlərlə həm siyasi, həm iqtisadi və digər sahələrdə birgə apardığımız işlər bölgədə sabitliyi daha da möhkəmləndirir”, - deyə Prezident İlham Əliyev bildirib.
Qonşu dövlətlər olan Azərbaycanla Gürcüstanın siyasi və iqtisadi maraqları üst-üstə düşür. Gürcüstan regionda respublikamızın moderatorluğu ilə reallaşdırılan enerji və nəqliyyat layihələrində yer alır. Azərbaycanın enerji resursları bu ölkədən Bakı-Tbilisi-Ceyhan, Bakı-Tbilisi-Ərzurum, Bakı-Tbilisi-Supsa xətləri ilə daşınaraq dünya bazarlarına çıxarılır. 2017-ci ildə istifadəyə verilən Bakı-Tbilisi-Qars dəmiryolu layihəsi Asiya ilə Avropanı birləşdirir. İki ölkə Azərbaycanın zəngin “Şahdəniz” yatağının ehtiyatlarını Avropa bazarlarına daşıyacaq Cənub Qaz Dəhlizi çərçivəsində də sıx əməkdaşlıq edirlər. Azərbaycan Gürcüstana sərmayə qoyan xarici ölkələrin arasında birinci yeri tutur.
Türkiyə və Azərbaycan dünyada bir-birinə ən yaxın olan ölkələrdir. Yer üzündə iki qardaş xalqın və ölkənin dostluğuna xələl gətirə biləcək güc, qüvvə yoxdur. Türkiyə Azərbaycanın dövlət müstəqilliyini ilk tanıyan dövlətdir. Qardaş Türkiyə Azərbaycana qarşı apardığı işğalçılıq siyasətinə cavab olaraq Ermənistanla bütün siyasi-iqtisadi əlaqələri dayandırıb, eyni zamanda, 1993-cü ildən etibarən bu ölkə ilə sərhədlərini bağlayıb. Öz növbəsində Azərbaycan da ermənilərin Türkiyəyə qarşı irəli sürdükləri ərazi və “soyqırımı” iddialarına layiqli cavab verilməsində daim qardaş ölkənin yanındadır.
Türkiyə ilə Azərbaycanı, eyni zamanda, müxtəlif layihələrdə fəal təmsilçilik, ortaq maraqlar birləşdirir. Yuxarıda sadalanan enerji və nəqliyyat layihələri buna misaldır. 2018-ci il iyunun 12-də Türkiyənin Əskişəhər şəhərində TANAP qaz kəmərinin istifadəyə verilməsi də çox əlamətdar hadisədir. Cənub Qaz Dəhlizinin mühüm seqmenti olan TANAP-ın istifadəyə verilməsi Türkiyə-Azərbaycan dostluğunun zirvəsi hesab olunur.
Azərbaycanla İran arasında münasibətlərin möhkəmlənməsi regional əməkdaşlığın dərinləşməsinə yaxşı nümunədir. 2018-ci ildə Prezident İlham Əliyevin İran Prezidenti və bu ölkənin digər yüksək səviyyəli rəsmiləri ilə keçirdiyi görüşlərdə ilk növbədə regional təhlükəsizlik, iqtisadi bloka aid məsələlər müzakirə olunub, bölgədə və daha geniş coğrafiyada sabitliyin təmin olunmasında, terrorizm, separatizm və digər bu kimi bəşəriyyəti təhdid edən hallarla mübarizədə birgə əməkdaşlığın inkişaf etdirilməsinin və səylərin gücləndirilməsinin zəruriliyi vurğulanıb.
Son illərdə Azərbaycanla İran arasında ticarət dövriyyəsinin 70 faizədək artması məmnunluq doğurur. Eyni zamanda, qarşılıqlı investisiya qoyuluşu genişlənir. Azərbaycanın Pirallahı Sənaye Parkında İranın “TPİCO Holdinq” Şirkətlər Qrupunun iştirakı ilə “Caspian Pharmed” əczaçılıq zavodunun təməli qoyulub. Azərbaycan və İran şirkətlərinin müştərək layihəsi əsasında Neftçala Sənaye Məhəlləsində avtomobil zavodu yaradılıb və 2018-ci ildə müəssisədə avtomobil istehsalına başlanılıb. Enerji sektorunda əməkdaşlıq Azərbaycanla İran arasında münasibətlərin ənənəvi istiqamətidir. İki ölkə həmçinin Şimal-Cənub nəqliyyat dəhlizinin yaradılmasında fəal əməkdaşlıq edir.
