Mübariz Qurbanlı: Prezident İlham Əliyevin seçkilərdə bütün xalqın qarşısında lider kimi seçilərək növbəti dəfə uğur qazanacağına əminik

"Yeni Azərbaycan Partiyasının (YAP) təşkil etdiyi ilk mitinqdə, minlərlə insanın aksiya da iştirak etməsi bir daha onu göstərdi ki, Azərbaycan xalqı bir lideri tanıyır, bir lideri öz sağlam gələcəyi üçün prezident seçəcək". Bu barədə açıqlamanı SİA–ya müsahibəsində YAP–ın icraçı katibinin müavini Mübariz Qurbanlı verib. "Bu gün keçirilən aksiyada insanların kütləvi şəkildə iştirakı bir daha göstərdi ki, Azərbaycanda İlham Əliyevə alternativ rəqib yoxdur. Çünki, İlham Əliyevin həyata keçirdiyi dövlət əhəmiyyətli siyasəti heç bir namizəd bacara bilməz", – deyən M.Qurbanlı dünən keçirilən aksiyanı da YAP–ın və onun rəhbəri, Prezident İlham Əliyevin növbəti uğuru kimi qiymətləndirib. M.Qurbanlı dövlət başçısı İlham Əliyevin prezident seçkilərində növbəti dəfə uğur qazanacağına əminliyini ifadə edib.