Ana səhifə »  Qəzetin pdf formatı »  Muxtar respublikada Bilik Günü qeyd olunub
A+   Yenilə  A-
Muxtar respublikada Bilik Günü qeyd olunub

Naxçıvan şəhər 5 nömrəli tam orta məktəbin yeni binası istifadəyə verilib
Sentyabrın 16-da muxtar respublikada Bilik Günü Naxçıvan şəhər 5 nömrəli tam orta məktəbin yeni binasının istifadəyə verilməsi ilə qeyd olunub.

Naxçıvan Muxtar Respublikası Ali Məclisinin mətbuat xidmətindən AZƏRTAC-a bildirilib ki, Naxçıvan Muxtar Respublikası Ali Məclisinin Sədri Vasif Talıbov muxtar respublikanın ali, orta ixtisas, ümumtəhsil məktəblərinin tələbə və şagirdlərini, Heydər Əliyev adına Hərbi Liseyin kursantlarını, pedaqoji kollektivləri Bilik Günü münasibətilə təbrik edərək deyib: Təhsil hər bir ölkə üçün strateji sahədir. Ümummilli liderimiz Heydər Əliyevin dediyi kimi: “Təhsil hər bir dövlətin, ölkənin, cəmiyyətin həyatının, fəaliyyətinin mühüm bir sahəsidir. Cəmiyyət təhsilsiz inkişaf edə bilməz!”. Elm və təhsil hər bir ölkənin inkişafının əsasını təşkil edir. Dünya dövlətlərinin inkişafla bağlı müasir çağırışları, ilk növbədə təhsillə, cəmiyyətin intellektual inkişaf səviyyəsi ilə əlaqəlidir. Təsadüfi deyil ki, Birləşmiş Millətlər Təşkilatı XXI əsri “Təhsil əsri” elan etmişdir.

Qeyd olunub ki, ölkəmizdə təhsilin inkişafı dövlət siyasətinin prioritet istiqamətlərindən biridir. Naxçıvan Muxtar Respublikasında təhsilin inkişafı və bu sahədə həyata keçirilən islahatlar innovativ inkişafa və güclü iqtisadi potensiala əsaslanır. İqtisadiyyatın dinamik inkişaf səviyyəsi muxtar respublikada genişmiqyaslı layihələri reallaşdırmağa, o cümlədən təhsil infrastrukturunu yeniləşdirməyə tam imkan verir. Təhsilin keyfiyyət göstəricilərinin yaxşılaşmasını şərtləndirən ən mühüm amillər təhsil prosesinin inkişaf etdirilməsi, müasir standartlara cavab verən yeni məktəblərin tikilməsi, bu yolla təhsil ocaqlarında kontingent sıxlığının aradan qaldırılmasıdır. Son illərdə muxtar respublikada tikilən və yenidən qurulan 200-dən çox təhsil müəssisəsi ən müasir standartlar səviyyəsində şagirdlərin, müəllimlərin istifadəsindədir. Görülən tədbirlər təhsilin müasir inkişafına, eyni zamanda, yüksək intellektli kadr potensialının hazırlanmasına şərait yaradır. Bu səbəbdən ötən tədris ilində muxtar respublika üzrə buraxılış imtahanlarının nəticələri Azərbaycan üzrə orta statistik göstəricidən yüksək olmuşdur.

Ali Məclisin Sədri bu işdə əməyi olanlara təşəkkürünü bildirərək deyib: Bu il Naxçıvan Muxtar Respublikasının ümumtəhsil məktəblərini 2917 məzun bitirmiş, məktəblərə 5272 şagird qəbul edilmişdir. Hər bir məktəbin təhsilin inkişafı və kadr hazırlığı işində öz töhfəsi və əməyi vardır. 5 nömrəli tam orta məktəb də bu inkişafın bir hissəsi olmaqla yüksək təhsil nəticələri ilə fərqlənir. Belə ki, 2018-2019-cu tədris ilində məktəbin 64 məzunundan 50-i ali təhsil müəssisələrinə qəbul olmuş, onlardan 12-i 500-700 intervalında bal toplamışdır.