Azərbaycan-Rusiya əlaqələri çoxşaxəli səciyyə daşıyır. Bura həm siyasi, həm də iqtisadi və humanitar sferalar daxildir. Həyatın elə bir sahəsi yoxdur ki, Azərbaycanla Rusiya sıx əməkdaşlıq etməsinlər.
Xüsusi olaraq vurğulamaq lazımdır ki, iki ölkə arasında ikitərəfli iqtisadi əlaqələr çox uğurla inkişaf edir. Hazırda Azərbaycan bazarında təxminən 700 birgə müəssisə var ki, onlardan da üçdəbiri 100 faizlik Rusiya kapitalı ilə fəaliyyət göstərir.
Öz növbəsində Azərbaycan da qonşu ölkədə investisiya qoyuluşunu getdikcə artırır. Hazırda Azərbaycan Rusiyada müxtəlif investisiya layihələri reallaşdırır. İndiyədək Azərbaycan tərəfindən Rusiya iqtisadiyyatına 1 milyard ABŞ dollarından çox sərmayələr yönəldilib.
Azərbaycan, eyni zamanda, öz imkanlarını təqdim edərək Xəzər hövzəsi regionunun qarşılıqlı əməkdaşlıq regionuna çevrilməsinə böyük səy göstərir. Xəbər verildiyi kimi, 2018-ci il avqustun 12-də Qazaxıstanın Aktau şəhərində Xəzəryanı dövlətlərin dövlət başçılarının V Zirvə toplantısında Xəzər dənizinin hüquqi statusu haqqında Konvensiya imzalanıb. Beləliklə, artıq Xəzəryanı ölkələr arasında möhkəm hüquqi bazanın olduğunu söyləmək mümkündür ki, bu platformanın yaradılmasında və funksionallığının təmin olunmasında Azərbaycanın rolu əvəzsizdir.
Ölkədəki davamlı sabitlik şəraitində Azərbaycanın dinamik sosial-iqtisadi inkişafı təmin olunur
Davamlı sabitlik Azərbaycanın dinamik sosial-iqtisadi inkişafı baxımından fundamental amil qismində çıxış edir. Qeyd olunduğu kimi, hər bir ölkə məhz sabitlik və təhlükəsizlik şəraitində iqtisadi potensialından səmərəli şəkildə istifadə edə və insanların rifah halının yaxşılaşması üçün davamlı tədbirlər həyata keçirə bilər. Müstəqil Azərbaycan özünün dinamik inkişafını məhz sabitlik və təhlükəsizlik şəraitində təmin edir. Biz ölkə daxilində sabitliyin yüksək səviyyədə təmin edildiyi Azərbaycanda daim yeni inkişaf paradiqmalarının müəyyənləşdirildiyinin və qarşıya qoyulan hədəflərə çatmaq üçün güclü siyasi iradə sərgiləndiyinin, maddi dəstək tədbirlərinin görüldüyünün şahidi oluruq. Son 15 ildə respublikamızda iqtisadi məsələlərə xüsusi diqqət yetirilib, neft gəlirlərindən səmərəli istifadə etməklə ölkənin iqtisadi potensialının artırılmasına yönələn məqsədyönlü siyasət həyata keçirilib, bütövlükdə milli iqtisadiyyatın və onun ayrı-ayrı sektorlarının inkişafını təmin etmək məqsədilə genişmiqyaslı islahatlar aparılıb, Dövlət proqramları, strateji yol xəritələri qəbul edilib. Son 15 ildə bütün dünya miqyasında iqtisadi baxımdan Azərbaycan kimi dinamik inkişaf edən ölkələrin sayı çox az olub. Bəhs olunan dövrdə milli iqtisadiyyatımız 3 dəfədən çox genişlənib ki, bu da kifayət qədər yaxşı göstəricidir. Hazırda respublikamız Cənubi Qafqaz regionunda ən güclü iqtisadiyyata malik olan dövlətdir. Azərbaycanın qısa müddətdə öz investisiyalarını ixrac edən ölkəyə çevrilməsi son dərəcə qürurverici haldır.
