Ana səhifə »  Siyasət »  “Mehman şousu”nun uğursuz Vaşinqton “seriyası”...
A+   Yenilə  A-
“Mehman şousu”nun uğursuz Vaşinqton “seriyası”...

Və ya ermənipərəstlərin “mətbuat konfransı”nda özünüifşası
Xarici anti-azərbaycançı mərkəzlərin başlatdığı və ölkəmizdəki radikal müxalifət partiyaları təmsilçilərinin də dəstəklədiyi süni Mehman Hüseynov şousunun arxasında gizlənən qaranlıq məqsədlər üzə çıxmaqdadır. Belə ki, ermənipərəst mərkəzlərin və onların havadarlarının xüsusi canfəşanlıq göstərdiyi bu yalançı “proses”in nəyə hesablandığı və hansı məqsədlərlə aparıldığı elə həmin mərkəzlər tərəfindən də etiraf olunur. Daha doğrusu, Mehman Hüseynova “canıyananlıq” etməyə çalışan və bu çirkin kampaniyanı hazırlayıb ortaya atanlar yenidən özləri özlərini ifşa ediblər.
Məsələnin məğzi dünən ABŞ-ın paytaxtı Vaşinqtonda guya Mehman Hüseynova dəstəklə bağlı keçirilən mətbuat konfransında bir daha üzə çıxıb. Belə ki, bu konfransı təşkil və orada iştirak edənlərin kimliklərinə diqqət yetirdikdə hər şey məlum olur. İlk olaraq vurğulayaq ki, mətbuat konfransı Mehman Hüseynovun xaricdə yaşayan və ermənipərəst mövqeyi ilə “şan-şöhrət” qazanmış qardaşı Emin Hüseynov, ermənilərlə işbirliyində heç də E.Hüseynovdan geri qalmayan Sevinc Osmanqızı və Ələkbər Raufoğlu, Amerika PEN Klubun rəhbəri Tomas Melia, Beynəlxalq Amnistiya təşkilatının (Amnesty İnternational) Avropa və Orta Asiya üzrə nümayəndəsi Daniel Balsonun iştirakı ilə baş tutub. Bu şəxslərin kimliyi, onların anti-azərbaycançı fəaliyyəti ilə bağlı aşağıda detallı şəkildə məlumat verəcəyik. Öncə isə keçirilən bu mətbuat konfransının məqsədinə və Mehman Hüseynov şousunun nəyə hesablandığına diqqət yetirək...
Mehman Hüseynov şousunun əsl məqsədi ölkəmizə qarşı təxribat və yalan kampaniyası təşkil etməkdir
İlk olaraq vurğulanmalıdır ki, təşkilatçılar mətbuat konfransının Mehman Hüseynova və başqa “siyasi məhbus”lara həsr edildiyini bildirsələr də, çıxışçılar öz “nitqlərini” birmənalı şəkildə ölkəmizə qarşı yalan, böhtan tezislərinin üzərində qurublar. Bunun nəticəsidir ki, güya həmin tədbirə “mühüm dəstəkçi” qismində dəvət edilən T.Melia və D.Balson öz çıxışlarının cəmi 2-3 cümləsini Mehman Hüseynova “həsr ediblər”. Yəni bu insanların əsl məqsədlərinin Mehman Hüseynov “adı altında” ölkəmizə qarşı təxribat və yalan kampaniyası təşkil etməkdən ibarət olması ilk baxışdan bəlli olur. Hətta bəzi milli maraqlarımıza, dövlət mənafeyinə zidd “təkliflər”in səsləndirildiyi bu “mərasimdə” çıxış edən antimilli ünsürlər və onların havadarları açıq kontekstdə Azərbaycana qarşı hansısa sanksiyaların tətbiqini “tələb edib”lər. Bu isə onların hansı məqsədlə bir masa arxasına toplaşdıqlarını ortaya çıxarmış olur...