“Muxtar respublikamızda müəllimlərin fəaliyyətinin stimullaşdırılması üçün onların əməyinin qiymətləndirilməsi, sosial həyat şəraitinin yaxşılaşdırılması təhsilin inkişafına kompleks yanaşmanın təzahürüdür”, - deyən Ali Məclisin Sədri bildirib ki, əsası ulu öndər Heydər Əliyev tərəfindən qoyulan dövlət gənclər siyasəti yeni nəslin fiziki, mənəvi-psixoloji cəhətdən sağlam yetişməsini, istedadlı gənclərin üzə çıxarılması və onların ölkənin ictimai-siyasi həyatında fəal iştirakını təmin edir. Gənclərə verilən dəstək davamlı və dayanıqlı inkişafa və gələcəyə qoyulan sərmayədir. Zəngin təhsil ənənələrinə, güclü intellektual və kadr potensialına malik muxtar respublikamızda bu ənənələr yeni dövrün tələbləri nəzərə alınmaqla inkişaf etdirilməlidir. Yaradılmış şərait və dövlət qayğısı bilikli, vətənpərvər, milli düşüncəyə malik gənclərin hazırlanmasına xidmət etməlidir.

Ali Məclisin Sədri deyib: Təhsildə informasiya texnologiyalarının tətbiqi genişləndirilməli, tədrisin distant istifadə imkanları artırılmalı, elektron dərsliklərin, təhsil portallarının yaradılması işi diqqətdə saxlanılmalıdır. Təhsilin əsas məqsədi gənclərə düzgün qərarlar qəbul etmək sənətini öyrətməkdir. Düzgün qərarlar qəbul etməklə gənclər şəxsiyyətə, ölkələr isə qüdrətli dövlətə çevrilir. Bilik Günündə Naxçıvan şəhərində yeni məktəb binasının istifadəyə verilməsi və yaradılan şərait təhsil sahəsində həyata keçirilən tədbirlərin davamlı olmasının və inkişafının göstəricisidir.

Ali Məclisin Sədri yeni tədris ilində müəllim və şagirdlərə uğurlar arzulayıb, muxtar respublikanın bütün şagird, kursant və tələbələrini, müəllim və valideynləri yeni dərs ili münasibətilə bir daha təbrik edib.

Naxçıvan şəhər 5 nömrəli tam orta məktəbin direktoru Esmira Həsənova çıxış edərək deyib ki, muxtar respublikada şagirdlər hərtərəfli təhsil alır, milli dəyərlərimizə, adət-ənənələrimizə sahib, yüksək biliyə malik vətənpərvər gənclər kimi yetişirlər. Bu gün Naxçıvan şəhər 5 nömrəli tam orta məktəb də müasir maddi-texniki bazaya malik məktəblər sırasına qoşulur. Yaradılan müasir tədris şəraiti təhsilin yüksək səviyyədə təşkilinə geniş imkanlar açır. Ötən 5 ildə məktəbi bitirən məzunlardan 207-si, yaxud 83 faizi ali və orta ixtisas təhsil müəssisələrinə qəbul olub, onlardan 53-ü 500-700 arası bal toplayıb. Naxçıvan şəhər 5 nömrəli tam orta məktəbin kollektivinin əməyi də daim yüksək qiymətləndirilib, müəllimlərdən 2-si “Tərəqqi” medalına, 1-i isə “Əməkdar Bədən Tərbiyəsi və İdman Xadimi” fəxri adına layiq görülüb. Həmçinin sentyabrın 1-dən müəllimlərin aylıq vəzifə maaşlarının əlavə olaraq orta hesabla 20 faiz artırılması təhsil işçilərini fərəhləndirir və daha əzmlə, məsuliyyətlə çalışmağa sövq edir. Esmira Həsənova təhsilə göstərilən diqqətə görə muxtar respublika müəllimləri adından minnətdarlıq edib.

