Heydər Əliyev
yeni azerbaycan logo

Ana səhifə / Xəbər lenti / Dövlət Statistika Komitəsində 15 iyun - Milli Qurtuluş Günü geniş qeyd olunub

Dövlət Statistika Komitəsində 15 iyun - Milli Qurtuluş Günü geniş qeyd olunub

14.06.2019 [17:33]

İyunun 14-də Dövlət Statistika Komitəsində (DSK) 15 iyun - Milli Qurtuluş Günü münasibətilə tədbir keçirilib.

Komitədən AZƏRTAC-a bildirilib ki, tədbirdən əvvəl xalqımızın ümummilli lideri Heydər Əliyevin Komitənin foyesində ucaldılan büstü önünə gül dəstələri düzülüb. Sonra əbədiyaşar lider Heydər Əliyevin əziz xatirəsi 1 dəqiqəlik sükutla yad edilib.

Tədbirdə məruzə ilə çıxış edən Dövlət Statistika Komitəsinin sədri Tahir Budaqov Milli Qurtuluş Gününün Azərbaycanın müasir dövlətçilik tarixindəki əhəmiyyətindən, ümummilli lider Heydər Əliyevin 1993-cü il iyunun 15-də xalqın təkidli tələbi ilə siyasi hakimiyyətə qayıdışından sonra dövlət quruculuğu prosesinin başlanmasından, Ulu Öndərin ölkəni xaos və hərc-mərclikdən, vətəndaş müharibəsi və parçalanma təhlükəsindən xilas etməsindən və bunun müstəqil dövlətimizin taleyində dönüş anı olmasından ətraflı bəhs edib. Bildirib ki, müasir tariximizdə Milli Qurtuluş Günü kimi əbədiləşmiş 15 iyun əsl xilaskarlıq səlnaməsi və Azərbaycan xalqının ölüm-dirim mübarizəsinin parlaq qələbəsi günüdür.

Komitə sədri qeyd edib ki, dünya şöhrətli siyasi xadim Heydər Əliyevin dərin zəkası bütün maneələri aşaraq qarşıya çıxan çətinliklərə baxmayaraq, respublikada ictimai-siyasi sabitliyi bərqərar edib, sosial-iqtisadi böhranın aradan qaldırılması üçün qətiyyətli tədbirlər görüb, köklü islahatlar həyata keçirərək ölkəmizə həm regionda, həm də dünyada layiqli yer qazandırıb. Məhz dahi rəhbərin səyləri nəticəsində çox keçmədən Azərbaycan ardıcıl inkişaf mərhələsinə qədəm qoyub, ölkə həyatının bütün sahələrində quruculuq işləri vüsət alıb, ictimai-siyasi, iqtisadi, sosial, mədəni sahələrdə inkişafa və tərəqqiyə nail olunub. Dahi rəhbər Heydər Əliyevin Azərbaycana rəhbərlik etdiyi 10 il Azərbaycanın ən yeni tarixinə sosial-iqtisadi yüksəliş dövrü kimi yazılıb. Həmçinin ölkəmiz dünya birliyində layiqli yerini tutub, regionda geosiyasi mövqelərini möhkəmləndirərək böyük beynəlxalq nüfuz qazanıb.

Azərbaycanın inkişaf və tərəqqi dövrünün məhz Milli Qurtuluş Günü ilə başladığını vurğulayan T.Budaqov Heydər Əliyev siyasi xəttinin bu gün Prezident İlham Əliyev tərəfindən böyük uğurlarla, keyfiyyətçə yeni müstəvidə davam etdirildiyini diqqətə çatdırıb. Qeyd edib ki, bir həqiqətdir ki, ölkə başçısı İlham Əliyev qısa zaman kəsiyində qəbul etdiyi praqmatik qərarlarla, habelə reallığa söykənən adekvat addımları ilə ölkəmizin dinamik yüksəlişini təmin edib, müasir dövrün tələbi kimi qarşıda duran prioritet vəzifələri dəqiqliklə müəyyənləşdirib, həyata keçirdiyi islahatlarla inkişaf ardıcıllığının daha da çevikliyinə, işləkliyinə nail olub. Bunun nəticəsidir ki, müstəqil Azərbaycan iqtisadi cəhətdən möhkəmlənir, qüdrətlənir, sosial-iqtisadi yüksəliş cəmiyyətimizin bütün həyatında özünü qabarıq büruzə verir.

Tədbirdə Dövlət Statistika Komitəsinin Energetika və ətraf mühit statistikası şöbəsinin müdiri Rəna Lazımova, Sosial statistika şöbəsi dövlət idarəetməsi və hüquqpozmalar statistikası sektorunun müdiri Fərid Əhmədov və digərlərinin Milli Qurtuluş Gününün ictimai-siyasi əhəmiyyəti ilə bağlı çıxışları dinlənilib. Bildirilib ki, bütün sahələrdə olduğu kimi, statistika sahəsində də əldə edilən bütün nailiyyətlər məhz 1993-cü il iyunun 15-də öz dahiliyini bir daha tarixin sınağına çıxarmış ümummilli lider Heydər Əliyevin dövlət quruculuğu siyasəti və Prezident İlham Əliyevin məqsədyönlü və ardıcıl fəaliyyəti nəticəsində mümkün olub.

Sonda ümummilli lider Heydər Əliyevin həyat və fəaliyyətindən bəhs edən video-çarx nümayiş olunub.

Paylaş:
Baxılıb: 234 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

İqtisadiyyat

Neft bahalaşıb

18 Mart 10:52

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31