Emin Hüseynov bu çirkin kampaniyanın 2018-ci ilin sentyabr ayında hazırlandığını “etiraf edir”
Yəqin ki, Mehman Hüseynovun qardaşı Emin Hüseynovun kimliyi ilə bağlı xüsusi təqdimata ehtiyac yoxdur. Dəfələrlə ermənilərlə eyni mövqedən çıxış etmiş, Azərbaycanın torpaqlarını işğal edən, ölkəmizə qarşı soyqırımı həyata keçirənlərlə eyni “səngəri” paylaşmış bu şəxsin siyasi mövqeyi hər kəsə bəllidir. Və mətbuat konfransında ilk çıxış edən E.Hüseynov elə birinci cümlədən özünüifşaya “start verib”. Bu “baş verənləri”, yəni Mehman Hüseynovla bağlı “prosesi” əvvəlcədən bildiyini diqqətə çatdıran E.Hüseynov bununla bağlı hələ 2018-ci ildə ABŞ Dövlət Departamentində və başqa qurumlarda görüşlər keçirdiyini, həmin dairələrə müraciətlər etdiyini deyib. Maraqlıdır ki, hələ 2018-ci ilin sentyabr ayında E.Hüseynov hansı əlahiddə hissi ilə Mehman Hüseynovun həbsxananın daxili nizam qaydalarını pozacağını, iş başında olan rəsmi şəxsə qarşı qanun pozuntusuna əl atacağını və yenidən ittiham olunacağını proqnozlaşdırıbmış?
Demək ki, bu çirkin kampaniya hələ ötən ilin sentyabr ayında hazırlanıb və ermənipərəst mərkəzlər E.Hüseynov vasitəsilə belə bir addım atmağa cəhd göstərib. Yəni onlar Emin vasitəsilə Mehmana həbsxananın daxili nizam qaydalarını pozması üçün fürsət axtarmasını və xüsusi təlimatla bu baş verənləri həyata keçirməyi tapşırıblar. Belə olmasaydı, tələm-tələsik bəyanatlar, dəstək kampaniyaları və mətbuat konfransları təşkil olunmaz, ölkə daxilindəki radikalların “səfərbərliyi” mümkün olmazdı. Hətta hansı “senatorlar”ın bu kampaniyanı dəstəkləyəcəyi də əvvəlcədən bəlli imiş. Həmin senatorlara “təşəkkür edən” E.Hüseynov bir daha öz çirkin əməlinin üzərinə işıq salıb. Yeri gəlmişkən, bu kampaniyanı dəstəkləyən senator Marko Rubionun kimliyi Azərbaycan cəmiyyətinə bəllidir və onun ermənipərəst mövqeyi ilə bağlı saysız faktlar mövcuddur. Belə olan halda Mehman Hüseynovun həbsxana işçisinə qarşı zor tətbiq etməsi, ardından isə “aclıq şousu” keçirməsi planının əvvəlcədən düşünülüb hazırlandığı ortaya çıxmış olur...
Azərbaycanın rəsmi şəxslərinə qarşı “Maqnitski aktı”nın tətbiqini tələb edən E.Hüseynov ermənilərin sifarişini yerinə yetirir
Əslində isə görünən odur ki, Emin Hüseynov qardaşını bəhanə edərək illərdir erməni lobbisinin Azərbaycana qarşı edə bilmədiklərini reallaşdırmağa çalışır. Bu adam aşkar şəkildə erməni sifarişinə xidmət etdiyini ortaya qoyur. Belə ki, adıçəkilən mətbuat konfransındakı çıxışında o, yeni seçilmiş ABŞ Konqresini Azərbaycana qarşı sanksiyalar tətbiq etməyə çağırıb, hətta bir sıra məmurlara, nazirlərə “Maqnitski aktı”nın tətbiqini tələb edib. Vurğulayaq ki, bu sənəd 2012-ci ildə ABŞ Konqresi tərəfindən qəbul edilmiş qanundur və insan hüquqlarının pozulmasında günahkar olan şəxslərə tətbiq edilir. Sənəd Hermitage Capital Fondunun hüquqşünası Sergey Maqnitski Moskva təcridxanasında istintaq zamanı öldükdən sonra qəbul edilib. Hazırda Amerikanın siyahısına 18 nəfər daxildir (bu 18 nəfərin hamısı rusiyalıdır). ABŞ Maliyyə Nazirliyi tərəfindən tərtib olunmuş siyahıya daxil edilmiş 18 şəxsə qarşı maliyyə və viza qadağaları tətbiq edilib.
