Ana səhifə »  Qəzetin pdf formatı »  Naxçıvanda sahibkarlarla görüş olub
A+   Yenilə  A-
Naxçıvanda sahibkarlarla görüş olub

Fevralın 16-da Naxçıvan Biznes Mərkəzində Naxçıvan Muxtar Respublikası Ali Məclisinin Sədri Vasif Talıbovun muxtar respublikada fəaliyyət göstərən sahibkarlarla görüşü olub, muxtar respublikanın investisiya reytinqində qalib olması ilə bağlı təqdimat keçirilib.

Naxçıvan Muxtar Respublikası Ali Məclisinin mətbuat xidmətindən AZƏRTAC-a bildirilib ki, Naxçıvan Muxtar Respublikası Ali Məclisinin Sədri Vasif Talıbov çıxış edərək deyib: Ölkəmizdə yaradılan əlverişli biznes mühiti və özəl sektora göstərilən diqqət sahibkarlığın inkişafı üçün geniş imkanlar açıb. Ölkə Prezidenti cənab İlham Əliyev “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının yekunlarına həsr olunmuş konfransda demişdir ki, “Sahibkarlıqla bağlı siyasətimiz davam etdiriləcək. Sahibkarlara dövlət tərəfindən böyük dəstək verilir - həm mənəvi dəstək, siyasi dəstək, həm də maddi dəstək. Azərbaycan nadir ölkələrdəndir ki, öz sahibkarına bu qədər diqqət göstərir”.

Ali Məclisin Sədri deyib: Naxçıvan Muxtar Respublikasında sahibkarlığa göstərilən diqqət və qayğının nəticəsidir ki, ümumi daxili məhsulda özəl bölmənin xüsusi çəkisi artaraq 88 faizi ötmüşdür. Hazırda muxtar respublikada 383 növdə məhsul istehsal olunur, 350 növdə məhsula olan tələbat tamamilə yerli imkanlar hesabına ödənilir. Bu gün muxtar respublikada istər sənayenin, istərsə də kənd təsərrüfatının inkişafı sahibkarlıq fəaliyyəti üçün yaradılan şərait nəticəsində mümkün olmuşdur. Bir faktı qeyd etmək yerinə düşər ki, hazırda muxtar respublikada məşğul əhalinin 83 faizə yaxını özəl sektorda çalışır. Sənaye sahəsində məhsul istehsalının 94 faizi, tikintidə görülən işlərin və nəqliyyat xidmətinin 78 faizi, rabitə xidmətinin 82 faizi, kənd təsərrüfatı, ticarət və ictimai-iaşə xidmətlərinin isə 100 faizi özəl bölmənin payına düşür ki, bu da çox yüksək göstəricilərdir.

Qeyd olunub ki, əhalinin ərzaqla təminatında kənd təsərrüfatı mühüm rola malikdir. Odur ki, bu sahə üzrə sahibkarlığın inkişafına hərtərəfli qayğı göstərilir. Aqrar sahədə sahibkarlar torpaq vergisi istisna olmaqla bütün növ vergilərdən azaddırlar. Onlara güzəştli şərtlərlə texnika və avadanlıqlar, kreditlər, subsidiyalar, gübrə verilir, mütərəqqi suvarma sistemləri qurulur. Düşünürük ki, sahibkarlığın inkişafının bir yolu da ailə təsərrüfatlarının fəaliyyətini dəstəkləməkdən keçir. Çünki ailə təsərrüfatları həm yerli istehsalın həcminin artmasına və özünüməşğulluğun təmin olunmasına, həm də kiçik və orta sahibkarlığın inkişafına böyük təkan verir. Ona görə də mühüm iqtisadi və sosial əhəmiyyəti nəzərə alınaraq 2019-cu il muxtar respublikada “Ailə təsərrüfatları ili” elan olunub, bu sahənin inkişafı ilə bağlı Tədbirlər Planı təsdiq edilib.

Diqqətə çatdırılıb ki, müasir dövrdə turizm gəlir gətirən əsas sahələrdəndir. Naxçıvan Muxtar Respublikasının zəngin tarixi, mədəniyyəti və coğrafi şəraiti ilə yanaşı, müasir infrastruktur imkanları da turizm üçün, bu sahədə sahibkarlıq fəaliyyəti üçün geniş imkanlar açır. Müasir yaşayış məntəqələri, abad kəndlər, yollar, sürətli internet, keyfiyyətli məhsul istehsalı turizm sektorunda sahibkarların formalaşmasına zəmin yaradıb.

