Email
Menyu
Abunə
Xəbərlərə abunə:
Sorğu: Səsvermə
Ən çox izlədiyiniz rubrika?
Bu yazını qiymətləndirirsiniz?
(cəmi 0 səs)
Çox oxunanlar
- Prezident İlham Əliyev Türkiyə Silahlı Qüvvələrinin Baş Qərargah rəisi Nejdət Özəlin başçılıq etdiyi nümayəndə heyətini qəbul edib
- Münxen Təhlükəsizlik Konfransında dünyanın siyasi-iqtisadi gündəliyindəki ən vacib məsələlər müzakirə edildi
- 2012-ci ildə Azərbaycanda böyük infrastruktur layihələri həyata keçiriləcək
- Prezident İlham Əliyev Albaniyanın ölkəmizdəki səfirinin etimadnaməsini qəbul edib
- Azərbaycan Prezidenti İlham Əliyev Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Filip Lefortu qəbul edib
- Əli Həsənov: Hesab edirəm ki, Türkiyə Böyük Millət Məclisində Xocalı ilə bağlı müəyyən qərarlar qəbul etmək imkanı olacaq
- Azərbaycanın birinci xanımı Mehriban Əliyeva Fransa Senatının nümayəndə heyəti ilə görüşüb
- Prezident İlham Əliyev İndoneziyanın Azərbaycandakı səfirinin etimadnaməsini qəbul edib
Məlumatın oxunma imkanı:
Misir Mərdanov: Sentyabrın 15-dək məktəblərin mühafizəsi ilə bağlı bir sıra yeniliklərin şahidi olacaqsınız
Növbəti tədris ilinin başlanmasına cəmi bir neçə gün qalır. 2009-2010-cu tədris ilinə hazırlıqlar, demək olar ki, başa çatıb. Məktəblərin İKT ilə təminatı, yeni dərsliklərin nəşri yekunlaşıb. Ötən buraxılış imtahanlarının yekunları təhlil edilib. Məktəb binalarının təmir-tikinti, təchizat məsələləri həll edilib və bu proses davam edir.
Yeni dərs ilindən başlayaraq, xeyli yeniliklər tətbiq ediləcək. Məsələn, bu ildən başlayaraq, Bakı şəhərində, gələn ildən isə ölkə üzrə bütün orta məktəblərdə vakant müəllim yerləri ilə bağlı Təhsil Nazirliyinin internet saytında elanlar veriləcək. Həmin yerlərə iddialılar elektron ərizə ilə müraciət etmək imkanı qazanacaqlar.
Daha bir yenilik isə təhsil müəssisələrində təhlükəsizlik tədbirlərinin gücləndirilməsi ilə bağlıdır. Bu məqsədlə bu il büdcədən 6 milyon manat vəsait ayrılması nəzərdə tutulub. Həmin vəsait əməkhaqqı şəklində Təhsil Nazirliyinin müəyyən etdiyi təhsil ocaqlarında təhlükəsizliyi qoruyacaq mühafizə xidməti idarələrinə ödəniləcək.
Təhsil Nazirliyindən bildirilib ki, məktəblərdə mühafizə tədbirlərinin dövlət orqanlarına tapşırılması barədə qərar qəbul olunub. Qərara görə, Bakıda və rayon mərkəzlərində, əhalinin sıx yaşadığı ərazilərdə yerləşən bütün təhsil müəssisələrində mühafizə xidməti fəaliyyət göstərəcək. Həmçinin, özəl ali məktəblərin mühafizəsini də dövlət təşkil edəcək.
Mətbuata verilən açıqlamalardan məlum olur ki, artıq paytaxtda və iri şəhərlərdə yerləşən təhsil müəssisələrinin mühafizəsi üçün hazırlıq işlərinə başlanıb. Daxili İşlər Nazirliyinin Baş Mühafizə İdarəsi yerlərdə mühafizə işinin qurulması imkanlarını araşdırıb. İdarənin rəisi, general Mədət Quliyev qəzetimizə bildirib ki, DİN-in Baş Mühafizə İdarəsi özəl maliyyələşmə prinsipi ilə işləyir və heç bir fərq qoymadan daxil olan bütün müraciətləri dəyərləndirir. Öz vəsaiti hesabına əvvəllər də özəl və ya dövlət olmasından asılı olmayaraq, məktəblər mühafizə olunub: “Bu il də mühafizə məqsədi ilə müraciət edən məktəblər var”.