Bəli, bu faktın özü də bir daha göstərir ki, E.Hüseynov erməni lobbisinin təhriki ilə ölkəmizə qarşı çirkin kampaniya təşkil edib, onu həyata keçirməyə çalışır. Məntiqsiz bir şəkildə hətta anasının ölümündə belə şübhəli məqamlar axtaran E.Hüseynov, belə demək mümkündürsə, bunda da Azərbaycan dövlətini və hakimiyyətini günahlandırmağa çalışır. Bu isə qəzəbdən, qərəzdən daha çox planlı şəkildə aparılan prosesi xatırladır. Yəni E.Hüseynovu “danışdıran” qardaşı ilə bağlı məsələnin mahiyyəti deyil, ona verilən sifarişdir.
Ermənipərəst mərkəzlər başlatdıqları Mehman Hüseynov oyununu aksiyaya çevirərək ölkəmizdə insident və ya qarşıdurma təşkil etmək istəyib
Digər tərəfdən, Mehman Hüseynova “beynəlxalq dəstək” tələb edən E.Hüseynov ölkəmizdə bir siyasi partiyanın da qardaşına dəstək aksiyası keçirmək istədiyini, Bakı şəhər İcra Hakimiyyətinin buna icazə vermədiyini deyib. Vurğulayaq ki, bununla bağlı Müsavat Partiyasının müraciəti olmuşdu və BŞİH-dən buna rəsmi cavab verilmişdi. Birincisi, Azərbaycan hakimiyyəti hər zaman demokratik ənənələrə sadiqliyi ilə seçilib və son dövrlərdə, hətta ötən il radikal müxalifətin şəhərin mərkəzində keçirdiyi aksiyaların təhlükəsizliyi belə yüksək səviyyədə təmin olunub. Yəni BŞİH tərəfindən verilən rəsmi cavabı “insan hüquqlarının pozulması” kimi qiymətləndirənlər özləri özlərini gülünc vəziyyətdə qoyurlar. Sadəcə olaraq, ermənipərəst mərkəzlər başlatdıqları Mehman Hüseynov oyununu aksiyaya çevirərək ölkəmizdə insident və ya qarşıdurma təşkil etmək istəyiblər ki, onların bu oxu daşa dəyib. Bu isə, deyəsən, ermənipərəst E.Hüseynovun da xətrinə dəyib...
Ermənipərəst Daniel Balson Mehman Hüseynovun deyil, cinsi azlıqların hayındadır...
Mətbuat konfransında çıxış edən Beynəlxalq Amnistiya təşkilatının (Amnesty İnternational) Avropa və Orta Asiya üzrə nümayəndəsi Daniel Balson təmsil etdiyi təşkilatın Mehman Hüseynovla bağlı “bəyanat” verdiyini deyib. Bəli, “Amnesty İnternational” adı Azərbaycan cəmiyyətinə yaxşı bələddir və onların erməni dəstəkçisi olması gün kimi aydındır. İllərdir ki, Ermənistanda hökm sürən diktaturanın, hərbi xuntanın “insan hüquq və azadlıqlarına hörmət edən siyasəti” haqqında balladalar söyləyən bu təşkilat Azərbaycana qarşı qərəzli, ikili standartı ilə məşhurdur. Şəxsən D.Balson isə son açıqlamasında da Ermənistanı insan hüquq və azadlıqlarına hörmət edən dövlət adlandıraraq, Azərbaycana qarşı ikili standartdan çıxış edib. Yəni bu adamın “mayası” ölkəmizə qarşı qərəzdən yoğrulub.
Çıxışına başlayan D.Balson birinci növbədə təmsil etdiyi təşkilatın və “Human Rigts” təşkilatının Mehmana dəstək göstərdiyini bildirib. Burada təəccüblü bir şey yoxdur. Bu iki təşkilatın eyni ünvandan idarə olunduğu nəinki Vaşinqtonda, eləcə də Bakıda hər kəsə bəllidir. Lakin məsələ burasındadır ki, Mehman Hüseynovu bir kənara qoyaraq nitqini Azərbaycana qarşı qəzəb tonunda kökləyən D.Balson guya ölkəmizdə cinsi azlıqların hüquqlarının belə pozulduğunu deməyə qədər enə bilib. Yəni bu adamın məqsədinin heç də Mehman Hüseynovu dəstəkləmək olmadığı elə birinci cümləsindən bəlli olub. Sən demə o, Mehman Hüseynovun deyil, “cinsi azlıqların” dərdinin hayında imiş. Müxtəsər, Əfqan Talıblı və digər özlərinin ifşa olunmuş adamlarının haqqında danışan D.Balson Mehman Hüseynovu jurnalist kimi qələmə verməyə çalışıb. Ən əsası isə, hər vəchlə bu şəxsləri “siyasi məhbus” kimi təqdim etməyə çalışan D.Balson ölkəmizə qarşı ənənəvi “ittihamlarını” da püskürtməyi unutmayıb. Necə deyərlər, Balson təmsil etdiyi təşkilatın yalanlarını təkrarlamaqla öz missiyasını “yerinə yetirib”...
