Ana səhifə »  Qəzetin pdf formatı »  Prezident İlham Əliyev: Qafqazda təhlükəsizliyin daha da möhkəmlənməsi və əməkdaşlığın inkişafı üçün Rusiya-Azərbaycan münasibətləri həlledici rol oynayır
A+   Yenilə  A-
Prezident İlham Əliyev: Qafqazda təhlükəsizliyin daha da möhkəmlənməsi və əməkdaşlığın inkişafı üçün Rusiya-Azərbaycan münasibətləri həlledici rol oynayır

Azərbaycanın və Şimali Qafqaz respublikalarının yüksək səviyyəli rəsmilərinin və din xadimlərinin müntəzəm xarakter alan görüşləri, həmçinin sıx qarşılıqlı əlaqələri artıq çoxdan bəri strateji tərəfdaşlıq səviyyəsinə çatmış Rusiya-Azərbaycan münasibətlərinin mühüm amilinə çevrilib
Xəbər verildiyi kimi, bu günlərdə Azərbaycan Respublikasının Prezidenti İlham Əliyev Şimali Qafqaz respublikalarından olan bir qrup müsəlman din xadimindən ibarət nümayəndə heyətini qəbul edib. Qəbulda müzakirə edilən məsələlərin spektri kifayət qədər geniş olub. Qonaqları səmimiyyətlə salamlayan dövlətimizin başçısı Şimali Qafqaz respublikalarından olan bir qrup müsəlman din xadiminin bu günlərdə Bakının böyük uğurla ev sahibliyi etdiyi ikigünlük Dünya dini liderlərinin ikinci Zirvə görüşündə geniş tərkibdə iştirakını yüksək dəyərləndirib. Azərbaycanın Rusiya ilə, o cümlədən də bu ölkənin Şimali Qafqaz respublikaları ilə əlaqələrinin yüksək səviyyəsindən məmnunluğunu bildirən Prezident İlham Əliyev “Çox şadam ki, Şimali Qafqaz respublikalarının dini liderləri Azərbaycanda tez-tez qonaq olurlar. Artıq uzun illərdir ki, biz görüşür, söhbət edir, dinlərarası dialoq, təhsil, Qafqazın dini liderlərinin qarşılıqlı əlaqələri ilə bağlı mühüm məsələləri müzakirə edirik. Hesab edirəm ki, bizim görüşlərimiz və fikir mübadilələri Qafqazda sülhün, təhlükəsizliyin və əməkdaşlığın möhkəmlənməsi üçün çox böyük əhəmiyyət kəsb edir. Əlbəttə ki, bizim görüşlər və sıx qarşılıqlı əlaqələr çox uğurla inkişaf edən və artıq çoxdan bəri strateji tərəfdaşlıq səviyyəsinə çatmış Rusiya-Azərbaycan münasibətlərinin mühüm amilidir”, - deyə qeyd edib.
Şimali Qafqaz xalqları ilə Azərbaycan xalqını çoxəsrlik dostluq, əməkdaşlıq və qardaşlıq tarixi bağlayır
Azərbaycanın milli maraqlar üzərində qurulan xarici siyasətinin prioritetləri hər kəsə bəllidir - respublikamız özünün imkanlarını təqdim edərək ölkələr və xalqlar arasında əməkdaşlığın dərinləşməsinə, təhlükəsizliyin və etimad mühitinin möhkəmlənməsinə daim yeni töhfələr verməyə çalışır. O cümlədən respublikamızın xarici siyasətinin prioritetləri sırasında regional əməkdaşlığın dərinləşdirilməsi, qonşularla münasibətlərin xoş məram əsasında inkişaf etdirilməsi xüsusi yer tutur. Prezident İlham Əliyev belə bir fikri dəfələrlə vurğulayıb ki, hər bir ölkənin uğurlu inkişafı qonşularla münasibətlərdən çox asılıdır. İşğalçı Ermənistanın nümunəsindən də bəlli olduğu kimi, özünü qonşulardan, regional əməkdaşlıqdan təcrid etmiş hər hansı bir dövlətin inkişafla bağlı perspektivi yoxdur. Azərbaycan isə qısa müstəqillik tarixində işğalçı Ermənistan istisna olmaqla bütün qonşuları ilə yüksək səviyyəli siyasi-iqtisadi münasibətlər qurmağa nail olub.