Son 15 ildə Azərbaycanda iqtisadi inkişaf dövlət siyasətinin prioriteti kimi müəyyənləşdirilərkən Prezident İlham Əliyevin belə bir fundamental tezisi əsas götürülüb ki, ancaq iqtisadiyyatı güclü olan ölkələr müstəqil siyasət apara bilərlər. Bu mənada Azərbaycanın vəziyyəti nikbinlik üçün ciddi əsaslar yaradır. Güclü iqtisadi dayaqlar quran və iqtisadi müstəqilliyini təmin edən respublikamızın özünə inam hissi də artıb. Öz gücünə arxalanan Azərbaycan tam müstəqil siyasət həyata keçirir, milli maraqları qətiyyətlə qoruyur və bütün dünyada ləyaqətli ölkə kimi tanınır. Bu kimi məqamlara diqqət çəkən Prezident İlham Əliyev “Bu gün Azərbaycan iqtisadi inkişaf baxımından heç kimdən asılı deyil. Azərbaycan iqtisadiyyatı müstəqil iqtisadiyyatdır və bizim müstəqil siyasətimizi gücləndirən amildir”, - deyə vurğulayıb.
Əlbəttə, bəhs olunan dövrdə milli iqtisadiyyatın inkişafında neft amili xüsusi yer tutub. Bu da təbiidir. Çünki Azərbaycan karbohidrogen ehtiyatları ilə zəngin olan ölkədir. Ancaq bununla bərabər, ölkəmizin qeyri-neft ixracı 15 il ərzində dörd dəfədən çox artıb. Bu da onu göstərir ki, respublikamızda neftdənkənar iqtisadiyyatın inkişafının müxtəlif vasitələrlə dəstəklənməsi, bu məqsədlə aparılan islahatlar böyük səmərə verir.
Son 15 ildə ölkəmizin valyuta ehtiyatları təxminən 24 dəfə artıb və hazırda 45 milyard dollara bərabərdir. Respublikamıza 250 milyard dollardan çox sərmayə qoyulub. Ölkəmizdə çox gözəl investisiya iqlimi var və investorlar bundan bəhrələnirlər. Ölkəmizin investisiya cəlbediciliyinin artmasına müsbət təsir göstərən amillər sırasında daxili sabitliyin getdikcə daha da möhkəmlənməsinin önəmini ayrıca vurğulamaq lazımdır. Dünya təcrübəsindən də bəlli olduğu kimi, investorlar öz sərmayələrini ancaq davamlı daxili sabitliyə malik ölkələrə yönəldirlər. Yeri gəlmişkən, artıq tarixə dönən 2018-ci ildə də respublikamızın investisiya cəlbediciliyi kifayət qədər yüksək olub. İl ərzində daxili və xarici mənbələrdən ölkəmizə 10 milyard dollar sərmayə yönəldildiyini diqqətə çatdıran dövlət başçısı vurğulayıb: “İxracımız təxminən 40 faiz artıb. Ölkə iqtisadiyyatına 10 milyard dollar sərmayə qoyulubdur. Dünya Bankının “Doing Business” proqramının son hesablamalarında Azərbaycan dünya miqyasında 25-ci yerə layiq görülüb. Yəni, bu, onu göstərir ki, apardığımız islahatlar, şəffaflıq, ciddi iqtisadi islahatlar öz nəticəsini verir və Dünya Bankı bunu yüksək qiymətləndirir”.
Beynəlxalq miqyasda Azərbaycana böyük inam yaranıb
Biz yuxarıda respublikamızın regionda sabitliyin və əməkdaşlığın möhkəmlənməsinə verdiyi töhfələr barədə söhbət açdıq. Möhkəm daxili sabitlik şəraitində inamlı inkişafını təmin edən Azərbaycan uzaq coğrafiyalarda yerləşən dövlətlərlə də əlaqələrini getdikcə genişləndirir. Qısa müstəqillik tarixində respublikamızın 155 dövlətin dəstəyini qazanaraq BMT Təhlükəsizlik Şurasının qeyri-daimi üzvü seçilməsi son dərəcə qürurverici haldır. Son illərdə Azərbaycan mötəbər beynəlxalq tədbirlərin, o cümlədən humanitar və mədəniyyətlərarası dialoq forumlarının, nüfuzlu idman yarışlarının keçirildiyi məkana çevrilib ki, bu da beynəlxalq birliyin ölkəmizə olan yüksək inamını ifadə edir. Qeyd etmək yerinə düşər ki, təkcə 2018-ci ildə Azərbaycan Prezidenti 16 dəfə xarici ölkələrə səfərə gedib, eyni zamanda, 16 xarici ölkənin dövlət və hökumət başçıları respublikamıza səfərə gəliblər. Prezident İlham Əliyev beynəlxalq miqyasda Azərbaycanın nüfuzunun artmasından məmnunluğunu bildirərək deyib: “Azərbaycan güclü ölkə kimi dünya miqyasında özünü təsdiqləyib. Bizim beynəlxalq mövqelərimiz daha da möhkəmlənib”.