Məktəbin yeddinci sinif şagirdi Zümrüd Zeynallı çıxış edərək deyib ki, bu gün şagirdlər ikiqat sevinc yaşayır. Çünki həm “Bilik günü”nü qeyd edirik, həm də məktəb binamız yenidən tikilərək biz şagirdlərə hədiyyə olunur. Yeni məktəbdə zəngin kitabxana, idman zalı, kompüter otaqları, elektron lövhəli siniflər, laboratoriyaların olması bilikli və vətənpərvər gənclər kimi formalaşmağımıza təsir göstərəcəkdir. Zümrüd Zeynallı müasir təhsil şəraitinə görə şagirdlər adından Ali Məclisin Sədrinə minnətdarlıq edib, daha yaxşı təhsil alaraq ulu öndərimiz Heydər Əliyevin ideyalarına sadiq vətəndaş kimi yetişəcəklərini bildirib.

Sonra Zümrüd Zeynallı Ulu Öndərə həsr olunmuş şeiri bədii qiraət edib:

Sən yurduma ən ağır,

çətin zamanda gəldin,

Xalqın oda-alova

düşüb yananda gəldin,

Ümidsizlik zəlitək

qanlar soranda gəldin,

Ulu Öndərim mənim,

Dədə Heydərim mənim!

Parçaladın, dağıtdın

qatı zülməti, sağ ol!

Oyandırdın damarda

yatan qeyrəti, sağ ol!

İşıqlığa çıxartdın

xalqı, milləti, sağ ol!

Ulu Öndərim mənim,

Dədə Heydərim mənim!

Anam Azərbaycanla

qoşadır adın sənin,

Günəş kimi nurlusan-

sönməzdir odun sənin.

Vətən olub həmişə

qolun-qanadın sənin,

Ulu Öndərim mənim,

Dədə Heydərim mənim!

Arzumuz əməlimiz,

diləyimizsən bizim!

Hər an qəlbimizdəsən-

gərəyimizsən bizim!

Sabah eşqiylə coşan

ürəyimizsən bizim,

Ulu Öndərim mənim,

Dədə Heydərim mənim!

Hünərinlə dağıldı

yolumuzdan çən-duman,

Ağ günlərin əlini

sıxıbdı Azərbaycan,

Gözəl, xoşbəxt günlərə

çıxıbdı Azərbaycan,

Ulu Öndərim mənim,

Dədə Heydərim mənim!

Ali Məclisin Sədri açılışı bildirən lenti kəsib. Bildirilib ki, 4 mərtəbəli məktəb binası 1140 şagird yerlikdir. Təhsil ocağında 3-ü elektron lövhəli olmaqla 60 sinif otağı, kimya, biologiya və fizika laboratoriyaları, hərbi kabinə, 3 kompüter otağı, 2 şahmat otağı, 2 müəllimlər otağı, kitabxana, bufet və idman zalı vardır. Məktəbdə 952 şagirdin təhsili ilə 80 müəllim məşğul olur. Bu tədris ilində məktəbin birinci sinfinə 120 şagird qəbul olunub.

Fizika, kimya və biologiya laboratoriyalarında dərs proqramına uyğun təcrübə avadanlıqları qoyulub. Eyni zamanda, fizika və biologiya kabinələri elektron lövhə ilə təmin edilib. Məktəbin şagirdləri dəqiq fənlərə üstünlük verirlər. Son 5 ildə məktəbin məzunlarından 10-u mühəndislik ixtisasını seçib. Eyni zamanda, məktəbin şagirdlərindən Şərur Şəhər Fizika-Riyaziyyat Təmayüllü Liseyə qəbul olanlar da vardır.

Ali Məclisin Sədri dəqiq elmlərin tədrisində elektron dərsliklərdən istifadənin əhəmiyyətini vurğulayıb, Azərbaycan Milli Elmlər Akademiyası Naxçıvan Bölməsinin Bioresurslar İnstitutu ilə ümumtəhsil məktəbləri arasında interaktiv dərslərin keçirilməsi, şagirdlərə muxtar respublikanın zəngin fauna və florası haqqında məlumatların verilməsi barədə tapşırıqlar verib.

Məktəbin şahmat sinfində lazımi avadanlıqlar qoyulub. Qeyd olunub ki, Naxçıvan Muxtar Respublikası Şahmat Federasiyası tərəfindən nəşr olunmuş “Pillə-pillə” kitabı bu ildən etibarən muxtar respublikanın ümumtəhsil məktəblərində tədris vəsaiti kimi istifadə olunacaqdır.