Ali Məclisin Sədri deyib: Kəndlərimizdə turizmlə məşğul olan ailə təsərrüfatlarının yaranması da böyük məmnunluq doğurur. Muxtar respublikada sahibkarlığın üstün inkişafının bir səbəbi davamlı maliyyə dəstəyinin olması və kreditlər üzrə ən aşağı faiz dərəcələrinin tətbiqidirsə, digər səbəbi ixracın təşviqi sahəsində görülmüş tədbirlərdir. Bu tədbirlər son nəticədə məhsul istehsalının və ixracın həcminin artmasına səbəb olmuşdur. Hazırda Naxçıvan Muxtar Respublikasının dünyanın 60-a yaxın ölkəsi ilə ticarət əlaqələri vardır. Yerli xammala əsaslanan məhsulların ixracı hesabına ardıcıl olaraq 10 ildir ki, muxtar respublikanın xarici ticarətində müsbət dinamika qeydə alınır. Sahibkarlığın inkişafının dəstəklənməsinin və yaradılan şəraitin nəticəsidir ki, Azərbaycan Respublikası Prezidentinin ilk sədri olduğu “Caspian European Club”un 2018-ci ildə ölkəmizin 10 iqtisadi regionu üzrə hazırladığı illik investisiya reytinqində Naxçıvan Muxtar Respublikası 18 parametr üzrə ən yüksək bal toplayaraq ikinci dəfə lider olmuşdur.

Ali Məclisin Sədri sağlam rəqabət mühiti formalaşdırdığına görə “Caspian European Club”un rəhbərliyinə, eləcə də ölkəmizin və muxtar respublikanın sosial-iqtisadi inkişafı dövlət proqramlarının icrasında əməyi olan bütün sahibkarlara təşəkkür edib.

“Sahibkarlığın inkişafında məqsəd ondan ibarətdir ki, daha çox məhsul istehsal olunsun, daha çox yeni iş yerləri açılsın, sahibkarlıq subyektlərinin ixrac imkanları artsın, ailə təsərrüfatları genişlənsin. Bunun üçün muxtar respublikada hər cür imkan və şərait yaradılıb. Qalır təşəbbüs göstərmək, fəaliyyəti genişləndirmək, rəqabətədavamlı məhsul istehsal etmək və ölkəmizin ümumi inkişafına töhfə vermək”, - deyən Ali Məclisin Sədri ümummilli liderimiz Heydər Əliyevin “Sahibkarlığın inkişaf etdirilməsi, sərbəst iqtisadiyyata yol verilməsi, bazar iqtisadiyyatının yaradılması bizim strateji yolumuzdur” fikirlərini xatırladıb, bu yolda sahibkarlara və tədbir iştirakçılarına uğurlar arzulayıb.

Tədbirdə “Caspian European Club”un 2018-ci il üçün Azərbaycanın iqtisadi regionlarının 18 parametr üzrə hazırlanmış illik investisiya reytinqində Naxçıvan Muxtar Respublikasının ən yüksək ümumi bal toplayaraq ardıcıl ikinci dəfə lider olması ilə bağlı təqdimat keçirilib.

“Caspian European Club”un sədrinin birinci müavini və baş icraçı direktoru Telman Əliyev dünyanın 70 ölkəsindən 5 mindən artıq şirkət və təşkilatı birləşdirən “Caspian European Club”un 2018-ci ildə ölkəmizin 10 iqtisadi regionu üzrə hazırlanan illik investisiya reytinqində Naxçıvan Muxtar Respublikasının ikinci dəfə lider olması və muxtar respublikanın yaranmasının 95-ci ildönümü münasibətilə təbriklərini çatdırıb. Qeyd olunub ki, Naxçıvan Muxtar Respublikasının investisiya reytinqində qalib olması artıq bir ənənəyə çevrilib. Bu da ulu öndər Heydər Əliyevin vətəni Naxçıvan Muxtar Respublikasında yaradılmış sabitliyin, özəl sektorun inkişafına göstərilən qayğının, açılan yeni iş yerlərinin və rəqabətədavamlı məhsul istehsalının nəticəsidir. Ümummilli Liderimizin yolunu uğurla davam etdirən Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə bütün sahələrin inkişafı təmin olunub. Sahibkarlara hərtərəfli qayğı göstərilir. Naxçıvan Muxtar Respublikasında da sahibkarlıq inkişaf etdirilir. Naxçıvan Muxtar Respublikası Ali Məclisi Sədrinin qayğısı nəticəsində güclü sahibkarlar sinfi formalaşıb.