Əlamətdar haldır ki, Azərbaycan həm Avropa İttifaqına, həm də İslam Əməkdaşlıq Təşkilatına üzv dövlətlərlə əlaqələrini möhkəmləndirir. Cənubi Qafqaz coğrafiyasının lider dövləti səviyyəsinə yüksələn Azərbaycanın Avropa ölkələri və ABŞ üçün də önəmi getdikcə artır. Amerika Birləşmiş Ştatları respublikamızın terrorizmə qarşı mübarizə tədbirlərində fəal iştirakını yüksək qiymətləndirir.
Avropa İttifaqı ilə Azərbaycan perspektivdə münasibətlərin daha da dərinləşməsinə siyasi iradə ortaya qoyurlar. Bunu tərəflərin yeni Saziş üzərində işləməsi bir daha təsdiqləyir. 2018-ci ildə Azərbaycanla Avropa İttifaqı arasında Tərəfdaşlıq Prioritetləri sənədinin paraflanması əməkdaşlığın gələcək inkişafı üçün çox önəmlidir. Belə bir diqqətəlayiq faktı da vurğulamaq yerinə düşər ki, Azərbaycanla Avropa İttifaqına daxil olan 9 dövlət arasında strateji tərəfdaşlıq haqqında saziş imzalanıb.
Azərbaycan özünün çoxvektorlu xarici siyasətində İslam aləmi ilə sıx münasibətlər qurulmasına xüsusi önəm verir. Əlamətdar haldır ki, müstəqil Azərbaycanın ilk diplomatik missiyaları məhz müsəlman ölkələrində fəaliyyətə başlayıb, dövlətimiz qısa zamanda bütün müsəlman dünyasını birləşdirən İslam Əməkdaşlıq Təşkilatının (İƏT) fəal üzvünə çevrilib. Azərbaycan İslam həmrəyliyinin möhkəmlənməsinə töhfə verən İƏT Gənclər Forumu, İƏT Əmək Mərkəzi, İƏT-ə Üzv Dövlətlərin Jurnalistləri Assosiasiyası kimi yeni qurumların yaradılmasının təşəbbüskarı kimi çıxış edib. Eləcə də ölkəmiz müsəlman dünyası ilə əlaqələrin genişləndirilməsinə xidmət edən ikitərəfli və çoxtərəfli əməkdaşlıq formatları qurub. Bu çərçivədə həyata keçirilən bir çox layihələr Azərbaycanla İslam ölkələri arasında qarşılıqlı münasibətlərin möhkəmlənməsinə xidmət edir.
Mübariz ABDULLAYEV

 
  • Oxunub:  5490  |  
  • Tarix:  11-01-2019  |  
  •    Çap et   |  
Get Adobe Flash player
Azərbaycanın dinamik daxili və xarici siyasəti ölkənin milli maraqlarına əsaslanır

22 May 17:49
Ermənistanda keçmiş hərbçilərin vəziyyəti acınacaqlıdır
22 May 17:38
Eldar İbrahimov: Azərbaycan ərzaq təhlükəsizliyinə ölkənin milli təhlükəsizliyinin vacib bir komponenti kimi daim böyük önəm verir
22 May 17:34
Azər Badamov: Ölkəmizdə regionların sosial-iqtisadi inkişaf siyasəti uğurla həyata keçirilir
22 May 17:31
Tahir Rzayev: Sənayenin inkişafına dair proqramların icrası nəticəsində regionlarda sənayeləşmə prosesi geniş vüsət alıb
22 May 17:27
YAP Suraxanı rayon təşkilatında qanvermə aksiyası təşkil olunub
22 May 17:26
Sona Əliyeva: Öz partiyasında siyasi nüfuzu olmayan Əli Kərimlinin hakimiyyət iddiaları gülüncdür
22 May 17:24
Səfir: Qazaxıstan-Azərbaycan qardaşlıq münasibətləri ölkənin yeni rəhbərliyi dövründə də dinamik inkişaf edəcək
22 May 17:22
Tovuzda ikigünlük konfrans işini “Dini radikalizmlə mübarizə və maarifləndirmə” adlı panellə davam etdirib
22 May 17:16
YAP Sabirabd rayon təşkilatı Gənclər Birliyinin IV hesabat seçki konfransı keçirilib
22 May 17:13