Ermənipərəst Sevinc Osmanqızı Azərbaycanla bağlı maliyyə hesablarının qapadılmasını, pulların “dondurulmasını” tələb edir
“Qonşudan geri qalma” prinsipi ilə, növbəsi çatan kimi öz missiyasını həyata keçirməyə başlayan Sevinc Osmanqızı isə maraqlı bir məqamla yadda qalıb. Belə ki, mətbuat konfransında çıxış edənlərin Mehman Hüseynovun dəstəkçisi kimi Müsavat Partiyasının adını hallandırması, deyəsən, S.Osmanqızının qəzəbinə səbəb olub. Tələm-tələsik AXCP sədri Əli Kərimli və digər AXCP-dən olan “aclıq edənlər” haqqında danışmağı özünə “borc bilən” S.Osmanqızı da Emin Hüseynov kimi bu yalan və bir neçə ay öncədən hazırlanmış kampaniyanın yeriməyən təkəri olduğunu özü “etiraf edib”. “Verilmiş tezisdən” kənara çıxmayan S.Osmanqızı da Mehmanı “jurnalist” kimi qələmə verməyə, mətbuat konfransı iştirakçılarına hətta onun “misilsiz qəhrəmanlıq”larından danışmağa “çalışıb”. Amma o, bilməlidir ki, həmin insanlar bircə dəfə internet resursunda Mehman Hüseynovla bağlı axtarış etsələr, S.Osmanqızının danışdığı yalanlar hamısı üzə çıxacaq. Eləcə də S.Osmanqızı da ermənipərəst dostu Eminin fikirlərini “zənginləşdirərək” Azərbaycanla bağlı maliyyə hesablarının qapadılmasının, pulların “dondurulmasının” “vacibliyini” iddia edib. Bu isə S.Osmanqızının da fikirlərinin uğursuz özünüifşadan uzağa getmədiyini aşkara çıxardı. Yəni bu şəxs də Emin kimi yalnız ölkəmizə qarşı hansısa pisliklərin edilməsində maraqlı olduğunu etiraf edib...
Tomas Melia hansı “səlahiyyətlə” ABŞ-ın Azərbaycana təyin edilmiş yeni səfirinə “təlimat” verməyə çalışır?
O ki qaldı bir zamanlar ABŞ Dövlət katibinin müavini işləmiş, hazırda isə Amerika PEN Klubuna rəhbərlik edən Tomas Meliaya, bu şəxs də Azərbaycan oxucusu tərəfindən kifayət qədər tanınır. Dəfələrlə Azərbaycanla bağlı qərəzli açıqlamalar verən, hətta bir il öncəsindən keçiriləcək seçkiləri şübhə altına almaq “qabiliyyətinə malik” bu şəxsin yalanlarını sadalamaqla bitirmək olmaz. Məsələn, ötən ilin fevralında verdiyi açıqlamada AXCP sədri Əli Kərimlinin dəfələrlə səsvermədən kənarda saxlanıldığını iddia edən bu şəxs siyasi kuluarlarda yalnız gülüş obyekti kimi xatırlanır. Bu adam anlamır ki, Ə.Kərimli seçkilərdə hər dəfə bir şəxsi dəstəkləməklə özünü siyasi palitrada saxlamağa çalışan “siyasi dəllal”dan başqa bir şey deyil. Hər dəfə başqa şəxslərə “stavka” edərək özünü sudan quru çıxarmaq istəyən Ə.Kərimli bununla, sadəcə, “siyasi ömrünü” uzatmaq niyyətindədir.
