YAP Nərimanov rayon təşkilatının Gənclər Birliyi Silahlı Qüvvələrimizin 90 illik yubileyini qeyd edib

YAP Nərimanov rayon təşkilatının Gənclər Birliyi dünən Təfəkkür Universitetində Azərbaycan Silahlı Qüvvələrinin yaradılmasının 90 illiyi münasibətilə tədbir keçirib. Təşkilatın Gənclər Birliyinin sədri Yusif Babanlı Azərbaycan Silahlı Qüvvələrinin keçdiyi şərəfli yoldan bəhs edərək bildirib ki, ordumuz hazırda müasir standartlara cavab verir.
O, qeyd edib ki, Azərbaycan gənclərinin hərbi vətənpərvərlik ruhunda tərbiyə olunması ordunun güclənməsində də müsbət təsirini göstərir.
Təşkilatın Qadınlar Şurasının sədri Məhəbbət İbrahimli çıxışında müharibə şəraitində olan ölkəmizin silahlı qüvvələrinin əhəmiyyətindən danışıb. O, bildirib ki, bu gün Azərbaycanın güclü ordusu var. YAP Nərimanov rayon təşkilatının təlimatçısı Nizami Babaşov Azərbaycanın hərbi büdcəsinin bütövlükdə Ermənistanın dövlət büdcəsinə bərabər olduğunu bildirib.
N.BAYRAMLI