Deyilənlər baxımından, Azərbaycanın şimal qonşusu Rusiyanın ayrı-ayrı subyektləri, o cümlədən də Şimali Qafqaz respublikaları ilə münasibətləri də səciyyəvidir. Azərbaycan xalqı ilə Şimali Qafqaz respublikalarında yaşayan xalqları tarixdən gələn ənənələr birləşdirir. Əsrlər boyu bu xalqlar mehriban qonşular olublar, tarixin sərt sınaqlarına birlikdə dözüblər, yadelli düşmənlərə qarşı birgə mübarizə aparıblar. Qafqaz xalqlarının mədəniyyəti, məişəti, ailə dəyərləri, bütövlükdə yaşam fəlsəfəsi bir-birinə çox yaxındır. Təsadüfi deyil ki, bu xalqların nümayəndələri heç bir məhdudiyyətdən çəkinmədən ailə münasibətləri qurur, xeyirdə, şərdə həmişə bir yerdə olurlar. Bu kimi məqamlara diqqət çəkən Prezident İlham Əliyev vurğulayıb: “Hamıya yaxşı məlumdur ki, Şimali Qafqaz xalqları ilə Azərbaycan xalqını çoxəsrlik dostluq, əməkdaşlıq və qardaşlıq tarixi bağlayır. Biz, sadəcə, atalarımızın, babalarımızın ənənələrini davam etdirir, əlaqələrimizi möhkəmlədir, bununla da Qafqazda təhlükəsizliyin, sabitliyin və inkişafın möhkəmlənməsi işinə çox böyük töhfə veririk. Dəfələrlə dediyimiz kimi, Qafqaz vahid orqanizmdir, o elə bir məkandır ki, orada yerli xalqlar əsrlər boyu yaşayır, qurur, yaradırlar, memarlıq abidələri yaradırlar və gələcəyə inamla baxırlar. Əlbəttə, hesab edirəm ki, Qafqazda təhlükəsizliyin daha da möhkəmlənməsi və əməkdaşlığın inkişafı üçün Rusiya-Azərbaycan münasibətləri həlledici rol oynayır”.
Qafqaz xalqları arasında əməkdaşlıq əlaqələri müxtəlif istiqamətləri əhatə edir. Dövlət başçımız xüsusi olaraq vurğulayıb ki, Qafqazda qarşılıqlı fəaliyyət, əməkdaşlıq və dinlərarası dialoq məsələləri həm Rusiya, həm də Azərbaycan üçün vacibdir. Məlum olduğu kimi, həm Şeyxülislam Allahşükür Paşazadə başda olmaqla Azərbaycanın din xadimləri, həm də Şimali Qafqazın din xadimləri daim sabitliyə, sülhə və əməkdaşlığa çağırış edirlər. Onların çağırışları, bir qayda olaraq, insanların qəlbində əks-səda doğurur. Din xadimlərinin belə fəaliyyəti yüksək qiymətə layiqdir. Yeri gəlmişkən, bir neçə ay bundan əvvəl Prezident İlham Əliyevin Fərmanı ilə Şimali Qafqaz Müftilərinin Əlaqələndirmə Şurasının sədri, Rusiya Federasiyası Qaraçay-Çərkəz müftisi İsmayıl Berdiyev Azərbaycanın yüksək ordeni - “Dostluq” ordeni ilə təltif edilib. Qeyd edək ki, bu orden öz fəaliyyətləri ilə xalqlarımız arasında dostluğun möhkəmlənməsinə töhfə verən xarici ölkə nümayəndələrinə təqdim edilir. Prezident İlham Əliyev “Dostluq” ordenini Şimali Qafqaz Müftilərinin Əlaqələndirmə Şurasının sədri, Rusiya Federasiyası Qaraçay-Çərkəz müftisi İsmayıl Berdiyevə təqdim edib.
Bu məqamda onu da vurğulamaq yerinə düşər ki, Şimali Qafqaz respublikalarının din xadimləri bu günlərdə Bakıda keçirilən Dünya dini liderlərinin ikinci Zirvə görüşündə fəal şəkildə iştirak ediblər. Ümumiyyətlə, bəhs olunan Zirvə görüşünə qatılan qonaqların təmsil etdikləri ölkələrin coğrafiyası kifayət qədər genişdir. Qeyd edək ki, Şeyxülislam Allahşükür Paşazadənin anadan olmasının 70 illiyi ilə bağlı yubiley tədbirləri çərçivəsində keçirilən Sammitdə dünyanın 5 qitəsindən 70-dən çox dövlətin, 25 ənənəvi din və dini təriqətin lider və təmsilçiləri, həmçinin 10-dək nüfuzlu beynəlxalq təşkilatın 500-ə yaxın yüksək səviyyəli nümayəndəsi, o cümlədən Rusiya Federasiyası subyektlərinin başçıları və dini rəhbərləri iştirak ediblər.
