"Mumiya: İmperator drakonun məqbərəsi" artıq dünya prokatlarında

İndiana Cons, Kerri Bredşou və Foks Malderin ardınca, uzunmüddətli ayrılıqdan sonra Hollivudun "Mumiya" axtarışı üzrə peşəkar aktyoru Brendan Freyzer yenidən böyük ekrana dönüş edib. Aktyor bu dəfə Rob Koenin üçüncü "Mumiya: İmperator drakonun məqbərəsi" adlı filmilə pərəstişkarlarının görüşünə gəlib.
Filmin süjet xətti Çin imperatoru Xanın (aktyor Cet Li) dünyanı ordusu ilə öz əsarəti altına almaq istəyi üzərində qurulub. Bu işdə imperatorun köməyinə Çizi Yans (aktrisa Mişel Yeo) adlı cadugər qadın çatır. Sonradan imperatorun cadugərə könlü olsa da, o, sarayın, ən əsası Xanın sadiq qulluqçularından biri Minq Qoyaya vurulur. Hər şey də elə bundan sonra başlayır, əvvəlcə sadiq xidmətçi Manq, daha sonra eşqə düşən cadugər qadın ölümə məhkum olunur. Xanın dünyanı fəth etmək arzusunu, 10 minlərlə ordusunun qarşısını isə Aleks Okonnel alır. Filmdə Aleksin valideynləri–atası Riki 40 yaşlı Brendan Freyzer, anası Evelini isə aktrisa Mariya Bello canlandırırlar.
Qeyd edək ki, bundan öncə ekranlaşdırılan "Mumiya" seriyasından olan iki film yaradıcılarına dünya prokatından 1 milyard dollardan artıq gəlir gətirib.