Ana səhifə »  Xəbər lenti »  İnanıram ki, 2020-ci il fevral ayının 9-da seçicilərin əksəriyyəti Yeni Azərbaycan Partiyasının namizədlərinə səs verəcək
A+   Yenilə  A-
İnanıram ki, 2020-ci il fevral ayının 9-da seçicilərin əksəriyyəti Yeni Azərbaycan Partiyasının namizədlərinə səs verəcək

41 saylı Sumqayıt birinci seçki dairəsindən deputatlığa namizəd Hicran Hüseynova
- Hicran xanım, Yeni Azərbaycan Partiyası tərəfindən deputatlığa namizədliyinizin irəli sürülməsi sizin üçün gözlənilən idi?

- Azərbaycanın müstəqillik tarixi ilə yaşıd olan Yeni Azərbaycan Partiyası ötən 27 il ərzində ölkəni ictimai, siyasi, iqtisadi böhrandan, təhlükələrdən xilas edib. Yeni Azərbaycan Partiyasının qurucusu və lideri Ulu Öndər Heydər Əliyev tarixi xilaskarlıq missiyasını öz çiyinləri üzərinə götürərək, Azərbaycanda ictimai-siyasi sabitliyi bərpa etdi, ölkədə iqtisadi və siyasi islahatlar keçirildi, ən əsası isə xalq sözün həqiqi mənasında öz taleyinin sahibi oldu. Son 16 ildə bu siyasətin davamı olaraq Partiyanın sədri Prezident İlham Əliyevin rəhbərliyi ilə ölkədə nəhəng quruculuq işləri görülür, ölkəmiz gündən - günə inkişaf edir, daha da güclənir. Sözsüz ki, bu partiyanın üzvü olmaq mənim üçün şərəfdir. Yeni Azərbaycan Partiyasının Siyasi Şurasının üzvü olaraq, partiyanın fəaliyyətində aktiv iştirak edirəm, bir sıra təşəbbüslər göstərirəm. Eyni zamanda, Milli Məclisdə bu partiyanı təmsil etmək istəyim də var idi. Buna görə də mən ilk növbədə Partiyamızın sədri, Azərbaycan Respublikasının prezidenti İlham Əliyevə, partiyanın ali orqanlarına, üzvlərinə, öz həmfikirlərimə təşəkkür edirəm ki, mənə etimad göstərib, Milli Məclisə növbədənkənar seçkilərdə iştirak etmək üçün namizədliyimi irəli sürüblər. Bu, böyük bir inamdır, etibardır. Çalışacağam ki, seçki prosesində çox fəal olum, seçicilərlə ardıcıl görüşlər keçirərək, ərazi üzrə vətəndaşların rast gəldiyi problemləri dinləyim, onların təkliflərini öyrənim. Seçicilərin problemlərini onlarla birlikdə, onların iştirakı ilə həll etməyə çalışacağam. Ölkədə keçirilən islahatlara dəstək verməklə, bu işdə bütün səylərimizi Sumqayıt əhalisi ilə birgə səfərbər edəcəyəm.

- Prezident İlham Əliyevin rəhbərliyi ilə ölkəmizdə genişmiqyaslı islahatlar keçirilir. Sizcə, qanunvericilik sahəsində də aparılan islahatlar ölkəmizin ümumi inkişafına hansı töhfələr verəcək?