Təhsil naziri Misir Mərdanov isə dünən açıqlama verərək məsələyə aydınlıq gətirib. O, məktəblərin mühafizəsinin Təhsil Nazirliyini ən cox düşündürən məsələlərdən olduğunu vurğulayıb. Nazir qeyd edib ki, valideynlər, bütövlükdə ictimaiyyət bunu gözləyir. Bu istiqamətdə ölkənin müvafiq hüquq-mühafizə orqanları ilə birgə iş aparılır: “Sentyabrın 15-dək məktəblərin mühafizəsi ilə bağlı bir sıra yeniliklərin şahidi olacaqsınız”.
RUHİYYƏ
Növbəti tədris ilinin başlanmasına cəmi bir neçə gün qalır. 2009-2010-cu tədris ilinə hazırlıqlar, demək olar ki, başa çatıb. Məktəblərin İKT ilə təminatı, yeni dərsliklərin nəşri yekunlaşıb. Ötən buraxılış imtahanlarının yekunları təhlil edilib. Məktəb binalarının təmir-tikinti, təchizat məsələləri həll edilib və bu proses davam edir.
Yeni dərs ilindən başlayaraq, xeyli yeniliklər tətbiq ediləcək. Məsələn, bu ildən başlayaraq, Bakı şəhərində, gələn ildən isə ölkə üzrə bütün orta məktəblərdə vakant müəllim yerləri ilə bağlı Təhsil Nazirliyinin internet saytında elanlar veriləcək. Həmin yerlərə iddialılar elektron ərizə ilə müraciət etmək imkanı qazanacaqlar.
Daha bir yenilik isə təhsil müəssisələrində təhlükəsizlik tədbirlərinin gücləndirilməsi ilə bağlıdır. Bu məqsədlə bu il büdcədən 6 milyon manat vəsait ayrılması nəzərdə tutulub. Həmin vəsait əməkhaqqı şəklində Təhsil Nazirliyinin müəyyən etdiyi təhsil ocaqlarında təhlükəsizliyi qoruyacaq mühafizə xidməti idarələrinə ödəniləcək.
Təhsil Nazirliyindən bildirilib ki, məktəblərdə mühafizə tədbirlərinin dövlət orqanlarına tapşırılması barədə qərar qəbul olunub. Qərara görə, Bakıda və rayon mərkəzlərində, əhalinin sıx yaşadığı ərazilərdə yerləşən bütün təhsil müəssisələrində mühafizə xidməti fəaliyyət göstərəcək. Həmçinin, özəl ali məktəblərin mühafizəsini də dövlət təşkil edəcək.
Mətbuata verilən açıqlamalardan məlum olur ki, artıq paytaxtda və iri şəhərlərdə yerləşən təhsil müəssisələrinin mühafizəsi üçün hazırlıq işlərinə başlanıb. Daxili İşlər Nazirliyinin Baş Mühafizə İdarəsi yerlərdə mühafizə işinin qurulması imkanlarını araşdırıb. İdarənin rəisi, general Mədət Quliyev qəzetimizə bildirib ki, DİN-in Baş Mühafizə İdarəsi özəl maliyyələşmə prinsipi ilə işləyir və heç bir fərq qoymadan daxil olan bütün müraciətləri dəyərləndirir. Öz vəsaiti hesabına əvvəllər də özəl və ya dövlət olmasından asılı olmayaraq, məktəblər mühafizə olunub: “Bu il də mühafizə məqsədi ilə müraciət edən məktəblər var”.
Təhsil naziri Misir Mərdanov isə dünən açıqlama verərək məsələyə aydınlıq gətirib. O, məktəblərin mühafizəsinin Təhsil Nazirliyini ən cox düşündürən məsələlərdən olduğunu vurğulayıb. Nazir qeyd edib ki, valideynlər, bütövlükdə ictimaiyyət bunu gözləyir. Bu istiqamətdə ölkənin müvafiq hüquq-mühafizə orqanları ilə birgə iş aparılır: “Sentyabrın 15-dək məktəblərin mühafizəsi ilə bağlı bir sıra yeniliklərin şahidi olacaqsınız”.
RUHİYYƏ
Siyasət
