Məzahir Pənahov: Avropa İttifaqının Azərbaycandakı seçkilərə müşahidəçi göndərməməsi maliyyə məsələsi ilə bağlı ola bilər

“Avropa İttifaqının Azərbaycanda keçiriləcək parlament seçkilərinə müşahidəçi göndərməməsinin səbəbini onların özündən soruşmaq lazımdır. Ümumiyyətlə, bu qurum müşahidəçiliklə məşğul olmur. Ancaq istənilən halda biz arzu edirik ki, beynəlxalq təşkilatlar müşahidə prosesində iştirak etsinlər. Onlar da bizim bu arzumuzu nəzərə alıb gəlirlər”.
APA-nın məlumatına görə, bunu Mərkəzi Seçki Komissiyasının sədri Məzahir Pənahov Avropa İttifaqının Azərbaycanda keçiriləcək parlament seçkilərinə müşahidəçi göndərməməsi ilə bağlı xəbərə münasibət bildirərkən deyib. Onun fikrincə, ola bilsin ki, bu, maliyyə məsələsi ilə bağlıdır: “İstənilən qurumun əvvəlcədən proqramı tutulur, ola bilər ki, Azərbaycandakı seçkini izləmək o proqrama daxil edilməyib. Bunun başqa səbəbi yoxdur”.
M.Pənahov onu da deyib ki, MSK parlament seçkilərinə hazırlıq çərçivəsində bu il yanvarın 1-dən başladığı işi uğurla davam etdirir.