- 2003-cü ildən başlayaraq Yeni Azərbaycan Partiyasının sədri, ölkə başçısı İlham Əliyevin rəhbərliyi altında Azərbaycanda nəhəng quruculuq işləri aparılır. Respublikamızın sosial-iqtisadi və mədəni inkişafı, dünyanın ən dinamik iqtisadiyyatı, ən islahatçı dövləti, bir çox mötəbər reytinqlərdə ən layiqli yer tutması müasir tariximizin ən parlaq səhifələridir. Hazırda ölkəmiz nəinki regionun, dünyanın lider ölkələri sırasında olmaqla bərabər, həm də əksər regional və ya beynəlxalq layihələrin əsas tərəfdaşıdır. Əlbəttə ki, burada Partiyanın sədr müavini, Azərbaycanın Birinci vitse-prezidenti Mehriban Əliyevanın fəaliyyətini də xüsusilə qeyd etmək istərdim. Ölkə daxilində baş verən siyasi proseslər, sosial və idarəetmə sahəsində aparılan islahatlar həm əhalinin həyat şəraitinin yaxşılaşdırılmasına, həm də dövlətimizin daha da gücləndirilməsinə öz mühüm və müsbət təsirini göstərir. Hətta deyərdim ki, 2019-cu il Azərbaycan tarixinə sosial islahatlar ili kimi düşmüşdür. Çünki, Prezident İlham Əliyevin imzaladığı fərman və sərəncamlar əsasında reallaşdırılan böyük sosial tədbirlər paketi bütün kateqoriyalardan olan vətəndaşlarımızın rifah halını yüksəltmişdir. Əhalinin sosial müdafiəsi sahəsində olduqca vacib islahatlar aparılır. İnsanların rifah halı gündən- günə yaxşılaşmağa doğru gedir. Çox geniş, 4 milyon 200 min əhalini əhatə edən sosial paketin tətbiqi nəticəsində bəzi müavinətlər 50 faiz, bəzi müavinətlər 100 faiz, yəni 2 dəfə artmışdır. Minimum əməkhaqqı 2 dəfə, minimum pensiya 70 faiz artmışdır. Minimum pensiyanın alıcılıq qabiliyyətinə görə biz bu gün MDB məkanında birinci yerdəyik. Prezident İlham Əliyev həmişə qeyd edir ki, bizim siyasətimizin mərkəzində Azərbaycan vətəndaşları, onların maraqları dayanır. İqtisadi imkanlarımız genişləndikcə sosial sahəyə bundan da böyük diqqət göstəriləcək. Sosial infrastrukturun inkişafı göz önündədir. Nə qədər məktəb, tibb müəssisəsi, idman və gənclər mərkəzləri əsaslı təmir edilib və ya yenidən tikilib. Azərbaycanın inkişafını beynəlxalq reytinq təşkilatları da təsdiq edirlər. Belə ki, Dünya Bankının “Doing Business” proqramı çərçivəsində Azərbaycanı 10 ən islahatçı ölkə kimi tanıması və ölkəmizin 32 pillə irəliləyərək hazırda 25-ci yerdə qərarlaşması dediklərimizin əyani sübutudur. Və bu islahatlar keyfiyyətcə yeni mərhələyə keçərək idarəetmə sahələrini də əhatə etməyə başlayıb. İcra hakimiyyəti sahəsində ciddi struktur islahatları, kadr dəyişiklikləri idarəetmənin çevikliyini artırmağa, səmərəlilik səviyyəsini yüksəltməyə hədəflənib. Bu prosesin məntiqi davamı olaraq, icra və məhkəmə hakimiyyəti ilə yanaşı, qanunverici hakimiyyəti də əhatə etməsi zərurəti yaranır. Qanunverici hakimiyyət sahəsi də yeniləşməli, parlamentin fəaliyyəti daha təkmilləşdirilməli, öz işini islahatlar strategiyasına uyğun olaraq təşkil etməlidir. Biz inanırıq ki, keyfiyyətcə yeni parlament formalaşacaq. Günün tələblərini nəzərə almaqla, ən önəmlisi isə vətəndaşların ehtiyac və maraqlarına əsasən inkluzivlik prinsipi, mənafelər balansının pozulmaması əsasında işlək qanunlar və normalar qəbul olunacaq.

Ayrıca olaraq, bir məsələni qeyd edərdim ki, ölkədə Prezident tərəfindən keçirilən sosial iqtisadi islahatlar əhali tərəfindən xüsusi rəğbətlə qarşılanır. Ölkəmizlə bağlı beynəlxalq hesabatlarda, beynəlxalq təşkilatların reytinqlərində müsbət dinamika ilə göstərilir. Bir daha bildirmək istəyirəm ki, Azərbaycan dünya miqyasında müasir, öz tarixinə, ənənələrinə sadiq, sürətlə inkişaf edən ölkədir. Cənab Prezidentimiz güclü siyasi iradə nümayiş etdirir. Onun siyasəti hər bir vətəndaş tərəfindən birmənalı olaraq müsbət qiymətləndirilir. Çünki hamı yaxşı bilir ki, bu siyasətin mərkəzində xalq-dövlət-cəmiyyət və onun yüksək həyat tərzi- rifahı dayanır.