Müxtəsər, mətbuat konfransında çıxış edən T.Melianın hədəfi digər natiqlərdən seçilib. Belə ki, ermənipərəst Melianın hədəfi ABŞ-ın Azərbaycana təyin edilmiş yeni səfiri olub və bu şəxs hansısa “səlahiyyətlə” təzə təyin edilmiş səfirə “təlimatnamə” verməyə çalışıb. T.Melia yeni səfirə təcridxanaya getməyi “məsləhət görüb”. Maraqlıdır ki, ABŞ-ın rəsmi dairələri ölkələrinin başqa bir dövlətə təyin edilmiş səfirinə kimlərinsə verdiyi “məsləhətləri” necə qəbul edir? Daha doğrusu, bir ölkənin rəsmi səfirinin T.Melia kimi bir ermənipərəstin diktəsi və direktivləri ilə hərəkət etməsi nə dərəcədə inandırıcı ola bilər. Yəqin ki, bu, sadəcə, Melianın və onun arxasındakı erməni lobbisinin arzuları və boş xəyallarıdır.
Yeri gəlmişkən, dünən həbsdə olan Mehman Hüseynov müraciət yayıb. M.Hüseynov müraciətində bildirib ki, onun vəziyyətinin kritik hala düşməsi ilə bağlı yayılan xəbərlər doğru deyil. O, səhhətinin yerində olduğunu və qida qəbul etdiyini bildirib.
Nəticə etibarı ilə bu mətbuat konfransını ermənipərəstlərin ölkəmizə qarşı apardığı ucuz Mehman şousunun fiaskosu da adlandırmaq olar. Hər zaman olduğu kimi, xainlərin, xəbislərin və qərəzlilərin yalanları uzun çəkmədi və onlar növbəti dəfə özlərini “yandırdılar”. Yəni bu yalanlarının da ömrü 40 günə çatmadı...
Pərviz SADAYOĞLU

 
  • Oxunub:  4800  |  
  • Tarix:  12-01-2019  |  
  •    Çap et   |  
Get Adobe Flash player
Azərbaycan Ordusu dünya miqyasında güclü ordular sırasındadır

27 İyun 16:46
Səməd Seyidov: Azərbaycandakı islahatların məqsədi vətəndaşların müdafiəsi, hüquq və azadlıqlarının tam təmin edilməsidir
27 İyun 16:39
Azərbaycanlı deputat AŞPA-da miqrant uşaqlarla bağlı məruzəyə rəy bildirib
27 İyun 16:37
Bakının 6 rayonunun icra hakimiyyətlərində sığorta savadlılığının artırılması üçün maarifləndirici tədbir keçirilib
27 İyun 16:33
Dövlət İdarəçilik Akademiyasında “Azərbaycanın davamlı inklüziv inkişafında könüllülər fəaliyyətinin rolu” istiqaməti üzrə ixtisasartırma kursuna başlanılıb
27 İyun 16:13
AZƏRTAC-ın da təsisçisi olduğu "Bir kəmər, bir yol" İqtisadi İnformasiya Tərəfdaşlığı platforması istifadəyə verilib
27 İyun 15:56
Beynəlxalq Valyuta Fondunun və Liberiyanın Peynesvil şəhərinin nümayəndə heyətləri “Təmiz Şəhər” ASC-də olublar
27 İyun 15:53
Pedaqoji Şura iclasları keçirilir
27 İyun 15:50
Moskvada Azərbaycan Silahlı Qüvvələri Günü qeyd edilib
27 İyun 15:35
Azərbaycanda uşaq paralimpiya hərəkatı sahəsində əldə olunmuş təcrübə müzakirə edilib
27 İyun 15:30
“Culture Guide” mədəniyyət bələdçisinin xüsusi buraxılışı UNESKO Dünya İrs Komitəsinin Bakı sessiyasına həsr olunub
27 İyun 15:28
Azərbaycan V Beynəlxalq Türk Dünyası Turizm Simpoziumunda təmsil olunub
27 İyun 15:22
Milli Məclisin deputatı AŞPA-da işğalçı Ermənistanın qətlə yetirdiyi azərbaycanlı uşaqlardan danışıb
27 İyun 14:54