Məktəbə optik xətt çəkilib və sürətli internetə çıxış təmin edilib. Kompüter otaqlarındakı 63 kompüterin hər biri və 5 elektron lövhə internetə qoşulub, zəngin elektron dərslik bazası yaradılıb. Bu da tədrisdə yeni texnologiyaların imkanlarından geniş istifadə olunmasına, ən əsası isə dərslərin daha yaxşı qavranılmasına imkan verəcəkdir.

Elektron lövhəli sinifdə Heydər Əliyev Muzeyi ilə muxtar respublikanın ümumtəhsil məktəbləri arasında keçirilən “Ümummilli lider Heydər Əliyevin təhsil strategiyası” interaktiv dərsi izlənilib, 4 mindən artıq şagirdə mövzu ilə bağlı ətraflı məlumat verilib.

Ali Məclisin Sədri interaktiv dərslərlə yanaşı, həm də şagirdlərin muzeylərə ekskursiyalarının təşkili və açıq dərslərin keçirilməsi barədə tapşırıqlar verib.

Məktəbin kitabxanasında 9512 latın qrafikalı dərslik və 2273 bədii ədəbiyyat olmaqla, 11 min 785 kitab vardır. Kitabxanada ulu öndər Heydər Əliyevin həyat və fəaliyyətindən, eləcə də oxunması zəruri olan kitablardan və yubileyləri qeyd olunan ədiblərin əsərlərindən ibarət guşələr yaradılıb. Müasir idman zalında, eləcə də hərbi kabinədə də tədris üçün lazımi şərait vardır.

Məktəbin hərbi rəhbəri Bəxtiyar Həsənov muxtar respublikada gənclərin hərbi vətənpərvərlik tərbiyəsinin təşkilinə və hərbi rəhbərlərin hazırlığına xüsusi diqqət yetirildiyini bildirib, göstərilən qayğıya görə minnətdarlıq edib.

Ali Məclisin Sədri çağırışaqədərki hərbi hazırlıq və fiziki tərbiyə dərslərinə diqqətin artırılması, məktəbdə müxtəlif idman yarışlarının keçirilməsi barədə tapşırıqlar verib.

Sonra məktəbin müəllimləri ilə görüş olub.

Ali Məclisin Sədri deyib: Naxçıvan şəhər 5 nömrəli tam orta məktəb nailiyyətləri ilə seçilən qabaqcıl təhsil ocaqlarındandır. Ali məktəblərə qəbulda muxtar respublikanın orta göstəricisi ölkə üzrə orta göstəricidən, 5 nömrəli məktəbin göstəriciləri də muxtar respublikanın orta göstəricisindən yüksəkdir. Bütün bunlar ölkəmizdə təhsilin inkişafı üçün yaradılan şəraitin, müəllim əməyinə verilən qiymətin, eyni zamanda müəllim tələbkarlığının və şagird çalışqanlığının nəticəsidir. Təhsil sahəsində qazanılan uğurlar ölkəmizin gələcəyinə xidmət edir. Dövlətimiz tərəfindən müəllim və şagirdlər üçün hər cür şərait yaradılıb. Məktəb müasir tədrisin tələbləri səviyyəsindədir. Ona görə də yaradılan şəraitdən səmərəli istifadə edilməli, şagirdlər çalışqan, müəllimlər isə tələbkar olmalı, dərslər qavrama yolu ilə öyrədilməli, nailiyyətlər daha da artırılmalıdır. Hər bir müəllimin əsas vəzifəsi vətənpərvər və təhsilli gənclər hazırlamaqdan ibarətdir. Çünki sağlam gənclik ölkəmizin gələcəyidir.

Ali Məclisin Sədri yaradılan şəraitdən səmərəli istifadə olunacağına əminliyini bildirib, qazanılan nailiyyətlərə görə kollektivə təşəkkür edib.