Telman Əliyev Naxçıvan Muxtar Respublikasında investisiya və biznes mühitinin inkişafına verdiyi xüsusi töhfəyə görə Ali Məclisin Sədrinə “Caspian European Club”un mükafatını təqdim edib.

Tədbirdə Naxçıvan Muxtar Respublikasının iqtisadiyyat naziri Famil Seyidov çıxış edərək deyib ki, son beş ildə muxtar respublikada yeyinti, yüngül, mebel, metallurgiya, kimya, tikinti olmaqla 84 sənaye təyinatlı müəssisənin istifadəyə verilməsi, 270 heyvandarlıq, 84 ətlik və yumurtalıq istiqamətində quşçuluq, 111 arıçılıq, 74 bağçılıq və 14 balıqçılıq təsərrüfatının yaradılması nəticəsində məşğulluq səviyyəsi yüksəlib, ixracın həcmi artıb. Kənd təsərrüfatının davamlı və dinamik inkişafı ailə təsərrüfatlarından bir hissəsinin kiçik sahibkarlıq subyektinə çevrilməsinə zəmin yaradıb, 2018-ci ildə 14 ailə təsərrüfatına 253 min manatdan çox dövlət maliyyə dəstəyi göstərilib. Son 5 ildə muxtar respublikada sahibkarlığın inkişafı məqsədilə bank və kredit təşkilatları tərəfindən 113 milyon 762 min manatdan artıq kredit verilib ki, bunun 40 milyon 497 min manatı Sahibkarlığın İnkişafı Fondunun payına düşüb. İqtisadiyyatın diversifikasiyası və dinamik inkişafı xarici ticarət əlaqələrinin genişlənməsinə də müsbət təsir göstərib, 2018-ci ildə xarici ticarət dövriyyəsi 483 milyon 432 min Amerika Birləşmiş Ştatları dollarına çatıb, xarici ticarətdə 365 milyon 101 min Amerika Birləşmiş Ştatları dolları həcmində müsbət saldo yaranıb. 2014-2018-ci illərdə muxtar respublikada 85 elm və təhsil, 60 səhiyyə, 13 gənclər və idman, 137 mədəniyyət müəssisəsi, 17 sosial qayğıya ehtiyacı olan ailələr üçün ev, 52 kənd və 54 xidmət mərkəzi tikilərək istifadəyə verilib, 1108 kilometr su xətti, 699 kilometr kanalizasiya xətti, 318 kilometr respublika və yerli əhəmiyyətli avtomobil yolları çəkilib, 24 körpü tikilib və ya əsaslı təmir olunub. Famil Seyidov özəl sektorun inkişafı üçün yaradılan şəraitə görə sahibkarlar adından minnətdarlıq edib.

Naxçıvan Muxtar Respublikasının təhsil naziri Rəhman Məmmədov çıxış edərək deyib ki, muxtar respublikada peşə təhsilinin inkişafı və ixtisaslı kadr hazırlığı təmin olunub, zəruri infrastruktur yaradılıb. Muxtar respublikada fəaliyyət göstərən 3 texniki-peşə və sürücülük məktəbi, 1 peşə liseyi və 1 regional peşə tədris mərkəzi üçün binalar tikilib və ya əsaslı şəkildə yenidən qurulub, peşə təhsili müəsissələri 78 kompüter, 33 elektron lövhə, 6 avtotrenajor, 22 emalatxana, maşın və mexanizmlərlə təmin edilib. Hazırda peşə təhsili müəssisələri əmək bazarının, o cümlədən işəgötürənlərin tələblərinə uyğun ixtisaslar üzrə kadr hazırlığını həyata keçirir. Muxtar respublikada sahibkarlıq fəaliyyətinin genişləndirilməsi, yeni sənaye, tikinti, xidmət və emal sahələrinin, ailə təsərrüfatlarının yaradılması, yaradılan yeni müəssisələrdə müasir maşın və mexanizmlərin tətbiqi əmək bazarında peşə təhsilli kadrlara tələbatı artırıb. 2018-ci ildə muxtar respublikada 19 ixtisas üzrə 702-si qadın olmaqla, 3109 nəfər peşə təhsili alıb. Hazırda peşə təhsili müəssisələrində müxtəlif ixtisaslar üzrə ümumilikdə 873 müdavim təhsilini davam etdirir. Bu isə gənclərin müvafiq peşələrə yiyələnərək məşğulluğunun təmin olunmasına, eləcə də müəssisə və təşkilatların, həmçinin özəl sektorun ixtisaslı kadrlarla təminatına öz müsbət təsirini göstərir.