Azərbaycanlı deputat avropalı həmkarlarını miqrant uşaqlarla bağlı xüsusi strategiya qəbul etməyə çağırıb
27 İyun 14:51
Azərbaycanlı deputat AŞPA komitəsindəki dinləmələrə sədrlik edib
27 İyun 14:40
İlahiyyat İnstitutunun müəllimləri beynəlxalq simpoziumda iştirak ediblər
27 İyun 14:30
Əfqanıstandakı sülhməramlılarımızın bir qrupu Azərbaycana qayıdıb
27 İyun 13:46
Bakıda yerdəyişmə üzrə tərəfdaşlığa dair beynəlxalq konfrans keçirilir
27 İyun 13:38
Bakı Slavyan Universitetində “Məzun günü” qeyd olunub
27 İyun 13:36
Azərbaycan Turizm Agentlikləri Assosiasiyasının ilk assambleyası keçirilib
27 İyun 12:51
“Azərbaycanda arxeoloji tədqiqatlar: nailiyyətlər və perspektivlər” mövzusunda müzakirələr aparılıb
27 İyun 12:35
Sevinc Fətəliyeva: Hər hansı həssas məsələ ilə bağlı bir işdə şəxsi maraqların üstün tutulması yolverilməzdir
27 İyun 12:33
Gədəbəydə seminar: “QİÇS-ə birlikdə qalib gələk”
27 İyun 12:29
“Azərbaycan” qəzetinin 100 illiyinə həsr olunan elmi konfrans
27 İyun 12:07
Milli Məclisin növbədənkənar sessiyasının növbəti plenar iclası keçirilir
27 İyun 11:52
Azərbaycan Milli Elmlər Akademiyasının Rəyasət Heyətinin iclası keçirilir
27 İyun 11:41
Asim Mollazadə: Azərbaycana qarşı aparılan hibrid müharibə Avropa dəyərlərinə hücumdur
27 İyun 11:38
Səməd Seyidov: Bəziləri bədbəxt hadisələrdən, faciələrdən öz məqsədləri üçün istifadə etməyə çalışırlar
27 İyun 11:17
BDU-nun hüquq fakültəsində magistr dissertasiyalarının müdafiəsi keçirilib
27 İyun 11:06
Bakıda UNESKO-nun Dünya İrs Komitəsinin 43-cü sessiyası çərçivəsində Abidə Menecerləri Forumu öz işinə başlayıb
27 İyun 11:00
Dövlət Statistika Komitəsinin sədri Tahir Budaqov Parisdə keçirilən Avropa Statistikləri Konfransında iştirak edir
27 İyun 10:20
Milli Oftalmologiya Mərkəzinin Gədəbəydə keçirdiyi aksiyada 210 vətəndaş müayinə olunub
27 İyun 10:18
"Gənc liderlər məktəbi"nin üzvləri mədəniyyət naziri ilə görüşüb
27 İyun 09:54
Misir KİV-də Azərbaycan Silahlı Qüvvələrinin yaranmasının 101 illiyi geniş işıqlandırılıb
27 İyun 09:13
Meksikanın paytaxtında keçirilən beynəlxalq festivalda Azərbaycanın mədəniyyəti və milli mətbəxi təqdim olunub
27 İyun 09:09
Naqif Həmzəyev: Psixi xəstələrə münasibətdə insan hüquqlarına əsaslanan yanaşmanın tətbiqinə ehtiyac var
27 İyun 09:02
Beynəlxalq Türk Akademiyası yanında “Dil və Terminologiya” Daimi Komissiyası qurulub
27 İyun 08:58
Sevinc Fətəliyeva: Azərbaycanda aparılan inqilabi islahatlar vətəndaşların rifah halının yaxşılaşmasına yönəlib
27 İyun 08:53
Braziliya səfiri: Bakı forumu BMT-nin dayanıqlı inkişaf məqsədlərinin həyata keçirilməsinə dəyərli töhfədir
27 İyun 08:51
Avropa Şurasının yeni Baş katibi seçilib
27 İyun 08:47
Azərbaycan Silahlı Qüvvələr Günü İslamabadda qeyd olunub
27 İyun 08:42
Azərbaycan və Çexiya Xarici İşlər nazirlikləri arasında siyasi məsləhətləşmələr aparılıb
27 İyun 08:41
