Rusiya və Gürcüstanla sərhədlərin delimitasiyası ilə bağlı danışıqlar aparılır

Rusiya və Gürcüstanla sərhədlərin delimitasiyası ilə bağlı danışıqlar davam etdirilir. Bu barədə SİA-nın bölgə müxbirinə Gəncədə səfərdə olan Dövlət Torpaq və Xəritəçəkmə Komitəsinin sədri Qərib Məmmədov bildirib. Onun sözlərinə görə, hazırda Rusiya dövləti ilə razılaşdırılmamış 3 məntəqə qalıb. Bunlar Balakən rayonundakı Gürcüstan, Rusiya və Azərbaycan sərhədlərinin kəsişdiyi “Stık” deyilən ərazidir. Burada təxminən 30 hektar ərazi razılaşdırılmayıb.
Digər razılaşdırılmayan yer isə Xaçmazdakı Yalama meşəsinin təxminən 8,5 hektar ərazisidir. Həmçinin, Gürcüstan Respublikası ilə də 170 km ərazi razılaşdırılmayıb. “Artıq ekspertlər səviyyəsində işlər tam yekunlaşıb. İstər Rusiya, istərsə də Gürcüstanlı mütəxəssislərlə keçiriləcək görüşdə bu məsələlər bir daha müzakirə olunacaq”, - deyə Q.Məmmədov əlavə edib.