Naxçıvan Muxtar Respublikası Sahibkarlar Konfederasiyasının sədri, “Cahan Holdinq” Kommersiya Şirkətləri İttifaqının direktoru Vüqar Abbasov deyib ki, muxtar respublikada iqtisadiyyatın şaxələndirilməsi istiqamətində həyata keçirilən tədbirlərə uyğun olaraq 22 əsas şirkəti özündə birləşdirən “Cahan Holdinq” son illər uğurlu layihələrə imza atıb, yeni müəssisələr yaradılıb, 285 yеni iş yеri açılıb. Naxçıvan Muxtar Respublikasında gəlirli sahə olan tütünçülüyün inkişafı, tütün emalı sahələrinin yaradılması və xammala olan tələbatın yerli istehsal hesabına ödənilməsi məqsədilə holdinqin tərkibində yaradılmış Tütün Yetişdirmə Mərkəzinin fəaliyyəti ötən il genişləndirilib, əkin sahələri 41 hektara çatdırılaraq 51 ton quru tütün tədarük edilib. Bu tədbirlərin davamı olaraq, 2019-cu ildə 22 ailə təsərrüfatı ilə 100 hektar ərazidə tütün əkini üçün müqavilələr bağlanıb. Bu məqsədlə cari ildə Cəhri kəndi ərazisində yeni mövsümi tədarük məntəqəsinin yaradılması başa çatdırılacaqdır. 2018-ci ildə torpaq mülkiyyətçilərinin və sahibkarların bu sahəyə marağının artdığını nəzərə alaraq, şirkətin “Cahan Tabak Beynəlxalq” müəssisəsində 14 milyon manat dəyərində yeni istehsal xətti quraşdırılıb. Holdinqin məhsulları daxili tələbatı ödəməklə yanaşı, Müstəqil Dövlətlər Birliyi ölkələrinə də ixrac olunur. Holdinq Türkiyədə, Rusiyada, İsveçrədə, Birləşmiş Ərəb Əmirliklərində və Çin Xalq Respublikasında öz filiallarını açaraq xarici bazarlarda təmsil olunmağa başlayıb, Moskva şəhərində və Türkiyənin İqdir şəhərində yeni satış mərkəzləri yaradılıb. Bunlarla yanaşı, Bakı, Gəncə, Masallı, Quba, Goranboy və Şəki şəhərlərində xidmət sahələri açılıb. Vüqar Abbasov sahibkarlığın inkişafına göstərdiyi qayğıya görə kollektivi adından Ali Məclisin Sədrinə minnətdarlıq edib.

Tədbirdə çıxış edən “Naxtel” Məhdud Məsuliyyətli Cəmiyyətinin icraçı direktoru Kamil Yusifov deyib ki, 2016-cı ildən fəaliyyət göstərən “Naxtel” Məhdud Məsuliyyətli Cəmiyyətinin yaradılmasına 10 milyon manatı Sahibkarlığın İnkişafı Fondundan, 2 milyon manatı “Naxtel” Məhdud Məsuliyyətli Cəmiyyəti tərəfindən olmaqla, ümumilikdə, 12 milyon manat vəsait sərf olunub. Muxtar respublikanın yaşayış məntəqələrinin 99 faizini əhatə edən dördüncü nəsil mobil rabitə şəbəkəsinin 2018-ci ildə abunəçi sayı 2 dəfə artıb. Hazırda “Naxtel”in qeydiyyatdan keçən abunəçi sayı 65 mini ötüb. Naxçıvan şəhərindəki və rayonlardakı “Naxtel” Satış və Xidmət Mərkəzləri abunəçilərə keyfiyyətli mobil rabitə xidmətləri təklif edirlər. “Naxçıvanbank”a məxsus pos-terminallar, ATM və vətəndaşların müxtəlif kateqoriyalı ödənişlərini vahid ödəniş platformasından icra etməsi Pay-Point ödəniş terminallarında “Naxtel”in data şəbəkəsi vasitəsilə həyata keçirilir. Beynəlxalq rominq xidməti artıq 7 ölkədə aktivləşdirilib və digər ölkələrdə də aktivləşdirilməsi üçün işlər test və yoxlama mərhələsindədir. Ümumilikdə, 25 ölkədə beynəlxalq rominq xidmətinin aktivləşdirilməsi planlaşdırılıb. Bu il abunəçilərə yeni kampaniya, təklif, tarif və paketlər təqdim ediləcəkdir. Kamil Yusifov göstərilən qayğıya görə minnətdarlıq edib, fəaliyyətlərini daha da genişləndirəcəklərini bildirib.

