Dağlıq Qarabağ münaqişəsi müzakirə olunmayacaq

Martın 13-də Rusiya Dövlət Dumasında MDB məkanındakı münaqişələrin nizamlanması ilə bağlı vəziyyətə həsr olunmuş dinləmələrdə Dağlıq Qarabağ münaqişəsi müzakirə edilməyəcək. Bunu APA-ya açıqlamasında Dövlət Dumasının MDB ölkələri və soydaşlarla iş üzrə Komitəsinin üzvü Marina Svirina deyib. O bildirib ki, Dağlıq Qarabağ nümayəndələri dinləmələrə dəvət olunmayıblar. Dinləmələr açıq keçirildiyi üçün istənilən şəxsin iştirak üçün müraciət edə biləcəyini vurğulayan M. Svirina Dağlıq Qarabağ separatçılarından belə bir müraciət daxil olmadığını söyləyib. Onun sözlərinə görə, ərazisində münaqişə olan ölkələrin parlament nümayəndələrinin də tədbirə dəvət olunması nəzərdə tutulmayıb.