- Siz uzun illər Ailə, Qadın və Uşaq Problemləri üzrə Dövlət Komitəsinin sədri vəzifəsində çalışmısınız. Necə düşünürsünüz, bu amil, qazandığınız böyük təcrübə qanunvericilik sahəsində fəaliyyətinizə nə kimi təsir göstərəcək?

- İnsan hüquqlarının və azadlıqlarının qorunması və təmin edilməsi dövlətimizin başlıca vəzifəsidir. Bu siyasətin həyata keçirilməsinə Ulu Öndər Heydər Əliyev xüsusi həssaslıqla yanaşırdı. 1998-ci ildə Azərbaycan Respublikasının Qadın Problemləri üzrə Dövlət Komitəsi yaradıldı. Elə həmin ildə "Azərbaycanda qadınların rolunun artırılması haqqında", 2000-ci ildə “Azərbaycan Respublikasında dövlət qadın siyasətinin həyata keçirilməsi haqqında” Azərbaycan Respublikası Prezidentinin Sərəncamları qadınların istənilən sahədə fəaliyyət göstərməsi üçün münbit şərait yaratmışdır. 2006-cı ildə Prezident İlham Əliyevin Fərmanı ilə Qadın Problemləri üzrə Dövlət Komitəsinin bazasında yaradılan yeni qurum- Ailə, Qadın və Uşaq Problemləri üzrə Dövlət Komitəsi dövlət başçısının ailələrə, qadınlara və uşaqlara olan diqqət və qayğısının aydın təzahürüdür. Ölkə başçısı tərəfindən aparılan uğurlu siyasətin nəticəsi olaraq bu gün ailə, qadın və uşaq hüquqlarının müdafiəsi istiqamətində gözlə görünən nəticələr əldə olunmuşdur. Xüsusilə də bu sahədə bir sıra mühüm qanunlar qəbul edilmiş və davamlı islahatlar həyata keçirilmişdir. Öz fəaliyyəti dövründə Komitə tərəfindən 8 qanunvericilik aktı hazırlanıb və Milli Məclis tərəfindən qəbul edilib. Nazirlər Kabineti tərəfindən 10 normativ hüquqi akt təsdiq olunub. İnsan hüquqları çərçivəsində beynəlxalq əməkdaşlığın qurulması və ölkənin beynəlxalq Konvensiyalara qoşulması üzrə təşəbbüslər göstərilmiş və müsbət nəticələr əldə edilmişdir. Gender bərabərliyi, məişət zorakılığının qarşısının alınması, valideyn məsuliyyətinin artırılması, uşaqların zərərli informasiyadan qorunması haqqında qanunlar qəbul edilmiş, nikah yaşı qaldırılmış, erkən və məcburi nikahların qarşısının alınması məqsədilə qanunvericilikdə məsuliyyət müəyyən edilmişdir.Nəticədə ölkədə qadın və uşaq hüquqları daha da inkişaf etdirilmiş, bu sahələrdə əhalinin məlumatlılıq səviyyəsi artırılmış, erkən nikahların sayı azalmışdır. Eyni zamanda, qadınların seçkili orqanlarda xüsusilə, bələdiyyələrdə və parlamentdə, habelə yerli icra hakimiyyətlərində təmsilçiliyi artırılmış, qadın sahibkarlığına dəstək gücləndirilmişdir. Qeyd etmək lazımdır ki, qadın və uşaqların hüquqlarının müdaifəsi sahəsində qanunların qəbul edilməsində Respublikanın Birinci vitse-prezidenti Mehriban xanım Əliyevanın çox böyük rolu olmuşdur. Möhtərəm Prezidentimiz İlham Əliyevin rəhbərliyi ilə aparılan sistemli islahatlar, bölgələrin inkişafına yönəldilən sosial-iqtisadi proqramlar ailələrin, əsasən də qadın və uşaqların yaşayışına, xüsusi risk qrupuna daxil olan vətəndaşların, xüsusilə qaçqın və məcburi kökçünlərin həyat şəraitinə müsbət