“Zümrüd Geyim” Məhdud Məsuliyyətli Cəmiyyətinin direktoru, qadın sahibkar Mehrəngiz Əkbərova deyib: “Müxtəlif çeşiddə geyimlər istehsal edən “Zümrüd” Kiçik Müəssisəsi göstərilən qayğıdan bəhrələnərək fəaliyyətini genişləndirib, bazarın tələbatının böyük bir hissəsinin ödənilməsinə nail olub. 2018-ci ildə müəssisədə köynək, kişi, qadın, uşaq alt və üst trikotaj geyimləri istehsal edən “Zümrüd Geyim” Məhdud Məsuliyyətli Cəmiyyətini yaratmışıq. İstehsal gücü 8 saatlıq iş rejimində 13 çeşiddə 1000 ədəd geyim olan müəssisə daxili bazarın tələbatını ödəyəcəkdir. İstehsal olunan məhsullar muxtar respublikanın paytaxtı Naxçıvan şəhərində, həmçinin rayon mərkəzlərindəki ticarət obyektlərində və kəndlərdəki xidmət mərkəzlərində satılır. Yeni istehsal sahəsinin yaradılması əhalinin məşğulluğunun təmin olunmasında da mühüm rol oynayıb, 45 yeni iş yeri açılıb. Fəaliyyətimiz üçün yaradılan şəraitə görə minnətdarlığımızı bildirir və əmin edirik ki, iqtisadiyyatımızın inkişafı, əhalinin rifah halının daha da yaxşılaşdırılması istiqamətində göstərilən diqqət və qayğıya öz əməli işimizlə cavab verəcəyik”.

Babək rayonunun Hacıvar kəndində fəaliyyət göstərən heyvandarlıq təsərrüfatı və süd məhsullarının istehsalçısı İlqar Mirzəyev çıxış edərək deyib: 2019-cu ilin Naxçıvan Muxtar Respublikasında “Ailə təsərrüfatları ili” elan olunması ailə təsərrüfatlarını daha səylə fəaliyyət göstərməyə ruhlandırıb. Yaradılmış şəraitdən lazımınca yararlanaraq biz də öz ailə təsərrüfatımızı qurmuşuq. 2017-ci ildə Babək rayonunun Hacıvar kəndində gündəlik istehsal gücü 500 litr olan süd məhsullarının istehsalı sahəsini yaratmışıq. Təsərrüfatımızda istehsal sahəsi ilə yanaşı, hazır məhsulların saxlanılması üçün soyuducu kamera qurulub. İlkin mərhələdə təsərrüfatımızda iki çeşiddə qatıq istehsalı həyata keçirilirdisə, artıq burada 36 çeşiddə süd məhsulu istehsal olunur. İstehsal etdiyimiz məhsullar rayon ərazisində, eləcə də Naxçıvan şəhərindəki bir çox ərzaq mağazalarında ailə təsərrüfatı əmtəə nişanı ilə satışa çıxarılır. Təsərrüfatımızda müasir avadanlıqların quraşdırılması yüksək keyfiyyətli və rəqabətqabiliyyətli məhsul istehsal etməyə imkan verir. Yeni heyvandarlıq təsərrüfatı da yaratmışıq. Xammala olan tələbat öz təsərrüfatımız hesabına ödənilir ki, bu da istehsal olunan məhsulun maya dəyərini xeyli aşağı salıb. Bundan başqa təsərrüfatımızda südün istehsalı ilə yanaşı, ətraf kəndlərin fermerlərindən də süd tədarük edirik. İqtisadi səmərə əldə etmək məqsədilə quşçuluq təsərrüfatımızı da inkişaf etdiririk. İstehsal olunan sağlam heyvandarlıq məhsullarının isə daimi alıcısı vardır. Təsərrüfatımıza ailə üzvlərimizlə yanaşı, 4 işçi də cəlb etmişik. Artıq ailə təsərrüfatımız kiçik sahibkarlıq subyekti kimi formalaşır. İlqar Mirzəyev muxtar respublikada ailə təsərrüfatlarının inkişafı üçün yaratdığı əlverişli şəraitə görə ailəsi adından Ali Məclisin Sədrinə minnətdarlıq edib.

Sonra Ali Məclisin Sədri yeni istehsal və xidmət sahələrinin yaradılması üçün 14 sahibkara güzəştli kreditlərin çeklərini təqdim edib. Bu kreditlər ərzaq məhsulun istehsalına, quşçuluq təsərrüfatının yumurtalıq sahəsinin yenidən qurulmasına, birdəfəlik istifadə üçün kağız stəkan istehsalı, ətlik istiqamətində heyvandarlıq, damazlıq arı təsərrüfatlarının və balın emalı sahələrinin, arıçılıq təsərrüfatlarının genişləndirilməsinə, meyvə-tərəvəz məhsullarının, yabanı növ bitkilərin tədarükü və konservləşdirilməsinə, limon istixana təsərrüfatının, eləcə də soyuducu anbarın yaradılmasına sərf olunacaqdır.