Hacı Əliyev: Bu gün iki erməni idmançı üzərində qazandığım qələbəni hərbçilərimizə həsr edirəm
27 İyun 08:36
“Bakı-2019” XV Avropa Gənclər Yay Olimpiya Festivalına 25 gün qalıb
27 İyun 08:33
Azərbaycanlı deputat: Psixi xəstələrlə bağlı tətbiq olunan müalicə üsullarına yenidən baxılmalıdır
27 İyun 08:25
Sərbəst güləşçimiz Mahir Əmiraslanov “Minsk 2019”da Azərbaycana ilk qızıl medal qazandırıb
26 İyun 18:50
AŞPA sessiyası çərçivəsində “Yeni çağırışlar və Azərbaycanda davam edən islahatlar” mövzusunda tədbir keçirilib
26 İyun 18:38
Sumqayıtda məhkəmə-hüquq islahatları müzakirə olunub
26 İyun 18:07
Füzuli rayonunun ictimaiyyəti Silahlı Qüvvələr Gününü hərbçilərlə birgə qeyd edib
26 İyun 17:43
Şəhid ailələrinin bir qrupu ilə görüş keçirilib
26 İyun 17:22
“Dünya irsi. Gənc Peşəkarlar Forumu” Qobustan qoruğunda davam edib
26 İyun 17:00
NATO-nun mənzil-qərargahında Azərbaycan Silahlı Qüvvələri Günü münasibətilə tədbir keçirilib
26 İyun 16:20
Prezident İlham Əliyev Cəmşid Naxçıvanski adına Hərbi Liseydə yenidənqurma işlərindən sonra yaradılan şəraitlə tanış olub
26 İyun 15:57
Silahlı Qüvvələr Günü Tbilisidə qeyd olunub
26 İyun 15:30
BMT-nin Dövlət Xidmətləri Forumu başa çatıb
26 İyun 15:23
Azərbaycan ilə BƏƏ arasında əməkdaşlıq təcrübəsinin formalaşması üçün imkanlar mövcuddur
26 İyun 14:06
Azərbaycan nümayəndə heyəti “ARMY-2019” Forumu çərçivəsində bir sıra görüşlər keçirib
26 İyun 14:04
AŞPA-nın yay sessiyasında Azərbaycanda qadın hüquqlarının qorunması sahəsində görülən işlərdən danışılıb
26 İyun 13:48
Azərbaycanın qaçqın və məcburi köçkün qadınlarının problemləri AŞPA-nın yay sessiyasında qaldırılıb
26 İyun 13:45
Pakistan Prezidenti Azərbaycanın bu ölkədəki səfirini qəbul edib
26 İyun 13:42
Ağsaqqallar Şurasının sədri: Azərbaycanın Silahlı Qüvvələri dünyanın ən güclü orduları sırasındadır
26 İyun 13:39
AŞPA-da azərbaycanlı deputat psixi xəstələrin hüquqlarının müdafiəsindən danışıb
26 İyun 13:36
“Səninlə fəxr edirik, Azərbaycan əsgəri!” aksiyasına yekun vurulub
26 İyun 11:52
Misir universitetlərinin tələbələri Azərbaycan dilinə böyük maraq göstərirlər
26 İyun 11:50
Azərbaycan atletləri “Minsk 2019”un altıncı günündə idmanın beş növü üzrə mübarizə aparacaqlar
26 İyun 11:48
Azərbaycan tolerant ölkədir və milli dəyərlərin qorunub saxlanılmasına böyük önəm verir
26 İyun 11:38
Dini Qurumlarla İş üzrə Dövlət Komitəsinin rəhbərliyi Şəki, Qəbələ və Oğuzda vətəndaşları qəbul edib
26 İyun 11:35
Birinci vitse-prezident Mehriban Əliyeva Silahlı Qüvvələr Günü münasibətilə Azərbaycan xalqını təbrik edib
26 İyun 11:07
Azərbaycan Ordusu dünya miqyasında güclü ordular sırasındadır
25 İyun 21:03
Ali hərbi rütbələrin təqdimetmə mərasimi keçirilib
25 İyun 20:52
Dövlət Komitəsində vətəndaşların növbəti qəbulu keçirilib

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
HAVA HAQQINDA