təsir göstərir. Nəticə olaraq BMT-nin CEDAW Komitəsi (Qadınlara qarşı ayrı-seçkiliyin bütün formalarının aradan qaldırılması üzrə Komitə) ölkəmizin sonuncu dövrü məruzəsi ilə bağlı rəyində Azərbaycanda qadın hüquqlarının və gender bərabərliyinin təmin edilməsi sahəsində həyata keçirilən tədbirləri yüksək qiymətləndirmişdir. BMT-nin Dayanıqlı İnkişaf Gündəliyinin qadın hüquqları ilə bağlı 5-ci məqsədinin ölkəmizdə bu sahədə görülən işlərlə 97% üst-üstə düşdüyü müəyyən edilmişdir. Çox illik elmi pedaqoji və dövlət məmuru təcrübəsi olan, Azərbaycanda siyasi elmlər üzrə doktorluq dərəcəsi alan ilk qadın alim kimi, uzun illər ölkəmizi beynəlxalq səviyyədə, BMT-də, Avropa İttifaqında, müxtəlif dövlətlərin parlamentlərində təmsil etmişəm. Bir sıra mühüm beynəlxalq əhəmiyyətli konfranslarda iştirak edərək, Azərbaycanın uğurlu təcrübəsi haqqında geniş məruzələr etmişəm. Fəaliyyət göstərdiyim sahələrdən irəli gələrək qeyd etmək istərdim ki, ölkədə qadınların ictimai-siyasi proseslərdə iştirakı artıb. Azərbaycanın demək olar ki, əksər rayonlarında İcra Hakimiyyəti başçılarının müavinləri qadınlardır. Əgər 1990-cı ildə bütün deputatların dörd tam onda üç faizini qadınlar təşkil edirdisə, 2015-ci ildə keçirilən parlament seçkilərində qadın millət vəkillərinin sayı artaraq on altı tam onda səkkiz faizə yüksəlib. 2004-cü ildə bələdiyyə üzvü seçilmiş qadınlar dörd faiz idisə, 2019-cu ildə bu göstərici otuz doqquz faizə çatıb. Son yeddi ildə qadın sahibkarların sayı üç dəfəyə qədər artaraq yüz doxsan mini ötüb. 90-cı illərdə 4 qadın qeyri-hökumət təşkilatı var idisə, bu gün bu rəqəm 200-dən çoxdur. Ailə institutunun möhkəmləndirilməsi sahəsində çoxsaylı maarifləndirmə işləri aparılıb, ailələrimizi yad təsirlərdən, neqativ hallardan qorumaq üçün müxtəlif layihələr həyata keçirilib. Ölkə başçısı tərəfindən aparılan uğurlu siyasətin nəticəsi olaraq bu gün ailə, qadın və uşaq hüquqlarının müdafiəsi istiqamətində nailiyyətlər əldə olunub. Mən bu illər ərzində Cənab Prezidentin tapşırığı ilə Azərbaycanın bütün regionlarında qəbullar, görüşlər keçirmişəm. Vətəndaşların problemləri ilə tanış olaraq bütün müvafiq qurumların qarşısında həmin məsələləri qaldırmış və onların həll edilməsinə çalışmışam. Müxtəlif sosial təbəqələrin nümayəndələri ilə qiymətləndirmələr, monitorinqlər keçirmişik. Bütün bu məlumatlar və təhlillər bir daha göstərir ki, insan hüquqlarının müdafiəsinin daha da gücləndirilməsi üçün qanunvericilik istiqamətində həm mövcud qanunlara dəyişikliklərin edilməsinə, həm də yeni sənədlərin qəbuluna ehtiyac vardır. Bu gün davamlı və sürətlə inkişaf edən ölkəmizdə qanunyaratma fəaliyyətində də yeni yanaşma olmalıdır, hər kəsi əhatə edən çevik mexanizmlər formalaşmalıdır. Bu baxımdan düşünürəm ki, insan hüquqlarının qorunması, sosial müdafiəsi istiqamətində qanuvericilik bazasının daha da təkmilləşdirilməsinə töhfə verə bilərəm.