Güzəştli kreditlə təmin olunmuş ailə təsərrüfatı sahibləri - Culfa şəhər sakini, arıçı İlqar Hüseynov və Kəngərli rayonunun Xok kənd sakini, fermer Hüseyn Məmmədov göstərilən qayğıya görə minnətdarlıq ediblər.

Tədbirdə 2018-ci ildə Naxçıvan Muxtar Respublikasının sosial-iqtisadi inkişafından bəhs edən film nümayiş etdirilib.

Ali Məclisin Sədri Naxçıvan Biznes Mərkəzinin sərgi salonunda muxtar respublikada istehsal olunan məhsullardan ibarət sərgiyə baxıb.

Qeyd olunub ki, sərgi salonunda 94 müəssisənin 196 növdə və 1232 çeşiddə məhsulu, 65 ailə təsərrüfatında istehsal olunan 20 növdə 157 çeşiddə məhsul, 80 sənətkar tərəfindən hazırlanan 1088 əl işi, rəsm əsərləri, xalçalar və Naxçıvan Muxtar Respublikasının istehsal müəssisələrinin xəritəsi nümayiş olunur. Naxçıvan Avtomobil Zavodunda 15 modeldə avtomobil istehsal olunur. Hazırda zavodun Naxçıvan şəhərində, Şərur və Culfa rayonlarında ehtiyat hissələrinin satışı mağazaları fəaliyyət göstərir. Ötən il isə Şərur və Culfa rayonlarında texniki xidmət sahələri yaradılıb.

Ali Məclisin Sədri qapalı müəssisələrin təminatının yalnız yerli istehsal hesabına ödənilməsi, muxtar respublikanın ixrac katoloquna müəssisələrin keyfiyyət sertifikatının da əlavə olunması, yerli istehsal hesabına toxuculuq və tikiş müəssisələri üçün xammal bazasının yaradılması, hədiyyəlik qızıl pulların istehsalı, Darıdağ suyundan hazırlanmış duzun tanıdılması, Naxçıvan Avtomobil Zavodu tərəfindən avtomobillərin ehtiyat hissələri təminatının həyata keçirilməsi, kəndlərdəki xidmət mərkəzlərinin yerli ərzaq və sənaye məhsulları ilə təminatının gücləndirilməsi barədə tapşırıqlar verib.

2018-ci ilin muxtar respublika üçün uğurlu olduğunu bildirən Ali Məclisin Sədri Naxçıvan Muxtar Respublikasının illik investisiya reytinqində ikinci dəfə lider, eləcə də Dövlət İmtahan Mərkəzinin ötən ilin buraxılış imtahanları ilə bağlı hazırladığı məlumatlarda Naxçıvan Muxtar Respublikasının nəticələrinin ölkə üzrə ümumi statistik göstəricilərindən yüksək olduğunu diqqətə çatdırıb, bu işlərdə əməyi olanlara bir daha təşəkkür edib.

 
  • Oxunub:  2460  |  
  • Tarix:  16-02-2019  |  
  •    Çap et   |  
Get Adobe Flash player
Azərbaycanda qida təhlükəsizliyinin təmin edilməsi istiqamətində mühüm işlər görülür