Məktəbin müəllimi Samirə Məmmədova deyib: Məktəbimizdə yaradılan şərait şagirdlərin daha yaxşı təhsil almasına böyük imkanlar açmaqla yanaşı, həm də müəllimləri daha yaxşı işləməyə ruhlandırır. Bu gün muxtar respublikada təhsilə böyük qayğı göstərilir. Gənclərin işlə təminatı diqqətdə saxlanılır. Gənc müəllimlərin müsabiqə yolu ilə məktəblərə qəbul olunması da bu sahədə görülən işlərin davamıdır. Samirə Məmmədova muxtar respublika müəllimləri adından Ali Məclisin Sədrinə minnətdarlıq edib, gənc nəslin təlim-tərbiyəsində səylə çalışacaqlarını bildirib.

Məktəb binasının həyəti də abadlaşdırılıb, yaşıllıqlar salınıb, açıq idman qurğuları quraşdırılıb.

 
  • Oxunub:  1980  |  
  • Tarix:  16-09-2019  |  
  •    Çap et   |  
Get Adobe Flash player
YAP İmadəddin Nəsiminin 650 illik yubileyi münasibətilə keçirilən ağacəkmə kampaniyasında fəal iştirak edib

07 Dekabr 16:15
Mərkəzi Seçki Komissiyasının növbədənkənar parlament seçkiləri ilə bağlı iclası keçirilib
07 Dekabr 16:10
SOCAR “Total” şirkəti ilə “Abşeron” layihəsinə dair müzakirələr aparıb
07 Dekabr 16:04
Kamilə Əliyeva: Mehriban xanım Əliyevanın təşəbbüsü Azərbaycanın qlobal ekoloji tarazlığın qorunmasına töhfəsi, vətəndaş həmrəyliyimizin nümunəsi kimi yadda qalacaq
07 Dekabr 16:02
Səbail rayon seçiciləri Bələdiyyə seçkilərində YAP-ın namizədlərini dəstəkləyir
07 Dekabr 13:50
Vüqar Bayramov: TANAP daxil olmaqla Cənub Qaz Dəhlizinin reallaşması birbaşa Azərbaycan Prezidentinin siyasi iradəsi nəticəsində baş verib
07 Dekabr 13:41
Jalə Əliyeva: Bu məsələ ümummilli maraqları qorumaq deməkdir
07 Dekabr 13:33
Sevinc Hüseynova: Ölkəmizdə aparılan islahatlar son vaxtlar daha böyük vüsət alıb
07 Dekabr 12:49
Fəzail İbrahimli: Ulu Öndər Heydər Əliyev hakimiyyətdə olduğu bütün dövrlərdə xalqımız üçün misilsiz xidmətlər göstərib
07 Dekabr 12:46
Gəncə gəncləri YAP-ın namizədlərinə səs verəcəklər
07 Dekabr 12:43
Nəriman Əliyev: Parlament islahatları ölkəmiz üçün təbii qanunauyğunluqdur
07 Dekabr 10:43
Ermənistan silahlı qüvvələrinin bölmələri snayper tüfənglərindən istifadə etməklə atəşkəs rejimini 24 dəfə pozub
07 Dekabr 10:38
Moskvada MDB İqtisadi Şurasının 84-cü iclası keçirilib
07 Dekabr 10:32
YAP Qaradağ rayon təşkilatı Lökbatan qəsəbəsində seçicilərlə görüş keçirib
07 Dekabr 10:31
Tərtər seçiciləri YAP-ın namizədlərinə səs verəcəklər
07 Dekabr 10:30
Mingəçevirdə bələdiyyə seçkiləri ilə əlaqədar mədəniyyət işçiləri ilə görüş keçirilib
07 Dekabr 10:28
YAP Ağstafa rayon təşkilatında bələdiyyə seçkiləri ilə əlaqədar növbəti görüş keçirilib
07 Dekabr 10:24
Qazax rayonunun Birinci Şıxlı, İkinci Şıxlı, Aslanbəyli və Qaymaqlı kəndlərində seçicilərlə görüşlər keçirilib
07 Dekabr 10:23
Azərbaycan ilə Gürcüstan arasında elm, təhsil və mədəniyyət sahələrində əməkdaşlığın perspektivləri müzakirə olunub