- Hicran xanım, Yeni Azərbaycan Partiyası tərəfindən 41 saylı Sumqayıt birinci seçki dairəsindən deputatlığa namizədliyiniz irəli sürülüb. Bu dairə üzrə seçicilərə nə deyərdiniz?

- Məni 70 illiyini bu yaxınlarda qeyd etdiyimiz Sumqayıt şəhəri, onun dəyərli əhalisi ilə doğma tellər bağlayır. Uşaqlığım, gəncliyim bu şəhərdə keçib. Bu şəhərdə mənim doğmalarım, qohumlarım, yaxın tanışlarım, dostlarım çoxdur. Atam Kamran Hüseynov müxtəlif dövrlərdə üç dəfə bu şəhərə rəhbərlik edib. O, Ulu Öndər Heydər Əliyevin yaxın silahdaşlarından biri idi. Atamın Ümummilli Liderin rəhbərliyi ilə ölkəmizin müxtəlif bölgələrində, o cümlədən də, Sumqayıtda yeni yaşayış məntəqələrinin salınmasında, onların sənaye mərkəzlərinə çevrilərək inkişaf etməsində xidmətləri olub. Bu baxımdan mən bu şəhərə, onun sakinlərinə xüsusi hörmət bəsləyirəm. Eyni zamanda, bu şəhərin sakinləri çox zəhmətkeş, fədakar, ziyalı, müxtəlif mədəniyyətlərə tolerant yanaşan, yeniliyə meylli insanlardır.

Seçicilərimə üzümü tutub söyləyirəm ki, inanın, seçin, səs verin ki, mən də sizin problemlərinizi yüksək tribunadan - Milli Məclisdən səsləndirim. Yalnız problemləri səsləndirməklə deyil, real işlə də sizin inamınızı qazanmağa çalışacam. Sizin vəkiliniz olmağımı özüm üçün böyük şərəf və qürur sayıram. Əgər mənə etimad göstərib, səs verərsinizsə, qarşıdakı beş il ərzində hər zaman sizinlə birlikdə olacam. Problemlərinizin sistemli şəkildə həlli üçün mütəmadi olaraq sizin fikirlərinizi öyrənib, təhlil edib, parlamentdə məsələlər qaldırmağa səy edəcəm. Öz fəaliyyətimlə həm vətəndaşlarımızın, insan hüquqlarının qorunmasına, həm də parlamentin ölkə prezidentinin həyata keçirdiyi islahatlara dəstək verməsinə çalışacam. Bu gün gənclərin ölkənin ictimai-siyasi həyatında iştirakı xüsusi əhəmiyyət kəsb edir. Mən də öz təcrübəmdə gənclərin daha məsuliyyətli, kreativ olduqlarını müşahidə etmişəm. Gənclər bu dövlətin və xalqımızın ən mühüm sərvətidir. Bu fikri əsas tutaraq gənc seçicilərimə dəstək olacam, onların fəallığının artırılması üçün səy göstərəcəm! Əmək qabiliyyəti olan hər kəs, kişilər və qadınlar iş axtaran deyil, iş təklif edənə çevrilsinlər. Əmək bazarında aktiv iştirak etsinlər, sahibkarlıqla məşğul olsunlar. İnkişaf edən ölkədə rəqabətədavamlılıq olmalıdır. Bunun üçün ölkə başçısı tərəfindən bütün imkanlar yaradılır. Buna mane olan hər hansı boşluqlar varsa, onu müəyyən edib, hüquqi müstəvidə həll edilməsinə çalışacam!

Mən Sumqayıtın hər bir vətəndaşının, bu ərazidə yaşayan hər kəsin, uşağın, gəncin, qadının, sahibkarın, əlilliyi olan şəxslərin, qaçqın və məcburi köçkünlərin, aztəminatlı ailələrin problemlərini və qayğılarını həll etmək üçün ölkə qanunvericiliyi çərçivəsində müvafiq dövlət və icra hakimiyyəti strukturları qarşısında qaldırmağa cəhd edəcəm, hər bir vətəndaşın yanında olmağa çalışacam və onlara dəstək göstərəcəm. Sonda dəyərli 41 saylı Sumqayıt birinci seçki dairəsindən olan seçicilərimə deyirəm: Gəlin birlikdə yeniləşən Azərbaycanımızın inkişafına dəstək olaq!!!

