Heydər Əliyev
yeni azerbaycan logo

Ana səhifə / Xəbər lenti / Əhməd bəy Ağaoğlunun 150 illik yubileyinə həsr edilmiş konfransın ikinci günü 20-dən çox məruzə dinlənilib

Əhməd bəy Ağaoğlunun 150 illik yubileyinə həsr edilmiş konfransın ikinci günü 20-dən çox məruzə dinlənilib

20.09.2019 [19:37]

Böyük mütəfəkkir Əhməd bəy Ağaoğlunun 150 illik yubileyi ilə əlaqədar olaraq, Azərbaycan İlahiyyat İnstitutu (Aİİ), Türk Ocaqları İstanbul şöbəsi, İstanbul Universiteti Türkiyat Araşdırmaları İnstitutu, Türk Əməkdaşlıq və Koordinasiya Agentliyinin (TİKA) birgə təşkilatçılığı ilə “Türk dünyasının görkəmli ictimai-siyasi xadimi – Əhməd bəy Ağaoğlu” mövzusunda elmi konfrans sentyabrın 20-də öz işini panellərlə davam etdirib.

Aİİ-dən AZƏRTAC-a bildirilib ki, konfransda çıxış edən Milli Məclisin deputatı Qənirə Paşayeva Əhməd bəy Ağaoğlunun həyat və fəaliyyətindən, apardığı milli mücadilənin müxtəlif istiqamətlərindən, onun bir alim, hüquqşünas, millət fədaisi olmasından, türk birliyi və müstəqilliyi müdafiə etməsi kimi məsələlərdən söz açıb. Qeyd edib ki, Əhməd bəy Ağaoğlu milli oyanış hərəkatının daim ön sıralarında dayanan vətənpərvər şəxsiyyət, eyni zamanda, müsəlman Şərqində müasirləşmə siyasətinin ardıcıl tərəfdarı kimi tanınıb.

Panellər AMEA-nın akademik Z.Bünyadov adına Şərqşünaslıq İnstitutunun baş elmi işçisi, professor Solmaz Rüstəmova-Tohidi və Azərbaycan İlahiyyat İnstitutu İslamşünaslıq kafedrasının müdiri, fəlsəfə üzrə fəlsəfə doktoru Əhməd Niyazovun moderatorluğu ilə keçirilib.

Panellərdə professor Temuçin Faik Ertan, dosentlər Lalə Hacıyeva, Rəşad Əsgərov, Fərhad Cabbarov, Cavid Bağırzadə, Leyla Məlikova, Ali Asker, tarix üzrə fəlsəfə doktoru Akif Vəliyev və fəlsəfə üzrə fəlsəfə doktoru Əhməd Niyazov məruzələrlə çıxış ediblər.

Konfransda “Ə.Ağaoğlunun dini-teoloji baxışları”, “Əhməd Ağaoğlunun “İrşad” qəzeti”, “Əhməd bəy Ağaoğlunun sosial-siyasi baxışları”, “Əhməd Ağaoğlunun yaradıcılığında qadına münasibət”, “Demokratiya, yoxsa avtoritarlıq? Əhməd Ağaoğlu – Şevket Süreyya Aydemir polemikası”, “Əhməd bəy Ağaoğlunun siyasi fəaliyyətinin mühüm mərhələsi: “Difai” partiyasının yaradılması və proqramı”, “Bir daha “Difai” partiyası və partiyanın ilk Bəyannaməsi haqqında”, “Əhməd bəy Ağayevin (Ağaoğlunun) (1868-1939) görüşlərinin formalaşmasına İslam “nəhdə”si (İslam dirçəlişi) ideyalarının təsiri”, “Əhməd Ağaoğlunun islahatçılıq düşüncələri” mövzularında məruzələr dinlənilib.

Qeyd edək ki, konfransda 6 paneldə 20-dən çox məruzə dinlənilib.

“Türk dünyasının görkəmli ictimai-siyasi xadimi – Əhməd bəy Ağaoğlu” mövzusunda toplanmış məqalələr kitab şəklində çap olunacaq.

Xatırladaq ki, Aİİ öz fəaliyyətində milli-mənəvi dəyərlərimizin təbliğinə, tələbələrdə vətənpərvərlik ruhunun, Vətənə sevginin və ona bağlılığın gücləndirilməsinə, tanınmış Azərbaycan mütəfəkkirlərinin həyat və yaradıcılığının öyrənilməsinə xüsusi önəm verir.

Paylaş:
Baxılıb: 202 dəfə

Xəbər lenti

Hamısına bax

Xəbər lenti

Xəbər lenti

Sosial

Bayram sonrası....

28 Mart 11:23

Analitik

Siyasət

Siyasət

Siyasət

Xəbər lenti

Siyasət

Növbəti təxribat

28 Mart 10:05

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31