07 Dekabr 10:22
Bərdə rayonunda bələdiyyə seçkiləri ilə əlaqədar Həsənqaya, Tağılar, Hacallı kəndlərində seçicilərlə görüş keçirilib
07 Dekabr 10:20
YAP Sumqayıt şəhər təşkilatının seçki qərargahının üzvləri və namizədlər seçicilərlə görüş keçiriblər
07 Dekabr 10:19
YAP bu seçkilərin də qalibi olacaq
07 Dekabr 10:17
Multikulturalizm siyasətinin ölkəmiz üçün əhəmiyyəti
07 Dekabr 10:14
BDU-da Nəsiminin 650 illik yubileyinə həsr olunmuş respublika elmi konfransı keçirilib
07 Dekabr 10:11
İcbari tibbi sığortanın tətbiqi ilə əlaqədar bu sahə üzrə qanunvericilik təkmilləşdirilir
07 Dekabr 10:07
Ölkəmizdə aqrar sahənin inkişafında mühüm nəticələr əldə olunub
06 Dekabr 21:45
TRASEKA Hökumətlərarası Komissiyasına sədrlik Azərbaycana keçib
06 Dekabr 21:29
Birinci vitse-prezident Mehriban Əliyevanın təşəbbüsü ilə keçirilən ekoloji aksiyada 650 mindən çox ağac əkilib
06 Dekabr 21:20
Naxçıvan Muxtar Respublikası Ali Məclisində görüş
06 Dekabr 21:09
Şahbuz rayonunun Türkeş kəndində qapalı suvarma şəbəkəsi istifadəyə verilib
06 Dekabr 20:26
Yevlax: genişmiqyaslı kampaniya zamanı minlərlə ağac əkilib
06 Dekabr 17:53
YAP Zərdab rayon təşkilatı böyük Azərbaycan şairi və mütəfəkkiri Nəsiminin 650 illik yubileyi ilə bağlı ağacəkmə kampaniyası keçirib
06 Dekabr 17:52
YAP Bərdə rayon təşkilatı “Bir gündə 650 min ağac əkək” kampaniyasında fəal iştirak edib
06 Dekabr 17:47
Ekspert: Azərbaycan Prezidentinin islahatları rəqabətədavamlı dövlət və cəmiyyətin formalaşdırılmasına xidmət edir
06 Dekabr 17:38
Kənd Təsərrüfatı Nazirliyinin kollektivi “Bir gündə 650 min ağac əkək” kampaniyasında fəal iştirak edib
06 Dekabr 17:33
Mübariz Qurbanlı: Hər bir vətəndaş ətraf mühiti, təbiəti qorumaq üçün çox işlər görməlidir
06 Dekabr 17:30
650 min ağacın əkilməsi ekoloji təmizliyə, təbiətin yaşıllaşdırılmasına bir çağırışdır - Bəhruz Quliyev
06 Dekabr 17:26
Səhiyyə naziri Neftçalada vətəndaşları qəbul edib
06 Dekabr 16:57
Lənkəran və Cəlilabadda “KOB Dostu” fəaliyyətə başlayıb
06 Dekabr 16:55
Azərbaycan Qida Təhlükəsizliyi Agentliyinin sədri Gürcüstana səfər edib
06 Dekabr 16:48
Moldovada “Nəsimi dünya dilində” mövzusunda tədbir keçirilib
06 Dekabr 16:47
Almaniyada Azərbaycan mədəniyyətinə hər olunmuş tədbir təşkil edilib
06 Dekabr 16:31
Müdafiə Nazirliyi ağacəkmə aksiyasında iştirak edib
06 Dekabr 16:23
Xəzər rayonunda Nəsiminin 650 illik yubileyi münasibətilə ağacəkmə aksiyası keçirilib
06 Dekabr 16:14
Bir gündə 650 min ağac əkək: Nizami yurdunda əkilən minlərlə ağac təbiətə töhfədir
06 Dekabr 16:09
Nəsimi rayonunda ağacəkmə aksiyası keçirildi
06 Dekabr 16:08
Alessandro Frakasetti: Bu cür təşəbbüslər iqlim dəyişikliyinin fəsadları ilə mübarizə aparmağa kömək edir
06 Dekabr 15:41