Artıq Yeni Azərbaycan Partiyası Milli Məclisə növbədənkənar keçiriləcək seçkilərdə iştirak etmək üçün öz namizədlərini müəyyən edib. İnanıram ki, 2020-ci il fevral ayının 9-da seçicilərin əksəriyyəti Yeni Azərbaycan Partiyasının namizədlərinə səs verəcək, Prezident İlham Əliyevin islahatlar strategiyasına öz dəstəklərini növbəti dəfə nümayış etdirəcəklər. Yeni Azərbaycan Partiyası olaraq həmişəki kimi demokratik seçki kampaniyası aparacağımıza əminəm.

Mən seçiciləri 9 fevral 2020-ci ildə Azərbaycan Respublikasının Mili Məclisinə keçiriləcək azad, demokratik seçkilərdə fəal iştirak etməyə, öz siyasi iradənizi göstərməyə və nəhayət, inkişafa, yeniləşməyə, innovasiyalara, ictimai-siyasi sabitliyə - Daha güclü Azərbaycan naminə Yeni Azərbaycan Partiyasına və onun namizədlərinə səs verməyə çağırıram!

 
  • Oxunub:  2850  |  
  • Tarix:  24-01-2020  |  
  •    Çap et   |  

Qəzetin son buraxılışı

Prezident İlham Əliyev: Azərbaycan bu sınaqdan da şərəflə və az itkilərlə çıxacaq