19 May 15:28
II və III ixtisas qruplarının abituriyentləri üçün keçirilən qəbul imtahanı başa çatıb
19 May 15:25
Rusiya millisi Bakıda bədii gimnastika üzrə Avropa çempionatının qrup hərəkətləri yarışında iki qızıl medal qazanıb
19 May 14:56
Polşalı gimnast: Azarkeşlərin güclü dəstəyi mübarizəyə xüsusi rəng qatır
19 May 14:49
Sabaha olan hava proqnozu açıqlanıb
19 May 14:27
Milli Məclisin deputatı AŞPA-nın komitə iclasında iştirak edəcək
19 May 14:22
Pərvin Kərimzadə: Azərbaycan Avropa İttifaqı ilə bərabər hüquqlu tərəfdaşdır
19 May 14:19
Qazaxıstan sahibkarları Azərbaycanda investisiya yatırmaqda maraqlıdırlar
19 May 12:51
Bakıda bədii gimnastika üzrə Avropa çempionatı davam edir
19 May 12:05
Samsundan başlanan milli qurtuluş mübarizəsi Türkiyə vətəndaşının qürur mənbəyidir
19 May 11:54
İtaliya Azərbaycanlılarının Koordinasiya Şurası təsis edilib
18 May 19:09
Bakıda keçirilən bədii gimnastika üzrə Avropa çempionatının ilk qalibləri müəyyənləşib
18 May 19:06
İtaliyalı senator Azərbaycanın diaspor siyasəti barədə məlumatlandırılıb
18 May 19:01
Azərbaycan dünyanın ən çox islahat aparan ölkəsidir
18 May 17:14
Ölkə başçısının müvafiq Fərmanı üzrə 300-dək vətəndaşa mənzil üzərində çıxarışlar verilib
18 May 17:04
Türkiyənin Azərbaycandakı səfirliyində gənclik və idman bayramı qeyd olunub
18 May 16:45
Erməni vandalları Laçın rayonunun Hacılar və Sadınlar kəndlərindəki 65 hektar meşə sahəsini tamamilə məhv ediblər
18 May 16:21
Maliyyə Bazarlarına Nəzarət Palatası Avropa Banklar Federasiyası ilə əməkdaşlıqda maraqlıdır
18 May 15:57
“DOST” mərkəzləri əlilliyi olan şəxslərin reabilitasiya vasitələri ilə rahat şəkildə təminatı imkanlarını artıracaq
18 May 15:52
“Azərsu” ASC-nin sədri Beyləqanda vətəndaşları qəbul edib
18 May 15:49
Sevinc Hüseynova: Qadın məsələlərinə dair Bakıda keçiriləcək konfransda dünya ictimaiyyəti üçün aktual mövzular müzakirə ediləcək
18 May 15:45
“Gənclər təşkilatları Dayanıqlı İnkişaf Məqsədləri naminə” mövzusunda müzakirələr aparılır
18 May 15:40
Dövlət Komitəsində Laçın rayonunun işğalının 27-ci ildönümü ilə bağlı tədbir keçirilib
18 May 15:34
Elşad Mirbəşiroğlu: Azərbaycan Avropa İttifaqının etibarlı və məsuliyyətli tərəfdaşıdır
18 May 13:52
Azərbaycan-Fransa parlamentlərarası əlaqələri müzakirə olunub
18 May 13:44
Əli Əhmədov: Azərbaycanın imkanları genişləndikcə insanların rifahının daha da yaxşılaşdırılması üçün bundan sonra da addımlar atılacaq
18 May 13:39
Azərbaycan-Çin elmi əməkdaşlığı iki ölkə arasında münasibətlərin dərinləşməsinə töhfələr verir
18 May 13:30
Yeni Azərbaycan Partiyası rayon və şəhər təşkilatlarının ümumrespublika müşavirəsi keçirilib
18 May 13:26
Musa Qasımlı: Azərbaycanın təhsil müəssisələrində maddi-texniki baza yüksək səviyyədədir
18 May 13:19
Əli Əhmədov: Azərbaycanın iqtisadiyyatı inkişaf etdikcə əməkhaqqı, pensiya və müavinətlər də artırılacaq
18 May 12:54
Komitə sədri: Əhalinin yarısını təşkil edən qadınlar inkişaf etməsə, ölkənin demoqrafik inkişafından danışmaq olmaz
18 May 12:45
Dilarə Cəbrayılova: Azərbaycan hər bir beynəlxalq təşkilatla münasibətlərini dövlət və xalq maraqları çərçivəsində qurur
18 May 12:43
Bu gün “Eurovision 2019” beynəlxalq mahnı müsabiqəsinin final mərhələsi keçiriləcək
18 May 12:40
Baş nazirin müavini: Gənclər Azərbaycanın inkişafına öz töhfələrini verməkdən kənarda qalmaq istəmirlər
18 May 11:08
Dağlıq Qarabağ bölgəsinin azərbaycanlı icması Laçının işğalının 27-ci ildönümü ilə əlaqədar bəyanat yayıb