Əli Əhmədov: 650 min ağacın əkilməsi kimi möhtəşəm aksiyanın təşəbbüskarı hər cür minnətdarlığa və ehtirama layiqdir
06 Dekabr 15:31
Prezident İlham Əliyev və birinci xanım Mehriban Əliyeva Şamaxı rayonunda ağacəkmə aksiyasında iştirak ediblər
06 Dekabr 15:26
Elman Nəsirov: Ölkə üzrə 650 min ağacın əkilməsinin bir çox baxımdan böyük əhəmiyyəti var
06 Dekabr 15:21
Masallı sakinləri ağacəkmə aksiyasına yüksək əhval-ruhiyyə ilə qoşulublar
06 Dekabr 15:17
Bu gün Qaradağ rayonunda 2 mindən çox ağac əkilib
06 Dekabr 15:13
Ağacların əkilməsi ilə yanaşı, onlara qulluq edilməsi də diqqət mərkəzindədir
06 Dekabr 15:11
Tünzalə Ağayeva: Bugünkü ekoloji aksiyada ilk dəfə ağac əkdim
06 Dekabr 15:09
Milli Məclisin deputatları Gürcüstana səfər edəcəklər
06 Dekabr 14:55
Prezident İlham Əliyev və birinci xanım Mehriban Əliyeva Şamaxıda Şahxəndan türbəsinin ətrafında aparılan abadlıq işləri ilə tanış olublar
06 Dekabr 14:36
Nazir Mikayıl Cabbarov erməni nümayəndənin təxribat xarakterli fikrinə tutarlı cavab verib
06 Dekabr 14:34
Dmitri Savelyev: Mehriban Əliyeva Azərbaycanın müasir beynəlxalq imicini yaradır
06 Dekabr 14:27
Kestutis Yankauskas: Bir gündə 650 min ağacın əkilməsi ekologiyanın təmizlənməsində mühüm rol oynayacaq
06 Dekabr 14:24
Yeni Azərbaycan Partiyası İmadəddin Nəsiminin 650 illik yubileyi münasibətilə keçirilən ağacəkmə kampaniyasında fəal iştirak edib
06 Dekabr 14:21
Ümumi təhsil məktəblərinin gənclərin çağırışaqədərki hazırlığı rəhbərləri üçün seminar-treninq keçirilib
06 Dekabr 14:17
“Əqli mülkiyyət hüquqlarının müdafiəsinin təminatı: ixtisaslaşmış məhkəmələrin milli və beynəlxalq təcrübəsi” mövzusunda seminar işini davam etdirir
06 Dekabr 14:10
İmadəddin Nəsiminin 650 illik yubileyi ilə əlaqədar Nərimanov rayonunda ağacəkmə kampaniyası keçirilib
06 Dekabr 14:07
Bahar Muradova: Bu təşəbbüs torpağımızın yaşıllaşmasına, ekologiyanın sağlamlaşmasına çox böyük töhfədir
06 Dekabr 14:04
Korrupsiyaya qarşı mübarizə sahəsində beynəlxalq əməkdaşlıq uğurla davam etdirilir
06 Dekabr 13:59
Heydər Əliyev adına Azərbaycan Ali Hərbi Məktəbinin kursantlarının çöl çıxışları başlayıb
06 Dekabr 13:52
Qətər Azərbaycanın ərazi bütövlüyünü tanıyır və haqq işini dəstəkləyir
06 Dekabr 13:48
Nizami Gəncəvi Beynəlxalq Mərkəzi Çin Xalq Respublikasında fəaliyyətini gücləndirməkdədir
06 Dekabr 13:18
Səfir Auqusto Massari: Bu təşəbbüs insanları təbiətin qorunması istiqamətində həmrəy olmağa çağırır
06 Dekabr 12:58
Ailə, Qadın və Uşaq Problemləri üzrə Dövlət Komitəsinin əməkdaşları ağacəkmə kampaniyasına qoşulublar
06 Dekabr 12:25
Ukraynalı nazir: TRASEKA-ya üzv ölkələrdə tariflərin eyniləşdirilməsi məqsədəuyğun olar

Video

 

Müsahibə

 

Müəlliflər


»»»
ARXİV
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
HAVA HAQQINDA
Bakı
gündüz+10 +13
gecə+3 +5