03 Aprel 19:46
Hikmət Babaoğlu: Milli Məclisdə aparılan islahatlar səmərəliliyi daha da artıracaq
03 Aprel 15:53
Aydın Hüseynov: İqtisadi dəstək və sosial paket proqramlarının qəbulu dövlət büdcəsinin icrası ilə bağlı problem yaratmayacaq
03 Aprel 15:39
Prezident İlham Əliyev: Bakı-Sumqayıt yolu və bütün qovşaqlar iki aya, maksimum üç ay ərzində istifadəyə verilməlidir
03 Aprel 15:35
Dmitri Savelyev: Dağlıq Qarabağda seçkilər siyasi cəhətdən mənasız olmaqla bərabər, pandemiya dövründə təhlükəlidir
03 Aprel 14:30
Prezident İlham Əliyev Bakı-Sumqayıt yolunun genişləndirilməsi çərçivəsində görülən işlərlə tanış olub
03 Aprel 12:49
QHT-lərin koronavirusla mübarizəyə həsr olunan ümumrespublika onlayn konfransı keçirilib
03 Aprel 12:46
Türkiyə vətəndaşlarının ölkəyə gətirilməsi davam edəcək
03 Aprel 12:40
Pandemiya ilə mübarizədə dövlət dəstəyi proqramları: regional iqtisadiyyatların həcmi baxımından ayrılan vəsaitə görə Azərbaycan liderdir
03 Aprel 12:21
Füzuli rayonunda 14 ədəd subartezian quyusu qazılacaq – Sərəncam
03 Aprel 12:10
Azərbaycanda daha 43 nəfər koronavirusa yoluxdu, 6 nəfər sağaldı - Operativ Qərargah
03 Aprel 12:06
Vüsal Qasımlı: İnvestisiya fəallığının artırılması böhranla mübarizədə ən effektiv yoldur
03 Aprel 11:57
Əli Əhmədov: Hər kəsin vətəndaş mövqeyini və şəxsi məsuliyyətini ortaya qoyması zamanıdır
03 Aprel 11:46
Bakı polisi: Xüsusi karantin rejiminin pozulması hallarına qarşı tədbirlər davam etdirilir
03 Aprel 11:44
Xətai rayonunda Məzahir Rüstəmov və İnqilab İsmayılov küçələri yenidən qurulur
03 Aprel 11:08
Hikmət Babaoğlu: Bu ağır günlərdə birinci dərəcəli vətəndaşlıq borcumuz maksimum özünütəcriddir
03 Aprel 11:00
Rezin əlcəklərdən istifadə qaydası
03 Aprel 10:53
Mübariz Qurbanlı: Dövlət siyasətinin əsas məqsədi vətəndaşların təhlükəsizliyi və sağlamlığının təminidir
02 Aprel 20:16
Nazirlər Kabineti yanında Operativ Qərargah ölkədə hərəkət məhdudiyyətlərinin tətbiqi ilə bağlı Qərar qəbul edib
02 Aprel 20:07
Hüseyin Altınalan: Aprel döyüşlərində Azərbaycan həm hərbi, həm də siyasi sahədə qələbə qazandı
02 Aprel 20:05
Türkiyədə koronavirusla bağlı insanların maarifləndirilməsi məqsədilə serial çəkilir
02 Aprel 20:02
Neftçalada Aprel şəhidlərinin məzarları ziyarət olunub
02 Aprel 19:15
Mehriban Əliyeva: Aprel döyüşlərində Vətən uğrunda qəhrəmancasına həlak olmuş igid oğullarımızın əziz xatirəsi qəlbimizdə daim yaşayacaqdır
02 Aprel 17:21
Dəstək proqramları iqtisadi dayanıqlılığı və etibarlı sosial müdafiəni təmin edəcək
02 Aprel 17:18
YAP könüllülərindən həkim və polislərə dəstək (VİDEO)
02 Aprel 17:17
Gənclərdən "Evdə qal, ailəni, cəmiyyəti qoru" çağırışı (VİDEO)
02 Aprel 17:12
Yeni Azərbaycan Partiyası Əmək və Əhalinin Sosial Müdafiəsi Nazirliyi ilə birgə ahıllara, tənhalara sosial xidməti davam etdirir
02 Aprel 17:10
Heydər Əliyev Fondu “Həyatın dəyərlidir! Evdə qal, Azərbaycan!" sosial layihəsinə start verib
02 Aprel 17:07
Siyavuş Novruzov: Müasir tariximizdə ən uğurlu hərbi əməliyyatlardan olan Aprel döyüşləri Azərbaycan xalqının heç vaxt işğal faktı ilə barışmayacağını bir daha nümayiş etdirdi
02 Aprel 16:58
Azərbaycan Respublikası Milli Məclisinin Mətbuat xidmətinin məlumatı
02 Aprel 16:49
Sosial şəbəkələrdə koronavirusla bağlı həqiqətə uyğun olmayan məlumatlar yayan şəxs həbs olunub
02 Aprel 16:38
Çin COVID-19 pandemiyası ilə mübarizədə Azərbaycana yardım edib
02 Aprel 16:19
Azərbaycan XİN Kəlbəcər rayonunun işğalının 27-ci ildönümü ilə bağlı bəyanat yayıb
02 Aprel 16:14
Dağlıq Qarabağ bölgəsinin azərbaycanlı icması Kəlbəcərin işğalının 27-ci ildönümü ilə əlaqədar bəyanat yayıb
02 Aprel 16:08
Prezident İlham Əliyev: Aprel döyüşləri dövlətimizin, ordumuzun gücünü, xalqımızın birliyini, vətənpərvərliyini nümayiş etdirdi
02 Aprel 15:22
Ekspert: Ödənişlərin verilməsi Azərbaycanın sosial statusa malik dövlət kimi mövqeləşməsinə şərait yaradacaq
02 Aprel 14:40
