2007-ci il oktyabrın 12-də Xəzər dənizi üzərində qəzaya uğramış AZAL-a məxsus olan MİQ-8 helikopterinin qara qutusu oxunub. Baş Prokurorluğun mətbuat xidmətinin rəhbəri Vüqar Əliyevin verdiyi məlumata görə, dövlətlərarası aviasiya komitəsinin araşdırmalarının nəticələri AZAL dövlət konserninə təqdim olunub. Nəticələr əsasında texniki rəy hazırlanır. Bu proses başa çatandan sonra bütün nəticələr prokurorluğa təqdim olunacaq. Hər iki qurumun qəza ilə bağlı araşdırmalarının nəticələri prokurorluğa veriləndən sonra lazımi ekspertizalar təyin ediləcək və qəzanın səbəbləri dəqiqləşdiriləcək.

Xatırladaq ki, helikopterin qəzaya uğraması nəticəsində dörd ekipaj üzvü və Dövlət Neft Şirkətinin iki əməkdaşı həlak olmuşdu.

ZƏRNİŞAN