Vergi Məcəlləsinə dəyişikliklər ölkə iqtisadiyyatının inkişafına və əhalinin rifah halının yaxşılaşmasına yönəlib
22 May 16:58
"Dayanıqlı İnkişaf Məqsədlərinin tətbiqi vasitəsilə gender əsaslı bələdiyyələrin təşviqi" layihəsi çərçivəsində "dəyirmi masa" keçirilib
22 May 16:53
“Gənclərin Dayanıqlı İnkişaf Məqsədləri”: Layihənin növbəti dayaq nöqtəsi Gəncə olub
22 May 16:37
Mətyu Brayzə: Şəxsi təcrübəmdən bilirəm ki, vaxtilə ailəmlə birlikdə yaşadığım Bakı çox təhlükəsiz şəhərdir
22 May 16:26
KİVDF-nin Əmək və Əhalinin Sosial Müdafiəsi Nazirliyi ilə birgə keçirdiyi yazı müsabiqəsinin qalibləri mükafatlandırılıb
22 May 16:23
İlahiyyat İnstitutu əməkdaşlıq əlaqələrini genişləndirir
22 May 16:09
Hikmət Babaoğlu: İntellektual baxımdan Azərbaycan cəmiyyəti yetkinləşir
22 May 16:06
Hərbi birlikdə komandir müavinləri üçün seminar təşkil olunub
22 May 16:01
DSMF-də sosial təminat sahəsində görülən işlərə və qarşıda duran vəzifələrə həsr olunmuş müşavirə keçirilib
22 May 15:57
Bu gün bioloji müxtəliflik günü ilə əlaqədar Azərbaycanın bütün milli parklarında “açıq qapı” günü keçirilir
22 May 15:55
Vergilər Nazirliyi və Baş Prokurorluq birgə məlumat yayıb
22 May 15:53
Cavid Osmanov: Bölgələrdə bütün infrastruktur müasir tələblər çərçivəsində yenidən qurulur
22 May 15:46
Beynəlxalq səviyyədə akkreditasiya olunan proqramlar üzrə təhsil almış abituriyentlərin ali məktəblərə müsabiqədənkənar qəbulu Şərtləri təsdiqlənib
22 May 15:40
Deputat: Azərbaycanda həyata keçirilən islahatlar vətəndaşların rifahının daha da yaxşılaşmasına xidmət edir
22 May 15:21
Qafqaz zubrları Azərbaycan təbiətinə qaytarılır
22 May 15:09
Azərbaycanda fəaliyyət göstərən dini icmaların rəhbərləri və nümayəndələri ilə görüş olub
22 May 15:06
“Azərxalça” ASC-nin Lənkəran filialında səkkiz aya 170 xalça toxunub
22 May 15:00
Sahibkarlarla turizm sahəsinin inkişafına dair müzakirələr aparılıb
22 May 14:55
Müdafiə naziri təlimlərdəki vəziyyətə dair məruzələri dinləyib
22 May 14:51
Dörd ayda dəniz nəqliyyatı ilə 218,5 milyon dollarlıq yük daşınıb
22 May 14:42
Ruslan Quliyev: Azərbaycan dünyanın əksər ölkələrində turizm mərkəzi olaraq yeni bir istiqamət kimi tanınır
22 May 14:37
Yüksək Texnologiyalar Parkında İsrail nümayəndələri ilə görüş keçirilib
22 May 14:30
Sabah paytaxtda 27 dərəcə isti olacaq
22 May 14:21
Məmməd Araz Vətənə və sənətə həsr olunmuş əsl şair-vətəndaş ömrü yaşayıb
22 May 14:16
Müdafiə Nazirliyi: Qazax rayonu istiqamətində keçirilən monitorinq insidentsiz başa çatıb
22 May 14:15
“The National Interest” jurnalında Cənub qaz dəhlizinin əhəmiyyəti və Transxəzər qaz kəmərinin imkanları barədə məqalə dərc edilib
22 May 14:07
Hərbi hissədə görüş keçirilib
22 May 14:05
Əməliyyat-taktiki təlimləri çərçivəsində səhra şəraitində təminat məntəqələri yaradılıb
22 May 13:59
İcma rəhbəri: Qarabağdakı xristian-katolik və pravoslav kilsələri erməniləşdirilir
22 May 13:56
Avroliqanın final oyunu ilə əlaqədar banklar gücləndirilmiş iş rejimində fəaliyyət göstərəcək