18 May 10:58
Elman Nəsirov: Radikal müxalifətin heç bir niyyəti baş tutmayacaq
18 May 10:45
Bu gün Beynəlxalq Muzeylər Günüdür
18 May 10:42
Birinci rübdə ölkədə 53,9 min yeni iş yeri açılıb
18 May 10:39
Hikmət Babaoğlu: Aİ-nin dəstəyinə nail olmaq bizim üçün vacib əhəmiyyətli məsələdir
18 May 10:35
Bakıda “Böyük İpək Yolu” Beynəlxalq Gənclər İttifaqının Baş Məclisinin iclası işə başlayıb
18 May 10:33
İspaniyalı gimnast: Bakının Milli Gimnastika Arenası çox möhtəşəmdir
18 May 10:31
Estoniya Azərbaycan ilə münasibətlərə önəm verir
18 May 10:11
Ermənistan silahlı qüvvələrinin bölmələri sutka ərzində atəşkəs rejimini pozmaqda davam edir
18 May 09:54
BDU-da Himayəçilər Şurasının ilk iclası keçirilib
18 May 09:52
Avropa Liqasının finalı: Bakı düzgün seçim oldu?
18 May 09:51
Azərbaycan Avropa İttifaqı üçün etibarlı və məsuliyyətli tərəfdaşdır
18 May 09:49
Həqiqət uğrunda mübarizə aparan şair
18 May 09:46
“Bakcell”dən eşitmə məhdudiyyətli gənclər arasında ənənəvi futzal turnirinə dəstək
18 May 09:44
Azərbaycan gəncləri beynəlxalq tədbirlərdə və yarışlarda ölkəmizi layiqincə təmsil edirlər
18 May 09:40
2019-cu ilin birinci rübündə cənub bölgəsinin sosial-iqtisadi inkişaf göstəriciləri uğurlu olub
17 May 21:11
Azərbaycan ilə Fransa arasında əməkdaşlığın inkişafı üçün geniş potensial mövcuddur
17 May 21:09
Estoniyalı idmançı: Azərbaycanda gimnastika yarışları yüksək səviyyədə təşkil olunub
17 May 20:43
Abşeron yarımadasında heyvan mənşəli bütün xəstəliklərin identifikasiya sistemi və izlənməsi həyata keçiriləcək
17 May 20:39
Avropa Şurasının Nazirlər Komitəsi bütün üzv dövlətlərin müstəqilliyinə və ərazi bütövlüyünə dəstəyini təsdiq edib
17 May 20:36
AZƏRTAC-ın əməkdaşı Çinin məşhur CGTN telekanalında Azərbaycan həqiqətlərindən danışıb
17 May 20:32
Erməni siyasətinin "söz taciri": Paşinyanın Pekin rəzaləti
17 May 17:57
Avrasiya Kitabxanalar Assambleyasının növbəti iclası Düşənbədə keçiriləcək
17 May 17:55
Vüqar Rəhimzadə: Azərbaycan Avropa İttifaqı üçün mühüm və etibarlı tərəfdaşdır
17 May 17:52
YAP Səbail rayon təşkilatı Cocuq Mərcanlı məktəblilərini Bakıya gətirib
17 May 17:48
Əmək və Əhalinin Sosial Müdafiəsi Nazirliyinin rəhbərliyi Astara, Masallı və Lənkəran rayonlarında vətəndaşlarla görüşüb
17 May 17:46
Yaz mövsümündə Qaxda 165,5 hektarda yeni fındıq bağları salınıb
17 May 17:43
Dövlət Yanğın Nəzarəti və Dövlət Yanğından Mühafizə xidmətləri birgə yanğın-taktiki təlim keçirib
17 May 17:35
Ulu öndər Heydər Əliyevin anadan olmasının 96-cı ildönümü və Heydər Əliyev Fondunun fəaliyyətə başlamasının 15 illiyi münasibətilə Həştərxanda bir sıra tədbirlər keçirilib
17 May 17:33
Avropa Gənclər Yay Olimpiya Festivalının biletləri iyunun 10-da satışa çıxarılacaq
17 May 17:30
Qəbələ rayonu üzrə tibbi müayinələrə 65 mindən çox sakin cəlb olunub
17 May 17:28
Milli Məclisin hüquq siyasəti və dövlət quruculuğu komitəsinin növbəti iclası keçirilib
17 May 17:23
Türk Şurasına üzv ölkələr “Ticarət evi”nin açılmasında Azərbaycan təcrübəsindən istifadə edəcəklər
17 May 17:21
Ekologiya və Təbii Sərvətlər Nazirliyinin və Baş Prokurorluğun mətbuat xidmətləri birgə məlumat yayıb
17 May 17:20
Çexiya Azərbaycanla əlaqələrin genişləndirilməsində maraqlıdır
17 May 17:14
Prezident İlham Əliyev Ukraynanın Azərbaycanda yeni təyin olunmuş səfirinin etimadnaməsini qəbul edib
17 May 17:12
Rauf Əliyev: Azərbaycanda idmanın inkişafına diqqət yüksək səviyyədədir

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
HAVA HAQQINDA