Azərbaycan və Rusiya prezidentlərinin sıx qarşılıqlı fəaliyyətləri hər iki ölkənin xalqları üçün çox vacib amildir
Azərbaycanın qonşu dövlətlərlə xoş mərama əsaslanan siyasətinin müsbət təzahürlərini həmçinin Rusiya ilə münasibətdə görmək mümkündür. Azərbaycan və Rusiya həm qonşular, həm də mehriban dostlardırlar. Əlamətdar haldır ki, iki ölkənin münasibətləri getdikcə möhkəmlənir və zamanın dəyişən çağırışlarına uyğun olaraq yeni çalarlarla daha da zənginləşir. Azərbaycanla Rusiya arasında müxtəlif istiqamətləri əhatə edən münasibətlər onilliklər ərzində sınaqdan çıxan tarixi ənənələrə söykənir. Ümumiyyətlə, Azərbaycan-Rusiya əlaqələri çoxşaxəli səciyyə daşıyır. Həyatın elə bir sahəsi yoxdur ki, Azərbaycanla Rusiya sıx əməkdaşlıq etməsinlər.
Bu gün Azərbaycanla Rusiya arasında çox sıx ticari-iqtisadi münasibətlər mövcuddur. Cari ilin əvvəlindən ölkələrimiz arasında əmtəə dövriyyəsi 20 faiz artıb. Statistik məlumatlara diqqət yetirdikdə aydın olur ki, Rusiya Azərbaycanın əsas ticarət tərəfdaşlarından biridir. Rusiyanın Cənubi Qafqaz ölkələri ilə ticarət əlaqələrinin təxminən yarısı Azərbaycanın payına düşür. Bu ölkə qeyri-neft məhsullarımızın ixracı üzrə ilk yerdədir. Azərbaycanda 700-dək Rusiya kapitallı şirkət fəaliyyət göstərir. Ölkələrimiz arasında uğurlu investisiya əməkdaşlığı həyata keçirilir. Rusiya şirkətləri Azərbaycan iqtisadiyyatına 4,7 milyard ABŞ dolları sərmayə yatırıb.
Hazırda iki ölkənin ayrı-ayrı regionları arasında əlaqələr də kifayət qədər yüksək səviyyədədir. Qeyd edək ki, Rusiya Federasiyasının 70-dən artıq subyekti Azərbaycanla iqtisadi əlaqələr saxlayır. Həm də onlardan 17-si ticari-iqtisadi və elmi-texniki əməkdaşlıq barədə Çərçivə sazişləri bağlayıb.
Eyni zamanda, Azərbaycan qonşu ölkədə investisiya qoyuluşunu getdikcə artırır. Respublikamız Rusiyada müxtəlif investisiya layihələri reallaşdırır. İndiyədək Azərbaycan tərəfindən Rusiya iqtisadiyyatına 1,2 milyard ABŞ dollarından çox sərmayələr yönəldilib.
İki ölkə arasında iqtisadi əlaqələr nəqliyyat və enerji sektorlarında da uğurla inkişaf edir. Azərbaycan və Rusiya Şimal-Cənub nəqliyyat dəhlizinin yaradılmasında birgə səy göstərirlər. Hər iki ölkədə bu dəhlizin funksionallığını artırmaq məqsədilə müasir infrastruktur qurulur. Hazırda Xəzərin Azərbaycan sektorunda zəngin karbohidrogen ehtiyatlarının işlənməsində Rusiya şirkətləri də aktiv şəkildə iştirak edirlər. Bu ölkəyə məxsus “Qazprom”, “Transneft” və “Lukoyl” kimi şirkətlər ölkəmizdə uğurla fəaliyyət göstərirlər.
