Əli Əhmədov: Müxalifətin uğursuzluğunda KİV-i günahlandırmaq əsassızdır

“Bugünkü Azərbaycan müxalifəti 20 ildir müxalifətçiliklə məşğuldur. Əgər bu müddət ərzində müxalifət əhali tərəfindən dəstəklənməyibsə, burada medianı günahlandırmaq, ən azından, insafsızlıqdır”. Trend-in məlumatına görə, bunu ATƏT-in təşkilatçılığı ilə keçirilən KİV-in seçkilərdə roluna dair konfransda YAP Sədrinin müavini-İcra katibi, millət vəkili Əli Əhmədov bildirib. O deyib ki, seçki zamanı hər hansı bir partiyanın nümayəndəsinin lazım olan qədər səs toplamaması bütövlükdə seçki prosesinin üzərinə kölgə salmaq üçün əsas vermir: “Hesab edirəm, hökumət Azərbaycanda seçki prosesinin şəffaflığının, seçki prosesinə ictimai nəzarətin təmin edilməsi məqsədilə mətbuata normal şərait yaradıb”.
Əli Əhmədovun fikrincə, seçki kampaniyasının gedişində bütün siyasi partiyalar heç bir qərəz olmadan öz platformalarını Azərbaycan seçicilərinə təqdim edə bilərlər.