22 May 13:07
“The Jakarta Post” qəzeti Ramazan ayının Azərbaycanda necə keçirilməsindən yazıb
22 May 13:00
Milli Məclisin müdafiə, təhlükəsizlik və korrupsiya ilə mübarizə komitəsinin iclası keçirilib
22 May 12:52
Daşkənddə Heydər Əliyevin xatirəsinə həsr olunan “Ayrılarmı könül candan-Azərbaycan!” adlı konsert keçirilib
22 May 12:40
Estoniyanın xarici işlər naziri: Estoniya Azərbaycanla əməkdaşlıq sahələrinin şaxələndirilməsində maraqlıdır
22 May 12:39
Ombudsman aparatının nümayəndələri döyüş bölgəsindəki hərbi hissədə olublar
22 May 12:37
Jurnalist Fuad Abbasovla bağlı məsələ Azərbaycanın Rusiyadakı səfirliyinin nəzarətindədir
22 May 12:33
İnsan alverinə qarşı mübarizədə beynəlxalq təcrübə öyrənilir
22 May 12:26
Bakıda Azərbaycan və Gürcüstan arasında dövlət sərhədlərinin delimitasiyası ilə bağlı Komissiyanın növbəti iclası keçiriləcək
22 May 12:08
TANAP boyunca fiber-optik kabellərin çəkilməsi işlərinin 99 faizi tamamlanıb
22 May 12:04
Naxçıvanda iftar süfrəsi açılıb
22 May 11:40
Gələn il Bakı-Qəbələ qatarı istifadəyə veriləcək
22 May 11:36
Beynəlxalq Prokurorlar Assosiasiyası ilə əməkdaşlıq uğurla davam etdirilir
22 May 11:18
Azərbaycan-Sakit okean Alyansı əməkdaşlığının perspektivləri müzakirə olunub
22 May 11:05
Cavid Qurbanov: Gələcəkdə dəmir yolu xətlərinin Əhmədli, Zirə, Pirallahı, həmçinin aeroporta qədər uzadılması nəzərdə tutulur
22 May 10:55
22 may - Beynəlxalq Biomüxtəliflik Günüdür
22 May 10:38
Azərbaycan və Ermənistan dövlət sərhədində növbəti monitorinq keçiriləcək
22 May 10:29
Rusiya Elmlər Akademiyasının prezidenti “Azərkosmos”un Əsas Yerüstü Peyk İdarəetmə Mərkəzində olub
22 May 10:21
Ermənistan silahlı qüvvələrinin bölmələri atəşkəs rejimini 22 dəfə pozub
22 May 10:13
Parisdə AIDA və INALCO əməkdaşlıq müqaviləsi imzalayıb
22 May 10:04
İtaliyanın “Notizie Geopolitiche” portalında Fuad Muradovun müsahibəsi dərc olunub
22 May 10:00
Müdafiə naziri təlim mərkəzində bölmələrin məşqlərini izləyib
22 May 09:55
Azərbaycanın dinamik daxili və xarici siyasəti ölkənin milli maraqlarına əsaslanır
22 May 09:52
“Azərbaycana baxış: siyasi maraqlar media müstəvisində” mövzusunda dəyirmi masa keçirilib
22 May 09:49
Milli Azərbaycan Tarixi Muzeyində Sara Tağıyevanın 120 illiyi qeyd olunub
22 May 09:47
UNEC tələbələrinə innovativ və operativ xidmət: “Bir pəncərə”
22 May 09:46
AFFA: Azərbaycan UEFA-nın tələb etdiyi bütün lazımi zəmanətləri verib
22 May 09:43
Əli Kərimli fərqli fikrə qarşı dözümsüzlük nümayiş etdirir
22 May 09:41
Ermənistanda baş verənlər işğalçı dövlətdə xaos və qarşıdurma yaradır
22 May 09:40
İdman jurnalistikası magistr proqramına müraciət üçün qeydiyyat davam edir
22 May 09:37
Azərbaycanın bölgələrində yol infrastrukturunun yenilənməsi istiqamətində məqsədyönlü tədbirlər həyata keçirilir
21 May 20:05
YAP Səbail rayon təşkilatının iclasında qarşıda duran vəzifələr müzakirə edilib

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
HAVA HAQQINDA
Bakı
gündüz+23 +28
gecə+15 +18