Azərbaycanla Rusiya arasında əməkdaşlığın yüksələn xətlə inkişafında iki ölkənin dövlət başçıları arasında formalaşan dostluq münasibətlərinin rolunu xüsusi vurğulamaq lazımdır. Ölkələrimiz arasında siyasi dialoq yüksək səviyyədədir. İki ölkənin dövlət başçıları və yüksək səviyyəli rəsmiləri mütəmadi görüşlər keçirərək əməkdaşlığın müxtəlif aspektlərini müzakirə edirlər. 2018-ci ildə Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putinlə 4, 2019-cu ildə isə 2 görüşü baş tutub. Dövlət başçılarının müntəzəm xarakter alan görüşləri ikitərəfli qarşılıqlı fəaliyyətin inkişafına çox ciddi impuls verir və regiondakı vəziyyətə öz müsbət təsirini göstərir. “Rusiya Prezidenti ilə məni yaxın, etimada əsaslanan münasibətlər bağlayır. Bu, çox vacibdir. Biz dəqiq başa düşürük ki, sıx qarşılıqlı fəaliyyətimiz, strateji tərəfdaşlığımız bizim üçün, xalqlarımız üçün vacibdir. Bundan əlavə, şəxsi münasibətlər də var. Məhz bu qarşılıqlı etimad səviyyəsi çoxillik, səmimi və həqiqi əməkdaşlıq sayəsində qazanılıb. Bu etimad səviyyəsi bizim hər hansı məsələləri müzakirə etməyimizə və onları həll etməyimizə imkan verir”, - deyə Prezident İlham Əliyev vurğulayıb.
Azərbaycan Prezidenti İlham Əliyevlə Rusiya Prezidenti Vladimir Putin bu yaxınlarda - ötən ay Soçidə görüşüblər. Azərbaycanın dövlət başçısı Rusiya Prezidentinin dəvəti ilə Soçidə “Valday” Diskussiya Klubunun işində iştirak edib. Həmin səfər çərçivəsində Prezident İlham Əliyevin Rusiya Prezidenti Vladimir Putin ilə görüşü olub. Prezident İlham Əliyevin xatırladığı kimi, müzakirələrdə dövlət başçıları tərəfindən münasibətlərimizin çox geniş gündəliyinə bir daha nəzər salınıb və əlaqələrimizin bütün istiqamətlər üzrə durmadan inkişaf etdiyindən məmnunluq ifadə olunub.
Mübariz ABDULLAYEV

 
  • Oxunub:  2250  |  
  • Tarix:  19-11-2019  |  
  •    Çap et   |  

Qəzetin son buraxılışı

2019-cu il Azərbaycanda dərin islahatlar ili kimi tarixə düşüb

18 Yanvar 10:17
2019-cu il Azərbaycanda dərin islahatlar ili kimi tarixə düşüb
17 Yanvar 22:55
Mərkəzi Seçki Komissiyasının iclası keçirilib
17 Yanvar 21:46
Azərbaycan Dilqəm Əsgərovun və Şahbaz Quliyevin qanunsuz həbsi ilə bağlı BMT baş katibinə məktub göndərib
17 Yanvar 21:44
Rusiya XİN: Ötən il Azərbaycanla strateji tərəfdaşlıq bütün əsas istiqamətlərdə yüksələn xətt üzrə inkişaf edib
17 Yanvar 21:30
Nazirlər Kabinetində əmək münasibətlərinin tənzimlənməsinə həsr olunmuş müşavirə keçirilib
17 Yanvar 21:22
AMEA Rəyasət Heyətinin iclası keçirilib
17 Yanvar 21:16
20 Yanvar faciəsi insanlıq əleyhinə cinayətdir
17 Yanvar 17:34
MİDA və YAP Nəsimi rayon təşkilatı 20 Yanvar şəhidlərinin ailə üzvləri və əlillər ilə görüş təşkil edib
17 Yanvar 17:32
66 saylı Biləsuvar seçki dairəsində 106 müşahidəçi qeydiyyatdan keçib
17 Yanvar 17:17
“İrəli” İctimai Birliyinin “Könüllülər ili” ilə əlaqədar fəaliyyət planı müzakirə olunub
17 Yanvar 17:01
19 saylı Nərimanov birinci seçki dairəsindən Yeni Azərbaycan Partiyasının deputatlığa namizədi Hikmət Babaoğlu Nərimanov rayon gəncləri ilə görüş keçirib
17 Yanvar 16:51
MSK nəzdində fəaliyyət göstərən Mətbuat qrupunun tərkibində dəyişiklik edilib
