Prezident 700 bal toplayan sumqayıtlı tələbəyə mənzil həddiyə edib

Bu il ali məktəbə 700 bal toplayaraq Azərbaycan Respublikası Prezidenti yanında Dövlət İdarəçilik Akademiyasına qəbul olmuş Prezident təqaüdçüsü, Təbiət Elmləri Təmayüllü Gimnaziyanın məzunu Elvin Vaqif oğlu Dadaşov Azərbaycan Respublikasının Prezidenti İlham Əliyevin şəxsi hədiyyəsi ilə təltif olunub. Bu barədə Sumqayıt şəhər İcra hakimiyyətinin başçısı Vaqif Əliyev cari ildə ali məktəblərə qəbul zamanı yüksək bal toplamış tələbələrlə görüşündə bildirib. Onun sözlərinə görə, hazırda yataqxanada məskunlaşmış Elvin Dadaşovun ailəsinin yaşayış şəraitinin yaxşılaşdırılması məqsədilə onlara dövlət başçısı tərəfindən Sumqayıt şəhərinin mərkəzində yeni inşa edilmiş yaşayış binasında ikiotaqlı mənzil hədiyyə edilib. V.Əliyev mənzilin açarlarını təntənəli şəkildə onlara təqdim edib.