Elçin Əhmədov: Aprel döyüşləri nəticəsində Ermənistanın “qüdrətli ordusu”nun yalnız mif olduğu sübut edildi
02 Aprel 13:24
Karantin rejimində vətəndaşların hansı hallarda evdən çıxa biləcəyi qaydalarına dair sənəd hazırlanır
02 Aprel 12:56
İbrahim Məmmədov: Azərbaycana tibbi maska istehsalı üçün xammal gətirilib
02 Aprel 12:26
Leyla Abdullayeva: Beynəlxalq ictimaiyyət Ermənistanın təşkil etdiyi qanunsuz “seçkilər”i qətiyyətlə pislədi və rədd etdi
02 Aprel 12:22
Operativ Qərargah: İnsanların ciddi şəkildə özünü təcridi üçün şərait yaradılıb
02 Aprel 12:18
Koronavirusa 41 yeni yoluxma halı qeyd olunub
02 Aprel 11:56
Yaqut Qarayeva: Xəstəlikdən qorunma yolu hər bir şəxsin özünü izolyasiya etməsidir
02 Aprel 11:19
Naqif Həmzəyev: Dövlətin dəstək proqramı “Biz birlikdə güclüyük!” şüarını bir daha təsdiqlədi
02 Aprel 11:00
Xərçəng xəstələrinə koronavirusla bağlı onkoloji tövsiyələr
02 Aprel 10:52
Yol polisi: Bu günədək 16 min 256 nəqliyyat vasitəsi ilə postlardan keçmək cəhdinin qarşısı alınıb
02 Aprel 10:45
Şanlı Aprel döyüşlərindən dörd il ötür
02 Aprel 10:32
Ombudsman əlilliyi olan şəxslərin hüquqlarının müdafiəsi ilə bağlı müraciət edib
02 Aprel 10:12
Kəlbəcərin işğalından 27 il ötür
01 Aprel 20:14
Şakir Rəhimov: Dövlətimiz pandemiyanın təsirini azaltmaq üçün zəruri tədbirlər görür
01 Aprel 20:05
Aydın Hüseynov: Azərbaycan dövləti bu proqramlarla özünün iqtisadi və sosial gücünü bir daha nümayiş etdirdi
01 Aprel 20:02
Sahib Məmmədov: Fəaliyyətini şəffaf quran, işçilərlə əmək müqavilələri bağlayan sahibkarlar dəstəkdən daha çox faydalanacaqlar
01 Aprel 19:59
Fikrət Yusifov: Dövlətdən öz zərərlərini bağlamaq üçün dəstək alan hər bir sahibkar daha dürüst olmağa borcludur
01 Aprel 19:57
İqtisadi sektorlar və sahibkarlar üçün geniş və əhatəli dövlət dəstəyi proqramları hazırlanıb
01 Aprel 19:54
ÜST-nin Baş direktoru COVID-19-un təsirinin və miqyasının məhdudlaşdırılması istiqamətində Azərbaycan Prezidentinin siyasətini təqdir edir
01 Aprel 17:25
“ASAN xidmət” vətəndaşlara #OGünGələcək pozitiv mesajını ötürüb
01 Aprel 17:21
Prezident İlham Əliyev Şamil Ayrımı “Dostluq” ordeni ilə təltif edib
01 Aprel 17:09
Milli Məclisin Regional məsələlər komitəsinin onlayn iclası keçirilib
01 Aprel 17:07
İtaliya XİN Azərbaycanın Dağlıq Qarabağ bölgəsində keçirilən qanunsuz “seçkiləri” tanımadığını bəyan edib
01 Aprel 16:57
Şamil Ayrım: İşğalçı Ermənistanın növbəti təxribatçı əməli sülh danışıqlarına zərbədir
01 Aprel 15:36
YAP-ın Əmək və Əhalinin Sosial Müdafiəsi Nazirliyi ilə birgə yaşlılara və tənhalara sosial xidmət aksiyası davam edir
01 Aprel 15:29
Sevinc Fətəliyeva: Beynəlxalq birlik işğal olunmuş Dağlıq Qarabağda keçirilən qondarma seçkiləri birmənalı şəkildə qəbul etmir
01 Aprel 15:22
Əli Əhmədov: Dağlıq Qarabağ separatçılarının növbəti “seçkiləri” böyük rüsvayçılıqla başa çatdı
01 Aprel 15:02
Neftçalada koronavirus pandemiyasının qarşısının alınması məqsədilə maarifləndirmə işləri davam etdirilir
01 Aprel 14:59
Tahir Mirkişili: Azərbaycan dövlətinin dəstək proqramları kifayət qədər düşünülmüş proqramlardır
01 Aprel 14:08
Milli Məclisin Əmək və sosial siyasət komitəsinin onlayn iclası olub
01 Aprel 13:57
Uşaqlara Koronavirus barədə necə danışaq?
01 Aprel 13:23
Erkan Özoral: İşğal olunmuş Dağlıq Qarabağda keçirilmiş qondarma "seçkilər"i heç bir şəkildə tanımayacağıq
01 Aprel 12:50
Elçin Əhmədov: Azərbaycanın işğal olunmuş Dağlıq Qarabağ bölgəsində keçirilən “seçkilər” oradakı cinayətkar rejimin özü kimi qondarmadır
01 Aprel 12:48
Mehriban Əliyeva: Hər birimiz dövlət tərəfindən görülən tədbirlərin vacibliyini dərk etməli və maksimum dərəcədə vətəndaş məsuliyyəti nümayiş etdirməliyik
01 Aprel 11:11
Bakı polisi: Paytaxtda koronavirusun yayılmasına qarşı məhdudiyyətlər gücləndirilir

Video

 

Müsahibə

»»»
 

Müəlliflər


»»»
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
HAVA HAQQINDA