17 Yanvar 16:41
RF Dövlət Dumasının deputatı Dmitri Savelyev Bakıya “Əmək rəşadəti şəhəri” adı verilməsini təklif edib
17 Yanvar 16:31
Siyasi analitik: "Seçkiqabağı təbliğat və təşviqat dövründə gənclər öz potensiallarını göstərməlidirlər"
17 Yanvar 16:29
YAP Goranboy rayon təşkilatı təbliğat kampaniyasına start verib
17 Yanvar 16:26
17 saylı Yasamal üçüncü seçki dairəsi üzrə deputatlığa namizəd Elnur Allahverdiyev seçicilərlə ilk görüşünü keçirib
17 Yanvar 16:15
AMEA-nın Şərqşünaslıq İnstitutunda 20 Yanvar şəhidlərinə həsr olunan tədbir keçirilib
17 Yanvar 16:11
Naqif Həmzəyev: Ermənistan heç bir sahədə Azərbaycanla rəqabət aparmaq imkanında deyil
17 Yanvar 16:08
Xətai rayonunda YAP-ın namizədlərinin seçki qərərgahı təbliğat-təşviqat kampaniyasına start verdi
17 Yanvar 16:06
Ali Məhkəmənin sədri Salyanda vətəndaşları qəbul edib
17 Yanvar 16:03
Müdafiə naziri ATƏT-in fəaliyyətdə olan sədrinin şəxsi nümayəndəsi ilə görüşüb
17 Yanvar 15:59
Bakı Şəhər Baş Polis İdarəsində ötən ilin yekunları müzakirə olunub
17 Yanvar 15:58
Millət vəkili seçilərəmsə əlimdən gələni edəcəm ki, insanlar mənə səs verdikləri üçün təəssüflənməsinlər
17 Yanvar 15:53
Prezident Kitabxanasında 20 Yanvar şəhidlərinə həsr edilmiş foto və kitab sərgisinin açılışı olub
17 Yanvar 15:51
Qida Təhlükəsizliyi Agentliyi ötən ilin yekunları ilə əlaqədar hesabat verib
17 Yanvar 15:45
Milli Kitabxanada 20 Yanvar faciəsinə həsr edilmiş kitabların və elektron məlumat bazasının təqdimatı olub
17 Yanvar 15:41
Yeni Azərbaycan Partiyası pulsuz efir hüququndan imtina ilə bağlı Mərkəzi Seçki Komissiyasına müraciət etdi
17 Yanvar 15:35
Yeni Azərbaycan Partiyası öz gücünü xalqdan alır və seçkilərdə də bu amil vacib şərtlərdən biridir
17 Yanvar 15:31
YAP Oğuz rayon təşkilatı təbliğat-təşviqat kampaniyasına start verib
17 Yanvar 15:30
“Aparılan islahatlar parlament seçkilərində gənclərin yeni ideyalarla iştirakına stimul verəcək” - Arye Qut
17 Yanvar 15:26
AzMİU-da 20 Yanvar şəhidlərinin xatirəsi anılıb
17 Yanvar 15:18
Hüseynbala Mirələmov: 2020-ci ilin Azərbaycanda "Könüllülər ili” elan edilməsinin böyük rəmzi mənası var
17 Yanvar 15:16
Qazaxıstanlı ekspert: “Azərbaycandakı seçkilər digər ölkələr üçün müsbət nümunə olacaq”
17 Yanvar 15:03
Naftalanda da YAP üzvləri fəallıqları ilə fərqlənirlər
17 Yanvar 14:57
Dövlət Şəhərsalma və Arxitektura Komitəsində 20 Yanvar şəhidlərinin xatirəsi anılıb
17 Yanvar 14:56
İlahiyyat İnstitutunda qış imtahan sessiyası davam edir
17 Yanvar 14:52
Şəmkirdə 3 istiqamət üzrə 32,9 kilometrlik yol yenidən qurulub
17 Yanvar 14:46
YAP Samux rayon təşkilatı təbliğat kampaniyasına başlayıb
17 Yanvar 14:43
YAP Xəzər rayon təşkilatı təbliğat-təşviqat kampaniyasına start verib
17 Yanvar 14:34
Prezidentin köməkçisi: Ermənistan tərəfi münaqişənin həlli ilə bağlı cəfəng fikirlər söyləmək əvəzinə lazımi addımları atmalıdır
17 Yanvar 14:29
Gəncədə seçkiqabağı təşviqat kampaniyasına start verildi
17 Yanvar 14:25
Pərvin Kərimzadə: Ölkəmizin MDB tarixində ən böyük sosial paketə imza atıb
17 Yanvar 14:23
Hikmət Hacıyev: Aİ-nin Azərbaycanın ərazi bütövlüyü ilə bağlı ardıcıl mövqeyini yüksək qiymətləndiririk
17 Yanvar 14:20
Ukraynalı jurnalist: Azərbaycanın yeni parlamenti ölkədə aparılan islahatlara müvafiq olacaq
17 Yanvar 14:14
Xaçmazda 9 fevral 2020-ci il tarixdə keçiriləcək Milli Məclisə seçkilərə təbliğat-təşviqat kompaniyasına start verildi
17 Yanvar 14:12
Ravalpindidə Azərbaycan-Pakistan işçi qrupunun növbəti görüşü keçirilib
17 Yanvar 14:08
Azərbaycan və Ermənistan xarici işlər nazirlərinin görüşü olacaq
17 Yanvar 13:33
Milli Məclisə seçkilər: ötən illərdə qazanılan zəngin təcrübə
17 Yanvar 13:04
YAP Yevlax rayon təşkilatı bu dəfə də təbliğat-təşviqat kampaniyasında öz fəallığı ilə fərqlənir
17 Yanvar 12:54
Bədən Tərbiyəsi və İdman Akademiyasında 20 Yanvar şəhidlərinin xatirəsi anılıb
17 Yanvar 12:50
KOBİA-da 20 Yanvar şəhidlərinin xatirəsi yad edilib
17 Yanvar 12:46
ADA Universiteti Xarici İşlər Nazirliyi ilə birgə 20 Yanvar faciəsinin 30-cu ildönümünə həsr olunan tədbir təşkil edib
17 Yanvar 12:44
YAP Astara rayon təşkilatı parlament seçkilərinin təbliğat-təşviqat kampaniyasına start veridi
17 Yanvar 12:33
YAP Ağdaş rayon təşkilatı Milli Məclisə seçkilərin təbliğat-təşviqat kampaniyasına start verdi
17 Yanvar 12:24
Rusiya Dövlət Akademik Böyük Teatrının ulduzları “Qu gölü” tamaşasında iştirak edəcəklər
17 Yanvar 12:21
İppoterapiya - atla müalicə üsulu bir çox xəstəliklərin müalicəsində effektiv təsir göstərir
17 Yanvar 12:11
YAP Tərtər rayon təşkilatı təbliğat-təşviqat kampaniyasına uğurla start verib
17 Yanvar 12:03
Naxçıvanın Bakıdakı daimi nümayəndəliyində 20 Yanvar faciəsi ilə bağlı anım tədbiri keçirilib
17 Yanvar 11:51
YAP Qazax rayon təşkilatı təbliğat-təşviqat kampaniyasına start verib
17 Yanvar 11:47
Ötən il qida təhlükəsizliyi qeydiyyatı ilə əlaqədar müraciət edən 10 min 652 sahibkarlıq subyektindən 405-dən imtina olunub
17 Yanvar 11:45
YAP Binəqədi rayon təşkilatı tərəfindən partiyanın millət vəkilliyinə irəli sürülmüş namizədlərinin təbliğat-təşviqat kampaniyasına start verildi
17 Yanvar 11:40
22 saylı Nizami II seçki dairəsində 117 nəfər müşahidəçi qeydiyyatdan keçib
17 Yanvar 11:36
YAP Bərdə rayon təşkilatı təbliğat kampaniyasına start verib
17 Yanvar 11:30
AŞPA nümayəndə heyəti seçkiqabağı vəziyyəti öyrənmək üçün Azərbaycana gələcək
17 Yanvar 11:28
YAP Sumqayıt şəhər təşkilatı təbliğat kampaniyasına başladı
17 Yanvar 11:23
YAP tərəfindən 17 saylı Yasamal üçüncü seçki dairəsindən MM-in üzvlüyünə namizəd Elnur Allahverdiyevin təbliğat kampaniyasına möhtəşəm start verildi
17 Yanvar 11:20
ABŞ səfiri: “Azərbaycanda parlament seçkilərinə çoxlu sayda namizədin qeydə alınmasını görməkdən şadıq”
17 Yanvar 11:15
YAP Gədəbəy rayon təşkilatı təbliğat prosesini uğurla həyata keçirir
17 Yanvar 11:10
Rusiyalı ekspert: "Yeni tərkibli parlament islahatlar kursunu daha da sürətləndirməyə qadir olmalıdır"
17 Yanvar 11:09
YAP Şəmkir rayon təşkilatı tərəfindən partiyanın millət vəkilliyinə irəli sürülmüş namizədlərinin təbliğat-təşviqat kampaniyasına start verildi

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
HAVA HAQQINDA
Bakı
gündüz+2 +4
gecə+2 +4